بلوچستان لبریشن فرنٹ ءِ جارکش میجر گوھرام بلوچ ءَ وتی شنگ کتگیں درشان ءَ اُرشانی زمہ واری منان ءَ گوشتگ سرمچاراں کیچ ءِ جتائیں جاھاں، مشکے ءُ آواران ءَ دژمن ءِ سر ءَ باز اُرش کُرتگ ءُ باز جانی ءُ مالی تاوان داتگ۔ دژمن ءِ سر ءَ ھما وھداں اُرش کنگ بیتگ وھدے کہ آ وتگڑیں پاکستانی آجوئی ءِ مراگشاں برجم دارگ ءَ بیتگ۔
جارکش ءَ گوشتگ کیچ ءِ جتاجتائیں جاھاں سرمچاراں زورگریں پاکستانی لشکر ءِ پانگسانی سر ءَ ھما وھداں اُرش کُرتگ وھدے کہ آ وتگڑیں آجوئی ءِ شاتکامی مراگشانی تیاری ءَ کنگ بیتگ۔
آئی ءَ گوشتگ کیچ ءِ جتا جتائیں جاھاں سامی کلگ، ھیرونک،ھوشاپ ءُ کولواہ ءَ سرمچاراں سیزدہ ءُ چاردہ اگست ءِ شپ ءِ ھشت ءَ بگر داں چاردہ اگست ءِ روچ ءَ اُرش کُرتگ۔
آئی ءَ گوشتگ سامی کلگ ءَ سرمچاراں دژمن ءِ پانگس ءِ سر ءَ گوں نوکین ءُ ٹوھیں سلاھاں اُرش کُرتگ۔ اُرش ءَ دژمن ءِ یک کارمندے مُرتگ ءُ سَے ٹپی بیتگ۔
جارکش ءَ گوشتگ ھیرونک اُرش ءَ سرمچاراں گوں نوکیں سلاھاں دو رند ءَ اُرش کُرتگ، دوئیں اُرشاں دژمن ءِ دو کارمند مُرتگ ءُ یکے ٹپی بیتگ۔
جارکش ءَ گوشتگ ھوشاپ اُرش ءَ سرمچاراں دژمن ءِ بنجل ءِ سرئےگوں ٹوھیں سلاہ ءُ راکٹاں ترندیں اُرشے کُرتگ، اُرش ءَ دژمن ءِ سَے اہلکار ٹپی بیتگ ءُ لشکر ءَ مالی تاوان ھم بیتگ۔
میجر گوھرام بلوچ ءَ گوشتگ سرمچاراں سیزدہ ءُ چاردہ اگست ءِ شپ ءِ ھشت ءَ مادگِ کلات کولواہ ءَ برجاھیں پاکستانی لشکر ءِ بنجل ءِ سر ءَ گوں نوکین ءُ ٹوھیں سلاھاں اُرش کُرتگ، اُرش داں نیم ادار ءَ برجاہ بیتگ، چہ ایشی ءَ دژمن ءِ یک کارمندے مُرتگ ءُ سَے ٹپی بیتگ۔
جارکش ءَ گوشتگ اے اُرشاں پد دژمن ءَ لس آبادی ءِ سر ءَ تیرگْواری کُرتگ ءُ ماٹر جتگ۔
جارکش ءَ گوشتگ سرمچاراں آواران ءِ ھند مشکے ءَ بونڈکی،اوگار، ملشِ بند ءُ تنک ءَ برجاھیں دژمنیں لشکر ءِ پانگسانی سر ءَ اُرش کُرتگ، سیزدہ ءُ چاردہ اگست ءِ میانی شپ ءَ بیتگیں اُرشاں نوکین ءُ ٹوھیں سلاہ کارمرد کنگ بیتگ، اُشاں لشکر ءِ سَے کارمند مُرتگ ءُ چار ٹپی بیتگ۔
میجر گوھرام بلوچ ءَ گوشتگ آواران ءِ جتا جتائیں جاھاں زانکولی، کور ڈاٹ ءُ کنیرہ ءَ سَے جتائیں اُرش سیزدہ ءُ چاردہ اگست ءِ میانی شپ ءَ کنگ بیتگ، اے اُرشاں سرمچاراں ٹوھیں سلاہ کارمرد کُرتگ، چہ ایشی ءَ زورگریں لشکر ءِ یک کارمندے مُرتگ ءُ چار ٹپی بیتگ۔
جارکش ءَ گوشتگ بلوچستان یک زورگپتیں دمگے کہ اود ءَ ریاست پہ زور لس مردماں وتی وتگڑیں آجوئی ءِ شاتکامی مراگشاں بارت ءُ جھان ءِ ریپینگ ءِ بے سوبیں جُھد ءَ کنت بلے یک نیمگے بلوچ راج ءَ ریاست ءِ مراگشانی نہ روگ ءُ دومی نیمگ ءَ سرمچارانی پُشت ماں پُشتیں اُرشاں دژمن ءِ مراگشانی ھلاس کنگ ءَ جوانیں کِردے پیلو کُرتگ۔
گوھرام بلوچ ءَ گوشتگ بی ایل ایف ءِ زور راج اِنت ءُ گوں راجی زور ءَ ما ریاست ءَ ھرکجا پروش دئیں ءُ وتی شھیدانی ھونانی بیر ءَ آجوئی ءِ دْروشُم ءَ گریں۔
جارکش ءَ گوشتگ بلوچستان لبریشن فرنٹ اے دُرسیں اُرشانی زمہ واری ءَ منّ ایت۔
