TBP Balochi

بلوچستان ءِ دمگ کیچ شاھرک موبائل نیٹ ورک ءُ انٹرنیٹ ءِ بندش ءِ ھلاپ ءَ سی پیک ءِ دگ ایم 8 ءِ 2 جاہ ءَ بند کنگ بوتگ۔

ھالانی رد ءَ دمگ ءِ انٹرنیٹ فور جی ءُ موبائل فون نیٹ ورک ءِ بند بوھگ ءِ ھلاپ ءَ چار شمبے ءِ سھب ءَ چہ شاھرک ءِ دمگ ءِ نندوکاں سی پیک ایم 8 شاہراہ دو جتا جتائیں جاہ ءَ بند کتگ۔

دمگ ءِ نندوکیں مردمانی گشگ ءِ رد ءَ دمگ ءَ بے سبب ءَ موبائل نیٹ ورک ءُ انٹرنیٹ ءِ نزام بند کنگ بوتگ کہ ایشی ءِ سبب ءَ مردم دگ ءِ سر ءَ زھرشانی کنگ ءَ لاچار انت۔

اسکول پور آل ویلفئر آرگنائزیشن (ایس ایف اے )ءِ چارومی سالگَشت ءِ درگت ءَ ￴یکم اکتوبر 2024 ءَ ماں ایس ایف اے ءِ زانت اکیڈمی رئیس آباد تمپ ءَ یک دود ءُ ربیدگی مراگشے جَم دارگ بوتگ-

شنگ بیتگیں درشان ءَ گوشگ بیتگ مراگش ءِ بندات چہ قران تلاوت ءَ بوتگ، مراگش ءِ ￵گُشتانکی بھر ءَ ￴ ￴ ایس ایف اے ءِ بُنجائی پتر ءِ باسک اتفاق ایمن ءَ ایس ایف اے ءِ چار سالی کارپدانی سرا مھلوک ءَ ￴را سرپدی داتگ۔

درشان ءَ گوشگ بیتگ پد ءَ گشتانک دیان ءَ ￴ایس ایف اے ءِ سر ءُ ￶سوجی پَتّر ءِ باسک ڈاکٹر الیاس بلوچ ءَ شھید درویش عزیز ءِ زند ءِ سر ءَ چمشانک داتگ ءُ ￶آئی ءِ کرد ءَ ￴را ساڑاتگ-

شنگ بیتگیں درشان ءِ رد ءَ ایس ایف اے ءِ سر ءُ ￶سوجی پَتّر ءِ باسک نعیم شاد ءَ بلوچ دود ءُ ربیدگ ءِ سر ءَ تران کرتف ءُ ￶بلوچ دود ءُ ربیدگ ءِ ￵بازیں تک ءُ پھناتانی سرا وتی ھیال درشان کرتگ انت۔

شنگ بیتگیں درشان ءَ گوشگ بیتگ مراگش ءِ جارکش بُنجائی کمیٹی ءِ باسک کامران بلوچ ءَ پیلو کرتگ اَنت-

مراگش ءَ زانت اکیڈمی ءِ نودربراں بھر زوران ءَ بلوچ دود ءُ ربیدگ ءِ سر ءَ ٹیبلو، بلوچی سوت، شئر ءُ ￶شائری، بلوچی چاچ ءُ ￶بتل ءُ لیلو درشان کرتگ انت۔

مراگش ءَ زانت ءِ نودربراں ھوار مزنیں کساسے ءَ زالبول ءُ مردیناں بھر زُرتگ ءُ ایس ایف اے ءِ جُھد ءَ ￴را ساڑاتگ-

مراگش ءِ گُڈسرا نودربراناں داد ءُ ￶ساڑائی میڈل دیگ بوتگ اَنت-

راجی سرمچار

روزرد بلوچ

دی بلوچستان پوسٹ

راجی سرمچار زندگ بات
شیریں مئے گُہار زندگ بات

کُنگُر اسلمی اوبادگ
بیلاں گوں ھوار زندگ بات

جکسنت کیمپ گوں کپتاناں
بمبانی توار زندگ بات

تیر ءِ پہ وتا درچِت ما
تیرانی کتار زندگ بات

ھیروف دُشمِن ءَ بے وس کنت
گوں تو اے مھیار زندگ بات

ہَکّل ! سرزمیں ءِ ￵ آواز
جنگانی بہار زندگ بات

جنگجاہ مُہکمیں بولان ءِ
کُوھی نرمزار زندگ بات

کندیل کِشتگیں پُلیں ما
کِندیل ءِ توار زندگ بات

میرک ،طالب ءِ براتیں ما
بولانی مزار زندگ بات

روزرد آجوئی ءِ ￵جُنز ءَ ￴
راج ءَ گوں ھوار زندگ بات

بلوچستان ءِ دمگ ڈیرہ مراد جمالی ءُ خضدار ءَ گوں پولیس ءَ تیرگواری ءِ وئیلاں یک پولیس کارمندے ءَ ھوار چار مردم بیران ءُ پنچ ٹپیگ بیتگ انت۔

ضلعی جیل ڈیرہ مراد جمالی ءِ دروازگ ءَ ناشناسیں سلاہ بندیں مردماں زندانیان ءِ وین ءِ سر ءَ تیرگواری کتگ کہ ایشی ءِ آسر ءَ دو مردم بیران بوتگ اَنت، یک زندانی ءُ یک مبینہ اُرش ءِ بیران بوتگیں مردمانی تہ ءَ ھوار بوتگ ءُ یک زندانی یے ٹپیگ بوتگ کہ ایشی ءِ تہ ءَ سئے پولیس کارندہ ھوار اَنت، پولیس ءِ ٹپیگ بوھگ ءِ ھال راست کتگ-

پولیس ءِ مزنیں مُچی یے ضلعی جیل ءَ سر بوتگ ءُ ٹپیگاں ڈیرہ مراد جمالی نادراھجاہ ءَ سر اش کتگ انت۔

دومی نیمگ ءَ خضدار جھلاوان کمپلیکس ءَ پولیس ءُ گمانی ڈنگانی نیام ءَ تیرگواری ءَ یک پولیس ءُ یک ڈنگے جاہ پہ جاہ ءَ بیران بوتگ انت۔

واکدارانی رد ءَ تیرگواری ءَ یک ڈنگے دزگیر کنگ بوتگ وھدے کہ راہ گوزے ھم ٹپیگ بوتگ ۔

نوشکی ءَ پاکستانی لشکر ءِ پوسٹ نشانگ جوڑ کنگ ءَ پد اُرشکاراں پشت مانداتگ ءُ شتگ انت-

بلوچستان ءِ دمگ وشکی ءَ پاکستانی لشکر ءِ کیمپ ءَ سلاہ بندیں مردماں نشانگ جوڑ کتگ۔

اے اُرش زرین جنگل ءَ جوڑ بوتگیں فورسز ءِ پوسٹ ءِ سر ءَ کنگ بوتگ۔ دمگی وسیلگ ءِ رد ءَ اُرش ءِ وھد ءَ مزنیں تیرگواری ءُ تراکانی توار ایش کنگ بوتگ انت۔

اے درگت ءَ واکداراں ھچ وڑیں ھال ءُ اھوال نہ داتگ۔

چشکہ بلوچستان ءِ دگہ دمگانی ڈول ءَ بلوچ سلاھبندیں آجوئی لوٹوکیں نوشکی ءَ ھم پرکار اَنت کہ اودا پاکستان آرمی، سرکار ءِ کمک ءَ مردم ءُ مادن باریں گاڑی وڑ وڑیں اُرشاں نشانگ جوڑ کنگ بوتگ اَنت۔

روکپتی بلوچستان ءِ بنجاھی شھر زاھدان ءُ زابل ءِ راہ ءَ گوستگیں شپ ءَ پیش اتکگیں یک وئیلے ءَ کساس یک مردمے.بیران ءُ پنچ کس زدگ بیتگ اُنت-

وئیل لوتکہ ءِ دمگ ءُ زابل ءُ زاھدان ءِ راہ ءَ پیش اتکگ کہ اود ءَ یک سواری گاڑی ءُ یک تیل کشیں گاڑی ءَ ٹکر وارتگ ءُ چریشی ءَ تیل کش ءِ ڈرائیور ستکگ ءُ بیران ءُ آئی ءَ سواریں مردم زدگ بیتگ-

دومی گاڑی یک سواری گاڑی یے بیتگ کہ آئی ءَ چار کس سوار بیتگ اَنت ءُ چریشی ءَ ھرچاریں مردم زدگ بیتگ اَنت-

بیران بیتگیں مردم ءِ پجار مھمود براھوئی ء اھمد ءِ نام ءَ زانگ بیتگ کہ آ زابل ءِ جھمنند گوشگ بوگ ءَ اِنت- زدگ بیتگیں مردمانی پجار زانگ نہ بیتگ اَنت-

زدگ بیتگیں مردم درمانی ءَ ھسپتال ءَ برگ بیتگ اَنت- وئیل ءَ ھردوکیں گاڑیاں ڈیکر ورگ ءَ گاڑیاں آس کپتگ ءُ تیل کش ءِ ڈرائیور ءَ ھمود ءَ وتی ساہ داتگ اَنت-

بلوچ یکجھتی کمیٹی ءَ وتی درشان ءِ تہ ءَ گْوشتگ کہ ھمے سال بیست ھشت جولائی دوھزار بیست چار ءَ بلوچستان ءِ شھر گوادر ءَ بلوچ راجی مچی زوراکی ءِ ندارگ ءَ مٹ کتگ-

آئی ءَ گْوشتگ کہ راجی مچی ءَ بھر زیرگ ءِ وھد ءَ وھدے تلار ھند سر ءَ پوج ءَ دگ بند کتگ گُڑا پاکستانی پوج ءَ ھُزدار ءِ تھسیل چہ گریشہ نال ءَ سیادی داروکیں بیست ھپت سالی ئیں پوریاگر عبدالستار پاد ءَ تیر جتگ – ٹپ ءَ آ پہ مدامی معزور کتگ-

آئی ءَ گْوشتگ کہ دگانی بندی، دامگ بندی، الاج نہ بیگ ءِ سبب ءَ آئی ءِ جاور گیش نگیگ بیتگ اَنت کہ بلوچ راج ءِ وشھالی سرکار ءِ نادلگوش کنگ ءِ پدری اِنت-

دیمتر ءَ گوشتگ کہ ورنایاں پاکستانی چیریں ادارھانی نیمگ ءَ یکشل ءَ تُرسینگ ءِ دیمپانی اِنت، راجی مچی ءِ درگت ءَ چہ جست پُرس کنگ ءَ ھر روچ وتی بُنجل ءَ لوٹائینگ بنت- ھمکروچ پیشی اشانی زندگی ءُ اشی ءِ کھول پھاز واستا یک ھترھے ءِ- اے یکشل ءَ تُرسینگ اش ءُ اشانی کھول دوئینانی واستا ھاسکار سسّائی دلسیاھی ءِ سبب جوڑ بیتگ- اگاں اش ءُ اشانی کھول ءَ تاوانے رست گُڑا آئی ءِ زمہ واری ریاست ءُ چیریں ادارھانی سر ءَ بیت-

بلوچ لبریشن آرمی ءَ شنگ کتگیں درشان ءِ تہ ءَ گْوشتگ کہ مئے سرمچاراں تمپ ءُ کوھلو ءَ چار جتاجتائیں اُرشاں زورگریں پاکستانی پوج ءَ بلوچ راجی مڈیاں بروکیں گاڑی ءُ ھال اھوالی ٹاور نشانگ کتگ-

بی ایل اے ءِ سرمچاراں گوستگیں شپ ءَ کیچ ءِ دمگ تمپ، رودبن ءَ یکیں وھد ءَ دو جتاجتائیں ھندانی سر ءَ زورگریں پوج ءِ بُنجاھی بُنجل ءُ یک پوسٹے اُرشانی نشانگ کتگ اَنت-

جارکش ءَ گوشتگ کہ سرمچاراں رودبن بازار ءَ زورگریں پاکستانی پوج ءِ بُنجاھی بُنجل سر ءَ راکٹ ءُ دگہ نوکیں سلاھاں چہ اُرش کتگ بُنجل ءِ تہ ءَ پھازوکی چوکیانی سر ءَ راکٹ لگگ ءَ چہ دو دُژمنیں کارمند جاہ پہ جاھے مرتگ اَنت ءَ کم چہ کم سے کارمند ٹپی بیتگ اَنت وھدے کہ دُژمنیں پوج ءَ مالی تاوان ھم چست کنگ کپتگ-

جارکش ءَ دیمتر ءَ گوشتگ مئے سرمچاراں دگہ یک ٹولی ءَ رودبن ءَ شاھاپ کراس سر ءَ برجاھیں زورگریں پاکستانی پوج ءِ پوسٹ اُرش ءِ نشانگ کتگ، سرمچاراں دُژمنیں پوج سر ءَ گرنیڈ لانچر ءَ چہ بازیں گولھے آس داتگ ءُ مزنیں سلاھاں چہ اُرش کتگ – اُرش ءِ آسر ءَ کم چہ کم دو دُژمنیں کارمند ٹپی بیتگ اَنت-

جارکش ءَ گوشتگ کہ بی ایل اے سرمچاراں بیست پنچ ستمبر کوھلو ءِ دمگ چمالنگ کش گوراں زورگریں پاکستانی پوج ءِ سروکی ءَ بلوچ راجی مڈیاں لُٹ پُل ءَ ھواریں مردماں کڈن کن ایں کہ بلوچ لبریشن آرمی راجی مڈیاں لُٹ پُل ءَ کس ءَ موکل ندے ایں، دیمتر ءَ مئے اُرش گیش تُرندتر بنت-

بلوچ لبریشن آرمی ءَ گوشتگ کہ مئے سرمچاراں دگہ یک کاروائی یے کوھلو ءُ بارکھان ءِ میانی دمگ بالا ڈھاکہ ءَ ھژدہ ستمبر ءَ یک ھال اھوالی ٹاورے نشانگ کتگ ءُ تباہ کتگ-

بلوچ لبریشن آرمی اے اُرشانی زمہ واری ءَ منّ اِیت ءُ اے اِھد کنت کہ بلوچ سرڈگار ءِ وتواجھی ءَ تاں مئے سلاہ بندیں اُرش برجاہ بنت-

کیچ ءِ بُنجاھی شھر تربت ءَ تعلیمی چوک ءَ ایف سی چیک پوسٹ سر ءَ تراک ، جونیئر افیسر ءَ ھوار دو کارمند ٹپی بیتگ اَنت-

پولیس رِد ءَ تعلیمی چوک تربت ءَ ایف سی 168 ونگ پوسٹ سر ءَ تراک آسر ءَ نائیک اشرف ءُ شاھی طاہر ٹپی بیتگ اَنت پہ الاج ھاتر ءَ نادُراھجاہ ءَ برگ بیتگ اَنت-

تراک ءَ پد پولیس ءُ چیریں ادارہ زوت اود ءَ سر بیتگ اَنت جاگہ چار ٹپاس کتگ ءُ اُرشکارانی پٹ پول بندات کتگ-

زھرشانی ءَ بیگواھیں ورنایانی پجارینگ ءِ واستا زھرشانی نندانک، دگ بند کنگ بوتگ-

بلوچستان ءِ تیابدپی شھر گوادر ءِ ھند پسنی ءِ جھمنند محمد شفقت ءُ عبدالسلام باقی ءِ بیگواھی ءِ ھلاپ ءَ پسنی زیروپوائنٹ زھرشانی ءُ دگ بند کنگ بیتگ –

پسنی ءِ زھرشانی کنوکاں گْوشتگ کہ اے دوئیں مردم اے سال ءِ 13 اپریل ءَ پاکستانی لشکر ءَ دزگیر کتگ ءُ ناشناسیں جاھے ءَ برتگ انت، چہ انگت ءَ آ بیگواہ اَنت۔

پسنی ءِ زھرشانی کنوکاں لوٹ کتگ کہ درمحمد شفقت ءُ عبدالسلام باقی زوت جاہ ءَ آرگ بہ بنت ءُ رکّینگ بہ بنت اگاں نہ مئے زھرشانی برجاہ بیت ءُ گیشتر شدید بیت، سرجمیں زمہ واری واکدار ءُ صوبائی سرکار ءِ سر ءَ بیت، آیاں لوٹ کتگ کہ انسانی ھکانی گل اے جیڑہ ءَ دلجمی ءَ بہ زیر اَنت-

زانگ بہ بیت مرچی بلوچستان ءِ سئے جتا جتائیں شھراں بلوچستان ءِ پہ زوریں بیگواھیانی ھلاپ ءَ زھرشانی ءِ دھرنا بوھگ ءَ اِنت خاران ءِ سیاسی ءُ چاگردی گلانی زھرشانی ءِ دھرنا تاں پنچمی روچ ءَ برجاہ انت-

ھمے وڑ ءَ بلوچستان ءِ دمگ پنجگور ءَ چہ بیگواہ بوتگیں دو برات صابر نور ءُ عابد نور ءِ واستا مروچی دومی روچ ءَ دھرنا برجاہ اِنت۔

پنجگور بیگواھیں مردمانی سیاداں گوستگیں روچ ءَ پریس کانفرنس ءِ وسیلگ ءَ انتظامیہ ءَ را دو بج ءَ تاں داتگ ات کہ آہانی دوئیں برات یل نہ بوتگ انت وھدے کہ سیاداں احتجاجی سی پیک روڈ پہ سرجمیں ٹریفک ءَ بند کتگ۔