TBP Balochi

بلوچ یکجھتی کمیٹی ءِ سروک ڈاکٹر ماہ رنگ بلوچ ءَ شنگ کتگیں درشان ءِ تہ ءَ گْوشتگ کہ زورانسری آوار جنی ءِ یک تُرسناکیں دروشمے ءُ اے بلوچ چُکچینی ءَ گیش کنت-

آئی ءَ گْوشتگ کہ یک زالبولے ءِ دست ءَ نُھ مردم ءِ اکس چست کتگ ءُ شنگ کتگ گْوشتگ کہ کلات ءَ دوھزار شانزدہ ءَ لشکر کشی ءِ میان ءَ یکیں کھول ءِ نُھ مردم آوار جنگ بیتگ اِت اَنت ءُ ھنی ھم بلوچ جُھد ءِ سر ءَ جست ایر کنگ بیگ ءَ اِنت?

زانگ بہ بیت کہ چہ کلات ءَ یکیں کھول ءِ زورانسری بیگواھیں مردمانی پجّار پکار خان ء علی جان، امام داد ء پکار خان، عبدالنبی ء پکار خان، میر محمد ء پکار، داد محمد ء پکار خان، مصطفیٰ ء علی جان، میر جان ء مصطفیٰ، سبز علی ء زمان خان، تاج محمد ء زمان خان ھوار اَنت کہ انگت بیگواہ ءَ اَنت-

بلوچ نیشنل موومنٹ ءَ وتی شنگ کتگیں درشان ءِ تہ ءَ گْوشتگ کہ شھید ماسٹر عبدالخالق بی این ایم ءِ باسک اَت ءُ گل ءِ سوج ءُ شونداتانی رد ءَ چاگردی ءُ سیاسی کار کنگ ءَ اَت۔پرایمن ءُ دست ءُ گوشیں راجدوستیں باسک پاکستانی پوج ءَ کشتگ۔

جارکش ءَ گْوشتگ کہ ماسٹر عبدالخالق ء دوست محمد چیری مالار آواران ءِ نندوک اَت۔پارٹی آئین ءِ رد ءَ لھتے ماھاں دوزواہ بیگ ءَ پد سال 2018 ءَ آ تچکے ءَ گل ءِ باسک کنگ بوت۔

جارکش ءَ گْوشتگ کہ آ بلوچ آجوئی ءِ زْرمبشت ءِ راستیں دوزواہ ءُ جھدکارے ءِ بستار ءَ گوں آجوئی ءِ جھد ءَ بندوکیں ھمبلانی کمک ءَ گون اَت۔آ ماں مالار ءَ وتی ڈگارانی سر ءَ کار ءَ اَت کہ پاکستانی لشکر ءَ نشانگ کرت ، آ 13 اگست 2024 ءَ شھید بیتگ۔

بلوچ راجی زْرمبشت ( بی این ایم ) آئی ءَ ستک ءُ ستا درشان ایت۔ آ گوں بلوچ ءِ آجوئی ءِ زْرمبشت ءَ بندوک اَت پمیشکا بی این ایم آئی ءَ بلوچ آجوئی زْرمبشت ءِ شھید لیک ایت۔

بلوچستان لبریشن فرنٹ ءِ جارکش میجر گوھرام بلوچ ءَ وتی شنگ کتگیں درشان ءَ گوشتگ مئے سرمچاراں پانزہ ءُ شانزہ اگست ءِ شپ ءِ دوزدہ ءَ شاپک ءَ بارگ کوہ ءِ سر ءَ برجاھیں زورگریں پاکستانی لشکر ءِ بنجل ءِ سَے سنگرانی سر ءَ یکیں وھد ءَ اُرز کُرتگ۔داں پانزہ دمان ءَ برجاہ بیتگیں اُرش ءَ نوکین ءُ ٹوھیں سلاہ کارمرد کنگ بیتگ کہ چہ ایشی ءَ دژمن ءِ دو کارمند مُرتگ ءُ سَے ٹپی بیتگ۔

جارکش ءَ گوشتگ بلوچ راج ءِ سرمچار پہ وتی ماتیں دیار ءَ وتی جاناں ندر کنگ ءُ دژمن ءَ ھرچ پِڑ ءَ پروش دیگ ءَ اَنت۔

جارکش ءَ گوشتگ بلوچ سرمچارانی توان بلوچ راج اِنت کہ راج ءِ کمک ءَ گل یک سرجم ءَ توانمند جوڑ بیتگ کہ ھر پِڑ ءَ دژمن ءِ سر ءَ اُرش کنگ ءُ پروش دیگ ءَ اِنت۔آ وھد دور نہ اِنت کہ جھان ءِ نکشہ ءِ تہ ءَ بلوچستان یک آجوئی ڈیھے ءِ دْروشم ءَ درا بیت۔

میجر گوھرام بلوچ ءَ گوشتگ بلوچستان لبریشن فرنٹ اے اُرش ءِ زمہ واری ءَ منّ ایت۔داں سرجم ءَ ریاست ءِ لشکر ءِ دراھگ ءَ دژمنیں لشکر ءِ سر ءَ اُرش برجاہ بنت اِنت۔

شال ءِ کوچگی دمگ ءَ پاکستانی پوج ءِ ھیلی کاپٹرانی برز ءَ بال یکشل ءَ برجاہ اِنت –

ھالانی رد ءَ زرگون ءُ آئی ءِ ھواریں دمگ شعبان، سریشہ، ولی تنگی، تورشار ءَ گوستگیں روچ ءَ چہ پاکستانی پوج ءِ ھیلی کاپٹر یکشل ءَ بال اَنت-

واکداراں داں انگت ءَ اے درگت ءَ اھوال دیم ءَ نیاؤرتگ اَنت-

دمگی مردمانی رد ءَ مروچی تیرگواری ھم کنگ بیتگ بلے دگہ تاوانانی اھوال دیم ءَ نیتکگ اَنت –

نوکیں برگیڈ

مھسن دیدگ

دی بلوچستان پوسٹ

نوکین برگیڈ ءِ بیت جُوڑ پدا گِریشگ ءَ ￴
منسب ءِ واتر بیت دُوبر پدا گِریشگ ءَ

دَمک ءُ دَر ودار اَنت منسب کنت پدائی پدا
نام ءَ پہ ￴نیلین زر ءِ ءُ ￶ پہ گنجین گَوادر ءَ

نام ءِ ￵پدا دنیا دنت دُوبر شھیدین سابر ءَ ￴
ندریگ بُوت پہ مادرین ھنکین ءَ ￴ پہ گِریشگ ءَ

ھمید ھمرا اَت گُوں ھمبلاں ￴شھید بُوت پہ مادرا
نام ءِ شھیدی ءِ ￵￵کمال دات وت ءَ ￴پہ وتی مادر ءَ ￴

مُھسن بجزم تو دل ءَ ￴چُو گَونڑین امداد ءِ ￵وڑا
شبیر بُوت شھید مادرین وتن ءَ ￴پہ ریکزر ءَ ￴

ھدا ءِ ￵نام ءَ ￴لچھے

اے آر داد

دی بلوچستان پوسٹ

شّر نہ ات؟
کمیں بہ اتکین ئے￷ اے دریگ ءِ ￵ دیم ءَ ￴
چنچو روچ
اے مہرنگ ءُ ￶میار
شرتگ ءُ ￶توپان ءَ ￴
وداریگ ات انت پتو
گْواتے ءِ ￵رنگ ءَ ￴
موجے ءِ ￵کِشک ءَ ￴
کمیں وت ءَ ￴سھرا وَ کتیں!
کَنگ ءُ ￶چِرینک
کَپوچُکّ
کامبو ءِ ￵ رنگ ءَ ￴ بہ اتکین ئے￷
ودار ءِ ￵کِشک ءَ ￴
آ شپاں مھکانی ات
تو پہ ازت ءُ ￶ درْھبات
اگاں اتکین ئے￷،
اتکگ انت
وش اتک ءَ ￴،
استال ءُ ￶بوجیگ
مہمان وداریگ اتنت دانکہ دیر ءَ

بلوچستان ءِ دمگ چاگی ءَ صدر ھند دالبندین ءَ پنچ مردم ءِ لین کمبھاں چہ بستگیں لاش دزکپتگ اَنت-

بنداتی ھالانی رِد ءَ اے مردم گورنمنٹ بوائز ڈگری کالج ءِ ھمگرنچ آبادی والوکیں دمگ ءَ لین کمبھاں چہ بستگ اَنت کہ آیانی لاش جمعہ ءِ سھب ءَ دمگی مردماں دیستگ اَنت-

لاشانی اکساں زانگ بیت کہ اے مردم تیرجتگ ءُ کُشتگ اَنت-

بلے تنی وھدے مردمانی پجّار انگت نہ بیتگ اَنت نانکہ کوش ءِ سوب زانگ بیتگ-

بلے اے پدر کنگ بیگ ءَ اِنت کہ اے کار ایران ءَ پُرکاریں سلاہ بندیں گل جیش العدل ءِ بیت کنت کہ آئی ءَ چیزے وھد ءَ ساری وتی کُشگ بیتگیں راھشون مراد نوتیزئی ءِ کوش بھتام ءَ پنچ مردم دزگیر کتگ اَت آیانی منّانکیں تامُر ھم شنگ کتگ اَت-

اے درگت ءَ گیش پٹ پول لاشانی پجّار کنگ ءَ پد گیشیں ھال سرپدی بیت-

راھشون ءُ مھرنگیں راھشون

نبشتہ کار: عُظمیٰ بلوچ

دی بلوچستان پوسٹ

ھر وڑیں جھد ءِ تہ ءَ آشوبی لیڈرشپ یک مزنیں کردے پیلو کنت۔ ھمے پیم ءَ ھر جُھد ءِ تہ ءَ لس مھلوک چہ لیڈرشپ، وژن ءُ دْراجیں شوربندی ءَ سانمند بیت۔ آ جُھد ءَ ھوار اَنت ءُ آشوب کار اَنت۔ لیڈرشپ ڈرائیور اِنت ،وژن راہ ءِ گیشینگ اِنت، ءُ مکسد منزل اِنت۔ ھرچ زُرمشت ءِ تہ ءَ لیڈرشپ ءِ یک مھکمیں ءُ برجمیں کردارے ھست بیت انت۔ چہ جُنز ءِ لاپ ءَ راست ءُ اسلیں لیڈر شپ ودی بیت کہ آ جُنز ءَ را یکجاہ کنان ءَ سوبمندی ءِ دیم ءَ جُنزان کن انت ۔لیڈرشپ ءِ راھشونی رندگیری پیداک کنت۔ ھمے پیم ءَ لیڈر ءُ رندگیر ءِ مکسد راجی مکسد جوڑ بیت ءُ گوں راجی جزبہ ءَ ھمگرنچ ءُ شناسا بِہ اَنت۔ راج ءِ جھگیری کنوک ھما لیڈر اِنت کہ راج ءِ اَسل مکسد ءُ لوٹاں پیلو بہ کنت۔

لیڈر دو ترز ءِ بنت۔
Transactional Leadership
اے لیڈرے نہ اِنت بلکیں کار ءُ باری ءُ بیپاری مردمے زانگ بیت۔ ایشی ءِ مکسد گوں دومی مردماں سیادی تھنا زَرّی سیتانی بنیاد ءَ بیت۔ اے ترز ءِ کار ءُ باری لیڈر اگاں چیزے دنت گڑا بدل ءَ چیزے لوٹ ایت۔

James Macgregor Bums
Such leadership occurs when one person of exchange of valued things contract others. The exchange may be economic political or psychological in nature.

بزانکہ سیادی ءُ سیاست تھنا کار ءُ بار ءُ دکانداری ءِ بنیاد ءَ بیت۔ اووٹ بہ دے ءُ زرّ بُزور۔ الیکشن مِھم بہ کن ءُ نوکری بُزور۔ زرّ بہ دے ءُ ٹیکہ بُزور ۔پارٹی ءُ کنڈیدیٹ ھر گپ ءَ جی جی بہ کن۔ کار ءُ باری ءِ سیاست ءِ تہ ءَ سیت ءِ سیاست بیت۔ اے ترز ءِ سیاست ءَ ٹرانزیکشنل ارینجمنٹ ءُ بارگین ءِ سیاست گوش اَنت۔ مھاھدہ یک الیکشنے ءَ بِگر تاں دومی الیکشن ءَ بیت۔ مرچی کسّے یک گلے ءِ بیرک ءِ چیر ءَ اِنت گڑا باندا دگہ گلے ءِ چیر ءَ مُچ ءُ ھوار بیت۔ سیاسی سیادی سیتانی بُنیاد ءَ جوڑ بنت۔ وھدے سیت ھلاس بیت گڑا سیاسی سیادی ھم ھلاس کنگ بہ بیت۔

Transforming Leadership
ٹرانسپورمینگ لیڈرشپ راستیں ءُ آشوبی لیڈر زانگ بنت۔ اے لیڈر شپ وتی سرجمیں جذبگاں، مارشتاں ءُ واھشتاں راج ءُ راجی سیتانی واست ءَ کُربان کنت۔

ٹرانسپورمینگ لیڈرشپ ءِ کوالٹی ایش انت کہ آ لس مھلوک ءَ موبلائز کنت۔ یکجاہ ءُ یکمُشت کنت ءُ راستی ءِ بابت ءَ سماھی دنت۔ اے پیمیں لیڈرانی بابت ءَ گوشگ بیت کہ

“History is made by masses of people, not by individuals. Leaders are agents for the majority.”Nelson Mandela

راجدپترانی جوڈ کنوک لس مھلوک اِنت۔ ھما مھلوک کہ لیڈرشپ ءِ پدگیری ءَ کنت ءُ لیڈر شپ لس مھلوکانی جھگیری ءَ کنت۔ بلوچ راجمانی سیاست ءِ تہ ءَ ما گند ایں کہ لیڈرشپ گیپے بوتگ کہ آئی سبب ءَ بلوچ ءَ را باز تاوان وارتگ۔ ماں سیاسی پِڑ ءَ چہ لیڈرشپ گیپ ءَ زورآور ءَ باز پائدگ ھم چست کُتگ۔ انچش کہ وتی جوڑ کُتگیں لُچیں رھشون ءَ بلوچ راج ءِ لیڈرشپ گیپ ءَ را پُر کُتگ۔ بازیں براں رھشون رول کونفلیکٹ ءِ آماچ بوتگ اَنت، کہ آیاں بلوچ راج ءِ جھگیری کنگ ءَ سوبین نہ بوتگ اَنت۔ بلوچ راج ءَ را انچیں رھشونے ءِ لوٹ بوتگ کہ آ بلوچ راج ءِ اَسَل مانا ءَ بلوچ ءِ جھگیری ءَ کُت بِہ کن۔

ڈاکٹر ماہ رنگ ءِ لیڈرشپ: بانک ماہ رنگ ءِ لیڈرشپ ءِ مستریں سوبمندی ءِ سبب ایش انت کہ ماہ رنگ بلوچ لس مھلوک ءِ جھگیری ءَ کنگ ءَ اِنت۔ ریاست ءَ ھزاراں پندل ساز اِت کہ بلوچ راجی مُچی سوبین مہ بیت۔ استان ءَ بلوچ راجی مُچّی ءُ ڈاکٹر ماہ رنگ ءِ بگیری ءَ دو ترز کارمرز کُتگ ات۔ یک دستے ءَ زوراکی ، پورس ءُ زُلم ءِ کارمرز کُتگ ات اَنت کہ پہ بلوچ نوکیں چیزے نہ اِنت ءُ دومی دست ءَ سوفٹ پاور ءِ کارمرد کنگ انچش کہ پروکسی ءُ دری ایجنٹ ءِ پندل سازی ، نیٹورکانی بندگ ءُ پروپِگیٹیو – ناریشن ءِ جوڑ کنگ۔ آئی ایس پی آر ءِ ھمے پروپِگیٹیو -ناریٹیو کہ راجی مُچی ءِ رھشونی کنوک گوں بانک ماہ رنگ ءَ ھوار ڈنّی ءُ دری ایجنٹ اَنت ءُ آیانی مول انتشار شینگ کنگ اِنت۔ استان ءُ آئی ءِ ترامگیج ما دیست اَنت کہ بار بار پُرو پِیگیٹیو- ناریشن ءِ جوڈ کنگ ءِ جُھد ءَ ات اَنت۔ بلے آسر ایش بوت کہ استان ءَ تاکت ءُ سوفٹ پاور ءِ کارمرز کنگ ءَ ابید ھم بلوچ ءِ دست ءَ پروش وارت۔ آئشہ صدیقہ ءِ رِد ءَ ناریٹو ءِ جوڈ کنگ ءَ بی وائی سی ءَ ریاست باج بورتگ۔ جُنز رھشون جوڑ ءُ مھکم کن اَنت۔ ماہ رنگ ھما رھشون اِنت کہ آ چہ بلوچ راجی زرمبش ءِ لاپ ءَ ودی بوتگ۔ مرچی بلوچ راج کہ ماہ رنگ ءِ منّوک اِنت ءُ کسانین مُدتے ءِ تہ ءَ بی وائی سی ءَ بلوچ راج ءَ را یکجاہ ءُ یکمُشت کُتگ ءُ آئی ءِ سبب ایش انت کہ بلوچ ءُ بلوچیت، بلوچ ءِ پجار ءُ بلوچ ءِ ڈیھ ءِ گپ ءَ کنگ ءَ اِنت۔ درستاں چہ مستریں ھبر ایش اِنت کہ ریاست بلوچ چُکچینی ءِ ھلاپ ءَ اُشتاتگ۔

” The first act of genocide was the act of colonization. All other genocidal acts were secondary to that, including the acts of occupancy.”Ghilllar Michael Anderson-

بلوچ چُکچینی ءِ بگیری بی وائی سی ءِ سیاسی گھگیری ماں بلوچ راجی زُرمبش ءَ یک نوکیں ترزے ءِ سیاست اِنت۔بلوچ راج ءَ 75 سال اِنت کہ ریاستی زُلم ءُ زوراکی ءِ آماچ اِنت۔ اگاں ما ریاستی شوربندی ءَ بلوچ چُکچینی ءَ تپاس کن ایں ، گڑا ھمے گندگ ءَ کیت کہ بلوچ ءِ سیاسی چُکچینی بہ بیت کہ زرّی چُکچینی ءُ دودمانی چُکچینی بہ بنت یاکہ بلوچ ءِ بنیادی ءُ مردمی اُگبالانی ھلاپ ورزی بہ بیت۔ یاکہ اُگبالانی ھلاپ ورزی بہ بیت۔ اےسرجمینانی بنھشت کولونائیزیشن ءِ بنیاد اِنت۔ پرچا کہ چُکچینی ءِ اوّلی اَمَل کولونائیزیشن اِنت۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسانی درشانی انت

شوھاز ءُ نگد ءُ چکاس ءِ مانا

نبشتہ کار: شاھد اھمد

ھپتمی بھر

دی بلوچستان پوسٹ

پٹ ءُ پول ءِ سرھال ءِ رھبند پٹ ءُ پول ءِ اولی گام “سرھال ءِ گچین” اِنت۔ اے گامگیج ءِ سیادی ءِ بابت ءَ بُرز ءَ گپ جنگ بوتگ۔ گچین کتگیں سرھال ءِ یک رھبندے ءُ آئی ءِ رد ءُ بند نوں دیم ءَ بیان کنگ بوتگ اَنت۔ خاکہ اسل ءَ ریسرچ ءِ اَمل ءِ دومی مستریں گامگیج اِنت-

ڈایاگرام ءِ بزانت کاکہ ءَ عربی ءَ “خطہ” ءُ انگریزی ءَ “synopsis” گْوش اَنت۔ اے گال ءِ لبزی بزانت “یکجاہ چارگ” اِنت۔ Syn ءِ بزانت “یکجاہ” اِنت ءُ opsis ءِ بزانت “گندگ” اِنت۔

اگاں پٹ ءُ پول ءِ واست ءَ گچین کتگیں بنگپے ءَ را تاک، نبشتانک ءُ ترانانی تہ ءَ بھر کنگ بہ بیت گڑا آئی ءَ را آؤٹ لائن (out line)گشگ بیت۔ ڈاکٹر گیان چند اے. جے ڈایاگرام ءِ بزانت ءِ ھوالہ ءَ چوش بیان کتگ:

ڈائیگرام ءِ بزانت چہ جتا جتائیں ماناھانی بھر ءُ بانگ، بندوبست ءُ یکے دومی ءَ گوں سیادی اِنت۔ ھما پلان کہ زند ءِ ھر پڑ ءَ کار کنگ ءَ پیسر جوڑ کنگ بیت، نہ ایوک ءَ کتاب ءِ تہ ءَ، آئی ءَ را رھبند گْوشگ بیت۔

نکشہ (اسکیچنگ) یک برجاھیں اَملے آؤٹ لائننگ یک تھیسس ءِ تیاری ءِ وڑیں یک برجاھیں اَملے، یکے ءَ وانگ ءِ بندات کنگ ءَ پیسر مجگ ءَ ایشی ءِ بابت ءَ یک ھیالے بہ بیت۔ اگاں نیست اِنت، گڑا بہ نند وتی اگلاکیات ءَ کارمرز کن، ءُ یک شکلے ءِ بزانت ءَ بہ کن، ھرچ وڑیں آرگ ءِ رنگے ءَ بہ بیت۔ پدا مواد ءَ یکجاہ کن اِت، وانگ ءُ بندوبست کن اِت۔ اے گپ ءِ سک باز امکان اِنت کہ چہ ایشی ءَ پیسر مواد ءِ رژنائی ءَ جوڑ بوتگیں اداروکی نکشہ ءَ ترمیم کنگی اِنت۔ چہ ایشی ءَ پد ، وھدے کہ شما چیک کن اِت ، گڑا شما گند اِت کہ لھتیں سرھالانی سر ءَ باز نبشتہ کنگ بوتگ ، ءُ لھتیں سرھالانی سر ءَ سک کم پد ءَ، بابانی گروہ بندی ءُ ترتیب ءِ زلورت بوت کنت۔

بابانی اندری بھرانی ترتیب گوں ترمیم ءَ یا پد ءَ بدل کنگ بیت کنت۔ پد ءَ اسکیچ ءَ را ھلاس کنگ لوٹ اِیت۔ وانوکاں کہ اسکیچ ءِ تیاری ءُ آئی ءِ گڈی دروشم ءِ تہ ءَ پڑ ھست انت۔

اولی مسودہ ءِ بندات ءَ مواد ءِ داتگ ءُ وانگ ءَ پد ، گڈی مسودہ ءَ پد ، اگاں مسودہ اے وڑ ءَ دیمروی ءُ یکجاہ کنگ ءَ بہ بیت گڑا گڈی مسودہ سک، تنگ ءُُ یکجاہ بیت۔

ڈایاگرام ءِ ارزشت ءُ کارمرز پٹ ءُ پولی پڑاں چہ آؤٹ لائن ءِ پڑ سک باز المی اِنت۔ اے سرجمیں پٹ ءُ پولی شور بندی ءِ رد(Research Proposal) ءَ نبشتہ کنت۔ اے ھما جاہ ءَ اِنت کہ یک ماڑی ءِ نکشھے ءِ بستار ءَ اِنت۔ اگاں نکشہ ءِ جوڑ کنگ ءَ پیسر جوڑ کنگ مہ بہ بیت گڑا آئی ءِ ڈھانچہ ءِ تہ ءَ بازیں نکس ءِ امکان ھست انت، چوشکہ: اے اَملی رد ءَ بے سان بوگ ءِ ھترہ ءَ بوت کنت۔ ایشی ءِ جمالیاتی بھر ءَ ھم بے رنگ ءَ تاوان رسگ ءِ امکان اِنت۔ ھمے رنگ ءَ اگاں پٹ ءُ پولکار پٹ ءُ پولی پروجیکٹ ءِ اولاین ءَ پیسر ءَ تیار مہ کنت گڑا بوت کنت کہ آئی ءِ کار ءِ تہ ءَ بازیں ردی یے بہ بیت یا آئی ءَ بازیں جنجالانی دیمپانی کنگی اِنت۔ یک پٹ ءُ پولکارے کہ پٹ ءُ پولی جاور ءِ جیڑہ ءُ مشکلاتاں گوں دلگوشی ءَ نہ چار اِیت، نہ وشیں (Hypothesis) جوڑ کنت ءُ نہ کہ زانتکاری ءِ جم کنگ ءِ ھاتر ءَ جریدگیں رھبنداں وتیگ کنت۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسانی درشانی انت

بیگواھی ءِ شش سال ھکومت ءُ آمیدگسانی نہ دلگوشی ءَ چہ انساپ ءِ لوٹگ گران اِنت-

پاکستان ءَ گوستگیں شش سالاں چہ زورانسری آوار جنی ءِ نشانگ بیتگیں بلوچ باسک راشد حسین بلوچ ءِ مات ءَ گْوشتگ کہ پاکستان ءَ آمیدگس انساپ دیگ ءَ بے سوب بیتگ اَنت ءُ ریاست بلوچ جیڑہ ءَ گیشینگ ءَ واھگ دارگ ءَ نہ اِنت-

رسانکدر ءَ وتی یک تامُربندیں کلوھے ءَ بلوچ باسک ءِ مات ءَ شال ءَ ساڑی ئیں سیاسی ءُ درسیاسی سرجمیں پڑ مردماں چہ دزبندی کن آں کہ آ ھژدہ اگست ءَ راشد حسین ءِ یل نہ کنگ ءِ بگیری ءَ بیوکیں روانک ءَ بھر بزور اَنت-

راشد حسین ءِ مات ءَ دیمتر ءَ گْوشتگ کہ انساپ ءِ ھاتر ءَ سرجمیں کانودی دروازگ ٹُکّ اِتگ اَنت انساپ ءِ لوٹ کتگ کراچی ءَ چہ شال ءُ شال ءَ چہ اسلام آباد ءَ آمیدگس ءَ تاں دروازگ ٹُک اِتگ اَنت بلے انساپ دیگ نہ بیتگ-

آئی ءَ گْوشتگ کہ پاکستان ءَ کانودی دروشم ءَ چہ انساپ لوٹ سک گران جوڑ بیتگ ھمے ھاتر ءَ زورانسری بیگواھیں مردمانی واستا توار چست کنگ الّمی اِنت-