TBP Balochi

بلوچ یکجھتی کمیٹی ءِ سروک ڈاکٹر ماہ رنگ بلوچ ءَ گْوشتگ کہ کراچی ائیرپورٹ ءَ چہ ایکس سر ءَ درشانے شنگ کتگ گْوشتگ کہ مرچی من آں ٹائم میگزین ءِ گالا ءَ بھر زیرگ ھاتر۔ءَ نیویارک ءَ روگی بیتگ، اود ءَ من آں ءُ دگہ راھشونانی ھمراھی ءَ لوٹائینگ بیتگ کہ آیانی نام ٹائم میگزین ءِ درستاں چہ گیش درچتگیں” لیڈر آف دی ایئر نام” ءَ ایر کنگ بیتگ اَنت- بلے من آں بید دگہ کانودی ءُ بے سبب کراچی انٹرنیشنل ایئرپورٹ ءَ دارگ بیتگ کہ سر پُر منی بُنکی ھک ءِ ھلاپ ورزی اِنت-

آئی ءَ گْوشتگ کہ اے کاروائی بلوچ توار ءِ ریاست ءِ گیش بیوکیں تُرس ءِ پدری ءَ کنت- منی سپر ءَ دارگ ءَ ھچ وڑیں مول نہ بیتگ، ابید بلوچ تواراں میانی استمانی ءَ گوشدارگ ءَ چہ دارگ، بلوچستان ءِ جاروانی درگت ءَ سرپدی دیگ ءِ دارگ ءُ بلوچستان ءَ بازیں دھکاں چہ برجاھیں انسانی ھکانی ھلاپ ورزیانی چیر دیگ-

ڈاکٹر ماہ رنگ ءَ گوشتگ کہ منی سپر ءِ ھک ءَ چہ انکار کنگ، پاکستانی حکومت من آں منی آجوئی ھیال ءُ درشان سُر پُرانی ھکانی کارمرزی ءَ دارگ لوٹ اِیت- اے سپر ءِ پابندی بلوچ انسانی ھکانی پھازوکی ءُ کارکنانی ھلاپ ءَ گیش بیوکیں زوراکی ءِ بھر اِنت- من وتی سُر پُر ءِ وتی ھکانی درکانودی پابندیانی ھلاپ ءَ جنگ کن آں-

آئی ءَ گْوشتگ کہ ایف آئی اے ءَ من آں بے سبب ءُ کانودی سبب نہ بوگ ءَ چہ بالگراب ءَ ایر گپتگ – وھدے بالگراب چست بیتگ گُڑا منی پاسپورٹ ایف آئی اے ءِ ڈپٹی انچارج عظمیٰ ءَ زرتگ – کہ آئی ءَ بندات ءَ شری ءَ، مھر ءُ نرم رویشگ پیشداشتگ – آئی ءِ زانگ ءِ کول کتگ کہ من آں پرچا ایر گپتگ، ءُ من اشی ءِ سر ءَ ستک کتگ وتی پاسپورٹ پد ءَ آئی ءَ داتگ-

آئی ءَ گْوشتگ کہ بلے نو آ دُژمنی ءَ ایرکپتگ ءُ منی پاسپورٹ ءَ واتر دیگ ءَ نہ اِنت- اے درست سندھ حکومت نگرانی ءَ بیگ ءَ اِنت-

وھدے کہ فرنٹ لائن ڈیفنڈرز ءَ ڈاکٹر ماہ رنگ بلوچ ٹائم میگزین ءِ مراگش ءَ بھر زیرگ ھاتر ءَ امریکہ روگ ءَ چہ دارگ ءِ تُرندی ءَ ایر جتگ گْوشتگ کہ بلوچ انسانی ھکانی درگت ءَ چہ ڈاکٹر ماہ رنگ بلوچ یک ھاسیں کارے ءَ منّگ بیت-

کراچی پولیس ءَ ایئرپورٹ نزیک ءَ دوشی چینی شھریانی سر ءَ بیتگیں فدائی اُرش ءِ بھتام ءَ زالبولے ءَ ھوار بازیں مردمے دزگیر کنگ ءِ ٹاہ داتگ-

پولیس ءُ دگہ پورس رِد ءَ کراچی جناح ٹرمینل ءِ نزیک ءَ تراک ءِ پٹ پول برجاہ ءَ اِنت کہ اود ءَ زالبولے ءَ ھوار بازیں مردمے دزگیر کنگ بیتگ اَنت-

پٹ پولی ءِ گوشگ رِد ءَ کہ جیو فینسنگ ءَ شش ءَ ھشت نمبر شکی کنگ بیتگ اَنت- شکی ئیں نمبرانی سرجمیں ڈیٹ ءَ چیک کنگ ءَ اَنت ، اُرشکار ءَ نزیکیں ماڑی ءَ چہ کمک رسگ ءَ بیتگ-

پٹ پولی گوشگ رِد ءَ چینی انجینئرز درگت ءَ کہ آیاں سرپدی بیتگ آیاں ھم ھوار پٹ پول کنگ پیسلہ کنگ بیتگ-

زانگ بہ بیت کہ کراچی ائیرپورٹ سگنل ءِ نزیک ءَ یک اُرشے ءَ سے چینی کشگ بیتگ وھدے کہ اے وئیل ءَ ھپدہ مردم ٹپی ھم بیتگ اَنت-

پٹ پولی ادارھاں ٹاہ داتگ کہ چینی مردمانی سر ءَ وتکش تراک اُرش ءَ کارمرز بیوکیں گاڑی ءِ سرپدی گپتگ- چیسس نمبر ءَ چہ گاڑی ءِ واھنند ءِ نادرا ریکارڈ ھم دزگپتگ اَنت وھدے کہ اُرشکارانی کارمرزی ءَ موباھل فونز سمز ءِ ڈیٹا ھم یکجاہ کنگ بیگ ءَ اَنت-

زانگ بہ بیت کہ زی کراچی ءَ چینی شھریانی سر ءَ بیتگیں اُرش زمہ واری بلوچ لبریشن آرمی ءَ منّ اِتگ گْوشتگ کہ گل ایلیٹ فدائی یونٹ، مجید برگیڈ ءَ گوستگیں شپ ءَ کراچی ءَ جناح ائیرپورٹ ءَ چہ دراوکیں چینی انجنیئر ءُ سرمایہ کارانی یک بلاھیں کاروانے فدائی اُرش ءِ نشانگ کتگ پنچ ءَ گیش چینی انجینئر ءُ سرمایہ کار کشتگ اَنت ءُ دوازدہ ءَ گیش ٹپی کتگ اَنت، وھدے کہ آیانی پھازوکی ءَ کم چہ کم پانزدہ پاکستانی پوج کارمند مرتگ اَنت ءُ بازین ئِے ٹپی کتگ، آیانی تہ ءَ پاکستانی پوج ءُ چیریں ادراھانی چار ءَ گیش مزنیں آپیسر ھوار اَنت- تراک ءِ آسر ءَ کاروان ءَ ھوار پانزدہ گاڑی تباہ بیتگ اَنت- بی ایل اے ءِ ھیالداری رپکانی سبب ءَ چہ گنجان آباد ءَ جانی تاوان ءَ رکّ اِتگ- وھدے کہ بے دلیں دُژمن مدامی وڑ ءَ اے وڑیں سوبمندیں اُرش ءِ چیر دیگ واستا آئی ءَ آئل ٹینکر وئیل دیگ جھد کتگ، بلے اشی ءَ بے سوبی ءِ دیمپانی کنگ کپتگ- اے بی ایل اے ءِ ٹاھانی پدری اِنت کہ بلوچستان ءَ وتی پوج ءِ بے سوبی ءَ گند اَنت، دُژمنیں پوج پاکستان ءَ یکشل ءَ وتی تاوانانی چیر دیگ جھد کنگ ءَ اِنت- اے کاروائی بی ایل اے، مجید برگیڈ ءِ فدائی سنگت فدائی شاہ فھد پنّام آفتاب ءَ کتگ-

بلوچستان ءِ بُنجاھی شھر شال ءَ سیکورٹی شیوار کتگ-

گیشیں ھالانی رِد ءَ گوستگیں روچ ءَ کراچی ایئرپورٹ نزیک ءَ بیتگیں وتکش تراک ءَ پد بُنجاھی شھر شال ءَ سیکیورٹی شیوار کتگ وھدے کہ شال شھر ءِ تھی ءُ ڈنی راھانی سر ءَ پولیس ءُ دگہ پورس ءَ جتاجتائیں ھندانی سر ءَ راہ بستگ ءُ پٹ پول کنگ ءَ اَنت – وھدے کہ شال شھر ءِ ایئرپورٹ ءَ رؤکیں راہ دگہ ھاسیں ماڑی کہ ریڈ زون بلوچستان ھائی کورٹ ، اسمبلی ماڑی ءُ جتاجتائیں مزنیں شھدگانی سر ءَ پوج ءُ پولیس ءَ پٹ پول بندات کتگ- شال شھر ءَ چہ ایئرپورٹ نیمگ ءُ ایئرپورٹ شھدگ سر ءَ ھم پوج ءَ سیکیورٹی شیوار کتگ-

زانگ بہ بیت کہ زی کراچی ءَ چینی شھریانی سر ءَ بیتگیں اُرش زمہ واری بلوچ لبریشن آرمی ءَ منّ اِتگ گْوشتگ کہ گل ایلیٹ فدائی یونٹ، مجید برگیڈ ءَ گوستگیں شپ ءَ کراچی ءَ جناح ائیرپورٹ ءَ چہ دراوکیں چینی انجنیئر ءُ سرمایہ کارانی یک بلاھیں کاروانے فدائی اُرش ءِ نشانگ کتگ پنچ ءَ گیش چینی انجینئر ءُ سرمایہ کار کشتگ اَنت ءُ دوازدہ ءَ گیش ٹپی کتگ اَنت، وھدے کہ آیانی پھازوکی ءَ کم چہ کم پانزدہ پاکستانی پوج کارمند مرتگ اَنت ءُ بازین ئِے ٹپی کتگ، آیانی تہ ءَ پاکستانی پوج ءُ چیریں ادراھانی چار ءَ گیش مزنیں آپیسر ھوار اَنت- تراک ءِ آسر ءَ کاروان ءَ ھوار پانزدہ گاڑی تباہ بیتگ اَنت- بی ایل اے ءِ ھیالداری رپکانی سبب ءَ چہ گنجان آباد ءَ جانی تاوان ءَ رکّ اِتگ- وھدے کہ بے دلیں دُژمن مدامی وڑ ءَ اے وڑیں سوبمندیں اُرش ءِ چیر دیگ واستا آئی ءَ آئل ٹینکر وئیل دیگ جھد کتگ، بلے اشی ءَ بے سوبی ءِ دیمپانی کنگ کپتگ- اے بی ایل اے ءِ ٹاھانی پدری اِنت کہ بلوچستان ءَ وتی پوج ءِ بے سوبی ءَ گند اَنت، دُژمنیں پوج پاکستان ءَ یکشل ءَ وتی تاوانانی چیر دیگ جھد کنگ ءَ اِنت- اے کاروائی بی ایل اے، مجید برگیڈ ءِ فدائی سنگت فدائی شاہ فھد پنّام آفتاب ءَ کتگ-

وھدے کہ چینی واکدار ءَ وتی سے شھریانی مرگ ءِ گپ راست کتگ-

بلوچ لبریشن آرمی ءِ جارکش جیئند بلوچ ءَ رسانکدراں شنگ کتگیں درشان ءَ گوشتگ گل ءِ ایلیٹ فدائی یونٹ، مجید بریگیڈ ءَ گوستگیں شپ ءَ کراچی ءَ جناح ائیرپورٹ ءَ درکپوکیں چینی انجنیئر ءُ واپار کارانی یک گچینی کاروانے فدائی اُرش ءِ نشانگ کتگ ءُ پنچ ءَ گیش چینی انجینئر ءُ واپارکار کشتگ ءُ دوزادہ ءَ گیش زدگ کتگ اَنت- ھمے ڈول آیانی پھزداری ءَ کم چہ کم پانزدہ ہاکستانی پوج کشتگ ءُ بازینے زدگ کتگ اَنت- چریشانی توک ءَ پاکستانی پوج ءُ چیریں ادارھانی گچینی آفیسر ھوار اَنت- تراک ءِ آسر ءَ کاروان ءَ ھواریں پانزدہ گاڑی تباہ بیتگ اَنت -بی ایل اے ءِ مُھتات کارشونانی سبب ءَ گنجان آباد دمگ ءَ ابید تراک ءَ لس شھریانی جانی تاوان نہ بیتگ اَنت – بلے لگوریں دشمن ھروھدی رنگ ءَ اے سوبمندیں اُرش ءَ چیر دیگ ءِ واستا آئل ٹینکر وئیل گوشگ ءَ وتی وسے جھد ءَ بیتگ- بلے بے سوب بیتگ – اے بی ایل اے ءِ ھما گپانی راستیانی منانک اِنت کہ بلوچستان ءَ وتی پوج ءَ کپگ ءُ بے سوبی ءَ گند ایت، دشمنیں پاکستان ءِ پوج یکشل ءَ وتی تاواناں چیردیگ ءِ جھد ءَ اِنت- اے کاروائی بی ایل اے ءِ مجید بریگیڈ ءِ فدائی سنگت شاہ فھد آفتاب ءَ سرجمی کتگ- بلوچ لبریشن آرمی اے اُرش ءِ زمہ واری ءَ من ایت-

جارکش ءَ گوشتگ اے اُرش پاکستان ءُ چین ءِ نیمگ ءَ بلوچ راج ءِ ھلاپ ءَ برجاھیں زورگری، زوراکی، لٹ ءُ پُل ءُ مڈیانی برگ ءِ پژدر ءَ کنگ بیتگ- مئے اے کاروائی ھما گپ ءِ چیدگ اِنت کہ بلوچ راج ءُ وتی سرڈگار،وتی مڈی ءُ وتی آجوئی ءِ واستا جنزگ ءِ پیسلگ کتگ ، تُری دشمن کجام رنگیں تاکتورے بہ بیت، ھچ رنگ ءَ ما وتی سرڈگار ءِ سر ءَ بیوکیں زُلم ءُ پلپھانچی ءُ زورگری ءَ نی گیش اوپار کت نہ کن ایں-

آئی ءَ گوشتگ چین ءُ پاکستان ءَ بلوچستان ءِ گرانبھائیں مڈی، کہ ریکوڈک ءِ سھر ءُ تانبہ ءِ کھن، سیندک ءِ مادنی مُچی ءُ گوادر ءِ جھلین زِرگاہ، وتی برجم کنگ ءَ وتی لٹ ءُ پلی شوربندی ترند کتگ اَنت – آیانی نیمگ ءَ بندات کنگ بیتگ کہ سی پیک منسوبہ بلوچاں گیش گلامی ءَ ھوارینگ ءُ مئے ابرمی مڈیانی برگ ءِ یک پندلے، اے منسوبہ ایوک ءَ یک گزرانکی پراجیکٹے نہ اِنت بلکیں مئے سرڈگار ءُ مئے پجار ءِ سر ءَ اُرش اِنت-

جارکش ءَ گوشتگ بلوچ لبریشن آرمی ءَ چین ءَ را پیش ءَ نود روچ ءِ اژدری داتگ کہ بلوچ راج ءِ ھلاپ ءَ پاکستان ءِ گون ءَ وتی گیرکانونی ھمسنتی ءَ ھلاس بہ کنت ءُ بلوچستان ءَ دراھیں منسوبھ، واپاریکاری ءُ لشکر ءَ واتر بہ کنت- بلے چین ءَ مئے اے تچکیں ءُ ترندین بیھار ڈالچار کتگ ءُ پاکستان ءِ پشت پناھی کنان ءُ مئے مڈیانی سر ءَ وتی زورگری ءَ گیش مھکم کنگے برجاہ کتگ- مروچی اُرش اے گپ ءِ پدراھی ءَ کنت ما وتی سرڈگار ءِ سر ءَ ھچ وڑیں درملکی تاکتاں زورگری کنگ ءَ نئیل اِنت ءُ دشمن ءِ سر ءَ کجام وھد ءُ کجام جاہ ءَ اُرش کت کن ایں-

آئی ءَ گوشتگ اے ھردوکیں ڈیھ بلوچ راج ءِ آجوئی ءِ زرمبشت ءَ لگت دیگ ءَ ھمکار اَنت ءُ ایشی ءِ واستا ھرچ وڑیں زلم ءُ زوراکیاں کنگ ءَ اَنت- بلے آ بے ھیال اَنت کہ اے جد ءُ جھد آیانی کروڑانی ڈالری لشکری پلانز ءُ واپاری ءَ گیش مھکم اِنت-

آئی ءَ دیمتر ءَ گوشتگ بی ایل اے ایشی ءَ ترندی ءَ گوش ایت کہ چین ءَ دوبر سرپد کن ایں کہ اگاں آئی ءَ زوت سرجمیں بلوچستان ءَ وتی گیر کانونی منسوبہ ءُ بلوچانی ھلاپ ءَ پاکستان ءِ گون ءَ وتی ھمسنتی ءَ در نہ کپت گڑا گیش آئی ءَ ترندیں اُرشانی دیمپانی کنگ کپ ایت- ما چین ءِ دراھیں زرکاری لوٹ ءُ وپاری ءُ پوجی بنجلاں نشانگ کن ایں- ءُ ایشی ءَ بزانت کہ بلوچستان ءِ سرڈگار آئی ءِ واستا یک مھکمیں پناہ جاھے نہ بیت اِنت- مروچیگیں اُرش ھما درچ ءِ بھر اِنت کہ آئی ءِ بندات یازدہ اگست دوھزار ءُ ھژدہ ءَ فدائی ریھان اسلم بلوچ ءَ دالبندین ءَ چینی انجنیئرانی کاروان ءِ سر ءَ فدائی اُرش کتگ اگاں چین ءَ مئے بیھار پد ءَ ڈالچار کت گڑا آئی ءَ ترندیں جنگ ءَ گوزگ کپ ایت-

آئی ءَ گوشتگ اے نا ایوک ءَ چین ءِ واستا بیھار اِنت بلکیں دنیا ءِ کجام ھم راج ءُ واپار کار ءِ واستا ءَ اِنت- کہ ھما پاکستان ءِ زورگری ءِ وھد ءَ بلوچستان ءَ گام ایر کنگ لوٹ ایت- کجام درملکی واپارکار یا سرکار پاکستان ءَ ھوار بیت ءُ بلوچستان ءِ مڈیانی زورگرگ ءِ جھد ءَ کنت گڑا آئی ءَ را ترندیں گامگیجانی دیمپانی کنگ کپ ایت- ما ھچ کس ءَ وتی مڈی ءُ راج ءِ باندات ءَ لگتمال کنگ ءِ اجازت ءَ نہ دیں، دانکہ بلوچ راج آجو مہ بیت اِنت- میان اُستمانی برادری ءَ یاداشت بیگ لوٹ ایت کہ بلوچستان ءِ سرڈگار ءُ آئی ءِ مڈی بس ایوک ءَ بلوچ راج ءِ مِلک اَنت ءُ ما کجام ھم نھاد ءَ وتی ھک ءُ آجوئی ءِ پھزداری ءَ کن ایں-

جارکش ءَ گوشتگ پاکستان ءُ چین ءَ سرپد بوگ لوٹ ایت کہ آ وتی لوٹانی واستا کجام رنگ ءَ سردری بہ کش اَنت بلے آ مئے جزبگ ءِ آجوئی ءَ پروشگ ءَ بے سوب بنت اِنت- ما وتی سرڈگار ءِ پھریز ءَ ھرچ تک ءَ شت کن ایں وتی راج ءِ ھلاپ ءَ بیوکیں زوراکیاں دپ پروشیں پسو دے ایں بلوچ راج ءِ ھلاپ ءَ بیوکیں کاروائیانی ھساب گرگ بیت اِنت ءُ ھر ھما تاکت مئے سرڈگار ءُ مڈیانی سر ءَ زورگری کنگ ءِ جھد ءَ کنت گڑا آ وتی تباھی ءِ سبب وت جوڑ بیت اِنت-

کراچی ءَ دشمن ءِ سر ءَ سوبمندین فدائی اُرش کنوکیں سرمچار مجید بریگیڈ ءِ دلیر فدائی شاہ فھد بادینی بیتگ – فدائی سنگت شھید شاہ فھد بادینی پنام ءِ آفتاب ء میر فضل خان بادینی ءِ سیادی نوشکی ءِ دمگ کلی بادینی ءَ بیتگ – آ دوھزار ءُ نوزدہ ءَ بلوچ لبریشن آرمی ءَ گوں ھوار بیتگ، مھنتی ءُ جپاکشی ءِ سربرزشاریں سنگت شاہ فھد پنام ءِ آفتاب ءَ ھروھد ءَ جوانیں رنگے ءَ پرز پیلو کتگ انت – بیست ءُ ھشت سالی ئیں شھید شاہ فھد بادینی لسبیلہ یونیورسٹی ءَ بی بی اے ءِ تک ءَ وانگے سرجم کتگ بیتگ – آ یک زھندار ءُ زانتکاریں نودربرے بیتگ- دوھزار ءُ بیست ءُ یک ءَ بی ایل اے مجید برگیڈ ءَ کمکاری ءَ وتی بھر ءَ دیگ ءَ بیتگ – سَے سال ءِ ودار ءُ ھیلکاری ءَ پد آئی ءَ کساس یک سالے ءَ پیش اے مشن دیگ بیتگ- آئی ءَ بی ایل اے ءِ انٹیلی جنس ونگ زِراب ءِ گون ءَ کار کتگ- وتی شورواں پرین گاڑی دشمن ءِ کاروان ءَ ٹکر جتگ ءُ اے مزنیں مشن باز گچینی ءُ بھادری ءَ سوبمند کتگ-

جیئند بلوچ ءَ گوشتگ بلوچ لبریشن آرمی ءِ اے مشن ءِ سوبمند کنگ ءَ بی ایل اے ءِ انٹیلیجنس ونگ زراب ءِ مزنیں کردے بیتگ – اے وھد ءَ بلوچ لبریشن آرمی وتی انٹیلیجنس ونے زراب ءِ نام ءَ سرجمی ءَ دیما کار ایت- زراب ZIRAB(Zephyr intellingence Research & Analysis Bureau ) بلوچ لبریشن آرمی ءِ مھکمیں انٹیلی جنس ونگ انت کہ چش زانتکاری ءَ چکاری ءِ واھند اِنے سدانی، ریسرچرز،انفارمرز،آئی ٹء ایکسپرٹس،ڈیٹا انالسٹ ءُ پٹ ءُ پولکاراں ھوار اِنت – زراب ءِ چیریں بنجل سرجمیں بلوچستان ءِ کسان ءُ مزنیں شھراں برجم کتگ اَنت – بی ایل اے ءِ اے بے برمشیں سپاھی دشمن ءِ دراھیں ادارھانی تہ ءَ پترگ ءَ سوبمند بیتگ اَنت – سالانی سال زراب ءِ سر ءَ جھد کتگ ءُ ھرتچاری ءِ مھنت ءَ اے بودیشت ءَ رسینتگ کہ گوستگیں روچ ءِ ڈولیں اُرش سرجم بیتگ اَنت-

آئی ءَ گوشتگ بلوچ لبریشن آرمی اے وھد ءَ مجید بریگیڈ ءِ دو ھنچیں فدائیانی نامانی جار ءَ جنت کہ گوستگیں روچ ءِ اُرش ءِ بنداتی بھر ءَ ھوار بیتگ اَنت – رازداری ءِ رھبنداں اے مشن ءِ پیسری بھر ءِ سرجمیں اھوال چیر دیگ بنت اِنت – اے مشن ءَ پیسری بھر شھید فدائی سنگر صدام بلوچ ءأ مجید بریگیڈ ءِ فدائی سنگت سھیل بلوچ ءَ سوبمندی ءَ پیلو کنان ءَ شھیدی یے زرتگ-

شھید سنگت صدام بلوچ پنام ءِ فرید بلوچ ء باھوٹ بلوچستان ءِ دمگ پسنی ءَ سیادی دار ایت – شورو بستگیں فدائی اُرشکار سنگت صدام سال دوھزار ءُ بیست ءُ یک ءَ بلوچ لبریشن آرمی ءَ ھوار بیتگ ءُ یک سالے ءَ پد آئی ءَ بی ایل اے مجید بریگیڈ وتی ھدمت پیش کتگ – شھید صدام بلوچ بی ایس کریمنالوجی ءِ نودربرے بیتگ- جزبگ ءِ کربانی ءَ شرشاریں فدائی صدام بلوچ یک جنگول دروشمیں جنگی ھمراھے بیتگ- آئی ءَ اے مشن ءِ سرجم کنگ ءَ بازیں ماھاں زراب ءِ گون ءَ ھوار بیتگ ءُ کار جتگ ءُ مشن ءِ سوبمند کنگ ءَ وت ءَ پیش ءَ کربان کتگ – جارکش ءَ گوشتگ فدائی شھید سنگت سھیل پنام ءِ بابا ء عبدالحمید پنجگور ءِ دمگ ھدابادان ءِ جھمنند بیتگ ءُ گریجویشن ءِ سند ءَ دزگروکیں شھید سنگت فدائی سھیل دوھزار ءُ ھبدہ ءَ بلوچ لبریشن آرمی ءَ ھوار بیتگ – ءُ دوھزار ءُ بیست ءَ آئی ءَ بی ایل اے ءِ مجید بریگیڈ ءَ کمکاری کتگ – آ پیش ءَ زانشت ءِ واھند بیتگ یک دورچاریں ھمراھے بیتگ – آئی ءَ وتی ھپت سال ءِ وھد ءِ جد ءُ جھد ءَ شھری نیٹورک، کوھی جنگ، مجید بریگیڈ ءُزراب ءَ کار کتگ ءُ اے دراھیں یونٹاں وتی مھنت ءُ زھن ءِ بے کساسیں لیکہ داتگ اَنت-

آئی ءَ گوشتگ مئے جد ءُ جھد داں ھما وھد ءَ برجاہ بیت اِنت کہ دانکہ بلوچ تی سرڈگار ءِ آجوئی ءُ وتواجھی ءَ نہ گپت اِنت ءُ اے یک تچکیں کلوھے کہ پاکستان ءُ چین ءِ واستا مئے سر ءَ آورتگیں جنگ ءَ ما تاکت ءِ زور ءَ پروش دے این آ روچ دور نہ اِنت کہ بلوچستان آجو بیت اِنت ءُ اے زورکیں تاکتانی نام ءُ نشان گار بیت اِنت-

گڈسر ءَ گوشگ بیتگ کہ بی ایل اے ءِ اے پرشونی ءَ کڈن اِنت کہ ما وتی راج ءِ آجوئی ءُ وتی مڈیانی پھریزگ ءَ جنگ جن ایں – کجام ھم تاکت تُری آ پاکستان بہ بیت یا آئی ءِ ھمسنت، مارا مئے سرڈگار ءُ آجوئی ءَ دزکش کت نہ کن اَنت – مئے یک تچکیں گپے کہ یا زورگریں تاکت مئے زمین ءَ یل بہ کن اَنت یا بلوچ راج ءِ کاری جوابی وار ءِ ودار ءَ بہ کن اَنت اے جنگ ما آجوئی ءِ واستا بندات کتگ ءُ ایشی ءِ ھلاسی بس بلوچستان ءِ آجوئی ءِ سر ءَ بیت اِنت-

زِراب شَھم دنت

الماس بلوچ

دی بلوچستان پوسٹ

تھاریانی واجہ ءَ سما بہ بیت
منی زمین ءِ شیرزال
منی زمین ءِ نرمزار
چو دلوت ءَ نہ اَنت
کہ ماں چراگجاھے ءَ چَر اَنت
یا کاھُکے وَرنت
ءُ راھُکے رَونت

تھاریانی واجہ ءَ سما بہ بیت
داں کوھسراں زمین زھَگے دْرپش دنت
داں کیلّگاں بھار ءِ واھگے بھار کنت
داں ٹیڑے ءِ سرا
شھیدے ءِ پَدانی بُوسگ ءَ
زَمانگے توامیں واباں جابہ ءَ
کنان ءَ رہ کپیت
تاں ایمنی ءِ رُژن ءُ بامسار
گُلزمین ءِ سینگ ءَ ودی بہ ینت

تھاریانی واجہ ءَ سما بہ بیت
کہ داں بلوچ ءِ چمّاں انگرے پدا رُدیت
داں خاخرے دل ءِ تھا پہ بیرگیری ءَ بلیت
اے گُلزمین ھمے وڑا
تئی سرا چو آس ءِ تْرونگلاں شَلیت
تئی سانکلیں ھَسار ءَ دلجمی ڈلیت
کہ پہ شما دگہ دَگے اوں نیست، پَلیت!

تھاریانی واجہ ءَ سما بہ بیت
منی زمین ءِ سینگ ءَ
زِراب شھم دنت
ءُ شورَھانی میان ءَ
زِندگی وتی شھاز ءِ مانا ءَ دُچار بیت،
گوں مرزبوم ءِ سینگ ءَ ھوار بیت
ءُ مانیت تاں اَبد

یک شمبے ءِ شپ ءَ کراچی بالی پٹ ءِ نزیک ءَ بلوچ لبریشن آرمی ءِ اَرش ءَ چین ءِ شھریانی بیرانی ءِ پد ءَ پاکستانی واکدارانی نیمگ ءَ ایرجنی برجاہ اَنت۔

پاکستان ءِ صدر آصف علی زرداری ءَ وتی یک بیانے ءِ تہ ءَ اے وئیل ایر جتگ ءُ تراک ءَ بیران بوتگیں مردمانی کھول ءِ گوما دلپدردی ءِ درشانی کتگ۔

صدر آصف علی زرداری ءَ گشتگ کہ راج دژمنیں مردم پاکستان ءِ دیمروئی ءُ وشحمھالی ءَ را تاوان دیگ لوٹ انت ءُ اے گپ ءَ گشتگ کہ اے وئیل ءَ ھواریں مردماں انساپ ءِ دیم ءَ آرگ ءِ ھاتر ءَ املی گامگیج چست کنگ بہ بیت۔

پاکستان ءِ مزن وزیر شھباز شریف ءَ گشتگ کہ آ اے وئیل ءَ چہ سک ھیران ءُ رنجیگ بوتگ آں۔

شہمھباز شریف ءَ اے تک ءِ سر ءَ گوشت کہ من اے زھرناکیں کارروائی ءَ را سک ایر جن آں ءُ چین ءِ سروکی ءَ گوں دلپدردی ءِ درشان کن آں ءُ ھاسیں رنگ ءَ بیران بوتگیں مردمانی کھول ءِ گوما دلپدردی ءِ درشان کن آں ۔

آئی ءَ گوشت کہ مجرمانی پجار ءُ کانود ءِ دیم ءَ آرگ ءِ واستا پٹ ءُ پول برجاہ انت، پاکستان وتی چینی دوستانی رکھینگ ءِ واستا جزمیگ انت۔ ما ایشانی جان سلامتی ءُ وشھالی ءِ ھاترا ھچ وڑیں سنگ ءُ ٹال نہ کن ایں-

پاکستان ءِ توکی کارانی وزیر محسن نقوی ءَ گشتگ کہ کراچی ءَ ناشرکاری اُرش چین ءِ شھریانی سر ءَ نہ انت بلکیں پاکستان ءِ سر ءَ انت، اے ارش ءِ سر ءَ دژمن ءَ را ترندیں پسو دیگ بیت۔

وفاقی وزیر داخلہ محسن نقوی اسلام آباد ءَ چینی سفارت خانہ ءَ سر بوتگ اودا آئی ءَ چینی سفیر جیانگ زیڈونگ ءَ گوں گند ءُ نند کتگ۔

وزیر داخلہ ءَ تراک ءِ تہ ءَ 2 چینی شھریانی بیرانی ءِ سر ءَ چینی سفیر ءَ را وتی دلپدردی ءِ درشانی کتگ، ھمے وھد ءَ چینی سفیر، ھکومت ءُ بیران بوتگیں چینی شھریانی کھولانی گوما یکوئی ءِ درشانی کتگ۔

زانگ بہ بیت گوستگیں شپ ءَ کراچی ءِ جناح انٹرنیشنل ایئرپورٹ ءِ دپ ءَ سگنل ءِ نزیک ءَ تراک بوتگ کہ ایشی ءِ زمہ واری بلوچ لبریشن آرمی ءَ من اتگ۔

اے گپ یات بہ بیت کہ اے سال ءِ توک ءَ بلوچ لبریشن آرمی ءِ مجید برگیڈ ءِ نیمگ ءَ بازیں اُرش کنگ بوتگ انت ۔ ایشانی تہ ءَ 26 اگست ءَ بلوچستان ءِ دمگ بیلہ ءَ سیکورٹی فورسز ءِ کیمپ ءِ دروازگ ءَ پُریں گولہ بارود ءِ گاڑی ءَ ٹکر جنگ ءَ پد آپریشن ھیروپ ءِ بندات بیتگ کہ کم چہ کم 130 لشکری کارمند مرتگ انت-

بلوچی زبان ءِ ندکار، ءُ شائر آرپ وپا ءِ سیمی دپتر گار اَشکام چاپ ءُ شنگ بیتگ-

اے سباء انسٹی ٹیوٹ آف ریسرچ اینڈ پبلیکیشنز ءِ نیمگ ءَ چاپ ءُ شنگ کنگ بیتگ-

سباء انسٹی ٹیوٹ آف ریسرچ پبلیکیشنز ءَ شنگ کرتگیں درشان ءَ گوشتگ کہ آرپ وپا ءِ کتاب گار اَشکام چاپ ءُ شنگ بیتگ کہ آ شمارا کتاب نھاد جاھاں دز کپ ایت-

زانگ بہ بیت گوستگیں ماہ ءَ آرپ وپا ءِ کتاب آرپ کسہ کنت ھم چہ سباء انسٹی ٹیوٹ آف ریسرچ اینڈ پبلیکیشنز ءِ نیمگ ءَ چاپ ءُ شنگ بیتگ اَت ءُ ایشی ءِ ھواری ءَ بلوچی زبان ءِ ندکار بابل لتیپ ءِ کتاب اھد ء وپا ھم چاپ ءُ شنگ بیتگ ات-

زانگ بہ بیت آرپ وپا ءِ چِد ءُ پیسر آرپ وپا ءِ شائری ءِ سَے کتاب شنگ کنگ بیتگ اَنت ءُ ایشانی ھوار ھوار آرپ وپا ءِ دو گدار ءُ یک آزمانکانی کتابے شنگ بیتگ اَنت-

اے ھمے زوتی اِنت کہ سباء انسٹی ٹیوٹ آف ریسرچ اینڈ پبلیکیشنز ءِ نیمگ ءَ چاپکاری ءِ سیمی کتاب اِنت کہ چاپ بوگ ءَ اِنت ءُ ھمے داب ءَ ایشی ءَ پیش ھم سباء انسٹی ٹیوٹ آف ریسرچ پبلیکیشنز ءِ نیمگ ءَ کتاب چاپ ءُ شنگ بیتگ اَنت-

بلوچستان ءِ دمگ مستونگ ءَ مروچی سھب ءَ چہ پوجی لشکر کشی برجاہ ءَ اِنت-

ھالانی رِد ءَ سھب سر ءَ ھیلی کاپٹراں مستونگ ءِ کوھی دمگاں یکشل ءَ بُرز بال برجاہ ءَ اِنت-

کوہ ماران، کابو، تلخہ کاوی، غاری کش گوراں تیرگواری ھیلی کاپٹرانی شیلنگ ءِ ھال اِنت-

دمگی وسیلگ رِد ءَ ھیلی کاپٹرانی برز بال پد ءَ شال ، ایف سی بُنجل مستونگ ءَ روگ ءَ اَنت-

تنی وھدے لشکر کشی درگت ءَ واکدار ءِ ھچ وڑیں درشان نیتکگ-

کراچی ائیرپورٹ اُرش ءَ بیران بیتگیں سے چینی شھریانی پجّار بیتگ اَنت-

پولیس رِد ءَ مُرتگینانی پجّار لی جون، وہ جون زن ءُ لی زھااو ءِ نام ءَ چہ بیتگ اَنت-

زانگ بہ بیت کہ بلوچ لبریشن آرمی ءِ یک درشانے ءَ شنگ کتگیں دشان تہ ءَ اُرش زمہ واری منّ اِتگ ءُ اُرشکار ءِ اکس شنگ کتگ گْوشتگ کہ کراچی ءَ شش اکتوبر دوھزار بیست چار ءَ سرمایہ کار، انجنیئر ءُ پاکستانی پوج ءِ یک بلاھیں سیکیورٹی کاروان سر ءَ فدائی اُرش کنوک مجید بریگیڈ بی ایل اے ءِ فدائی شاہ فھد پنّام ءِ آفتاب ءَ کاروائی کتگ-

دومی نیمگ ءَ پاکستان ءَ چینی سفارت خانہ ءَ راست کتگ کراچی ءَ یکشمبے ءِ شپ ءَ یک اُرشے ءَ چینی شھری نشانگ کنگ بیتگ اَنت-

پاکستان ءَ چینی سفارت ھانہ ءَ اے گپ راست کتگ ءُ گوشتگ کہ یک شمبے ءِ شپ ءَ کراچی ءَ اُرش ءَ دو چینی شھری بیران ءُ یکے ٹپی بوتگ۔

بیان ءِ تہ ءَ گوشگ بوتگ کہ یک شمبے ءِ روچ ءَ پاکستان ءِ زرباری اُستان سندھ ءِ بنجاھی شھر کراچی ءَ جناح انٹرنیشنل بالی پٹ ءِ نزیک ءَ پورٹ قاسم الیکٹرک پاور کمپنی ءِ کاروان ءِ سر ءَ اُرش کنگ بیتگ ۔

بیان ءِ تہ ءَ گْوشگ بیتگ: پاکستان ءَ چینی سفارت ءُ قونصل ھانہ اے وئیل ءَ ایر جنے، دوئیں ملک بیران بوتگیں مردمانی گوما دلپدردی ءِ درشان کن اَنت ءُ ٹپیگ ءُ آھانی کھول ءِ گوما دلپدردی ءِ درشان کن اَنت۔

بیان ءِ تہ ءَ گیش گوشگ بوتگ کہ چین ءِ نیمگ ءَ پاکستان ءِ گوما کار کنگ ءَ انت ۔ پاکستان ءِ نیمگ ءَ اے وئیل ءِ پد ءَ گوں گر ءُ چیل بوھگ ءِ واستا وتی وس ءُ واک ءَ کار کنت۔

بیان ءِ تہ ءَ گوشگ بیتگ کہ پاکستان ءَ چینی مشناں زوتاں چہ زوت ایمرجنسی رسپانس بندات کتگ ءُ پاکستان ءَ را لوٹ کتگ کہ آ ٹپیانی الاج ءِ واستا وتی وس ءُ واک ءَ کار بہ کنت، اُرش ءِ سرجمیں پٹ ءُ پول ءَ بہ کنت ءُُ مجرمانان سزا بہ دنت۔

سفارتخانہ ءَ اے گپ ءِ سر ءَ زور پر دات کہ پاکستان ءِ نیمگ ءَ پاکستان ءَ چینی شھری ، ادارگ ءُ منسوبگانی ایمنی ءَ را دل یکیمی کنگ ءِ واستا دلجمی گامگیج چِست بہ کنت اِنت-

بیان ءِ تہ ءَ گشگ بوتگ کہ پاکستان ءَ چینی سفارت ءُ قونصل خانہ ءَ پاکستان ءَ چینی شھری ءُُ کمپنیانی دلبڈی دیگ ءِ ھاترا ھرچ وڑیں کوشست کتگ کہ آ ھوشیار بہ بنت، دمگی ایمنی ءِ جاور ھالانی سر ءَ دلگوش بہ کن اَنت، ایمنی ءِ گامگیجاں مھکم بہ کن اَنت ءُ ایمنی ءِ پھریزی گامگیج بہ زور اَنت۔

وھدے کہ اُرش ءَ پد بلوچ لبریشن آرمی ءَ بیانے شنگ کتگ ءُ ارش ءِ زمہ واری من اِتگ۔ ءُ اُرش کنوک ءِ اکس شنگ کنان ءَ آئی ءَ گْوشتگ کہ 6 اکتوبر 2024 ءَ مجید بریگیڈ بی ایل اے ءِ فدائی شاہ فهد عرف آفتاب ءَ کراچی ءَ چینی سرمایہ کار، انجینئر ءُ پاکستانی لشکر ءِ مزنیں سیکورٹی کاروان ءِ سر ءَ اُرش کتگ۔

روکپتی بلوچستان ءِ بنجاھی شھر زاھدان ءَ ایرانی لشکر ءَ یک ورنایے آوار جنگ ءَ پد بیگواہ کتگ-

اھوالانی رد ءَ روکپتی بلوچستان ءِ بنجاھی شھر زاھدان ءِ ھند شیر آباد ءَ ایرانی لشکر ءَ یک لوگے ءَ بیڑ برتگ ءُ اود ءَ ھبدہ سالی ئیں ورنایے آوار برتگ ءُ برتگ-

آوار جنگ ءُ برگ بیتگیں مردم ءِ پجار مھمد رسول شاہ بخش ء خان مھمد ءِ نام ءَ زانگ بیتگ-

اھوالانی رد ءَ گوستگیں روچ ءَ ایرانی لشکر ءَ شیر آباد ءَ خان مھمد ءِ لوگ ءِ سر ءَ بیڑ برتگ ءُ اود ءَ جاڑیگیں آئی ءِ بچ مھمد رسول چہ مات ءِ چمانی دیم ءَ آوار جتگ ءُ ناشناسیں جاھے ءَ برتگ کہ چریشی ءَ پد آئی ءِ بارو ءَ ھچ سرپدی نیست اَنت-