TBP Balochi

بلوچستان ءِ دمگ کیچ ءِ بنجاھی شھر تربت ءَ پاکستانی پوج ءِ چیک پوسٹ نشانگ کتگ-

گیشیں اھوالانی رد ءَ ناشناسیں پرپٹ سواریں مردماں پاکستانی پوج ءَ چیک پوسٹ ءِ سر ءَ دزبمبے چگل داتگ کہ چیک پوسٹ ءِ تہ ءَ کپتگ ءُ ترک اتگ –

تراک ءِ توار دور اشکنگ بیتگ ءُ دمگی مردمانی رد ءَ پوج ءَ تاوانانی دیمپانی کنگ کپتگ-

تربت انتزامیہ ءِ رد ءَ ناشناسیں مردماں ایف سی ءِ یک سد ءُ شست ءُ ھشت ونگ نشانگ کتگ، وئیل ءَ پد پولیس ءُ پوج ءَ دمگ انگیر کتگ ءُ اُرشکارانی پٹ ءُ پول بندات کتگ-

زانگ بہ بیت اے دمگ ءَ بلوچ آجوئی لوٹوکیں سلاہ بندیں گل جاڑیگ اَنت کہ یکشل ءَ پاکستانی پوج ءَ نشانگ کنگ ءَ اَنت ءُ مروچی بیتگیں اُرش ءِ زمہ واری تنی وھدی کس ءَ پہ وت نہ زرتگ-

گوستگیں سر وزیر بلوچستان ءِ گوشگ اِنت کہ بلوچ نودربراں وانگی ادارھاں زورانسری آوار جنی ءِ آماچ کنگ ءَ اَنت ءُ پد ءَ بھتام ءَ سرداراں جن اَنت-

بلوچستان ءِ گوستگیں سر وزیر نواب اسلم رئیسانی ءَ اھوالکاراں گپ کنان ءَ گوشتگ یک وھدے بیتگ بلوچ مھلوک سردارانی گلام اَنت ءُ سردار وانگ ءِ ھلاپ ءَ اَنت، مروچی بلوچ نودربر اسلام آباد، لاھور ءُ کراچی ءَ وانگی ادارھاں زورانسری آوار جنگ بیتگ اَنت نی بہ گوش اِت کَے وانگ ءِ ھلاپ اِنت-

اسلم رئیسانی ءَ گوشتگ کہ گوادر پروجیکٹس ءِ نام ءَ چین ءَ ھپت ھزار اسکالر شپ دارگ بس دو سد نودربرانی سیادی بلوچستان ءَ اِنت-

آئی ءَ گوشتگ گوادر ءِ نام ءَ رس اتگیں اسکالر شپس ءِ نام ءَ پنجاپیانی زھگ چائنہ ءُ دگہ ڈیھاں روان دیگ بیتگ اَنت مئے زھگ وانگ ءَ کجا رو اَنت-

آئی ءَ اے درگت ءَ گوشتگ گوادر ءَ رس اتگیں اسکالرشپس ءِ درچ ءَ آیاناں دو سد نودربر بلوچستان ءَ چین ءَ دیم دیگ بیتگ اَنت ایشانی توک ءَ بس لھتے بلوچ ھلکان اِنت ءُ دگہ بلوچستان ءَ سیادی داروکیں راج ءَ ئیگ اِنت-

آئی ءَ گوشتگ ما سردار وتی بلوچ نسل ءِ گپ ءَ جن ایں تئی زھگ مئے مئے اسکالرشپاں رو اَنت ءُ وان اَنت مارا وانگ ءَ زبھر کنگ ءَ اَنت-

گوستگیں سروزیر بلوچستان ءَ گوشتگ من سرپد باں بلوچ راج ءِ توک ءَ سرپدی اتکگ بلوچ سردار وانگ ءِ ھلاپ نہ اَنت بلکیں اے دیریگیں پندلے بیتگ نی نہ چلگی ءَ گندگ بوگ ءَ اِنت بلوچ راج سرپد بیت اِنت بلوچ سردار وتی مھلوک ءِ ھک ءِ جنگ ءَ اِنت-

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشںان ءِ تہ ءَ گْوشتگ کہ مئے سرمچاراں سے جتائیں اُرشاں سے جتائیں جاھاں ریاستی کمکار ءُ ￶دو موبائل ٹاورانی سر ءَ ￴تیرگواری ءَ ￴پد مانداشتگ اَنت۔ پنچ ستمبر ءَ ￴پنچ شمبے ءِ ￵ادار ھشت ءَ ￴زھری ھزدار ءِ ￵شھدگ ءِ ￵سر ءَ ￴ریاستی کمکار ندیم الی مھمد ءَ ￴نشانگ کرتگ۔ تیرگواری ءِ زد ءَ ￴کپگ ءَ ￴ریاستی کمکار ٹپی بوتگ۔

جارکش ءَ گْوشتگ اے مردم ریاستی کمکارے کہ آ شھید نور الحق پنام بارگ ء طاھر احمد ءُ ￶شھید ضیاء الرحمان پنام دلجان ء عبدالرسول ءِ ￵شھیدی ءَ ￴ھوار بوتگ۔ اے کمکار ءَ ￴19 پروری 2018 ءَ ￴زھری تراسانی ءَ ￴وتی ھمبل زپر اللہ تراسانی،حفیظ تراسانی ءُ ￶ماسٹر ثناء اللہ تراسانی ءِ ￵ھمراھی ءَ ￴گوں پاکستانی پوج ءَ ￴شریدار بوتگ اَنت۔

جارکش ءَ گْوشتگ اے مردم نشان کنگ بوتگ اَنت کہ آیاں 19 فروری 2018 ءَ ￴زھری ءَ ￴پاکستانی پوج ءِ ￵ھواری ءَ ￴شھید نور الحق پنام بارگ ءُ ￶شھید ضیاء الرحمان پنام دلجان شھید کناھینتگ اَنت۔ زوت درسیں میارباراں نشانگ کن ایں۔

جارکش ءَ گْوشتگ دگہ یک کاروائی یے ءَ ￴سرمچاراں سے ستمبر ءَ ￴شپ ءِ ￵ھشت ءَ ￴بگاؤ بارکان ءِ ھند بکرانی ءَ ￴یوپون ٹاور تیرگواری کنگ ءَ ￴پد مانداشتگ تباہ کرتگ۔

میجر گوھرام ءَ گْوشتگ کہ سیمی کاروائی ءَ ￴سرمچاراں چار ستمبر ءِ ￵بیگاہ ءِ ￵پنچ ءَ ￴موسیٰ خیل ءِ ھند کنگری ءَ ￴ٹیلی نار ٹاور گوں تراک ءَ ￴دور دیگ ءَ ￴پد مشین ءُ ￶سامان مانداشتگ اَنت۔

آئی ءَ گْوشتگ پاکستانی پوج ءُ آئی کمکار بلوچ راج ءِ ￵دژمن اَنت، اے درسیں کماراں نشانگ کن ایں کہ آیاں بلوچ گوں ریاستی پوج ءِ ￵ھواری ءَ ￴بیگواہ کناھینتگ اَنت ءُ ￶تچکی ءَ ￴شھید کناھینگ ءَ ￴پوج ءِ ￵ھمراہ بوتگ اَنت۔

جارکش ءَ گوشتگ پاکستان گوں وتی رھوتی نزام ءِ ￵پارست ءَ ￴داں بلوچ سرمچاراں سر بوگ ءُ ￶آیانی موبائلانی ٹریس کنگ ءِ ￵ بے سوبیں جھدے کنگ ءَ ￴اِنت۔ بلے گل ءِ ￵سرمچار ءُ ￶چیریں بھرگ مدام ھمک ھما شوربندی ءَ بے سوب کنگ ءَ ￴اَنت کہ آیانی مول سرمچارانی تاوان دیگ بہ بیت۔

جارکش ءَ گْوشتگ بی ایل ایف اے اُرشانی زمہ واری ءَ ￴منّ ایت ءُ ￶داں بلوچستان ءِ ￵آجوئی ءَ ￴ھمک ھما شوربندی ءَ ￴تباہ کنت کہ آئی مول بلوچ راج ءِ ￵لٹ ءُ ￶پول کنگ بہ بیت۔

روکپتی بلوچستان ءِ دمگ ایرانشھر ءَ آروسی دیوان ءَ سر برز کائی تیرگواری ءَ یک کودکے بیران بیتگ-

گیشیں اھوالانی رد ءَ گوستگیں شپ ءَ آروسی دیوان ءَ سربرز کائی تیرگواری ءَ یک کودکے بیران بیتگ-

بیران بیتگیں کودک ءِ پجار میکائیل ناروئی ء سعید جھمنند ایرانشھر ءِ نام ءَ زانگ بیتگ –

زانگ بہ بیت روکپتی بلوچستان ءَ چوشیں وئیل رپورٹ بیتگ اَنت کہ اود ءَ آروسی دیواناں تیرگواریاں مردم بیران ءُ زدگ بیتگ اَنت-

بلوچی زبان ءِ شائر ءُ ندکار عارف وفا ءِ کتاب ” آرپ کسہ کنت ” چاپ ءُ شنگ بیتگ-

اے کتاب صباء انسٹی ٹیوٹ آف ریسرچ اینڈ پبلیکشنز ءِ نیمگ ءَ چاپ ءُ شنگ بیتگ-

صباء انسٹی ٹیوٹ ءَ وتی شنگ کتگیں جار ءَ گوشتگ کہ عارف وفا ءِ تاک ” آرپ کسہ کنت” چاپ ءُ شنگ بیتگ ءُ پہ وانوکاں وتی وتی ھندانی شھراں بک اسٹوراں دز کپ ایت-

صباء انسٹی ٹیوٹ آف ریسرچ اینڈ پبلیکشنز ءَ گوشتگ عارف وفا ءِ تاک پہ وانوکیں مستاگی یے ءُ عارف وفا ءَ وتی ندکاری تاک ند ءِ زور ءَ یکجاہ کتگ ءُ چاپ ءُ شنگ کتگ-

چِد ءُ پیش صباء انسٹی ٹیوٹ آف ریسرچ ءَ بابل لطیف ءِ کتاب اھد ءِ وفا شنگ ءُ چاپ کتگ –

صباء انسٹی ٹیوٹ آف ریسرچ اینڈ پبلیکشنز یک لبزانکی ادارھے ءِ ھواری ءَ ریسرچر ءُ اود ءَ بلوچی، براھوئی، اردو کتاب شنگ بیتگ انت-

صباء انسٹی ٹیوٹ آف ریسرچ اینڈ پبلیکشنز ءَ چِد ءُ پیش بشیز زیب ءِ کتاب مھر گوش، سلام صابر ءِ کتاب نواب مری ءِ انٹریو ، عتیق آسکو ءِ کتاب ندارہ ءُ کاگزی پل ءُ سلمان ھمل ءِ کتاب اھد ءِ اسلم چاپ ءُ شنگ بیتگ اَنت-

پٹ ءُ پول ءُ نیم شپ

نبشتہ کار: شاھد اھمد

دی بلوچستان پوسٹ

شپ ءِ سے بج ءَ وھدے من چہ واب ءَ پچ لرز اِت آں ھمے ساھت ءِ بُست ءَ من ءَ چیزے چہ اندر ءَ وس وسے ءَ کینگ دیگ ءَ اَت کہ بیا من ءَ شوھاز! ھمے چیز کہ منی وس وس ءَ اَت پہ من ءَ لازم اَت ءُ گیش سکین دیگ اَت کہ الم پہ تو، بیا وداریگاں، بیا من ءَ شوھاز!

چہ ھیداں منی اندام مچّل کُتگ اِت اَنت، گرم گرمیں بدن منی شوھاز ءِ اِشک ءَ گوانک جَنَگ ءَ اَت۔ اے اِشک منی سر ءَ گْوزگ ءَ اَت، دل کہ منی تلبگار اَت، ھچ نہ اوشتگ ءَ اَت۔

پٹ ءُ پول یک سکینے، المی اِنت کہ من ءَ زانگی اِنت، پٹ ءُ پول ءِ کار من ءَ چمیشکا کنگی اَت کہ من ءَ زانگی اَت، اے جیڑگ پہ منی واست ءَ اَت۔ من ءَ ترا شوھازگی اَت کہ تو من ءَ نزیکی بکن ئے چیا کہ تو منی جیڑہ ئے، ءُ تئی جیڑہ منی اِنت ابید ترا من بے گمان باں ، ابید تو من ءَ بے سما بَہ ئے۔ اے اِشکے کہ انچیں بے گمان ءَ سرجم نہ اَت، وس وسے اَت، بے چاڑ اَت چہ اندر ءَ گوانک ءَ اَت۔

اے شپ ءِ نیم ءَ شانزدہ کُچک دیم پہ ماہ ءِ نیمگ ءَ وکّگ ءَ اِت اَنت، منی ھیالاں چَنڈینگ ءَ اِت اَنت، تو گُش ئے پورا پہ چیزے ءِ لوٹگ ءَ دَمپ ءُ ساھت کَڈّن کنگ ءَ اَت اَنت۔ منی پٹ ءُ پول ءِ ساھت چہ شپ ءِ سے بج ءَ بندات بوت، جیڑگ گوں منی ھمراھیں ھیالاں دیم پہ سارتیں گوات ءِ کَشگ ءَ جُنزان بوت، یک نیمگے چِرّتانی توار منی دلگوشی ءَ گیش کنان اِت اَت، سماھانی بھارگاہ ءِ وشیں بوہ چہ زمین ءَ درآھگ ءَ اِت اَنت، دل زَرّگ ءِ کار ءَ اوں کنگ ءَ اَت، اِے اشک من ءَ بارت دیم پہ منزل ءَ الم سر کنت اے منی نیّت اَت۔

نیم شپ ءَ تَھنا منی جِند ساہ زورگ ءَ اَت دگہ درست شپ ءِ یلچّر اِت اَنت، واب منی چمّاں نہ زرتگ اَت، منی اِشک تَھنا منی شوھاز ءَ درکپتگ اَت، ءُ منی تھنائی ءِ ترانگ ءَ بے تاھیریں مِھر سرجم کنگ ءَ شوھاز ءَ اَت۔ منی واب سپ ءَ دیم پہ شوھاز ءَ درکپت۔

بابل لطیف ءِ کتاب ” اھد ء وپا ” چہ صباء انسٹی ٹیوٹ آف ریسرچ اینڈ پبلیکشنز ءِ نیمگ ءَ چاپ ءُ شنگ بیتگ-

چہ صباء انسٹی ٹیوٹ آف ریسرچ ءِ نیمگ ءَ شنگ بیتگیں جارانک ءِ رد ءَ بابل لطیف ءِ کتاب شنگ ءُ تالان کتگ –

آئی ءَ گوشتگ اے کتاب کتابجاھاں دز کپ ایت ءُ وانوک ھمک شھراں وتی نزیکیں کتابجاھاں اے کتاب ءَ زرت ءُ ونت کن اَنت-

آئی ءَ گوشتگ زانشت ءُ لبزانک دوستاں اے کتاب بے دروریں سوگاتے کہ ایشی ءِ توک ءَ بابل لطیف ءَ آسمی وفا ءِ سیاسی ءُ جنگی داں شھیدی ءِ سپر وتی کلم ءَ گرنچ داتگ ءُ نبشتگ کتگ –

بلوچستان ءِ جتاجتائیں دمگاں چہ سیادی داروکیں سالاں چہ بیگواہ بیتگیں سے مردم آجو بیتگ اَنت-

گیشیں ھالانی رِد ءَ دو سال ءَ ساری بلوچستان ءِ تیاب دپی شھر چہ گوادر ءَ پاکستانی پوج دستاں زورانسری بیگواہ کنگ بیتگیں کمالان دشتی یل کنگ بیتگ-

کمالان دشتی مروچی چہ شال ءَ مروچی آجو بیتگ، آئی ءِ آجو بیگ گپ کھول ءَ راست کتگ-

ھمے وڑ چہ ھاران ءَ ھالانی رِد ءَ ھمے سال ءِ فروری ءَ پاکستانی پوج دستاں زورانسری بیگواہ کنگ بیتگیں ڈپٹی کمشنر ھاران ءِ گارڈ اسلم شاہ آجو بیتگ ءُ وتی لوگ ءَ سر بیتگ-

دومی نیمگ ءَ یک سالے ءَ ساری زورانسری بیگواہ کنگ بیتگیں کیچ ءِ دمگ شے کھن ءِ جھمنند جانسلامتی ءِ ڈاکٹر رفیق احمد ء مراد محمد پشمبے ءِ بیگاہ ءَ چہ شال ءَ یل کنگ بیتگ-

کھول رِد ءَ ڈاکٹر رفیق احمد چکانی الاج ھاتر ءَ کراچی ءَ شتگ اود ءَ آ یازدہ اگست دواھزار بیست سے ءَ چہ کراچی ءِ نامی ئیں جاگہ صدر ءَ پاکستانی پوج آوار جنگ ءَ پد بیگواہ کتگ اَت مروچی آجو بیتگ-

بلوچستان ءَ مروچی مروچی آجو بیتگیں دگہ مردمانی آجو بیگ گپ ھم دمگی اِھوالکار ءَ ھوار کھول ءَ کتگ-

زھرشانی کنوکاں گْوشتگ کہ گوادر ءِ مردمانی نیمگ ءَ گچین بوتگیں راجی نمائندہ ءِ دیم ءَ رکاوٹ ایر کنگ بیگ ءَ اَنت ۔

حق دو تحریک بلوچستان ءَ ایم پی اے مولانا ھدایت الرحمن بلوچ ءِ سروکی ءَ حسین واڈیلا ءَ وتی لوٹانی حمایت ءَ سربندن کراس ءَ مکران کوسٹل ہائی وے بند کتگ ۔

گودار ءِ دھرنہ ءِ سبب ءَ مکران کوسٹل ہائی وے ءِ سر ءَ ٹریفک ءِ روانی بند بوتگ دھرنہ ءِ لوٹانی تہ ءَ بیگواھیں مردمانی ریکوری، بجلی ءِ سپلائی، ٹرالنگ ءِ بند کنگ، ادارھانی تہ ءَ مداخلت ءِ ھلاس کنگ ھوار اَنت۔

میونسپل کمیٹی گوادر ءِ چیئرمین مجید جوہر، مرکزی سیکرٹری جنرل حفیظ کیازئی، ضلعی نائب چیئرمین حق دو تحریک، سرابندن ءِ چیئرمین نصیب نوشیروانی، ماہی گیر سیکرٹری ساجد امیتان ءُ دگہ مردماں دھرنا ءَ گوں تران کنان ءَ گْوشت کہ گوادر ءِ مردم چہ پد آرڈینری انفیض کار ءَ مزنیں ساکری بوتگ اَنت۔ وتی راجی نمائندہ ءَ رائے ءِ وسیلہ ءَ گچین کنگ ءَ وتی نمائندہ ءِ بستار ءَ گچین کنگ بوتگ بلے گچین بوتگیں راجی نمائندہ ءِ دیم ءَ رکاوٹ جوڑ کنگ بوگ ءَ انت۔

آئی ءَ گْوشت کہ ما ھما مردماں کہ جمھوری جنز ءِ سر ءَ باور کن ایں، اے جنبش الس ءِ جیڑھانی بنیاد ءَ وجود ءَ اتکگ، اے جنبش ءَ را راج دوستی ھست، ما جھد ءَ برجاہ داریں داں آئینی ھک دست نہ کپ اَنت۔

آئی ءَ گشتگ کہ آ وائی چوک، گوادر پورٹ، ایکسپریس وے، انتظامی کارگساں ھم جام کن انت ءُ لوٹانی منظوری ءِ ھاتر ءَ وتی ھکّاں زور انت۔

پہ بلوچ راج ءِ

نبشتہ۔کار: دُرا شاشانی

دی بلوچستان پوسٹ

انچُش کہ شُما سرپد اِت سی ٹی ڈی مئے مات ءُ گْوھارانی سر ءَ دست چِست کنگ ءَ اِنت شال ءِ تہ ءَ گوں مئے گْوھار جنگ بُوت اَنت انگت مئے سر ءَ وار کنان اَنت۔

پہ بلوچ راج ءَ چے بچّ اتگ انگت پاد بیا اَنت وتی براتانی واست ءَ توار چِست بہ کن اَنت پرچا کہ اگاں ما توار چست مہ کن ایں سرکار مئے سر ءَ گیش وار کنت ۔

مئے راج ھمکوپگ بہ بیت وتی بیگْواھیں براتانی واست ءَ توار چِست بہ کن اَنت۔ ما وت ءَ را چہ سرکار ءَ ھچ دور مہ دار ایں دیم ءَ بہ جُنز ایں ۔ سی ٹی ڈی روچے ءِ تہ ءَ چہ بیست ءَ گیشتِر مئے براتاں بیگواہ کنگ ءَ اِنت، گوادر ءَ راجی مچی ءِ تہ ءَ چنکس مردم چِست کنگ بوتگ ۔بازیں مردم بیگواہ اِنت بازیں کُشگ بوتگ ، ما انگت ھمکوپک نہ بہ ایں؟

بلے اگاں ما دیم ءَ مہ جنز ایں مئے واست ءَ کسے نئیت توار چِست نہ کنت ، ما بچار ایں گوادر ءِ تہ ءَ چنچو برات بیگواہ بوتگ، بازیں شھید بوتگ بازیں ٹپی اَنت ، مئے مات ءُ گْوھار چون زلیل اَنت ، بلوچ راجی مُچی آیانی سر ءَ تیرگواری کنگ بوتگ اَنت، نوں بیا اِت ما ءُ شُما دُرست یکجاہ بہ بَہ ایں ، وتی براتانی واست ءَ توار چست بہ کن ایں ، بیست ءُ ھشت جولائی بلوچ راجی مُچی یک بلاھیں سرپدی یے بوتگ ، پہ بلوچ راج ءَ ، گِند ئے بلوچ راج ءَ پنجابی ءِ گلامی نہ منّ اِت اے جنگ ءَ دژمن وت ژند ءُ پند بیت ءُ پْروش وارت ۔

شالا ما بلوچ راج یکجاہ ءُ یکمُشت بات ایں ۔ راج اے راجی آجوئی ءِ جُنز ءَ وت ماں وت ھمگام ءُ ھمراہ بہ بَہ ایں۔