TBP Balochi

روکپتی بلوچستان ءِ جتا جتائیں جاھاں تیرگواری وئیلاں دو کس بیران بیتگ اَنت –

سر بیتگیں اھوالانی رد ءَ روکپتی بلوچستان ءِ تیابدپی شھر چھبار ءَ سلاہ بندیں مردماں تیرگواری کنان ءَ یک مردمے کُشتگ –

کُشگ بیتگیں مردم ءِ پجار عبداللہ مراد زئی ءِ نام ءَ زانگ بیتگ-

اھوالانی رد ءَ عبداللہ مراد زئی مساپر کَشیں مردمے بیتگ کہ آئی ءِ راہ ءِ سر بندگ بیتگ ءُ سلاہ بندیں مردماں آئی ءِ سر ءَ تیرگواری کرتگ ءُ کُشتگ-

تیرگواری ءِ سبب ءُ آئی ءِ کوش ءِ سبب زانگ نہ بیتگ اَنت-

ھمے وڑ ءَ ایرانشھر ءَ سلاہ بندیں مردمانی تیرگواری ءَ یک مردمے بیران بیتگ-

ھالانی رد ءَ گوشگ بیتگ کہ گوستگیں روچ ءَ ایرانشھر ءَ سلاہ بندیں مردماں تیرگواری کنان ءَ یک مردمے کُشتگ-

کُشگ بیتگیں مردم ءِ پجار عبدالرشید دشتی ءِ نام ءَ زانگ بیتگ کہ آ گوستگیں روچ ءَ سلاہ بنداں نشانگ کتگ ءُ کُشتگ-

زانگ بہ بیت روکپتی بلوچستان ءَ چوشیں وئیل یکشل ءَ بیگ ءَ اَنت کہ گوستگیں روچاں تیرگواری ءِ آسر ءَ دو برات بیران ءُ مات ءُ زھگ زدگ بیتگ ات اَنت-

دومی نیمگ ءَ بلوچ کمپعن فعالین ءِ رد ءَ سالگشتی رپورٹ ءِ توک ءَ یک سد ءُ چاردہ مردم کُشگ ءُ زدگ کنگ بیتگ اَنت –

خیبر پختونخواہ ءِ دمگ لکی مروت ءَ تھانا صدر ءِ نزیک ءَ تراکے ءِ آسر ءَ ڈی ایس پی اقبال مھمند ءَ ھوار چار کارندہ کُشگ بیتگ اَنت- اُرش ءِ زمہ واری تحریک طالبان پاکستان ءَ من اتگ-

پولیس ءِ رد ءَ ڈی ایس پی تھانا صدر ءِ سر ءَ اُرش ءِ ھال ءِ سر بوگ ءَ رھادگ بوتگ اِنت بلے پیر والا موڑ ءِ نزیک ءَ ڈی ایس پی ءِ گاڑی تراکناکیں شوروانی گون ءَ نشانگ کنگ بیتگ –

تراک ءِ آسرا ڈی ایس پی اقبال مھمند ءَ ھوار چار کارندہ کُشگ بیتگ اَنت ءُ شش زدگ کنگ بیتگ اَنت-

جارکش پولیس ءِ رد ءَ کُشگ بیتگیں کارندھانی توک ءَ کرامت، وقار، علہ مرجان، زدگ بیتگیناں ھیدکانسٹیبل فاروق، کانسٹیبپ گلتیاز، اصغر، امانت اللہ، عارف، سردار علی ھوار اَنت-

پولیس ءِ رد ءَ چریشی ءَ پیش سلاہ بندیں مردماں تھانہ صدر ءَ اُرش کرتگ ءُ اُرش ءَ پد تتکگ اَنت، جارکش پولیس ءِ رد ءَ پولیس ءِ بازین کارندہ وئیل جاہ ءَ سر بیتگ ءُ دمگ ءَ پٹ ءُ پول کنگ ءَ اَنت-

مصر ءِ اسیوط یونیورسٹی ءِ فیکلٹی آف میڈیسن ءِ پروفیسر ڈاکٹر عبدالمنعم الخطیب ءِ لوگ بانک “ھبہ المبانی ” مسجد الحرام ءَ تواب ءِ وھد ءَ بیران بیتگ-

مصری زالبول ءِ لوگ واجہ ڈاکٹر عبدالمنعم الخطیب ءَ مسجد الحرام ءَ وتی لوگی ءِ بیرانی ءِ ھال چاگردی ترامجاھاں پرسی ھاتر ءَ پوسٹ کرتگ-

العریبہ ءُ مصری ھالتاک السبوع ءِ رد ءَ مصری زالبول مکہ مکرمہ ءَ الشرائع کبرستان ءَ کَل ءُ کسارات کنگ بیتگ-

تر ءُ تاب کنوکیں کمپنی ءِ واھند عادل فتوح ءَ گوشتگ کہ ھبہ القبانی ءِ بیرانی رمزان ءِ ھما رمس ءَ بیتگ کہ بازیں سالاں پیسر آئی ءِ مات ھمے رمس ءَ بیران بیتگ-

عادل فتوح ءِ رد ءَ مصری زالبول مئے کمپنی ءِ داتگیں پیکجے گپتگ ءُ عمرہ ءَ اتکگ بیتگ –

مسجد نبوی ریاض الجنہ ءَ زیارتے کتگ – ھبہ القبانی ءِ یک نزیکیں مردمے ءَ گوشتگ آ پنچ زھگانی مات اِنت ءُ عمرہ ءِ وھد ءَ ناگتی آ دلپٹ بیتگ ءُ بیران بیتگ-

آ روچگ بیتگ عمرہ ءَ آیگ ءَ پیسر آئی ءِ واھشت بیتگ کہ آ مکہ مکرمہ ءَ بہ مر ایت –

مصر ءِ اسیوط یونیورسٹی ءِ فیکلٹی آف میڈیسن ءِ پروفیسر ڈاکٹر عبدلمنعم الخطیب ءَ وتی پیس بک تاک ءَ وتی لوگ بانک ءِ بیرانی ءِ ھال نبشتگ ءُ وتی لیکہ درشان کتگ اَنت-

آئی ءَ گوشتگ کہ للہ ءِ امانت بیتگ ءُ آئی ءِ دست ءَ دیگ بیتگ مکدر ءَ نبشتگیں چیز ھما وڑ بنت منی ھمسپر، منی گمانی ھمراہ، گپانی گریوک – وتی ھیال ءَ کنوکے ءُ منی مات ءُ پتانی شرپداریں انسانے بیتگ-

بلوچستان ءِ سرکار ءَ مروچی چارشمبے ءِ روچ ءَ ھژدہ گریڈ اپسر وقاص علی محمود بلوچستان جانسلامتی ءِ سیکرٹری گچین کتگ وھدیکہ دومی نیمگ ءَ کیچ ءِ بنجاھی شھر تربت ءِ سول نادراھجاہ ءَ پہ چیک اپ ءِ ھاتر ءَ اتکگیں نادراہ دلسیاہ انت ڈاکٹر گواہ نہ کنت –

سروسز اینڈ جنرل ایڈمنسٹریشن ڈیپارٹمنٹ (ایس ءُ جی اے ڈی) ءِ نیمگ ءَ شنگ کنگ بوتگیں درشان ءِ رِد ءَ وقاص ولی محمود بلوچستان جانسلامتی ءِ نوکیں سیکرٹری بیت اِیں وھدیکہ چدوپیسر اے اگدہ ءِ سر ءَ صالح ناصر ایڈیشنل چیف سیکرٹری بیت انت –

بلوچستان ءِ سرکار ءِ نیمگ ءَ گچین کنگ بوتگیں جانسلامتی ءِ سیکرٹری پنجاپ ءِ جھمنند انت وھدیکہ چدوپیسر آ گوجرانوالہ ءِ کمشنر، پنجاپ ءِ زانشتی سکرٹری ءُ پنجاپ ءِ ایکسائز ءُ ٹیکسیشن ءِ سیکرٹری ھم بوتگ –

اے ھم گوشگ بوتگ کہ گوستگیں سیکرٹری داخلہ بلوچستان ءِ محمد اکبر حریفل بلوچستان سیکرٹری انڈسٹریز وھدیکہ ظفر علی بخاری ایکسائز ءُ ٹیکسیشن ءِ سیکرٹری اگدہ ءِ سر ءَ آرگ بوتگ انت –

زانگ بہ بیت بلوچستان ایندگہ جیڑہ ءُ جنجالانی ھمراھی ءَ جانسلامتی ءِ جیڑہ ھم نگیگ انت – بلوچستان ءِ بنجاھی شھر شال ءَ ھوار بازیں دمگاں جانسلامتی ءِ ھچ وڈیں آسراتی نیست انت –

بلوچستان ءِ دمگ شال ءَ ھستیں شومک ءِ یکیں سنٹر “سینار” ءَ گوستگیں بازیں ماھے بیت کہ درمان دیگ بوگ ءَ نہ انت وھدیکہ بازیں دمگاں تپ، سر درد، شکری ءُ شومک ءَ ھوار دگہ بازیں نادراھی ءِ درمان نیست انت –

ھمے وڈ سردرد ءُ تپ ءِ نادراھی ءِ پیناڈول ھم شال میڈیکل اسٹوراں دست نہ کپیت – شال ءَ اے درمان تھنا میڈیکل اسٹوراں چہ گار نہ انت بلکنہ سرکاری نادراھجاہ ءَ ھم دست نہ کپ انت –

دومی نیمگ ءَ کیچ ءِ بنجاھی شھر تربت سول نادراھجاہ ءَ ڈاکٹر ڈوٹی سر ءَ گار انت ءُ وتی ڈوٹی ءِ وھد ءَ پرائیوٹ نادراھجاھاں نندگ انت –

پہ چیک اپ کنگ ءِ ھاتر ءَ اتکگیں نادراہ بازیں اڈوجنجالانی دیمپانی ءَ کنگ ءَ انت – ایس ایم ءَ ھم اے درگت ءَ وتی شکایت کتگ کہ آ ڈاکٹرانی گوم ءَ ھوار انت ءُ دمگی واکدار ھچ وڈیں گامگیج زورگ ءَ نہ انت –

ایم ایس وت پرائیویٹ نادراھجاہ ءَ چلائینگ ءَ انت آھانی ھمے کوشست انت کہ نادراھ پرائیویٹ نادراھجاھاں بیا انت –

دمگی مردمانی رِد ءَ تربت ٹیچنگ نادراھجاہ ءَ گوستگیں دو سالیں لیبارٹری ٹیسٹ گرگ بنت – شکری ءُ سی بی سی ٹیسٹ ءَ شش سد کلدار گرگ بوتگ، پہ ایکسرا سَے سد ءُ چار سد گرگ بوتگ کہ چریشی ءَ نادراھجاہ ءَ اتکگیں نادراہ دلسیاہ انت –

ٹیچنگ نادراھجاہ ءَ گیشتر بزگریں مردم پہ الاج ءِ ھاتر ءَ کائنت – وھدیکہ پہ ٹیسٹ ءَ لیبارٹری ءَ رو انت گڈا بازیں زرے گرگ بنت – اے درگت ءَ دمگی مردماں چہ برزی تبک ءِ واکداراں لوٹ کتگ کہ تربت نادراھجاہ ءَ بنکی آسراتی دیگ بہ بنت –

سربوتگیں ھالانی رِد ءَشال ھوار بلوچستان ءِ گیشتریں دمگاں ترندیں نادراھیانی درمان نیست اِنت –

شال ءَ ھوار دگہ دمگاں شومک، (مرگی)، گردگ، ڈائیلسز، تھلیسمیا ءُ تپ ءَ ھوار دگہ بازیں نادراھیانی درمان مارکیٹانی تہ ءَ چہ گار بوتگ انت – نادراھ چہ ڈن ءَ بزاں بلیک ءَ گرانیں نھاد ءَ درمانانی زیرگ ءَ لاچار انت –

مارکیٹ بنشون ءِ رِد ءَ شال میڈیکل اسٹور ءَ کینسر، (مرگی)، گردگ ڈائلسز، تھیلیسمیا ءُ تپ ءَ ھوار دگہ بازیں اژدری درمان رسگ ءَ نہ انت –

سی ٹی سکین ءَ کارمرز بوؤکیں انجیکشن کہ ڈنی میڈیکل اسٹوراں سَے ھزار کلدار ءَ بھا بوتگ ھنو ھما انجکشن بلیک ءَ ھپت ھزار ءَ بھا بوگ ءَ انت –

ھمے وڑ نارملیں تپ ءِ ھاتر ءَ کارمرز بوکیں پیناڈول گولی ھم شال میڈیکل اسٹوراں کم انت، شال ءَ اے درمان تھنا میڈیکل اسٹورانی تہ ءَ گار نہ انت بلکیں سرکاری نادراھجاھاں ھم نہ رس انت –

امریکہ ءِ یک آمیدگسے ءَ راجدپتر ءِ توک ءَ اولی رند ءَ یک ھجاب کنوکیں زالبولے جج جوڑ بیتگ-

عرب نیوز ءِ رد ءَ جج ءِ اگدو ءَ زیروکیں نادیہ کیف مصری زالبولے ءُ آ اود ءَ وکیلے ءِ دروشم ءَ کار ءَ بیتگ-

دمگی رسانکدر ءِ رد ءَ گوستگیں سال ءَ امریکہ ءِ ریاست نیو جرسی ءَ گورنر فِلپ مرفی ءَ نادیہ کھف اے اگدو ءَ گچین کنگ بیتگ-

چریشی ءَ پد مئی ءَ کمیونٹی لیڈرز کہ چریشانی توک ءَ میئرز، کونسل ممبرز، اسکول بورڈ ممبرز ءُ نیو جعسی مسلم لائیرز ءِ رھشوناں گوں ھوار اِنت – آ مئی ءَ یک نمدی ءَ سینیٹر کرسٹن کوراڈو ءَ اے نامانی دیم ءَ برگ ءِ لوٹ کتگ-

نادیہ ءِ نام ءِ پلامرزی ءَ ھپت سد ءَ گیش مردماں آن لائن پٹیشن سائن کتگ –

نادیہ کھف امریکہ ءَ مزنیں آمیدگساں ججی ءِ واستا گچین بوتگیں سیمی مسلمانیں زالبول اِنت- آئی ءَ گوستگیں ھپتگ ءُ اے پاک تاک ءَ گوں اگدو ءِ سوگند چست کتگ کہ آئی ءِ بلک ءَ داد داتگ بیتگ-

مراگش ءِ سوگندواری ءِ نیاد ءَ آئی ءَ گوشتگ ’ من امریکہ ءَ مسلمان ءُ عرب کمیونٹی ءِ نمائندگی کنگ ءَ پھر سما کن آں ‘-

نادیہ کھف ءَ دیمتر ءَ گوشتگ کہ’ من لوٹ آں نوکیں نسل ءَ بہ گنداں وتی دین ءَ ابید ءِ ترس ءُ امل کنگ ءَ آں – آئی ءَ گوشتگ اے رنگ مئے تاکت اِنت اے کمزوری نہ اِنت ‘

نادیہ کھف ءِ کھول لاء ءَ گوں بندوک اَنت ءُ آئی ءَ سال دوھزاد ءُ سَے ءَ نیو جرسی ءَ مسلمانانی واستا شھری ھکانی گل کونسل آف امریکن – اسلامک ریلیشنر ءِ گون ءَ بندوک بیتگ-

نادیہ کھف ءَ سوگندواری ءَ پد ھمے روچ ءَ اسلامی اسکارف ءِ گروکیں یک دگہ کھولے ءِ لاء وکیل دالیا یوسف ءَ ھن سامر سیٹ نیوجرسی ءَ جج ءِ اگدو ءِ سوگند وارتگ-

گوستگیں لھتے سالاں امریکہ ءَ جھمنندین بالی وڈ ءِ ازمکار پریانکا چوپڑا ءَ یک انٹرویو ءِ تہ ءَ گوشتگ کہ آئی ءَ بالی وڈ ءَ یک جاھے ءَ دومی جاہ ءَ ھمے واستا روگ کپتگ کہ اود ءَ من ءَ دیوال ءَ جنگ ءَ بیتگ اَنت-

انڈین ایکسپریس ءِ رد ءَ ازمکار ءَ ڈیکس شیفرڈ ءِ پوڈ کاسٹ ’ آرم چیئر ایکسپرٹ ‘ ءَ گوں گپ کنان ءَ آئی ءَ لھتے مردمانی گون ءَ جیڑہ ودی بوتگ چریشی ءِ سبب ءَ آئی ءَ را بالی وڈ ءِ نیمگ ءَ لھتے مردم ڈالچار کنگ ءَ اَنت-

پریانکا چوپڑا ءَ گوشتگ کہ ’ من ءَ بالی وڈ انڈسٹری ءِ دیوال ءِ نیمگ ءَ چگل دیگ ءَ اَنت مھلوک من ءَ تامراں کاسٹ کنگ ءَ نہ اِنف چریشی ءِ سبب ءَ لھتے جیڑہ ھست اَنت کہ اود ءَ انیگیں سیاست ءِ سبب ءَ مردم گوش ئیگ ءَ تمبوردگی سما کتگ ءُ چریشی ءَ من ءَ بریک کنگ المی کنگ کپتگ‘-

زانگ بہ بیت پریانکا چوپڑا ءَ بالی وڈ وتی ڈیبیو امریکہ ءِ ٹیلی وژن سریز ’کونٹیکو ‘ ءُ کتگ ءُ اود ءَ آئی ءَ سال دوھزار ءُ ھژدہ ءَ امریکہ ءِ ازمکار ءُ گشندہ نک جونس ءَ گوں آروس کنگ ءَ پد اود ءَ ھمک وھدی رنگ ءَ امریکہ ءَ نندوک اِنت-

پریانکا چوپڑا ءَ انٹرویو ءَ گوشتگ کہ پد ءَ انڈین ازمکار کنگنا رناوت ءَ ٹوئٹر ءَ ٹاہ داتگ ءُ گوشتگ ’ درست سرپد اَنر کرن جوھر ءَ پریانکا ءِ سر ءَ بندش جتگ ‘-

کنگنا رناوت ءَ دیمتر ءَ نبشتگ کنان ءَ گوشتگ کہ ’ پریانکا چوپڑا ءُ کرن جوھر ءِ میان ءَ جیڑہ ھست اَنت کہ چریشی ءِ سبب ءُ ازمکار ءِ دوستی گون شاہ رخ خان ءَ بیتگ‘-

آئی ءَ کرن جوھر ءِ بارو ءَ گیش نبشتگ کتگ ءُ گوشتگ کہ ھندوستانی سوجکار ءَ گون ھساب گرگ بہ بیت ’ آئی ءَ فلم انڈسٹری ءِ رواج ءُ دودمان تباہ کتگ کہ امیتابھ بچن ءُ شاہ رخ خان ءِ زمانگ ءَ ڈنی مردماں واستا اینکس زھر نہ بیتگ اَنت-