TBP Balochi

بلوچ لبریشن آرمی ءِ جارکش جیئند بلوچ ءَ شنگ کتگیں درشان ءَ گوشتگ بلوچ لبریشن آرمی ءِ فدائی آپریشن “ھیروپ” ءِ درچ ءَ بی ایل اے ءِ فدائی یونٹ مجید برگیڈ ءَ زورگریں پاکستانی پوج ءِ بنجل ءِ سر ءَ اُرش کتگ ءُ18 اداراں چہ کنٹرول ءَ کتگ ءُ دشمن ءِ شست ءُ چار کارندہ کشتگ ءُ بازیں کساسے ءَ زدگ کتگ انت –

جارکش ءَ گوشتگ داں انگت ءَ چار بلوچ فدائیناں شھیدی پہ وتی نام ءَ کتگ کہ چریشانی توک ءَ مجید برگیڈ ءِ فدائی ماھل بلوچ پنام ذلان کرد ء کھدہ حمید جھمنند سوربندر گوادر ءُ فدائی رضوان بلوچ پنام ءِ ھمل ءمولابخش جھمنند پانوان گوادر بنداتی ءَ وی آئی ای ڈی اُرش ءَ ءُ پد ءَ دگہ دو فدائین دشمن ءِ بنجل ءِ توک ءَ دیم پہ دیمی میڑان ءَ شھید بیتگ اَنت- کہ ایشانی اھوال پد ءَ شنگ کنگ بنت اِنت-

جارکش ءَ گوشتگ ھمے ڈول سرجمیں بلوچستان ءَ بنجاھی دگانی بندگ ءخ بی ایل اے ءِ فتح اسکواڈ ءُ ایس ٹو او ایس ءِ ناکہ داشتگ ءُ دستیگی برجاہ دارگ ءَ پد شست ءُ دو پوجی کشتگ انت وتی مکسد ءَ پد بی ایل اے فتح اسکواڈ ءُ ایس ٹی او ایس ءَ ناکہ بندی ھلاس کتگ ءُ مھلوک ءَ ھال دیں نی آ دگاں سپر کت کن اَنت-

جارکش ءَ گوشتگ آپریشن ھیروپ ءَ داں انگت ءَ کشگ بیتگیں پوجیانی کساس یک سد ءُ بیست ءُ شش ءَ سر بیتگ اَنت- سرجمیں اھوال زوت شنگ کنگ بنت اِنت-

بلوچ لبریشن آرمی ءَ بیلہ ءَ پاکستانی پوج ءِ بنجل ءَ ارش کنوکیں دو ندر بیتگینانی اکس شنگ کرتگ انت-

گل ءِ رد ءَ مجید بریگیڈ ءِ دو فدائین ماھل بلوچ ءُ فدائی رضوان بلوچ ءَ شورو ءَ پُریں گاڑی پاکستانی پوج ءِ بیلہ بُنجل ءِ دروازگ ءَ ٹکر جتگ ءُ آپریشن ھیروپ ءِ بندات کتگ-

زانگ بہ بیت بی ایل اے ءَ بیلہ ءَ پاکستانی پوج ءِ بنجل ءِ سر ءَ ارش ءِ برجاہ بوگ ءِ آھوال شنگ کتگ اَنت ءُ گوشتگ کہ بنجلے یک بھرے دستیگی ءَ اِنت-

چہ شپ ءَ شھر ءَ تراک ءُ تیرگواریانی درچ یکشل ءَ برجاہ اَنت –

گیشیں اھوالانی رد ءَ بلوچستان ءِ دمگ لسبیلہ ءِ ھند بیلہ ءَ چہ شپ ءَ سلاہ بندیں مردم پاکستانی پوج ءِ یک بنجاھی بنجلے ءَ پترتگ اَنت کہ اود ءَ جنگ ءُ بمب تراکانی یک نہ کُٹوکیں درچے بندات بیتگ کہ انگت برجاہ اِنت-

اے بیتگیں اُرش ءِ زمہ واری بلوچ لبریشن آرمی ءَ منان ءَ گوشتگ مجید برگیڈ ءِ بازیں ھمراہ اے وھد ءَ پاکستانی پوج ءِ بنجل ءَ پترتگ ءُ کنٹرول اش وتی دست ءَ کتگ ءُ جنگ ءُ چوپانی درچ برجاہ اِنت-

بلوچ لبریشن آرمی ءِ آفیشل چینل ھکل ءَ بیلہ ءِ بنجل ءَ پترگی ءُ پاکستانی پوج ءِ گون ءَ دیم پہ دیمی جنگ ءَ دزگٹیں وتی ھمراھانی بازیں توار بند شنگ کتگ اَنت-

دومی نیمگ ءَ شھر ءَ جنگ ءُ چوپانی گر ءُ دار کنگ ءِ ھاتر ءَ انتزامیہ ءَ بیلہ ءَ روکیں راھاں بازیں کچے ءَ پاکستانی پوج داشتگ اَنت ءُ ھیلی کاپٹر ءُ ڈرون کیمرھانی گشت برجاہ اِنت-

گیش اھوالاں دمگی انتزامیہ ءِ ھکم ءَ بیلہ ءُ اوتھل ءِ دراھیں ھسپتالانی ایمرجنسی ناپز کتگ-

بلوچستان ءِ دمگ کلات ءَ بلوچ لبریشن آرمی ءِ آپریشن ھیروپ ءِ وھد ءَ پوج ءِ گون ءَ جنگ ءُ چوپ ءَ دَہ کارندھانی مرگ ءِ ھال واکداراں راست کتگ-

ایس ایس پی کلات دوستین دشتی ءِ رد ءَ تیرگواری ءَ پولیس ءِ یک سب انسپکٹر، چار لیویز کارندھاں ھوار دَہ مردم کشگ بیتگ اَنت-

پولیس ءِ بنشون ءِ رد ءَ ھائی وے ءُ شھر ءَ سلاہ بندیں مردماں شپ ءَ پولیس ءِ گون ءَ جنگ ءُ چوپ بیتگ، کہ چریشی ءَ جانی ءُ مالی تاوانانی دیمپانی کنگ کپتگ اَنت-

زانگ بہ بیت گوستگیں شپ ءَ بلوچ لبریشن آرمی ءَ جار پرینتگ ات کہ بی ایل اے ءَ سرجمیں بلوچستان ءَ آپریشن ھیروپ ءِ بندات کتگ چریشی ءَ پد بلوچ لبریشن آرمی ءِ سرمچاراں بلوچستان ءِ جتا جتائیں شھدگ بستگ ءُ پٹ ءُ پول بندات کتگ اَنت ءُ پوج ءِ گون ءَ جنگ ءُ چوپ بندات بیتگ اَنت ءَ یکشل ءَ برجاہ اَنت-

ھمے ڈول گل ءَ گوشتگ بیلہ ءَ پاکستانی پوج ءِ بنجاھی بنجل ءِ کنٹرول گپتگ ءُ اے اُرش ءَ بی ایل اے ءِ مجید برگیڈ ءِ فدائین بھر زیرگ ءَ اَنت-

بلوچ لبریشن آرمی ءِ آپریشن ھیروپ برجاہ، بولان ءَ ھوار کش ءُ گوری دمگاں ناکہ بندی ءُ اُرشانی ھال انت-

گیشیں اھوالانی رد ءَ ریسکیو ءِ واکداراں بلوچستان ءِ دمگ بولان ءِ ھند ڈھاڈر ءِ جتا جتائیں جاھاں شش لاش دزکپتگ اَنت کہ چِست کنگ ءُ ھسپتال ءَ سر کنگ بیتگ اَنت-

واکدارانی رد ءَ اے مردم گوستگیں شپ ءَ تیرگواری کنگ ءُ کشگ بیتگ اَنت ءُ ایشانی پجار کنگ برجاہ انت-

واکدارانی رد ءَ گوستگیں شپ ءَ سلاہ بندیں مردماں جتا جتائیں دگ بستگ اَنت-

ھمے ڈول ءَ بولان ڈھادر ءَ داں انگت ءَ دگانی سر ءَ سلاہ بندانی جاڑیگ بوگ ءُ دگانی بندش ءِ اھوال آیگ ءَ اَنت-

بلوچ لبریشن آرمی ءِ آپریشن ھیروپ ءِ درچ ءَ بلوچستان ءِ دگہ ھندانی ڈول ءَ بولان ءُ کش ءُ گوراں بازیں اُرشانی زمہ وار من اتگ انت گل ءِ نیمگ ءَ آئی ءِ باسکانی نیمگ ءَ بازیں شھدگانی سر ءَ ناکہ بندی برجاہ اَنت-

نوشکی ءِ شھر ءَ ناشناسیں مردماں پاکستانی پوج ءِ بنجاھی بنجل نشانگ کتگ-

گیشیں اھوالانی رد ءَ نوشکی ءِ شھر ءَ پاکستانی پوج ءِ بنجاھی بنجل ءِ سر ءَ اُرش بیتگ- پورسز ءِ بنجل ءَ منڈی ءِ نیمگ ءَ نشانگ کنگ بیتگ کہ اود ءَ چار تراکاں پد تیرگواری ءِ توار اش کنگ بیتگ اَنت-

دمگی مردمانی رد ءَ پوج ءِ تیرگواری ءَ دو شھری زدگ بیتگ اَنت-

زانگ بہ بیت چہ گوستگیں شپ ءَ بلوچ لبریشن آرمی ءِ نیمگ ءَ تپتان شال شھدگ ءَ ھوار نوشکی ھاران شھدگ ءِ ناکہ بندی بیتگ انت ءُ بازیں جاھاں پاکستانی پوج ءِ کارندھانی سر ءَ اُرش ءُ لیویز کارندھانی دزگیری ءِ ھال انت-

بلوچ آجوئی لوٹوکیں سلاہ بندین گل بی ایل اے ءِ نیمگ ءَ آپریشن ھیروپ داں انگت ءَ بازیں جاھاں برجاہ انت ءُ گل ءَ بیلہ ءَ پاکستانی پوج ءِ بنجاھی بنجل ءِ دستیگ کتگ ءُ اے اُرش ءَ بی ایل اے ءِ مجید بریگیڈ ءِ فدائین بھر زیرگ ءَ اَنت-

بلوچستان ءِ دمگ موسیٰ خیل ءَ گوستگیں شپ ءَ ناشناسیں مردماں مساپر بریں بساں کم چہ کم بیست ءُ دو مردم ایر گپتگ ءُ کشتگ انت-

اسٹنٹ کمشنر موسیٰ خیل نجیب اللہ ءَ بی بی سی اردو ءَ گوں گپ کنان ءَ گوشتگ اے وئیل راڑہ ھاشم ءَ پیش اتکگ-

نجیب اللہ ءَ گوشتگ تیرگواری ءِ وئیل گوستگیں شپ ءَ موسیٰ خیل ءِ پولیس ءِ زیردستیں ھند ءَ پیش اتکگ کہ اود ءَ پنجاب ءُ بلوچستان ءِ میان ءَ ھلوکیں بساں مردم ایر گیجگ ءُ کشگ بیتگ اَنت-

اسسٹنٹ کمشنر ءِ رد ءَ تیرگواری ءَ پنچ مردم ھم زدگ بیتگ اَنت کہ آیانی توک ءَ یک مردمے ءِ جاور ناگیگ اَنت-

زانگ بہ بیت گوستگیں شپ ءَ چہ بلوچ لبریشن آرمی ءِ نیمگ ءَ آپریشن ھیروپ ءِ نام ءَ جنگ ءُ چوپ بندات کتگ کہ داں انگت ءَ برجاہ انت-

بی ایل اے ءِ نوکتریں اھوالاں بیلہ ءَ آیانی مجید برگیڈ ءِ دستیگی ءَ یازدہ ادارہ سرجم بیتگ ءُ سرجمیں بلوچستان ءَ سد ءَ گیش پوجیانی کشگ ءِ زمہ واری بی ایل اے ءَ من اتگ اَنت-

بلوچ لبریشن آرمی ءِ فدائی آپریشن “ھیروف” ءِ لڑ بی ایل اے ءِ فدائی یونٹ مجید بریگیڈ زورگریں پوج ءِ بیلہ بُنجل سر ءَ اُرش کتگ تاں انو بُنجل ءِ یک بھرگے سر ءَ یازدہ کلاکاں چہ گیش دستیگ کنان ءَ، دُژمنیں پوج ءِ یک کُنڈے بندیگ کنگ ءَ سوبمند بیتگیں، تاں انو دُژمنیں پنجاہ شش کارمند کشتگ ءُ درزنانی ٹپی کتگ اَنت، وھدے کہ یک بلوچ پدائی یے ٹپی بیگ ءَ پد وتی گُڈی تیر وتی دستاں شھیدی نوش کتگ-

جارکش ءَ گْوشتگ اشی ءَ ساری بی ایل اے ءِ مجید بریگیڈ ءَ شورواں پُریں دو گاڑی بُنجل ءِ پترگی دروازگ ءَ چہ ٹکر جتگ ءُ تباہ کتگ اَت، چریشی ءَ پد مجید بریگیڈ پنجاہ شش ءَ گیش پوجی کارمند کشتگ بُنجل ءِ یک بھرگے دستیگ کنگ ءَ سوبمند بیتگ اَنت-

جارکش ءَ گوشتگ کہ بُنجل ءَ بندیگیں پوجی کارمندانی کمک ھاتر ءَ آؤکیں یک پوجی کاروانے پدائیناں اُرش کتگ پُشت کنزگ ءَ لاچار کتگ – وھدے کہ دو بکتر گاڑی ٹینک شکن سلاھاں چہ اُرش کتگ ءُ تباہ کتگ-

جارکش ءَ گْوشتگ ھمے وڑ سرجمیں بلوچستان ءِ بُنجاھی شھدگانی سر ءَ بی ایل اے پتھ اسکواڈ ءُ ایس ٹو او ایس ءَ ناکہ جتگ وتی دستیگ کنگ ءَ پد ششت دو پوجی کارمند کشتگ اَنت- چریشی ءَ کشگ بیتگیں دُژمنیں پوجی کارمند یکجاھی ھساب ءَ یک سد ھژدہ بیتگ اَنت-

گوستگیں شپ ءَ بلوچستان ءِ جتا جتائیں جاھاں بندات بیتگیں جنگ ءُ چوپ ءُ ناکہ بندی انگت برجاہ اَنت-

گوستگیں بیگاہ ءَ بلوچستان ءِ جتا جتائیں جاھاں بندات بیتگیں جنگ ءُ چوپاں داں انگت ءَ بازیں مردم مرتگ ءُ زدگ بیتگ اَنت ءُ بازیں پاکستانی پوج ءِ کارمند دزگیر کنگ اھوال ھست اَنت-

بی ایل اے ءِ رد ءَ داں انگت ءَ بی ایل اے ءِ سرمچارانی نیمگ ءَ جتا جتائیں جاھاں اُرشاں سد ءَ گیش کارندہ کشتگ اَنت ءُ بازیں کچے ءَ سلاہ ءُ شورو دستیگ کتگ اَنت-

ھمے ڈول آئی ءِ رد ءَ بیلہ ءَ پوجی بنجل ءِ توک ءَ داں انگت ءَ مجید برگیڈ ءِ باسک جاڑیگ اَنت ءُ پوج ءِ گون ءَ جنگ ءُ چوپ برجاہ اِنت-

دمگی مردمانی اھوالانی رد ءَ اے وھد ءَ مکران ءَ بہ گر داں کوہ سلیمان ءَ دراھیں شھدگ بلوچ لبریشن آرمی ءِ کنٹرول ءَ اَنت ءُ بی ایل اے ءِ نیمگ ءَ مھلوک لوگانی توک ءَ نندگ ءِ کڈن کنگ بیتگ اَنت-