TBP Balochi

آزمانک :مُرتگیں شھر

نبشتہ کار: ماھگُل

دی بلوچستان پوسٹ

ھَمُک بامسار ءَ آئی ءِ لوگ چَہ سُواسُو ءَ پُر اَت. نپاد، دیوالانی بُن، لوگ ءِ لاپ، دروازگ ءِ دپ ءُ دریگانی دیم ءَ سُواسُو اِتنت. اللہ بزانت چَہ کجا اَتک اَنت ءُ ھمیشاں گوں آئی ءَ چے دُژمنی اَت!-

بنی آدم گوں سُواسُواں وَ زند گْوازینت نہ کنت، پمیشکا ھمیشانی گَلّینگ ءَ آئی ءَ گُربگے داشتگ اَت. پیسر ءَ آئی ءَ پیشّی لوجر ءُ کاشُکیں ماھیگ وارینت دانکہ رامگ بہ بیت-

آئی ءَ یکین اَت کہ لاپ سیریں پیشّی پَکّائی ءَ گوں سُواسُواں سر نہ جنت، بلے پیشّی ءِ ھیلدار کنگ ءَ، آئی ءِ گْور ءَ دگہ برجم تریں ھیال نیست اَت. آئی ءَ گوں پیشّی ءَ یک واھگے داشتگ اَت، ھمے واھگ اَت کہ گوں پیشّی ءَ مھر اِت ئِے-

ھمے سوج پیربا ءُ پیربلّک ءَ داتگ اِتنت کہ پیشّی مُشکاں نیل اَنت، پمیشکا آئی ءِ دل ءَ نشتگ اَت کہ بگندۓ وھد ءِ بدل بیگ ءَ پیشّیانی تب ھم بدل بیتگ. چوناھا مُشکاں پہ وت گَٹَر گچین کتگ اِتنت، پدا پیشّی آپی ساھدارے نہ اَت-

پیربا ءُ پیربلّک زندگ نہ اِتنت کہ چرایاں سوجے بہ گیپت. مات ءُ پت ماں بازار ءَ ملک ءِ بمب گْواری ءَ شھید بیتگ اِتنت. بْرات گار ءُ بیگْواہ اِتنت. پَشت کپتگیں تھنا آئی ءِ جند اَت!-

ھما بامسار ءَ کہ ناشناس پہ بْراتانی گار ءُ بیگْواھی ءَ ماں لوگ ءَ اُرش کن اَنت، مینُل ماں شال دانشگاہ ءَ وتی ہاسٹل ءِ کوٹی ءَ زند گْوازینگ ءَ بیت، بلے مینُل ھم چَہ گار ءُ بیگُواھی ءِ مَرگ آماچیں درداں نہ رَک اِت-

شھید بیتگیں مات ءُ پت ءِ پُتنکاں چیزکے مال ءُ زر اَست اَت، مینُل گوں ھمیشاں وتی وھد ءَ تیلانک دیان اَت-

پہ بْراتانی شوھاز ءَ مینُل ءَ وتی وانگ دیم ءَ بُرت نہ کت، گڑا گارینانی شوھاز ءَ پجّاروکیں وکیل، سیاستدان، سپاھیگ ءُ اُگدارانی گْور ءَ رو آ بندات کنت-

مینُل ڈولدار اَت، دیم ئِے گِرد اَت، دپ ئِے دُرج ءُ کسان اَت. بُرز پونز، دْراج گردن ءُ پْراہ پیشانیگ ئِے اَت. جان ءَ پُرّیں کاڑے اَت-

ھما پجّاروکاں، ھرچی ءِ گْور ءَ وتی اُزر ئِے بُرت گڑا آئی ءَ گْوشت. “گم مہ کن ناشناس منی پجّاروک اَنت”-

انچوش کہ مُرگے ءَ ماں دام ءِ آیگ ءَ دان چَنڈ اَنت، گڑا ھمے گال پہ مینُل ءَ انچیں بزانتے دارگ ءَ اِتنت. مینُل ءَ وکیل، سیاستدان، سپاھیگ ءُ اُگدارانی گْور ءَ رو ءُ آیگ داں سے ءُ چار ماہ برجاہ داشت کہ بگندۓ مرچی یا باندا آئی ءِ بْرات یلہ کنگ بنت-

بلے چریشاں یکے ھم چوشیں نیست اَت کہ آیاں مینُل ءِ گُد نہ کَش اِتنت ءُ وت ءَ مینُل ءِ دیم ءَ بْرھنگ اِش نہ کت-

گار ءُ بیگْواھانی شوھاز ءَ مینُل ءِ جنین چُکّی، کودکی، ساپ دلی، بچکندگ ءُ واب وکیل، سیاستدان، سپاھیگ ءُ اُگداراں دائمی مُجاں اندیم کت اَنت-

انچوش کہ مُرگ ءِ ماں دام ءَ آیگ ءَ پد، شکاری ءِ دل لیٹ ایت، ایشانی دل ھم وتی بْرھنگ کنائینگ ءَ پد چَہ مینُل ءَ لیٹ اِت، گڑا مینُل ءَ پہ وت تھنائی گچین کت، پمیشکا واتر وتی لوگ ءَ اَتکگ اَت، بلے نی آ لوگے نہ اَت-

مُرتگیں شھر ءِ مردماں سُواسُوانی ھال ءَ آئی ءِ ھال پُرسی یلہ داتگ اَت، بلے یک روچے، آ چات ءَ پہ آپ پُر کنگ ءَ شتگ اَت، گڑا ھمود ءَ مینُل گْوشگ بیت کہ میتگ ءِ ڈگّریں کھیر ءِ بُن ءَ مروچاں مُلّایے نند ایت، ھما پہ سُواسُواں نہ رَس اِتگ-

ھمے بیگاہ ءَ مینُل دیم پہ مُلّا ءَ شت. تیارجوڑی ءَ پد، وتی ھال ئِے دات اَنت. مُلّا ءَ وتی دَم ءُ چوپ کت اَنت، پدا کاپی یے ءَ مزنیں ھسابے کَش اِت ءُ گْوشت ئِے. “تئی گْوراں دو پْریشتگ نشتگ، داں ھمے پاد میا اَنت، منی دَم کار نہ کن اَنت-

چوش کہ مینُل ءَ دام ءِ ڈن ءُ توک دوئیں بے ریائیں وھد ءَ پیش داشتگ اِتنت گڑا جست ئِے کت. “مُلّا اگاں پْریشتگ نہ شُت اَنت؟”

مُلّا ءَ پدا کاپی زُرت ءُ باریں چے چے نبشتگ ئِے کت ءُ رند ءَ گْوشت ئِے. “بانک پْریشتگ چَہ گْوراں تچ اَنت ءُ تْرکّے ءَ ٹَپ اَنت، بلے پہ مُلّا ءَ تْرک ءِ تہ ءَ روگ سک ارزان اِنت-

اناگہ مینُل ءِ ھیال ءَ وکیل گوں وتی مات ءَ وپتگ اَت، سیاستدان گوں وتی شبابیں جنک ءَ، سپاھیگ ءَ وتی جنوزامیں نماسگ بگل ءَ اَت، اُگدارانی ھال چِد ءُ گنتر اِتنت ءُ مُلّا بْرھنگ اَت- پد ءَ ھما دْرست مُلّا ءِ سر ءَ کندگ ءَ اِت انت-

مُلّا ءَ جست کت. “چے جیڑگ ءَ ۓ؟”

مینُل ءَ درّائینت. “سرشود اَتکگ اَنت، دگہ روچے کایاں”-

مُلّا ءَ سر جھل کت. مینُل وتی لوگ ءَ اَتک-

نی مینُل ءَ پیشّی ورگ نہ دات. آئی ءَ ھیال کتگ اَت کہ بگندۓ شدیگیں پیشّی گوں سُواسُواں سر بہ جنت-

چوناھا سُواسُو بامسار ءَ کاینت، پمیشکا مینُل شپ ءَ پہ آرام وپت، ھمے انچیں شپے اَت کہ سُواسُو اولی پاس ءَ اَتک اَنت-

مینُل ءَ وتی کَش گْور ءَ چار اِت، پیشّی ئِے نہ دیست. اے شپی سُواسُو بے کساس سک باز اِتنت، آ چَہ بیم ءَ لوگ ءَ در اَتک-

نی ھما مینُل اِنت پہ پیشّی ءِ پدجنگ ءَ سُواسُوانی آمیدگس ءِ شوھاز ءَ گردگ ءَ اِنت، چیا کہ پہ بْراتانی شوھاز ءَ آئی ءَ بنی آدم دیستگ اِت انت-

پاکستان ءِ استان خیبرپختونخوا ءَ پاکستانی پوج سر ءَ اُرش ءَ کم چہ کم دوازدہ کارمند بیران بیتگ اَنت-

پاکستان پوج ءِ ھمگرنچیں ادارہ ( آئی ایس پی آر ) نیمگ ءَ چہ شنگ کنگ بیتگیں درشان ءِ تہ ءَ گوشتگ کہ بنون ءِ دمگ مالی خیل ءَ پاکستانی پوج چیک پوسٹ سر ءَ اُرش دوازدہ کارمند بیران بیتگ اَنت-

آئی ایس پی آر ءَ گوشتگ کہ شورواں پُریں گاڑی چیک پوسٹ دیوال ءَ چہ ڈکّر داتگ، وتکش تراک ءِ آسر ءَ دیوال ءِ یک بھرے کپتگ، ماڑی ءَ تاوان رس اِتگ-

جارکش رِد ءَ پوج ءِ دہ سپاھی ءُ فرنٹیئر کانسٹیبلری ( ایف سی ) دو سپاھی ھوار اَنت-

بھ ودی نا بوکیں چُکے ءِ ￵نام ءَ ￴یک نمدی یے

نبشتہ کار: اورینا پلیکسی

رجانکار: ساجد بلوچ

دی بلوچستان پوسٹ

دوشی من سرپد اتاں تو ھَمِدا ات ئے￷: زندگی ءِ ￵یک کترھے چہ نَتِنگنس ءَ ￴تتک۔ من تچک اتاں، تھاری ءَ ￴منی چم پچ ِاِت اَنت گُشے، ءُ اناگت ءَ ￴من مار ات کہ تو ھَمِدا ات ئے￷۔ تو ھست ات ئے￷۔ گُشے یک تیرے من ءَ ￴لگیتگ ات۔ منی دل ￴کار ءَ ￴یلہ دات۔ ءُ ￶وھدے کہ آئی ءَ ￴دومی رند ءَ ￴تیرگواری بندات کُت، تُپک ءِ ￵تیرانی تہ ءَ، من مار ات کہ من گُشے یک جُھلیں کَنڑے ءِ ￵تہ ءَ ￴کپتاں کہ ھر چیز بدگُمان ءُ ￶بیمناک لگگ ءَ ￴ات۔

من انو تْرس ءِ ￵تہ ءَ ￴بند کنگ بوتگ اِتاں کہ ترس منی دیم، مُود، ءُ ھیال ءَ ￴ھُشک کنگ ءَ ￴اِنت۔ من ایشی ءِ ￵تہ ءَ ￴گار آں۔ اے دگرانی تْرس نہ اِنت۔ من ءَ ￴دگرانی پگر پِر نیست۔

اے ھُدا ءِ ￵تْرس نہ اِنت۔ من ھُدا ءِ ￵سر ءَ ￴سِتک نہ کناں۔ من ءَ ￴درد ءِ ￵ترس ھم نیست۔ اے تئی تْرس اِنت، ھمے جاورھال ءِ ￵تْرس اِنت کہ آئی ءَ ￴ترا ￴چہ منی اَندام ءَ ￴لچّینگ ءِ ￵ھاتر ءَ ￴نَتِنگنس ءَ چہ ￴ڈن کشیتگ۔ من بھ تئی وش آتک کنگ ءَ مُرادیگ نہ اتاں، چوناھا من زانتگ کہ تو روچے بگِندئے ھست بہ ئے۔چمیشکا من ءَ ￴دیر اِنت کہ تئی ودار کُتگ۔

بلے من مدام وت ءَ ￴را وت بے سریں جُست کُتگ: چے بیت اگاں تو ودی بوگ نہ لوٹ ئے؟ چے بیت اگاں تو یک روچے پریات کن ئے￷ ءُ ￶منی کرّ ءَ ￴کا ئے￷: ترا کئے ءَ ￴گُشتگ کہ من ءَ ￴اے دگنیا ءِ ￵تہ ءَ ￴جاگہ بہ دے؟ چرچا ایشی ءِ ￵تہ ءَ ￴تو من ءَ ￴جاگہ داتگ، پرچا؟ زندگی یک کوشستے، منی چُک۔ زندگی یک جنگے آ ھر روچ نوکتر ءُ ￶مٹ بیت، ءُ ￶ایشی ءِ ￵وشّی ءِ ￵ساھت شم اَنت آئی ءِ ￵ترا گْرانیں نیادے دیگ لوٹ ایت۔

من چون زانت کُت کناں کہ تئی چگل دیگ شرتر نہ اِنت؟ من ترا چیتو سرپد بہ کناں کہ تو بے برمشی ءِ ￵نیمگ ءَ ￴واتر کنگ نہ لوٹ ئے￷؟ تو منی کرّ ءَ گپ جت کُت نہ کن ئے￷; تئی زندگی ءِ ￵کترہ بس سِلانی یک گروپے کہ آ گوں نا توامی ءَ ￴بندات بوتگ۔ چوناھا بگِندئے اے یک زندگی یے نہ اِنت، بس زندگی ءِ ￵بوتنی اِنت۔ منی واھِشت اِنت کہ تو زندگی ءِ یک کسانیں نشانے چہ من ءَ ￴کمک کُت کن ئے￷۔

منی مات ءِ ￵گُشگ اِنت کہ آئی ءَ ￴من ءَ ￴یک انچیں نشانی یے دات، ءُ ￶ھمے سوب ات کہ آئی ءَ ￴من ءَ ￴ماں اے دگنیا ءَ ￴آرت۔ گپّے زان ئے￷، منی مات ءَ ￴ نہ لوٹ اتگ کہ من ودی بہ باں۔ من چہ دومی مردمانی بے پرواھی ءِ یک ￵ساھتے ءِ ￵تہ ءَ ￴بندات بوتگاں۔ ءُ ￶امیت کُتگ ات کہ ودی مہ بوتین آں شرتر ات، آئی ءِ ￵مات ءَ ￴ھر شپ گلاس ءِ ￵آپ ءِ ￵تہ ءِ ￵اِشکند ءِ ￵درمان ھئوار کُت اَنت۔ من آ شپ ءَ ￴گوں وپاداری ءَ ￴وارت اَنت من آئی ءِ ￵لاپ ءِ ￵تہ ءَ ￴نہ شُتاں ءُ ￶آئی ءِ ￵لاپ ءَ ￴یک لگتے جت کہ آئی ءَ ￴بہ گُش کہ من ءَ ￴چگل مہ دے۔

آئی ءَ ￴گلاس چہ وتی لُنٹاں یلہ دات وھدے کہ من آئی ءَ لگت جنگ ءِ ￵وسیلہ ءَ ￴￴اِشاراہ دات۔ گڑا زوت چہ بُر ءَ ￴جَھل بوت وتی تہ ءِ ￵دْراھیں وارتگیں آپ ڈنّ ءَ ￴کَش ات اَنت۔ چہ لتھیں ماھاں پد من دومی رند ءَ ￴لگت جنگ ءَ ￴اتاں۔ شر ات یاکہ ھراب ات من نہ زاناں; وھدے کہ من گل آں منی ھیال ءَ ￴شر ات، اگاں من تکانسر آں منی ھیال ءَ ￴ھراب ات۔ بلے چوناھا وھدے کہ من زلیل آں، گڑا منی ھیال ءَ ￴من پَشومان بوتگ ات اَنت کہ ودی مہ بوتین آں، پرچاکہ ھِچ چہ نَتِنگنس ءَ ￴ھرابتر اِنت۔ من ءَ ￴یلہ کن پد ءَ گُشاں: من ءَ درد ءِ ￵کرّ ءَ ￴نہ تْرس ایت۔ ما درد ءِ ￵ھمراھی ءَ ￴ودی بئیں، اے مئے ھمراھی ءَ ￴مزن بیت; ءُ مارا اے ھئیل کنگی اِنت۔ اے راستی اِنت کہ مارا دو دست ءُ ￶دو پادگ پِر،راستی، من ءَ ￴چوناھا مرگ ءِ ￵کرّ ءَ ￴نہ تْرس ایت; مَرگ ءِ ￵بزانت ایش اِنت کہ تو کم چہ کم ودی بوتگ ئے￷، تو چہ نَتِنگنس ءَ ￴تتکگ ئے￷۔ چہ آئی ءَ اسل ءَ ￴من ءَ ￴تْرس ایت گڑا آ نَتِنگنس اِنت، زندگ نہ بوگی اِنت، بھ ھست نہ بوگ اِنت، اناگت ءَ ￴ھم، ردی ءِ ￵سر ءَ ￴ھم، ءُ ￶ چہ دگِر ءِ ￵بے پرواھی ءَ ￴ودی نہ بوتگ ئے ھم￷۔ باز زالبول ھست وت ءَ ￴مدام جُست گِر اَنت کہ آ ماں دگنیا ءَ ￴پرچا چُک ودی بہ کن اَنت؟ تاکہ آ ￴ گُژنگ بہ بنت، تاکہ آیاں سرد بہ کنت، تاکہ آ دگا ءُ ￶بے ازت کنگ بہ بنت، تاکہ آ نادْراہ بہ بنت، ءُ تاکہ آ ماں جنگاں کُشگ بہ بنت؟ آ اُمیت ءَ ￴انکار کن اَنت کہ آیانی شُد پروشگ بیت، آیانی سرد گرم کنگ بیت، زندگی ءِ ￵وسیلہ ءَ ￴وپاداری ءُ ￶شرپ یکجاہ بنت، کہ آ وتی زندگی ءَ ￴جنگ ءُ ￶نادْراھی ءِ ￵ھتم کنگ ءِ ￵ھاتر ءَ ￴جُھد بہ کن اَنت۔ بوت کن آ راست بہ بنت۔

بلے زاناں نَتِنگنس درد ءَ ￴گچین کنت؟ ھالانکہ من وتی بے سوبی، دلپُروشی، ءُ ￶زلیلی ءِ ￵سر ءَ پریات کناں، من ءَ ￴سِتک اِنت کہ درد ءُ ￶گم گوں نَتِنگنس ءَ ￴بندوک اِنت۔ ءُ ￶اگاں من اے لیکہ ءَ ￴زندگی ءَ گیش بہ کناں، ودی بوگ یا نہ بوگ ءِ ￵ڈلیما ءِ ￵تہ ءَ ، منی جان ءِ ￵ھر ھما آزا کُکّار ءُ ￶پریات کنت کہ ودی بوگ چہ ودی نہ بوگ ءَ ￴شرتر اِنت۔ بلے زاناں من تئی سر ءَ ￴لھتیں دلیل زورمُشت کناں؟ زاناں ایشی ءِ اے ￵بزانت نہ اِنت کہ من شمارا اے دگنیا ءِ ￵تہ ءَ ￴تھنا وتی نیمگ ءَ ￴آرگ لوٹاں ءُ ￶دگہ کسّی واستا انّا؟ من ءَ شمارا اے دگنیا ءِ ￵تہ ءَ ￴وتی نیمگ ءَ ￴آرگ ءِ ￵ھچ شوک نیست ءُ ￶دگرانی واستا ھم انّا۔ من ءَ ￴بلکل شمئے ھچ زالورت نہ اِنت۔

بلوچستان ءِ سرکار ءَ یک نوٹسے شنگ کتگ کہ آئی ءِ تہ ءَ بلوچستان ءِ تہ ءُ ڈن ءَ کار کنوکیں ٹرانسپورٹراں کڈن کنگ بوتگ کہ آ شپ ءِ وھد ءَ سپر کنگ ءَ پھریز بہ کن اَنت۔

اے پرمان چہ ادارہ ٹرانسپورٹ اُستان ءِ نیمگ ءَ پرینگ بوتگ۔

انگت ءَ اے گپ پدر نہ اِنت کہ سرکار ءَ پرچا ٹرانسپورٹرانی سر ءَ شپ ءَ سپر ءِ بندش جتگ بلے بلوچستان ءِ شال، کراچی ءُ پاکستان ءِ دگہ اُستانانی نیام ءَ روچے سداں گاڑی روگ ءُ آیگ ءَ اَنت۔

لھتے اھوالانی گشگ اِنت کہ سرکار ءَ اے پوسٹ بلوچ سلاھبندیں گلانی بوھوکیں اُرشانی ھیال ءَ داتگ۔

زانگ بہ بیت کہ باندا بلوچ لبریشن آرمی ءِ مستریں رھشون بالاچ مری ءِ بیرانی ءِ روچ اِنت کہ 2007 ءَ اوگانستان ءِ سیمسر ءِ نزیک ءَ گوں پاکستانی لشکر ءَ جنگ ءَ بیران بوتگ۔

یک دمگی اھوالکارے ءِ گْوشگ اِنت کہ بلوچ سلاہ بندیں گل اے وڑیں وھداں کوشکاریں اُرش کنگ ءَ اَنت، راہ بند کنگ ءَ اَنت، چیک پوسٹانی سر ءَ روگ ءُ لشکری ​​کیمپ ءُ کارجاھانی سر ءَ اُرش کنگ ءَ اَنت ھاسیں رنگ ءَ وھدے کہ یک ھاسیں رھشونے ءِ سالروچ یا دگہ ھاسیں روچے ءَ کیت۔

زانگ بہ بیت اے سال ءِ اگست ءَ مزنیں اُرشے بوتگ کہ بلوچ لبریشن آرمی ءَ “آپریشن ھیروف” ءِ نام ءَ بلوچستان ءِ جتاجتائیں دمگانی سر ءَ بیلہ ءَ ھوار لشکری کارجاھانی سر ءَ اُرش کتگ۔ اے کارروائی ءَ چہ 50 ءَ گیش پوجی ءُ دگہ سرکاری کارندہ بیران بوتگ اَنت۔

اھوالکار ءِ رد ءَ اے ارش نواب اکبر خان بگٹی ءِ سالروچ ءِ درگت ءَ کنگ بوتگ ۔ نواب اکبر بگٹی 2006 ءَ ڈیرہ بگٹی ءَ جنگی آپریشن ءِ وھد ءَ مشرف ءِ سرکار ءِ دست ءَ نمیران کنگ بوتگ۔

ھمے وڑ ءَ ھمے ماہ ءِ شھیدانی روچ سیزدہ نومبر ءَ بلوچ آجوئی ءِ پھناتاں شھیدانی روچ دارگ بیتگ ھمے روچ ءَ بلوچ راجی آجوئی سنگر (براس) کہ بلوچ سلاہ بندیں گلانی یک ھمسنتین گلے ءَ بلوچستان ءِ جتائیں دمگاں چل ءُ پنچ اُرش کُتگ۔

بلے مرچی ءِ سپری بندش ، سرکاری واکدارانی نیمگ ءَ داتگیں پرمان ءَ شپ ءِ سپر ءِ بندش ءِ سبب ءَ ھچ گپ نہ بوتگ ۔

بلوچ لبریشن آرمی ءِ جارکش جیئند بلوچ ءَ شنگ کتگیں درشان ءَ گوشتگ بی ایل اے ءِ سرمچاراں مستونگ ءَ زورگرین پاکستانی پوج ءِ چیریں ادارھانی دو چاریگ گپتگ ءُ کشتگ انت ءُ گوادر ءَ پاکستانی پوج ءِ کارندہ بمب اُرش ءِ نشانگ کتگ اَنت-

جارکش ءَ گوشتگ بی ایل اے ءِ سرمچاراں 16 نومبر ءِ شپ ءَ گوادر، نیوٹاؤن ءَ پاکستانی پوج ءِ اے این ایف ءِ کارگس ءِ سر ءَ دزبمبے چگل داتگ- اُرش ءَ دشمن ءِ کارندھاں جانی ءُ مالی تاوانانی دیمپانی کنگ کپتگ-

آئی ءَ گوشتگ بلوچ لبریشن آرمی ءِ سرمچاراں مستونگ ءِ ھند مَرو، اسپلنجی ءَ 10 نومبر ءَ زورگریں پاکستانی پوج ءِ چیریں ادارہ ملٹری انٹیلیجنس ( ایم آئی) ءِ یک کارندھے عبدالرھمان ء خدا رحیم جھمنند ڈیرہ مراد جمالی دزگیر کتگ-

آئی ءَ گوشتگ جست ءُ پرسانی وھد ءَ عبدالرھمان ءَ من اتگ کہ آئی ءَ پاکستانی چیریں ادارھانی کارندھاں اسپلنجی ءَ پِنڈگ ءِ دروشم ءَ چاریگری ءَ دیم داتگ-

جارکش ءَ گوشتگ دشمن ءِ کارندہ ءَ گیش گوشتگ آئی ءَ زورگریں پوج ءِ بھر بیتگ ءُ تپتان، نوشکی ءُ مستونگ ءَ دشمن ءِ چیردستی ءَ چاریگری ءِ کار ءَ بیتگ- ءُ جست ءُ پرس ءِ وھد ءَ آئی ءَ وتی نیٹورک ءَ ھواریں دگہ مردمانی نام ھم پدر کتگ اَنت-

جیئند بلوچ ءَ گوشتگ بی ایل اے ءِ سرمچاراں 13 نومبر ءَ پاکستانی پوج ءُ چیریں ادارھانی دگہ یک کارندھے مھمد نور ء مھمد اسلم جھمنند پنجاب دزگیر کتگ-

آئی ءَ گوشتگ گپتگیں چاریگ ءَ من اتگ کہ آئی ءَ وتی دروشم مٹ کتگ ءُ اسپلنجی، مَرو ءُ کش ءُ گوری دمگاں پاکستانی پوج ءِ واستا کار ءَ بیتگ – ایشی ءَ سندھ ءِ جتا جتائیں جاھاں پاکستانی پوج ءِ چیردستی ءَ چاریگری ءَ بیتگ-

بی ایل اے ءِ جارکش ءَ گوشتگ گپتگیں چاریگ ءَ جرم ءِ سابت بوگ ءَ بلوچ راجی آمیدگس ءَ مرگ ءِ سزا داتگ ءُ چریشی ءِ سر ءَ سرمچاراں گامگیج زیران ءَ ھردوکہں چاریگ کشتگ اَنت-

جارکش ءَ گوشتگ بلوچ لبریشن آرمی ھرسئیں کاروائیاں من ات ءُ زوگریں پاکستانی پوج ءُ آئی ءِ شریدارانی ھلاپ ءَ کاروائی برجاہ بنت اِنت-

روکپتی بلوچستان ءِ دو جتا جتائیں وئیلاں سَے مردم بیران بیتگ اَنت-

گیشیں اھوالانی رد ءَ روکپتی بلوچستان ءِ دمگ پشین ءَ سیزدہ روچاں بیگواھیں دو تیل کشانی لاش دزکپتگ اَنت-

اھوالانی رد ءَ بیران بیتگیں مردمانی پجار بیست سالی ئیں مراد آسکانی ء غلام مھمد ءُ بیست ءُ سَے سالی ئیں سلمان رند ء غلام مھمد ھردوکانی سیادی اَچ پشین راسک ءَ اِنت-

اھوالانی رد ءَ ھردوک سیزدہ روچ پیش سیمسر ءَ تیل ءِ برگ ءَ شتگ اَنت گمانی بیگواہ بیتگ اَنت-

اھوالانی رد ءَ آیانی کھولاں جست ءُ پرس ءُ سرکاری جاھاں پٹ اتگ اَنت بلے گوستگیں روچ ءَ ھردوکانی لاش سنگانی چیر ءَ دزکپتگ اَنت-

وئیل ءِ درگت ءَ دگہ گیشیں اھوالانی زانگ نہ بیتگ اَنت-

ھمے ڈول ءَ سیب ءُ سوران ءَ ناشناسیں مردماں تیرگواری کنان ءَ یک مردمے کشتگ-

کشگ بیتگیں مردم ءِ پجار حامد فیض نژاد ء داد شاہ ءِ نام ءَ زانگ بیتگ –

پاکستان ءِ وزیر اعظم شھباز شریف ءَ گوشتگ کہ اگاں لھتے سال ءَ ساری ناشرکاری ءِ گر ءُ دار کتگ، بلے انگیں روچاں اشی ءِ تہ ءَ گیشی ءِ سبب ءَ جھانی ھساب ءَ پاکستان سر ءَ ایرجنی بیگ ءَ اِنت-

سے شمبے ءَ نیشنل ایکش پلان ءِ اپیکس کمیٹی ءِ دیوان ءَ چہ تران کنان ءَ وزیر اعظم ءَ بلوچستان ءُ خیبر پختونخوا ءَ گیش بیتگیں سلاہ بندیں اُرشاں تُرس درشان کتگ-

آئی ءَ بلوچ لبریشن آرمی ( بی ایل اے) ءِ اُرشانی درندگی ءِ یک منانکے داتگ گوشتگ کہ اے وڑیں ناشرکاری پاکستان ءِ دیمروئی ءُ مھکمی ءِ واستا یک بلاھیں ھترھے-

پاکستان وزیراعظم ءَ دیمتر ءَ گوشتگ کہ ڈیھ ءَ ایمنی آرگ واستا نو مارا مچی دوشم ءَ شور کنگی اِنت کہ دیمروئی نیمگ ءَ جُنزگ لوٹ اَنت یا نندانک ءُ زھرشانی ءِ راہ گچین کنگ لوٹ اَنت –

شھباز شریف ءَ اے درگت ءَ پاکستان مالی جاور سر ءَ ھم چمشانکے داتگ ءُ گوشتگ کہ آئی ایم ایف مراگش واستا چین، سعودی عرب ءُ امارات ءَ کمک زرتگ-

آئی ءَ گوشتگ کہ اُمیت اِنت اے آئی ایم ایف ءِ گُڈی مراگش بیت ءُ پاکستان مالی جاور کم کم ءَ شر بیگ ءَ اِنت کہ آئی ءِ تہ ءَ سرجمیں ادارھانی کرد ھاس اِنت-

گوادر ءَ پاکستان کوسٹ گارڈ نیمگ ءَ چہ گاڑیانی گرگ برگ ءُ زوراکیانی ھلاپ ءَ مردماں گبد سیمسر کلدان کراس سر ءَ زھرشانی کنان ءَ مکران کوسٹل ھائی وے بند کتگ-

زھرشانی ءِ سبب ءَ پاک ایران سیمسر ٹریڈ ءِ اربانی کلدار ءِ باپاری اسر مند بیتگ-

زھرشانی کنوکانی گْوشگ اِنت کہ گوستگیں چار روچاں چہ ھائی وے سر ءَ گاڑیانی روگ آیگ بند اِنت، وھدے کہ ایف بی آر ٹیکسز ءَ کروڑانی کلدار تاوان بیتگ – ھزرانی دمگی مردم کہ ایران ءَ چہ راھداری ءِ سر ءَ سپر کن اَنت، آیانی روگ آیگ ھم بند اِنت-

زوراکی ءِ آماچ بیتگیں مردمانی گوشگ اِنت کہ کوسٹ گارڈ درکانودی کاروائی ءَ چہ باپاری ءُ لس مردم ءِ زندمان سک اسرمند اِنت – چار روچ ءَ چہ برجاھیں زھرشانی ءَ اَبید ھکومتی ادارہ ھچ وڑیں گامگیج زورگ جاہ ءَ اے پیشدار اَنت کہ جاور شری رد ءَ اَنت-

زھرشانی کنوکاں لوٹ کتگ کہ کوسٹ گارڈ نیمگ ءَ چہ دمگی گاڑیانی گرگ برگ ءُ زوراکیاں زوت بدار اِت ءُ چہ ایران ءَ دمگی باپاری ءُ روگ آیگ ءَ پچ بہ کن اَنت-

آیانی گوشگ اِنت کہ دانکہ لوٹ منّگ نہ بیت اَنت زھرشانی برجاہ بیت-

مکران کوسٹل ھائی وے بند بیگ ءَ سد ادار ءَ گیش وھد گوستگ، بلے ھکومتی ادارھانی نیمگ ءَ ھچ وڑیں گامگیج زیرگ نہ بیتگ- زھرشانی کنوکانی گوشگ رِد ءَ آیانی لوٹاں دلگوش گور کنگ نہ بیت اَنت گُڑا زھرشانی گیش تُرندتر کنگ بیت-

بلوچستان ءِ تیاب دپی شھر چہ گوادر ءَ پاکستانی پوج ءِ دست ءَ بیگواہ کنگ بیتگیں مرد آجو بیتگ ءُ وتی لوگ ءَ سر بیتگ-

یل کنگ بیتگیں مرد ءِ پجّار مسلم ء محمد رحیم نام ءَ چہ بیتگ-

چہ گوادر ءَ زورانسری بیگواہ کنگ بیتگیں رشت شولیگ ءِ جھمنند مسلم ء محمد رحیم شانزدہ نومبر دوھزار بیست چار ءَ چہ ھُزدار ءَ آجو بیتگ وتی لوگ ءَ سر بیتگ-

کھول رِد ءَ مسلم ء محمد رحیم ھپت مئی دوھزار چار ءَ چہ گوادر ءَ پاکستانی چیریں ادارھانی دست ءَ آوار جنگ ءُ بیگواہ کنگ بیتگ ءُ شانزدہ نومبر بیست چار ءَ چہ ھُزدار ءَ آجو بیتگ-

کلات ءَ گوستگیں روچاں کلات ءَ جنگ ءِ وھد ءَ بلوچ لبریشن آرمی ءِ فتح اسکواڈ ءِ نمیران بیتگیں باسک شاھزیب ستاکزئی ءِ لاش ءِ دیم دیگ واکداراں انکاری کتگ-

شاھزیب ءِ گوھار ءَ سوشل میڈیا ءِ سر ءَ ویڈیو کلوہ ءِ تہ ءَ گْوشتگ کہ آ وتی برات ءِ لاش ءِ ودار ءَ آں بلے واکداراں تاں انوگ ءَ لاش ءِ دیم دیگ ءَ چہ انکار کتگ۔

شاھزیب ءِ گوھار ءَ گیش گْوشتگ کہ وھدے آ وتی برات ءِ لاش ءِ گرگ ءِ ھاترا سول نادراھجاہ ءَ سر بوتگ گڑا نادراھجاہ ءِ کارمستراں چہ آئی ءَ لوٹ کت کہ آ سی ٹی ڈی ءِ واکدارانی گور ءَ بہ روت۔ اود ءَ روگ ءَ آئی ءَ را اود ءَ شور دیگ بیتگ کہ آ کلات ءَ آمیدگس ءَ بہ روت اِنت-

آئی ءَ گْوشتگ کہ من ھم آمیدگس ءَ شتگ آں بلے سی ٹی ڈی ءُ نادراھجاہ ءِ کارمستر انگت ءَ لاش ءِ دیم دیگ ءَ چہ انکار کنگ ءَ اَنت۔

شاھزیب ءِ گوھار ءَ گوں بلوچ سیاسی ءُ انسانی ھکانی باسکاں دزبندی کتگ کہ باندا سھب ءَ پد ءَ نادراھجاہ ءَ بیا اَنت ءُ بلوچ ھمدرد ھم گوں ایشاں بیا اَنت دانکہ آیاں وتی برات ءِ لاش دست بہ کپ ایت۔

زانگ بہ بیت کہ بلوچستان ءَ باز براں نادراھجاھانی کارمستر پاکستانی لشکر ءِ پرمان ءِ پد ءَ بلوچ آجوئی لوٹوکیں مردمانی لاشاں دست دیگ ءَ چہ انکار کتگ بیتگ انت ءُ اے میان ءَ سیاد ءُ وارساں وڑ وڑیں کاگداں دستھت کنائینگ بیتگ انت۔ واکداراں رند ءَ اے دسھتی آجوئی لوٹوکیں ءُ سیاسی دائرہ ءِ ھلاپ ءَ پندل سازی ءِ دروشم ءَ کارمرز کنگ ءَ اَنت۔