TBP Balochi

دی بلوچستان پوسٹ

سر بیتگیں ھالانی رد ءَ روکپتی بلوچستان ءِ دمگ راسک ءَ ناشناسیں مردمانی تیرگواری ءَ یک مردمے زدگ بیتگ –

اھوالکار ءِ رد ءَ تیرگواری ءِ وئیل راسک ءِ ھند ھدار جکیگور ءَ ناشناسیں مردماں تیرگواری کرتگ ءُ ھسن چرگ ء ھسین زدگ کرتگ –

اھوالکار ءِ رد ءَ تیرگواری ءَ پد تیرگواری کنوک تتکگ ءُ شتگ اَنت ءُ وئیل ءَ پد پھزدار سر بیتگ ءُ زدگ بیتگیں مردم اش چِست کرتگ ءُ نادراہ جاہ ءَ برتگ اش –

دمگی مردمانی رد ءَ تیرگواری ءِ وئیل کوھنیں دشمنی ءِ بیتگ –

دی بلوچستان پوسٹ

سرکاری ٹولی ءُ مچھ وئیل ءِ ھلاپ ءَ زھرشانی کنوکانی گپ ءُ تران سرجم بیتگ، سروزیر عمران خان ءَ شال ءِ آیگ ءِ چن ءُ لانچ کرتگ وھدیکہ مچھ وئیل ءَ بیران بیتگیں مردمانی کھولاں جونانی کَل ءُ کسارات کنگ ءَ رازیگ بیتگ اَنت –

سر وزیر بلوچستان جام کمال،بنجاھی پتر ءِ وزیر علی زیدی ءُ قاسم سوری شپ ءَ شال ءَ نندانک ءَ نشگیں مردماں گون ءَ گپ ءُ تران ءَ سر بیتگ اَنت اود ءَ شھیدانی کمیٹی ءِ گون ءَ گپ ءُ تران ءَ پد کھولانی جونانی کَل کنگ ءِ جار جتگ –

دمگی ٹی وی ءِ رپورٹ ءِ رد ءَ سروزیر عمران خان ھم شال ءِ روگ ءِ ھال اِنت وھدیکپ بنجاھی پتر ءِ وزیر علی ءُ سرکار ءِ ٹولی پیسر ءَ ساجو بیتگ اَنت –

زانگ بہ بیت مچھ وئیل ءَ زھرشانی کنوک گوستگیں شش روچاں زھرشانی نندانک نندوک بیتگ اَنت آیانی لوٹ بیتگ کہ دانکہ ڈیھ ءِ مزن وزیر آیانی ھواریں لوٹ آں سرجم نک کنگ آ جونانی ھمراھی ءَ شال ءَ زھرشانی برجاہ مان اِت –

چریشی ءَ پیسر اُستانی سرکار ءَ بنجاھی پتر ءِ سرکار ءِ نیمگ ءَ سَے رند ءَ کھولانی گون ءَ گپ ءُ تران بے سوب بیتگ کھول گوستگیں شش روچاں سارتی ءَ نندوک بیتگ تاں مروچی سرکار ءُ زھرشانی کنوکانہ گپ ءُ تران سوب بیتگ –

مچھ وئیل ءَ یازدہ کاریزکارانی بیرانی ءَ پد بیران بیتگیں مردمانی کھول ءُ شیعہ گلانی نیمگ ءَ بلوچستان ءَ ھوار پاکستان ءَ زھدشانی نندانکاں نشتوک بیتگ اَنت، وھدیکہ شال ءَ زھرشانی ءَ جاڑیگیں شھیدانی کمیٹی ءَ سرکار ءَ ھشت شرت ایر کرتگ اَنت –

شرتانی تہ ءَ شیعھانی پھریزگ ءُ بیگواھیں شیعھانی یلہ کنگ ءَ ھوار بیران بیتگیں مردمانی کھولاں ھون دیگ ءُ جتا جتائیں شرت ھوار بیتگ اَنت –

بونستان پنجگور ءَ پاٹی ءِ دمگی رھشون ایوب اسرار ءُ اھوالکار سفر بلوچ ءِ لوگ ءَ بیتگیں بیڑاں ایر جن آں – بی این ایم

دی بلوچستان پوسٹ

بلوچستان ءِ دمگ پنجگور ءَ سرکار ءِ چیردستی ءَ ھستیں ٹولی ءَ بلوچ اھوالکار ءُ سیاسی رھشون ءِ لوگانی سر ءَ بیڑ برتگ –

بیڑ ءَ سرکاری داشتگیں ٹولی ءَ لوگاں جاڑیگیں جنین ءُ چُک جتگ اَنت ءُ تیرگواری کرتگ، کُشگ ءِ بیھار داتگ اَنت –

گیشیں ھالانی رد ءَ بونستان ھند چونگء سر ءَ سَے جتائیں لوگاں سلاہ بندیں مردماں اُرش کرتگ ءُ لوگانی دودمان لگتمال کرتگ اَنت ءُ لوگانی تہ ءَ پُتریتگ اَنت –

دمگی مردماں گوشت کہ سلاہ بندیں مردماں زالبول جتگ اَنت ءُ تیرگواری اش کرتگ ءُ چریشی ءَ دمگ ءِ مردم مُچ بیتگ ءُ سلاہ بنداں مردمانی کُشگ ءِ بیھار داتگ ءُ تتکگ اَنت –

دمگی مردمانی رد ءَ سلاہ بندیں مردمانی سیادی سرکار ءِ چیردستی ءَ داشتگیں ٹولی ءَ اِنت کہ ڈیتھ اسکواڈ ءِ نام ءَ زانگ بیت- دمگی مردمانی رد ءَ بونستان ءِ جھمنند شکیل پنّام چکو ء ڈاکٹر عبدالحمید جنگ زدگیں دمگ ءَ ڈیتھ اسکواڈ ءِ سروکی ءَ کنگ ءَ اِنت ءُ دمگ ءَ لس مھلوک ءِ لوگاں بیڑ بر اَنت –

ھمے لوگاں کہ سلاہ بندیں ٹولی ءَ بیڑ برتگ کہ اے لوگانی تہ ءَ یکے بلوچ نیشنل مومنٹ پنجگور ھنکین ءِ گوستگیں سروک ایوب اسرار ئیگ اِنت ءُ دومی رحیم داد ء دین مھمد ءُ آئی سیادانیگ اَنت-

رحیم داد ء دین مھمد ریڈیو زرمبش اردو ءَ بندوکیں اھوالکار ءُ کالم نگار سفر خان ءِ پت اِنت –

دمگی مردمانی رد ءَ شکو وتی ٹولی ءِ ھمراھی ءَ ھونریچی ءَ اتکگ بلے میتگ ءَ جاڑیگیں مردماں تہ ءَ دور کرتگ ءُ بے سوب کرتگ اَنت آیاں ھمے ٹک ءَ بیھار داتگ ءُ گُشتگ کہ اے ٹک ءِ بیست مردماں کُش ایں-

بیھار داتگیں مردماں شکیل ء ڈاکٹر عبدالحمید ءِ ھلاپ ءَ پولیس کارگس ءَ ارزی ھم نبشتگ کنائینتگ ءُ پھزداراں وتی پھریز کنگ ءِ لوٹ کرتگ –

دومی نیمگ ءَ بلوچستان ءِ آجوئی لوٹوکیں سیاسی گل بلوچ نیشنل مومنٹ ءَ پنجگور ءَ سیاسی ءُ اھوالکار ءِ لوگاں سرکاری ءِ چیردستی ءَ ھستیں ٹولی ءِ بیڑ ایر جتگ –

جارکش ءَ گوشت کہ آدینگ ےِ سھب ءَ پنجگور ءِ دمگ بونستان ءَ پنجگور ھنکین ءِ گوستگیں سروک ایوب اسرار، سفر خان ءُ آئی ءِ کھولانی لوگانی سر ءَ شکیل ء ڈاکٹر عبدالحمید ءِ پنّام ءِ شکو نامیں ڈیتھ اسکواڈ ءِ دمگی ٹولی ءِ سروک ءَ اُرش کرتگ – دمگ ءِ مردماں ھمساھیگی ءِ سرپد بوگ ءَ زیردستیں ھمساھیگانی پھریزی کرتگ –

پاٹی ءِ جارکش ءَ گوشت کہ جرماں ھواریں مردم ڈیتھ اسکواڈ ءِ ٹولی پاکستانی پوج ءَ بلوچ آجوئی دوستانی ھلاپ ءَ برجم کرتگ – پاکستانی پوج وتی جرمانی چیر دیگ ءِ واستا ڈیتھ اسکواڈ اسپر کرتگ ءُ بلوچ آجوئی دوستانی کھولاں نشانگ کنگ ءَ اَنت ءُ مردماں زرمبشت ءَ گستا کنگ لوٹ اَنت –

آئی ءَ گوشت کہ راجدپتر گوش ایت ڈیھ ءِ پروشوک عبرتناکی بنت – ھما مردم کہ مروچی پاکستانی پوج ءِ چمچہ ءُ کمکار اَنت، باند ءَ اشاں الم اشاں بلوچ راجی آمید گس ءَ وتی ھرگناہ ءِ پسو دیگی اِنت – زیردست ءُ بے کسوریں مردمانی سر ءَ زور ءِ پیشدارگ مردی نہ اِنت بلکیں ترس ءُ بے دلی ءِ نشانی اِنت –

آئی ءَ گُشت کہ گوست ءَ ھم پاٹی ءِ رھشونانی لوگانی سر ءَ اُرش بیتگ اَنت- زرمبشت ءَ سیادی داروکیں باسک ءُ ھمدردانی میتگ سوچگ بیتگ اَنت بلے پاٹی ءَ بندوکیں باسکانی دیدانک مھکم بیتگ اَنت ءُ مھلوک ءِ پلامرزی گیش بیتگ اَنت –

آئی ءَ گُشت کہ بلوچستان ءَ زُلم ءُ زوراکی ءِ ھلاسی یک آجوئیں بلوچستانے ءِ سرجم بیگ ءَ ابید نہ اِنت -بلوچستان ءِ دراھیں تکاں بندوکیں مردم وتی دست ءَ گلزمین ءِ پھازگ ءُ وتی ھکانی واستا آجوئی ءِ زرمبشت ءَ ھوار بہ بنت –

بیگواھیں مردمانی ھاتر ءَ بوکیں جد ءُ جھد ءَ پاکستان ءِ مکاریں دیم پدر کُتگ- ماما قدیر بلوچ

دی بلوچستان پوسٹ

سندھ ءِ مزن شھر کراچی ءَ وائس فار بلوچ مسنگ پرسنز ءِ زھرشانی برجاہ، زھرشانی ءَ مروچی چار ھزار ءُ یک سد ءُ ھشتاد ءُ پنچ روچ سرجم بوتگ –
زھرشانی بنجل ءَ ایکٹوسٹ حوران بلوچ، ءُ ماھگنج بلوچ ءُ وھاب بلوچ ھم ساڑی بوتگ انت –

ھمے وھد ءَ وائس فار بلوچ مسنگ پرسنز ءِ رھشون ماما قدیر بلوچ ءَ اتکگیں مردمانی گون ءَ باوست کنان ءَ گوشتگ کہ بیگواھیں مردمانی کھولاں ناکہ تھنا پاکستانی جمھوریت ءِ بلکیں انسانی ھکانی ادارھاں ھوار رسانکدر ءُ راجداریں گلانی بے بسی چم وت دیستگ انت –

بیگواھیں مردمانی یل کنائینگے شاھگانیں جد ءُ جھد ءَ ناکہ راجدپتر نبشتہ بلکیں دنیا ءِ دیما پاکستان ءِ مکاریں دیم ھم پدر کتگ – بلے اے درسیں چیزاں ابید میان اُستمان بیگواھیں مردمانی یل کنائینگ ءَ دنیگت ءَ بے سوب انت – میان استمان ءَ لوٹ ایت کہ آ بیگواھیں مردمانی کھولانی چیھالاں ایش بہ کنت –

ماما قدیر بلوچ ءَ گوشتگ کہ پاکستانی ھاکم بلوچانی پُرایمنیں جد ءُ جھد ءَ چہ تُرسگ ءَ انت کہ بلوچانی پُرایمنیں جد ءُ جھد آؤکیں روچاں پاکستان ءِ ھاتر ءَ شرمندگی جوڑ بیت پرچاکہ آؤکیں روچاں بیگواھیں مردمانی یل کنائینگے ھاتر ءَ چست بؤکیں توار میان اُستمان ءَ مھکم بیت-

دی بلوچستان پوسٹ

کراچی ءَ مچھ ءِ وئیل ءِ ھلاپ ءَ بیست ءُ پنچ جاھاں گیش زھرشانی ءُ نندانک -شاہ فیصل ءُ ڈرگ دگ ءِ نزیک ءَ زھرشانی کنوک ءُ شھریانی میان ءَ جنگ ءُ چوپی بیتگ اَنت شش پرپٹ سوچگ بیتگ -شھر ءَ مزنیں نندانک نمائش چورنگی ءَ برجاہ اِنت وھدیکہ ناتھا خان، کالونج گیٹ، کامران چورنگء، جوھر موڑ ءَ زھرشانی برجاہ اَنت –

کراچی ءَ آدینگ ءِ سھب ءَ شاہ فیصل ڈرگ ءِ دگ ءِ نزیک ءَ زھرشانی کنوک ءُ شھریانی میان ءَ جنگ ءُ چوپی بیتگ اَنت –

پولیس ءِ گوشگ اِنت کہ زھرشانی کنوکاں ملٹری کٹ ءِ بند کنگ ءِ جھد کرتگ، ھمے وھد ءَ زھرشانی کنوک ءُ شھریانی جنگ بنا بیتگ اَنت پولیس ھمے وھد ءَ رس اِتگ جاورھالے گر ءُ دارے کرتگ اَنت –

چریشی ءَ ابید آدینگ ھشت جنوری ءَ کراچی ءَ نمائش چورنگی، کامران چورنگی، ناتھا خان، شاہ فیصل ءُ زھرشانی برجاہ اَنت –

جوھر موڑ، اسٹار گیٹ ءُ صفورا چورنگی ءَ رؤگ ءُ آیگی زھرشانی ءِ سوب ءَ مھتل بیتگ اَنت، ملیر پانزدہ، سرجانی خداکی بستی ءُ اسٹیل ٹاؤن ءَ ھم زھرشانی نندانک برجاہ، ابراھیم حیدری، کورنگی کراسنگ، ڈھائی نمبر، بلاول چورنگی ءُ سنگر چورنگی ءَ ھم زھرشانی نندانک برجاہ –

چریشاں ابید نیپا پھل، پاور ھاؤس، سفاری پارک، ناظم آباد نمبر یک ءُ نارتھ ناظم آباد ءَ فائیو اسٹار ءَ ھم زھرشانی برجاہ – گلبرگ، انچولی، عائشہ منزل، بورڈ آفس ءُ ناظم آباد چورنگی ءَ زھرشانی نندانک برجاہ اَنت -وھدیکہ کے ڈی اے فلیٹس، ناگن چورنگی، ضیاء الدین، پیپلز چورنگی، ٹاور چوک ءَ ھم زھرشانی برجاہ-

ٹریفک پولیس ءِ نیمگ ءَ مھلوک ھال دیگ بیتگ اَنت پچیں راھاں روان بہ کن اَنت، راھانی بند بیگ ءِ سوب ءَ نادراھانی گاڑیاں ھم مشکل ءُ جنجالانی دیمپان اَنت –

دی بلوچستان پوسٹ

سر بیتگیں ھالانی رد ءَ پشین ھند خانوزئی ءِ میتگ داد گزئی ءَ گوستگیں روچ ءَ یک تیرسپتگین جونے دزکپتگ –

جون ءِ پجار داد مھمد پنّام ءِ دادو ءِ نام ءَ زانگ بیتگ ءُ گوستگیں دو شپاں پیسر بیگواھی ءَ پد آئی ءِ تیرسپتگیں جون گوستگیں روچ ءَ دزکپتگ –

دمگی مردمانی رد ءَ داد مھمد ءُ آئی ءِ برات خیال مھمد گوستگیں دو شپ بزانکہ شش ءُ ھپت جنوری ءِ میانی شپ ءَ سلاہ بندیں مردماں چہ لوگ ءَ آوار جتگ ءُ برتگ اَنت –

دمگی مردمانی رد ءَ داد مھمد ءِ دست ءُ پاد پروشگ بیتگ اَنت ءُ ھمے وھد ءَ آئی ءِ برات سلاہ بندیں مردمانی دست ءَ دلگوشتگ ءُ تتکگ ءُ سلاہ بنداں داد مھمد پشین ءِ ھند خانوزئی ءِ میتگ داد گزئی ءِ نزیکیں کوھاں تیر اش جتگ ءُ کُشتگ اِت ءُ سھب ءَ آئی ءِ جون دزکپتگ –

لیویز بنشون ءَ جون چِست کرتگ ءُ کھول ءِ گور ءَ سر کرتگ ءُ وئیل ءِ ارزی ناشناسیں مردمانی نام ءَ نبشتگ کرتگ ءُ جرمکارانی ھلاپ ءَ پَٹ ءُ پول بندات کرتگ –

ھمے رنگ ءَ لورالائی ءِ ھند ملک سلیم ءِ باگ ءِ نزیک ءَ یک لاشے دزکپتگ –

دکی: لورالائی ءَ سر بیتگیں ھالانی رد ءَ لاش ءِ پجار بیگواہ بیتگیں عبدالرازق زرگر جھمنند یارو ءِ شھر ءِ نام ءَ زانگ بیتگ –

پولیس بنشون ءِ رد ءَ عبدالرازق دو روچ ءَ پیسر بیگواہ بیتگ ءُ گوستگیں روچ ءَ آئی ءِ جون دزکپتگ –

پولیس بنشون ءِ رد ءَ آئی ءَ یک تیرے جنگ ءُ کُشگ بیتگ پولیس ءِ گوشگ اِنت آئی ءِ کِسگ ءَ “سُھر ” ھم دزکپتگ اَنت –

پولیس بنشون ءِ رد ءَ دکی لورالائی ءَ زرگری ءِ کار ءَ بیتگ ءُ گوستگیں دو روچاں آوار جنگ ءُ برگ بیتگ –

کھول ءِ رد ءَ آئی ءَ گُڈی بر ءَ لورالائی ءَ روگ ءِ وھد ءَ پٹھانکوٹ ءَ رھوت کرتگ ھخ گشتگ کہ دکی ءَ کایاں بلے آئی ءِ پون ءِ بند بیگ ءَ پد مئے دیریں ودار آسر بیتگ اَنت گڈی ءَ آئی ءِ بے ساھیں جون ءِ دروشم ءَ دزکپتگ –

کھول ءَ گوشت کہ مارا کسے ءَ گوں دشمنی نہ بیتگ ءُ نانکہ کسے ءِ زاتی جنگے مئے گون ءَ بیتگ –

عبدالرزاق ءِ جون دکی ءِ نادراہ جاہ ءَ پولیس ءَ سر کرتگ ءُ اژدری پَٹ ءُ پول کنگ ءَ پد جون کھول ءِ گور ءَ رسینگ بیتگ –

زانگ بہ بیت سال دوھزار ءُ بیست ءُ یک ءِ اولی ماہ ءَ بلوچستان ءَ جتا جتائیں وئیلاں چارمی جون اِنت کہ دزکپگ اِنت –

دی بلوچستان پوسٹ

سندھ ءِ بنجاھی شھر کراچی ءَ وائس فار بلوچ مسنگ پرسنز ءِ نیمگ ءَ زھرشانی برجاہ، زھرشانی بنجل ءَ چارھزار ءُ یک سد ءُ ھشتاد ءُ چار روچ سرجم بیتگ – پاکستان ءِ کمیونسٹ پاٹی سکھر ھنکین ءِ سرکماش محمد یامین، کراچی ءَ چہ وھاب بلوچ، کے بی بلوچ، زاکر بلوچ ءُ دگہ مردماں بنجل ءِ تر ءُ تاب کرتگ ءُ کھولانی گون ءَ پدردی درشان اِتگ –

ھمے وھد ءَ وائس فار بلوچ مسنگ پرسنز ءِ رھشون ماما قدیر بلوچ ءَ گوشتگ کہ مشھوریں کول ءِ کہ مردم گرگ بنت، آ لٹ ءُ کٹ زوراکی ءِ نشانگ کنگ بنت کُشگ ھم بنت آ ساد گُٹ ءَ دیگ ءُ پاھو دیگ ھم بنت بلے نزرئیہ ءُ پگر ھیال دارگ ءُ بندیگ کنگ نہ بنت –

آئی ءِ گوشتگ کہ اے راجدپتری کول راستی ءِ بلے پد ءَ ھمے تاکتور ھمے گمان کن انت کہ اے راجدپتری راستی ءَ وتی تاکت ءِ زور ءَ گار کن انت – بلوچستان ءِ تھ ئِے انوگیں آسریچیں ھالاتاں بلوچ چاگرد ءَ راستی، راستی ءَ سربوگ ءُ وتی ھیالانی درشان کنگے ھک ءَ زبھر کنگ یکشل ءَبرجاہ انت –

ماما قدیر بلوچ ءِ گوشگ ات کہ بلوچانی جیڑہ ھمنچو دلجمی ءَ دلگوش دیگ انت پاکستانی ھاکم ءُ رسانکدر آئی نزر انداز کنگ انت – ھالانکہ بلوچستان ءَ ھمک روچ جتائیں پگرے منوگر پاکستانی چیریں ادارھانی دست آوار جنگ ءُ بیگواہ بوگ ءَ انت –

آئی ءَ گوشتگ کہ پاکستانی رسانکدرانی گندگ ءَ ھمے سما بیت بلوچ جیڑہ کجا اد ءَ بلوچ ءُ بلوچستان ءِ ھچ چیز بستارے نداریت اگاں کدی کدی رسانکدراں بلوچستان پیشدارگ بیت گڑا درستیں راستی چیردیگ بنت ءُ پہ دیمی رورٹنگ بیت –

ھمے سال ءِ اولی ھپتگ ءَ بلوچستان ءَ دو ورنایانی جون دست کپتگ اَنت –

دی بلوچستان پوسٹ

بلوچستان ءِ دمگ چاگی ءِ بنجاھی شھر دالبندین ءِ نزیک ءَ گوستگیں روچاں بیگواہ بوتگیں ورنایے جون دست کپتگ –

ھالانی رد ءَ چار روچ پیسر ورناء پہ سیل ءُ گرد ءَ چہ گِس ءَ دراتکگ ءُ چریشی ءَ پد واتر نہ بوتگ، مروچی کوہ ءَ آئی ءِ جون دست کپتگ –

اے درگت ءَ کیو آر ایف ءِ مستر کریم نوتیزی ءَ گوشتگ کہ جون ءِ پجار محمد انور ءِ نام ءَ بوتگ آ دالبندین ءِ نندوک انت –

جون نادراہ جاہ ءَ برگ بوتگ ءُ اژدری چار ءُ ٹپاس ءَ جون کھول ءِ ھوالگ ءَ کنگ بوتگ – دنیگتا جون ءِ درگت ءَ ھچ وڑیں سرپدی نہ رس اِتگ –

زانگ بہ بیت بلوچستان ءِ جتا جتائیں دمگاں جونانی دست کپگ یکشل ءَ برجاہ انت بازیں جون زانگول بوگ ءَ آیانی پجار ھم نہ بوگ ءِ بروبری ءَ بیتگ اَنت وھدیکہ بازیں جونانی پجار بیگواھیں مردمانی نام ءَ چہ بوتگ انت –

بلوچستان ءَ ھمے سال ءِ اولی ھپتگ ءَ اے دومی جون انت کہ دست کپگ انت – چار جنوری ءَ نوشکی ءِ دمگ ڈاک قبول ءِ نزیک ءَ ڈھاڈر ءَ دمگی پھازداراں جونے دست کپتگ –

نادراہ جاہ ءِ پھزدارانی گوشگ انت کہ اے ورنایے اُمر بیست ءُ ھپت سال انت – آئی ءِ جون ءَ ھشت تیرانی نشان ھست انت بلے آئی ءِ پجار نہ بوتگ –

دی بلوچستان پوسٹ

بلوچ یکجھتی کمیٹی ءِ نیمگ ءَ ظھیر بلوچ ءِ نیمگ ءَ مچھ ءِ وئیل ءَ اوستہ مھمد ءِ پریس کلب ءِ دیم ءَ زھرشانی بیتگ –

زھرشانی ءَ ظھیر احمد بلوچ ءُ آفتاف عمرانی ءَ تران کنان ءَ گوشتگ کپ مچھ ءِ وئیل یک ٹوھیں ءُ ناوشیں وئیلے ءُ اے وئیلانی ھاکمانی بُتی ءِ واستا یک منانکے پرچاکہ کھن ءَ پھزداری ءِ نہ بوگ ءَ اے وڑیں مزنیں وئیلے پیش اتکگ ایشی ءِ ھمینکس ایر بہ جن ئے انگت کم اِنت –

زھرشانی کنوکاں گوشت کہ بتیں داشتگیں ھاکم بلوچستان ءِ سرڈگار ءِ سر ءَ اینچُک آیگ ءَ بے تھمبل اَنت کہ گوستگیں پنچ روچاں ھزارہ برادری ءِ جون دگ ءِ سر ءَ ایر اَنت ما سرجمیں بلوچستان ھزارہ برادری ءِ درد ءُ گماِ بروبری ءَ شریک اِنت – اے وئیل ءَ ھواریں ناشرکارانی ھلاپ ءَ کاروائی کنگ بہ بیت –

زھرشانی کنوکاں گوشت کہ گوستگیں بازیں دھکاں ھزارہ برادری ءِ سر ءَ زُلم ءُ زوراکی برجاہ اَنت، بلوچ پشتون وت ماں وتاں برات اَنت مروچی بلوچ راج ھزارہ براتانی کوپگ ءَ گوں ھمکوپگ اِنت –

زانگ بہ بیت گوستگیں روچ ءَ ھم اوستہ مھمد ءَ چاگرد کارانی نیمگ ءَ مچھ ءَ بیران بیتگیں کاریزکارانی یات ءَ ڈیوا روک کرتگ کہ چریشی ءَ زالبولاں ھوار دگہ مردماں بھر زرتگ –