TBP Balochi

دی بلوچستان پوسٹ

چہ کوھلو ءُ ￶چھبار ءَ ￴بگر تاں ڈھاڈر ءَ
چہ ڈیرہ بُگٹی ءُ ￶مند ءَ ￴بگر تاں کُلبر ءَ
چہ ملیر ءُ ￶لیاری ءَ ￴بگر تاں تُربت ءَ ￴
چہ شال ءُ ￶مستونگ ءَ ￴بگر تاں بالگتر ءَ ￴
چہ ھب ءُ ￶بیلّو ءَ ￴بگر تاں گریشگ ءَ ￴
چہ ھُزدار ءُ ￶زھری ءَ ￴بگر تاں آپسر ءَ
چہ مشکے ءُ ￶رونجان ءَ ￴بگر دشتیاری ءَ ￴
چہ لوپ ءُ ￶وڈھ ءَ ￴بگر سِنگانی سر ءَ ￴
چہ نوشکی ءُ ￶کلات ءَ ￴بگر بیسّیمّگ ءَ ￴
چہ ماشکیل ءُ نصیر آباد ءَ ￴بگر چاھسر ءَ ￴
چہ اسپلنجی ءُ ￶سر یاب ءَ ￴بگر بوانی ءَ ￴
چہ اورماڑہ ءُ ￶آواران ءَ ￴بگر منگچر ءَ ￴
چہ جیونی ءُ ￶پسنی ءَ ￴بگر تاں جاھو ءَ ￴
چہ لباچ ءُ ￶تیرتیج ءَ ￴بگر زیارت سر ءَ ￴
چہ سوراب ءُ ￶ھاران ءَ ￴بگر تاں کندھار
چہ شال ءُ ￶پنجگور ءَ بگر تاں گوادر ءَ
چہ بلوچستان ءِ ￵دُرستیں ھند ءُ ￶دمکاں در ءَ ￴
جَھ جتگ بلوچ ءِ ￵شیر زالاں دیم پہ گوادر ءَ ￴
کُل بلوچ پُسَّگ یکجاہ بوتگ اَنت پدی زر ءَ ￴
بانکیں مھرنگ ءُ ￶سمی ءِ ￵تپاکیں لوٹانی ￵سر ءَ ￴
یکمُشت ءُ ￶یکجاہ بوتگ اَنت بلوچ یکبر ءَ
گوھرام ءُ ￶نصیرخانی دور ءَ ￴بگر تاں چاکر ءَ ￴
بلوچ ءِ گِڑ گِڑیں ￵ھون ءَ ￴رِچنت یکدر ءَ ￴
چہ پَشّنگ ءَ ￴گواڑگیں پُل ءَ ￴رودنت سر زاھر ءَ ￴￴
￴

غزہ ءِ سلاپ بندیں گل ھماس ءِ سیاسی بھر ءِ سروک اسماعیل ھنینہ ایران ءِ بنجاھی شھر تھران ءَ کُشگ بیتگ – کہ آئی ءِ راستی ءِ ھال ھماس ءُ پاسداران انکلاب ءَ کتگ-

ھال سر کنوکیں ادارہ رائٹرز ءِ رد ءَ ھماس ءَ اسماعیل ھنیہ ءِ بیران ءِ ھال راست کتگ ءُ گوشتگ چار شمبے ءَ یک درشانے ءَ شنگ کنان ءَ گوشتگ تھران ءَ اسماعیل ھنیہ ءِ جھمنندی بنجل ءِ سر ءَ اُرش بیتگ-

ھماس ءَ بھتام جتگ کہ اے اُرش سیھونیاں کتگ ءُ آئی ءِ بیرانی بیتگ-

وائس آف امریکہ ءِ پارسی سروس ءِ رد ءَ ھماس ءَ ایران ءَ وتی سیاسی بھر ءِ سروک ءِ کوش ءِ بھتام اسرائیل ءِ سر ءَ لڈ اتگ- بلے اے ٹاہ ءِ بارو ءَ سلاہ بندیں گل ءِ دگہ ھچ منانگ پیش کنگ نہ بیتگ انت-

بلوچستان ءِ تیاب دپی شھر گوادر ءَ مروچی چارمی ءَ روچ ھم نزام زندمان سر ءُ چیر، ھال اھوال ءِ آسراتی نہ بیگ ءِ سوب ءَ بازیں شھر یک دومی ءَ چہ سند ءُ ساد بیتگ اَنت-

یک عمان ءِ جھمنندے ءَ سلطنت عمان ءِ واکدار ءَ دزبندی کتگ کہ منی لوگ مردم دو روچ ءَ چہ گوادر ءَ گٹ اَنت ءُ منی گوم ءَ آیاں ھچ ھال اھوال بیگ ءَ نہ اِنت-

آئی ءَ واکدار ءَ را یک نمدی یے نبشتہ کتگ کہ شھر ءَ رؤکیں سرجمیں راہ پاکستانی واکدار ءَ بند کتگ اَنت ءُ ھال اھوالی آسراتی ءِ بندش ءَ چہ گوادر ءَ ساڑی ئیں مردماں گوں ھال اھوال بیگ ءَ نہ اِنت وھدے کہ منی جنکوے ءِ تبیت ھم وش نہ اِنت-

آئی ءَ واکدار ءَ چہ دزبندی کتگ کہ منی چُکاں کراچی ءَ دیم بدے اِت-

زانگ بہ بیت بلوچ راجی مچی سر ءَ زوراکی کنان ءَ واکدار ءَ بیست ھشت جولائی ءَ چہ گوادر ءَ ھوار تربت ءُ پنجگور ءَ ھال اھوالی آسراتی بند کنگ بیتگ چریشی ءِ سبب ءَ وتی مردماں گوں سستگیں-

دومی نیمگ ءَ گوادر شھر ءَ آپ ءِ ڈوکال گپ ھم دیم ءَ آیگ ءَ اِنت وھدے کہ مزنیں کچے ءَ زھرشانی کنوکانی سر ءَ زوراکی ءِ سبب ءَ الاج ءِ آسراتی ءِ کمی ءِ گپ دیم ءَ آیگ ءَ اِنت-

بلوچ یکجھتی کمیٹی ءَ اے گپ راست کتگ کہ گوستگیں دو روچ ءَ چہ بیگواہ کنگ بیتگیں بی وائی سی ءِ راھشون شاہ، ڈاکٹر صبیحہ بلوچ ءُ سمی دین چیریں ادارھانی کارمنداں راج ءِ گھگیری ءَ پد یل کنگ بیتگ-

گیشیں ھالانی رِد ءَ شاہ جی، ڈاکٹر صبیحہ بلوچ ءُ سمی دین روچ ءَ بیگواہ کنگ پد چیریں ادارھانی کارمنداں مروچی یل کتگ اَنت-

زانگ بہ بیت بندات ڈاکٹر صبیحہ بلوچ ءِ یل بیگ ءَ دیم ءَ اَتکگ اَت ءُ چریشی ءَ پد سمی دین ءُ شاہ جی ھم یل کنگ بیتگ اَنت-

بلوچ یکجھتی کمیٹی ءِ کچ ءُ کساس رد ءَ اے وھد ءَ گوادر ءَ کم چہ کم گل ءَ دو سد باسک ءُ سرجمیں بلوچستان ءَ چہ یک ھزار ءَ گیش باسک پوج ءِ دست ءَ اَنت – آ بیست چار کلاکانی گوزگ ءَ پد ھم ھچ آمیدگس ءَ پیش کنگ نہ بیتگ اَنت-

زانگ بہ بیت بیست ھشت جولائی ءَ راجی مچی ءِ نام ءَ چہ بی وائی سی ءَ گوادر ءَ یک مچی یے برجم داشتگ اَت، بلے پوج نیمگ ءَ چہ مچی ءَ روگ ءَ بازیں کاروان ءُ مچی ءَ ھواریں مردمانی سر ءَ بے سبب ءَ تاکت کارمرز کتگ تاں انو درزنے مردم بیران ءُ ھزارانی مردم ءِ ٹپی بیگ ھال اِنت وھدے کہ ھزرانی مردم دزگیر کنگ بیتگ اَنت-

گوادر مچی ءَ ھواریں مردمانی سر ءَ زوراکی ءَ پد شھر ءَ جاور نگیگی برجاہ-

گوادر ءَ ریاستی پوج ءَ تُرندیں زوراکی ءَ پد چہ بازیں بلوچ زھرشانی کنوکانی ھمراھی ءَ راجی مُچی ءِ راھشون سمی دین بلوچ، ڈاکٹر صبیحہ بلوچ ءُ بلوچ یکجھتی کمیٹی ءِ شاہ جی صبغت اللہ بیگواہ کنگ بیتگ اَنت، اے درگت ءَ آیانی سنگت ءُ کھولاں ھال سرگ ءَ نہ اِنت ءُ نانکہ گوستگیں روچاں گوں اشاں ھال بیگ ءَ اِنت-

شھر ءَ دامگ ءُ موباھل ءِ ھال اھوال ءِ آسراتی نہ بیگ ءِ سبب ءَ بیگواھیں راھشون ءُ باسکانی درگت ءَ ھچ وڑیں ھال سر بیگ ءَ نہ اِنت وھدے کہ پوج ءِ زوراکی ءِ وھد ءَ سمی دین بلوچ ءِ ٹپی بیگ ءِ ناسرجمیں ھال اِنت-

پاکستانی پوج ءُ پولیس ءَ گوادر ءِ سرجمیں تھی ءُ دری راہ ھم بند کتگ اَنت-

بلوچستان ءِ تھکاری وزیر ضیاء لانگو گوستگیں روچ ءَ گوادر ءَ ساڑی اِنت، آئی ءَ رسانکدر ءَ گْوشتگ بی وائی سی مچی ءِ بگیری ءَ بیڑ بیست پنچ نزیک ءَ مردم دزگیر کتگ اَنت-

بلوچ یکجھتی کمیٹی ءِ راھشون ماہ رنگ بلوچ ھم گوادر ءَ ساڑی اِنت بلے ھچ وڑیں ھال نہ بیتگ بلے گوستگیں روچ ءَ وتی تامُر بندیں کلوھے ءَ ماہ رنگ بلوچ ءَ گوادر ءَ ھکومتی پرمانانی سر ءَ پوج ءَ بلوچ زھرشانی کنوکانی سر ءَ زوراکی ءِ درگت ءَ تران کنان ءَ گْوشتگ کہ سرجمیں بلوچستان ءَ زھرشانی ءُ ھڑتال ءِ جار جتگ اَنت ءُ گْوشتگ اَنت کہ آئی ءَ یا کہ بی وائی سی راھشوناں چیزے بیت گُڑا زمہ واری ریاست پاکستان سر ءَ بیت-

شال ءَ زھرشانی ئیں نندانک ءَ ریڈزون ءِ پُترگ ءَ چہ دارگ ھاتر ءَ دگ بند کنگ بیتگ- مھلوک ءَ روگ ءَ آیگ دلسیاھی ءِ دیمپانی کنگ کپگ ءَ اِنت-

گیشیں ھالانی رِد ءَ سرفراز بگٹی ھکومت ءِ نیمگ ءَ چہ شال ءَ ریڈوزن ءِ نزیک ءَ آئی ءِ کش گوراں سرجمیں شھدگانی سر ءَ کنٹینر جتگ ءُ پوج ءِ مزنیں کچے ءَ ساڑی اِنت-

شال ریڈزون ھچ وڑیں روگ آیگ واستا گوستگیں چار روچ ءَ چہ بند کنگ بیتگ، انتزامیہ ءِ رِد ءَ ھکومت بلوچستان ءَ اے پرمان داتگ کہ زھرشانی کنوک ءُ نندانک ءَ ریڈوزن ءَ پُترگ ءَ دارگی اِنت-

زانگ بہ بیت کہ ھکومتی پرمانانی سر ءَ گوادر راجی مچی سر ءَ اُرش ءُ دزگیری ءِ بگیری ءَ مروچی شال ءَ ھوار بلوچستان ءِ جتاجتائیں شھراں زھرشانیانی دْرچ برجاہ ءَ اِنت وھدے کہ جتاجتائیں شھراں ایف سی ءُ پولیس ءِ مزنیں کچے ءَ اوشتارینتگ اَنت-

گوادر ءَ بلوچ یکجھتی کمیٹی ءِ راجی مچی ءِ سر ءَ اُرش کاروانانی نشانگ کنگ بگیری ءَ گل ءَ مروچی سرجمیں بلوچستان ءَ تھتگ بندیں ھڑتال ءُ زھرشانیانی جار جتگ وھدے کہ جتاجتائیں شھراں مروچی ھڑتال بیتگ وھدے کہ شھریاں زھرشانی روانک ھم کش اِتگ-

بلوچ راجی مچی ءِ ھواریں مردمانی سر ءَ زوراکی ءِ بگیری ءَ بلوچ یکجھتی کمیٹی ءِ نیمگ ءَ چہ چہ شال ءَ زھرشانی ئیں روانک کشگ بیتگ-

اے روانک چہ سریاب دگ ءَ کشگ بیتگ، روانک ءَ سیاسی، چاگردی، نودربریں گل راھشوناں، ورنایاں ھوار زالبول ءُ زھگانی مزنیں کچے ءَ بھر زرتگ-

زھرشانی کنوکانی نیمگ ءَ چہ گوادر ءَ بیتگیں راجی مچی ءِ سر ءَ زوراکی کارمرز کنگ ءُ دزگیریانی بگیری ءَ تُرندیں ناراہ جنگ بیتگ-

بلوچ یکجھتی کمیٹی ءِ نیمگ ءَ چہ باندا ھم شال ءَ یک روانکے ءِ جار جنگ بیتگ کہ سھب یازدہ ءَ چہ بلوچستان شھدربرجاہ ءَ در کنگ بیت –

بلوچ یکجھتی کمیٹی ءِ نیمگ ءَ چہ شال ءِ راج ءَ گوں دزبندی کنگ بیتگ کہ آ اے زھرشانی ئیں روانک ءَ بھر بزور اَنت بلوچ چُکچینی ءِ بگیری ءَ اے جُھد ءَ وتی کرد ءَ پیلو بہ کن اَنت-

بلوچ راجی مچی ءِ سر ءَ ھکومت ءِ زوراکی ءِ بگیری ءَ راج زھرشانی ءَ اِنت وھدے کہ ھکومت نیمگ ءَ چہ شھدگ چارمی روچ ءَ یکشل ءَ بند-

مستونگ، گڈانی ءَ تلار ءِ ھند سر ءَ بلوچ راجی مچی ءَ ھواریں مردمانی نندانک برجاہ ءَ اِنت دومی نیمگ ءَ ھکومت نیمگ ءَ چہ اڑان برجاہ ءَ اِنت-

گوادر ءَ جاور سک نگیگ اَنت ءُ زندمان ءَ ھمگرنچ ھرچیز سر ءُ چیر اَنت- داں گُڈی ھالاں تاں پاکستانی پوج ءَ نندانک سر ءَ گیس آس داتگ، تیرگواری ءَ پد مردمانی سر ءَ بکتر بندیں گاڑی سر ءَ گوازینتگ اَنت بلے پد ءَ مھلوک پدی زر ءَ مچ بیگ ءَ اَنت-

نیمروچ وھد ءَ نندانکجاہ ءَ سر ءَ تچکی ءَ تیرگواری کتگ بازیں مردمے ٹپی بیتگ اَنت – اود ءَ انڈس نادُراھجاہ ءَ پوج ءِ دست ءَ اِنت- چریشی ءَ بیران ءُ ٹپیانی تچکیں کچ زانگ نہ بیتگ اَنت کہ نو اے وھد ءَ پدی زر ءَ زرواکی ءَ پد مھلوک مُچ بیگ ءَ اِنت-

ھمے وڑ بلوچ یکجھتی کمیٹی نیمگ ءَ چہ مروچی سریاب دگ سر ءَ بلوچستان شھدربرجاہ ءِ دیم ءَ یک زھرشانی ئیں روانکے کشگ بیتگ کہ آئی ءِ تہ ءَ بلوچ راج ءَ راج ءَ مزنیں کچے ءَ بھر زرتگ-

یکجھتی کمیٹی ءِ جارکش ءَ گْوشتگ کہ اے وھد ءَ سرجمیں بلوچستان، ھب چوکی ءَ چہ شال ءُ گوادر ءَ سرجمی ءَ بند اِنت ءُ گوادر ءَ سرجمی ءَ کرفیو جنگ بیتگ- ریاست ءِ زوراکی ءُ ناشرکاری ءَ اَبید بلوچ راج ھرچ دمگ ءَ دگانی سر ءَ درتکگ اَنت ءُ راھبند ءِ سر ءَ وتی کینگ ءَ درشان کنگ ءَ اَنت-

آیاں گْوشتگ کہ ما بلوچ راج ءَ گوں دزبندی کن ایں کہ آ جوانیں وڑے ءَ زھرشانی ئیں روانکاں بھر بزور اَنت ءُ ریاست ءَ را کلوہ بدے اَنت کہ نو گیش بلوچ راج زُلم ءُ زوراکیاں اوپار نہ کنت-

پاکستان ءِ وھد وھدانی واکدار یکشل ءَ بلوچ راجی آجوئی ءِ ھاتر ءَ پرکاریں جد ءُ جھد کنوکاں گپ ءُ تران کنگ ءِ داوت ءَ دیگ ءُ آیاں پُر ایمنیں جد ءُ جھد ءِ گپ ءَ جنگ ءَ اَنت، بلے بلوچستان ءَ ھما گل کہ پُرامن جد ءُ جھد ءِ سر ءَ ستک دار اَنت ءُ سیاسی گھگیری ءِ ڈول ءَ وتی ھکانی واستا توار چِست کنگ ءَ اَنت ءُ ریاست تاکت ءِ زور ءَ آیانی سیاست ءَ گڑگ اِنت-

بلوچ راجی مچی ءِ سر ءَ ریاستی تاکت ءِ رستری ءِ کارمرد ءِ درگت ءَ ھما گماناں گمان کنگ ءَ بیتگ ات انت، آ راست بوت ءُ ھمک وھدی رنگ ءَ ریاست ءِ ادارھاں زوراکی ءِ زور ءَ بلوچ راجی مُچی ءِ دارگ ءِ جھد کت ،بلوچستان ءِ سرجمیں دگانی سر ءَ آڑانک ءِ مک کنگ چار روچاں راھانی بند کنگ، مھلوک ءِ سر ءَ لٹ شاپی کنگ ءُ تیرگواری کنگ بیگ ءَ انت، راجی مچی ءِ سر ءَ بلوچستان ءِ جتا جتائیں جاھاں تچک ءَ تیرگواری کنگ بیتگ، کہ چریشی ءَ بازیں کچے ءَ مردم زدگ ءُ لھتے بیران بیتگ انت-

بلوچ یکجھتی کمیٹی ءُ دومی سیاسی پاٹیانی رھشون ءُ سدانی کچ ءَ باسک زورانسری آوار جنگ بیتگ اَنت، داں انگت ءَ بندیگ جاھاں بند انت ءُ آیانی یل کنائینگ ءِ ھاتر ءَ سرجمیں بلوچستان ءَ زھرشانی ءُ نندانک برجاہ انت-

بلوچستان ءِ آڑوکی سرکار ءُ پاکستانی پوج ءِ جارکش اے جیڑہ ءِ ھل کنگ ءَ ابید تاکت ءَ کارمرد کنگ ءَ انت ءُ ایشی ءَ جاورھال یکدم ناگیگ اَنت ءُ ناگیگی ءِ نیمگ ءَ روگ ءَ اَنت ءُ بلوچ یکجھتی کمیٹی ءِ لوٹانی منگ ءَ ابید جاورانی شر کنگ ءَ ابید ءُ آئی ءِ سروک ءَ کشگ ءِ جھد ءَ اَنت ءُ ایشی ءِ منانک ملٹری انٹیلجنس ءِ یک زرواریں کارندھے ءِ گرگ انت ءُ جرم ءِ منگ انت-

بلوچ یکجھتی کمیٹی ءِ رھشون بلوچ راجی ھکانی واستا پر ایمنی جد ءُ جھد ءَ اِنت ءُ آئی ءِ کشگ ءِ جھد بلوچستان ءَ چست بیتگیں آس ءَ گیش پٹرول پریچگ ءِ برابری انت – ریاستی ادارہ سیاسی مچیانی سر ءَ تاکت ءِ زور ءَ کارمرد ءَ بلوچستان ءِ سیاست ءَ جنگ ءِ نیمگ ءَ کشگ ءَ اَنت ھستیں تاکت اے گامگیجاں بلوچستان ءَ پیسر ناگیگی ءِ آماچی ءَ گیشتر گوات دے انت دیم ءَ روت انت- ایشی ءِ زمہ واری ریاستی ادارھاں لڈگ بیت انت-

بلوچ راجی مُچی ءِ دروشم ءَ ھمود ءَ گوادر ءَ یک روچی مُچی ءَ بوگ ءَ ھلاس بوگی بیتگ ریاست ءَ کورکائی تیرگواری کرتگ ءُ تاکت کارمرد کتگ ءُ یک زرمبشتے جوڑ کتگ ءُ ایشی ءَ سرجمیں بلوچستان ءَ زھر ءِ درشان ءِ یک نوکیں برانزے چست بیت انت ءُ ایشی ءِ سان الم ترند بنت ءُ ریاست ءِ سر ءَ بگیر داری کنوک گیش بوگ ءَ گندگ بنت اِنت-

بلوچ یکجھتی کمیٹی ءِ رھشون ڈاکٹر ماہ رنگ بلوچ ءَ شنگ کتگین درشان ءَ گوشتگ یک ھزار ءَ گیش بی وائی سی ءِ منوک دزگیر کنگ بیتگ اَنت-

آئی ءَ گوشتگ اگاں من ءَ یا بی وائی سی ءِ کجام ھم باسکے ءَ چیزے بوت گڑا پاکستان ءِ ریاست ءَ پسو دیگی انت-

آئی ءَ گوشتگ بیست ءُ ھشت جولائی ءَ گوادر ءَ بلوچ راجی مچی ءِ درگت ءَ پرامنیں مچی کنگ بیتگ بلے ریاست ءِ نیمگ ءَ زوراکی کنگ ءُ آئی ءِ دارگ ءِ جھدے کنگ – سَے روچانی توک ءَ مئے یک ھزار سنگت دزگیر بیتگ انت ءُ ھچ ھال نیست کجا انت –

آئی ءَ گوشتگ چار روچاں گوادر ءَ کرفیو ءُ نیٹ ورک بند کنگ بیتگ ءُ ڈیتھ اسکواڈ ءِ کارندہ دمک دمک ءَ لس مھلوک ءَ گرگ ءُ جنگ ءَ انت ءُ گوادر ءِ مچی ءَ دومی رند ءَ کریک ڈاؤن ءِ دیمپانی کنگ کپتگ پوج گوں مارا پر ایمنیں گپ ءُ تران ءَ ابید زوراکی کنگ ءَ لگ اتگ مارا ھچ سرپدی نیست انگ چنکس زدگ بیتگ انت ءُ زھرشانی ءِ وھد ءَ شھید بیتگیں مردمانی لاش ھسپتالاں ایر انت ءُ مارا روگ ءَ نیلگ انت-

من دزبندی کن اں سرجمیں زیردستیں راجاں بلوچ نسل کشی ءِ ھلاپ ءَ بیا انت ءُ بلوچ یکجھتی ءِ ھمراھداری ءَ بہ کن انت-