مند : لوگانی سر ءَ پاکستانی پوج دستیگ ھلاپ ءَ زالبولانی نندانک ءَ چارمی روچ ءَ برجاہ ءَ اِنت

کیچ ءِ تھسیل مند مھیر ءَ زالبولانی پاکستانی پوج ءِ نیمگ ءَ چہ لوگانی سر ءَ دستیگ ءِ ھلاپ ءَ مروچی چارمی روچ ءَ ھم برجاہ ءَ اِنت-

زالبولانی گوشگ اِنت کہ ایف سی ءَ پہ زور تاکت گوستگیں پنچ سال ءَ چہ مئے لوگ سر ءَ دستیگ کتگ وتی پوجی بُنجلے جوڑ کتگ، اولی روچ ءَ بگر تاں مروچی باز رند ءَ ما دمگی انتزامیہ ءَ ھوار میر ءُ واجکار چہ وتی ارز برتگ کہ مئے لوگ ایف سی ءَ چہ ھالیگ کنائینگ ءَ مئے کمک ءَ بہ کن اِت- بلے پنچ سال ءِ گوزگ ءَ اَبید ریاست وتی تاکت ءُ تُپنگ زور ءَ چہ مئے لوگاں ھالیگ کنگ ءَ ساڑی نہ اِنت-

آیاں گْوشتگ کہ مروچی زھرشانی ءَ نشتگیں کھول ءِ نندانک ءَ چار گوزگ ءَ اَبید دمگی انتزامیہ ءِ نیمگ ءَ کھول ءَ انساپ نہ رس اِتگ – کھول لوٹانی سر ءَ ھچ وڑیں گامگیج زیرگ نہ بیتگ ءُ مروچی ریاست ءِ سروکی ءَ چہ لھتے میر واجکار کھول تُرسینتگ ءُ راہ ٹریکٹر ءِ سر ءَ پچ کنگ جُھد کتگ نندانک ءَ نشتگیں کھول گوم ءَ بدیں گپ جتگ چریشی ءِ ما گوں تُرندیں لبزاں ایر جن ایں ءُ انتزامیہ ءَ کڈن کن ایں کہ نندانک ءَ نشتگیں کھول ءَ چیزے بیت گُڑا اشی ءِ زمہ وار دمگی انتزامیہ بیت-