TBP Balochi

بلوچستان ءِ دمگ ککی ءَ ناشناسیں سلاہ بندیں مردمانی اُرش ءَ اشکرانی کھن ءَ کار کنوکیں 20 کارمند بیران ءُ 7 ٹپیگ بوتگ انت۔

دمگی واکدارانی رد ءَ اے اُرش گوستگیں شپ ءَ دکی ءِ نزیک ءَ پولیس ءِ دمگ ءَ بوتگ۔

دکی پولیس ءِ ایس ایچ او ہمایون خان ناصر ءَ گشتگ کہ نامالومیں سلاہ بندیں مردم دمگ ءَ اتکگ انت ءُ کارکنانی سرا تیر گواری اش کتگ۔

آئی ءَ گوشت کہ بیران بوتگیں مزدورانی تہ ءَ چار مزدور اوگانستان ءَ گوں سیادی دار اَنت وھدیکہ دگر بلوچستان ءِ دمگ ژوب، قعلہ سیف اللہ، پشین، موسی خیل ءُُ کُچلاک ءَ گوں سیادی دار اَنت۔

انگت ءَ کس ءَ اے اُرش ءِ ذمہ واری نہ زرتگ۔

دمگی اھوالکار عبدالحکیم ناصر ءَ گْوشتگ: دکی ءِ پیش اتکگین وئیل ءِ ھلاپ ءَ زھرشانی کنگ ءِ پیسلہ کنگ بیتگ۔ آئی ءَ گوشت کہ شھر ءَ مرچی واپار جاہ بند انت ۔

ایس ایچ او ھمایون خان ناصر ءَ گوشتگ اے دمگ ءَ گوستگیں شپ ءَ سلاہ بندین مردماں یک مزنیں کچے ءَ بیڑ برتگ ءُ آیانی نزیکیں کھن ءِ سر ءَ کار کنوکیں مزدور نشانگ کتگ اَنت-

آئی ءَ گْوشتگ کہ سلاھبنداں کارکنانی سر ءَ اُرش کنگ ءَ ابید جتاجتاھیں کانانی سر ءَ مشینری آس داتگ اَنت۔ دہ انجن ھوار انت۔

ایس ایچ او ءَ گشتگ کہ وئیل ءِ جتا جتائیں تک ءُ پھناتاں چہ پٹ ءُ پول برجاہ انت۔

لاش پوسٹ مارٹم ءِ واستا روان دیگ بوتگ اَنت وھدیکہ ٹپیگ پہ دوا ءُ درمان ءِ واستا ڈسٹرکٹ ہیڈ کوارٹر ہسپتال دکی ءَ سر کنگ بوتگ اَنت۔

بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں یک درشانے ءِ تہ ءَ گوشتگ کہ سرمچاراں مچ، تربت ءُ مستونگ ءَ زورگریں پاکستانی پوج ءِ سے جتاجتائیں اُرشاں نشانگ کتگ ءُ وتگڑیں ڈیتھ اسکواڈ ءِ یک کارمندے کشگ ءَ ھوار بی ایل اے ءَ دست ءَ ملٹری انٹیلی جنس ءِ چاریگ ءِ مرگ سزا داتگ-

جارکش ءَ گوشتگ کہ بی ایل اے ءِ سرمچاراں گوستگیں شپ ءَ بولان ءِ دمگ مچ ءَ پنیر اسٹیشن ھند سر ءَ زورگریں پاکستانی پوج ءِ کارمند یک اُرشے ءِ نشانگ کتگ، سرمچاراں اسنائپر اُرش ءَ یک دُژمنیں کارمند ءِ کُشگ ءَ پد دُژمنیں پوسٹ سر ءَ وتکاریں سلاھاں چہ اُرش کتگ، چریشی ءِ آسر ءَ دُژمن ءَ گیش جانی ءُ مالی تاوان چست کنگ کپتگ-

جارکش ءَ گوشتگ کہ بلوچ لبریشن آرمی ءِ سرمچاراں مروچی تربت ءِ دمگ نودز ءَ زورگریں پاکستانی پوج ءُ چیریں ادارھانی جوڑ کتگیں ڈیتھ اسکواڈ ءِ ھاسیں کارمند امان اللہ ء عبدالحمید کشتگ وھدے کہ آئی ءِ یک سنگتے ٹپی بیتگ-

درشان ءِ تہ ءَ گوشتگ کہ دُژمن ءِ چاریگ امان اللہ دوھزار یازدہ ءَ چہ زورگریں پوج ءِ سروکی ءَ برجاھیں ڈیتھ اسکواڈ ءِ بھر ءُ ریاستی کاسگ چٹیں سروکیں چاریگ راشد پٹھان ءِ یک ھاسیں کارمندے یے بیتگ- امان اللہ نودز ءَ ھوار شے کھن ءُ گیبن ءَ پاکستانی پوج ءِ ھمراھی ءَ سر بیڑ، ورنایانی زورانسری بیگواہ کنگ ءُ تیرگواری نشانگ کنگ ءَ ھوار بیتگ وھدے کہ اشی ءِ بدل ءَ زورگریں پوج ءَ اش دُزی، ڈنگی ءُ منشیات باپاری ءِ موکل داتگ-

جارکش ءَ گوشتگ دُژمن ءِ چاریگ امان اللہ کیچ ءِ دمگ نودز ءَ وتی کارمنداں وتی ھمراہ شھید جلال پنّام بلوچ ءِ لوگ سر ءَ اُرش کتگ دودمان لگتمال کتگ، اشی ءَ اَبید ناصرآباد ، شورما ءِ کوھاں پوجی لشکر کشی ءَ ھم تچکی ءَ ھوار بیتگ- وھدے کہ امان اللہ ءِ کستریں برات شاھد وتی ھمراہ نثار میران ءِ ھمراھی ءَ دوھزار نوزدہ ءَ بلوچ لبریشن آرمی ءِ سرمچاراں راہ بندگ جھد کنگ ءَ کشگ بیتگ –

جارکش ءَ گوشتگ کہ بلوچ لبریشن آرمی ءِ سرمچاراں دگہ یک کاروائی مستونگ ءِ دمگ اسپلنجی مَرو ءَ ملنگ دروشم ءَ نندوکیں زورگریں پاکستانی پوج ءِ یک چاریگ مجیب الرحمان ء عبدالرحمان چار روچ ءَ ساری گپتگ-

آئی ءَ گوشتگ کہ پٹ پول میان ءَ مجیب الرحمان ءَ منّ اِتگ آ پاکستانی پوج ءِ ملٹری انٹیلی جنس ( ایم آئی) واستا دہ سالاں چہ شال ، اسپلنجی ءُ مَرو ءَ چاریگری کار کنگ ءَ بیتگ- چاریگ ءَ منّ اِتگ کہ شال ءَ روگ ءَ پد میر زیب قمبرانی ءَ چہ پاکستانی پوج ءِ چیردستی ءَ چاریگری بندات کتگ ءُ پد ءَ عاصم کرد گیلو ءِ سروکی ءَ کار کنگ ءَ بیتگ-

آئی ءَ گوشتگ کہ مجیب الرحمان ءَ منّ اِتگ کہ عاصم کرد گیلو گوشگ رد ءَ آ چہ شال ءَ سلمان قمبرانی ءُ گزین قمبرانی ءِ چاریگری کنگ ءَ پد پاکستانی چیریں ادارہ ءُ پوج ءِ دست ءَ زورانسری آوار جنی ءَ تچکی ءَ گون بیتگ-

جیئند بلوچ ءَ گْوشتگ کہ زانگ بہ بیت ھشت جولائی دوھزار پانزدہ ءَ پاکستانی پوج ءَ چہ کلی قمبرانی ءَ نودربر گزین قمبرانی ءُ سلمان قمبرانی زورانسری بیگواہ کنائینتگ اَنت ءُ چاردہ اگست دوھزار شانزدہ ءَ شال ءِ دمگ ھزار گنجی ءَ یک ڈرامائی ءِ دروشم ءَ میڑ نام داتگ گزین قمبرانی ءُ سلمان قمبرانی ءُ دگہ یک ورنایے ھمراھی ءَ شھید کتگ اِت اَنت کہ آئی ءِ پجّار نہ بیتگ اَت-

جارکش ءَ گوشتگ کہ چاریگ مجیب الرحمان ءَ گوشتگ کہ ورنایانی شھیدی ءَ پد اسپلنجی ءَ چاریگری واستا برتگ- اود ءَ یک سالے نُھ ماہ ءَ تاں نشتگ وھدے اشی ءَ پد اسپلنجی ءِ دمگ مَرو ءَ دروشم مٹ کتگ چاریگری کار ءَ کنگ بیتگ – اشی ءَ منّ اِتگ ھمے میان ءَ لوگانی سر ءَ بیڑ جنگ ءُ مردمانی بیگواہ کنگ ءَ ھوار بیتگ-

آئی ءَ گْوشتگ کہ اے دُژمنیں چاریگ سر ءَ راجی میارباری پدر بیگ ءَ بلوچ راجی آمیدگس ءَ مرگ پرمان داتگ، چریشی ءَ سرمچاراں گامگیج زرتگ ءُ گُڈی آسر ءَ سر کتگ-

جارکش ءَ گُڈی ءَ گوشتگ کہ بلوچ لبریشن آرمی ءَ سے اُرشانی زمہ واری منّ اِتگ- زورگریں پاکستانی پوج ءُ آئی ءِ چاریگانی ھلاپ ءَ مئے اُرش برجاہ بنت-

بلوچستان لبریشن فرنٹ ءِ جارکش میجر گوھرام بلوچ ءَ رسانکدر ءَ ￴وتی شنگ کتگیں درشانے ءَ ￴گوشتگ کہ سرمچاراں زی بیگا ءِ پنچ ءَ ￴تمپ ءِ ￵ھند گومازی ءَ ￴پاکستانی پوج ءِ ٹولی یے ءِ ￵سر ءَ ￴ھما وھد ءَ سنگر گپتگ ءُ ترندیں ￶اُرش کتگ کہ لشکری کارمند یک بے سوبین لشکرکشی یے ءَ ￴پد وتی سنگرانی نیمگ ءَ ￴واتری روگ ءَ ￴بیتگ اَنت۔ پاکستانی پوج گوستگیں دو روچ اِنت کہ تمپ ءِ ￵نگیگیں کوھانی نیمگ ءَ ￴یک دراجکشیں لشکرکشی یے ءَ ￴دلگوش بیتگ سرمچاراں جنگی کارشونی ءُ گوں جنگی جوانیں شوربندی ءَ ￴سنگر گپتگ ءُ ￶گوں شریں کارشونی ءَ ￴دژمن نشانگ کتگ۔

جارکش ءَ گوشتگ کہ سرمچارانی ترندیں اُرش ءَ ￴چار دژمنیں کارمند جاہ پہ جاھی مرتگ ءُ ￶دو سک ٹپی بیتگ اَنت۔ سرمچاراں چہ وتی جنگی کارشونی ءُ ￶اشتاپ کاریں اُرش ءَ ￴پد زوت وت ءَ ￴مھریں اوتاکاں ءَ ￴سر بیتگ اَنت۔

جارکش ءَ ￴گوشتگ کہ پاکستانی لشکر ءَ بلوچستان ءَ ￴وتی لشکرکشیانی میان ءَ ￴اربانی کچ ءَ ￴زر سرمایہ کاری ءُ ￶نوکیں لشکری اوزار ءُ ￶ٹیکنالوجی ءَ ￴چہ سریچ اِنت، انگت ءَ چہ ایشی ابید آ سرمچارانی دیم ءَ ￴یکشل ءَ ￴سسائی پروش ءِ ￵آماچ بوگ ءَ ￴اِنت۔ بے رھبندیں جنگی شوربندی، نوکیں سلاہ ءُ ￶ٹیکنالوجی ءِ ￵دیم ءَ ￴ھم پاکستانی پوج ءَ ￴نادرس کنگ ءَ ￴اَنت۔

آئی گوشتگ کہ بی ایل ایف ناں تھنا ءَ ￴گوں پوجی میڑ ءَ ￴بلکیں انٹیلیجنس ءُ ￶چاگردی جنگ ءَ ￴جوانیں وڑے ءَ ￴مھکم اِنت، ءُ ￶یک مھکمیں لّس مردمی پلہ مرزیں گلے جوڑ بوتگ۔ بی ایل ایف ءِ ￵جنگی کاروائی وت ھمے گپ ءِ منانک اَنت کہ آئی ءَ ناں تھنا ءَ ￴دژمن ءِ ￵دل ءَ ￴ترسے ودی کتگ، بلکیں مردمانی دل ءَ ￴باج برگ ءِ سرجمیں مھکمیں سوبمندی یے ودی کتگ۔ راج ءِ تہ ءَ گل ءِ دوست دارگ ءُ آئی ءِ جوانیں کارشونی ءُ ھمک روچیگیں سوبمندیں اُرش شری ءَ گندگ بیگ ءَ اَنت، کہ گل ءِ گھتریں راجی گھگیری ءِ توانمندی ءِ بنیاد ءَ مھکم بیتگ۔

میجر گْوھرام بلوچ ءَ اُرش ءِ ￵زمہ واری منّ اتگ ءُ ￶گوشتگ کہ داں زورگریں پاکستانی پوج ءِ ￵در آھگ ءَ ￴وتی کاروائیانی برجاہ دارگ ءِ ￵کول ءَ ￴ کن ایں۔

بلوچ ریپبلکن آرمی ءِ جارکش سرباز بلوچ ءَ رسانکدر ءَ شنگ کتگیں درشان تہ ءَ گوشتگ کہ مگرب وھد ءَ بلوچ سرمچاراں ڈیرہ بگٹی ءِ دمگ سغاری ءَ پاکستانی پوج کاروان ریموٹ کنٹرول بمب اُرش ءِ نشانگ کنگ بیتگ ءُ پد ءَ کاروان سر ءَ راکٹ ءُ وتکاریں سلاھاں چہ اُرش کتگ-

جارکش رِد ءَ اے اُرش ءَ پاکستانی پوج ءِ نُھ کارمند مرتگ ءُ یازدہ ٹپی بیتگ اَنت-

جارکش ءَ گوشتگ کہ پوج ءَ لنجو، سغاری ءُ رئیس توخ ءَ زوراکی ءِ سرجمیں سیمسر گوازینتگ اَنت – بے میاریں مردمانی لوگاں سرجمیں روچ ءَ ھیلی کاپٹراں چہ شیلنگ نشانگ کنگ بیگ ءَ اِنت-

سرباز بلوچ ءِ گْوشگ اِنت کہ پاکستانی پوج بے میاریں مردمانی آئی ءِ برھنگیں زوراکی ءَ جوانیں وڑے ءَ دیم پہ دیمی کنگ ءَ اِنت ءُ دگہ گیش دے ایں-

پاکستانی پوج ءِ دست ءَ چہ جتاجتائیں دمگاں چار بلوچ ورنا زورانسری آوار جنی ءِ نشانگ کنگ بیتگ اَنت-

گیشیں ھالانی رِد ءَ پاکستانی پوج ءَ بلوچستان ءُ پاکستانی استان چہ پنجاب ءَ چار بلوچ ورنا آوار جنگ ءَ پد ناشناسیں جاھے ءَ برتگ اَنت چریشی ءَ پد آ بیگواہ ءَ اَنت-

شپ وھد ءَ پنجاب پولیس ءَ سادیں پوشاکانی تہ ءِ پاکستانی چیریں ادارھانی کارمنداں پنجاب ءِ بُنجاھی شھر لاھور ءَ وانوکیں بلوچ نودربرانی ھاسٹل ءُ کمرھانی سر ءَ بیڑبرتگ بلوچ نودربر لَٹ کُٹانی نشانگ کتگ اَنت ءُ چار بلوچ نودربر وتی ھمراھی ءَ برتگ اَنت-

چہ لاھور ءَ آوار جنگ بیتگیں چار بلوچ نودربر دو پد ءَ یل کنگ بیتگ اَنت وھدے کہ شمریز ء ماسٹر فرید ءُ دیدگ بلوچ زھری ء یونس زھری انگت دیم ءَ آرگ نہ بیتگ-

پنجاب ءَ وانوکیں بلوچ نودربر ءِ کونسل سنگتانی زورانسری آوار جنی راست کتگ-

ھمے وڑ بلوچستان ءِ دمگ چہ تربت ءَ ھالانی رِد ءَ مروچی سھب ءَ پاکستانی سیکورٹی فورسز ءُ سی ٹی ڈی ءَ آسکانی بازار ءَ یک لوگے سر ءَ بیڑبرتگ وفا منظور بلوچ ءُ محیم جان بلوچ آوار جتگ ءُ بیگواہ کتگ اَنت-

بلوچ یکجھتی کمیٹی ءَ دوئیں ورنایانی زورانسری آوار جنی راست کتگ گوشتگ کہ یک گریبیں لوگے ءَ چہ سیادی داروکیں وفا درزی کار ءَ بیتگ، وھدے کہ محیم تربت یونیورسٹی ءَ بائیو کیمسٹری نودربرے، اے وھد ءَ آ وتی مڈٹرم پیپر ءَ دیگ ءَ بیتگ-

بی این ایم ءِ انسانی ھکانی ادارہ پانک گوشگ اِنت کہ دو روچ ءَ ساری ھشت اکتوبر ءَ پاکستانی پوج ءَ آواران ءِ دمگ چہ جھاؤ ءَ علی محمد نامیں مردمے آئی ءِ دکان ءَ چہ بیگواہ کتگ-

بلوچستان ءَ گوستگیں بیست چار کلاکانی تہ ءَ زورانسری آوار جنی ءِ ھپتمی وئیل اِنت نکش بیتگ اشی ءَ ساری لاھور ءُ ھب چوکی ءَ ھم سے بلوچ ورنا زورانسری آوار جنی ءِ وئیل نکش کنگ بیتگ-

بلوچستان ءِ دمگ ھُزدار ءِ تھسیل زھری ءَ صدام گراونڈ ءِ نزیک ءَ بمب تراک ، تراک زھری ءِ وائس چیئرمین روات خان زھری ءِ کسانیں برات لیویز کارمند عبدالحمید بیران وھدے کہ محمد خان لوٹانی نامیں آئی ءِ یک ھمراھی سک ٹپی بیتگ-

ٹپی ءُ بیران بیتگیں مردم ءِ لاش نادُراھجاہ ءَ برتگ-

دمگی وسیلگ رِد ءَ تراک انچش تُرند بیتگ کہ تراک ءِ توار دیر دیر ءَ اش کنگ بیتگ، وھدے کہ لیویز ءُ دگہ فورس ادارہ وئیلجاہ سر بیتگ اَنت منانک یکجاہ کنگ بندات کتگ-

زھری لیویز واکدار رِد ءَ تراک چنوک بمبے سر ءَ کنگ بیتگ- گیشیں پٹ پول برجاہ ءَ اِنت-

بلوچ یکجھتی کمیٹی نوشکی ءَ یک درشانے شنگ کتگ گْوشتگ کہ چہ نوشکی ءَ سیادی داروکیں نودربر شمریز بلوچ ء ماسٹر فرید بلوچ سپیریئر یونیورسٹی ءَ کانود “قانون” (Law) چارمی سیمسٹر ءِ نودربرے، وھدے کہ دیدگ بلوچ ء یونس بلوچ یونیورسٹی آف لاھور ءَ بی ایس اکنامکس ءِ سیمی سیمسٹر ءِ نودربرے – آ گوستگیں شپ ءَ کساس یکّ ءَ آیانی کمرہ ءَ زورانسری بیگواہ کتگ اَنت-

درشان ءِ تہ ءَ گوشگ بیتگ کہ ریاستی ادارہ بلوچ نودربرانی واستا زانشتی دروازگ گیش بندگ ءَ اِنت- نودربراں جسمانی لَٹ کُٹ ءِ ھمراھی ءَ سسّائی ءُ نپسیاتی ازیت ءِ ھم دیمپانی اِنت- پہ راجی بُنیاد ءَ ھمکروچ بلوچ نودربرانی ھاسٹل ءُ کمرھاں بے سبب ءَ بیڑبرگ ءَ اِنت ءُ اے دْرچ گوں تُرندی ءَ برجاہ ءَ اِنت-

گُڈی ءَ گوشگ بوتگ کہ بلوچ یکجھتی کمیٹی اے درکانودی کار ءَ تُرندی ءَ ایر جن ایں ءُ پُرایمن جُھد ءِ ھک دار ایں-

چہ بلوچ اسٹوڈنٹس ایکشن کمیٹی ءِ نیمگ ءَ زھگانی کتاب گام سیمی تاک چاپ ءُ شنگ کنگ بیتگ۔

بساک ءِ جارکش ءَ رسانکدر ءَ گوشتگ کہ گل ءِ نیمگ ءَ شِنگ بیوکیں زھگانی تاک گام ءِ سیمی تاک چاپ ءُ شِنگ کنگ بیتگ ءُ بلوچستان ءِ جتاجتائیں شھر ءُ میتگاں سر کنگ بیتگ۔

آئی ءَ گوشتگ کہ پہ گام ءَ زیرگ ءُ وتی زھگ ءُ چُکاں وانینگ ءِ ہاتر ءَ وتی نزیکیں گل ءِ ھنکیناں گوں اھوال بہ کن اِت۔

جارکش ءَ گوشتگ گام چہ بلوچ اسٹوڈنٹس ایکشن کمیٹی ءِ نیمگ ءَ زھگانی تاک اِنت کہ ھستیں وھد ءَ چاپ ءُ شِنگ کنگ بیگ ءَ اِنت۔ گام ءِ تہ ءَ بلوچی ءُ براہوئی ءَ نکان ہوار اَنت کہ آئی ءِ تہ ءَ زھگانی نبشتہ کُتگیں گام کسہ، نبشتانک، آزمانک، چاچ، بتل، وشکند، شئیر ءُ شائری ءَ ہوار ایدگہ نبشتانک ہوار اَنت۔

بلوچستان ءِ دمگ ڈیرہ بگٹی ءَ لشکر کشی چارمی روچ ءَ ھم برجاہ ءَ اِنت – اے میان ءَ پاکستانی پوج ءِ شش جنگی ھیلی کاپٹر یکشل ءَ لنجو ءُ سغاری ءَ لَس آبادیاں نشانگ کنگ ءَ اَنت، چریشی ءَ یک زھگے ءَ ھوار دو مردم ءِ ٹپی بیگ ھال سر بیتگ-

سندھ ءِ نزیکیں دمگ کشمور ءَ دگہ گیش بیست گاڑیاں ھمگرنچ پوجی کاروان ڈیرہ بگٹی ءِ سیمسر ءَ لنجو سغاری ءِ دمگ ءَ پُترتگ-

زانگ بہ بیت کہ ڈیرہ بگٹی ءَ گوستگیں چار روچاں چہ یکشل ءَ لشکر کشی برجاہ ءَ اِنت چریشی ءَ لنجو، سغاری، رئیس توخ ءُ کچی کینال سرجمیں دمگ ھوار اَنت – مزنیں کچے ءَ جھلی پوج ءِ واستا بُرزی کمک شش ھیلی کاپٹر یکشل ءَ دمگاں شیلنگ کنگ ءَ اَنت ءُ پوجی چوکی لَس آبادیانی سر ءَ مارٹر گولہ آس دیگ ءَ اَنت-

ھیلی کاپٹرانی شیلنگ ءُ مارٹر اُرشاں تاں انو یک درزنے ءَ گیش مردم ٹپی بیتگ اَنت کہ آیانی تہ ءَ گیشتر زالبول ءُ زھگ ھوار اَنت-

زورانسری بیگواھیں نودربر نصیب اللہ بادینی ءِ گوھار ماہ پارہ بلوچ ءَ گْوشتگ کہ منی برات نصیب اللہ ء حاجی شوکت بیست پنچ نومبر دوھزار ءُ چاردہ چہ چاگی اسٹاپ نوشکی ءَ منی پت دکان ءَ زورانسری آوار جنی ءِ نشانگ کتگ ءُ آ انگت بیگواہ ءَ اِنت، آئی ءِ یل کنائینگ ھاتر ءَ ما ھرچ وڑیں جُھد کتگ ما ھرچ دروازگ ٹک اِتگ ءُ اسلام آباد نندانک ءَ ھم بھر زرتگ، دہ سال گوزگ ءَ اَبید مارا ھچ جاگہ انساپ ھم نہ رس اِتگ-

ماہ پارہ بلوچ ءَ انسانی ھکانی گلاں چہ دزبندی کتگ کہ آ نصیب اللہ ءُ دگہ بیگواھیں مردمانی یل کنائینگ ءِ ھاتر ءَ توار چست بہ کن اَنت-

آئی ءَ دیمتر ءَ گوشتگ کہ سیزدہ اکتوبر ءَ بلوچ وائس فار جسٹس ءِ نیمگ ءَ چہ زورانسری آوار جنی ءِ ھلاپ ءَ یک آن لائن زھرشانی یے رسانکدر ءَ شپ ھشت ءَ چہ دوازدہ ءَ برجم دارگ بوگ ءَ اِنت-

آئی ءَ گوشتگ کہ سرجمیں سیاسی پارٹیاں، نودربریں گل، انسانی ھکانی باسکاں، اِھوالکاراں ءُ وکیلاں چہ دزبندی کن آں کہ آ اے آن لائن مھم ءِ بھر بہ بنت منی برات نصیب اللہ ءُ دگہ بیگواھیں مردمانی یل کنائینگ ھاتر ءَ توار چست بہ کن اَنت-