پنجگور ءَ دو ٹولیانی نیام ءَ تیرگواری ءِ آسر ءَ دو نزیکیں برات ءَ ھوار سئے مردم بیران بوتگ انت۔
گیشیں اھوالانی رد ءَ پنجگور ءِ دمگ چتکان غریب آباد ءَ گوستگیں شپ ءَ دو ٹولی نیام ءَ بوتگیں ٹکرک ءِ آسر ءَ دو نزیکیں برات ءَ ھوار سئے مردم بیران ءُ سئے ٹپیگ بوتگ اَنت۔
پولیس ءِ رد ءَ دوئیں ٹولیانی نیام ءَ وئیل گوستگیں شپ ءِ یک بج ءِ نزیک ءَ بوتگ کہ چریشی ءَ دو برات سفیر ء حسین علی، مجاھد ء حسین علی ءُ حاجی نوید ء لعل بخش بیران بیتگ انت ءُ جمشیر ء حسین علی، فرید ء لعل بخش، شھزاد ء لعل بخش زدگ بیتگ انت ءُ نادراہ جاہ ءَ برگ بیتگ انت-
پولیس ءِ رد ءَ اے ٹکرک ءِ آسر ءَ بیران ءُ ٹپی بوتگیں مردم نزیکیں سیاد ءُ وارس اَنت دیمتر ءَ پٹ ءُ پول برجاہ اِنت۔