TBP Balochi

سر بیتگیں ھالانی رد ءَ یک بلوچ زاندانی یے ایرانی آمیدگس ءِ پرمان ءَ شیراز ءِ زندان ءَ پاھو دیگ بیتگ –

بلوچ کمپعن فعالین ءِ رد ءَ سَے شمبے ءِ سھب ءَ یک بلوچے شیراز ءَ عادل آباد ءَ ایرانی آمیدگس ءَ پاھو داتگ-

پاھو دیگ بیتگیں مردم ءِ پجار مھمد اقبال رئیسی ءِ نام ءَ زانگ بیتگ کہ آئی ءِ اُمر بیست ءُ سَے گوشگ بیتگ کہ آ روکپتی بلوچستان ءِ دمگ فنوج ءِ ھمد ریتک ءِ جھمنند گوشگ بیتگ –

بلوچ کمپن فالعین ءِ رد ءَ مھمد اقبال دو سال ءَ پیسر گرگ بیتگ کہ آ پہ کار ءُ کسب ءِ ھاتر ءَ شیراز ءَ شتگ ءُ اود ءَ یک نشھی یے مردمے ءَ آئی ءِ سر ءَ اُرش کرتگ ءَ چریشی ءَ مھمد اقبال ءَ وتی رکینگ ءِ جھد کتگ ءُ ھمے میان ءَ آ نشھی مرتگ چریشی ءَ پد مھمد اقبال دزگیر کنگ ءُ زنداناں کنگ بیتگ ءُ پد ءَ آئی ءِ سر ءَ پاھو اتکگ –

مھمد اقبال آ وھد ءَ گرگ بیتگ کہ آئی ءِ اُمر بیست سال بیتگ ءُ یک چابڑیں ورنایے بیتگ یک سال ءُ شش ماہ ءَ آ زندانی کنگ بیتگ ءُ پد ءَ شیراز ءِ زنداناں آ پاھو ءِ دار ءَ درنجگ بیتگ-

بلوچ کمپن فعالین ءِ رد ءَ ھمھ سال ءَ

بلوچ اسٹوڈنس وفاق پنجاپ ءَ رسانکدراں شنگ کرتگیں درشان ءِ تہ ءَ بساک ءِ سرکماش ڈاکٹر صبیحہ بلوچ ءِ برات شاھمیر ءُ ناکوزتک مرتضی بلوچ ءِ زورانسری آوار جنی ءُ بلوچستان ءَ ھواریں سزا دئیگے کردگار ایرجتگ گوشتگ کہ بلوچ سیاسی باسکانی یکجاھی سزا دئیگ یے کردکار بند کنگ بہ بیت –

آئی ءَ گوشتگ کہ بلوچستان ءِ تہ ءَ یک دھک ءَ سیاست ءِ سر ءَ زاھری اگں چیریں دروشم ءَ بندش جنگ بوتگ ھمائی ءِ رِد ءَ نودربر رھشون ءُ آھانی کھول ھواریں سزا دئیگ بوھگ ءَ انت – شاھمیر بلوچ ءُ مرتضی بلوچ ءِ آوار جنی ھمے پالیسیانی درچ انت –

آئی ءَ دیمتر ءَ گوشتگ کہ سیاست ءِ تہ ءَ وتی جوانی کرد ءِ پیلو کنگے سوب ءَ ڈاکٹر صبیحہ بلوچ ءَ ھواریں سزا دئیگ بوھگ ءَ انت ھمیشی ءِ رِد ءَ نوزدہ جون سال دوھزار بیست ءُ یک ءَ آئی ءِ برات شاھمیر بلوچ ھزدار یونیورسٹی آف انجینئرنگ اینڈ ٹکنالوجی ءُ بیست ءُ پنچ ستمبر ءَ آئی ءِ ناکوزتک مرتضی بلوچ آوار جنگ ءُ بیگواہ کنگ بوتگ انت –

بلوچستان ءَ ھواریں سزا دئیگ کردگار نوک نہ انت بلکیں یکشل ءَ ھمے درچ برجاہ انت – گوستگیں روچاں واشک ءَ آواران ءِ جاھمنند کسانیں زھگ صنم ء جمیل ءُ گزین ء جمیل آوار جنی ھم ھمے پالیسیانی بھر اِنت –

آئی ءَ وتی شنگ کرتگیں درشان ءِ تہ ءَ گوشتگ کہ اے وڑیں پالیسی بلوچستان ءِ تہ ءَ سیاست ءَ سنٹ کنگے مَٹ اَنت، اگں اشانی بگیری ءَ جنگ کنگ نہ بیت آؤکیں وھد ءَ اے مئے ھستی ءَ نہ بوھگ ءِ ھد ءَ تاں نزور کن انت – ھمے ھاتر ءَ مئے درسانی راجی زمہ واری انت اے وڑیں زوراکیانی بگیری ءَ یک مشت بہ بئیں ءُ توار چست بہ کنیں ءُ اے وڑیں پالیسیانی گر ءُ دار ءَ بہ کنیں –

گڈسر ءَ درشان ءِ تہ ءَ گوشگ بوتگ کہ بلوچ اسٹودنس وفاق ءُ پنجاپ نیمگ ءَ پنچ شمبے روچ ءَ شاھمیر ءُ مرتضی بلوچ ءِ یل کنائینگے ھاتر ءَ چاگردی ترامجاھاں کمپین ءِ چلائینگ بیت اِنت ءُ آدینگ ءَ اسلام آباد نیشنل پریس کلب ءِ دیم ءَ زھرشانی کنگ بیت اِنت – آھاں چہ درسیں سیاسی ءُ انسانی ھکانی ادارھاں چہ لوٹ کتگ کہ زھرشانی ءَ بھر بہ زور انت –

بلوچ نیشنل موومنٹ ءِ بنجاھی جارکش ءَ گُشتگ کہ سیزدہ نومبر ءَ شھیدانی روچ ءِ درگت ءَ بلوچستان ءَ ھوار، زرباری کوریا، برتانیہ، یونان ءُ جرمنی ءَ ھوار ایندگہ ملکانی تہ ءَ جتائیں مراگش اڈ دیگ بنت۔

جارکش ءَ گُشتگ کہ بلوچستان ءِ شھیدانی یات ءَ بلوچستان ءُ دری ملکاں یاتگیری ریفرنس برجم دارگ بنت ءُ چراگ روک کنگ ءُ شھیداں ستاشانی درشانگ بیت کہ آیاں بلوچستان ءِ آجوئی ءِ بلوچ راج ءِ وت واجھیءُ رژنائیں باندات ءِ ھاتر ءَ وتی ساھانی دیمھونی ندر کُتگ۔

آئی ءَ گُشتگ مروچی راجی جیڑہ، بلوچ راجی جُنز پہ آجوئی بلوچستان ءِ سیمسراں در اَتکگ ءُ داں میان اُستمانی تک وتی ارزشت منارینتگ اِت۔

ھمک سال سیزدہ نومبر ءَ شھیدانی روچ ءِ درگت ءَ ما عھد کنیں کہ شھیدانی مشن ءَ داں سر بیگ مئے اولی لوٹ اِنت ءُ اے مشن تھنا ءُ تھنا بلوچ راجی آجوئی اِنت کہ اِشی گرگ ءِ ھاترءَ مدامی جھد ءَ گوں بندوک اِنت ءُ بلوچ راج ءَ ھپت دھکاں چہ یکشلیں جھدءَ گوں اِشی ءِ منانک داتگ۔

پاکستانی پوج ءَ مزنیں کچے ءَ دشت ءَ یک میتگے انگیر ءَ کتگ ۔

سربوتگیں ھالانی رِد ءَ بلوچستان ءِ دمگ کیچ ءِ تھسیل دشت کاشاپ پاکستانی پوج ءَ گوستگیں شپ ءَ بگر تاں انو میتگ انگت انگیر ءَ اِنت میتگ ءِ روگ ءُ آیگی راہ ءُ در بند کنگ بیتگ اَنت-

دمگی مردمانی رِد ءَ پاکستانی پوج ءَ میتگ ءِ جند مردم ھرکس کہ پہ سُھب ءِ سر ءَ وتی لاپ شوھازگ ءَ چہ میتگ ءَ ڈن درایگ ءِ جُھد کتگ آ واتر کتگ اَنت ئِے نہ اِشتگ اَنت ئِے ھمے گوستگیں روچ ءَ چہ کلسر ءَ اَتکگیں مردم کاشاپ ءَ پہ وتی سیادانی گندوکی ءَ آ ھم دوشی وتی میتگ ءِ نیمگ ءَ روگ ءَ بوتگ اَنت واتر کنائینتگ اَنت ئِے-

دمگی مردمانی رد ءَ کاشاپ ءِ نادُراھجاہ پیسر ءَ چہ پاکستانی پوج ءَ وتی کبزہ ءَ کتگ بُنجل کتگ-

دمگی مردمانی رِد ءَ پاکستانی پوج ءِ کارندہ مزنیں کچے ءَ دمگ ءَ ساڑی اَنت میتگ سر کوھی دمگ ءَ ھم لشکرکشی کنگ ءَ اِنت-

زانگ بہ بیت بلوچستان ءِ جتاجتائیں دمگاں پاکستانی پوج ءِ لشکر کشی ءُ زورانسری آوار جنی برجاہ ءَ اَنت آ روچ پہ روچ وتی زوراکی ءَ گیش کنگ ءَ اِنت-

ھمے وڑ پاکستانی لشکر ءَ مند ءُ دشت ءِ میانی کوھاں پترتگ، جتا جتائیں جاھاں لشکر کشی کنگ ءَ اِنت۔

پاکستانی لشکر ءِ جتا جتائیں جاھاں گوں ترندی ءَ لشکر کشی کنگ اِنت۔ کتریز، ننکارو، بانسر، کلکور، سھریں کوہ، شالویگ، گیشتان ءُ کنٹانی ءَ لشکر کشی برجاہ انت-

اوگانستان ءِ بنجاھی شھر کابل ءَ بمب تراکے ءِ توار اشکُنگ بیتگ –

اوگان رسانکدر ءِ رد ءَ تراک وزیر اکبر خان ھسپتال ءِ نزیک ءَ بیتگ، کہ اود ءَ تراک ءَ پد تیرانی توار اشکُنگ بیتگ اَنت –

اوگان رسانکدر ءِ رد ءَ تراک ملٹری ھسپتال سردار داود خان ءِ نزیک ءَ بیتگ –

سرجمی ءَ تراک ءَ بیتگیں جانی تاوانانی راستی نہ بیتگ اَنت ءُ ناکہ تراک ءِ بارو ءَ سرپدی بیتگ اَنت-

چہ کابل ءَ دی بلوچستان پوسٹ ءِ اھوالکار ءِ رد ءَ سلاہ بندیں اُرشکار ءُ اوگان تالبان ءِ کارندہ جنگ برجاہ اِنت ءُ اُرشکار ھسپتال ءِ تہ ءَ پتریتگ اَنت-

اھوالکار ءِ رد ءَ نشانگ بیتگیں ھسپتال ءَ گیشتر نادرھانی کچ تالبان ءِ جنگولانی ئیگ اِنت –

گمان کنگ بیگ ءَ اِنت کہ اُرشکارانی سیادی میان اُستمانی ناشریں گل داعش ءَ بیت کنت –

زانگ بہ بیت امریکہ ءِ روگ ءَ پد اوگانستان ءَ داعش تالبان ءِ ھلاپ ءَ پرکار بیتگ ءُ آیاں کابل انٹرنیشنل بالی پٹ ءَ ھوار دگہ مزنیں اُرش کرتگ اَنت –

بلوچستان ءِ دمگ خاران ءَ بمب تراکے ءَ سیزدہ مردم ٹپی بیتگ اَنت۔

تراک خاران ءِ نامی ئیں جاہ چیف چار راہ ءِ سر ءَ بیتگ۔

اھوالانی رد ءَ موٹر سائیکل ءَ جتگیں تراکناکیں شوروانی ترکگ ءَ چہ ترندیں تراکے بیتگ ءُ تراک آماچ بیتگیں سیزدہ مردم ٹپی بیتگ اَنت۔

ٹپی بیتگیں مردم سول ھسپتال ءَ برگ بیتگ اَنت۔

پولیس ءِ رد ءَ تراک ءِ بارو ءَ گیشتر پَٹ ءُ پول کنگ بیگ ءَ اِنت، آیانی گُشگ اَت کہ تراک ءِ تہ ءَ 4 ءَ چہ 5 سیر تراکناکیں شورو کارمرز کنگ بیتگ اَنت۔

پولیس ءَ گُشتگ کہ تراک ءِ سبب ءَ یک اولاک ءُ کش ءُ کِری دکاناں ھم تاوان رس اتگ۔

بلوچ یکجھتی کمیٹی کراچی ءِ جارکش ءَ رسانکدراں وتی شنگ کرتگیں درشان ءِ تہ ءَ گوشتگ کہ بلوچستان ءَ جیڑہ ھمک روچ وڑ وڑ ءَ دیم ءَ آیگ ءَ انت ـ ھمے زوتاں آواران ءَ ھمک روچیں وڑ ءَ گیر انسانی ءُ گیر کانودی امل لھتے وئیل ءِ ھال سربوتگ کہ پدردی ھال انت – آواران ءِ دمگ پیراندر زورانسری ھالی کنگ بوگ انت ءُ واشک ٹوبہ ءَ سیادی داروکیں یک کھولے ءِ کماش دو کسانیں زھگ انوگاں زورانسری آوار جنگ بوتگ انت کہ وتی لوگ ءُ جاھانی یل کنگ ءَ ساڈی نہ بوتگ انت پمیشکا آوار جنگ بوتگ انت – نوکتریں ھالانی رِد ءَ اے دؤئیں زھگ ءُ کماش ءِ زورانسری آوار جنگ ءُ بیگواھی ءَ پد آواران ءِ اے دمگ زورانسری ھالی کنگ بوھگ انت- آئی ءِ جواز سیکورٹی ءِ ترس گوشگ بوگ ءَ انت –

جارکش ءَ گوشتگ کہ ما سیکیورٹی ءَ گون بگیری نداریں بلے سیکیورٹی ءِ نام ءَ اودے سالاں سال جھمننداں وتی سرڈگار ءِ سر ءَ زورانسری در پہ در بوھگ ءَ لاچار کنگ ءُ ھر یکے اے امل ءَ بگیری بہ داریت آھانی چُک کماشاں زورانسری آوار جنگ گیراکلاکی گیر آئینی گیر انسانی املے اشی ءَ ما ایر جنیں – آواران ءِ مردماں زورانسری آوارجنی ءِ آماچ کنگ ءُ وتی بن پیروکی زمینانی سر ءَ جوڑ کرتگیں لوگاں چہ در پہ در کنگ ءُ آھاں سیکیورٹی ترسءِ نام دئیگ ما اے درسیں کاراں ترندی ایر جنیں ما اے وڑیں سیکیورٹی پھمیت نہ کنیں –

جارکش ءَ وتی درشان ءِ تہ ءَ ورنائیں سھیل بلوچ ءِ کوش ءِ درگت ءَ گوشتگ کہ ھمک روچ سھیل وڑیں ورنایانی کوش ءَ بلوچ راج ءَ جھد ءِ دارگ ءُ ھلاس کنگے کوشست بوگ ءَ انت –

آئی ءَ گوشتگ کہ سھیل بلوچ ءِ جرم بس ھمے بوتگ کہ آئی ءَ اے نزام ءِ بگیری ءَ سوال چست کتگ، زلم زوراکی ءِ بگیری ءَ سوال چست کتگ کہ بلوچ ءِ تقدیر ءَ بید زلم زوراکی دگہ ھچی پرچا نیست ؟ آئی ءَ اے سوال کتگ اے ھمک روچ جاور ھالاں شر کنگ ءَ ابید شر پرچا نہ بنت؟ ھمے سوالانی کنگ آئی ءِ مرگ ءِ سوب جوڑ بوتگ ءُ ھمے وڑ ءَ کشندہ ٹولیاں آ شھید کتگ –

جارکش ءَ گوشتگ کہ ما ھما درساں بلوچستان ءَ ھمک روچ بؤکیں زلم ءُ زوراکیاں پھمیں پرچاکہ اے مئے سرڈگاریں مار ءَ مئے زمین ءِ سر ءَ چہ کس در کت نہ کنت ما راجی تاکت ءِ زور ءَ جنگ لوٹیں کہ آ اے زلم ءُ زوراکیانی بگیری ءَ یکجاہ بہ بیت بلوچستان ءِ توار جوڑ بہ بنت آوارن ءِ توار جوڑ بہ بنت پرچاکہ بلوچ راج تاں ھما وھد ءَ یکجاہ ءُ یکمشت نہ بیت آ ھمے وڑ زلم ءُ زوراکیانی آماچ بیت اگاں یکجاہ نہ بوت اَنت راجدپتر گواہ انت گڈی چد ءُ گنتریں وئیل بنت دیمتر ءَ گیشتر بوان بنت کہ آئی یکیں سبب بلوچ راج ءِ یکجاہ نہ بوگ انت –

جار کش ءَ گڈسر ءَ گوشتگ کہ بلوچ یکجھتی کمیٹی کراچی ھپت نومبر سال دوھزار بیست ءُ یک ءَ یکشمبے روچ ءَ کراچی پریس کلب ءِ دیم ءَ سھب یازدہ بگر تاں بیگاھے پنچ ءَ زھرشانی بنجل ءِ جنگ ءِ جار جنت ءُ درسیں تک ءُ پھناتاں سیادی داروکیں مردماں بھر زورگ ءِ لوٹ ءَ کنت –

بلوچستان ءِ جتائیں دمگ شال ءُ پنجگور ءَ دگ ءُ تیرگواری ءِ وئیل ءَ سے مردم بیران ءُ دو ٹپی بوتگ اَنت-

سربوتگیں ھالانی رِد ءَ پنجگور ءَ سی پیک دگ ءَ گریب نواز ھوٹل ءِ نزیک ءَ کرولا گاڑی یے چپی بوتگ ءُ دو مردم بیران بوتگ ءُ دو ٹپی بوتگ اَنت –

بیران بوتگیں مردمانی تہ ءَ اسلام ء انور جھمنند بلیدہ ءُ بھروز ء وارس جھمنند پروم ناماں چہ زانگ بوتگ اَنت وھدے کہ ٹپی بوتگیں سمیر ء لالا نزیر ءُ ندیم ء غلام جان پہ دوا ءُ درمان کنگ ءِ ھاتر ءَ نادُراھجاہ ءَ برگ بوتگ اَنت –

ھمے وڑ شال ءِ ھند ھزار گنجی ءَ ناشناسیں سلاہ بندیں مردمانی تیرگواری ءَ چہ یک مردمے بیران بوتگ-

بیر بوتگیں مردم ءِ پجّار خان محمد ء سوب خان لانگو جھمنند دشت ترامیل نام ءَ چہ بوتگ ءُ کوش ءِ سوب انگت زانگ نہ بوتگ-

زانگ بہ بیت بلوچستان ءَ دگ ءِ وئیلاں سالے تہ ءَ ھزاراں گیش مردم مر اِیت ٹپی بیت بلوچستان ءَ پرشت ءُ پروشیں دگانی سبب ءَ بازیں مھلوکی چہ زندگی ءَ زبھر کنگ بوتگ دومی نیمگ ءَ بلوچستان ءِ بُتیں وزیر ءُ گزیر بلوچستان دیمروئی ءَ مدام دروگیں ٹاہ دے اَنت-

بی ایل اے راج ءُ راجی جنز ءِ گداراں ھچ رنگ ءَ پھل نہ کنت – جیئند بلوچ

بلوچ لبریشن آرمی ءِ جارکش جیئند بلوچ ءَ ھب ءَ کُشگ بیتگیں اکرم ساجدی ءِ کوش ءِ زمہ واری منّ اِتگ –

جارکش جیئند بلوچ ءَ گوشتگ کہ سرمچاراں پاکستانی پوج ءُ چیریں ادارھانی جوڑ کرتگیں ڈیتھ اسکواڈ ءِ سروک اکرم ساجدی بمب تراکے ءِ نشانگ کرتگ ءُ کشتگ –

جارکش ءَ رسانکدراں شنگ کرتگیں درشان ءِ تہ ءَ گشتگ کہ اسپیشل ٹیکٹیکل آپریشن اسکواڈ (ایس ٹی او ایس) ءِ سرمچاراں گاڑی ءَ سواریں اکرم ساجدی شاکر ھوٹل ءِ نزیک ءَ نشانگ کرتگ، چریشی ءِ آسر ءَ آ مرتگ –

اکرم ساجدی مشکے ءُ ھب ءَ زورگریں پاکستانی پوج ءُ چیریں ادارھانی سروکی ءَ وتگڑیں ڈیتھ اسکواڈ ءِ سروکی ءَ کنگ ءَ بیتگ، جولائی دوھزار ءُ بیست ءَ مشکے ءِ دمگ کلات چیر ءَ زالبول ءُ زھگانی آوار جنگ ءُ پد ءَ ڈیتھ اسکواڈ ءِ زنداناں کنگ ءَ ھوار بلوچ جھدکارانی کھولانی آوار جنگ ءُ کُشت ءُ کوش ءُ آیاں نشانگ کنگ سرمچاراں سلاہ دور دیگ ءِ جھد کنگ ءِ جھل کپتگیں جرماں تچکی ءَ ھوار بیتگ – کشگ بیتگیں ڈیتھ اسکواڈ ءِ سروک دشمن ءِ ادارھانی سروکی ءَ لس بلوچانی زمینانی سر ءَ زورگری ءَ بیتگ –

راج ءُ راجی جنز ءِ ھلاپ ءَ دشمن ءِ ھمراھداری کنوکیں گداراں بی ایل اے ھچ رنگ ءَ پھل نہ کنت -اے درستاں اکرم ساجدی ءِ وڑیں جاھاں روان دنت –