چمالنگ ءُ کلات ءَ سے اُرشانی زمہ واری بی ایل اے ءَ منّ اِتگ اَنت

بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں درشان ءِ تہ ءَ گوشتگ کہ مئے سرمچاراں چمالنگ ءُ کلات ءَ سے جتاجتائیں اُرشاں زورگریں پاکستانی پوج ءُ بلوچ راجی مڈیانی لُٹ پُل کنوکیں گاڑی نشانگ کتگ اَنت-

جارکش ءَ گْوشتگ کہ بی ایل اے ءِ سرمچاراں گوستگیں شپ ءَ چمالنگ ءَ ٹریپل موڑ ھند سر ءَ زورگریں پاکستانی پوج ءِ یک گاڑی یے ریموٹ کنٹرولڈ آئی ای ڈی اُرش ءَ نشانگ کتگ، تراک ءِ نشانگ آیگ ءَ چہ گاڑی ءَ سوار یک کارمندے مرتگ ءُ کم چہ کم سے ٹپی بیتگ اَنت وھدے کہ گاڑی ءَ سک تاوان رس اِتگ-

آئی ءَ گْوشتگ کہ اشی ءَ ساری گوستگیں روچ ءَ بلوچ لبریشن آرمی ءِ سرمچاراں چمالنگ ءَ متزکرہ ھند سر ءَ مڈی لُٹ پُل کنوکیں سے گاڑی مانداشتگ ءُ تباہ کتگ اَنت-

جارکش ءَ گوشتگ مروچی بیگاہ ءِ وھد ءَ بلوچ لبریشن آرمی ءِ سرمچاراں کلات مھلبی ءِ ھند سر ءَ مڈی لُٹ پُل کنوکیں یک گاڑی یے اُرش ءِ نشانگ کتگ ءُ مانداشتگ تباہ کتگ-

جارکش ءَ گوشتگ کہ بلوچ لبریشن آرمی اے سئیں اُرشانی زمہ واری ءَ منّ اِیت-