TBP Balochi

بلوچستان ءِ جتاجتائیں دمگ کیچ ءُ مستونگ ءَ تیرگواری ءَ چہ دو مردم بیران بیتگ اَنت-

گیشیں ھالانی رِد ءَ تربت ءِ دمگ آپسر مھرے ھوٹل ءِ نزیک ءَ ناشناسیں سلاہ بندیں مردماں تیرگواری کتگ ءُ یک مردمے کُشتگ کہ آئی ءِ پجّار عابد ء وشدل جھمنند آپسر نام ءَ چہ بیتگ-

پولیس رِد ءَ اے مردم پنچر دکان ءَ کار ءَ بیتگ –

ھمے وڑ مستونگ سلاہ بندیں مردمانی تیرگواری ءَ چہ یک مردمے بیران بیتگ-

تیرگواری ءِ وئیل نوشکی بازار مل اڈہ ھند سر ءَ بیتگ-

اِھوالکار گْوشگ اِنت کہ کُشگ بیتگین ءِ سیادی چہ سندھ ءَ اِنت کہ نوشکی ءَ ٹوپی باپاری ءَ بیتگ-

بلے تنی وھدے وئیلانی سوب زانگ نہ بیتگ اَنت-

بلوچ ءِ مُھکمیں زبان ءُ آئی ءِ ربیدگ

نبشتہ کار: شَکّل بلوچ

دی بلوچستان پوسٹ

یک راجے ءِ مستریں پجّار گوں آئی ءِ زبان ءَ بندوک اِنت۔ بلوچی زبان بلوچ راج ءِ راجی زبان اِنت، بلوچ راج ءِ بُندریں زمین بلوچستان اِنت۔

وھدے کہ ھر دور ءُ باریگاں مدام دری راجاں بزاں زوراوراں بلوچستان ءِ سر ءَ ،زمین ءِ سر ءَ چمشانک داتگ، چوناھا بلوچستان دری زوراورانی نیمگ ءَ یک ارزشتے دار اِیت پہ لُٹ ءُ پل ءِ واست ءَ بازیں پندلاں پہ بلوچ راج ءِ سر ءَ سازینتگ۔

زوراور مدام اگاں یک نزوریں زمینے ءِ سر ءَ کبزہ ءِ نیت داشتگ گڑا درستاں چہ پیش زوراور ءَ نزوریں راج ءِ زبان، دود ءُ ربیدگ ءُ چاگرد رھبنداں پیسر ءَ وَ الم وان اِیت پرچا کہ ابید یک راجے ءِ زمین ءِ کبزہ کنگ ءَ بلوچ زندگیانی وانگ اژدری بیت، درستاں چہ پیش آ راج ءِ زندگی ءَ یکشل ءَ مٹ کنگ ءِ جُھد ءَ کن اَنت، آئی ءِ کوھنتریں راجدپتری مواداں ایر جنت کہ شما وَ بلاھیں جاھل اِت۔

شمئے زندگی وَ بے کار اِنت گڑا آ پندل سازی کن اَنت گیشاں گیش نزوریں راج ءِ ایردست کنگ ءَ پیسر ءَ آئی ءِ سر ءَ وتی ھساب ءَ وانگی رھبند ٹھین اَنت ءُ نزوریں راج ءِ سر ءَ مُش اَنت ئِے، آئی ءِ زبان ءَ جاھل گُش اَنت کہ چُشیں جاھلیں زبان ءِ وانگ ءَ شمارا ھچ سِیت ءُ پائدگ نہ رس اِیت۔

چہ ایشی ءَ پد میزان میزان ءَ آئی ءِ سر ءَ دری زبان ءِ وانگ ءَ ایردستیں راج ءِ زبان ءِ سر ءَ سک باز سان کپ اِیت، ءُ نیکہ تَھنا آئی ءِ زبان ءِ سر ءَ سان کپ اِیت بلکیں آئی ءِ پورائیں زندگانی ءِ سر ءَ سان دور دینت۔

بلوچ ءِ زبان ءِ گار کنگ ءَ زوراور ءِ بلاھیں دستے مان بیت ءُ پد ءَ آئی ءُ چاگرد رھنداں ولگوج کنگ ءَ دگہ ھم پندل سازی کن اَنت۔

ایشی ءِ مستریں مکسد زوراور ءِ ایش اِنت کہ ھما راج ءِ زمین ءِ سر ءَ وھدے کہ سامراج وتی چماں ایر کنت گڑا آ ایردستیں راج ءِ چُکچینی ءَ بندات کنت۔

بلوچ ءِ ماتی زبان وھدے کہ گار بیت، گڑا بزاں بلوچ گوں وتی زمین ءَ یکشل ءَ بے گواہ بیت۔ نوں باید اِنت بلوچ راج اے چیزاں سرپد ءُ پوہ بہ بنت کہ راجے کہ مان اِیت گڑا آئی ءِ زبان ءِ منّت ءَ مان اِیت۔

بلوچ ءِ راجدپتر چہ بُندر ءَ مُھکمیں، آئی ءَ وت ءَ یک مُھکمیں زمینے ھست، مُھکمیں وت ءَ زبان ھست ءُ دود ءُ ربیدگ ءَ ابید ھم یک مُھکمیں دودمانے ھست اِنت۔ نی باید اِنت کہ بلوچ وتی مُھکم کنگ ءَ تپاک بہ بیت ءُ چہ وتی ماتیں زمین ءَ زوراور ءِ دست ءَ بہ رکین اِیت۔ شالا بلوچ راج زندگ بات ، بلوچستان آجو بات۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسانی درشانی انت-

بلوچستان ءِ دمگ پشین ءَ بمب تراکے ءَ چہ دو زھگ بیران ءُ کم چہ کم دوازدہ مردم ٹپیگ بوتگ اَنت کہ آھانی تہ ءَ پولیس ءِ کارندہ ھم ھوار اَنت۔

ھالانی رد ءَ پیشین پولیس لائن ءِ نزیک ءَ بوتگیں تراک ءَ چہ دو زھگ بیران ءُ 12 مردم ٹپیگ بوتگ اَنت کہ آھانی تہ ءَ 5 پولیس کارمند ھوار اَنت ۔

پولیس ءِ رد ءَ تراک ءَ گاڑی ءُ موٹر سائیکل ھم تاوان بوتگ انت ۔

مردگ ءُ ٹپیگ اسپتال ءَ سر کنگ بوتگ اَنت بلے انگت ءَ کس ءَ اے وئیل ءِ زمہ واری نہ من اِتگ۔

ایرانی لشکر ءَ تیرگواری کنان ءَ یک دکاندارے کُشتگ-

گیشیں اھوالانی رد ءَ روکپتی بلوچستان ءِ دمگ ھاش ءَ ایرانی لشکر ءَ تیرگواری کتگ ءُ یک مردمے کشتگ-

کُشگ بیتگیں مردم ءِ پجار پنجاہ سالی ئیں تاھر جمالزئی ءِ نام ءَ زانگ بیتگ –

تیرگواری ءِ وئیل ھاش ءِ دمگ توھید آباد ءَ پیش اتکگ کہ اود ءَ ایرانی لشکر ءَ یک گاڑی ءِ رندگیری کنان ءَ آئی ءِ سر ءَ تیرگواری کتگ ءُ یک مردمے کُشتگ –

وئیل ءَ پد مھلوک ءَ زھرشانی کتگ ءُ انساپ ءِ لوٹ کتگ چریشی ءِ پژدر ءَ دمگدار ءَ مھلوک بیم داتگ اَنت –

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ 19 اگست 2024 ءَ ￴سرمچار شھید میجر انجینئر نصراللہ پنام چاکر سراوان، مستونگ ءِ ￵ھند آپ گل ءَ ￴دژمنیں پوج ءِ ￵گون ءَ ￴دیم پہ دیمی میڑے ءَ ￴شھید بوتگ۔ آئی گوں نہ ترسی ءُ ￶وتی درسیں ھمبل کش اِتگ اَنت ءُ ￶شھیدی ءِ ￵گرانبھائیں نام ئے￷ کٹ اتگ۔

جارکش ءَ گْوشتگ کہ شھید انجینئر نسر اللہ پنام چاکر 2001 ءَ ￴واجہ مراد گجر مشکے جاہ منند ءِ ￵گس ءَ ￴ودی بوتگ، یک سول انجینئر، سکا کابل، جپاکش، زانوگر، نہ ترس ءُ ￶ایمانداریں بلوچ پسگے اَت، آ بلوچستان ءِ ￵سر ءَ ￴پاکستان ءِ ￵زوریں دستیگی ءُ ￶راجی ایردستی ءِ ￵بگیری ءَ ￴آجوئی جھد ءِ ￵پڑا پہ وتی کرد ءِ ￵پیلو کنگ ءَ ￴2017 ءَ ￴بلوچستان لبریشن فرنٹ ءِ ￵لڑا ھوار بوتگ۔ چہ آئی بودناکی ءُ ￶جوانیں کارشونیانی بنیاد ءَ ￴بی ایل ایپ ءَ ￴سراوان ءَ ￴سروکی ءِ ￵زمہ واری داتگ ءُ ￶مجیر ءِ ￵اگدہ ءَ ￴گچین کرتگ۔ شھید ءَ وتی زمہ واری جوانیں وڑے ءَ ￴پیلو کرتگ اَنت ءُ ￶ھمبلانی ھمراھی ءَ ￴کسانیں وھدے ءَ ￴بلوچستان لبریشن پرنٹ ءَ ￴مچ، بولان، مستونگ،کلات، کچھی ءُ ￶سیوی ءَ ￴مھکم کرتگ۔ مجیر نصراللہ ھمے ھنداں بلوچ راجی آجوئی سنگر ( براس ) ءِ ￵لشکری کاراں جوانیں کردے پیلو کرتگ۔ چہ وتی وش تبی ءُ ￶نہ ترسی ءِ ￵سوب ءَ ￴داں شھیدی ءَ ￴اوتاک ءِ ￵کمانداری ءِ ￵زمہ واری گون ئے￷ بوتگ اَنت۔

جارکش ءَ گْوشتگ بلوچستان لبریشن فرنٹ شھید میجر نسر اللہ پنام چاکر ءَ ￴بلوچ راجی آجوئی زرمبشت ءَ ￴آئی ایمانداری کرد ءُ ￶راجی کارانی سر ءَ ￴ستک شانی ندر کنت ءُ ￶ھمے کول ءَ ￴کنت کہ داں بلوچستان ءِ ￵آجوئی ءَ ￴شھید میجر نصر اللہ ءُ ￶آدگہ شھیدانی کاروان ءَ ￴برجاہ دار ایت۔

پاکستانی پوج ءَ ورنا آوار جنگ ءَ پد ناشناسیں جاھے ءَ برتگ-

ھالانی رِد ءَ پاکستانی پوج ءَ بلوچستان ءِ دمگ کلات ءِ ھند چہ منگچر جوھان کراس ءَ ھژدہ سالی ئیں ورنایے آوار جنگ ءَ پد ناشناسیں جاھے ءَ برتگ-

پاکستانی پوج ءِ دست ءَ آوار جنگ ءَ پد بیگواہ کنگ بیتگیں ورنا ءِ پجّار سرفراز احمد ء ماسٹر ظھور احمد لانگو ءِ نام ءَ چہ بیتگ کہ منگچر خالق آباد ءِ جھمنندیں-

کھول رِد ءَ سرفراز احمد ھژدہ اگست ءِ بیگاہ ءِ زورانسری آوار جنی ءِ نشانگ کنگ بیتگ انگت دیم ءَ آرگ نہ بیتگ-

روکپتی بلوچستان ءِ دمگ ھاش ءَ ناشناسیں مردمانی تیرگواری ءَ رائیس آگاھی ( ایجنسی سروک) ھاش بیران بیتگ –

بیران بیتگیں رائیس آگاھی ءِ پجار حسین پیری ءِ نام ءَ زانگ بیتگ آ زابل ءِ جھمنند انت-

اھوالانی رد ءَ رائیس آگاھی ءِ سر ءَ لس اھوالانی توک ءَ آئی ءِ سر ءَ بھتام انت کہ دمگ ءَ مردمانی گرگ ءُ لٹ ءُ کٹی زوراکیاں ھوار بیتگ-

مروچی آ ناشناسیں مردماں تیرگواری کرتگ ءُ کُشتگ-

روکپتی بلوچستان ءِ دمگ چھبار ءَ ایرانی لشکر ءَ یک زالبولے آوار جتگ ءُ یازد روچ ءِ بندیگی ءَ پد آ زمانت ءِ سر ءَ یل داتگ ءُ پد ءَ دوبر آئی ءِ سر ءَ ماں زاھدان ءَ انکلاب نوری زاھدان ءَ یک سالے ءِ سزا بستگ –

سزا بندگ بیتگیں زالبول ءِ پجار الھام ء مھمد جھمنند ایرانشھر ءِ نام ءَ زانگ بیتگ-

الھام شانزدہ ستمبر دوھزار ءُ بیست ءُ دو چھبار ءَ پانزدہ سالی ئیں ماھو ءِ گون ءَ بوھوکیں زوراکیانی ھلاپ ءَ زھرشانی پژدر ءَ گرگ بیتگ –

آئی ءِ سر ءَ ایرانی آمیدگس ءَ بھتام جتگ کہ آئی ءَ ڈیھ ءِ ھلاپ ءَ انسٹاگرام ءُ شھر ءَ زھرشانی ءُ مھلوک ڈیھ ءِ ھلاپ ءَ برانز داتگ-

الھام ایرانی سال سِی ءُ یل مرداد چاردہ سد ءُ دو ءَ چھبار ءَ گرگ بیتگ ءُ دو روچ ءَ چھبار ءِ بندیگی ءَ پد آ زاھدان ءَ برگ بیتگ ءُ اود ءَ دَہ روچ ءِ بندیگی ءَ پد آ زمانت ءِ سر ءَ یل کنگ بیتگ بلے پد ءَ آمیدگس ءَ آئی ءِ سر ءَ بھتام جتگ ءُ گوشتگ کہ آئی ءَ ڈیھ ءِ ھلاپ ءَ انستاگرام ءَ گپ جتگ-

الھام یک انگریزی ءِ استادے ءُ آئی ءِ سر ءَ سزا بندگ ءَ دگہ استاداں زھر ءِ لیکہ درشان کتگ-

سرکاری کمیٹی ءِ سدکی ءَ پد زھرشانی ھلاس کتگ بلے یک ماھے ءِ گوزگ ءَ پد ھم واکدارانی نیمگ ءَ ھچ گامگیج زیرگ نہ بیتگ اگاں یک ھپتگے ءِ توک ءَ زھیر اھمد یل کنگ نہ بیت گڑا ما ترندیں زھرشانی کن ایں-

زورانسری آوار جنی ءِ آماچین زھیر اھمد ءِ کھول ءِ رد ءَ شال ءَ اھوالکاراں گپ کنان ءَ گوشتگ کہ ھمک روچ اے پریس کلب ءَ زورانسری ءِ آماچیں مردم کاینت ءُ شمئے وسلیگ ءَ وتی درد ءُ گماں دنیا ءَ سر کنگ ءِ جھد ءَ کن اَنت کہ بوت کنت سالاں چہ زورانسری ءِ آماچیں مھلوک واتر لوگاں واتر بہ کن اَنت ما ھم ھما سانمندیں مردماں چہ یکے-

آیاں گوشتگ زھیر اھمد ء ڈاکٹر ھاجی عبداللہ یک سرکاری ملازمے ءُ گوستگیں پانزدہ سالاں چہ پاکستان پوسٹ آفس ءَ بستار ءِ کلرک ڈیوٹی دیگ ءَ اِنت- آ پانزدہ جون پشمبتے ءِ روچ ءَ ساھت دو ءَ وتی کارگس جی پی او شال ءَ زرگون دگ ءَ وتی لوگ ءَ سر بوگ ءَ پیش روچ ء رھمانی بیگواہ کنگ بیتگ-

زھیر اھمد ءِ کھول ءَ گوشتگ زھیر اھمد سرکاری ملازمے ءُ آئی ءَ ھچ سیاسی بیک گراؤنڈ نیست انت ءُ بس ھاندانی ءُ ھونی ریشتگانی وجھ ءَ زھیر اھمد ءَ ھوار دگہ سیاد ءُ وارس ترسینگ بوگ ءَ اَنت ءُ شپانی نیم ءَ لوگانی سر ءَ بیڑ برگ بیتگ اَنت-

اھوالکاراں گوں گپ کنان ءَ کھول ءَ گوشتگ زھیر اھمد پاکستانی پورسز سی ٹی ڈی ءُ چیریں ادارھانی کارمنداں شال ءَ بیگواہ کتگ ءُ ما اے درگت ءَ پریس کانفرس ھم کتگ ءُ یل کنگ ءِ دزبندی کتگ ءُ یل نہ کنگ ءِ دروشم ءَ ما لاچار بیتگ ءُ زھرشانی کتگ –

آیاں گوشتگ زھیر اھمد ءِ یل کنگ ءِ ھاتر ءَ ما شال ءَ چاردہ روچ ءَ زھرشانی نندانک ءَ ھوار روانک کش اتگ ءُ ھمے وھد ےَ پولیس ءِ نیمگ ءَ تاکت کارمرد کنگ بیتگ ءُ بیست ءِ کچ ءَ زھرشانی کنوک گپتگ انت ءُ ایشانی توک ءَ پنچ زالبول ھم ھوار بیتگ اَنت پد ءَ چاردہ جولائی ءَ ریڈزون ءَ سرکار ءِ گون ءَ گپ ءُ تران بیتگ زھرشانی کنوکانی یل کنگ، سی ٹی ڈی ءِ سر ءَ ایف آئی آر نبشتگ کنگ ءُ پانزدہ روچ ءِ توک ءَ زھیر اھمد ءِ یل کنگ ءِ سر ءَ تپاکی بیتگ –

اے سرکاری کمیٹی ءِ سدکی ءِ سر ءَ ما پانزدہ روچ ءَ داں زھرشانی ھلاس کتگ بلے یک ماھے ءِ گوزگ ءَ پد واکدارانی نیمگ ءَ ھچ گامگیج زیرگ نہ بیتگ ءُ اے وھد ءَ بس سرکاری کمیٹی اے دیم آ دیم کنگ اِنت-

آیاں گوشتگ ما اے پریس کانفرنس ءِ زور ءَ سرکار ءَ تچک ءَ گوش ایں اگاں زھیر اھمد یک ھپتگے ءِ توک ءَ یل نہ بیت گڑا ترندیں زھرشانی کن ایں-

گڈسر ءَ آیان گوشتگ ما بلوچستان ءِ سیاسی ءُ چاگردی گلاں ھوار میان استمانی انسانی ھکانی گلاں گوں دزبندی کب ایں آ زھیر اھمد ءِ یل کنگ ءَ وتی کرد ءَ پیلو بہ کن اَنت-

بلوچستان ءِ دمگ ڈیرہ بگٹی ءِ جھمنندیں بندہ خان نظر علی بگٹی چہ شال ءَ بیگواہ کتگ-

کھول رِد ءَ آ چہ سیٹلائٹ ٹاون ءَ پانزدہ اگست ءَ آوار جنگ ءَ پد بیگواہ کتگ- بندہ خان بگٹی سیٹلائٹ ٹاون ءَ برجاھیں بگٹی ھاؤس ءِ پُشت نیمگ ءَ مسیت ءَ نماز وانگ ءَ پد درتکگ کہ آ پاکستانی پوج ءِ کارمنداں آوار جتگ ءُ بیگواہ کتگ-

زانگ بہ بیت کہ بلوچستان ءَ زورازنسری بیگواھی تُرسناکیں وڑے گیشی اتکگ-

بلوچ سیاسی ءُ چاگردی مردمانی نیمگ ءَ زورانسری آوار جنی ءِ وئیل یک مچی سزا کنگ بیتگ- آئی ءِ رِد ءَ بیگواھیں مردم ءِ ھمراھی ءَ آئی ءِ سرجمیں کھول ازیت دیگ بیگ ءَ اِنت-

جتاجتائیں وھداں میان اُستمانی ءُ دمگی انسانی ھکانی گلانی نیمگ ءَ چہ بلوچستان ءَ زورانسری بیگواھی دلپدری درشان کنگ بیتگ بلے اے وڑیں وئیل ھمکروچ ءِ ھساب ءَ نکش بیگ ءَ اَنت-