بلوچ لبریشن آرمی ءِ جارکش جیئند بلوچ ءَ گوشتگ برزی ءُ ڈرون وارفیئر یونٹ ” کھر (QAHR)” ءَ بلوچستان ءِ دمگ سوراب، خاران ءُ کلات ءِ زورگیریں لشکر ءِ سر ءَ 3 سوبمندیں برزی آپریشن کتگ کہ ایشی ءِ تہ ءَ 7 ءَ چہ گیش دژمن ءِ کارندہ مرتگ انت ءُ بازیں کارندہ سکا ٹپیگ بوتگ اَنت، وھدے کہ زورگریں لشکر ءَ مالی ءُ لاجسٹک ءِ تاوان بیتگ انت۔
جارکش ءَ گوشتگ 26 اکتوبر ءَ “کھر (QAHR)” ءَ سوراب ءِ دمگ تارکی ڈیم ءَ زورگیریں لشکر ءِ کیمپ ءِ سر ءَ 9 رند ءَ ڈرون اُرش کتگ کہ ایشی ءِ تہ ءَ دژمن ءِ سپلائی ءُ سیکورٹی پوسٹ سوبمندیں رنگے ءَ نشانگ جوڑ کنگ بوتگ اَنت۔ اے مزنیں تراکانی سوب ءَ زورگیریں لشکر ءَ سنگینیں جانی ءُ مالی تاوان ءِ آماچ کنگی بوتگ۔
جارکش ءَ گوشتگ 29اکتوبر ءَ خاران ءِ پتکن ءِ دمگ ءَ زورگیریں لشکر ءِ مستریں بنجل ءِ سر ءَ کھر ءَ گائیڈڈ ڈرون اُرشاں نشانگ جوڑ کتگ۔ سرمچاراں دژمن ءِ مارٹر ءِ پٹ ءَ ھوار جتا جتائیں پھریزی پوزیشنانی سر ءَ 5 ڈرون اُرش سوبمندیں رنگے ءَ کتگ انت کہ ایشی ءِ آسر ءَ دژمن ءِ 2 کارندہ جاہ پہ جاہ ءَ مرتگ اَنت ءُ دگہ 3 مردم سک ٹپیگ بوتگ اَنت وھدے کہ کیمپ ءِ تہ ءَ فوجی ءُ پھریزی جاھاں ھم مزنیں تاوان رس اتگ۔
جارکش ءَ گوشتگ 30 اکتوبر ءَ کلات ءِ دمگ رودینجو ءَ مزن شھدگ ءِ سر ءَ دیم ءَ روکیں زورگیریں پاکستانی فوج ءِ کاروان ءِ سر ءَ “ کھر “ ءَ تباہ کنوکیں ڈرون اُرش کتگ۔ دژمن ءِ سر ءَ 3 رند ءَ پشت ماں پشت ءَ ڈرون بمباری ءَ پد پیسر ءَ چہ ھستیں بی ایل اے ءِ زمینی اُرد ءَ پروش وارتگیں دژمن ءِ سر ءَ اُرش کتگ۔ اے ھمگرنچیں ڈرون ءُ زمینی اُرشانی آسر ءَ 5 زورگیریں لشکر ءِ کارندہ مرتے اَنت وھدے کہ 2 فوجی گاڑی سک باز تاوان بوتگ اَنت۔
بلوچ آجوئی لشکر ءِ برزی ءُ ڈرون وارفیئر یونٹ “قحر” (کھر – قاضی ایرو ہائیو رینجرز) ءِ نیمگ ءَ چہ وتی کلانیں کمانڈر عبدالباسط زہری پنام ءِ قاضی ءِ پکری ءُ گل ءُِمیراس ءَ جوڑ کنگ بوتگ ءُ ایشی ءِ آپریشنل کنگ ءِ جار 12 فروری 2026جنگ بوتگ۔ یونٹ ءَ ’آپریشن ہیروف دوم‘ ءِ وھد ءَ وتی بنداتی ءُ راجدپتری کارروائی مزنیں سوبمندی یے ءَ گوں کتگ ات کہ ایشی ءِ تہ ءَ گوادر بندرگاہ ءِ فوج ءِ گچینی جاہ ءُ بندرگاہ ءِ کارجاھانی سر ءَ مھکمیں ڈرون اُرش بوتگ ات۔ بی ایل اے ءِ اے تکنیکی ءُ برزی گامگیھ گوریلا جنگ ءَ گوں نوکیں سائنسی ءُ ٹیکنالوجی ءِ لوٹاں ہمگرنچ کنگ ءِ گوستانکی بنھشت اِنت کہ دژمن ءِ زمینی فوجاں جنگ ءِ توازن ءَ پریشان کنگ ءِ سرجمیں زور ءَ دنت، وتی لڑاں ترس ءُ بیم ءِ شنگ کنگ ءُ دژمن ءِ برزی جاھاںءَ چہ نشانگ جوڑ کنگ ءِ سرجمیں زور ءَ دار ایت۔
دومی نیمگ ءَ ھکل میڈیا ءَ ڈرون اُرشانی تامر بند ھم شنگ کتگ چریشی ءَ گندگ بیت انت جنگول ڈرونز ءِ آسر ءَ پاکستانی فوج ءِ کارندہ ، بنجل ءُ چوکیاں ھوار پورسز ءِ پلامرزی ءَ ھستیں “ ڈیتھ اسکواڈ” ءَ نشانگ کنگ ءَ گندگ بنت انت۔