TBP Balochi

ایمنسٹی انٹرنیشنل ءَ گشتگ کہ انسانی ھکانی برجاھیں لگتمالی ءِ سبب ءَ 17 ءُ 18 اکتوبر ءَ جنیوا ءَ میان استمانی انسانی ھکانی کمیٹی ءِ نیمگ ءَ پاکستان ءِ دومی چار ءُ ٹپاسی کنگ بوگ ءَ انت۔

اے چار ءُ ٹپاسی شھری ءُ سیاسی ھکانی بابت ءَ میان استمانی مسام ءِ چیر دستی ءَ بیت کہ ایشی ءِ سر ءَ پاکستان دسھت کتگ۔

ایمنسٹی ءِ ڈپٹی ریجنل ڈائریکٹر برائے جنوبی ایشیا ءِ بابو رام ءَ گشتگ کہ اے چار ءُُ ٹپاسی ھما وھد ءَ کنگ بوتگ کہ پاکستان ءَ انسانی ھکانی لگتمالی مزنیں کچے ءَ بوگ ءَ انت۔

پولیس ءِ نیمگ ءَ پہ توہین رسالت ءَ، امن ءِ زھرشانی کنوکاں کریک ڈاون، 2024 ءِ اسمبلی ءُ پبلک آرڈر ءِ قانون ءِ نپاز، اپوزیشن ءِ جھدکار ءُ سروکانی مزنیں کچے ءَ دزگیر کنگ، پشتون تھپز ءِ جنبش ءِ سر ءَ بندش، ءُ ماہ رنگ بلوچ ءِ وڑیں انسانی ھکانی داروکانی ترسینگ ءِ وئیل ایوک ءَ گوستگیں ماہ ءَ رپورٹ بیتگ اَنت-

بابا رام پنت ءَ گشتگ کہ اے چار ءُ ٹپاسی پاکستانی حکومت ءِ واستا یک موھے پیش کنت کہ آ ملک ءِ تہ ءَ انسانی ھکانی جاور ھال ءِ سر ءَ چار ءُ ٹپاسی بہ کنت ءُ چار ءُ ٹپاسی ءِ وھد ءَ چست بوتگیں انسانی ھکانی جیڑھانی گیش ءُ گیوار کنگ ءِ ھاترا جوانیں گامگیج بہ زور ایت۔

پشتون تھپز مومنٹ ءِ بندش ءَ را گیر کانونی ءُ گیر آئینی لیکگ ءَ ایمنسٹی انٹرنیشنل ءَ پی ٹی ایم ءِ سرا بندش ءِ ھلاسی ءِ لوٹ کتگ ءُ اے بندش ءَ را شھری آجوئی ءُ امن ءُ ایمنی ءِ ھکانی لگتمالی لیک اتگ۔

ایمنسٹی ءَ گوستگیں ماہ ءَ سندھ ءُ بلوچستان ءَ پولیس ءِ نیمگ ءَ توہین رسالت ءِ شکی مردمانی کُشگ ءِ سر ءَ ”سرجمیں، بے رھبند ءُ آزاتیں“ پٹ ءُ پول ءِ ھم لوٹ کتگ۔

ایمنسٹی انٹرنیشنل ءِ رِد ءَ ماہ رنگ بلوچ ءِ کیس ءَ ھم پاکستانی نمائندہ ءِ دیم ءَ ایر کن اَنت کہ اودا گوستگیں ھپتگ ءَ بلوچ انسانی ھک کارکن ءِ سر ءَ سلاھبندیں گلانی آسراتی ءِ بھتام جنگ بوتگ وھدے کہ پیسر ءَ آئی ءِ سر ءَ امریکا ءِ روگ ءُ آیگ ءَ چہ مکن کنگ بوتگ۔

سیمسر ءِ بند کنگ ءِ سبب ءَ سیمسر ءِ کار ءُ بار ءَ گوں سیادی داروکیں دمگ ءِ نندوکیں مردم دپارے نان ءَ مھتاج اَنت- زھرشانی کنوک

گیشیں ھالانی رد ءَ دلبندین پاک اوگانستان ءِ سیمسر ءِ چربان گیٹ ءِ بند کنگ ءِ ھلاپ ءَ زھرشانی کنگ بیتگ- زھرشانی کنوکاں دالبندین یاک مچ ءِ نزیک ءَ گاڑی بند کتگ ءُ راہ پہ ٹریپک ءَ مھتل کتگ۔

سڑک بند کنگ ءِ سبب ءَ درجنانی کچ ءَ گاڑی مھتل انت-

زھرشانی کنوکاں اے موہ ءِ سر ءَ گوشت کہ گوستگیں بازیں ماہ ءَ چہ پاک اوگانستان ءِ سیمسر ءِ چربان گیٹ بند کنگ بوتگ ایشی ءِ سبب ءَ سیمسر ءِ کاروبار سرجمی ءَ بند کنگ بوتگ۔

زھرشانی کنوکاں گیش گْوشتگ کہ سیمسر ءِ بند کنگ ءِ سوب ءَ سیمسر ءِ کاروبار ءَ گوں ھمگرنچیں دمگ ءِ نندوکیں مردم چنڈے نان ءَ مھتاج انت-

زھرشانی کنوکاں بُرزیں واکدار ءُ آئی جی ایف سی ءَ چہ لوٹ کرتگ کہ آ سیمسر ءَ پچ بہ کنت ءُ کاروبار ءِ موہ بہ دنت اگاں ناں آ وتی دھرنا ءَ برجاہ دار اَنت ءُ گیشتر زھرشانی کنگ ءَ لاچار بہ ایں۔

سی ستمبر ءَ بلوچستان ءِ دمگ پنجگور ءَ زورانسری آوار جنگ بیتگیں دوئیں برات صابر نور ءُ عابد نور ءِ یل نہ کنگ ءِ ھلاپ ءَ کھول نیمگ ءَ چہ روانک ءُ ڈپٹی کمشنر کارگس دیم ءَ نندانک داتگ-

زھرشانی روانک ءَ زالبول ءُ زھگاں ھوار مزنیں کچے ءَ مردماں بھر زرتگ زورانسری آوار جنی ءِ ھلاپ ءَ تُرندیں ناراہ جتگ ءُ دوئیں براتانی یل کنائینگ ءِ لوٹ کتگ-

کھول گوشگ اِنت کہ مروچی شانزدہ روچ بیتگ کہ صابر نور ءَ عابد نور بید جرم ءَ ریاستی آزارجاھاں زوراکی اوپار کنگ ءَ اَنت-

آئی ءَ گوشتگ کہ گوستگیں شانزدہ روچاں ریاست عابد ءُ صابر ءِ کھول ءَ گوں یکو دروگ پُشت ءَ دروگ بندگ ءَ اِنت، پیسر ءَ گوشتگ اِنت کہ بیست چار کلاکانی تہ ءَ دوئیں براتاں یل کن ایں، اشی ءَ پد ھرچ دومی روچ ءَ کول کتگ بلے انگت دوئیں برات بیگواہ ءَ اَنت-

آئی ءَ گوشتگ کہ مروچی کھول لاچار بیتگ ڈی سی کارگس دیم ءَ نندانگ دیگ ءَ اِنت، پنجگور ءِ راج ءَ گوں دزبندی اِنت کہ نندانک ءَ بھر بزور اَنت عابد ءُ صابر ءَ ھوار دگہ سرجمیں بیگواھیں مردمانی یل کنائینگ ھاتر ءَ توار چست بہ کن اَنت-

زانگ بہ بیت کہ سی یک ستمبر ءِ سھب ءَ پاکستانی پوج ءَ پنجگور ءِ دمگ تار کارگس ءَ بیڑبرتگ دو برات صابر نور ءُ عابد نور ءِ زورانسری آوار جنی ءَ پد ناشناسیں جاھے ءَ برتگ اَنت چریشی ءَ پد دوئیں برات بیگواہ اَنت-

کھول نیمگ ءَ چہ دوئیں براتانی زورانسری آوار جنی ءِ ھلاپ ءَ اشی ءَ ساری نندانک داتگ سی پیک دگ پہ گاڑیانی واستا روگ آیگی ءَ بند کتگ-

اشی ءَ پد زھرشانی کنوک ءُ وکدار میان ءَ گپ دیوان ءَ پد نندانک مھتل بیتگ، واکداراں گپ دیوان وھد ءَ گوشتگ کہ بیست چار کلاکانی تہ ءَ دوئیں براتانی یل کنائینگ ءِ دلجمی داتگ بلے دوئیں برات انگت یل کنگ نہ بیتگ اَنت-

بلوچستان لبریشن فرنٹ ءِ جارکش میجر گوھرام بلوچ ءَ رسانکدر ءَ ￴وتی شنگ کرتگیں درشان ءِ تہ ءَ گوشتگ کہ یازدہ اکتوبر آدینگ ءِ ￵روچ ءَ ￴گل ءِ ￵دو سرمچار آواران ءِ ￵ھند پیراندر سورک کور ءِ ￵نیمگ ءَ ￴پہ گل ءِ ￵کارے ءَ ￴سپر کنگ ءَ ￴بیتگ اَنت کہ پاکستان ریاست ءِ ￵جوڑ کرتگیں ڈیتھ اسکواڈ ءِ ￵کارمنداں راہ ءِ ￵سر ءَ ￴سنگر گپتگ ءُ ￶نندوک بیتگ اَنت۔ آیاں دوئیں سرمچاران ءَ ￴دیستگ تیرگواری بندات کرتگ ءُ ￶انگر کنگ ءِ ￵جھد کرتگ، تیرگواری ءِ ￵نشانگ ءَ آیگ ءَ ￴کیپٹن طالب ءُ ￶عادل شھید بیتگ اَنت۔

آئی ءَ ￴گوشتگ کہ کیپٹن طالب پنام مودی ء میر محمد جھمنند دراسکی آواران 2012 ءَ ￴بی ایل ایف ءَ ￴ھوار بیتگ ءُ ￶پہ بلوچستان ءِ ￵آجوئی ءَ ￴وتی زندگی ببا داتگ۔ آئی ءَ ￴باز ھاسیں جنگاں بھر زرتگ ءُ ￶دژمن ءَ ￴جانی ءُ مالی تاوان داتگ۔ بیسیمگ رکشان، بالگتر، واشک، مشکے، آواران، کیچ، اورماڑہ ءُ ￶گچک پنجگور ءَ ￴جتائیں ھنداں پہ گل ءِ ￵سوبمندیں آپریشناں آئی جوانیں کرد پیلو کرتگ۔

جارکش ءَ ￴گوشتگ کہ شھید طالب گوں وتی ھمبلاں مھروان ءُ ￶ھمدرد بیتگ، گوں ارادہ ءُ ￶مھکمی ءَ پرکار بیتگ۔

آئی ءَ ￴گوشتگ کہ ریاستی پوج ءَ ￴شھید ءِ ￵کھول مچی سزایانی نشانگ کرتگ دانکہ آئی ءَ ￴نزور بہ کنت ءُ ￶چہ راجی جھد ءَ ￴دزکش بہ بیت۔ کھول ءِ ￵مردم زوریں بیگواھی ءِ ￵نشانگ کرتگ اَنت، آیانی لوگ جاگہ ماندارگ بیتگ اَنت ءُ آ پہ لڈ ءُ ￶بار کنگ ءَ ￴لاچار کنگ بیتگ اَنت چہ سرجمیں زوراکیاں ابید شھید ءِ ￵ارادہ ءِ ￵تہ ءَ ￴کمی نہ یتکگ۔

جارکش ءَ ￴گوشتگ کہ شھید ءَ ￴درسیں جنجال ءُ ￶ریاستی لشکر ءِ ￵زوراکیاں ابید چہ راجی آجوئی ءِ ￵وتی لوٹ ءَ ￴پد کنز نہ بیتگ۔ آئی ارادہ ءُ ￶دیمونی ھمے گپ ءِ ￵منانک اَنت کہ جھد ءِ ￵راہ ءَ ￴دیم ءَ ￴آتکگیں اڑاناں آئی توکل پروش دات نہ کرتگ۔ آئی دوازدہ سالانی جھد دیمونی ءِ ￵لیکہ ءِ ￵کرد ءِ ￵درور اِنت ءُ گڈی ءَ ￴شھیدانی کاروان ءِ ￵بھر بیتگ۔

جارکش ءَ ￴گوشتگ کہ شھید سرمچار عادل پنام ناصر ء نواب جھمنند زیارت ڈن، گوستگیں یک سالے بیت گوں بی ایل ایف ءَ ￴کار ءَ ￴بیتگ ءُ ￶گل ءِ ￵شھری نیٹورک ءِ ￵بھر بیتگ، آ یک مھکم ارادہ ءُ ￶وانندگ ءُ ￶پہ سرڈگار ءِ ￵آجوئی جھد ءَ ￴وتی جان ءِ ￵نہ چاریں نہ ترسیں سرمچارے بیتگ- دژمن ریاستی چیریں ادارھاں دوبر ءَ ￴زوریں بیگواھی ءِ ￵نشانگ کتگ بلے چہ سرجمیں آئی جھد ءِ ￵تہ ءَ ￴کمی آرگ ءَ ￴بے سوب بیتگ اَنت۔

جارکش ءَ ￴گوشتگ کہ دژمن ” ڈیتھ اسکواڈ ” ءِ ￵سرجمیں کارمند پجارگ بیتگ اَنت ءُ ￶سرجماں زوتاں چہ زوت آیانی گڈی ءَ ￴آسر ءَ ￴سر کن ایں۔ بلوچ راجی آجوئی زرمبشت ءِ ￵بگیری ءَ ￴پرکاریں ناشرکار ھچ وڑ ءَ ￴بکشگ نہ بنت۔

میجر گوھرام ءَ ￴گوشتگ کہ بی ایل ایف وتی نہ ترسیں ھمبل سرمچار شھید کیپٹن طالب ءُ ￶شھید عادل ءَ ￴اے گرانبھائیں دیمونی ءَ سُھرچکیں دروت ندر کنت ءُ ￶ھمے کول ءَ ￴کنت کہ شھیدانی کاروان ھر پیم ءَ ￴وتی گڈی منزل ءَ ￴سر کنگ بیت ءُ ￶بلوچستان ءِ ￵آجوئی ءِ ￵واب راست کنگ بیت، ءُ ￶دژمن ءَ ￴آئی گڈی سیمسر ءَ ￴سر کنگ بیت۔

چہ کیچ ءَ ھالانی رِد ءَ پاکستانی لشکر ءِ دستاں زورانسری آوار جنی ءِ نشانگ کنگ بیتگیں سعید بلوچ ء موسیٰ ءُ فرھاد ء غفور پنچ ماہ ءَ زورانسری آوار جنی ءِ نشانگ بیگ ءَ پد مروچی آجو بیتگ-

یل کنگ بیتگیں ورنا ءِ سیادی بلوچستان ءِ دمگ کیچ ءِ تھسیل تمپ چہ ملانٹ ءَ اِنت ھمے سال مئی ءَ چہ تمپ ءَ پاکستانی پوج ءِ دستاں زورانسری آوار جنی ءِ نشانگ کنگ بیتگ-

دوئیں ورنایانی یل کنگ گپ آیانی نزیکیں مردماں کتگ اَنت-

ایران ءِ لشکر ءَ تیرگواری ءَ سداں اوگان پناہ گزین کُشتگ اَنت-

تیرگواری ءِ وئیل سراوان ءِ دمگ کلگان ءَ پیش اتکگ کہ اوگان پناہ گزین چہ سیمسر ءَ گوزگ ءَ ایران ءَ ھوار بوھگ ءِ جھد ءَ بیتگ اَنت، ایرانی لشکر ءَ آھانی سر ءَ دیم پہ دیمی تیرگواری کتگ۔

روکپتی بلوچستان ءِ جاوراں رپوٹ کنوکیں ھال رسانکی ادارہ ھال وش ءَ چہ وتی چماں گندگ بوتگیں مردمانی گپ ءِ رد ءَ گْوشتگ کہ دو اوگان پناہ گزین ایران ءِ لشکر ءِ نیمگ ءَ کلگان ءِ سیمسر ءَ وتی دہ ھزار اوگان ھم وطنانی کُشگ ءِ گواہ بوتگ اَنت کہ ایشانی تہ ءَ 260 (افغان مھاجرین) بوتگ اَنت۔ لشکر ءَ سیمسر ءَ کشتگ اَنت-

دمگی مردمانی گشگ انت کہ کلگان ءُ سراوان ءِ سیمسر ءِ دمگ ءَ ایران ءِ لشکر ءَ اوگان شھریانی یک ٹولی ءِ سر بستگ ءُ آیانی سر ءَ اُرش کتگ۔ ایشی ءِ آسر ءَ درجناں مردم بیران ءُ ٹپیگ بوتگ اَنت۔

دمگی مردمانی رد ءَ یک شمبے ءِ بیگاہ ءَ ایران ءِ لشکر ءِ نیمگ ءَ چہ اوگان شھری تچک ءَ راکٹ ءُ تیرگواری ءِ نشانگ کنگ بیتگ اَنت۔

ایرانی لشکر ءِ تیرگواری ءِ بچ اتگیں مردماں گْوشتگ: اوگان پناہ گزینانی کساس 300 ءِ کساس ءَ بوتگ کہ ایشانی تہ ءَ تھنا 60 تاں 70 ءِ کساس ءَ بچ اتگ انت ءُ آ دگہ بیران یا سک ٹپیگ بوتگ اَنت“۔

اوگان واکداراں انگت ءَ اے درگت ءَ ھچ وڑیں لیکہ دیم ءَ نیتکگ اَنت-

روکپتی بلوچستان ءِ بنجاھی شھر زاھدان ءَ گوستگیں سال ءَ زھرشانی ءِ وھد ءَ دزگیر کنگ بیتگیں ورنایے یل کنگ بیتگ-

یل بیتگیں ورنا ءِ پجار عدنان شاہ بخش ء مولوی عبدالقیوم ءِ نام ءَ زانگ بیتگ-

اھوالانی رد ءَ عدنان گوستگیں سال ءَ آدینگ ءِ نماز ءَ پد زھرشانی ءِ وھد ءَ گرگ بیتگ-

عدنان گوستگیں روچ ءَ یل کنگ بیتگ ءُ آئی ءِ یل بیگ ءِ ھال نزیکیں مردماں راست کتگ-

دالبندین چہ فیصل کالونی ءَ ناشناسیں گاڑی سواراں دو جنکو آوار جتگ-

جنکوانی اُمر بیست سے ءُ ھشت سال اِنت- کھول گوشگ اِنت کہ ناشناسیں گاڑی سواراں دوئیں جنکو آوار جتگ اَنت بلے پولیس ءُ لیویز ءَ جتاجتائیں چیک پوسٹانی سر ءَ پٹ پول بنداتگ کتگ وھدے کہ یک جنکوے یل بیتگ-

جنکوانی آوار جنگ ءِ سبب دیم ءَ نیتکگ، انتزامیہ ءَ جنکوانی یل کنائینگ ھاتر ءَ جتاجتائیں دمگاں انگر کتگ بیڑ جنگ ءَ اَنت-

اِھوالکار رِد ءَ جنکوانی پت اوگانی یے گیشیں پٹ پول انتزامیہ کنگ ءَ اِنت-

روکپتی بلوچستان ءِ بنجاھی شھر زاھدان ءَ ناشناسیں مردماں تیرگواری کنان ءَ یک مردمے کشتگ-

گیشیں ھالانی رد ءَ زاھدان ءِ ھند فاضلی ءَ ناشناسیں مردماں تیرگواری کتگ ءُ یک مردمے کشتگ-

کُشگ بیتگیں مردم ءِ پجار نجیب دھمردہ ء حلیم ءِ نام ءَ زانگ بیتگ-

اھوالانی رد ءَ تیرگواری ءِ وئیل زُھر ءِ وھد ءَ پیش اتکگ کہ اود ءَ فاضلی ءَ تیرگواری ءَ نجیب دھمردہ کشگ بیتگ-

وئیل ءِ سبب زانگ نہ بیتگ ءُ ناکہ تیرگواری کنوک زانگ بیتگ انت-

پاکستانی پوج ءَ یک ھوٹلے ءِ سر ءَ بیڑبرتگ چار ورنا آوار جنگ ءَ پد ناشناسیں جاھے ءَ برتگ اَنت-

چہ کراچی ءَ ھالانی رِد ءَ پاکستانی پوج ءَ ھوٹل سر ءَ بیڑبرتگ پنجگور پروم ءِ جھمنندیں چار ورنا آوار جنگ ءَ پد ناشناسیں جاھے ءَ برتگ اَنت کہ آیانی پجّار زین بلوچ، ظریف احمد، اکرم بلوچ، انیس بلوچ نام ءَ چہ بیتگ اَنت-

بلوچ یکجھتی کمیٹی ءَ چار ورنایانی زورانسری آوار جنی راست کتگ گْوشتگ کہ بیگواھیں ورنا پنجگور ءِ دمگ پروم ءِ جھمنند اَنت ءُ الاج ءِ ھاتر ءَ کراچی ءِ دمگ صدر ءَ یک ھوٹلے ءَ نندوک بیتگ اَنت-

چمّگدانی رِد ءَ کراچی پولیس ءُ سادھیں پوشاکانی تہ ءِ کارمنداں ھوٹل سر ءَ بیڑبرتگ ھوٹل منیجر ءَ ھوار لٹ کُٹ ءَ پد وتی ھمراھی ءَ برتگ اَنت وھدے کہ پد ءَ ھوٹل منیجر یل داتگ-