جفر آباد ءِ حفیظ آباد پولیس تھانہ ءِ سیمسر ءَ گوٹھ عبداللطیف جھکرانی ءَ تیرگواری ءِ وئیل ءَ یک جنینے ءَ ھوار دو مردم بیران بوتگ اَنت۔
وئیل ءِ ھال ءِ سر بوگ ءَ پولیس وئیل جاہ ءَ سر بوتگ ءُ دوئیں لاش چست کتگ ءُ پہ المی ئیں قانونی کارروائی ءَ نادراھجاہ ءَ دیم داتگ اَنت۔
بنداتی ھالانی رد ءَ اے وئیل ءَ را سیاھکاری ءِ کیس لیکگ بوھگ ءَ اِنت بلے پولیس ءِ پٹ ءُ پول ءِ سرجم بوھگ ءَ پد ایشی ءِ راستیں مول ءُ مراد ءُ دگہ ھال دیم ءَ کاینت۔
زانگ بہ بیت کہ گوستگیں وھداں ھم جعفر آباد ءَ ھم گیرت ءِ نام ءَ کشگ ءِ بازیں کیس دیم ءَ اتکگ اَنت۔
انسانی ھکانی گلانی گشگ انت کہ بلوچستان ءَ زالبولانی سر ءَ زوراکی ءُ ازت ءِ کشگ یک مزنیں چاگردی جیڑھے جوڑ بوتگ کہ ایشی ءِ ھاتر ءَ الکاپیں کانونی گامگیج ءُ آماچیں زالبولانی رکینگ ءِ دل یکیمی کنگ المی انت۔