کیچ ءِ تھسیل تمپ ءَ دو ماہ ءَ ساری پاکستانی پوج ءِ دست ءَ زورانسری آوار جنی ءِ نشانگ بیتگیں دو ورنایانی لاش دزکپتگ اَنت-
دمگی اِھوالکار ءِ رد ءَ کشگ بیتگیں ورنایانی پجّار جابر نظر ءُ زبیر ء داد کریم نام ءَ چہ بیتگ اَنت دوئینانی سیادی تمپ ءِ دمگ چہ گومازی ءَ اِنت ءُ یکیں کھول مردم اَنت-
ھالانی رِد ءَ سئے ستمبر 2026 ءَ پاکستانی پوج ءَ تمپ ءِ میتگ چہ آسیان ءَ دوئیں ورنایانی ھمراھی ءَ دگہ یک ورنایے حسین ء جمعہ آوار جتگ ءُ بیگواہ کتگ اَنت-
حسین ء جمعہ ءِ لاش چاردہ اکتوبر 2026 ءَ دزکپتگ، وھدے جابر ءُ زبیر ءِ لاش مروچی تمپ ءِ دمگ چہ کلاھو ءَ دزکپتگ اَنت-
زانگ بہ بیت کہ قمبر ءُ زبیر کھول ءَ پانزدہ اکتوبر ءَ یک پریس کانفرنسے ءِ میان ءَ آئی ءِ یل کنگ لوٹ کتگ اَت – کھول ءَ گوشتگ کہ آیاں وتی چکانی یل کنگ ءَ دلجمی بدے اَنت- اگاں ایاں کجام وڑیں بھتامے ھست گُڑا آمیدگس ءَ پیش بہ کن اِت ءُ اگاں آیانی سر ءَ میارباری پدر بیت گڑا کانود ءِ رِد ءَ سزا بدے اَنت-