TBP Balochi

بلوچ وائس فار جسٹس ءِ جارکش ءَ شنگ کتگیں درشان ءِ تہ ءَ گْوشتگ کہ بلوچ وائس فار جسٹس امیر بخش بلوچ ءِ کھول ءِ ھمراھی ءَ آئی ءِ زورانسری بیگواھی ءِ دہ سال سرجم بیگ ءِ درگت ءَ آئی ءِ پہ سلامتی یل کنائینگ ھاتر ءَ ایکس ءَ چار اگست بیگاہ ءِ ھشت شپ ءَ یازدہ تاں مھم برجم دار ایں-

آئی ءَ گْوشتگ کہ امیر بخش بلوچ دہ سال ءَ ساری چار اگست دوہزار چاردہ ءَ چہ کلانچ پوج ءَ آوار جتگ انگت بیگواہ ءَ اِنت-

درشان ھرچ پڑ ءَ سیادی داروکیں مردم سیاسی ءُ چاگردی باسک، رسانکدری پُرکار ءَ گوں دزبندی اِنت کہ آ اے مھم ءَ ھوار بہ بنت امیر بخش بلوچ ءِ یل کنائینگ ھاتر ءَ توار چست بہ کن اَنت-

بیرگِریں سمّی

الماس بلوچ

دی بلوچستان پوسٹ

منی ڈیھ ءَ
چہ کرناں برجمیں جنگ ءَ را مَٹّینتگ
گوں نوکیں رنگاں مینتگ اے زمین ءُ زِر
گوں نوکیں وشبوہ ءُ پُلّاں
گوں آتاراں، گوں استاراں
گوں شیریں کلکشان ءُ ماہ ءُ ڈیواھاں
چہ کْوھنیں پرتگاں دودانی جامگ کَشّ اِتگ، دوتکگ
گوں پُلّاں سُمب اتگ بالاد رسمانی
منی ڈیھ ءَ یَک سمّی یے ودی کُرتگ
کہ بیر گیر اِنت
سَید بیا! اوں ترا ڈسّاں
زمین ءُ زِر نوں باھوٹ اَنت سمّی ءِ
ھما سمّی کہ دودا ءِ گْورا باھوٹی ءَ نندیت
چہ بیبگر ءَ ھزیت ءُ چادر ءَ پْرنچیت
ھما سمّی کہ دودا ءِ اُمیت ءَ مالداری کنت
چراگجاھاں ھمے اُمّیت ءَ مُلما بیت کہ کسّے ھست،
ھمے سمّی،
ھمے دُردانگیں سمّی،
وتن دیوانگیں سمّی،
نوں بیرگیرے
وتی بْراتانی بیرگیرے،
زِر ءِ چول ءُ زَراب ءُ تیاب،
ماھور، کُنڈی ءُ بوجیگ،
جانشو، ناھُدا ءُ بزگیں پوریاگرانی اُوست
مئے سمّی،
ھما دُردانگیں سمّی
نوں پہ بیبگریں بدواھاں یک بیرگیرے!
سید بیا، گوں ترا ٹوخے کناں مرچی!
منی ڈیھ ءَ
اے جنگ ءَ نوں وتی پوشاک مٹّاتگ
نوں سمّی کوپگ اَنت بْرات ءُ کماشانی
نوں سمّی پاسدار اَنت لجّ ءُ ننگانی
زمین رنگیں ملنگانی!

سبی ءَ بمب تراک ، بمب تراک ءَ پولیس آفیسر نشانگ کنگ بیتگ- بلے پولیس آفیسر تراک ءَ چہ رکّ اِتگ-

دمگی اِھوالانی رِد ءَ اُرش ھما وھد ءَ کنگ بیتگ وھدے کارمند سبی پی ایچ ای ءِ کارگس ءِ نزیک گاڑی ءَ ڈیوٹی ءَ بیتگ- اُرشکار تچگ ءَ سوبمند بیتگ اَنت-

تراک ءَ ھچ وڑیں جانی تاوان ھال نہ بیتگ-

پولیس ھما دمان ءَ سر بیتگ ءُ پٹ ءُ پولے بندات کتگ ءُ اُرشکارانی دزگیر کنگ ءِ ھاتر ءَ لشکر کشی بندات کتگ-

بلے تنی وھدے وئیل درگت ءَ سرپدی نہ رس اِتگ ءُ اُرش زمہ واری انگت ھچ گل ءَ نہ زرتگ-

ھیومین رائٹس واچ ءَ گوشتگ پاکستان ءِ واکدافاں لوٹ ایت آ بلوچستان ءَ بیوکیں پر ایمنیں زھرشانی پسو دیگ ءَ اوپار ءَ گوں پسو بہ دنت- پر ایمنیں زھرشانی ءَ گرگ بیتگیں دراھیں مردم یل بہ بنت ءُ انٹرنیٹ پچ کنگ بہ بیت اِنت-

درشان ءَ گوشگ بیتگ بیست ءُ ھشت جولائی دوھزار ءُ بیست ءُ چار ءَ پاکستان ءِ واکداراں بلوچ راجی مُچی ءِ پژدر ءَ سدانی کچ ءَ مردم دزگیر کتگ اَنت کہ اے دابیں وئیل بلوچستان ءَ انسانی ھکانی لگتمالی ءِ منانکاں پیش کن اَنت-

ھیومین رائٹس واچ ءِ ایسوسی ایٹ ڈائریکٹر پیٹریشیا گوسمین ءَ گوشتگ پاکستان ءِ واکداراں پُرامنیں زھرشانی ءُ اسمبلی ءِ ھک دارگ لوٹ اَنت- ءُ اگاں لٹ ءُ کٹی نیمگ ءَ شت گڑا الم تاکت ءِ زور لازمی بیت اِنت- واکدارانی گون ءَ المی انت آ زھرشانی کنوکانی پھریزداری ءَ بہ کن اَنت ءُ بلوچستان ءِ جاورھالاں گر ءُ دار بہ کن اَنت-

بلوچ راجی مُچی ءَ بلوچستان ءَ بازیں سالانی وھد ءَ زوانسری آوار جنیانی ھساب ءِ لوٹ کتگ اے داب ءَ بیگواھی ءُ بازیں وھداں بلوچستان ءَ سرکار ءُ سلاپ بندانی میان ءَ جنگ ءُ چوپی ءُ ودیتگ انت ءُ پاکستان ءِ سیکورٹی پورسز ءَ پرامنیں مردمانی بے توار کنگ ءَ بیگواہ کتگ اَنت-

گیر سرکاری گل ھیومین رائٹس کمیش آف پاکستان ءَ ھال داتگ کہ مارچ ءِ مردماں مارچ ءِ ھلاس کنگ ءَ دزگیری یا زورانسری بیگواھی ءِ دیمپانی کنگ کپگ انت – بیست ءُ ھشت جولائی ءَ چہ زھرشانی کنوکاں دگ بند کتگ اَنت ءُ وتی ھمراھانی یل کنگ ءِ لوٹ ءَ کنگ ءَ اَنت-

کانون سازگار کنوکیں کارندھانی نیمگ ءَ تاکت ءُ آس بروکیں سلاھانی کامرد کنگ ءَ میان اُستمانی بنکی رھبندانی رد ھست اَنت کہ سیکورٹی پورسز ابید لازمی ءَ تاکت ءَ کارمرد مہ کنت – لٹ ءُ کُٹی مُچیانی شنگ شانگ کنگ ءَ آتتش کشوکیں سلاہ ھما وھد ءَ کارمرد بنت اِنت دگہ کساں تاوان بہ دے اَنت پد ءَ ھم زلوری ھساب ءَ بیت انت کانون سازگار بس ھما وھد ءَ وتی جان ءِ رکینگ ءَ بس جان ءِ پھریزداری ءِ رکینگ مشکل بہ بیت اِنت-

سرکاری لس ٹاھانی رد پدر بیت انت مھلوک ءِ پھریزگ ءُ ردیں ھالانی دارگ ءَ انٹرنیٹ ءَ بند کنگ لازمی انت – بکے اے گامگیج لس مردمانی جان ءِ رکینگ ءِ درگت ءَ سرپدی ءِ انکاری ءَ کنت اِنت جانسلامتی ءِ بارو ءَ روت انت اھوالکاراں پوٹو ءُ ویڈیوزاں شنگ کنگ ءَ دارگی کنت اِنت چریشی ءَ زھرشانی ءَ سرکار ءِ لیکہ بنت اِنت-

ھیومین رائٹس واچ ءَ گوشتگ میان استمانی انسانی ھکانی کانونی بنیاد ءَ آجوئی اِنت کورکائی لس وھداں بندیگی انت گیشتر آجوئی ءِ لیکہ ءُ سرپدی ءِ رسگ ھرکس ءَ ھک ھست اِنت-

پاکستان ءِ سرکار ءَ زورانسری جیڑہ ءِ دلگوش کنگ لازمی انت کہ اے یکشلیں جرمے زانگ بیت اِنت ھرکس گرگ بیت گڑا آئی ءَ بندیگ کنگ ءَ ابید آ دیم ءَ آرگ ءُ جرم ءِ سابت کنگ بہ بیت چوش بیگواہ کنگ وت یک جرمے-

بلوچستان ءَ پرکاریں باسکانی رد ءَ سال دوھزار ءُ چار ءَ داں انگت ءَ ھپت ھزار مردم گار اَنت ءُ مار دوزھزار ءُ یازدہ ءَ پاکستان ءِ کمیشن آف انکوائری ءَ سرجمیں ملک ءَ ھزارانی کچ ءَ مردمانی بیگواھی ءِ شکایت بیتگ اَنت ءُ سانمند گیشتر ھما جاہ بیتگ اَنت آیانی ھال ھچ دیم ءَ نہ بیتگ اَنت ءُ ابید آمیدگسی پرمان ءَ مردمانی کشگ ءَ سرکار کے ءَ زمہ وار کنت اِنت-

گوسمین ءَ گوشتگ سرجمیں پاکستان ءَ بلوچستان ءَ درستاں گیشتر مردم بیگواہ اَنت کہ اود ءَ مردم سالانی سال ھساب لوٹگ ءَ اَنت کہ ایشی ءَ سرکار پہ زانت درگوز کنت اِنت – واکداراں اے گیشی ھلاس کنگی اَنت ءُ اگاں زمہ وارانی ھلاپ ءَ کانونی رنگ ءُ ڈول کارمرد بہ بنت اِنت ءُ سانمند ءُ کھول سرپد کنگ بہ بنت اِنت-

بلوچستان ءِ تیابدپی شھر گوادر پدی زر ءَ بلوچ یکجھتی کمیٹی ءِ زھرشانی نندانک برجاہ انت، چار شمبے ءِ شپ ءَ سرکاری ٹولی گپ ءُ تران ءِ واستا اتکگ اَنت-

ھمے وھد ءَ بلوچ یکجھتی کمیٹی ءِ سروک ڈاکٹر ماہ رنگ بلوچ ءَ سرکار ءِ گون ءَ بیوکیں گپ ءُ ترانانی درگت ءُ مھلوک سرپد کتگ ءُ گپ ءُ تران ءَ لوٹ پیش کتگ اَنت-

پیش کتگیں لوٹانی تہ ءَ بلوچ راجی مچی ءِ بھر زیروکانی ھلاپ ءَ گوادر ءَ ھوار سرجمیں بلوچستان ءَ لٹ ءُ کُٹ ءِ کارمرد بند کنگ بہ بیت اِنت-

ھمے ڈول ءَ سرجمیں بلوچستان ءَ دزگیر کنگ بیتگیں دراھیں مردم الکاپی ءَ یل کنگ بہ بنت ءُ بلوچستان ءِ دراھیں راہ ءُ در اژدری پچ کنگ بہ بنت –

گیش گوشگ بیتگ گوادر ءِ مھلوک ءِ لوگانی سر ءَ بیڑ برگ ءُ آیانی ترسینگ بند کنگ بہ بیت اِنت-

ڈاکٹر ماہ رنگ بلوچ ءَ گوشتگ گپ ءُ تران ءِ وھد ءَ اگاں گوادر ءَ ھوار سرجمیں بلوچستان ءَ کجام ھم ھند ءَ بلوچ راجی مُچی ءِ بھر زیروکانی سر ءَ تاکت یا کجام ڈول ءَ زور بیت گڑا گپ ءُ ترانی گپ ھلاس زھرشانی نندانک یکشل ءَ برجاہ بیت اِنت-

بلوچ یکجھتی کمیٹی ءِ جار پد ءَ اسلام آباد ءَ زھرشانی ئیں روانک کشگ بیتگ ءُ زھرشانی نکش کنائینتگ-

بلوچ یکجھتی کمیٹی ءِ نیمگ ءَ چہ برجم دارگ بیتگیں گوادر ءَ بلوچ یکجھتی کمیٹی ءِ راجی مچی سر ءَ پولیس ءِ لَٹ کُٹ، آوار جنگ ءُ کاروانانی سر ءَ پاکستانی پوج ءِ زوراکی ءِ بگیری ءَ اسلام آباد ءَ روانکے کشگ بیتگ ءُ زھرشانی نکش کنگ بیتگ-

اسلام آباد ءَ زھرشانی ءَ بلوچ یکجھتی کمیٹی ءِ باسک، انسانی ھکانی باسکاں ھوار نودرانی مزنیں کچے ءَ بھر زرتگ-

اے میان ءَ بلوچ ءَ بلوچ یکجھتی کمیٹی ءَ اسلام آباد ءَ نیشنل پریس کلب دیم ءَ زھرشانی ئیں روانک کشگ بیتگ، زھرشانی کنوکاں بلوچستان ءَ ریاستی زوراکی ، رسانکدر ءُ نیٹ ورک ءِ سرجمی بند ءُ بلوچ چُکچینی، بلوچ راجی مچی ءِ سر ءَ ریاستی ءِ زوراکی ءِ ترندیں پھازی ءِ درشان کتگ-

زھرشانی کنوکاں سرجمیں بلوچستان ءَ راجی مچی ءِ میان ءَ بازیں زھرشانی کنوک زورانسری آوار جنی کاروانانی سر ءَ اُرش ءُ بیرانی پدر کتگ اَنت-

زھرشانی کنوکاں اے درگت ءَ گْوشتگ کہ صوبائی بُتیں ھکومت ءِ پرمانانی سر ءَ بلوچ راجی مچی ءِ سر ءَ زوراکی کتگ ءُ بی وائی سی ءِ باسکاں ھوار راھشون دزگیر کتگ اَنت آ پُرایمنیں زھرشانی ءَ داشتگ اَنت اے یک بلاھیں انسانی ھکانی بگیری اِنت-

آیاں گوشتگ کہ پُرایمن زھرشانی کنوک کہ آیانی تہ ءَ زالبول ءُ چک ھوار بیتگ اَنت پنچ روچ ءَ یکشل ءَ ریاستی زوراکی ءِ دیمپانی کنگ ءَ اَنت چریشی ءِ بگیری ءَ اسلام آباد ءَ ھوار سرجمیں بلوچستان ءَ زھرشانیانی دْرچ برجاہ ء اِنت-

زھرشانی ءَ ھوار انسانی ھکانی باسک ءُ وکیل ایمان مزاری ءَ گْوشتگ کہ گوستگیں شش روچ ءَ ما چہ بلوچستان ءَ گندگ ءَ ایں کہ یک پُرایمن راجی مچی سر ءَ ریاست ءَ کجام وڑ تاکت کارمرز کتگ مردم لَٹ کُٹانی نشانگ کتگ اَنت اشی ءَ تچک ءَ پدر بیت کہ ریاست وت بلوچانی پُرایمن گھگیری ءَ تُرسگ ءَ اِنت-

زانگ بہ بیت کہ بلوچ یکجھتی کمیٹی ءِ برجم داشتگیں گوادر مچی ءَ ھواریں مردمانی سر ءَ لَٹ کُٹ زوراکی ءِ بگیری ءَ سرجمیں بلوچستان ءَ ھڑتال ءُ زھرشانیانی دْرچ برجاہ وھدے کہ جتاجتائیں ھندانی سر ءَ مچی ءِ مردماں نندانک جتگ ءُ نشتگ اَنت-

بلوچستان ءِ دگہ شھرانی وڑ ءَ گوستگیں روچاں گوادر ءَ بلوچ راجی مچی سر ءَ ریاستی زوراکی ءِ بگیری ءَ نندانک برجاہ ءَ اِنت-

بلوچ یکجھتی کمیٹی ءِ جار پد ءَ شھر ءِ سرجمیں باپاری بُنجاہ ءُ بینک بند اَنت وھدے کہ بلوچ یکجھتی کمیٹی ءِ نیمگ ءَ گوستگیں دو روچاں چہ شھید فدا چوک سر ءَ نندانک دیگ ءَ اَنت-

وھدے کہ شھر ءَ موباھل پون ءِ نیٹورک ھم بند اَنت-

مروچی صوبائی وزیر ظھور بلیدی بی وائی سی ءِ گوم ءَ گپ دیوان ھاتر ءَ تربت ءَ سر بیتگ-

لوٹانی ایر کنگ ءَ نندانک ءَ نشتگیں مردماں گْوشتگ کہ بی وائی سی ءِ راھشوناں ھوار سرجمیں دزگیریں مردم یل کنگ بہ بنت ءُ گوادر ءَ رؤکیں راہ ءَ پچ بہ کن اَنت ءُ گوادر ءَ ھوار سرجمیں بلوچستان ءَ دامگ ءِ بندش ءَ ھلاس بہ کن اَنت ءُ ھما مردمانی موباھل پرپٹ، گاڑی برتگ اَنت آیاں واتر بدے اَنت-

ھمے میان ءَ صوبائی ظھور بلیدی ءَ گدان تران کنان ءَ گْوشتگ کہ اگاں راجی مچی کنگ ءَ بہ اِشتین آں کیامت وَ نیتکگ اَت-

بلوچ یکجھتی کمیٹی ءِ جار پد ءَ زی بارکھان ءِ شھر رکھنی ءَ بیتگیں شٹر ڈاؤن ھڑتال ءُ روانک ءَ بھر زوروکیں مردماں ھوار بلوچ یکجھتی کمیٹی ءِ باسکانی سر ءَ پولیس نیمگ ءَ چہ ایف آئی آر نکش کنگ بیتگ اَنت-

بلوچ راجی مچی ءُ کاروانانی سر ءَ پاکستانی پوج ءِ اُرشاں ءُ لَٹ کُٹانی بگیری ءَ سرجمیں بلوچستان ءَ سیاسی بلوچ یکجھتی کمیٹی ءِ زھرشانی ءَ نندانکانی دْرچ برجاہ ءَ اِنت-

بی وائی سی ءِ کال پد ءَ گوستگیں روچ ءَ بلوچستان دگہ دمگانی وڑ ءَ بارکھان ءِ شھر رکھنی ءَ ھم شھریاں دگانی سر ءَ زھرشانی کنگ بیتگ وھدے کہ اے میان ءَ شھر ءَ سرجمی ءَ ھڑتال بیتگ چریشی ءِ سبب ءَ اے پولیس ءَ زھرشانی کنوکانی بگیری ءَ ایف آئی آر نکش کنگ بیتگ-

زھرشانی کنوکانی گْوشگ اِنت کہ بارکھان ءِ شھر رکھنی ءَ ھم زی یک پُرایمنیں روانکے کشگ بیتگ کہ ھرچ مردمے ءِ بُنکی ھک اِنت بلے اشی ءِ پُشدر ءَ جتاجتائیں باسکاں لوگانی سر ءَ بیڑبرگ بیگ ءَ اِنت ءُ دزگیر کنگ بیگ ءَ اَنت-

آئی ءَ گْوشتگ کہ ما رکھنی انتزامیہ ءَ چہ زوت اے ایف آئی آر ھلاس کنگ ءُ مردماں بے سبب ءَ دزگیر کنگ ءَ بند بہ کن اَنت اگاں آئی ءِ بگیری ءَ تُرندیں زھرشانی کنگ بیت-

گوستگیں روچ ءَ گوادر ءَ برجاھیں زھرشانی نندانک ءِ وھد ءَ دزگیر بیتگیں سمی ءُ سبغت اللہ یل بیتگ انت-

ھردوکیں رھشون گوستگیں روچاں ڈاکٹر صبیحہ بلوچ ءِ ھمراھی ءَ دزگیر کنگ بیتگ انت ءُ پد ءَ بیگواہ کنگ بیتگ اَنت-

داں انگت ءَ گوادر ءِ نندانک ءَ دو سد ءَ گیش مردن دزگیر کنگ بیتگ اَنت ءُ دزگیر بیتگیں مردمانی بارو ءَ ھچ سرپدی نیست انت-

زانگ بہ بیت ڈپٹی کمشنر گوادر ءَ وتی شنگ بیتگیں درشان ءَ سمی، صبیحہ ءُ صبغت اللہ ءِ دزگیری ءِ ھال بس ھنچیں گپے گشتگ ات ءُ گوادر ءَ زالبولانی دزگیری یا زدگ بوگ ءِ ھال بے بنیات گشتگ ات اَنت-

ڈپٹی کمشنر گوادر ءَ یک پریس کانفرنسے ءَ گوشتگ ات کہ راجی مچی ءِ وھد ءَ کمیٹی ءِ باسکاں لا انفورسمنٹ ایجنسیز ءِ یک کارندھے دزگیر کتگ ءُ آ وتر دیگ ءَ انکاری کتگ – دمگی انتزامیہ ءِ گپتگین مردم ءِ بارو ءَ گپ ءُ تران کتگ گڑا کمیٹی ءَ گشتگ سیکیورٹی ایجنسی ءِ کارندہ مئے گور ءَ نہ اِنت ءُ ایشی ءَ پد پولیس ءُ ایف سی ءَ نندانک ءِ مُچی شنگ ءُ شانگ کتگ-

دومی نیمگ ءَ بلوچ یکجھتی کمیٹی ءَ گوستگیں روچ ءَ بھتام جتگ ات کہ بی وائی سی ءِ رھشون سمی، صبیحہ ءُ صبغت اللہ پورسز ءَ نندانک جاہ ءَ لٹ ءُ کٹ ءُ ٹپیگ کنگ ءَ پد زدگیں جاوراں دزگیر کتگ ءُ ناشناسیں جاھان برتگ انت-