TBP Balochi

بلوچستان لبریشن پرنٹ ءِ ￵جارکش میجر گوھرام بلوچ ءَ رسانکدر ءَ ￴وتی شنگ کرتگیں درشانے ءَ ￴گوشتگ کہ سرمچاراں ھبدہ اکتوبر پنچ شمبے ءِ نمیروچ ءَ ￴کولواہ ءِ ￵ھند شاہ ءُ ￶باتل ءَ ￴سنگر گپتگ ءُ ￶پاکستانی پوج ءِ ￵کارمندانی سر ءَ ￴اُرش کرتگ۔ اُرش ءَ ￴مزن ءُ ￶نوکیں سلاہ کارمرز کرتگ اَنت ایشی ءِ نشانگ ءَ ￴آیگ ءَ چہ سے پاکستانی پوج ءِ ￴کارمند مرتگ ءُ ￶دو ٹپی بیتگ اَنت۔

آئی ءَ ￴گوشتگ کہ اے اُرش ھما وھد ءَ ￴کتگ کہ پاکستانی پوج ءِ ￵کارمند پہ بنجل ءَ ￴راشن بروکیں گاڑیانی پھازداری ءَ ￴آتکگ اَنت۔ اُرش داں بیست دمان ءَ ￴برجاہ بیتگ۔

جارکش ءَ ￴گوشتگ کہ بی ایل ایپ ءِ ￵انٹیلیجنس ءِ ٹولی ءِ ￵ھال دیگ ءَ ￴سرمچاراں پیسر ءَ ￴راہ ءِ ￵سر ءَ ￴سنگر گپتگ ءُ ￶دژمنیں پوج ءِ ￵سر بیگ ءَ ￴ترندیں تیرگواری کرتگ ءُ ￶آیاں ￴جانی ءُ ￶مالی تاوان داتگ۔

جارکش ءَ ￴گوشتگ کہ چہ سرمچارانی سوبمندیں اُرش ءَ ￴پد ترس آماچ بیتگیں پوجی کارمنداں لس آبادیانی سر ءَ ￴تیرگواری کرتگ ایشی ءِ نشانگ ءَ ￴آؤکیں یک چکے روشن ء فقیر ٹپی بیتگ۔

جارکش ءَ ￴گوشتگ کہ بی ایل ایف بلوچستان ءِ ￵جتاجتائیں ھنداں مردمانی پلہ مرزی ءُ ￶انٹیلیجنس ءِ ھال دیگ ءَ ￴وتی کاروائیاں پیلو کنت ءُ ￶مرچیگیں کاروائی ھم سرجم ءَ ￴انٹیلیجنس ءِ ￵ھالانی رِد ءَ ￴بیگ۔

میجر گوھرام ءَ ￴اُرش ءِ ￵زمہ واری منّ اتگ ءُ ￶گوشتگ کہ داں بلوچستان ءِ ￵آجوئی ءَ ￴کاروائیانی برجاہ دارگ ءِ ￵کول ءَ ￴کن ایں۔

اسرائیل ءَ درسرکاری ھساب ءَ حماس راھشون یحییٰ سنوار ءِ کوش ءِ ٹاہ داتگ-

اسرائیلی رسانکدر ءَ درسرکاری وسیلگ ءَ گوشتگ کہ زرباری غزہ ءَ یک کاروائی ءِ میان ءَ اسرائیلی پوج ءَ حماس ءِ یک ھاسیں راھشون ءُ کماندار یحییٰ سنوار کشتگ-

اسرائیلی رسانکدر رِد ءَ مروچی سھب ءَ زرباری غزہ ءَ یحیٰی سنوار کوش گمانی وئیلی دروشم ءَ بیتگ- گشت ءَ ساڑی ئیں اسرائیلی پوجیاں ٹاہ داتگ کہ آیاں یک نزیکیں ماڑی ءِ تہ ءَ بازیں حماس ءِ باسکانی ساڑی بیگ ءِ ھال سر ءَ کاروائی کتگ ءُ اسرائیلی ٹینکاں چہ ماڑی نشانگ کتگ اَنت-

اسرائیلی رسانکدر رِد ءَ لمبتگیں ماڑی ءِ پٹ پول ءَ پد پوجیاں یحیٰی سنور ءِ لاش دزکپتگ چریشی ءَ پد پجّار ھاتر ءَ مُھریں جاھے ءَ برتگ-

اسرائیلی رسانکدر ءَ لاش ءِ اکس شنگ کتگ ٹاہ داتگ کہ اے حماس راھشون ئیگ اِنت، اکس ءَ یحییٰ سنور ءَ کلاشنکوف ءُ جاٹ گور ءَ بیتگ زمین سر ءَ مردگے ءَ گندگ کئیت-

اسرائیلی رسانکدر ءَ اے ھم ٹاہ داتگ کہ صدر جو بائیڈن ھوار امرایکی واکداراں حماس ءِ راھشون ءِ مرگ ھال داتگ – آیانی گوشگ اِنت کہ یحییٰ سنوار گمانی ھساب ءَ مروچی سھب ءَ غزہ ءِ سیمسر ءَ یک اُرشے ءَ جنگ بیتگ ءُ آئی ءِ پجّار کنگ برجاہ ءَ اِنت-

بلے حماس راھشون ءِ مرگ درگت ءَ چہ انگت سرکاری نیمگ ءَ درشان شنگ کنگ نہ بیتگ-

بلوچستان ءِ دمگ کیچ ءَ سلاہ بندیں مردماں پاکستانی فوج کاروان اُرش نشانگ کتگ-

کیچ ءِ دمگ تجابان، کرکی ءَ سلاہ بندیں مردماں پاکستانی پوج ءِ گاڑیانی کاروان ءِ سر ءَ اُرش کتگ-

ھالانی رِد ءَ سنگر گپتگیں اُرشکاراں سی پیک دگ سر ءَ پوج کاروان اُرش ءِ نشانگ کتگ-

اُرش ءَ پوج ءَ جانی تاوان چست کنگ کپتگ بلے واکدار ءَ اے درگت ءَ ھچ وڑیں درشان شنگ نہ کتگ-

اے دمگ ءَ بلوچ سلاہ بندیں آجوئی لوٹوکیں گل پُرکار اَنت اشی ءَ ساری ھم جتاجتائیں اُرشاں پاکستانی پوج نشانگ کنگ بیتگ-

مروچی بیتگیں اُرش زمہ واری انگت ھچ گل ءَ نہ زرتگ-

انسانی ھکانی پُرکاریں گل بلوچ وائس فار جسٹس ءَ یک ھپتگے ءِ میان ءَ تربت، کراچی، ھب ءُ پنجگور ھژدہ ءَ گیشیں ورنایانی زورانسری آوار جنی ءِ سر ءَ ترس درشان کتگ-

گل ءَ درشان ءِ تہ ءَ گوشتگ کہ بلوچ نودربرانی زورانسری آوار جنی گیشی یک بلاھیں جیڑھے – شانزدہ اکتوبر ءَ چہ کراچی ءَ شعیب، حنیف، اشفاق، شھزاد، بیبرگ، زبیر، قمبر، سعید اللہ ءُ جاوید آوار جتگ اَنت – آیانی کھول یک تُرس زندے ءَ گوزگ ءَ اَنت-

اشی ءَ اَبید گوستگیں روچاں ھم کراچی ءَ پاکستانی پوج ءَ یک ھوٹلے ءِ سر ءَ بیڑبرتگ پنجگور پروم ءِ جھمنندیں چار ورنا، زین بلوچ، ظریف احمد، اکرم بلوچ ءُ انیس بلوچ آوار جتگ ءُ ناشناسیں جاھے ءَ برتگ اَنت- اشی ءَ اَبید علی حیدر ء حاجی نبی بخش ءِ ھُزدار ءِ دمگ چہ کوڑاسک ءَ پاکستانی پوج ءَ گوستگیں شپ ءَ یک ءَ لوگ سر ءَ بیڑبرتگ ناشناسیں جاھے ءَ برتگ-

چہ تربت ءَ زورانسری آوار جنی راست کتگ گل ءَ دیمتر ءَ گْوشتگ کہ عطاءاللہ ء نور بخش، یاسر بلوچ ء حمید اللہ ءُ بلال امام ء امام بخش ھم ریاستی پوج ءَ آوار جنگ ءَ لد بیگواہ کتگ – اے سئیں ورنا ھشت ءَ چہ سیزدہ اکتوبر دوھزار بیست چار ءِ میان ءَ تربت ءِ دمگ چہ کیچ ءَ زورانسری آوار جنی ءِ نشانگ کتگ-

جنئید حمید ھژدہ اکتوبر ءِ شپ ءَ چہ ھب چوکی ءَ وھدے کہ اشی ءِ برات یاسر حمید یازدہ اکتوبر ءَ چہ کلات ءَ بیگواہ کتگ-

بلوچ وائس فار جسٹس ءَ اکوام متھدہ ءِ ورک ٹولی زورانسری آوار جنی، ایمنسٹی انٹرنیشنل ءُ ھیومن رائٹس واچ ءَ گوں دزبندی کتگ کہ آ ریاستی پورس ءِ نیمگ ءَ چہ انسانی ھکانی لگتمالی ءُ زورانسری آوار جنی ءِ گامگیج ءَ بزور اَنت-

گل ءَ دلگوش گور کنائینتگ کہ اکوام متھدہ ءِ جنرل اسمبلی ءِ کولبند 65/209 ءُ 69/180 ءِ رِد ءَ زورانسری آوار جنی ءِ سنگین انسانی ھکانی ھلاپ ورزی اِنت، ءُ ھرچ ڈیھ ءِ اے زمہ واری بیت کہ آ اے وئیلانی گر ءُ دار بہ کن اَنت – شکین دو ءُ چار ءَ تچک کنگ بیتگ کہ : ھرچ مردم درکانودی ھساب ءَ دزگیر یا بیگواہ کنگ ءِ ھلاپ ءَ پھاز دیگ بہ بنت- شق چار ءَ گوشگ بیتگ کہ ریاستی زورانسری آوار جنی ءِ وئیل ءِ پٹ ءُ پول کنگ ءُ آیانی ھلاپ ءَ کانودی گامگیج زورگ ءِ زمہ واری اِنت-

گل ءَ ھشدار داتگ کہ انسانی ھکانی گلانی نیمگ ءَ چہ بلوچستان ءَ بیوکیں زورانسری آوار جنی ءُ انسانی ھکانی پادمالی ھیال ندارگ یک سنگینیں انسانی ترسے ودی زرتگ-

گوادر یونیورسٹی یا پوجی اڈہ

نبشتہ کار: زبادی بلوچ

دی بلوچستان پوسٹ

ھمک ھپتگ ءِ سر ءَ پوجی سربراھے گوں شش کَسانی ھواری ءَ کئیت پرنسیپل آفیس ءَ پد ءَ یک یک کوٹیاں گشتانک دیان ءَ لائبریری ءَ رؤت چوناھیگا ھما وھد ءَ کہ من گوادر یونیورسٹی ءَ اتوں سک باز بر ءَ پوجی اتکگ بیتگ اَنت ـ بلے نوں آ وڑ نہ اِنت بلکیں ھمک ھپتگ یا ھمک روچ ءِ سر ءَ پوجی کاینت دو سئے کلاک ءَ پَد پد ءَ واتر بنت ءُ رو انت ـ

چیزے روچ پیسر کہ من یونیورسٹی ءَ وتی پارسل اتکگیں لھتیں کاگدانی نیمگ ءَ شتگ اتاں تا دیست کیمپس ءَ درآمدیں پوجی رؤگ ءُ آیگ ءَ اَنت – من باز کس بچکانی ھواری کیمپس ءَ اتاں یک پوجی ءِ گاماں تیز تیز کنان ءُ مئے نیمگ ءَ پیداک اَت من پُریں پنچ سال پَد گوادر یونیورسٹی اتکگ اتوں ـ پوجی ءَ مارا درستاں تیز تیز گشت برو ئِے تہ ءَ بہ نند اِت صاحب پیداک اِنت منی دل ءَ ات من پوجی بھائی بگوشاں کہ من اِدے نودربرے نہ اوں من وتی کاگدانی نیمگ ءَ اتکگاں بلے پوجی گپ گوشدارگ ءِ وڑ ءَ نہ اَت ” جلدی جلدی صاحب آرہا ہے کلاس میں بیٹھو! کون صاحب آرہاے ایک لڑکے نے فوجی بھائی سے احتجاجاً سوال کیا؟ بڑے افسر آ رہے ہیں آپ لوگوں کو کتابیں اور بہت سی اشیا تقسیم کریں گے! جلدی جلدی بیٹھ جائیں ! پوجی ءِ گشگ پَد ما درست کلاساں رھادگ بوتیں “

سھتے ءَ پد یک زنڈیں فوجی ءِ گوں ساھیں چشمک ءُ مزنیں لاپ ءَ گوں کلاس ءِ تہ ءَ پترت ـ پَد ءَ دو کَس کہ بلوچی ءِ ڈریس ءَ اتاں دو بلاھیں چارٹر بزاں تاک آھانی سر ءَ لھتیں اکس بندوک اتاں یکے پدائی ماھل ءُ دومی فدائی رضوان ءِ اکس اتاں فوجی بھائی داں دو کلاک لکچر دات ءُ شت انت-

چیزے روچ پیسر کہ نودربراں قاضی ءِ یاتاں وتی پروگرام ءِ درستیں پوسٹر ءُ نبشتانک تیار کرتگ اتاں وائس پرینسیپل عبدرالرزاق صابر قاضی یاتاں پروگرام کینسل کرتگ کہ فوجی بھائی ناراز بنت دردیگیں گپے ھمے قاضی ءِ مرگ ءَ پرینسیپل ھوار درست پرسیگ اتاں بلے آئی ءِ یاتانی دارگ اش درست مکن کنگ انت نودربرانی سرجمیں واھگ ھاکاں ھوار بوت انت یک بلوچی ادبی ادارہے ءَ یک مزمتی بیان ءِ اوں ندات ـ بساک کہ یک نودبر گلے یک زمانگے آئی جار جتگ ات آ گوادر یونیورسٹی وتی زون پچ بکنت پنچ سنگت تیار بوتگ ات دو روچ باد ھمے سنگتانی تہ دو کس آوار جنئگ بوت آھانی مات ءُ پت دھمکی اش دات انت کہ وتی چکاں اش تنزیم چہ دور بدار اِت پد ءَ آجو بوتاں پد ءَ تاں روچ ء مروچی یک نودربری گَلے اوں گوادر یونورسٹی نیتک ـ

مرچاں گوادر یونیورسٹی ءَ نوکیں ٹرینڈے بِندات کرتگ لائبریری کتاب پوجی بھائی ءِ گشگ ءَ پد بدل کنگ بنت ھمک پانزدہ روچ ءِ سر ءَ فوجی لائبریری ءِ دورہ ءَ کاینت ـ درد ھمیش اِنت گوادر یونیورسٹی 9 مئی ءِ یاتاں پروگرام وَ کنت بلے قاضی ءُ سید ءِ یاتاں نہ کنت ـ تئی سر اگاں گوادر یونورسٹی کپت پد ءَ در کپتیں گڑا ترا سما بیت تو پوجی چھاؤنی ءَ چہ دراتکگیں ـ انسانی آزاتی ءِ دراھیں دَر گوادر یونیورسٹی ءَ لگت مال کرتگ انت باید نودربر گل ءُ سیاسی استاد اے بابت نیکیں گامگیج بزور انت ءُ مئے نودبراں چہ فوجی چھاونی ءَ آجو بکناں-

بلوچستان ءِ دمگ پنجگور ءُ ھُزدار ءَ پاکستانی پوج ءَ سے مردم آوار جنگ ءَ پد بیگواہ کتگ اَنت-

بیگواہ کنگ بیتگیں مردمانی پجّار علی حیدر ءِ حاجی نبی بخش، سراج رشید ءَ شھاب نام ءَ چہ بیتگ اَنت-

اشانی تہ ءَ علی حیدر ھزدار ءِ دمگ چہ کواڑسک ءَ پاکستانی پوج ءَ گوستگیں شپ ءَ ساھت یک ءَ لوگے ءِ سر ءَ بیڑبرتگ ءُ ناشناسیں جاھے ءَ برتگ-

علی حیدر ءِ کھول ءَ سیاسی پارٹی نودربریں گل ءُ انسانی ھکانی گلاں چہ دزبندی کتگ کہ علی حیدر ءِ ھاتر ءَ توار چست بہ کن اِت-

ھمے وڑ چہ پنجگور ءَ ھال اِنت کہ سے روچ ءَ ساری پنجگور ءِ دمگ چہ پروم ءَ پاکستانی پوج ءَ سراج ءُ شھاب آوار جتگ ءُ ناشناسیں جاھے ءَ برتگ اَنت چریشی ءَ پد آ بیگواہ اِنت-

کھول رِد ءَ دوئیں سنگت گوستگیں روچ ءَ زامران ءَ شتگ بیتگ اَنت واتر آیگ ءَ بیتگ اَنت کہ چہ پروم ءَ پاکستانی پوج ءَ آ بیگواہ کتگ اَنت چریشی ءَ پد دوئیں بیگواہ اَنت-

ورچوئل دیمدرائی

ٹی بی پی شونگال

چاردہ اکتوبر ءَ گوادر انٹرنیشنل ائیرپورٹ ءِ دیمدرائی پھزداری ءِ سبب ءَ گوادر ءَ ابید دوھزاف کلومیٹر دوت پاکستان ءِ بنجاھی شھر اسلام آباد ءَ چین ءِ سروزیر لی چیانگ ءُ پاکستان ءِ سروزیر شھباز شریپ ءِ سروکی ءَ برجم دارگ بیتگ، گوادر ائیرپورٹ ءِ ورچوئل دیمدرائی کنگ بیتگ-

گوادر ائیرپورٹ چین پاکستان گزرانکی منسوبہ ءِ بھر اِنت، چین ءِ ملٹی بلین منسوبہ ءَ بلوچ سیاسی ءُ سلاہ بندیں ادارہ لُٹ ءُ پُلی منسوبھے نامینگ ءَ اَنت،چریشی ءِ پژدر ءَ سیاسی ٹولی تَھ ئِے ءُ دری ھلکاں جتا جتائیں تک ءُ پھناتاں زھرشانی کنگ ءَ اَنت ءُ بلوچ سلاہ بندیں آجوئی لوٹوکیں گلانی نیمگ ءَ پاکستان گزرانکی منسوبہ ءَ بندوکیں واپاری ءُ لشکری اُرد جاہ یکشل ءَ نشانگ کنگ بوگ ءَ اَنت-

چین ءِ سروزیر گوادر انٹرنیشنل ائیرپورٹ ءِ سرجم بوگ ءَ گچینی بنھشت نامینگ اِنت بلے گوادر ءَ ابید اسلام آباد ءَ ائیرپورٹ ءِ ورچوئل دیمدرائی کنگ اے درچ ءِ پدر ءَ کنت اِنت کہ بلوچستان ءَ چین پاکستان ءِ گزرانکی راہ ءُ چین ءِ دگہ منسوبہ ناپھریز اَنت ءُ پاکستان اے منسوبھانی پھریزگ ءَ بے سوب بیتگ-

شنگھائی کمکی گل ءِ اسلام آباد ءَ سِی ئمی نیاد ءِ وھد ءَ گوادر انٹرنیشنل ءِ ورچوئل دیمدرائی ءُ لی چیانگ ءُ شھباز شریف ءِ دو نیمگی گند ءُ نند “ ھمگرنچیں دروشم ءِ سر ءَ ” پھریزی جاورانی ودینگ ءِ واستا “ چیدگ کتگیں پھریزی گامگیج ءِ درکاری ” ءِ سر ءَ کڈن کنگ اے گپ ءِ پدراھی انت کہ چین وتی منسوبھانی بے سوب بوگ ءِ گمان ءَ اِنت- اے جار ھال دنیا ءُ میان اُستمانی واپار دارانی واستا تچکیں کلوھے کہ بلوچ راج ءِ منگ ءُ رز ءَ ابید لٹ ءُ پلی منسوبہ منگ نہ بنت اِنت ءُ تاکت ءِ زور ءَ بلوچستان ءِ لٹ ءُ پُلی منسوبہ سوبمند نہ بنت اِنت-

روکپتی بلوچستان ءِ بنجاھی شھر زاھدان ءَ ناشناسیں زالبولے ءِ لاش دزکپتگ-

اھوالانی رد ءَ گوستگیں شپ ءَ زاھدان ءَ کوھنین دگ ءَ ناشناسیں گاڑی سواریں مردماں یک زالبولے ءِ لاش چگل داتگ ءُ تتکگ اَنت کہ زالبول ءِ سرگ ءَ تیرانی نشان پِر اَنت-

دزکپتگیں لاش ءِ پجار زانگ نہ بیتگ ءُ لاش چِست کنگ ءُ ھسپتال ءَ برگ بیتگ-

داں گڈی اھوالانی توک ءَ کشوک ءُ لاش ءِ بارو ءَ دگہ گیشیں سرپدی دیم ءَ نیتکگ اَنت-

پاکستانی پوج ءَ چہ کراچی ءَ ھشت بلوچ نودربر آوار جتگ ءُ بیگواہ کتگ اَنت-

چہ کراچی ءَ بیگواہ کنگ بیتگیں مردمانی پجّار زبیر شوکت جھمنند کیچ مند ، بیبگر امیر جھمنند وشبود پنجگور، اشفاق خالقداد جھمنند نال ھُزدار، شھزاد خالد جھمنند نال ھُزدار، کمبر علی جھمنند نال ھُزدار، حنیف بدل جھمنند اورماڑہ، شعیب علی بختیار جھمنند پسنی ءُ سعید اللہ جھمنند گڈانی ناماں چہ بیتگ اَنت-

اے سرجمیں مردم کراچی ءَ وانگ ءَ اَنت، اشانی تہ ءَ شعیب ءُ بیبگر کراچی یونیورسٹی ءَ تاریک ءِ، حنیف فیڈرل اردو یونیورسٹی ءَ ، اشفاق ءُ شھزاد مدرسہ ءَ، کمبر ایف اے سی ءُ سعیداللہ کانود ءِ نودربرے-

اے نودربر پاکستانی پوج ءَ کراچی ءِ دمگ چہ گلشن ءَ آوار جتگ ءُ ناشناسیں جاھے ءَ برتگ اَنت-

زانگ بہ بیت چیزے روچیں کراچی ءَ بلوچانی زورانسری آوار جنی ءِ تہ ءَ گیشی گندگ آیگ ءَ اِنت ، گوستگیں روچ ءَ کراچی ءِ دمگ صدر ءَ یک ھوٹلے سر ءَ بیڑبرتگ پاکستانی پوج ءَ چار مردم آوار جتگ ءُ بیگواہ کتگ اَت-

ایمنسٹی انٹرنیشنل ءَ گشتگ کہ انسانی ھکانی برجاھیں لگتمالی ءِ سبب ءَ 17 ءُ 18 اکتوبر ءَ جنیوا ءَ میان استمانی انسانی ھکانی کمیٹی ءِ نیمگ ءَ پاکستان ءِ دومی چار ءُ ٹپاسی کنگ بوگ ءَ انت۔

اے چار ءُ ٹپاسی شھری ءُ سیاسی ھکانی بابت ءَ میان استمانی مسام ءِ چیر دستی ءَ بیت کہ ایشی ءِ سر ءَ پاکستان دسھت کتگ۔

ایمنسٹی ءِ ڈپٹی ریجنل ڈائریکٹر برائے جنوبی ایشیا ءِ بابو رام ءَ گشتگ کہ اے چار ءُُ ٹپاسی ھما وھد ءَ کنگ بوتگ کہ پاکستان ءَ انسانی ھکانی لگتمالی مزنیں کچے ءَ بوگ ءَ انت۔

پولیس ءِ نیمگ ءَ پہ توہین رسالت ءَ، امن ءِ زھرشانی کنوکاں کریک ڈاون، 2024 ءِ اسمبلی ءُ پبلک آرڈر ءِ قانون ءِ نپاز، اپوزیشن ءِ جھدکار ءُ سروکانی مزنیں کچے ءَ دزگیر کنگ، پشتون تھپز ءِ جنبش ءِ سر ءَ بندش، ءُ ماہ رنگ بلوچ ءِ وڑیں انسانی ھکانی داروکانی ترسینگ ءِ وئیل ایوک ءَ گوستگیں ماہ ءَ رپورٹ بیتگ اَنت-

بابا رام پنت ءَ گشتگ کہ اے چار ءُ ٹپاسی پاکستانی حکومت ءِ واستا یک موھے پیش کنت کہ آ ملک ءِ تہ ءَ انسانی ھکانی جاور ھال ءِ سر ءَ چار ءُ ٹپاسی بہ کنت ءُ چار ءُ ٹپاسی ءِ وھد ءَ چست بوتگیں انسانی ھکانی جیڑھانی گیش ءُ گیوار کنگ ءِ ھاترا جوانیں گامگیج بہ زور ایت۔

پشتون تھپز مومنٹ ءِ بندش ءَ را گیر کانونی ءُ گیر آئینی لیکگ ءَ ایمنسٹی انٹرنیشنل ءَ پی ٹی ایم ءِ سرا بندش ءِ ھلاسی ءِ لوٹ کتگ ءُ اے بندش ءَ را شھری آجوئی ءُ امن ءُ ایمنی ءِ ھکانی لگتمالی لیک اتگ۔

ایمنسٹی ءَ گوستگیں ماہ ءَ سندھ ءُ بلوچستان ءَ پولیس ءِ نیمگ ءَ توہین رسالت ءِ شکی مردمانی کُشگ ءِ سر ءَ ”سرجمیں، بے رھبند ءُ آزاتیں“ پٹ ءُ پول ءِ ھم لوٹ کتگ۔

ایمنسٹی انٹرنیشنل ءِ رِد ءَ ماہ رنگ بلوچ ءِ کیس ءَ ھم پاکستانی نمائندہ ءِ دیم ءَ ایر کن اَنت کہ اودا گوستگیں ھپتگ ءَ بلوچ انسانی ھک کارکن ءِ سر ءَ سلاھبندیں گلانی آسراتی ءِ بھتام جنگ بوتگ وھدے کہ پیسر ءَ آئی ءِ سر ءَ امریکا ءِ روگ ءُ آیگ ءَ چہ مکن کنگ بوتگ۔