TBP Balochi

بلوچ نیشنل موومنٹ ءِ بنجاھی جارکش ءَ گوشتگ کہ امریکہ چیپٹر ءِ نیاد چیپٹر ءِ سرکماش نبی بکش بلوچ ءِ سروکی ءَ برجم دارگ بیتگ۔ دیوان ءِ گچینی مھمان ڈاکٹر نسیم بلوچ ءُ آدگہ مھمان بی این ایم ءِ بنجاھی مستریں کمک سرکماش ڈاکٹر جلال بیتگ۔ دیوان ءَ جتائیں بنگپانی سر ءَ تران ءَ پد پیسری کابینہ ھلاس کنگ بیتگ ءُ چہ گچینکاری ءَ نوکیں کابینہ جوڑ کنگ بیتگ۔

دیوان ءَ بی این ایم ءِ سرکماش ڈاکٹر نسیم ءَ تران کرتگءُ گوشتگ کہ بی این ایم ءِ جھد ءِ لوٹ ءُ واھشت بلوچستان ءِ آجوئی اِنت، پہ ھمے جھد ءَ بی این ایم ءِ رھشوناں داں باسکانی دیمونی ءِ یک مزنیں لڑے ھست، چیئرمین ءَ پارٹی ءِ باسکان ءَ رسانکدر ءِ پہ بے نپ ءَ کارمرز کنگ ءِ سرءَ مکن کرتگ ءُ گوشتگ کہ پارٹی ءِ ھمبل واجہ گلام مھمد ءِ جوڑ کرتگیں کارشونی ءِ رندگیری ءَ بہ کن اَنت ءُ بی این ایم ءِ پروگرام ءَ دیم ءَ بہ بر اَنت۔

چیپٹر ءِ نیاد ءَ پارٹی ءِ بنجاھی مستریں کمک سرکماش ڈاکٹر جلال ءَ تران کرتگ ءُ گوشتگ کہ مرچی امریکہ ءِ تہ ءَ انچو مزنیں کچے ءَ باسکانی گندگ پمن یک پھر ءِگپے کہ پہ بہ این ایم ءِ پروگرام ءَ اے گوں دلجمی ءَ بھر زورگ ءَ اَنت۔ آئی ءَ گوشتگ کہ پارٹی ءِ ھمبل پہ نوک آیوکیں ھمبلانی ھیلکاری ءَ دلگوش بہ دے اَنت۔

دیوان ءَ تران کنان ءَ نبی بکش بلوچ ءَ گوشتگ کہ بی این ایم یک راجی پارٹی یے گوں ایشی بلوچ راج ءِ مزنیں اوستے بندوک اِنت۔ پمشکا بی این ایم ءِ امریکہ ءِ ھمبلانی سر ءَ یک مزنیں زمہ واری یے بیت کہ بی این ایم ءِ ھمک باسک ءَ وت ءَ بلوچ ءِ سپیر سرپد بہ بیت ءُ پہ بلوچستان ءِ کیس ءِ جھان ءِ دیم ءَ آرگ ءَ وتی پرزا پیلو بہ کنت۔

دیوان ءِ گڈی ءَ سرکماش ڈاکٹر نسیم بلوچ ءِ سروکی ءَ سے باسکی گچینکاری پترے جوڑ کنگ بیتگ کہ آئی باسک ڈاکٹر جلال بلوچ ءُنبی بکش بلوچ بیتگ اَنت ءُ گچینکاری کنائینتگ۔ پہ امریکہ چیپٹر ءِ سرکماش ءُ کمک سرکماشی ءَ اوشتاتگ اَنت ءُ آدگہ اگدہ دار انچوش سوبین بیتگ اَنت۔

شنگ بیتگیں درشان ءَ گوشگ بیتگ پہ سرکماشی ءَ سمی بلوچ ءُ جی آر بلوچ ءُ پہ کمک سرکماشی ءَ انایت بلوچ ءُ میر دوست اوشتاتگ اَنت۔ کابینہ ءَ سمی بلوچ سرکماش ، انایت بلوچ کمک سرکماش، امداد کارگشاد، پھد بلوچ کمک کارگشاد ءُنوھا بلوچ کلیتدار گچین کنگ بیتگ انت۔

نوک گچیں بیتگیں کابینہ مراد باتی داتگ ءُ ڈاکٹر نسیم بلوچ ءُ آدگراں گوشتگ کہ مارا ھمے اوست اِنت کہ پارٹیءِ ھمبل چہ امریکہ ءَ بلوچ ءُ بلوچستان ءِ آجوئی ءِ کیس ءَ جھان ءِ دیم ءَ شریں وڑے ءَ پیش کن اَنت۔

بلوچستان ءِ تیاب دپی شھر گوادر ءِ دمگ گنز ءَ پاکستان کوسٹ گارڈ تیرگواری ءَ چہ عبدالواحد ء رمضان جھمنند پیشکان بیران بیتگ-

کھول گوشگ اِنت کہ کوسٹ گارڈ ءِ آپسیراں لین نام سر ءَ پیسر ءَ کار کنگ موکل داتگ پد ءَ وھدے کاھیک ءَ سامان لوڈ کنگ بیتگ گُرا کوسٹ گارڈ ءِ بوٹ آئی ءِ رندگیری کنگ بندات کتگ ءُ پد ءَ شتگ نزیک ءَ آپیسر ءِ آیگ ھال سر ءَ آئی ءَ زوت تچگ ءِ گوشگ بیتگ وھدے آ روگ ءَ بیتگ گُڑا پد آئی ءِ سر ءَ سر ءُ دیم تیرگواری بندات کتگ-

تیرگواری ءِ نشانگ آیگ عبدالواحد ء رمضان نامیں ورنایے بیران بیتگ- کھول ءَ میاربار ایف آئی آر نکش کنگ ءُ دزگیر کنگ ءَ تاں لاش کوسٹل ھائی وے سُربندر کراس ھند ءَ ایر کتگ نندانک دیگ جار جتگ-

پیڈاگوجی اُپ دی اُپریسٹ

نبشتہ کار: پالو پِریرے

رجانکار: ساجد بلوچ

سیمی در: (ڈائلوگ)

اولی بھر

دی بلوچستان پوسٹ

انچُشکہ ما یک انسانی پَدّرایشتے (پینومینن) ءَ ￴ڈائلوگ ءِ وسیلہ ءَ ￴زانگ ءِ ￵￴￵جُھد ءَ بہ کنیں، گڑا مارا سرپدی بیت کہ ”گال” ڈائلوگ ءِ ￵بنیات اِنت۔ بلے گال چہ یک اوزارے ءَ ￴پُر ارزشِدارتِر اِنت ءُ آ دیم ءَ ￴ڈائلوگ ءَ ￴ممکن کنت۔ گال ءِ ￵بابت ءَ ￴مارا لازم آئی ءِ ￵بُنکی ءُ ￶ابرامی شے شوھاز کنگ لوٹ ایت۔ گال ءِ ￵تہ ءَ ￴ما دو ڈائمنشنز پد جن ایں، اولی عمل اِنت ءُ دومی پگر اِنت۔ آ یک ءُ دومی ءَ بگر زندگ ￴نہ بنت۔ اگاں ما یکے ءَ ￴کُربان بہ کنیں گڑا بزاں دومی ءِ ￵سر ءَ ￴سان کپ ایت۔ اد ءَ چوشیں ￴راستیں گال نیست کہ آ ھمے یکیں ساھت ءَ ￴عملے بہ بیت۔ ھمے داب ءَ ￴گْواچنیں گال ءِ ￵گْوشگ دگنیا ءِ ￵بدل کنگ اِنت۔یک بے سریں گالے، کہ راست ءِ ￵مٹ کنگ ءَ ￴لائک نہ اِنت، پیش دار ایت کہ دُگانَگ(ڈکوٹونومی) آئی ءِ ￵بُنکی شے ءِ ￵سر ءَ ￴زورآور اِنت۔ وھدے کہ یک گالے چہ عمل ءَ ￴گِستا بہ بیت گڑا پگر ھم بیگواہ بیت; گال اگاں بے کاریں باوستے ءِ تہ ءَ، زبانی گپے ءِ تہ ءَ، ءُ درآمدیں مانا ءُ ￶بزانتے ءِ تہ ءَ ￴مٹ بہ بیت گڑا بزاں اے گال ھورکیں گالے بیت۔ ایشی ءَ ￴دگنیا رَد پھم ایت پرچا کہ بدلی ءِ بسَتین (کمنٹمنٹ) ءَ ￴بگر گَھگیری بوت نہ کنت ءُ ￶ بگر عمل ءَ ￴اد ءَ ￴ھچ بدلی نئیت۔ چہ ایشی ءَ ابید ￴بے پگر ءَ ￴ءُ یاکہ تھنا عمل ءِ ￵سر ءَ زور دیگ بہ بیت گڑا اے عمل کوریں عمل (بِلائینڈ پریسس) ءِ ￵￵تہ ءَ ￴￴بدل بیت۔ رند ءَ، بے مکسد ءَ ￴عمل کنگ، گواچنیں عمل ءَ ￴رد کنت ءُ ڈائلوگ ءَ ￴ناممکن کنت۔ یاکہ دُگانگی، ھَستمان (وجود) ءِ ￵بے زَگریں (اَن اَتینٹِک) دْروشم ءِ ￵جوڑشت ءَ، ھم بے زگریں سسّا ءِ ￵دْروشم ءَ جوڑ کنت، آ بُندرّی دُگانگی ءَ را ￴کُمک یاکہ توانگر کنت۔ بنی آدم ءِ ￵ھَستمان بے توار بوت نہ کنت، ءُ ￶نیکہ آئی ءِ ￵درس چہ بدیں گالاں بیت، بس تھنا چہ راستیں گالاں بیت، آیانی ھمراھی ءَ ￴دوئیں مردین آدم ءُ ￶جنین آدم دگنیا ءَ ￴را بدل کن اَنت۔ انسان ءِ ￵وڑ ءَ ￴اگاں زندگ بوگ لوٹ ئے￷ گڑا دگنیا ءَ ￴نامے بہ دے، دگنیا ءَ ￴بدل بہ کن۔ یک رندے نام ءِ ￵زورگ ءَ ￴چہ پد دگنیا وت یک جیڈھے ءِ ￵داب ءَ ￴نام دیوک ءِ ￵دیم ءَ ￴دو بر ￴زاھر بیت ءُ ￶دگہ یک نوکیں نامے آیانی واست ءَ ￴زلورت بیت۔ انسان ￵بے تواری ءِ ￵تہ ءَ ￴انّا بلکیں گال ءِ ￵تہ ءَ، کار ءِ ￵تہ ءَ، ءُ ￶پگر ءُ ￶عمل ءِ ￵تہ ءَ ￴جوڑ بیت۔ بلے وھدے کہ راستیں گال ءِ ￵گُشگ انچُشکہ کار اِنت، عمل اِنت، ءُ ￶دگنیا بدل کنگی اِنت۔ اے بُگش کہ گال لھتیں مردمانی ھاسیں ھَک (پری ویلِج) نہ اِنت، بلکیں دْراھینانی ھَک اِنت۔ ھمے سبب ءَ ￴کس تھنا گْواچنیں گالے گْوشت کُت نہ کنت، نیکہ آ دومئیگ ءِ ￵واست ءَ ￴گْوشت کُت کنت۔ یک پرسکرِپٹب اِکٹے (ھما کار کہ آ گوں لھتیں رھبنداں بندوک اِنت کہ کار چتو بہ بیت) ءِ ￵تہ ءَ ￴￴دومئیگاں چہ آیانی کاراں دُزّ ایت۔ ڈائلوگ مردینانی میان ءَ ￴یک مکابلھے، چہ دگنیا ءَ ￴سان زورگ بوتگ، تاکہ آ دگنیا ءَ ￴نامے بہ دے اَنت۔ ھما مردمانی میان ءَ ￴ڈائلوگ بوت کُت نہ کنت کہ آ ماں دگنیا ءَ ￴نام لوٹ اَنت ءُ ￶یاکہ ھما مردم کہ آیاں نام ءِ ￵زورگ ءِ ￵ھچ واھِشت نیست۔ ھما مردمانی میان ءَ ￴کہ چہ دومئیگاں وتی گپ ءِ ￵جنگ ءِ ￵ھَک چیر دیگ بیت ءُ ￶ھما مردمانی میان ءَ ￴چہ گپ ءِ ￵جنگ ءِ ￵ھَک مکن کنگ بیت۔ ھما مردماں کہ آیاں چہ گپ ءِ ￵جنگ ءِ بنیادی ھَک زِبَھر کنگ بوتگ آیاں پیسر ءَ ￴وتی ھَکّانی گپ ￴کنگ لوٹ ایت ءُ ￶آیاں انسان ءِ ￵جلّادی کرد (ڈییومینائیزنگ اِکٹ) دارگ لوٹ ایت۔ ڈائلوگانی تہ ءَ ￴مردم، دگنیا ءَ ￴￵نام ءِ ￵دیگ ءَ ، ￴بدل کن اَنت۔ ڈائلوگ ھمے ترز ءَ ￴وت ءَ ￴زورآور کنت کہ چہ انسان ءِ ￵بستار ءَ ￴ارزشت دار ایت۔ ھمے پیم ءَ ￴ڈائلوگ یک ھَستمانی زلورتے۔ ءُ ￶چوشکہ ڈائلوگ ھما اَڑ اِنت کہ آئی ءِ ￵تہ ءَ گپ کنوک ءِ ￵یکجاھیں پگر ءُ ￶عمل ماں دگنیا ءَ ￴زانگ بیت، آ دیم دیگ ءُ ￶انسان کنائینگ بیت چمیشکا ڈائلوگ ءِ تہ ءَ یک مردمے ءِ ￵ھیالاں دومی مردم ءِ ￵تہ ءَ ￴ھور کنگ ءِ ￵عمل کم بوت کُت نہ کنت ءُ ￶نیکہ اے سسّاھانی یک سادگیں اَدل ءُ ￶بدلی یے بوت کُت کنت آ باوست کنوک (ڈسکسینٹ) ءِ ￵وسیلہ ءَ ￴کارمرز کنگ بیت۔ ءُ ￶اے انّو یک دژمنیں ءُ ￶اڑیں ڈائلوگے کہ نا دگنیا ءِ ￵نام ءِ ￵گِرّگ ءِ ￵واست ءَ ￴پابند اِنت ءُ ￶نیکہ راست ءِ ￵پَٹ ءُ ￶لوٹ ءِ ￵ھاتر ءَ، بلے وتی راستی ءَ ￴زورمُشگ ءِ ￵واست ءَ۔ پرچاکہ ڈائلوگ دوئیں مردین ءُ ￶جنین ءِ ￵میان ءَ ￴یک اڑ ءُ ￶کُڑے کہ آ دگنیا ءَ را ￴نام دیگ لوٹ اَنت۔ چوشیں ھالتے جوڑ مہ بیت کہ اود ءَ ￴دومئیگ ءِ ￵جاہ ءَ ￴نام زورگ بہ بیت۔ اے ساچِشت ءِ ￵یک عملے۔ اے یک ءُ ￶دومی ءِ ￵گلام کنگ ءِ ￵واست ءَ یک تیزیں اوزارے ءِ ￵ھساب ءَ ￴باید اِنت مہ بیت۔ ماں ڈائلوگ ءَ ￴تچکیں مَستری (اِمپلیسِٹ ڈومِنیشن) ھما اِنت کہ ڈائلوگر ءِ ￵دگنیا ￴اِنت۔ پہ آدمزات ءِ ￵آجوئی ءَ ￴دگنیا ءِ ￵باج اِنت۔ البت دگنیا ءُ ￶مردمانی واست ءَ ￴جُھلیں مھر ءِ ￵نیستی ءِ ￵سبب ءَ ڈائلوگ بوت کُت نہ کنت۔ چہ دگنیا ءِ ￵نام ءِ ￵زورگ ءَ ￴، کہ آ ساچِشت ￵ءُ ￶دو بر ساچِشست ءِ ￵یک عملے، مھر ءَ ￴پجّارینگ مہ بیت گڑا ممکن نہ بیت۔ مھر ھمے یکیں ساھت ءَ ￴وت ڈائلوگ ءُ ￶ڈائلوگ ءِ ￵بنیات ءَ ￴ایر کنت۔ ￴ھمے ڈول ءَ اے ￴زمہ واریں رئیتانی(سبجِکٹانی) کار اِنت ءُ ￶زورمُشگ ءِ ￵سیادی ءِ ￵تہ ءَ ￴بوت ھم کُت نہ کنت۔ زُلم پیھتالوجی (نادْراھانی سبب ءُ ￶سانانی اِلم) ءِ ￵مھر ءَ ￴زاھِر کنت; زُلم کنوک ءِ ￵تہ ءَ ￴سِڈزم (بے رھمی)، زُلم سگّوک ءِ ￵تہ ءَ ￴میسوکزم (ھما ھالت کہ یک مردمے زاہ ءُ ￶بد ءُ ￶زُلم ءَ اوپار بہ کنت)۔ پرچا کہ مھر ھمّت ءِ ￵یک عملے، تْرس ءِ ￵انّا، مھر پہ دگراں یک بَستینے۔ ھچ پرک نہ بیت کہ گلام کجا اِنت، مھر ءِ ￵عمل آیانی مکسد ءِ ￵ھاتر ءَ ￴یک بَستینے۔۔۔ آجوئی ءِ ￵مکسد۔ پرچاکہ، ھمے بَستین، پُرمھر ءُ ￶پُرگُپتاری۔ بَھادُری ءِ ￵عمل ءِ ￵کارّیچ (پروسِس) ءَ، مھر جزباتی بوت کُت نہ کنت، آجوئی عمل ءِ ￵ھساب ءَ￴، ایشی ءَ باید اِنت ￴بھر ءُ ￶بانگ ءِ ￵نیمون ءَ ￴مہ زور اَنت۔ ایشی ءَ پہ ￴آزاتی ءَ عمل کنگ لوٹ ایت ،اگاں ناں، اے مھرے نہ اِنت۔ تھنا زُلم ءِ ھالت ءِ ￵ھتم کنگ ءَ زاناں مھر ءِ ￵دو بر امبار کنگ ممکن بیت کہ اے ھالت ءَ ￴ممکن کُتگ؟ اگاں من دگنیا ءَ ￴گوں مھر مہ کناں، اگاں من زندگی ءَ گوں ￴مھر مہ کناں، ءُ ￶اگاں من مردماں گوں مھر مہ کناں، گڑا من ڈائلوگ ءِ ￵تہ ءَ ￴پُتِرت کُت نہ کناں۔ ایشی ءَ ￴چہ ابید بگر آجزی ءَ ￴ڈائلوگ بوت کُت نہ کنت۔ دگنیا ءِ ￵نام دیگ، آئی ءِ ￵وسیلہ ءَ ￴مردم دم پہ ساھت دگنیا ءَ ￴دو بر ساچِشت کن اَنت، نابزانتی ءِ ￵یک عملے بوت کُت نہ کنت۔ ڈائلوگ، انچو کہ ڈائلوگرانی دپ جنگی ءَ انچنایں کار ءِ ￵ وانِشت ءُ ￶عمل ءَ ￴پجّار دنت، دو مردم ءِ ￵میان ءَ یکے ءِ ￵تہ ءَ ￴آجزی نہ بوگ ءِ ￵سبب ءَ ￴پُرش ایت۔ اگاں من دائمی ءَ ￴دگرانی سر ءَ ￴بے اِلمی زاھر بہ کناں ءُ وتی زات ءَ بھ سرپد مہ باں گڑا من چیتو ڈائلوگ کُت کناں؟ اگاں من وت ءَ ￴چہ دگراں یک الگ کیسے بہ پھم آں گڑا من ڈائلوگ چیتو کُت کناں۔۔۔بس ایش اِنت کہ من دگراں زانت کُت نہ کناں۔ من چیتو ڈائلوگ کُت کناں اگاں من گَرچّ (گروپ) ءِ ￵تہ ءَ ￴لھتے زگریں مردین سرپد باں، کہ آ راست ءُ ￶زانِشت ءِ ￵ھُدابند اَنت، آیانی ￵سرجمیں درباسک ھُورکیں مردم اَنت یا ھراب اَنت۔ من چیتو ڈائلوگ کُت کناں اگاں من چہ گالرِد ءِ بنیات ءَ ￴بندات بہ کناں کہ دگیا ءِ ￵نام ءِ ￵گِرگ یک بلادَستے ءِ ￵کار اِنت ءُ بندپتر ءِ ￵تہ ءَ مردمانی ھست بوگ گَنتری (ڈِٹوریئیشن) ءِ ￵چیدگ اِنت، چُوشکہ اے گُریز کنگ بہ بیت۔ چہ دگرانی بَھرِشت ءَ ￴من ءَ ￴بند کنگ بیت ءُ ￶بے ازت کنگ بیت گڑا من چیتو ڈائلوگ کُت کناں۔ من تْرس آں کہ من ڈنّ ءَ ￴کشّگ باں، منی اَزیَت ءُ ￶نیزوری ءِ ￵تھنا سبب ھمیش اِنت گڑا من چیتو ڈائلوگ کُت کناں۔ بیھاجتی ڈائلوگ ءِ ھمراھی ءَ ￴بیرَھِش (اِنکمپیٹیبل) اِنت۔ ھما مردین ءُ ￶جنینانی تہ ءَ ￴آجزی ءِ ￵کمی بیت یاکہ آجزی اش ￵گار کُتگ گڑا آ مردمانی دیم ءَ ￴اتک کُت نہ کن اَنت، دگنیا ءِ ￵نام ءِ ￵دیگ ءَ ￴آیانی شریک بوت کُت نہ کن اَنت۔ یکے کہ وت ءَ ￴ھر کسی وڑ ءَ ￴نمیران بوگ ءِ ￵جار ءَ ￴جت کُت نہ کنت، آئی ءَ ￴انگہ تک پسات ءِ ￵ٹِک ءِ ￵رسگ ءَ ￴پیسر مزنیں پندے بُرّگ کپ ایت۔ پسات ءِ ￵ٹِک ءَ ￴آ نا جَاھِل اَنت نیکہ آ کاملیں بابا (Sages) اَنت; اود ءَ ￴بس ھما مردم اَنت کہ چہ وتی زانِشت ءَ ￴گیشتر چیزانی دربرگ ءِ ￵جُھد ءَ کن اَنت ءُ گوں ￴یکے دومی ءَ دُچار کپ اَنت۔ ایشی ءَ ￴چہ ابید انسانیت ءِ ￵تہ ءَ ￴ڈائلوگ ءَ یک جُھلیں ایمانے ءِ ￵زلورت بیت، جوڑ کنگ، جوڑ کنگ ءُ ￶دو بر جوڑ کنگ، ساچِشت کنگ ءُ ￶دو بر ￴ساچِشت کنگ واک ءِ ￵تہ ءَ ￴پِتّ اِنت، ھمے ھساب ءَ ￴پہ انسان بوگ ءَ ￴انسان ءِ ￵سر ءَ ￴بیسہ بہ بیت، اے بلادَست ءِ ￵یک ھاسیں ھَکّے نہ اِنت، بلے دْرستانی ممکیں ھَک اِنت۔ پہ ڈائلوگ ءَ ￴مردمانی تہ ءَ ￴ایمان یک الّمی ئیں شے یے; ڈائلوگریں مرد، ھالانکہ آیانی دیم پہ دیم دُچار کپگ ءَ ￴پیسر، دگرانی سر ءَ ￴بیسہ بہ کنت۔ ایشی ءِ￵ ایمان البت سادگ نہ اِنت۔ ڈائلوگریں مرد نگدی اِنت ءُ ￶زانت کہ ھرچُنت آ جوڑ ءُ ￶بدل بہ کنت انسان ءِ ￵واک ءُ وس ءَ ￴نہ اِنت، بلے گار ءُ ￶گُمساری ءِ ￵تْرندیں جاور ءِ ￵تہ ءَ بنی آدم اے واک ءِ ￵کارمرز ءِ ￵دیم ءَ ￴اَڑاند بوت کُت کنت۔ مردمانی تہ ءَ وتی ایمان ءِ ￵تباھی ءَ ￴چہ دور، البت، آئی ءَ ￴را انچشکہ یک گامبیلے (چِلینج) ءِ ￵ھساب ءَ ￴جنت کہ آئی ءَ ￴لازم پسّہ دیگی اِنت۔ آئی ءَ ￴اے گپ ءِ ￵سر ءَ ￴بیسہ اِنت کہ جوڑشت ءُ ￶بدلی ءِ ￵واک، چوناھا ھستیں جاور ءِ ￵تہ ءَ ￴دارگ بیت، دو بر ودی ءِ ￵ارادگ کنت۔ ءُ ￶آئی ءِ ￵دو بر ودی بوگ۔۔۔وتسرا وت بوت کُت کنت۔ ءُ ￶آ دومی رند ءَ ￴ودی بوت کُت کنت۔ وتسرا انّا۔۔۔بلکیں ایشی ءِ ￵وسیلہ ءَ ￴ءُ ￶آجوئی ءِ ￵جُھد ءِ ￵تہ ءَ۔ چہ گلامی ءَ یاکہ ￴گُلامی ءِ ￵آجوئیں کوشست ءِ ￵وسیلہ ءَ ￴کہ زندگی ءِ ￵جزبگ ئے￷ ھست۔ مردمانی تہ ءَ بگر ￴اے ایمان ءَ، ڈائلوگ یک مسکراھے کہ آ بے کار ءَ ￴مردمانی دارگ ءِ ￵جُھد ءَ ￴کنت۔ وت ءَ ￴مھر، آجزی، ءُ ￶ایمان ءِ ￵تہ ءَ ￴پٹّگ ءَ ، ڈائلوگ یک برابریں سیادی یے بیت اِنت کہ ڈائلوگرانی میان ءَ ￴یکے دومی ءِ ￵بیسہ (میچول ٹرس) راسبندیں ￴آسرے (لوجیکل کانسیکوینس) دنت۔ یک ھاسیں مدتے ءِ تہ ءَ ￴اے یک اڑ ءُ ￶کُڑے بیت اگاں ڈائلوگ۔۔۔۔ پُر مھریں، بے شانیں، ءُ ￶چہ ایمان ءَ ￴پُریں۔۔۔۔۔یکے دومی ءَ ￴بیسہ کنگ ءِ ￵چاگردے نہ دنت، آ، دگنیا ءِ ￵نام دیگ ءِ ￵ھاتر ءَ، مدام نزّیکیں شریکداری ءِ ￵تہ ءَ ￶ڈائلوگرانی رھشونی ءَ ￴کنت۔

ایشی ءَ ￴چہ ابید لھتے بیسہ گِندگ ءَ ￴انِٹی ڈائلوگ ءِ ￵بینکنگ ترز ء وانگ ءِ ￵تہ ءَ ￴ناساڑی اَنت۔ ستر ایمان آدمزات ءِ ￵تہ ءَ ￴پہ ڈائلوگ ءَ ￴بنیادتی زلورتے بہ بیت، بیسہ ڈائلوگ ءِ ￵وسیلہ ءَ ￴جوڑ کنگ بیت۔ اگاں ایشی ءَ ￴بُنگیجکار (پائونڈر) بہ کنیں گڑا گْرانیں جاورانی کمی بیت۔ ردیں مھر، ردیں آجزی ءُ ￶نیزوریں ایمان دگرانی تہ ءَ ￴بیسہ جوڑ کُت نہ کنت۔ بیسہ سبوت ءِ چمدار اِنت کہ یک گلے دومی گل ءَ ￴وتی راستی ءَ ￴دنت، ھاسیں مکسد، اے ھست بوت کُت نہ کنت اگاں گل ءِ ￵گال گوں آیانی کاراں اَجکّہ ءَ ￴دُچار نہ کپ اَنت۔ یک چیزے گشگ ءُ ￶دومی ءَ ￴را کنگ۔۔۔۔وتی گال ءَ ￴وت زورگ۔۔۔۔بیسہ ءَ ￴را سانمند کُت نہ کنت۔ جمھورت ءِ ￵توسیپ کنگ ءُ ￶چہ ایشی ءَ ￴مردماں گُنگ کنگ یک مسکراھے; انسانیت ءِ ￵سر ءَ ￴گُپتار بہ کن ءُ ￶دروگیں مردماں نگد ءُ ￶رَد بہ کن۔ نیکہ انگت اُمیت ءَ ￴بَگر ڈائلوگ ھست بوت کنت۔ اُمیت ءِ ￵روتگ مردینانی ناسرجمی اِنت، چہ آئی ءَ ￴آ نا اُوشتوکیں پَٹ ءُ ￶لوٹے ءِ ￵ھاتر ءَ ￴جُنزان کن اَنت۔۔۔۔۔۔ یک پٹ ءُ ￶لوٹے کہ دومئیگانی ھمراھی ءَ ￴بوت کُت کنت۔ نا اُمیتی بے تواری ءِ ￵یک دْروشمے دگنیا ءَ را مہ کن کنگ ءُ ￶ چہ ایشی ءَ ￴تچگ اِنت۔ جلّادی چہ یک بے انساپیں پرمانے ءِ ￵دلپروشی ءِ ￵مارِشت ءِ ￵یک سببے نہ اِنت بلے یک اُمیتے، نا انساپی ءِ ￵نہ منّگ مردمگری شوھاز کنت۔ اُمیت ءِ ￵تہ ءَ ￴اے چیز نیست کہ تو یکے ءَ ￴بہ گوازین ئے￷ ءُ ￶پد ءَ ￴ودار ءَ ￴ئے￷ بہ کن ئے۔ من ھمینچو دیر ءَ ￴جنگ بہ کناں ھمینچو دیم ءَ ￴اُمیت ءِ ￵وسیلہ ءَ ￴چگل دیگ باں; ءُ ￶من اُمیت ءِ ￵ھمراھی ءَ ￴جنگ کناں، گڑا من ءَ ￴ودار کنگی اِنت۔ ھمے وڑ ءَ ￴جنین ءُ ￶مردین ءِ ￵دپ جنگی یک سرجمیں انسانے ءِ ￵بوگ ءَ ￴شوھاز کنت, ڈائلوگ اُمیت ءِ ￵ساچ ءِ ￵سر ءَ ￴زورگ بوت نہ کنت۔

اگاں ڈائلوگر چہ آیانی جُھد ءَ ￴ھچ چیز اُمیت نہ کن اَنت، گڑا آیانی دپ جنگی ھورک ءُ ￶بے کار، ءُ ￶بیوریکریٹِک ءُ ￶ائوادگ بیت۔ گڈی ءَ ￴راستیں ڈائلوگ ھست بوت کُت نہ کنت دانکہ ڈائلوگر نگدی سوچ (کریٹیکل تیکِّنگ) ءِ ھمراھداری ءَ ￴مہ کن اَنت ۔ ھما ھیال کہ راست ءِ ￵یک جمّیتگیں ھُستمانے ءَ ￴ابید عمل ءُ ￶بدلی ءِ وڑ ءَ ￴پوہ بیت، ھما ھیال کہ دگنیا ءُ ￶مردمانی میان ءَ ￴چیریں مُچّی یے ءَ ￴پوہ بیت، ءُ ￶ھما ھیال کہ آ چہ عمل ءَ ￴وت جُتا بوت نہ کنت، بلے یکشل ءَ ￴اے ادارُکی ءِ ￵تہ ءَ ￴بگیر ھترا ءِ ￵ترس ءَ ￴وت ءَ پوش ایت۔ ندگدی سوچ چہ لس مھلوک ءِ ￵بُنکی سوچ ءَ ￴جُتا اِنت، کہ راجدپتری وھد ءَ ￴یک وزنے ءِ ￵ھساب ءَ ￴چار ایت، گْوست ءِ ￵رھبند ءُ ￶تجرُبگانی اِسٹراٹیپِکیشن، ھما عمل کہ مردماں جُتائیں تبکانی تہ ءَ ￴بھر ءُ ￶بانگ کنت، چہ آئی ءَ ￴ھستیں وھد ءَ ￴وت ءَ ￴شر ءُ ￶دودی (سیویلائیزڈ) پیشدارگی اِنت۔ بُنکی شھسسّا ءِ ￵ھاتر ءَ ھستیں وھد ءَ ￴ ￴زلوری ئیں چیز آئی ءِ ￵زمین اِنت۔ نگد کنوکانی واستہ زلوری ئیں چیز راستی ءِ ￵برجمیں بدلی اِنت، کہ مردمانی یکشلیں انسانیت ءِ ￵واستہ اِنت۔

پِرِّر پرٹَر ءِ ￵رِد ءَ:

”نوں مکسد اے بہ بیت کہ مانزمانی ئیں جاگہ (گرانٹیڈ اسپیس) ءَ ￴بہ گِر ءُ ￶اَدارُک بوگ ءَ ￴ھتم بہ کن، بلے جاگہ ءَ ￴ادارُک کنگ ءِ ￵ھاتر ءَ۔ جھان منی واستہ تھنا یک جاگھے پیشدارگ نہ بیت، کہ یک مزنیں کچّے ءَ ￴ھست اِنت کہ زورمشتگ ئے￷ آئی ءِ ￵ھمراھی ءَ ￴من وت ءَ ￴رکینت کناں، بلکیں یک اسکوپے ءِ ￵وڑ ءَ، یک ڈومینے ءِ ￵دْروشم ءَ ￴دیم ءَ ￴بئیت انچشکہ من ایشی ءِ ￵سر ءَ ￴عمل کناں“۔

ھَندی لیکہ ءِ ￵واستہ مکسد ایش اِنت کہ اے مانزمانی ئیں جاگہ پُرزوری ءِ ￵ڈول ءَ ￴کِرّ ءَ ￴کنگ بیت ءُ ￶آئی ءِ ￵تہ ءَ ￴جاگہ (اڈجسٹ) بیت۔ چیریں اَدَارُکی ءِ ￵وسیلہ ءَ ￴اے وت ھم چیر بیت۔ بس ڈائلوگ، کہ نگدی سوچ ءَ ￴￵ودی کنت، نگدی لیکہ ءِ ￵آرگ ءَ ￴ھم لائک اِنت۔ بگر ڈائلوگ ءَ ￴اد ءَ ￴گُپتار نہ بیت، ءُ ￶بگر گُپتار ءَ اد ءَ ￴راستیں وانگ نہ بیت۔ ھمے وانگ، کہ آ استاد ءُ ￶نودربر ءِ ￵میان ءِ ￵اڑ ءُ ￶کُڑ ءِ ￵گیش ءُ ￶گیواری ءَ ￴کنت، یک ھالتے ءِ ￵تہ ءَ ￴جاگہ کنت ھمے ھالت ءِ ￵￵تہ ءَ ￴دوئیں وتی لیکہ ءِ ￵عمل ءِ ￵سر ءَ ￴ایراد کن اَنت کہ آ گُپتار ءِ ￵وسیلہ ءَ ￴شینگ کنگ بیت۔ ھمے وڑ ءَ ￴وھدے کہ یک پیڈاگوجیکل ھالتے ءِ ￵تہ ءَ ￴استاد-نودربر یک ءُ دومی ءَ ￴دُچار بہ کپ اَنت، گڑا وانگ ءِ ￵ڈائلوجیکل کِرد، انچشکہ آزاتی ءِ ￵عمل اِنت، بندات نہ بیت، بلے وھدے کہ اولی وت ءَ ￴را وت جُست بہ کنت کہ آ دومئیگ ءِ ￵گوماں چی ءِ ￵بابت ءَ ￴ڈائلوگ کنت۔ ءُ ￶ڈائلوگ ءِ ￵مانگِشیتگیں مواد اسل ءَ ￴وانگ ءِ ￵پروگرام ءِ ￵مانگِشیتگیں مواد اِنت۔ اینٹی ڈائلوجیکل بینکنگ وانینوک ءِ ￵واستہ مواد ءِ ￵جُست ھاسکر پروگرام ءِ ￵سر ءَ ￴زور دنت آئی ءِ ￵بابت ءَ ￴آ گوں وتی نودربراں ￴گُپتار کنت; آ، وتی پروگرام ءِ ￵ھوربند کنگ ءِ ￵وسیلہ ءَ، مدام وتی جُست ءِ ￵پسہ ءَ ￴وت دنت۔ ڈائلوجیکل ءِ ￵ھاتر ءَ، جیڑہ جوڑ کنوکیں استاد-نودربر، وانگ ءِ ￵مواد ءِ ￵پروگرام یاکہ یک ٹیکی یے ءُ ￶نیکہ یک زورمُشتگیں چیزے۔۔۔۔کم کمیں سرپدی نودربرانی تہ ءَ ￴مان کنگ بیت۔۔۔۔بلے بلکیں چیزانی بابت ءَ ￴نودربراں ھوربندیں، تچکیں، ءُ ￶سوبمندیں رھشونی دیگ بیت آیانی بابت ءَ ￴آ گیشتر زانگ لوٹ اَنت۔ زگریں وانگ “اے“ پور “بی” یا ”بی“ پور ”اے“ ءِ ￵وسیلہ ءَ ￴برجم نہ بیت، بلکیں ”اے“ ءِ ￵ھمراھی ءَ ￴”بی” بہ بیت، دگنیا ءِ وسیلہ ءَ ھمے ￴شینگ ءُ ￶تالان بیت، ھما دگنیا کہ دوئیناں سانمند ءُ ￶گامبیل کنت، ایشی ءِ ￵بابت ءَ ￴منی لیکہ ھمیش اِنت۔ اے لیکھاں، اُمیت یا نااُمیتی، شک، ءُ ￶تکانسری ءِ ￵ھمراھی ءَ ￴پُر بیت، ارزشتداریں بُنگپ مان ھمیشانی بابت ءَ ￴وانگ ءِ ￵مواد ءِ ￵پروگرام اڈ دیگ بیت۔ ایشی ءِ ￵واھِشت ءِ ￵تہ ءَ ￴”شریں مرد“ ءِ یک ￵آئیڈیل موڈلے جوڑ بیت، یک سادگیں لیکھے انسانیت پسندی مدام راستیں مردمانی توانگریں، ھُستمانیں، ءُ ￶ھستیں جاورھالاں ڈالچار کنت۔ زگریں انسانیت دوستی، پِرّر پُرٹر ءِ ￵گُشگ اِنت، ءِ ￵تہ ءَ ￴توامیں مردمگری ءُ ￶آگاھی گِندگ ءَ ￴کیت، یک شرتے ءِ ￵ءُ ￶زمہ واری یے ءِ ￵وڑ ءَ، یک ھالتے ءِ ￵ءُ ￶پروجیکٹے ءِ ￵وڑ ءَ۔ ￴ما بس پوریاگرانی کِرّ ءَ ￴شُت کُت نہ کنیں۔۔۔شَھری یا بزگر ۔۔۔۔بینکِنگ رواج ءِ ￵تہ ءَ آیاناں زانت دیگ یا آیانی سر ءَ ￴یک شریں مردے ءِ ￵موڈل ءَ زُورمشگ ءِ ￵ھاتر ءَ ￴یک انچیں پروگرامے ءِ ￵تہ ءَ ￴ھست اِنت کہ آ مواد ما وت ھوربند کُتگ۔ بازیں سیاسی ءُ ￶وانگی شوربندی بے سوب بوتگ اَنت پرچا کہ نبشتہ کاراں راستی ءِ ￵وتی زاتی ھیال ءُ لیکہ ءِ ￵وسیلہ ءَ ￴آیاں اڈ کُتگ اَنت, آیاں، ابید چہ آیانی کارانی مکسد ءَ، ￴بھ چیزانی سر ءَ ￴زور نہ داتگ ھما مردم کہ آیانی پروگرام زاھری ھساب ءَ ￴گِشّینگ بوتگ۔ پہ انسانوھیں (یومنّسٹ) وانینوک ءُ ￶زگریں آشوبی ءَ ￴عمل ءِ ￵مکسد راستی اِنت آئی ءِ ￵وسیلہ ءَ ￴دومی مردمانی یکجاھی ءَ ￴یکمُشت بوگ اِنت ءُ ￶بدلی آرگی اِنت بلے دومی مردین ءُ ￶جنین تھنا وت انّا۔ زوراک ھما اِنت کہ آ مدام مردمانی سر ءَ ￴کار کن اَنت کہ آ دمئیگانی تہ ءَ ￴زوراک ءِ ￵لیکہ، ایمان، ربیدگ، ءُ ￶آ دگہ چیزاناں مان بہ کن اَنت ءُ ￶مردماناں ھمے راستی ءِ ￵تہ ءَ ￴بہ ٹائین اَنت ھمے کہ راست نہ اِنت۔ البت، بد بھتی ءَ ، آشوبی عمل ءِ ￵واستہ ءَ ￴لس مھلوک ءَ ￴وتی نیمگ ءَ ￴کشّگ ءِ ￵ھاتر ءَ، آشوبی رھشون بُرز ءَ ￴بگر تاں جھل ءَ ￴شوربندی ءُ ￶پروگرام ءِ ￵مواد ءِ ￵بینکنگ ءِ ￵تہ ءَ ￴کپ اَنت۔ آ چہ پوریاگر ءُ ￶شَھری اُلس ءَ ￴ھمے شوربندی ءِ ￵بابت ءَ ￴ھال ءُ ￶اھوال کن اَنت کہ دگنیا ءِ ￵ھاتر ءَ ￴آیانی واستہ یک لیکھے ءِ ￵ھساب ءَ ￴بوت کُت کنت، بلے مردمانی لیکہ ءِ ￵ھساب ءَ￴نہ بیت۔

چہ ھزدار ءَ سرکاری پلامرزی ءِ ٹولی ءِ دست ءَ آوار جنگ بیتگیں جنک اسما ءَ یل بیگ ءَ پد زھرشانی بنجل ءَ مشکل ءُ بِری ءَ وئیل ءِ بارو ءَ درشان کنان ءَ گوشتگ ھما شپ ءِ کساس دو بج ءَ مئے لوگ ءِ سر ءَ اُرش بیتگ- منی کھول لٹ ءُ کٹ کنگ بیتگ ءُ آیاں منی دست بستگ انت – منی دپ بستگ ءُ گٹ ءَ پُچ بستگ من ءَ گاڑی ءَ چگل داتگ – چریشی ءَ پد من بے ھوش بیتگ آں – من ءَ ھوش نہ کنت من کجا برگ بیتگ آں-

آئی ءَ گوشتگ وھدیکہ من ھوش ءَ اتکگاں من ءَ کڈن کنگ بیتگ اے ویڈیو ءَ جوڑ بہ کن – من ءَ گوشگ بیتگ کہ اگاں تو ویڈیو تیار نہ کن ئے گڑا تئی برات ءُ پت ءَ کُش ایں – من لاچار بیتگ آں زورانسری ویڈیو اش جوڑ کتگ- شما درستاں دیستگ – اے منی پیسلہ نہ بیتگ – بلکیں من ءَ کڈنی دیگ بیتگ ءُ ریکارڈ کنگ بیتگ-

آئی ءَ گوشتگ من ءَ گوشگ بیتگ کہ آمیدگس ءَ برو بیان ءَ بہ دے من وتی وشی ءَ شتگ آں ءُ وتی وشی ءَ اے مرد ءِ گون ءَ رشتہ کنگ لوٹ آں – منی بس یکیں واھشت بیتگ کہ سلامتی وتی لوگ ءَ سر بہ باں – اللہ پاک ءَ من ءَ سلامتی ءَ اے زالمانی پنچگاں آزاد کتگ-

گیش بیھار دیگ بیتگ آں کہ اگاں آمیدگس ءَ مئے مرزی ءَ درشان نہ دات تئی برات ءُ پت کشگ بنت اِنت- اے سَے روچاں من درامدیں کھولے ءِ گون ءَ بیتگ آں- من ناں چیزے وارتگ نا کہ یک گلاسے آپ وارتگ – من سرجمیں شپ ءَ ھاگہ بیتگ آں – یک دمانے ءِ وھد ءَ ھم نہ وپتگ آں – اللہ ءِ شکر انت من سلامتی ءَ وتی پت ءُ مات ءِ گور ءَ سر بیتگ اں- من انساپ ءِ تلبگاراں-

بلوچ یکجھتی کمیٹی ھُزدار زون ءَ اسرمندیں کھول نندانکجاہ ءَ چہ پریس کانفرنس کنان ءَ گْوشتگ کہ مروچی چہ دو روچ ءَ ساری، شش فروری ءِ سُھب دو ءَ، ریاستی سروکی ءَ برجاھیں ڈیتھ اسکواڈ کارمنداں مئے لوگانی سر ءَ بیڑبرتگ ، ننگ ءَ ناموس لگتمال کتگ ءُ مئے کھول لَٹ ءُ کٹانی نشانگ کتگ اَنت- ریاستی ڈیتھ اسکواڈ ءِ مردماں تُپنگ زور ءَ تُرسینتگ ءُ مئے گْھار عاصمہ بلوچ زورانسری آوار جتگ ءُ بیگواہ کتگ-

آئی ءَ گْوشتگ کہ اولی وئیل نہ اِنت، بلکیں اشی ءَ ساری ھم بازیں بلوچ زالبول ءُ مردین ھمے وڑ زورانسری آوار جنی ءِ نشانگ کنگ بیتگ اَنت، ءُ مروچی تاں اشاں چہ گیشتر یل کنگ نہ بیتگ اَنت- اے زُلم ءِ ھلاپ ءَ توار چست کنوکاں بیھار دے اَنت یا کہ آیاں بے توار کن اَنت-

آئی ءَ گْوشتگ کہ بلوچ یکجھتی کمیٹی ھُزدار زون ءُ اسرمندیں کھول ءَ ھما روچ ءَ بیگاہ دو ءَ سنی سبزی منڈی ءِ ھند سر ءَ بُنجاھی آر سی ڈی دگ بند کتگ ءُ جار جتگ کہ دانکہ عاصمہ بی بی یل کنگ نہ بیت، زھرشانی ءُ دگ بندی برجاہ بیت-شش فروری ءِ سُھب ءَ بگر تاں انو ھُزدار ءَ مئے نندانک یکشل ءَ برجاہ ءَ اِنت، ھپت فروری ءَ اے وئیل ھلاپ ءَ شھید رازق چوک ءَ چہ آزادی چوک ءَ تاں یک مزنیں روانکے کش اِتگ، چریشی ءَ ھزرانی مردماں بھر زرتگ – راج ءَ وتی توار چست کتگ تچکیں کلوہ داتگ کپ ما وتی دوستناکانی زورانسری آوار جنی ءَ گیش بے توار بیت نہ کن ایں- مروچی سرجمیں جھالاوان ریجن ءَ تھتگ بندیں ھڑتال ءُ پرگ بندیں ھڑتال برجاہ بیتگ، آیانی تہ ءَ تاجر، نودربر ءُ لَس شھریاں جوانیں وڑے ءَ کمک کتگ- بلوچ یکجھتی کمیٹی ءَ باندا سرجمیں بلوچستان ءَ زھرشانی جار جتگ-

دیمتر ءَ گْوشتگ بیتگ کہ دومی نیمگ ءَ، زی ریاستی ڈیتھ اسکواڈ ءَ تُپنگ زور ءَ عاصمہ بی بی ءِ یک زورانسری نکش کتگیں درشان رسانکدر ءَ شنگ، کہ آئی ءِ سرجمی ءَ ما رد کن ایں- ما تچک کنگ لوٹ ایں کہ پہ زوراک راستی چیر دیگ نہ بیت، ءُ ما ھچ وڑ اے وڑیں زورانسری گرگ بیتگیں درشاناں نہ منّ ایں- مرچی رسانکدر ءَ چہ مارا ھال سر بیتگ کہ دمگی انتزامیہ ھُزدار ءَ عاصمہ بی بی یل کنائینتگ ، کہ یک وشیں گپے ءُ مئے کھول ءِ واستا یک سکونے- بلے ما اے تچک کنگ لوٹ ایں کہ دانکہ آوار جنوکاں تُرندیں سزا دیگ نہ بنت، ءُ دانکہ ما اے گہ زمانت دیگ نہ بیت کہ دیمتر ءَ چُشیں وئیل نہ بیت، داں ھما وھد ءَ زھرشانی ءُ دگانی بندی برجاہ بنت-

آیاں لوٹ کتگ عاصمہ بلوچ پہ سلامتی نندانکجاہ سر کنگ بہ بیت، سرجمیں میارباراں دزگیر بہ کن اِت ءُ آیانی ھلاپ ءَ سزا ءَ دلجمی بدے اَنت- وھدے کہ اسرمندیں کھول ءِ ھرچ مردم ءَ میاربارانی پنّجگاں چہ پھاز بدے اِت – گیش اسرمندیں کاردارانی ھلاپ ءَ ھچ وڑیں کاروائی مہ کن اِت-

گُڈی ءَ گْوشتگ بیت کہ ما تچک کنگ لوٹ ایں اگاں مئے لوٹانی سر ءَ دلگوشگوری کنگ نہ بیت گُڑا زھرشانی ءَ گیش تُرند کنگ بیت ءُ سرجمیں ڈیھ ءَ زھرشانیانی درچ ءَ بندات کن ایں-

بلوچستان ءِ دمگ چہ ڈیرہ بگٹی ءَ یک مردمے زورانسری بیگواہ وھدے کہ چہ تربت ءَ دو بیگواھیں مردم آجو بیتگ اَنت-

گیشیں ھالانی رِد ءَ سوئی ءِ دمگ چہ بگٹی کالونی ءَ پاکستانی پوج ءِ کارمنداں شمس بگٹی آئی پت جعفر بگٹی ءَ ھوار زورانسری بیگواہ کتگ-

چمّگندانی رِد ءَ پوج ءِ یک ویگو ڈالہ اے مرد سک لَٹ کُٹانی نشانگ کنگ ءَ پد چست کتگ-

جعفر بگٹی یل داتگ بلے شمس بگٹی انگت بیگواہ ءَ اِنت-

زانگ بہ بیت کہ شمس بگٹی سوئی ءِ دمگ اوچ ءَ او جی ڈی سی ایل ءَ کاردارے-

ھمے وڑ تربت بھمن ءُ چہ شاھی تمپ ءَ سیزدہ اکتوبر دوھزار بیست چار ءَ پاکستانی پوج ءِ دست ءَ بیگواہ کنگ بیتگیں یاسر حمید ءُ عطا نور بخش چار ماہ ءَ بیگواھی ءَ پد جمعہ شپ ءَ آجو بیتگ لوگ ءَ سر بیتگ-

دوئینانی یل بیگ گپ کھول ءَ کتگ-

زانگ بہ بیت کہ بیگواہ کنگ ءَ پد یاسر حمید ءُ عطا نور بخش ءِ یل کنگ ھاتر ءَ آئی ءِ کھول ءَ زھرشانی ءِ جتاجتائیں دروشم کارمرز کتگ واکدار ءَ چہ گند ءُ نند کتگ کمک لوٹ کتگ-

بلوچستان لبریشن فرنٹ ءِ جارکش میجر گْوھرام بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ مئے سرمچاراں مستونگ ءَ ڈی سی کمپلیکس دز بمب اُرش ءِ نشانگ کتگ-

جارکش ءَ گْوشتگ کہ پنچ فروری ءَ سرمچاراں ڈی سی کمپلیکس ھما وھد ءَ نشانگ کتگ وھدے ڈی سی اود ءَ ساڑی بیتگ، چریشی ءَ آئی ءَ جانی ءُ مالی تاوان چست کنگ کپتگ-

جارکش ءَ گْوشتگ کہ بلوچستان لبریشن فرنٹ اے اُرش زمہ واری ءَ منّ اِیت ءُ بلوچستان ءِ وتواجھی ءَ تاں زورگریں پوج سر ءَ اُرش برجاہ بنت-

تربت پریس کلب ءَ بلوچ یکجھتی کمیٹی ءِ رھشون سبگت اللہ شاجی ءَ وتی ھمراھانی ھواری ءَ پریس کانفرنس کنان ءَ گوشتگ ​​​چوشکہ شما سرپد اِت کہ چہ گوستگیں چیزیں ماھاں کیچ ءُ مکران ءَ ھوار سرجمیں بلوچستان ءَ زورگیریں ریاست پاکستان ءِ زالمیں پوج بلوچ ءِ پُسگاں گچین کنگ ءُ شہید کنگ ءَ اِنت ۔ ما سرپد بئیں کہ اے زورگیریں پاکستان ءِ بلوچ چُکچینیءِ نوکیں شوربندی یے۔ چہ ھمے نوکیں شوربندیءَ بلوچ پُسگ یکرندے پدازورانسری گار ءُ بیگواہ کنگ بنت ، دژمن ءِ ٹارچر سیلاں لٹ ءُ کٹ کنگ بنت ۔بلے اے رندی ھمیش پالیسیءَ را جتائیں شکلاں کارمرز کنگءَ انت۔ چوشکہ وھدے کہ یک بلوچ پسگءِ “زورانسری بیگواہی”ءِ جیڑہءِ آماچ بیت ، ءُ آئیءِ کھول آئیءِ بیگواہیءِ ھلاپءَ دگ ءُ راھانی سرءَ در کپ ایت ، ریاستءُ آھانی ادارہانی سرءَ مھلوکی زورے سرءَ دنت گڑا باز وھداں ریاست چہ ھمیش مھلوکی ردعمل ءِ ترس ءَ ھما کھولءِ زورانسری بیگواہ کتگیں مردماں یلا دنت۔ بلے پدا ھمیش گندگ بوگءَ انت کہ چوشیں جاوراں یلا داتگیں مردماں پدا جتائیں شکلاں ٹارگٹ کنگ ءُ شہید کنگ ءَ اِنت ، چہ ایشی ءَ ابید پاکستان ءِ دگہ کوھنیں پالیسی یے ھم ھست انت کہ بلوچ ءِوانندگیں ءُ زانتکاریں مردماں گچین بہ کن ءُ شہید بہ کن۔ ھمے نوکیں پالیسی ءِ ردءَ تہنا ھمے گوستگیں دو ماہ ءِ تہءَ چہ ھشت ءَ گیش بلوچ پسگ شہید کنگ بوتگ۔

​​​گوستگیں روچ ءَ ھمے تربت شہر ءَ زورگیریں پاکستان ءِ چیریں ادارہانی سپاہیگاں بلوچ ءِ وانندہ ءُ زانتکاریں پسگ اللہ داد ء واحد گمشاد ہوٹل ءَ تیر جتگ ءُ شہید کتگ ۔ اللہ داد ءَ کراچی یونیورسٹی ءَ چہ بُندپتر(تاریخ ) ءِ تہ ءَ گریجویشن کتگ ءُ اے وھداں اسلام آباد ءَ ایم فل کنگ ءَ بوتگ ،ءُ چریشی ءَ ابید اللہ داد وانگ ، نبشتکاری ، رجانک کنگ ءُ کتاب چاپ ءُ شنگ کنگ ءِ پڈءَ باسمائیں مردمے بوتگ۔ داد بلوچ چاگرد ءِ وانندہ ءُ سرپدیں مردماں چہ یکیں بوتگ پمیشکہ ما سرپد بئیں کہ بلوچ ءِ دژمن بلوچ چاگرد ءِ وانندہ ءُ سرپدیں مردماں اوپار نہ کنت ءُ آھاں وڑے نہ وڑے ءَ تاوان دنت ءُ ھمے وڑءَ شہید کنت ۔ اللہ داد ءِ وڑیں وانندہ ءُ سرپدیں بلوچ پسگانی شہید کنگ ءِ دژمن ءِ مول ءُ مراد ھمیش اِنت کہ بلوچ چاگرد وانندگیں ءُ زانتکاریں مردماں چہ زبہر کنگ ءُ سَنٹ کنگ بہ بیت ۔

آیاں گوشتگ ​​انوں گوستگیں دو ماہ ءَ اللہ داد ءِ ویل ءَھوار مکران ءِ جتاجتائیں دمگاں ھوار سرجمیں بلوچستان ءَ ھشت بلوچ پسگ ھمے وڑ شہید کنگ بوتگ ،کہ آھانی نام چوش اے وڑءَ اَنت:30نومبر 2024ءَ ماں آواران ءَ فقیر جان ء سید محمد ، عصا بلوچ ء نوردین شہید کنگ بوتگ انت، اے دوئیں بلوچ پسگ پاکستان ءِ زندان ءَ بندیگ بوتگ اَنت ، فقیر جان 26ستمبر 2024ءُ عصا بلوچ 17فروری 2023ءَ پاکستان ءِ زالمیں پوج ءَ گار ءُ بیگواہ کتگ اَنت ءُ پدا شہید کتگ اَنت ۔ 27دسمبرءَ ماں تمپ ءَ ظریف ءِ اومر گار ءُ بیگواہ کنگ ءَ رند سک بے دردی ءَ گوں لٹ ءُ کٹ کنگ بوتگ ءُ شہید کنگ بوتگ۔ ھمے ڈولءَ 11جنوری ءَ ماں گوادر ءَ زکریابلوچ شہید کنگ بوتگ ، زکریا 27ستمبر 2024ءَ گار ءُ بیگواہ کنگ بوتگ ءُ چیزے وھداں پد یلہ کنگ بوتگ ءُ 11جنوری ٹارگٹ کنگ ءُ شہید کنگ بوتگ۔11جنوری ءَ زہری خضدار ءَ پاکستان ءِ پوج ءَ پوجی زوراکی ءِ نیام ءَ یک 16سالی ورنا یے شہید کتگ ۔ ھمے وڑیں یک دردناکیں ویلے 12جنوری ءَ بوتگ ، افضل منظور 10دسمبر 2024ءَ پاکستان ءِ پوج ءَ چہ آپسر تربت ءَ زورانسری گار ءُ بیگواہ کتگ ، ھما اولی روچ ءَ افضل ءِ کہول ءِ مردم زہرشانی کنگ ءَ بوتگ اَنت بلے 12جنوری ءَ افضل منظور گوں بمب ءَ تراکینگ ءُ شہید کنگ بوتگ ءُ اے ویل ءَ رند دژمن ءِ پولیس ءُ پوج ءَ بیان داتگ کہ افضل منظور بمب تراک ءَ کشگ بوتگ ، بلے اے گپ ءَسرجمیں کیچ شاہد اِنت کہ افضل 10دسمبر ءَ گار ءُ بیگواہ کنگ بوتگ ءُ پاکستان ءِ ٹارچر سیل ءَ بند بوتگ ءُ آئی ءِ کہول ءِ مردم یکشل ءَ زہرشانی کنگ ءَ بوتگ اَنت۔ ھوشاپ زیروپوائنٹ ءَ گار ءُ بیگواھیں مردمانی کہول ءِ نیمگ ءَ برجاھیں نندانک ءَ ریاستی دلاراں وتی گاڑی ھمے مہلوک ءِ سرءَ گوازینتگ آئی ءَ چہ جہانزیب نامیں ورنا یے ٹپی بوتگ ءُ 14جنوری جہانزیب شہید بوتگ۔ 25جنوری ءَ ماں مشکے ءَ پنڈوکےسومار پاکستان ءِ فوج ءَ دگہ دو مردم ءِ ھواری ءَ گپتگ لٹ کٹ کتگ ءُ پدا شہید کتگ ءُ آئی ءَ چہ آ دگہ دوئیں ھمبراہ یلہ کنگ بوتگ اَنت ۔ ھمے وڑ 4فروری ءَ اللہ داد ءِواحد ماں گمشاد ہوٹل تربت ءَ تیرگواری کتگ ءُ شہید کتگ ۔

آیاں گوشتگ ​​​بلوچ یکجہتی کمیٹی ھمے سرپد بیت زورگیریں ریاست پاکستان ءَ بلوچ چکچینی شوربندی ءِ تہ ءَ مٹ ءُ بدلی آؤرتگ ءُ نوکیں داب ءَ بلوچ پسگاں جنگ ءُ کشگ ءَ اِنت ءُ اے عمل ءَ چہ زانگ بیت پاکستان بلوچ چکچینی ءِ تہ ءَ تیزی آرگ ءَ اِنت ۔ ما بلوچ چکچینی ءِ اے نوکیں شوربندی ءِ ھلاپ ءَ ھچ وڑھاموش نہ بئیں ءُ ما بلوچ مہلوک ءَ گوں ھمے دزبندی کنیں کہ وتی مردمانی کوش ءِ ھلاپ ءَ ھچ وڑ ءَ ھاموش مہ بئے ، ما ھمنچو ھاموش بئیں اے ریاست ھمنچو گیش مئے مردماں جنت ءُ شہید کنت ۔

آیاں گوشتگ ​بلوچ یکجہتی کمیٹی بلوچ پسگانی جنگ ءُ کشگ ءِ ھلاپ ءَ ما تربتءَ9فروری داں 11فروری ءَ شہید فدا چوک ءَ سئے روچ ءِ یک زہرشانی کیمپے جنت ءُ آئن لائن مراگش کنت ۔ ما شہید بوتگیں بلوچ پسگانی کہول ءُ سرجمیں کیچ ءِ مردماں گوں دز بندی کنیں کہ اے سئے روچ ءَ بیااَنت کیمپءَ بہر بزور اَنت ءُ اے بلوچ پسگانی کوش ءِ ھلاپ ءَ توار چست بہ کن اَنت ۔

ھزدار وئیل ءِ ھلاپ ءَ مروچی سیمی روچ ءَ جھالاوان ءِ بازار بند انت ءُ ٹریفک ءِ نزام مھتل انت- چہ چل ءُ ھشت اداراں ھزدار ءِ بنجاھی شھدگ ءِ سر ءَ نندانک برجاہ انت-

مروچی کلات ءَ ھوار لسبیلہ ءِ تیابدپی شھد گڈانی موڑ ءِ ھند ءَ شال، کراچی ءِ بنجاھی شھدگ سرجم ءَ بند انت-

بندیگیں بی بی اسماء بلوچ ءِ کھول ءِ گون ءَ ھمسنتی ءِ واستا کلات ءِ مھلوک ءِ نیمگ ءَ شال کراچی ءِ شھدگ ھرچ وڑیں رپت ءُ آمد ءِ واستا بند کتگ-

دومی نیمگ ءَ گڈانی، ھب چوکی، نصیر آباد ءَ ھوار بلوچستان ءَ ھوار بیوکیں دراھیں اے وھد ءَ جتا جتائیں جاھاں ٹریفک ءِ واستا بند اَنت-

اود ءَ نصیر آباد ءَ بنجاھی شھدگ ءِ سر ءَ ٹائر ماندارگ ءُ شھدگ ھرچ وڑیں رپت ءُ آمد ءِ واستا بند کنگ بیتگ-

زھرشانی کنوک چہ بلوچستان ءِ سرکار ءَ جنک ءِ یل دیگ ءِ لوٹ ءَ کنگ ءَ انت-

زانگ بہ بیت ھزدار پولیس لائن ھند ءَ پشمبے ءِ شپ ءَ ‘ ڈیتھ اسکواڈ’ ءِ کارندھاں یک لوگے ءِ سر ءَ بیڑ برتگ ءُ مردم جتگ اَنت ءُ یک زالبولے اسما جتک آوار جتگ ءُ گون وت برتگ –

دمگی مھلوک ءِ رد ءَ اے ڈیتھ اسکواد ءِ سیادی بلوچستان ءِ گوستگیں سروزیر سناء الکہ زھری ءِ سروکی ءَ چہ بازیں سالاں برجاہ انت-

چہ ھزدار ءَ سرکاری پلامرزی ءَ سلاہ بندین ٹولی ءِ دست ءَ آوار جنگ بیتگین اسما ءِ برات ءَ نندانک جاہ ءَ مات ءُ دگہ کھولانی ھمراھی ءَ یک ویڈیو کلوھے ءَ گوشتگ منی گوھار ءِ یک ویڈیوے سوشل میڈیا ءَ منی گوھار ءِ آوار جنوکانی نیمگ ءَ شنگ کنگ بیتگ – اے ویڈیو ءَ بلوچ رد کنت اِنت-

آئی ءَ گوشتگ ایشی ءَ ھچ شک نیست انت کہ اے درشان آوار جنوکاں زورانسری کنائینتگ- آئی ءَ گوشتگ اے ڈولیں زورانسری بیان ءِ گرگ ءَ مارا بلیک میل کنگ ءِ بے سوبیں جھد ءَ انت- دانکہ ما وتی پرامنیں زھرشانی ءَ دزکش بہ بہ این- ائی ءَ گوشتگ مھلوک ءِ پلامرزی ءُ لیکہ مئے گون ءَ انت اے بدل کنگ بیت اِنت-

آئی ءَ گوشتگ اے ویڈیو ءِ شنگ بیگ ءَ پد انتزامیہ ءُ سرکار ءِ گور ءَ اے بھانگ نیست انت کہ مجرم ٹریس نہ بیگ ءَ انت- ھما اکاونٹ یا کنٹکٹ نمبر ءَ پیش ءَ ویڈیو شنگ بیتگ گڑا آئی ءِ کمک ءَ آسانی ءَ مجرم گرگ بنت اِنت- اگاں اے ویڈیو ءِ شنگ بیگ ءَ پد ھم انتزامیہ ءُ سرکار مجرماں نہ گپت انت گڑا من سرپد باں سرکار وت مجرماں مھار ءَ گٹ ءَ دیگ ءَ انت-

آئی ءَ گوشتگ من یک برے پد ءَ گپ ءَ تچک کنگ لوٹ آں کہ دانکہ منی گوھار یل نہ بیت ءُ مجرم.سزا دیگ نہ بنت انت مئے زھرشانی برجاہ بیت اِنت ءُ ما گیش زھرشانی ءَ ترند کن ایں-