بیگواھیں مردم ءِ کھول ءَ کمشنر ءِ کارگس دیم ءَ نندانک داتگ بیگواھیں دوستناکانی یل کنائینگ لوٹ کتگ-
گیشیں ھالانی رِد ءَ گوستگیں سال بیست دو دستمبر ءَ بلوچستان ءِ تیاب دپی شھر گوادر ءَ جاوید کمپلیکس ءَ زورانسری بیگواہ کنگ بیتگیں پسنی ءِ جھمنند لالا رفیق بلوچ ءِ کھول ءَ آئی ءِ دْراجیں مدتے ءَ زورانسری بیگواھی ءُ یل نہ کنگ ءِ ھلاپ ءَ زھرشانی نکش کنائینتگ-
اے درگت ءَ بیگواھیں مردم ءِ کھول ءَ ڈپٹی کمشنر گوادر ءِ دیم ءَ نندانک داتگ لالا رفیق ءِ یل کنائینگ ءُ زورانسری آوار جنی ءِ ھلاپ ءَ ناراہ جتگ-
بیگواھیں لالا رفیق ءِ کھول رِد ءَ آ گوستگیں سال ءَ تیاب دپی دمگ چہ گوادر ءَ جاوید کمپلیکس چکانی ھمراھی ءَ آوار جتگ ءُ پد زھرشانی کنگ سر ءَ انتزامیہ ءَ مارا دلجمی دیگ ءَ لالا رفیق ءَ زوت یل کنائین ایں بلے یک سالے سرجم بیگ ءَ لالا رفیق دیم ءَ آرگ نہ بیتگ-
کھول ءَ گْوشتگ کہ انتزامیہ وتی کولانی سر ءَ نہ اوشتاتگ نو ما لاچار بیتگیں زھرشانی کتگ اگاں لالا رفیق نو یل کنگ نہ بیت گُڑا گوادر ءَ نندانک دے ایں سرجمیں دگاں بند کن ایں ءُ آئی ءِ زمہ وار انتزامیہ سر ءَ بیت-
آیاں گوشتگ کہ سیاسی ءُ انسانی ھکانی گلاں چہ دزبندی کن ایں آ لالا رفیق ءِ زورانسری آوار جنی ءِ ھلاپ ءَ سرکار جُست بگر اَنت ءُ آئی ءِ یل کنائینگ ءَ وتی کرد ءَ پیلو بہ کن اَنت-