TBP Balochi

بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں درشان ءِ تہ ءَ گوشتگ کہ مئے سرمچاراں چمالنگ ءُ کلات ءَ سے جتاجتائیں اُرشاں زورگریں پاکستانی پوج ءُ بلوچ راجی مڈیانی لُٹ پُل کنوکیں گاڑی نشانگ کتگ اَنت-

جارکش ءَ گْوشتگ کہ بی ایل اے ءِ سرمچاراں گوستگیں شپ ءَ چمالنگ ءَ ٹریپل موڑ ھند سر ءَ زورگریں پاکستانی پوج ءِ یک گاڑی یے ریموٹ کنٹرولڈ آئی ای ڈی اُرش ءَ نشانگ کتگ، تراک ءِ نشانگ آیگ ءَ چہ گاڑی ءَ سوار یک کارمندے مرتگ ءُ کم چہ کم سے ٹپی بیتگ اَنت وھدے کہ گاڑی ءَ سک تاوان رس اِتگ-

آئی ءَ گْوشتگ کہ اشی ءَ ساری گوستگیں روچ ءَ بلوچ لبریشن آرمی ءِ سرمچاراں چمالنگ ءَ متزکرہ ھند سر ءَ مڈی لُٹ پُل کنوکیں سے گاڑی مانداشتگ ءُ تباہ کتگ اَنت-

جارکش ءَ گوشتگ مروچی بیگاہ ءِ وھد ءَ بلوچ لبریشن آرمی ءِ سرمچاراں کلات مھلبی ءِ ھند سر ءَ مڈی لُٹ پُل کنوکیں یک گاڑی یے اُرش ءِ نشانگ کتگ ءُ مانداشتگ تباہ کتگ-

جارکش ءَ گوشتگ کہ بلوچ لبریشن آرمی اے سئیں اُرشانی زمہ واری ءَ منّ اِیت-

گوستگیں روچ ءَ چمالنگ ءَ ٹرکیں گاڑیانی ماندارگ ءُ آیانی سر ءَ تیرگواری ءِ وئیل ءَ پد ھرنائی ءَ سیکیورٹی تُرس بنیاد ءَ دمگی انتزامیہ ءَ ڈپٹی کمشنر ھرنائی ءِ پرمان رِد ءَ ھرنائی تاں سنجاوی دگ سر ءَ اشکر ءَ لوڈیں ٹرکیں گاڑی سپر کنگ ءَ داشتگ اَنت-

گوستگیں روچ ءَ چمالنگ ءَ ناشناسیں مردماں اشکر ءَ چہ پُریں ٹرک مانداشتگ اَنت-

لیویز رِد ءَ سے ٹرک تیرگواری کتگ ءُ مانداشتگ اَنت کہ آیانی تہ ءَ دو اشکر ءَ چہ پُر بیتگ اَنت وھدے کہ یکے ھالیگ بیتگ اَنت-

مروچی ٹرکانی دارگ ءِ سبب ھرنائی سنجاوی دگ سر ءَ ٹرک گاڑیانی دراجیں لین لگ اِتگ-

دومی نیمگ ءَ زی ٹرکانی سر ءَ بوتگیں اُرش ءَ ٹپی ئیں ڈرائیور ٹپانی درد نہ سگ اِتگ بیران بیتگ، ٹپی ڈرائیور حبیب اللہ حمزازئی الاج ھاتر ءَ ملتان ءَ برگ بیتگ اَنت ڈرائیور ءِ سیادی میختر ءَ اِنت-

روکپتی بلوچستان ءِ دمگ لاشار ءَ ایرانی لشکر ءَ جتا جتائیں بیڑاں شش مردم دزگیر ءُ یکے کشتگ-

پولیس لشکر ءِ بنشون ءِ رد ءَ لاشار ءَ ￴پولیس لشکر ءُ ￶سلاہ بندیں ڈُنگانی نیام ءَ ￴میڑ ءَ ￴یک دُزّے ￵کشگ ءُ ￶یکے زدگ بیتگ ءُ ￶سرجم ءَ ￴دوئیں زندگیں دُزّ دزگیر ءُ ￶بندیگ جاہ ءَ ￴برگ بوتگ اَنت۔

ھمے وڑا پولیس لشکر ءِ بنشون ءَ گشتگ سُھبی لاشار ءَ ￴دمگی مردماں لھتے میش دُزّ تاچینتگ ءُ ￶آھانی گاڑیے ھراب بوگ ءَ ￴پَد گپتگ اَنت ءُ ￶پولیس ءِ ￵دست ءَ ￴داتگ اَنت۔

یک بیران بوتگیں ڈنُگے ءِ ￵پجار سابر برزکار پنام ءِ ￵پولُک ایرانشھر ءِ ￵جھمنند زانگ بیتگ ۔

آدگہ شش دزگیر بوتگیں دُزانی پجار زانگ نہ بیتگ انت ۔ گُشگ بیتگ کہ اے ڈنگاں زیک لاشار ءَ ￴ناشریں گام زُرتگ ءُ ￶لوگانی تھا بیڑ برگ ءَ ￴پد زالبولانی سر ءَ توپک کَش اِتگ ءُ ￶لوگانی دُزی کُرتگ کہ دُزی ءَ ￴دپ دمگی مردماں یکجاہ بوتگ ءُ ￶گرائینتگ اَنت۔

ھمے ڈول ءَ چھبار ءَ ناشناسیں مردمان تیرگواری کتگ ءُ یک مردمے کشتگ-

اُرش ءَ بیران بیتگیں مردم ءِ پجار زانگ نہ بیتگ-

روکپتی بلوچستان ءِ دمگ سراوان ءَ ￴بالگردے کَپگ ءَ ￴لشکری سروگانے ءَ ￴ھوار دو کارمند بیران بیتگ اَنت۔

گیشیں اھوالانی رد ءَ سراوان ءِ ￵دمگ سیرکان ءَ ￴ایرانی لشکر ءِ ￵ھیلی کاپٹرے ءِ کپگ ءَ ￴لشکری مزنیں آپیسرے ￴ھوار بالگرد ءِ ￵بالیگرُاب مُرتگ اَنت۔

بیران بیتگیں لشکری سروگانے پجار گلستان ءَ نینوا لَمب ءِ ￵کماندار ھامد جندگی ، لشکری بالیگُراب ءِ ￵پجار جایروپلن نام ءَ ￴زانگ بیتگ اَنت۔

سرکاری بنشون ءَ گوشتگ ھیلی ھیلی کاپٹر ءِ کپگ راست کتگ ءُ گشتگ اے وئیل کزا بیتگ ءُ ٹرینگ ءِ وھد ءَ کپتگ –

جنگی ھُنر

نبشتہ کار : سُن زو

رجانک: کوھسار قندیل

دومی بھر

دی بلوچستان پوسٹ

جنگ ءِ وھد ءَ سُن زو وھدی میدان ءِ جنگ ءِ نکشہ ءَ کَش ایت گُڑا نبشتہ کنت کئے جنگ یک مزنیں تاوانے اے ھمے ھاتر ءَ یک انچیں تیاری ءِ بہ کن کئے میدان ءِ جنگ ءَ تئی سپاھیگ ءَ ھچ شئے اے کمی مہ بیت۔آھانی ھر جائزیں زلورت ءَ سرجم بہ کن کہ آھانی راہ ءِ توک ءَ ھچ جنجال مہ بیت۔جلدی سوبمند بہ بنت ءُ جنگ دراج کَش مہ بیت۔

سُن زو اے گپ ءَ تچک کنت کہ جنگی ساز ءُ سامان کارمرز کنگ ءَ کم ھم بنت۔ھاس ھما وھدا کہ تو دشمن ءِ شھر ءُ کلات ءَ گیرہ کن انت ءُ جنگ دراج کَش بیت،جنگی ساز ءُ سامان کم بنت ءُ سپاھیگانی ھمت ءُ جزبگ پُروش ور اَنت گڑا اے ساھت ءَ دشمن پائدگ چِست کنگ ءِ باز جُھد کنت۔سپاھیگ ءَ نہ اے ھالات ءَ گوں مھکم بُوھگ ءَ تیار بہ کن۔ سُن زو اے راستی ءِ سر ءَ باز زور دنت کہ دراج کَش ءِ جنگ ترا باز تاوان دات کُت کنت۔بلئے گیش اشتاپ کنّگ ھم ترا تاوان دنت انت۔تاریک ءِ توک ءَ دراج کَشیں جنگانی مُز جوان نہ بوتگ اَنت۔ھما مردم کہ چہ جنگ ءِ تاوان ءَ سرپد اَنت گڑا الّم سرپد بنت زوت چہ زوت جنگ ءَ سوبمندی گِرگ ترا بازیں تاوان اے چہ راکیں کُت کنت-

سُن زو جنگ ءِ ھالاتانی توک ءَ وھد آرا باز اھمیت داتگ۔سُن زو یک لائیکیں جنگولے ءَ ھمے پنت ءَ دنت کہ جنگ ءِ وھد ءَ پہ جنگی ساز ءَ سامان ءِ دست کپگ ءَ ودار کنگ جوانیں کارے نہ انت۔ وتی جنگی ساز ءُ سامان ءَ چہ جنگ کنگ ءَ پیسر گیشین ،پرچا کہ ھالات ءِ جنگ سکیں گران نھادے ءِ وھد اے بیت ساز ءُ سامان ھم گران نھاد بنت۔

دومی بھر ءِ دیمتر ءَ سُن زو گپے گُش ایت کہ آ گپ گوں سپاھیگانی جزبگ ءَ گوں بندوک اِنت۔سُن زو گُش ایت دشمن ءِ ھتم کنگ ءِ ھاتر ءَ المّی اِنت کئے تو وتی سپاھیگانی دل ءَ دشمن ءِ ھلاپ ءَ زھر ءُ کینگ پیداک بہ کن،ءُ آھان ءَ بُگوش کہ دشمن ءِ ھلاس کنگ ءَ پد آھاناں اِزت ءُ شرپ بکشگ بیت ءُ وتی کتگیں کولانی پاسدار بوگی اِنت۔وھدی تو دشمن لشکر پروش دامیگ ءَ سوبمند بہ ئے آھانی مال ءُ اسباب ءَ زورگیر کن ئے گڑا آھاں بھر بکن ۔وتی کتگیں کولانی سر ءَ اوشت۔اے کاراں چی سپاھیگانی دل ءِ توک ءَ پہ جنگ ءَ جوش ءُ جزبگ پیداک بیت۔ وھدے تو دشمن ءِ لشکر ءِ سپاھیگاں دستگیر کن ئے گڑا آھاں گوں جوانیں وڑے ءَ پیش بیا کہ آ تئی لشکر ءَ گوں ھوار بہ باں ءُ پد ءَ آھان دشمن ءِ ھلاپ ءَ جنگ پرما۔ایشی ءَ چہ تئی تاکت مھکم بیت ءُ دشمن ءِ دل ءَ بیم روت۔

دومی بھر ءِ گڈّی ءَ سُن زو گُش ایت یک جنگے ءِ مکسد یک سرجمیں سوبمندی ءِ کٹّگ اِنت ،جنگ ءِ دراج کشّگ نہ اِنت۔زلوری اِنت تئی جنگی کمان کُلین ھالات ءَ سرپدین ءُ زانت کاری ءَ بہ بیت پرچا کہ ھمائی ءِ پیسلہ ءَ چی راج سوبمند بنت یا تباہ ءُ برباد بنت۔

اے بھر ءِ توک ءَ سُن زو ءِ گپانی وانگ ءَ پد ھمے گمان بیت آئی ءَ سک دور چیزانی بابت چار اتگ۔آئی ءِ چِم گوں ملُک ءِ کانود ءَ گِر دانکہ جنگی سپاھیگانی سُر ءُ پُراں ھم بوتگ۔جنگ ءَ را یک تاوان ءُ نُکس گُشگ ءَ چے سُن زو ءِ مکسد ھمیش اِنت کہ وھدے ھاکم ءَ نہ امن ءِ درس ءَ بہ دنت۔سُن زو یک راستی دوستیں مردمے ءُ آ زانت کہ جنگ یک ابرمی شئے یے.ھمے ھاتر ءَ بلکیں آئی ءَ وتی کتاب ءِ نام امن ءِ ھنر اے بدل ءَ جنگی ھنر کُتگ ءُ جنگ ءِ بندات ءَ گِر دانکہ جنگ گڈّی ءَ کُل پیش اھتگیں ھالاتانی منزر کشی کتگ۔نوں ھاکم ءِ دست ءَ اِنت کہ کاراں پہ جنگ گیشیں ایت یا پہ امن ۔سنُ زو وت دراج کشّین جنگ ءُ شھرانی انگیر کنگ ءِ وھد ءَ لَس مھلوک ءَ را تاوان دیگ ءِ سک ھلاپ بوتگ۔ آئی ءِ کوشست بوتگ کہ جنگ کنگ ءَ پیسر کٹّگ ءُ وتی لوٹ پچگیرگ بہ بنت۔

سُن زو سپاھیگ ءَ جزبگ ءُ ھوسلھانی بُرز کنگ ءِ سر ءَ باز زور داتگ۔ایشی ءَ گوں ھوار سپاھیگ ءَ ناں ازت ءُ شرپ مال ءُ مڈّی بکشگ بہ بیت۔آئی ءِ بامردیں کارانی سر ءَ را دل بڈّی بدے ۔وھدی تو آھان ءَ کم شرپ ءُ بے ازت کن ئے گڑا الّم تئی ھلاپ ءَ باگی بیت۔

یات بہ کن ! جنگ ءِ میدان ءَ پُترگ ءَ ھوار وھد زوال مہ بیت اُرش کنگ ءُ جلدی سوبمند بُوگ بلاھیں سوبمندی یے ۔

راسکوہ ءِ درپشوکیں چراگ

نبشتہ کار: ثناء ثانی

رجانک: یسما بلوچ

دی بلوچستان پوسٹ

کراچی بالی پٹ ءَ ￴اے شپ باز ارزشت داریں شپے اَت ۔ ملیر ءَ اِیمنی اَت، گوات ءِ ￵تہا سارتی گیش کپتگ اَت ءُ ￶شھرے چراگ شپ ءَ را گیش گرم کنگ ءَ ات انت ، بلے بالی پٹ ءَ ￵آزمان  ءَ ￴را یک بے تاھیری ءَ ￴مانپُشتگ اَت۔ درپشوکیں لیٹ ءِ ￵رژنائی ءَ ￴چہ Runway رژناہ ￴اَت ءُ ￶آزمان ءِ ￵لاپ ءَ ￴ھمُک ساھت ءَ ￴تُرسناکی ءِ ￵مارشت ءِ ￵گیش گمان بوگ ءَ اَت۔ ھاسیں مھمانانی یک بالی گرابے ءِ سر ءَ آھگ ءِ گمان بوتگ اَت کہ شھر ءِ شپ ءَ را گیشتر آگہ کنگ ءَ ￴بے وَس کُتگ اَت۔

آزمان ءَ ￴چہ دور یک رژنائی یے تیزی ءَ گوں نزیک بوھگ ءَ ات، اے رژنائی ھما بالی گرابے ءِ رژنائی اَت کہ پہ چینی سرمایہ کاراں ءُ انجینئراں بالی پٹ ءِ رن وے ءِ سر ءَ ایر کپگ ءَ اَت۔ بالی پٹ ءِ بُرزیں ماڑیانی ساھگ ءَ بالی پٹ ءَ رینجر ءُ پولیس ءِ کارندہ گوں دلگوش ءَ اوشتاتگ اِت انت ۔ رن وے ءُ بالی پٹ ءِ کش ءُ گور ءَ سلاہ بندیں کارندہ سک باز ھوشیاری ءَ ￴گوں نگھداری کنگ ءَ اِت انت۔ ایشانی چمّانی توک ءَ ￴دلگوشی اَت ءُ دست وتی تپنگانی ٹریگر ءِ سر ءَ اَت انت، انچو گشئے آ ھرچ ناگیگیں ھترہ ءِ دیمپانی کنگ ءَ ￴جاڑیگ اِت اَنت۔

بالی گراب رن وے ءِ سر ءَ ایر کپگ ءَ گوں بریک ءِ چرّگ ءَ ￴گوں شُور کنان بوت ءُ ￶اوشتات ءُ سرجمیں بالی پٹ شُورے توار ءَ ￴چہ جَکس ات۔ بوئنگ ءِ دروازگ ءِ سر ءَ سیڑھی ایر کنگ بوت ءُ لھتیں دمان ءَ پد درپشوکیں وردی ءِ تہ ءَ چینی اپسر چہ بالی گراب ءَ دراتک اَنت۔ ایشانی پادانی زوراکی ءِ ￵توار سیڑھیانی سر ءَ جَسکگ ءَ ￴اَت انت، انچو گُشئے آ وتی ملک ءِ زور ءُ شان ءَ گوں وت برگ ءَ اِت اَنت۔

چینی اپسر زوت یک ھاسیں کوٹی یے تہ ءَ دیم دیگ بوت انت ، اودا آھانی جان سلامتی ءِ ھاتر ءَ یک ھاسیں ءُ ￶مھکمیں راھبندے جوڑ کنگ بوتگ ات۔ ھما کُوٹی کہ “رڈ روم” ءِ نام ءَ زانگ بیت، پہ سیکورٹی کلیئرنس واست ءَ ￴جوڑ کنگ بوتگ اَت۔ رن وے ءِ سر ءَ آئی ءِ کش ءُ گور ءَ یک ھاسیں کارندہ اوشتوک ات انت ایشی ءِ تہ ءَ ایس ایس جی کمانڈوز ءُ پاکستانی پوج ءِ ھاسیں یونٹ ھوار اِت انت۔ ایشانی پادانی توار بالی پٹ ءِ زمین ءِ ￵سر ءَ جَسکگ ءَ ￴اَت ءُ ھر گام ءَ گوں ایشانی کش ءُ گور ءَ ￴بے کراری ءِ ￵مارشت گیش بوان ات۔

چین ءِ ماموران ءِ پجار ءُ سیکورٹی کلیئرنس ءِ کار رڈ روم ءَ بندات بوت۔ رڈ روم ءِ دپ ءَ نوکیں سامان ایر کنگ بوتگ اَت کہ ھرچ ھما چیزے سر ءَ کہ شک بوت آ ￴یک دمے گیپتے ￵بہ کنت۔ اسنائپراں بالی پٹ ءِ ماڑی ءِ چھت ءِ سر ءَ پوزیشن گیپتگ اِت انت ءُ آھانی چم ھر نیمگ ءَ سَکّ اِت انت ۔ سیکورٹی پروٹوکول ءِ رد ءَ بالی پٹ ءِ درستیں پُترگی ءُ درآیگی دروازگانی سر ءَ سادہ پوشیں کارندہ گون اِت انت ءُ سیکورٹی کارندھاں ھمُک نیمگ ءَ وتی پوزیشنانی سر ءَ اوشتاتگ اِت انت۔

وَھدے چینی اپسر ءُ انجینئراں چہ رڈ روم ءَ درکپتاں گُڑا آھاں بلٹ پروف لینڈ کروزر ءُ بلٹ پروف کوسٹر Mini بس ءِ تہ ءَ سوار کنگ بوت اَنت ۔ گاڑیانی کش ءُ گور ءَ پاکستانی سیکورٹی اھلکارانی نگھپانی کنگ گیش بوت۔ کاروان ءَ کہ بالی پٹ ءَ چہ درآیگ بندات کت گڑا اِیشانی گاڑیانی دیم ءَ ￴ءُ ￶پُشت ءَ ایجنسی ءِ گاڑی ءَ ￴وتی سُر ءُ ￶پُر بندات کُرت ءُ جتا جتائیں ھاسیں جاھاں سیکورٹی ھَست ءُ ￶گون اِت اَنت۔

شاہ فھد کہ اے وَھد ءَ بالی پٹ ءِ نزیک ءَ وتی گاڑی ءَ نشتگ ات آ ھمے ندارگ ءَ گوں دلگوشی ءَ چارگ ءَ ات۔ آ نوشکی ءِ ھما ورنا ات کہ آئی ءَ راسکوہ ءِ سُتکگیں کوھاں ایٹمی تراک ءِ شُور اِش کنائینگ بوتگ اَت۔ آئی ءِ دل پہ مرچیگیں مشن ءَ چہ شوک ءُ جزبگ ءَ سر چکار ات۔ وتی گاڑی ءِ تہ ءَ نشت ءُ آئی ءَ وتی دست ڈیٹونیٹر ءِ سر ءَ ایر کت ءُ گُڈی رند ءَ وتی زندے یات کت۔ اے ھما ساھت اَت کہ ایش ءِ ￵واست ءَ آئی ءَ وتی زند ءِ سئے سال گوں ودار ءَ گوازینتگ اَت کہ آئی ءَ وتی دل ءَ کول ئے ءِ دروشم ءَ زرتگ اَت ءُ ￶ایر کُرتگ اَت۔

کاروان وَھدے چہ بالی پٹ ءِ دروازگاں دراتک ءُ شھر ءِ روڈانی نیمگ ءَ ￴روگے بندات کُرت گُڑا سنگت بادشاہ فھد ءَ وتی گاڑی ءَ را تیز کت ءُ تراکناکیں چیزاں چہ پُریں گاڑی ءَ ￴گوں کاروان ءِ رندگیری کُت۔ آئی ءِ زھن ءِ ￵تہ ءَ اے گپ پدّر اَت کہ آ مرچی وتی مشن ءَ سرجم کنت۔

بالی پٹ ءِ ڈن ءَ ھر نیمگ ءَ ￴پولیس ءِ گاڑی ءُ سیکورٹی کارندہ کش ءُ گور ءَ ھَست اِت انت بلے انگت فھد وتی بارود ءَ ￴چہ پُریں گاڑی کاروان ءِ میان ءَ سر کنگ ءَ سوبین بوت۔ وھدے کہ کاروان ءِ گاڑی بالی پٹ ءَ چہ شاہرہ فیصل ءَ درآیگ ءِ ھاتر ءَ بالی پٹ ءِ ￴سڑک ءِ سگنل ءِ ￵نزیک ءَ ￴سر بوت اَنت گڑا فگد وتی گاڑی گوں کاروان ءِ تہ ءَ ھواریں چینی سرمایہ کارانی گاڑی ءِ ￵سر ءَ تراک دات ۔

ڈیٹونیٹر ءِ بٹن گوں زور ءِ پر دیگ ءَ ￴گوں فھد ءِ گاڑی ءَ مزنیں توارے ءَ ￴گوں ترکّ اِیت۔ یک دمانے ءَ بارود ءِ یک زوراکیں لھرے ءَ سرجمیں کاروان وتی تہ ءَ پتات۔ آس ءِ ￵برانز آزمان ءَ ￴شُت اَنت، انچو گُشے کہ یک مزنیں چراگے ءَ شپ ءِ تھاری ءَ رُژنائی بکشات ۔ تراکے توار مزن ءُ رُژنائی ءِ تاب انچو رونک اَت کہ نزیکیں ماڑیانی دریگ ٹُکّر ٹُکّر بوھگ ءَ لگ اِت اَنت ءُ بالی پٹ ءِ ماڑیانی دیوالاں لرزگ بندات کُت۔

تراک ءِ توار کراچی ءِ دوریں دمگاں داں اِشکنگ بوت ءُ شھر ءِ نندوکاں اے لرزوکیں ساھت ءِ ترس وتی دل ءَ مار اِت۔ آس ءِ توپان انچو مزن اَت کہ گاڑیانی شیشگ پُرشتاں ءُ آزمان ءِ ￵لاپ ھُوشکیں دوتّے بوت۔ ھما بلٹ پروف گاڑی کہ پروش نہ وارتگیں زانگ بوتگ اَت اَنت، نوں آس ءَ ￴وتی تہ ءَ مانپوشتگ اِت انت۔ آس ءِ ￵تاب بُرز بوان بوت انت ءُ ￶آزمان ءِ بُرزی ءَ سر بوگ ءَ ￴ات انت ءُ تھارمائی شپ ءَ ￴وتی ￵دِلبندے تہ ءَ ایر بُرت ءُ ￶رُژنائی ءَ ￴چہ رُژناہ کُرت۔

اے رُژنائی استالانی رُژنائی اَت، واھگانی رُژنائی اَت، آجوئی ءِ چارگ اَت کہ فھد ءَ ￴وتی ￵گُڈی ساہ تک ￴سرجمیں شھر واب ءَ چہ پاد کتگ ات۔ واجہ ءِ کُربانی ءِ اے ساھت ءَ کراچی ءِ اے شپ ءَ را پہ دائمی یاتگار جوڑ کُرتگ اَت. ھما چینی سرمایہ کاراں کہ وتارا ایمن لیک اِتگ اَت ھمے تباھی ءِ گواہ جوڑ بوت اَنت ءُ سوچوکیں گاڑی پہ بلوچ سرمچاراں سوبمندی ءِ نشانی جوڑ بیتگ اَت انت۔

تراک ءَ پد یک دمانے ءَ گوات ءِ تہ ءَ ھاموشی اَت بلے پد ءَ سائرن ءِ تواراں ھاموشی ھتم کُرت۔ پولیس ءِ گاڑی ءُ ایمبولینس (تراک جاہ ءَ سر بوت اَنت بلے نوں بس اود ءَ رونکیں برانز ءُ گاڑیانی سُتکگیں سامان پشت کپگت اَت انت۔

کراچی ءَ چہ سداں میل دور راسکوہ ءِ سُتکگیں کوہ کہ یک وھدے ءَ ایٹمی تراک ءِ درد سَگیتگ اَت، مرچی گُل ءُ ￶شادان اَت۔ کوھانی ٹُل، کہ سالانی سال ءَ وتی بے وسی ءَ شموشگ ءَ ات اَنت، مرچی گشئے فھد ءِ اے کُربانی ءِ سر ءَ ناز کنگ ءَ اِت اَنت۔ بلوچستان ءِ سرزمین ءِ ھر ھند ءُ دمگ ءَ وشیانی چول شنگ ءُ ￶تالان اَت انت۔

شاہ فھد ءِ کربانی مرچی ھما ٹپاناں دوا کنگ ءَ ات انت کہ سالانی سال بلوچستان ءِ دلبند ءَ سُچگ ءَ ات انت۔ دریا ءِ چول ھم چہ وشّی ءَ چول جنگ ءَ ￴اِت اَنت ءُ ریکستگیں ریگزار ھم گُشئے گوات ءِ ￵تہ ءَ ناچ کنگ ءَ ￴اِت اَنت۔ ھر زرہ گواجی دیگ ءَ ￴اَت کہ آ یلہ نہ انت، آھانی کرا ھم فھد ءِ وڑیں زمین ءِ ￵مھروانیں آشکے ھَست اِنت۔

مرچی فھد ءِ داتگیں مزنیں کُربانی ھما تھاری ءِ تہ ءَ رُژن ءِ کرد ءَ پیلو کنگ ءَ اِنت۔ اے ھما رژنائی اَت کہ بارود ءِ آس ءَ ￴چہ دراتکگ اَت، پہ ابد شنگ ءُ تالان بوت۔ اے رژنائی پہ ابد ھمے شپ ءِ بھر جوڑ بوت، ھما کُربانی ءِ بھر کہ پہ وتی ماتیں گلزمین ءَ شاہ فھد ءَ دات۔

بلوچستان ءِ دمگ نوشکی ءَ پاکستانی لشکر ءِ سر ءَ اُرش کنگ بیتگ، دوئیں نیمگاں جانی تاوان ءِ ھال ھست۔

گیشیں اھوالانی رد ءَ نوشکی ءِ دمگ قادر آباد ءَ پاکستانی لشکر ءِ کاروان ءِ تہ ءَ ھواریں گاڑی ناشناسیں سلاہ بندیں مردماں نشانگ جوڑ کتگ اَنت۔

پورسز ءِ سئے گاڑی اُرش ءِ آماچ بوتگ اَنت کہ ایشانی تہ ءَ یک گاڑی یے سرجم ءَ تباہ بوھگ ءِ ھال اِنت۔

پولیس ءِ رد ءَ تیرگواری ءِ بدلی ءَ یک ارش کنوکیں بیران بوتگ ءُ دومی نیمگ ءَ دمگی مردمانی گشگ اِنت کہ اے اُرش ءَ پورسز ءِ بازیں کارندہ بیران ءُ ٹپیگ بوتگ اَنت۔

بلے انگت ءَ اے لشکر ءِ بیرانی ءِ بابت ءَ واکدارانی درشانی پدر نہ بوتگ۔

دمگی مردمانی گشگ انت کہ یک کلاکے ءَ گیش تیر گواری برجاہ بوتگ وھدیکہ اُرش ءَ پد ایمبولینس ءِ جاہ ءَ روگ گندگ بوتگ انت۔

گوستگیں شپ ءَ بلوچستان ءِ دمگ چمالنگ ءَ ناشناسیں مردماں پاکستانی لشکر بمبے ءِ نشانگ کتگ۔

گیشیں اھوالانی رد ءَ چمالنگ ءِ دمگ ٹرپل مور ءَ آئی ای ڈی تراک ءَ پاکستانی فورسز ءِ گاڑی نشانگ جوڑ کنگ بوتگ۔

پولیس ءِ رد ءَ تراک ءَ پد تیرگواری بوتگ ۔ بلے انگت ءَ اے بیرانیانی بابت ءَ واکدارانی بنگپ پدر نہ بوتگ۔

انگت ءَ کس ءَ اے اُرش ءِ زمہ واری نہ زرتگ۔

پنجگور ءَ دو ٹولیانی نیام ءَ تیرگواری ءِ آسر ءَ دو نزیکیں برات ءَ ھوار سئے مردم بیران بوتگ انت۔

گیشیں اھوالانی رد ءَ پنجگور ءِ دمگ چتکان غریب آباد ءَ گوستگیں شپ ءَ دو ٹولی نیام ءَ بوتگیں ٹکرک ءِ آسر ءَ دو نزیکیں برات ءَ ھوار سئے مردم بیران ءُ سئے ٹپیگ بوتگ اَنت۔

پولیس ءِ رد ءَ دوئیں ٹولیانی نیام ءَ وئیل گوستگیں شپ ءِ یک بج ءِ نزیک ءَ بوتگ کہ چریشی ءَ دو برات سفیر ء حسین علی، مجاھد ء حسین علی ءُ حاجی نوید ء لعل بخش بیران بیتگ انت ءُ جمشیر ء حسین علی، فرید ء لعل بخش، شھزاد ء لعل بخش زدگ بیتگ انت ءُ نادراہ جاہ ءَ برگ بیتگ انت-

پولیس ءِ رد ءَ اے ٹکرک ءِ آسر ءَ بیران ءُ ٹپی بوتگیں مردم نزیکیں سیاد ءُ وارس اَنت دیمتر ءَ پٹ ءُ پول برجاہ اِنت۔

روکپتی بلوچستان ءِ بنجاھی شھر زاھدان ءَ دو مردم، چہ ھاش ءَ یک مردمے ءُ چہ تپتان ءَ چار مردم آوار جنگ بیتگ اَنت-

گوستگیں روچ ءَ چہ زاھدان ءَ ناشناسیں سلاہ بندیں مردماں میر ھسنی میتگ ءَ یک مردمے آوار جتگ ءُ لٹ ءُ کٹ کنگ ءَ پد یل داتگ –

آوار جنگ ءُ پد ءَ ٹپی ئیں جاوراں یل کنگ بیتگیں مردم ءِ پجار ابراھیم ء مجید جھمنند زاھدان ءِ نام ءَ زانگ بیتگ-

ھمے ڈول ءَ زاھدان ءَ بس ءِ اڈہ ءَ ھم سلاہ بندیں مردماں یک مردمے آوار جتگ ءُ برتگ کپ آئی ءِ پجار زانگ نہ بیتگ –

ھمے وڑ چہ￴ھاش ءَ ￴سلاہ بندیں مردماں مردمے آوار جتگ ۔

گوستگین روچ ءَ یک شمبے ءِ روچ ءَ ￴ھاش شھر ءَ ￴پجار نبوتگیں سلاہ بندیں مردماں مردمے سرا تیرگواری کُرتگ ءُ ￶ٹپی کنگ ءَ ￴پد آوار جتگ ءُ برگتگ کہ آئی ءِ پجار زانگ نہ بیتگ-

ھمے وڑ چہ تپتان ءَ زالبولے ءَ ھوار چار مردم ایرانی لشکر ءَ آوار جتگ ءُ برتگ اَنت-

آوار جنگ بیتگیں مردمانی پجار رھیمہ، یونس، عارف ءُ گل مھمد ءِ ناماں زانگ بیتگ اَنت-

زانگ بہ بیت تپتان ءَ ایرانی لشکر گیشتر بیڑی ءِ وھد ءَ ھما مردماں دزگیر کنگ انت کہ آیاں پجار شناس نہ بوگ ءِ نام دیگ ءَ انت –

گوستگیں روچ ءَ ھم دو مردم ھمے داب ءَ برگ بیتگ اَنت ءُ پد ءَ آیانی بارو ءَ دگہ اھوال نہ بیتگ اَنت-