TBP Balochi

بلوچستان ءِ دمگ مستونگ ءَ ناشناسیں مردماں پاکستانی پوج ءِ بنجل اُرش ءِ نشانگ کتگ-

دمگی مردمانی رد ءَ پورسز ءِ بنجل مستونگ اسپلنجی مائی لالین ءِ ھند ءَ نشانگ کنگ بیتگ-

دمگی مردمانی رد ءَ اُرش ءِ وھد ءَ ترندیں تراک ءُ تیرگواریانی توار اشکنگ بیتگ اَنت ءُ دمگی مردم گوشگ ءَ اَنت پوج ءَ تاوانانی دیمپانی اِنت-

زانگ بہ بیت اے دمگ ءَ بلوچ آجوئی لوٹوکیں سلاہ بندین گل پرکار اَنت بلے داں انگت ءَ اے اُرش ءِ زمہ واری کس ءَ پہ وت نہ زرتگ-

ھمے ڈول ھاران ءَ ھم بمب اُرشانی اھوال بیتگ اَنت – بلے تنی وھدی گیشیں اھوال دیم ءَ نیتکگ اَنت-

سوراب ءِ جھممند زورانسری بیگواہ سیف اللہ رودینی ءِ گھار فرزانہ رودینی ءَ گْوشتگ کہ منی برات سیف اللہ رودینی پولیس کانسٹیبلے بیتگ ءُ آ بیست دو نومبر دوہزار سیزدہ ءَ چہ سوراب ءَ ھزدار ءَ ڈیوٹی ءَ روگ ءَ بیتگ زورانسری بیگواہ کنگ بیتگ، انگت بیگواہ ءَ اِنت – بلوچستان پولیس ءَ آئی ءِ یل کنائینگ ھاتر ءَ گامگیج زیرگ جاگہ آئی کار مھتل داشتگ ءُ آئی ءِ پگار ھم بند کتگ، چریشی ءِ سبب مئے کھول بے کساس مالی اَڑ جنجالانی دیمپان اِنت-

آئی ءَ دیمتر ءَ گْوشتگ کہ سیف اللہ مئے کھول یکیں لاپ والینوک بیتگ، آئی ءِ زورانسری آوار جنی ءَ پد ما سک مالی اڑ ءُ جنجالانی دیمپانی کنگ کپگ ءَ اِنت، اے یک مچی سزا دروشم اِنت-

فرزانہ رودینی ءَ چیف جسٹس سپریم کورٹ آئی جی پولیس بلوچستان ءُ انسانی ھکانی گلاں گوں دزبندی کتگ کہ آ سیف اللہ رودینی ءِ پگار ءَ برجاہ بدار اَنت ءُ آئی ءِ یل کنائینگ ءِ ھاتر ءَ گامیگج بزور اَنت دانکہ مارا اے دْراجیں درد ءُ رنجاں بہ رکین اَنت-

بلوچ یکجھتی کمیٹی ءِ جارکش ءَ گْوشتگ کہ پاکستان ءِ ریاست ءَ چارمی شیڈول ءِ تہ ءَ ھوار کنان ءَ بلوچستان ءَ سدانی کساس ءَ مردمانی زند بے ایمن کتگ۔ چارمی شیڈول ءِ تہ ءَ ھواریں مردمانی تہ ءَ پروفیسر، استاد، ادیب، ڈاکٹر، اھوالکار، سیاسی، چاگردی ءُ انسانی ھکانی جھدکار ھوار اَنت کہ آیانی تہ ءَ سرجمیں بلوچستان ءِ سداں مردم ھوار اَنت۔ وھدے کہ چارمی شیڈول ءَ ھواریں مردمانی نام ریاستی اطلاعات ءِ کارندہ سی ٹی ڈی ءِ نام ءَ فون کنگ ءَ اطلاعات ءِ کارگساں ھوار بوگ ءِ ھاتر مجبور کنگ ءَ اَنت۔ وھدیکہ پاکستان ءِ ریاست ءَ سداں بلوچ پروفیسر، استاد، ادیب، ڈاکٹر، اھوالکار، سیاسی، چاگردی ءُ انسانی ھکانی جھدکار گوں سلاہ بندیں گلاں ھمگرنچ کتگ ءُ آیانی نام چارمی شیڈول ءِ تہ ءَ ھوار کتگ ءُ آیانی کھول ءِ مردماں ذھنی ٹارچر ءِ آماچ کتگ. جوڑ کنگ بوگ ءَ اِنت۔

جارکش ءَ گْوشتگ: ما سرپد بئیں کہ بلوچستان ءِ ریاست چارمی شیڈول ءِ وڑیں پندلاں کارمرز کنگ ءَ اِنت کہ مردماں گوں زوراکی ءَ بیگواہ کنگ، بے عدالتیں کُشگ ءُ فوجی زوراکی ءِ ھمراھی ءَ ترس ءُ بیم ءِ تہ ءَ ءُ مدامیں ذھنی درد ءِ تہ ءَ بہ دار اِیت۔ چارمی شیڈول ءُ اے وڑیں دگہ زوراکیں ریاستی پندلانی مول ءُ مراد سرجمیں بلوچستان ءَ را یک انچیں زندانے جوڑ کنگ اِنت کہ اودءَ مردم بے ریاست ءِ واھگ ءَ ساہ ھم کشّ اِت نہ کنت۔ ریاست پاکستان وتی دراھیں زوراکی ءُ غیر انسانی شوربندیاں کانون ءُ نام نہاد صوبائی اسمبلی ءِ وسیلہ ءَ بلوچستان ءَ اے نوکیں شوربندی ءِ دیم ءَ برگ ءِ ھاتر ءَ کانونی جوڑ کنگ ءَ اِنت کہ ایشی ءِ نوکیں مسال سداں مردمانی چارمی شیڈول ءِ تہ ءَ ھوار کنگ اِنت۔

آئی ءَ گْوشت کہ ما ریاست ءُ آئی ءِ درائیں ادارگانی دیم ءَ اے گپ ءَ پدّر کن اِیں کہ ما بلوچستان ءَ ریاست ءِ سر ءَ ھمک زلم ءُ زوراکی ءِ دیم ءَ اوشتگیں ءُ مردمی زور ءِ وسیلگ ءَ بلوچستان ءَ ریاست ءِ اے وڑیں دراھیں انسان دوستیں شوربندی ءُ پالیسی ھلاس کن ایں ۔ وھدیکہ ما چہ انسانی ھکانی ادارگاں دزبندی کن ایں کہ ریاست ءِ نوکیں زوراکی ءِ پالیسی ءُ بلوچستان ءِ تہ ءَ انسانی ھکانی لگتمالیانی سر ءَ زوت نوٹس بہ زور اَنت۔

سلاہ بندین مردماں جمیعت ءِ رھشون ءُ آئی ءِ پھزدار نشانگ کتگ اَنت-

گیشیں اھوالانی رد ءَ بلوچستان ءِ دمگ نوشکی ءُ بوائز کالج ءِ نزیک ءَ ناشناسیںن مردماں تیرگواری کتگ ءُ جمیعت علماء اسلام ( جے یو آئی) ءِ رھشون میر زھور بادینی کشتگ-

پولیس ءِ رد ءَ تیرگواری ءِ وئیل ءَ آئی ءِ گن مین زدگ بیتگ ءُ آ نادراہ جاہ ءَ برگ بیتگ-

وئیل ءَ پد اُرشکات تچگ ءَ سوبمند بیتگ اَنت ءُ پولیس ءُ کانوندار وئیل جاہ ءَ سر بیتگ اَنت-

بلوچستان لبریشن فرنٹ ءِ جارکش میجر گوھرام بلوچ ءَ شنگ کتگیں درشان ءَ گوشتگ سرمچاراں کیچ ءُ ￶پنجگور ءَ ￴دو جتائیں اُرشاں زورگریں لشکر ءُ ￶پولیس لشکر نشانگ کرتگ اَنت۔

جارکش گوھرام بلوچ ءَ گوشتگ 9 ستمبر ءِ ￵شپ ءَ ￴ھشت ءُ ￶نیم ءِ ￵نزیک ءَ ￴سرمچاراں کیچ ءِ ￵ھند گورکوپ ءَ ￴زورگریں لشکر ءِ ￵مزنیں بنجل ءِ ￵سر ءَ ￴باز اے ون ءِ ￵گولا آس داتگ کہ بنجل ءِ ￵تہ ءَ ￴کپتگ اَنت۔ ایشی پد سرمچاراں گوں نوک ءُ ￶مزنیں سلاھاں بنجل نشانگ کرتگ چہ ایشی ءَ ￴دژمنیں لشکر ءَ ￴بازیں کچے ءَ ￴جانی ءُ ￶مالی تاوان بوتگ۔

جارکش ءَ گوشتگ دگہ یک اُرشے ءَ ￴پنجگور چتکان ءَ ￴سرمچاراں 8 ستمبر یک شمبے ءِ ￵روچ ءَ ￴پولیس ءِ ￵گاڑی ءِ ￵سر ءَ ￴اُرش کرتگ، ایشی زد ءَ ￴آھگ ءَ ￴پولیس انسپکٹر شکیل اھمد مرتگ۔

گوھرام بلوچ ءَ گوشتگ بلوچستان بلوچ راج ءِ ￵سرڈگار اِنت ءُ ￶سرڈگار ءِ ￵ھکی ئیں پسگاں سرڈگار ءِ ￵سر ءَ ￴پاکستانی زورگپتی ءِ ￵بگیری ءَ ￴سلاہ بندیں گھگیری ءِ ￵پارست ءَ ￴پاکستانی لشکر گوں زھنی، جانی ءُ ￶سسائی پروش ءَ ￴دیم پہ دیم کرتگ۔ چہ ایشی سوب ءَ ￴پروش وارتگیں لشکر لس آبادی ءُ ￶کودکیں مردماں نشانگ کنت۔

بی ایل ایف ءِ جارکش میجر گوھرام بلوچ ءَ گوشتگ پولیس ءَ ￴کڈن کن ایں کہ آ سرمچارانی رندگیری کنگ ءَ ￴یل بہ کنت اگاں نہ آسر ئِے￸ دژمنیں لشکر ءِ ￵وڑ ءَ ￴بیت۔

جارکش ءَ گوشتگ بی ایل ایف اے دوئیں اُرشانی زمہ واری ءَ ￴من ایت، داں بلوچستان ءِ ￵آجوئی ءَ ￴اُرش کنگ ءِ ￵ کول ءَ ￴کن ایں۔

ھکومت شھری، سیاسی کارکن ءُ آیانی سیاد ءُ وارسانی ناماں ناشرکاری ءِ نگرانی لسٹ ءَ ھوار کنگ ءَ ھکّانی جنگ ءَ را بند کنگ ءِ جھد ءَ انت۔ ماہ رنگ بلوچ .

بلوچ یکجھتی کمیٹی ءِ آرگنائزر ءُ سیاسی سروک ماہ رنگ بلوچ ءَ وتی ایکس اکاؤنٹ ءَ پوسٹ کتگ ءُ گْوشتگ کہ بلوچستان سرکار لشکری ​​اسٹیبلشمنٹ ءِ گْوشگ ءِ پد ءَ ھزاراں نام چارمی شیڈول ءَ ایر کنان ءَ مزنیں کچے ءَ منظمیں بدسلوکی کنگ ءَ اِنت۔

بلوچ رھشون ءِ اے گپ ھما وھد ءَ دیم ءَ اتکگ کہ صوبائی سرکار ءَ چار ھزار ءَ چہ گیش مردمانی نام چارمی شیڈول ءَ ایر کتگ ءُ گْوشتگ کہ آ گوں سلاھبندیں گل بی ایل اے ءَ ھمگرنچ اَنت۔

ماہ رنگ ءَ گُشتگ ایوک ءَ کوئٹہ ءَ جولائی ءَ 137 مردم چارمی شیڈول ءَ ھوار کنگ بوتگ انت کہ آیانی تہ ءَ نودربر، کماش، ادیب، لیکچرر ءُ پروفیسر ھوار انت۔

آئی ءَ گْوشتگ کہ سرکار ءِ نیمگ ءَ چہ شنگ بوتگیں لڑ ءَ منی برات نصیر بلوچ ھم ھوار اِنت کہ پیسر ءَ ھم زوراکیں بیگواھی ءِ آماچ بوتگ ءُ آئی ءَ گوں ھچ وڑیں سیاسی کارے ءَ ھچ سیادی نیست، یک امن ءُ ایمنی ءِ شھروندے یا جھدکارانی کھول ءِ مردمانی نامانی ھوار کنگ ءَ ناشرکاری ءِ ھلاپ ءَ چارگ ءِ لسٹ بلوچستان ءِ بلوچ راج ءِ سر ءَ سرکوب ءِ مزنیں مھم ءِ بھر اِنت۔

بلوچ رھشوناں گْوشتگ کہ سرکار بلوچستان ءَ یک مزنیں کچے ءَ بندیگ جاھے جوڑ کنگ ءَ اِنت، ھمے وڑیں چین ءِ وت واجھیں دمگ سنکیانگ ءِ جاور کہ آ بندی جاہ جوڑ کنگ بوتگ اَنت ءُ اے وڑیں کارروائیانی مول ءُ مراد ریاستی زُلم ءُ زوراکی اَنت۔ حقوق ءِ تواراں گیش ءُ گیوار کنت-

ماہ رنگ بلوچ ءَ دیمتر ءَ گْوشتگ کہ بلوچ اے وڑیں ھرچ کارے ءِ دیم ءَ اوشتات کنت، من چہ سول سوسائٹی، رسانکدر، میاں اوستمانی انسانی ھکانی گل ءُ سیاسی گلاں گوں دزبندی کن آں کہ آ کانود ءِ اے بے دروریں ناجائز کارمرز کنگ ءِ ھلاپ ءَ وتی توار ءَ چست بہ کن اَنت .

چین ءَ (یوگر) مسلمانانی ھلاپ ءَ (crackdown) ءِ بنیادی سَوَب

نبشتہ کار: شاھد اھمد

دی بلوچستان پوسٹ

چین ءِ نیمگ ءَ لھتیں مسلمان اکلیت ءِ گلانی سر ءَ کتگیں زلم ءُ زوراکیانی سر ءَ ایراد گیش بوتگ انت۔

چین ءِ مسلمان اکلیت ءِ پِرکہ ءَ گوں سیادی داروکیں مزنیں کساسے ءَ زندانیان ءِ کیمپاں(دلوشی کیمپ) ءَ بند کنگ بوتگ انت۔ اگست ءَ میان اُستمان ءِ یک کمیٹی یے ءَ اے گپ پدر کتگ کہ چین ءِ روبرکتی دمگ ءَ سنکیانگ ءَ دو لکھ یوگر مسلمان ءُ دگہ مسلمانیں پِرکہ دزگیر کنگ بوتگ اَنت ءُ دوبر وانگ ءُ زانگ ءِ پروگرام ءِ رد ءَ دوبر وانگ ءُ زانگ دیگ بوگ ءَ اَنت بلے چین وتی زُلم ءُ زوراکی ءِ منّگ ءَ تیار نہ اِنت۔

یوگر کَے اَنت؟

اے نسلی ھساب ءَ ترک مسلمان اَنت ءُ اے چین ءِ روبرکتی دمگ ءِ نندوک اَنت کہ اود ءَ آیانی کساس یک کروڑ ءِ دہ لکھ اَنت۔ آ وت ءَ چہ دود ءُ ربیدگی ءُ راجی ھساب ءَ میان اُستمانی بزاں ایشیاء ءِ دمگاں گوں نزیکتر لیک اَنت ءُ آیانی زبان گوں ترک زبان ءَ سک نزیک اِنت۔

بلے گوستگیں دھکاں ھان چینی (چین ءِ گیشتریں راج) ءِ مزنیں آبادی یے سنکیانگ ءَ شُتگ ءُ جھمنند بوتگ اَنت بلے یوگر چہ آیاں ھترہ ءِ آماچ بوگ ءَ اَنت۔

سنکیانگ کجا اِنت؟

اے چین ءِ دور روبرکتی ءِ مستریں استان اِنت ءُ ملک ءِ مستریں دمگ اِنت۔ تبت ءِ وڑ ءَ اے یک آجوئیں (کم چہ کم رھبندی) دمگے ءُ بیجنگ ءَ چہ جتا وتی ھکومت ءِ واھند اِنت۔ بلے اَملی رد ءَ اے بُنجاھی ھکومت ءِ نیمگ ءَ سک باز بندش جنگ بوتگ۔

یوگر آبادی ءِ نزیک ءَ نیم ءِ دمگ ءِ کلیں آبادی ءِ 2.6 ملین اِنت۔

ایشی ءِ سیمسر ھندوستان، اوگانستان، پاکستان ءُ منگولیا ءَ ھوار بازیں ملکاں گوں سیمسر انت۔

سنکیانگ ءِ نندوکیں مردمانی گوم ءَ چے بوگ ءَ اِنت؟

انسانی ھَکّانی چار ءُ تپاس ءِ گشگ انت کہ یوگر نسل ءِ مردماں سکیں دلگوشی ءِ آماچ انت ءُ آ وتی ڈی این اے ءُ بائیومیٹرک ءِ نمونہ ءِ دیم دیگ ءَ مجبور انت۔ ھما مردم کہ 26 ‘حساس’ ملکاں چوشکہ انڈونیشیا، قازقستان ءُ ترکی ءَ سیاد ءُ وارس اَنت آ دزگیر کنگ بوگ ءَ اَنت ءُ تاں انوگ ءَ نزیک ءَ دو لکھ مردم دزگیر کنگ بوتگ اَنت۔

انسانی ھَکّانی چار ءُ تپاس ءِ گشگ انت کہ اود ءَ نندوکیں ھرکس ءَ کہ ملک ءَ دریں واٹس ایپ ءِ سر ءَ کسے ءَ گوں ھال پُرسی کتگ آ ھم دزگیر کنگ بوگ ءَ انت۔

انسانی ھکّانی گلانی گشگ اِنت کہ آیاں اود ءَ مینڈارن یا چینی زبان وانینگ بوگ ءَ اِنت ءُ آیاں وتی دین ءَ یلہ دیگ یا ایراد گرگ ءَ مجبور کنگ بوگ ءَ اِنت۔ ایشاں سدر شی جن پنگ ءِ گوں وپاداری ءِ سوگند ھم دیگ بوگ ءَ اِنت۔

چین ءِ لھتیں پیسریگیں بندیگاں بی بی سی ءَ گوں تران کنان ءَ گْوشتگ کہ آ کیمپانی تہ ءَ جسمانی ءُ نپسیاتی رد ءَ ٹارچر کنگ بوتگ اَنت۔

ایشاں ھال داتگ کہ ھاندان بیگواہ بوتگ اَنت ءُ مارا ھم گْوشگ بیت کہ آیاں جسمانی ءُ ذھنی ٹارچر کنگ بوتگ۔

ما سنکیانگ ءَ ھما شاھدی دیستگ کہ اے گپ ءَ پدر کنگ ءَ اِنت کہ استان سرجمیں نگرانی ءِ چیر ءَ اِنت۔ چینی بندیگاں کہ رکگ ءَ سوبین بوتگ اَنت اے گپ بی بی سی نیوز نائٹ ءِ پروگرام ءَ گوں تران کنان ءَ کتگ اَنت۔

مردے ءَ گْوشت: مارا واب ءَ اوں نئیل اَنت، مارا ساھتانی ساھت ءَ دار اَنت ءُ جن اَنت۔ آیانی گور ءَ مزنیں لٹ ءُ پوستی ءَ گوں ٹَنگ انت ءُ ٹُکّریں تاراں پہ لٹ شاپی ءِ واست ءَ جوڑ کتگ اَنت، لاش ءِ ٹپّگ ءِ سُچّن ءُ ناھن ءِ کشگ ءِ واست ءَ مگراز جوڑ کتگ اَنت۔ اے درستیں چیز مئے دیم ءَ ٹیبل ءِ سر ءَ ایر کنگ بوتگ انت ءُ ھر وھد ءَ مئے سر ءَ کارمرز بوتگ انت۔ ما دگہ مردمانی چیھانٹاں ھم اشکنگ ءَ اتیں۔‘‘

دگہ مردمے ءَ اُمر ءَ گْوشت: شپ ءِ ورگ ءِ وھد اَت۔ نزیک ءَ 1200 مردم وتی دستاں پلاسٹک ءِ ھالیگیں کاسگاں گوں اوشتاتگ ات اَنت ءُ پہ ورگ ءِ رسگ ءَ چین دوستیں گانا گشگی ات اَنت۔ آ چو بُت ءَ اِت اَنت۔ ایشانی جان مُرتگ اَت اَنت۔ ایشانی تہ ءَ بازیں من شری ءَ زانتگ ات۔ ما یکجاہ پاد کاینت ءُ نشت ءُ ورگ ءُ چرگ ءَ اتیں۔ بلے نوں آئی ءِ رھبند انچوش کنگ ءَ اِنت کہ گُش ئے گاڑی ءِ ٹکر ءَ پد آئی ءِ یات گار بوتگ۔‘‘

یوگرانی زوراکی ءِ بارو ءَ چے اِنت ؟

سنکیانگ ءُ چہ ایشی ءَ دری دمگاں بازیں اُرشانی ذمہ واری گستائی تلب یوگرانی سر ءَ ایر کنگ بوتگ۔ 2009 ءَ دارالھکومت ارومچی ءَ بوتگیں آشوب ءَ 200 ءِ نزیک ءَ مردم بیران بوتگ اَنت کہ آیانی تہ ءَ گیشتریں مردم ھان چینی بوتگ اَنت۔

یوگرانی سر ءَ گامگیج پروری 2017 ءَ گیش بوتگ ات کہ پنچ مردم کارچ ءَ چہ بیران بوتگ انت۔

چین چے گُش اِیت؟

چین وتی سنکیانگ ءِ استان ءَ آشوب ءِ سبب ءَ گستائی تلب ءُ اسلامی جنگولانی ذمہ وار لیک اِیت۔

چین سنکیانگ ءَ ھچ وڑیں ’انٹرنمنٹ کیمپ‘ ءِ ھست بوگ ءَ رد کنت بلے گش اِیت کہ اود ءَ ’’پیشہ وارانہ تربیت‘‘ کنگ بوگ ءَ اِنت۔ دری کارانی وزارت ءِ جارکش ءَ گْوشتگ: سرکار نسلی جدائی تلب ءُ ناشرکاری ءِ زوراکیں مجرمانہ کارانی سر ءَ کارروائی کنگ ءَ اِنت۔

انچوش کہ چین یوگر راج ءِ سر ءَ زلم ءُ زوراکی کنگ ءَ اِنت پنجابی لشکر ءُ پاکستان ءِ (اشرافیہ) بلوچ راج ءَ زندان ءَ بند کنگ ءُ بندیگ کنگ ءِ پندل کنگ ءَ اَنت اے سوڑگ کنگ بوتگ کہ زند ءِ آجوئیانی بندش جنگ ءِ یک (سرکوبی فاشسٹ) شوربندی یے ۔ بلوچ راج ءِ راجی پجّار یا وجود کہ انسانی ھکّانی ھلاپ ءَ سک سنگین اِنت، کہ ایشی ءَ سک گِھگیری کنگ بیت ۔ پنجابی سامراج ءِ سیاھیں کانود بلوچ راج ءِ ھلاپ ءَ کارمرد بیگ ءَ اِنت، میان اُستمانی چاگرد (اقوام متحدہ )ءُ انسانی ھکّانی گلاں پاکستانی ریاست ءِ اے گیر انسانی زلم ءُ فاشزم ءِ اَمل ءِ سر ءَ دلگوش دیگ لوٹ اِیت۔

بلوچستان ءِ دمگ ھاران ءَ گرلز کالج ھاران ءِ کش ءَ ایف سی ءِ بنجل ءِ جوڑ کنگ ءِ ھلاپ ءَ نودربراں زھرشانی کنان ءَ دگ بند کتگ-

زھرشانی ءَ نودربراں کالج ءِ کش ءَ پوجی بنجل ءِ ھلاپ ءَ نبشتگیں تاک ءُ اوگام جتگ –

زھرشانی ءَ نودربرانی گوشگ اِنت گرلز کالج ءِ کش ءَ کیمرہ جنگ ءُ پھزداری ءِ نام ءَ بنجل جوڑ کنگ بیتگ کہ چریشی ءَ نودربراں بازیں کساسے ءَ جیڑھانی دیمپانی اِنت-

آیانی گوشگ اِنت وانگی ادارھانی کش ءَ پوجی چاونی ءِ جوڑ وانگی دشمنی اِنت چریشی ءَ چہ نودربر ونت نہ کن اَنت ترس ءِ آماچ اَنت-

آیاں گوشتگ جنکانی کالج ءَ پوج ءِ ارگ بلوچ دودانی لگتمالی انت ءُ بلوچ جنکاں چہ وانگ ءَ دور دارگ اِنت-

زانگ بہ بیت بلوچستان ءِ بازیں وانگجاہ ءُ کالجاں پوجی جاڑیگی یکشل ءَ رپورٹ بیتگ اَنت-

سیاسی پھناتانی گوشگ اِنت وانگی ادارھاں پوجی زورگری ءَ چہ بازیں نودربراں چہ وانگ ءَ زبھر اَنت کہ اود ءَ وانگ یک ترسے ءِ ساھگ ءَ بوت نہ کنت اِنت-

روکپتی بلوچستان ءَ ھواریں دمگ زابل ءَ گاڑیانی واھنداں کارتانی دارگ ءِ ھلاپ ءَ دمگدار ءِ کارگس ءِ دیم ءَ زھرشانی کتگ-

گیشیں اھوالانی رد ءَ زابل ءَ پٹرول پمپ ءُ دمگدار ءِ کارگس ءِ دیم ءَ گاڑیانی واھنداں کارتانی دارگ ءُ آیاں چار ماھاں تیل ءِ نہ دیگ ءِ ھلاپ ءَ زھرشانی کتگ –

زھرشانی کنوکاں واکداراں لوٹ کتگ کہ مئے کارت پچ کنگ ءُ مارا تیل دیگ بہ بیت اِنت چوش مہ بیت اِنت ما اَچ شمئے دست ءَ بہ لگوش اِنت-

آیاں سپاہ ءَ گوشتگ ءُ علی ھامنہ ای ءِ نام ءَ کلوہ دیان ءَ گوشتگ اگاں شما نپرت دارے گڑا ما سیمسر پروشت انت گڑا ما شما درست تباہ ءُ برباد بہ ایں –

گاڑیانی ڈرائیوراں گوشتگ اگاں سپاہ ءُ لشکر ءَ دزمانجنی کت ما ھچ بر وتی ھکاں پشت ءَ نہ کنز ایں-

زانگ بہ بیت ھمے زوتاں گاڑیانی واھنداں زابل ءُ چھبار ءَ دمگدارانی کارگس ءِ دیم ءَ پیش ءَ ھم زھرشانی کتگ بیتگ-

بلوچستان ءِ دمگ کیچ ءِ ھند ناصرآباد ءَ پاکستانی پوج ءَ ڈرون کیمرہ ءَ مردمانی تُرسینگ واستا دراھیں شپ ءَ ترّ اِیت-

دمگی اِھوالکار گوشگ اِنت کہ پاکستانی پوج نیمگ ءَ چہ سرجمیں شپ ڈرون کیمرہ ءَ مردمانی لوگانی دپ ءُ بال دنت-

دمگی مردمانی گْوشگ اِنت کہ دمگ ءَ لین نہ بیگ سبب ءَ مردم لوگ ءَ ڈن وپس اَنت وھدے مردم وپسگ ءَ رو اَنت گُڑا پوج نیمگ ءَ چہ ڈرون کیمرہ ءَ مردمانی سراں بال دیگ ءَ بندات کنت-

زانگ بہ بیت کہ سرجمیں بلوچستان ءَ گیشتر میتگانی میان ءَ پاکستانی پوج نیمگ ءَ چہ برجاہ کتگیں بُنجل چوکی درگت ءَ چہ اے وڑیں شکایت دزکپتگ اَنت- اود ءَ بازیں رند ءَ دمگی مردمانی نیمگ ءَ چہ میتگانی تہ ءَ برجاھیں بُنجل ءُ چوکیانی ھلاپ ءَ زھرشانی نکش کنائینتگ اَنت ءُ چوکی ءُ بُنجل ھلاس کنگ لوٹ کتگ-