بلوچستان ءِ دمگ مستونگ ءَ دمگی اھوالکار نیاز بلوچ ءِ لوگ ءَ چھاپہ ءِ وھد ءَ پاکستانی لشکر ءَ دزگیر کنگ ءَ پد بیگواہ کتگ۔
دمگی مردمانی گْوشگ اِنت کہ گْوستگیں شپ ءَ مستونگ ءَ اھوالکار نیاز بلوچ ءِ گس ءَ پاکستانی لشکر ءَ بیڑ برتگ ءُ کھول ءِ دیم ءَ آوار جتگ۔ وئیل ءَ پد اھوالکار نیاز بلوچ ءِ بابت ءَ ھچ وڑیں ھال ءُ اھوال دست نہ کپتگ۔
دمگی مردمانی گشگ انت کہ نیاز بلوچ ءِ دزگیر کنگ ءَ پد آئی ءِ کھول ءُ سیاد سک پریشانی ءِ آماچ انت۔ ھاندان ءَ آئی ءِ سلامتی، وشھالی ءُ بوت کنوکیں بندیگ جاہ ءِ بابت ءَ ھچ وڑیں پدرائی نہ رس اتگ۔