بلوچ لبریشن آرمی ءِ جارکش جیئند بلوچ ءَ رسانکدر ءَ وتی شنگ کتگیں درشانے ءَ گُشتگ بی ایل اے ءِ فدائی یونٹ،مجید بریگیڈ ءَ مستونگ ءِ دمگ کانک ءَ کنڈاپ ءِ ھند ءَ زورگیریں پاکستانی لشکر ءِ بُنجل گوں تُرندیں فدائی اُرش ءَ نشانگ کتگ،اود ءَ شورھاں چہ پُریں گاڑی ءَ گوں دژمنیں لشکر ءِ بنجل ءِ سر ءَ اُرش کتگ۔چہ اے اُرش ءِ آسر ءَ دژمنیں لشکر ءِ بنجل سرجم ءَ تباہ بیتگ۔چریشی ءَ پد ایدگہ سرمچار بنجل ءِ تہ ءَ پترتگ انت ءُ دژمن ءِ ھَزتگیں کارمند نشانگ کتگ انت،مئے بنداتی ھالانی رد ءَ اے اُرش ءَ تاں انیگ ءَ زورگیریں لشکر ءِ ھژدہ کارمند مُرتگ بلے مُرتگینانی کچ انگت گیشتر بیت کن انت ۔اُرش ءَ پد آ دگہ سرمچار پہ سلامتی وتی اوتاکانی نیمگ ءَ درایگ ءَ سوبین بیتگ انت۔
جارکش ءَ گشتگ کہ بلوچ لبریشن آرمی اے اُرش ءِ زمہ واری منّ ایت ءُ اُرش ءِ سرجمیں ھال زوت رسانکدر ءَ شنگ کنگ بنت۔