TBP Balochi

تحریک تالبان پاکستان ءَ رسانکدراں وتی شنگ کرتگیں درشان ءِ تہ ءَ بارکھان ءِ وئیل زوراکی ءِ گوشتگ، آئی ءَ گوشتگ کہ روانکانی دروشم ءَ جونانی سر ءِ گریوگ ءَ پہ ھچ نہ بیت ڈن ءَ در بیا ات ءُ اے ناشراں گوں جنگ بہ کن ایت –

ٹی ٹی پی ءَ وتی درشان ءِ تہ ءَ گوشتگ کہ بلوچستان ءِ دمگ بارکھان ءَ یک ویڈیرہ ءُ سوبائی وزیر عبدالرحمان کھیتران ءَ یکیں کھول ءِ سَے مردم مات ءُ دو زھگ بندیگ کتگ انت ءُ کہ سرجمیں سوبہ ءَ آ یل کنائینت نہ کتگ انت، یک ماتے ءِ شنگ بوتگیں تامر کہ آئی ءَ قرآن دست انت ءُ پریات انت آئی ءِ پریات ءَ ھچ نہ بوت ءُ آکر چہ یک چاتے ءَ اے مات ءُ زھگانی جون دست کپت انت –

جارکش ءَ گوشتگ کہ ٹی ٹی پی اے وئیل ءَ ترندی ءَ گوں ایرجنت ءُ گم ءُ رنجانی اے ساھت ءَ ماں ایردستانی گوم ءَ انت – آئی ءَ گوشتگ کہ ما مدامی ھمے گوشگ انت کہ پاکستان ءِ تہ ءَ کانود ءِ نام ءُ نشان نیست ادا ھما کہ گیش بیت دراہ ھمائی چیردست بنت اگاں کُشگ بنت –

جارکش ءَ گوشتگ کہ ما پاکستان مردماں ھاسکر بلوچستان ءِ جھمننداں ھمے کلوہ ءَ دئیں کہ پہ زھرشانی، روانک ءُ جونانی سر ءِ گریوگ ءَ ھچ نہ بیت در بیا ات ءُ ریاستی ناشرکارانی دیم پہ دیم بہ ات دیمھونی بدئیت گڈا شمے پدریچ آباد بنت ءُ زلماں چہ رک انت اگاں ناں ھمے وڈ مران بہ بئے ءُ زھرشانی کناں بئے ءُ پدا شمے سرڈگار وتی جاہ ءَ شمے ساھانی سر ءَ ھم اے ناشر کبزہ کن انت –

بلوچستان ءِ بنجاھی شھر شال ءَ پاکستانی پوج ءِ دست ءَ زورانسری آوار جنگ بوتگیں ماھل بلوچ ءِ زورانسری آوار جنی ءِ بگیری ءَ مند سورو ءَ آئی ءِ کھول ءُ زالبولانی نیمگ ءَ زھرشانی روانک ءِ کشگ بوتگ –

درنگاز کنوکانی دست ءَ ماھل بلوچ ءِ اکس ءُ پلے کارڈ بوتگ انت کہ آھانی سر ءَ ماھل بلوچ ءِ زورانسری آوار جنی آئی ءِ سر ءَ جنگ بوتگیں دروگیں ارزی ترندی ءَ گوں ایرجتگ ءُ سرکار ءُ پوجی ادارھانی بگیری ءَ نارہ جتگ –

درنگاز کنوکیں زالبولانی گوشگ ات پہ مئے مردینانی ننگ ءِ ھاتر ءَ چی پشت کپتگ کہ زالبول ءِ برگ بہ بیت لٹ شاپ کنگ بہ بیت ـ اگاں ما پہ ماھل ءَ دگہ چیزے کُت نہ کنیں بلے پہ آئی ءَ یک توارے چست کُت کنیں ـ

درنگاز کنوکانی گوشگ ات ماھل ءِ سر ءَ زلم کنگ بوگ ءَ چدو پیسر آئی ءِ لوگواجہ شھید کنگ بوتگ ، آئی ءِ وسرک شھید کنگ بوتگ ، ماھل بلوچ لوگ ءَ چہ بے لوگ کتگ آ لاچار بوتگ شتگ شال ءَ باڑھے سر ءَ لوگ زرتگ کہ وتی زھگاں وانیناں بلے مرچی ھمودا اے ریاست ءَ وتی ھرجان جتگ – ماھل بلوچ تھنا منی گھار نہ انت سرجمیں بلوچ راج ءِ گھار انت – مرچی اگاں ما پہ ترس ماھل ءِ واست ءَ پاد میا ایں باند ءَ من بیت کناں، پدا شمے مات ءُ گھار بیت کناں – مرچی ماھل ءِ ھاتر ءَ توار چست بہ کنے تانکہ باندا شمے سر ءَ اے نوبت مہ ایت –

درنگاز کنوکاں ماھل ءِ سر ءَ جنگ بوتگیں دروگیں کیس ءِ ھلاس کنگ ءُ آئی ءِ یل کنگ ءِ لوٹ کتگ –

ھمے وھد ءَ پاکستانی پوج ءَ دمگی دکاندارانی دکانی بند کنگ ءِ پد ءَ آ دزگیر کنگ ءِ جھد کتگ انت کہ درنگاز کنوکیں زالبولاں آ دزگیر بوگ ءَ نہ اشتگ انت –

زانگ بہ بیت ھمے ماہ ءِ ھبدہ ءُ ھژدہ فروری ءِ میانی شپ ءَ ادار یانزدہ ءِ نزیک ءَ پاکستانی پوج ءَ بلوچستان ءِ بنجاھی شھر شال ءَ بلوچ زالبول ماھل بلوچ گوں ھمراھے زھگاں چہ جند ءِ گِس ءَ زورانسری آوار جتگ ءُ بیگواہ کتگ –
بیڑ بری ءِ دومی روچ ءَ بلوچ گل ءُ انسانی ھکانی ترندیں زھرشانیانی سوب ءَ سی ٹی ڈی ءِ واکداراں بلوچ زالبول ءِ دزگیری منّ اِتگ ءُ آئی ءِ سر ءَ بازیں ارزی ءِ نبشتگ کتگ –

ماھل بلوچ ءِ زورانسری آوار جنی ءُ پدا رند ءَ آئی ءِ سر ءَ جنگ بوتگیں دروگیں بھتامانی بگیری ءَ بلوچستان ءِ جتا جتائیں دمگاں زھرشانیانی درچ برجاہ انت گوستگیں روچءَ شال سریاب دگ بلوچ وومن نیمگ ءَ زھرشانی نندانک ءِ کنگ بوتگ کہ پدا رند ءَ واکدارانی گند ءُ نند ءَ پد ننداک ھلاس کنگ بوتگ –
ماھل بلوچ ءِ تُرو ءَ شال ءِ نندانک ءِ سر ءَ وئیل درگت ءَ گوشتگ کہ پاکستانی پوج ءَ مئے گِس ءَ بیڑ برتگ بیڑ ءِ میان ءَ مارا دگہ کوٹی ءَ بند کتگ ءُ ماھل دگہ کوٹی ءَ برگ بوتگ ءُ آ لٹ شاپ کنگ بوتگ –

ماھل بلوچ ءِ درکانودی آوار جنی ءِ بگیری ءَ نودربر ءُ سیاسی گلانی نیمگ ءَ بلوچستان ءَ ھوار پاکستان ءِ دگہ شھراں زھرشانی کنگ ءِ جار جنگ بوتگ – درنگاز کنوکاں لوٹ کتگ ءُ گوشتگ کہ ماھل بلوچ ءِ سر ءَ جنگ بوتگیں ارزی ھلاس کنگ بہ بنت ءُ آ یل کنگ بہ بیت ءُ بلوچستان ءَ یکجاھیں سزا ءَ زالبولانی نشانگ کنگے کار یل کنگ بہ بیت-

بلوچستان ءِ اُستانی وزیر بند ءُ ساچی سردار عبدالرھمان کھیتران ءِ زاتی جیل ءَ بندیگی ءَ پد کُشگ بیتگیں مات، زھگانی کوش ءَ پد دمگی مردم لاشانی ھواری ءَ دیم پہ شال ءَ جنزان بیتگ اَنت-

مری ٹک ءِ مردماں کوشکارانی دزگیری ءَ شال ءَ سر وزیر ءِ گس ءِ دیم ءَ لاشانی ھواری ءَ نندانک دیگ ءِ جار جتگ –

زانگ بہ بیت ھر سئیں لاش بارکھان ءِ نزیکیں ھند کوھلو ءَ برگ بیتگ اَنت اود ءَ آیانی نماز جنازہ ءِ عیدگاہ یَ وانگ بیتگ –

کوھلو ءِ اھوالکار یوسف مری ءِ رد ءخ جنازہ ءَ ھزارانی مھلوک ءَ بھر زرتگ چریشی ءَ پد مری ٹک ءَ لاش زرتگ ءُ شال ءَ جنزان بیتگ اَنت-

نبشتانک: بلوچ راج ءُ آئی ءِ راجی زبان

نبشتہ کار : شاھد اھمد

دی بلوچستان پوسٹ

ھو ما بلوچ ایں ءُ بلوچی زبان مئے ماتی زبان اِنت میان اُستمانی روچ ءَ آ دگہ راجانی مھلوک وتی ماتی زبانانی روچ بیست ءُ یک (21) اُستپان ءَ بَھر زورگ ءَ اَنت باید اِنت ما بلوچ ھم وتی ماتی زبان بلوچی ءَ وتی مارشتاں درشان بہ کن ایں چی ءَ کہ اے روچ پہ ما انچیں روچے کہ آ دگہ راج ھم وتی ماتی زبان ءِ تہ ءَ وتی ھیال ءُ لیکاھاں درشان کن اَنت۔

اے گپ راستے کہ بلوچی زبان آ دگہ راجانی پَئیم ءَ آجو نہ اِنت کہ وتی ماتی زبان ءَ وانگجاہ ءِ تہ ءَ وانینگ بہ بیت چمیشکا مئے بلوچی ماتی زبان بندیگ کُتگ پرچاکہ ھر راج ھمے کوشست کن اَنت کہ مئے راجی زبان دگنیا ءِ تہ ءَ نبشتہ ءُ گپ بہ کن اَنت بلے ما بلوچ وت وتی راجی زبان ءِ تہ ءَ نبشتہ ءُ گپ کنگ ءَ دل نہ لوٹ ایت کہ ھبر ءُ نبشتہ بہ کن اَنت چی ءَ کہ دری زباناں مئے راجی زبان ءِ سر ءَ سک باز سان دَور داتگ کہ ما وت وتی زبان ءِ تہ ءَ مَنّگ ءَ جاڑی نہ ایں ءُ اگاں ما وتی زبان ءِ تہ ءَ نبشتہ ءُ ھبر بہ کن ایں گڑا ما دری زبان ءِ تہ ءَ وتی زبان ءَ ھور ءُ تور گپ ءُ نبشتہ کن ایں ءُ پمیشکا مئے بلوچی زبان ما وت شَگالی کُتگ۔

ایشی ءِ مستریں سبب ایش اِنت کہ ما وت وتی زبان ءَ نہ منّ ایں ءُ ما داں اَبد وتی زبان ءَ دست ئِے وت گار ءُ بیگْواہ کنگ ءَ ایں۔

بیدے زبان ءَ ما یک کوریں، کَرّیں ءُ گُنگیں بنی آدمے بزاں بس بُتّے جوڑ بَہ ایں ءُ دگہ راج مارا چوں سنسکرت زبان ءِ پَئیم ءَ یک روچے بزاں مراگش ءِ پُرسیگ لیک اَنت۔

اگاں شما اے چیز ءَ مَنّ اِت گڑا وتی زبان ءَ بے ھال بہ کن اِت ءُ دری زبان ءَ وتی امبازاں بو زور اِت ءُ اگاں شما نہ لوٹ اِت کہ دگنیا مارا اے رنگ ءَ مہ چار ایت گڑا یک مُشت ءُ تپاک بہ بَہ اِت وتی ماتی زبان ءَ امبازاں بوزور اِت چوں مہ بیت کہ شما چَٹّ ءَ گار بہ بہ اِت۔

ھر بلوچ پوسگ ءِ زمہ واری اِنت کہ وتی ماتی زبان ءَ بہ وان اِت ءُ وتی چُکاں ھم وانین اِت ءُ یک مُشت بہ اِت دری زبان ءِ راج ءَ اے باور کنائین اِت کہ ما ھم یک راجے ءِ بستار ءَ زانگ بَہ ایں ءُ اے ھم باور کنائینگ لوٹ ایت کہ مارا ملکے ھست مئے ملک ءِ نام بلوچستان اِنت ءُ ایشی ءِ چُک پہ وتی راجی زبان ءِ واست ءَ ھر وڑیں کربانی دیگ ءَ ھم جاڑی اَنت۔ شالاءَ بلوچستان زندگ بات ءُ بلوچی زبان دیم ءَ دیمروئی بہ کنات۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

متھدہ عرب امارات ءِ کار ءُ باری گر ءُ دار کنوکیں وزیر عبداللہ بن طوق المری ءَ گوشتگ کہ انڈیا ءُ امارات ءِ میان ءَ دَہ سال ءِ واستا کسٹم ڈیوٹی ھلاس کنگ ءِ چن ءُ لانچ بوگ ءَ اِنت-

نئی دھلی ورلڈ بزنس سمٹ ءِ تران ءَ آئی ءَ گوشتگ کہ جتا جتائیں باپاری تکاں امارات ءُ انڈیا ءِ میان ءَ سیادی گھتری ءِ نیمگ ءَ روگ ءَ اَنت ءُ ھردوکیں ڈیھانی میان ءَ سیادی یک راجدپتری تاکے ءَ روگ ءَ اِنت-

امارات الیوم ءِ رد ءَ باپاری وزیر ءِ گوشگ اِنت نئی دھلی ءَ ورلڈ بزنس سمٹ انڈیا ءُ امارات میان ءَ مزنیں باپاری مسامے ءَ پد یک سالے ءِ گوزگ ءَ بیتگ-

آئی ءَ گوشتگ کہ اے مسام ھردوکیں ڈیھانی نھادیانی سرجمی ءَ باپاری داری ءِ جوانیں کردے پیلو کنت اے ھردوکیں ڈیھانی میان ءَ ھشتاد درسد ءَ گیش کسٹن ڈیوٹی ھلاس کنگ ھوار اَنت ءُ داں دَہ سال ءِ وھد ءَ دَہ ھزاد چیزانی سر ءَ کسٹم ڈیوٹی سرجم ءَ ھلاس کنگ ءِ دل ءَ اِنت –

عبداللہ بن طوق المری ءَ گوشتگ کہ مسام ءَ ھردوکیں ڈیھاں سال دوھزار ءُ بیست ءُ دو ءِ وھد ءَ یک سد ءُ ھشتاد ارب درھم ءِ باپار بیتگ ایشی ءِ توک ءَ پیٹرول ھوار نہ اَنت –

آئی ءَ گوشتگ کہ سال دوھزار ءُ بیست ءُ یک ءِ وھد ءَ دَہ درسد گیش باپار بیتگ امارات اے وھد ءَ انڈیا ءِ سَیمی میان اُستمانی باپاری شریداران اِنت-

امارات ءِ وزیر ءَ دیمتر ءَ گوشتگ کہ آیوکیں وھداں امارات ءُ انڈیا ءَ زرکاری ءَ گیش کنگ لوٹ ایت امارات ءَ ھم ریاستی پوڑی گری ءَ دیمروی ءِ ھاتر ءَ دَہ ارب ڈالر زرکاری ءَ داتگ –

ایشی ءَ ھوار ھوار انڈیا امارات ءِ زرکاری ءِ گیش کنگ اِنت انڈیا ءَ یازدہ ھزار نوکیں کمپنیاں دوھزار ءُ بیست ءُ دو ءَ امارات ءَ ھوارینتگ اَنت ایشی ءِ توک ءَ انڈیا ءِ کمپنیانی کساس ھشتاد ءُ سَے ھزار گیش بیتگ –

سر بیتگیں اھوالانی رد ءَ روکپتی بلوچستان ءِ بنجاھی شھر زاھدان ءَ زھرشانی ءِ وھد ءَ زدگ بیتگیں پیرزال ءَ وتی ساہ گوستگیں شپ ءَ داتگ اَنت-

اھوالانی تہ ءَ گوشگ بیتگ کہ 30ستمبر 2022 ءَ ماں زاھدان ءَ “خونی جمعہ ” ءَ زدگ بیتگیں یک پیرزالے ءَ داں پنچ ماہ ءِ زدگ بوگ ءَ پد بیران بیتگ-

بیران بیتگیں پیر زال ءِ پجار سنگین زد بی بی اسماعیلزئی کہ آئی ءِ اُمر شست سال گوشگ بوگ ءَ اِنت ءُ آ امیر محمد براھوئی ءِ لوگ بانک اِنت-

ھالانی تہ ءَ گوشگ بیتگ کہ اے زالبول سِی ستمبر ءِ بیگاہ ءَ زاھدان ءِ ھند شیر آباد ءَ وتی لوگ ءِ دپ ءَ ایرانی لشکر ءِ تیرگواری ءَ چہ زر بی بی زدگ بیتگ –

اھوالانی رد ءَ آئی ء کوپگ ءَ لاپ ءَ تیر ءِ لگگ ءِ سبب ءَ آ سک زدگ بیتگ چریشی ءَ چہ آ حاتم زاھدان ھسپتال ءَ برگ بیتگ-

اھوالانی تہ ءَ گوشگ بیتگ آئی ءِ جسم ءَ تیر لگگ ءِ سبب ءَ آ انفیکشن بیتگ ءُ پنچ ماہ ءِ دردانی سگگ ءَ پد آئی ءَ وتی ساہ داتگ اَنت-

بلوچستان ءِ دمگ بارکھان ءِ ھند حاجی کوٹ ءَ چہ سئے جون دزکپتگ اَنت۔

پولیس ءِ ردءَ جون یک چات یے تہءَ دزکپتگ اَنت، بنداتی اھوالانی ردءَ دو مردین ءُ یک جنین ئے جون دزکپتگ اَنت۔

جونانی کشگ ءِ بنداتی کار برجاہ اِنت وھدیکہ ایمبولینس وئیل جاہ ءَ دیم دیگ بیتگ۔ پولیس ءَ داں انگت جونانی پجار ءُ کوش ءِ سوب ءِ بابت ءَ ھچ پئیمیں لیکہ ءِ درشان نہ کُتگ۔

پولیس اھوالانی ردءَ جونانی کشگ ءُ پجار ءَ پد قانودی گامگیج بندات کنگ بنت۔

دومی نیمگ ءَ چاگردی رسانکدراں جنزوکیں اھوالانی ردءَ چہ بارکھان ءَ دزکپتگیں جون خان مھمد مری ءِ لوگیگ ءُ آئی دو زھگانی اَنت۔ 

زانگ بہ بیت کہ خان مھمد مری ءِ کھول سردار عبدالرحمن کھیتران ءَ وتی جِند ءِ اڈ کُتگیں زندانی ءَ بندیگ کُتگ بیتگ اَنت۔ 

لھتیں روچ ساری ءَ خان مھمد مری ءِ لوگیگ ءِ یک کسانیں تامر بندے ھم شنگ کُتگ اَت ءُ آئی ءَ دزبندی کُتگ اَت کہ مارءَ چہ اے زندانی ءَ آجو کنگ بہ بیت۔