بلوچستان ءِ دمگ چہ مستونگ ءُ مند ءَ پاکستانی پوج ءَ دو مردم زورانسری بیگواہ کتگ-
مستونگ کھڈکوچہ ءِ شاھوانی ٹک کلی عبدالغفار کھڈکوچہ شرپمنداں وتی شنگ کتگیں درشان ءَ ورنا ایِں سالونک شاہ نواز شاھوانی ء آدم خان شاھوانی پاکستانی سکیورٹی فورسز ءِ دست ءَ یک سیر شپے ءَ آوار جنگ ءُ بیگواہ کنگ ءَ ایر جن ایں-
آیاں گوشتگ کہ ما بُرزی واکداراں چہ لوٹ کن ایں کہ شاہ نواز شاھوانی ءَ زوت ءَ چہ زوت پہ سلامتی یل بہ کن اِت-
گوشگ بیگ ءَ اِنت اے ورنا پاکستانی پوج ءَ آروس ءِ شپ ءَ درکانودی آوار جنگ ءَ پد بیگواہ کتگ-
ھمے وڑ مروچی سھب ءَ چار ءَ چہ مند ءَ پاکستانی پوج ءَ امیر ء نور بخش آوار جنگ ءَ پد بیگواہ کتگ-