TBP Balochi

دو بلوچ نودربراں ھوار سئے مردم پاکستانی لشکر ءَ دزگیر کتگ ءُ بیگواہ کرتگ اَنت۔

چہ پاکستان ءِ اُستان پنجاب ءَ ھالانی رد ءَ پاکستانی لشکر ءَ شپ ءِ دیر ءَ یک ھاسٹلے ءِ سر ءَ چھاپہ جتگ ءُ بلوچستان ءَ نندوکیں دو نودربر دزگیر کتگ ءُ ناشناسیں جاھے ءَ دیم داتگ اَنت ۔

بلوچ کونسل پنجاب ءِ رد ءَ پاکستانی لشکر ءَ پنجاب یونیورسٹی ءِ نودربر اکرم مینگل ءُ سپیریئر یونیورسٹی لاہور ءِ نودربر شمریز بادینی گیرکانونی وڑے ءَ آوار جتگ انت۔

آئی ءَ گْوشتگ کہ ما بلوچ نودربرانی سر ءَ اے وڑیں گیرکانونی ءُ زوراکی ءِ کارروائی ایر جن ایں ءُ وتی ھمبلانی سلامتی یل کنگ ءِ لوٹ ءَ کن اِیں۔

دوئیں ورنایانی پاکستانی لشکر ءُ پنجاب پولیس ءِ نیمگ ءَ پہ زور بیگواہ کنگ ءِ ویڈیو فوٹیج ھم بلوچ نودربرانی نیمگ ءَ شنگ کنگ بیتگ اَنت کہ اودا پنجاب پولیس ءُ سول کیپ پوشیں سلاھبند گندگ بنت۔

بلے رند ءَ پاکستانی لشکر ءَ اکرم مینگل یلہ داتگ وھدے کہ شمرز بادینی انگت بیگواہ اِنت۔

دومی نیمگ ءَ بلوچستان ءِ دمگ چہ خضدار ءَ ھال ھست کہ گوستگیں روچ ءَ سھب ءِ یازدہ ءِ نزیک ءَ پاکستانی لشکر ءَ چہ خضدار کوڈاسک ءَ یک کسان سالیں مسلم ء اختر سمالانی دزگیر کتگ ءُ برتگٹ

گوستگیں روچ ءَ پاکستانی لشکر ءَ بلوچستان ءِ صنعتی شھر حب چوکی ءَ چہ دو ورنا پہ زور بیگواہ کتگ اَنت۔

حب چوکی ءَ چہ زوراکی ءَ بیگواہ کنگ بوتگیں ورنا عبدالحمید ءِ چک جنید ءُ محمد اقبال ءِ چک عمران ءِ نام ءَ زانگ بوتگ اَنت۔

زِراب

جلال اھمد

دی بلوچستان پوسٹ

زِراب زمین ءُ آزمان اِنت
زِراب زند ءُ زندمان اِنت
زِراب بندیگیں ذاکر جان اِنت
زِراب زیب ءُ زیبل جان اِنت
زِراب تُوپک ءِ دیدپان اِنت
زِراب دیرگند ءِ ٹک نشان اِنت
زِراب شاشان ءِ پُلّیں شان اِنت
زِراب بالی ءَ چو بلان اِنت
زِراب کیلکور ءِ کیلگان اِنت
زِراب دشت ءِ ماں شِیلگان اِنت
زِراب ھکّل ءِ ترجمان اِنت
زِراب دائم دژمناں جنان اِنت
زِراب نیلبُومیں ماں زِران اِنت
زِراب ھستی ءُ ھستمان اِنت
زِراب ڈیھ ءِ ماں دیمپان اِنت
زِراب شاری ءَ چو شلان اِنت
زِراب سمّو ءِ مھرستان اِنت
زِراب ننگ ءُ ننگپان اِنت
زِراب زُورگیراں پْروش دیان اِنت
زِراب بُنگیج چہ سُوھوان اِنت
زِراب زانتکار ءُ مانزمان اِنت
زِراب سْیاھیں چو جمبران اِنت
زِراب بولان ءِ ساہ ءُ جان اِنت
زِراب گْواتی ءَ گوں روان اِنت
زِراب چو سنجاور ءَ سجان اِنت
زِراب نوشکی ءِ مرید جان اِنت
زِراب جھد ءِ مئے پاسپان اِنت
زِراب اُمیت ءِ چیدگان اِنت
زِراب بالاچ ءِ تیرکمان اِنت
زِراب گنجل ءَ گوں ھمتران اِنت
زِراب کیچ کَور ءَ ایرچان اِنت
زِراب مھرانی دستان اِنت
زِراب چو ماھل ءَ تْراک کنان اِنت
زِراب پہ راج ءَ مھربان اِنت
زِراب ھیال ءُ مئے گُمان اِنت
زِراب پہ وتن آشکان اِنت
زِراب آجوئی ءِ نشان اِنت
زِراب آجوئی ءِ نشان اِنت

روکپتی بلوچستان ءِ بنجاھی شھر زاھدان ءَ ایرانی آمیدگس ءِ پرمان ءَ یک ورنایے ءَ پاھو دیگ ءِ ھکم دیگ بیتگ-

پہ پاھو ءَ ورنا گوستگیں روچ ءَ جتائیں کوٹی ءَ برگ بیتگ ءُ اود ءَ آئی ءِ پاھو دیگ ءِ چِن ءُ لانچ کنگ بیت اِنت –

پاھو ھکم ءَ دیگ بیتگیں مردم ءِ پجار بیست ءُ یک سالی ئیں ورنا مھدی براھوئی ء جما گل جھمنند ھاش ءِ نام ءَ زانگ بیتگ-

اھوالانی رد ءَ مھدی ءِ گرگ ءِ وھد ءَ آئی ءِ اُمر ھبدہ سال بیتگ ءُ دو سال ءَ داں زھگانی زندانانی کنگ ءَ پد آ کانون ءِ تک ءَ مزنیں زندان ءَ دیم دیگ بیتگ-

اھوالانی رد ءَ مھدی پنچ سال پیش ماں ھاش ءَ اچانگی کوشے ءِ بھتام ءَ گرگ بیتگ کہ آئی ءَ یک زھگے ءَ کارچ جتگ ءُ کشتگ- چریشی ءِ پژدر ءَ آئی ءِ سر ءَ پاھو اتکگ بیتگ-

زانگ بہ بیت روکپتی بلوچستان ءَ بندوکیں مردمانی پاھو دیگ ءِ درچ یکشل ءَ برجاہ اَنت کہ اود ءَ آیاں جتا جتائیں کیسانی بھتام لڈگ ءُ پاھو دیگ بیگ ءَ اَنت –

گوستگیں دو ماھانی میان ءَ روکپتی بلوچستان ءَ کساس دوازدہ مردم پاھو دیگ بیتگ اَنت کہ آ جتا جتائیں زنداناں بندیگ بیتگ اَنت-

کراچی پولیس ءَ ھمے ھپتگ ءَ کراچی ءَ ایئرپورٹ نزیک ءَ چینیانی کاروان سر ءَ وتکش تراک اُرش ءِ رپورٹ نکش کنان ءَ بلوچ آجوئی لوٹوکیں سلاہ بندیں گل بلوچ لبریشن آرمی ءِ سروک سر ءَ ایف آئی آر نکش کنگ بیتگ-

ایف آئی آر ءِ متن رِد ءَ اُرش مول بیجنگ ءِ گوم ءَ اسلام آباد سیادی ءِ تاوان دیگی بیتگ-

کراچی ءِ جناح انٹرنیشنل ایئرپورٹ نزیک ءَ یکشمبے ءِ شپ ءَ بیتگیں بمب تراک ءَ سرکاری ھساب ءَ دو چینی شھریاں ھوار سے مردم مرگ وھدے کہ دہ ٹپی بیگ راست کتگ

بی ایل اے اے اُرش زمہ واری منّ اِتگ گْوشتگ کہ آئی ءَ چینی شھری نشانگ جوڑ کنگ ھاتر ءَ گاڑی ءَ تہ ءَ شورو ( VBIED) کارمرز کنگ بیتگ ءُ گل ءَ اے اُرش ءَ پنچ ءَ گیش چینی انجینئرز ءُ سرمایہ کارانی کُشگ ءُ دوازدہ ءَ چہ گیش ٹپی کنگ ءُ چینی ٹولی ءَ سیکورٹی ءَ ساڑی ئیں کم چہ کم پانزدہ پاکستانی پوج ءِ کارمند ءُ چیریں ادارھانی کارمندانی کوش زمہ واری منّ اِتگ اَت-

ایئرپورٹ پولیس اسٹیشن ءِ انسپکٹر کلیم خان موسیٰ ءِ نیمگ ءَ آیف آئی آر نکش کنگ بیتگ- پولیس رِد ءَ اے اُرش ءِ سروک کماندار بشیر احمد بلوچ پنّام ءِ بشیر زیب ءُ عبدالرحمان پنّام ءِ رحمان گل ءُ وتی دگہ ھمراھانی ھمراھی ءَ ھوار اِنت-

پولیس گوشگ رِد ءَ بی ایل اے ءِ سروک بشیر زیب بلوچ ءُ گل ءِ راھشوناں چین ءِ گوم ءَ پاکستان ءِ سیادی ءِ ھراب کنگ ھاتر ءَ اُرش ءِ شوربندی کتگ – ایف آئی آر ءَ راست کنگ بیتگ کہ چینی شھریاں نشانگ جوڑ کنگ واستا وی بی آئی ای ڈی کارمرز کنگ بیتگ-

پولیس رپورٹ رِد ءَ اُرش ءِ میان یک ناشناسیں مردمے ءَ وتی ٹویوٹا ھلکس گاڑی کاروان ءِ نزیک ءَ آورتگ ءُ تراکینتگ چریشی ءِ آسر ءَ درانڈیھی چینی ءُ دگہ سیکورٹی کارمنداں بروکیں کاروان ءِ گاڑی رینجرز ، پولیس ءُ دگہ نزیکیں گاڑی تباہ بیتگ اَنت، چریشی ءِ آسر ءَ بیران ءُ ٹپی بیتگ اَنت-

ایف آئی آر ناشرکاری ءِ ایکٹ، تراکناکیں شوروانی ایکٹ ءُ پاکستان پینل کوڈ ءِ بازیں ایف آئی آر ھوار کنگ بیتگ اَنت ءُ گوشگ بیتگ بی ایل اے سروک ءَ شوبندی رد ءَ وتی ناشرکاری ءِ گیش کنگ ھاتر ءَ اے اُرش کتگ-

پولیس رِد ءَ تراک ءَ کارمرز بیوکیں گاڑی بی ایل اے وتکش تراکّار شاہ فھد وتی جند نام ءَ رجسٹر بیتگ-

بلوچ ریپبلکن آرمی ءِ جارکش سرباز بلوچ ءَ رسانکدر ءَ شنگ کتگیں درشان ءِ تہ ءَ گوشتگ کہ گوستگیں روچ ءَ چہ ڈیرہ بگٹی ءِ تھسیل سوئی ءِ دمگاں لنجو، سغاری، رئیس توخ ءُ کچی کینال ءِ کش گوراں پاکستانی پوج نیمگ ءَ چہ دست گوشیں مردمانی سر ءَ شیلنگ ءُ بمبگواری برجاہ ءَ اِنت، چریشی ءِ آسر ءَ سے زالبول ءُ پنچ چک سک ٹپی بیتگ اَنت-

جارکش ءَ گوشتگ کہ مروچی سھب ءَ بلوچ سرمچاراں رئیس توخ ءِ نزیک ءَ پاکستانی پوج ءِ یک کاروانے ءِ سر ءَ سنگر گپتگ ءُ راکٹ ءُ مزنیں سلاھاں چہ اُرش کتگ، چریشی ءَ پوج ءِ بازیں کارمندے مرتگ ءُ ٹپی بیتگ اَنت-

جارکش ءَ گوشتگ اشی ءَ اَبید، سغاری ءُ سے نمبر شاخ ءِ میان ءَ لشکر کشی ءَ دلگوش پوجی کارمندانی سر ءَ بلوچ سرمچاراں وتکاریں سلاھاں چہ اُرش کتگ، چریشی ءِ آسر ءَ دو کارمند مرتگ اَنت-

جارکش سرباز بلوچ ءَ دیمتر ءَ گوشتگ دست گوشیں راج ءِ سر بیوکیں پوجی زوراکی ءَ جوانیں وڑے دیم پہ دیم بہ ایں-

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاران، زامران، ھیرونک ءُ ￶ھاران ءَ ￴سے جتائیں اُرشاں پاکستانی پوج ءُ دژمن ءِ ￵کمکار نشانگ کرتگ اَنت۔

جارکش گوشتگ کہ ھشت اکتوبر سے شمبے ءِ ￵بیگاہ ءِ ￵شش ءَ ￴کیچ ءِ ￵ھند زامران ءَ ￴ڈیلِکک ءَ ￴برجاھیں پاکستانی پوج ءِ ￵پانگس ءِ ￵سر ءَ ￴گوں نوکیں، مزنیں وتکاریں سلاھاں اُرش کرتگ۔ اُرش ءَ ￴دژمن ءِ ￵یک کارمندے مرتگ۔

جارکش ءَ گوشتگ کہ دومی اُرش ءَ ￴سرمچاراں نو اکتوبر ءِ ￵شپ ءَ ￴ھشت ءُ ￶نیم ءِ ￵نزیک ءَ ￴کیچ ءِ ￵ھند ھیرونک ءَ ￴کوہ ءِ ￵سر ءَ ￴برجاھیں پاکستانی پوج ءِ ￵پانگس ءِ ￵سر ءَ ￴گوں وتکاریں سلاھاں کرتگ ءُ ￶جانی ءُ ￶مالی تاوان داتگ۔

جارکش ءَ گوشتگ دگہ یک اُرشے ءَ ￴ھشت اکتوبر ءِ بیگاہ ءِ ھپت ءَ ￴ھاران ءِ ￵چیپ چاراہ ءَ ￴سرمچاراں تیرگوای کرتگ ءُ ￶ریاست ءِ ￵نزیکیں کمکارے شپی مھمد یلانزھی کشتگ۔

جارکش ءَ گوشتگ کہ شفیع محمد یلانزھی ایپ سی ءُ پہ ￶چیریں ادارھاں چاریگی کار ءَ ￴بوتگ ءُ ￶بلوچ لس مردمانی بگیری ءَ ￴بازیں ریاستی لشکرکشیاں کمک کرتگ، آئی ءَ ￴زی بیگاہ ءِ ھپت ءَ ￴ھاران بازار ءَ ￴سرمچاراں تیرگواری کرتگ ءُ ￶گڈی آسر ءَ ￴سر کرتگ۔

آئی ءَ گوشتگ ما درسیں ریاستی چاریگ ءُ ￶کمکاراں کڈن کن ایں کہ آ شر بہ بنت اگاں نہ آیانی آسر ھم شفیع محمد ءِ ￵وڑ ءَ ￴بیت۔

میجر گْوھرام ءَ گوشتگ بلوچستان لبریشن فرنٹ اے سے ئیں اُرشانی زمہ واری ءَ ￴منّ ایت ءُ ￶داں بلوچستان ءِ ￵آجوئی ءَ ￴پوج ءُ ￶آئی کمکاراں نشانگ کنت۔

بولان ءِ دمگ مچ ءَ پاکستانی لشکر ءِ پوسٹ سلاہ بندیں مردماں نشانگ جوڑ کتگ۔

مچ ءِ پنیر اسٹیشن ءَ پاکستان فورسز ءِ فرنٹیئر کور ءِ پوسٹ ءِ سر ءَ بیگاہ ءَ اُرش کنگ بوتگ۔

دمگی اھوالانی رد ءَ اُرش ءِ وھد ءَ مزنیں تیرگواری ءِ توار بوتگ وھدے کہ اُرش ءِ تہ ءَ فورسز ءِ کارندھانی بیران بوگ ءِ ھال ھست۔

انگت ءَ واکداراں اے درگت ءَ ھچ وڑیں اھوال پیش نہ کتگ۔

مچ ءُ کش ءُ گوری دمگاں بلوچ سلاھبند آجوئی لوٹوک سرگرم اَنت۔ اے سال ءِ جنوری ءَ بلوچ آجوئی ءِ لشکر ءَ “آپریشن درہ بولان” ءِ چیر دستی ءَ مزنیں اُرشے ءَ سرکاری واپاری ءُ لشکر ءِ پوسٹ نشانگ جوڑ کتگ اَنت ایشانی تہ ءَ پاکستانی لشکر ءِ بنجاہی کارگس ماں مچ شھر ءَ ھم ھوار اِنت۔

بلوچ لبریشن آرمی ءِ مجید برگیڈ ءَ ھوار اسپیشل ٹیکٹیکل آپریشن اسکواڈ ءُ فتح اسکواڈ ءَ آپریشن درہ بولان ءَ بھر زرتگ ءُ دو روچ ءَ شھر وتی کنٹرول ءَ کتگ ۔

جرگہ جاہ ءَ پولیس ءِ تیرگواری ءُ آنسو گیس ءِ سبب ءَ درجناں ٹپی زدگ بیتگین ھسپتال ءَ سر کنگ بوتگ اَنت۔

گیشیں ءِ رد ءَ پولیس ءَ 11 اکتوبر ءَ پشتون راجی جرگہ ءِ ھوالگ ءَ خیبر پختونخوا ءِ دمگ خیبر ءَ یکجاہ بوتگیں پشتون تھپز موومنٹ جرگہ ءِ سر ءَ اُرش کتگ ءُ جرگہ ءِ بھر زوروکاں شنگ ءُ تالان کنگ ءِ ھاترا تیر گواری ءُ آنسو گیس ءِ شیلنگ کتگ۔

پشتون رسانکدر ءِ رد ءَ پاکستانی لشکر ءَ بندات ءَ جرگہ گاہ ءَ ھواریں مردمانی شنگ ءُ تالان کنگ ءِ ھاترا آنسو گیس جتگ کہ ایشی ءَ چہ ھواریں مردم بے ھوش بوتگ اَنت ءُ پد ءَ تیر گواری کتگ۔

ھالانی ردا تیر گواری ءِ تہ ءَ سئے بیران بوتگ انت وھدے کہ ٹپیانی کساس انگت ءَ زانگ نہ بوتگ ءُ گیشتر ٹپی نادراھجاہ ءَ سر کنگ بوگ ءَ انت۔

زانگ بہ بیت کہ پشتون تھپز مومنٹ ءِ سروکی ءَ خیبر ءَ پشتون راجی آمیدگس ءِ نام ءَ جرگہ برجم دارگ بوگی انت کہ ایشی ءِ پد ءَ پاکستانی لشکر ءَ بازیں رند ءَ اے جاہ ءِ سر ءَ اُرش کتگ ءُ جاہ سوتکگ ۔

ژوب شال ءِ بُنجاھی شھدگ سر ءَ برجاھیں ایف سی چیک پوسٹ ناشناسیں مردماں اُرش ءِ نشانگ جوڑ کتگ-

چہ ژوب ءَ ھالانی رِد ءَ ناشناسیں سلاہ بندیں مردماں پاکستانی پوج ءِ یک چیک پوسٹ مزنیں اُرشے ءِ نشانگ کتگ ءُ چیک پوسٹ ءِ تہ ءَ پترتگ جھد کتگ-

سلاہ بندیں مردماں چیک پوسٹ ءِ چاریں نیمگاں چہ اُرش ءِ نشانگ جوڑ کتگ ءُ راکٹ آس داتگ وھدے کہ ھمے میان ءَ چیک پوسٹ ءِ بُنجاھی دروازگ سر ءَ وتکش تراکے ھم کنگ بیتگ-

پاکستانی پوج ءِ چیک پوسٹ سر ءَ اُرش تاں انو پاکستانی پوج ءِ یک کارمندے بیران ءُ یازدہ ٹپی بیگ گپ راست بیتگ-

وئیل ءَ پد پاکستانی پوج ءِ مزنیں کچے ءَ شال کش گور ءَ وئیلجاہ ءَ نیمگ ءَ جُنز اِتگ اَنت بلے اے اُرش درگت ءَ واکدار نیمگ ءَ ھچ وڑیں درشان شنگ کنگ نہ بیتگ-

پاکستانی چیریں ادارھاں دو مردم آوار جنگ ءَ پد ناشناسیں جاھے ءَ برتگ اَنت-

بلوچستان ءَ زورانسری آوار جنی ءِ دْرچ یکشلہ برجاہ ءَ اِنت، بلوچستان ءِ باپاری شھر چہ ھب چوکی ءَ ھال اِنت کہ پاکستانی پوج ءُ چیریں ادارھاں شپ وھد ءَ ھب بھوانی شاہ پمپ ءِ نزیک ءَ یک ھوٹلے ءَ چہ دو ورنا تُپنگ زور ءَ گاڑی ءَ سوار کتگ ءُ وتی ھمراھی ءَ برتگ اَنت-

پاکستانی چیریں ادارھانی دست ءَ بیگواہ کنگ بیتگیں عمران ء محمد اقبال جھمنند امیر آباد ءُ جنید حمید ء عبدالحمید جھمنند بھوانی ھوار اَنت-

وسیلگ رِد ءَ جنید ء عبدالحمید دمگی شرکت ءَ پوریاگری ءَ بیتگ وھدے کہ عمران ءِ پت گوستگیں دمگی کونسلرے-