TBP Balochi

بیگواھیں نودربر سھیل بلوچ ءُ فصیح بلوچ ءِ زورانسری آوار جنی ءَ سے سال سرجم بیگ ءَ بلوچ اسٹوڈنٹس ایکشن کمیٹی ءِ نیمگ ءَ چہ تربت ءَ عطا شاد ڈگری ءَ چہ شھید فدا چوک ءَ تاں روانک کش اِتگ چریشی ءَ جنک ءُ بچکیں نودربرانی مزنیں کچے ءَ بھر زرتگ-

روانک ءَ ھواریں مردماں کالج دگ ءَ چہ تھرمامیٹر چوک ءَ تاں مارچ کتگ ءُ اود ءَ چہ شھید فدا چوک ءَ سر بیتگ نندانک داتگ اود ءَ بلوچ یکجھتی کمیٹی ءِ بُنجاھی راھشون صبغت اللہ شاہ جی ءُ بساک ءِ چیئرمین شبیر بلوچ ءَ ھوار بیگواھیں مردمانی کھول ءِ باسکاں تران کتگ-

زھرشانی ءِ تران کنان ءَ ترانکاراں گوشتگ کہ فصیح ءُ سمیع بلوچ دو نومبر ءِ شپ ءَ بلوچستان شھدربرجاہ ءِ ھاسٹل ءَ چہ آوار جتگ ءُ بیگواہ کتگ اَنت کہ آیانی یل کنائینگ ھاتر ءَ نودربر ءُ کھول ءَ باز رند ءَ پُرایمنیں زھرشانی کتگ بلے انگت یل کنائینگ جُھد کنگ بیگ ءَ نہ اِنت-

آئی ءَ گْوشتگ کہ گوستگیں شپ ءَ چہ اسلام آباد ءَ دہ نودربر زورانسری آوار جنی ءِ نشانگ کتگ اَنت اے گپ ءِ درشان اِنت کہ بلوچ نودربر ڈیھ ءِ کجام کُنڈ ءَ ھم مُھر نہ اَنت-

آئی ءَ گوشتگ کہ فصیح ءُ سھیل بلوچ ءَ ھوار چہ اسلام آباد ءَ زورانسری بیگواہ کنگ بیتگیں نودربرانی یل کنائینگ لوٹ کتگ-

روکپتی بلوچستان ءِ بنجاھی شھر زاھدان، کسر کند ءَ ایرانی لشکر ءِ لشکر کشی مروچی ھپتمی روچ ءَ برجاہ اَنت-

سر بیتگیں اھوالانی رد ءَ راسک ءُ ￶کسرکند ءِ ￵کوھاں مروچی سُھب ءَ ایرانی لشکر ءِ ￵جنگی بالگرد بال ءَ گندگ بیتگ اَنت دمگی مردماں لشکر کشی ءِ گمان پدر کتگ-

ھمے ڈول ءَ زاھدان ءِ ￵دمگ کِلّا بید ءَ ￴ایرانی لشکر ءِ ￵جھلی لشکر کشی شھر ءُ ￶بازارانی تھ ءَ برجاہ اِنت۔ایرانی لشکر ءِ ￵چیریں ادارھانی کارمند گوں زاتی گاڑیاں بلاھیں کچے ءَ ￴ھَمک روچ زاھدان ءِ ￵دمگ سرجنگل،کورین،اھمد چات ءُ ￶آدگہ دمگاں تر ءُ ￶گرد کنگ ءَ اَنت۔

سراوان ھاش ایرانشھر ءُ ￶سرباز ءُ ￶میرجاوہ ءُ ￶زاھدان ءَ ￴ھم چیریں لشکر کشی انگت برجاہ اَنت،شھر ءُ ￶کوچگانی تھ ءَ لشکری گاڑی تر ءُ ￶گرد کنگ ءَ اَنت۔

زانگ بہ بیت پیسری شمبے ءِ روچ ءَ ￴تپتان ءَ ￴ایرانی لشکر ءِ ￵سرا مزھبی گل جیش العدل ءِ اُرش ءَ ￴لشکری دہ کارمند کُشگ بیتگ اَنت-

اے بیڑ ءُ لشکر کشیانی بارو ءَ ایرانی لشکر ءِ گپ دیم ءَ نیتکگ اَنت-

روکپتی بلوچستان ءَ ھال شنگ کنوکیں ادارہ ھال وش ءِ رد ءَ ایرانی لشکر ءَ یک گسے ءَ بیڑ برتگ ءُ سَے زالبول آوار جتگ اَنت-

ھال وش ءِ رد ءَ تپتان ءِ ￵دمگ گوھرکوہ ءَ ￴ھاجی جمشیر بازار ءَ ￴زیک آدینگ ءِ ￵روچ ءَ ￴ایرانی لشکر ءَ ￴گِسے ءَ ￴بیڑ بُرتگ ءُ ￶یک بلوچ زالبولے ￵گوں 15/17 سالی جنین چُک ءِ ￵ھواری ءَ لَٹ ءُ کُٹ ءُ ￶کم شرپ ءَ ￴کنگ ءَ ￴پد ￴آوار جتگ اَنت۔

آوار جنگ بوتگیں بلوچ زالبولانی پجار چِل ءُ پنچ سالی ئیں راجی ء باز مھمد گوں دو جنین چُک ءِ ￵ھواری ءَ ￴آوار جتگ اَنت۔

ھال ءِ ￵رد ءَ ￴آئی ءِ ￵۱۵ سالی چُک لَٹ ءُ کُٹ وھد ءَ ￴بے ھوش بوتگ ءُ ￶دمگی مردماں زھرشانی کرتگ کہ لشکری کارمنداں سجیں بازار ءِ ￵مردم آوار جنگ ءِ ￵بیم داتگ اَنت۔

بانُک راجی ءِ ￵یک سنوزام ءِ ￵بوتگ کہ آئی ءِ ￵یک ءِ ￵بَچ سھید تیل کَش ءِ وھد ءَ بیران بیتگ-

ھال وش ءِ رد ءَ ایرانی لشکر ءَ ￴دزگیری ءَ ￴پد گوشتگ اے کھول ءَ ￴ایرانی پجار تاک(شناسکارڈ) نبوتگ ما دزگیر کُتگ اَنت ءُ ￶زاھدان ءَ ￴اوگانی الگدیر واڑ ءَ ￴برتگ اَنت ءُ ￶اوگانستان ءَ ￴روان اش دئے ۔

چین ءِ ترس

ٹی بی پی شونگال

پاکستان چین انسٹی ٹیوٹ ءِ چیردستی ءَ ” چائنا ایٹ 75: ات جرنی آف پروگرسی، ٹرانسفارمیشن اینڈ لیڈرشپ “ ءِ بنگپ ءِ سر ءَ میان اُستمانی کانپرنس ءَ تران کنان ءَ چین ءِ سپیر جیانگ زیڈونگ ءَ گوشتگ کہ چین پاکستان ءِ زرکاری واپاری ءِ راہ ءَ پھزداری درستاں مستریں جیڑہ اِنت “ مھکم ءُ برجمیں سارتیں جاورھالاں ابید ھچ بیت نہ کنت اِنت”-

میان اُستمانی کانپرنس ءَ پاکستان ءِ وزیر ھزانہ اسھاک ڈار ءِ جاڑیگ بوگ ءَ چین ءِ سپیر ءَ وتی ناگیگی ءِ لیکہ ءِ درشان کتگ کہ چین ءِ واستا پھزداری درستاں مستریں جیڑہ اِنت ءُ پاکستان ءَ چین پاکستان واپاری راہ ءِ مشکل انت ءُ بس شش ماھانی توک ءَ دو بر ءَ چین ءِ زرکاری لوٹ ءُ واپاریانی سر ءَ اُرش ھچ رنگ ءَ سگگی نہ اَنت چریشاں چینی شھریانی سَر شتگ اَنت-

چین ءِ سرکار بلوچستان ءَ وتی واپاری ءُ لشکری زرکاریانی سرجم کنگ ءِ درگت ءَ سک پریشان اِنت بلے بلوچستان ءِ راجدوستیں پاٹی ءُ آجوئی ءِ واستا پرکاریں سلاہ بندیں گل چین ءِ واپاری لوٹاں لُٹ ءُ پُلی پریام گوشگ ءَ اَنت، چریشی ءِ سبب ءَ اے لوٹ یکشل ءَ اُرشانانی دیمپان اَنت-

چین ءِ سپیر جیانگ زیڈونگ ءَ چین ءِ واپاری ءُ لشکری پریام ءِ بگیردارنی ھلاپ ءَ کریک ڈاؤن کنگ ءِ کڈنی کتگ – بلے بلوچستان ءَ دو دھکاں گیش برجاھیں پوجی آپریشن ءُ ریاستی زوراکیاں ابید، تاکت ءِ زور ءَ ھِچ چیز گرگ نہ بیت اِنت ءُ بلوچستان ءَ آجوئی ءِ واستا سیاسی ءُ سلاہ بندیں جد ءُ جھد برجاہ اِنت-

تاکت ءِ زور ءُ بلوچ زرمبشت ءِ ھلاس کنگ ءَ پاکستان ءِ پریام پیش ءَ بے سوب بیتگ اَنت ءُ چین ءِ لشکری کمک ءِ ھواری ءَ مھلوک ءِ پلامرزی ءَ چہ برجاھیں زرمبشت ءِ ھلاس کنگ ءِ پریام سوبمند نہ بہ اَنت- بلوچ جیڑہ سیاسی اِنت ، ھرچ ھک ءُ آجوئی ءِ واستا اِنت ءُ بلوچستان ءِ راجی مڈیانی سر ءَ ھک ءُ بلوچ مھلوک ءِ آجوئی ءِ دیگ ءَ ابید بلوچ سرڈگار ءَ چین ءِ زرکاری واپاری پھریزی ءِ بوگ ءِ گمان ءَ مہ گند –

سراوان جالگ شھدگ ءَ ￴ناھوکے بازار ءِ ￵نزیک ءَ ایرانی لشکر ءَ دو تیل کشیں گاڑیانی ٹئیر تیر جتگ انت ءُ گاڑیاں سواریں مردم آوار جتگ اَنت – لَٹ ءُ ￶کُٹ ءَ ￴پَد یک مردمے آجو بیتگ ءُ ￶یکے اَنگت بیگواہ اِنت۔

آوار جنگ بوتگیں مردمانی پجار امام ء سیدی جھمنند ھاش ءُ منسور ء سھراب جھمنند پسکوہ ءِ ناماں زانگ بیتگ اَنت-

ھالکار ءِ ￵رد ءَ ￴منسور دوازدہ اَدار ءَ لَٹ ءُ کُٹ ءَ ￴پد آجو بوتگ داں انگت ءَ امام بیگواہ اِنت۔

بلوچ نیشنل موومنٹ ءِ چئیرمین ڈاکٹر نسیم ءُ راجدوستیں راھشون جاوید مینگل ءَ مستونگ بیتگیں وئیل ءَ چکانی ناھکیں کوش ایر جتگ-

بلوچ نیشنل موومنٹ ءِ چئیرمین ڈاکٹر نسیم بلوچ ءَ مستونگ ءَ کودکیں چکانی شھیدی ایر جتگ ءُ اش پشاور آرمی پبلک وانگجاہ ءِ وئیل ترانگ داتگ-

آئی ءَ گوشتگ کہ اے وئیل بلوچستان ءَ پاکستانی زوراکی ءِ پالیسیاں چہ دلگوش دیر کنگ جُھد اِنت ءُ پاکستان نیمگ ءَ چہ مزھبی ناشرکاراں بلوچ راج ءَ را تُرس آماچ کنگ ھاتر ءَ کارمرز کنگ ءِ دگہ یک وئیلے-

آئی ءَ گوشتگ کہ بلوچ راج دُژمن ءِ ھرچ پندلاں چہ شریں وڑے ءَ سرپدیں – ما اے زواکیاں بیھال نہ بہ ئے ایں ءُ ناں بکش ایں- آجو بلوچستان ءِ ھاتر ءَ مئے جُھد ھرچ پڑ ءَ برجاہ بنت-

ھمے وڑ راجدوستیں راھشون جاوید مینگل ءَ وتی شنگ کتگیں درشان ءِ تہ ءَ گْوشتگ کہ مستونگ ءَ وانگجاہ ءِ کودکیں چکانی سر ءَ بے دلیں اُرش ءُ بے میار، کودکیں چکانی شھیدی ریاستی ادارہ ءِ زوراکی ھد ءَ گیش اِنت – بلوچ راجی زرمبشت، ھاسکار سیاسی گھگیری ءِ لپاشگ ھاتر ءَ بے میاریں چکانی ھون ریتکگ اَنت – پاکستانی پوج وتی بے سوبی پردگ پر دیگ ھاتر ءَ ھمے وڑیں گامگیج زور اِیت، اے اُرشاں آئی ءِ جوڑ کتگیں مردم کن اَنت – میر جاوید مینگل ءَ گوشتگ کہ یکیں روچ ءَ مستونگ ءَ ھپت کودکیں مردم شھید کتگ اَنت – وھدے کہ چہ راولپنڈی ءَ دہ بلوچ نودربر زورانسری آوار جنی ءِ نشانگ کتگ اَنت – اے دوئیں وئیل ریاستی زوراکی ، بلوچ چُکچینی ءُ زلم ءِ پالیسیانی بھر اَنت-

سھیل بلوچ ءُ فصیح بلوچ ءِ یل نہ کنگ ءَ سے سال سرجم بیگ ءَ بلوچ اسٹوڈنٹس ایکشن کمیٹی نیمگ ءَ چہ بلوچستان شھدربرجاہ دو روچ نندانک گدان ءَ برجم داشتگ وھدے کہ نندانک ءِ گُڈی روچ ءَ بلوچستان شھدربرجاہ ءَ چہ شال پریس کلب ءَ تاں یک زھرشانی ئیں روانکے کشگ بیتگ-

زانگ بہ بیت بلوچستان شھدربرجاہ ءِ دو نودربر سھیل ءُ فصیح بلوچ کہ گوستگیں سے سالاں چہ زورانسری آوار جنی نشانگ اَنت، اش یک دو نومبر دوھزار بیست یک شپ ءَ بلوچستان شھردربرجاہ ءَ چہ زورانسری بیگواہ کتگ اَنت – آیانی یل نہ کنگ ءَ یکشل ءَ زھرشانی ءُ روانک کشگ بیگ ءَ اِنت، صوبائی ھکومت دلجمی دیگ ءُ پارلیمانی کمیٹی کولاں اَبید مروچی سے سال گوزگ ءَ پد ھم بے میاریں بلوچ نودربر یل کنگ نہ بیتگ اَنت-

اشانی زورانسری آوار جنی ءَ سے سال سرجم بیگ درگت ءَ نندانکیں گدان ءُ زھرشانی روانک کیمپئین برجم داشتگ چریشی ءَ شال ءَ بلوچستان شھدربرجاہ ءَ دو روچ نندانکیں گدان ءَ ھوار گدان ءَ چہ شال پریس کلب ءَ تاں زھرشانی روانک کشگ بیتگ وھدے کہ باندا ءُ پونشی بلوچستان ءِ دگہ شھراں باندا روچ شمبے ءَ کیچ، ھُزدار، اوتھل ءُ پونشی روچ یکشمبے ءَ نوشکی ءَ زھرشانی ئیں روانک کشگ بیت-

بساک راھشوناں گوشتگ کہ یک نیمگے ما بلوچ نودربرانی زورانسری آوار جنی ءِ ھلاپ ءَ زھرشانیاں ءُ دومی نیمگ ءَ ھمے روچ ءَ اسلام آباد ءَ دہ بلوچ نودربر زورانسری آوار جنی ءِ نشانگ کنگ یک بژنی گپے- اکتدار ءَ نشتگیں مردم بلوچ راج ءِ زندمان ءِ گوم ءَ ھون لیب کنگ ءَ اَنت – زورانسری آوار جنی یک بلاھیں جیڑھے کہ آئی ءِ تھنا ناں ما ایر جن ایں بلکیں ما بلوچ نودربرانی زورانسری آوار جنی ءِ ھلاپ ءَ گھگیری کن ایں-

بلوچ راھشون ڈاکٹر ماہ رنگ بلوچ ءَ گوشتگ کہ مستونگ ءَ مروچی دردناکیں وئیل ءَ من آں بے کساس گمیگ کتگ ءُ منی دل ھمدردی ھمے چک ءُ دگہ مردمانی کھول ءَ اِنت کہ آیانی جان شتگ- اے گرانیں ساھت ءَ ما اشانی گوم ءَ یکجاھی ءَ اوشتاتگیں-

آئی ءَ گْوشتگ کہ مروچی سھب ءَ مستونگ ءَ یک وانگجاھے ءِ نزیک ءَ بیتگیں بمب تراک ءَ کہ آیانی تہ ءَ وانگجاہ کودکیں چک ءُ دگرانی جان شتگ اَنت، مارا لرزینتگیں – ریاست ءُ آئی ءِ ڈیتھ اسکواڈ ءَ بے رھمی ءَ چہ بلوچستان کوشجاھے جوڑ کتگ-

ڈاکٹر ءَ گوشتگ کہ اِد ءَ گوستگیں شپ ءَ چہ اسلام آباد ءَ دہ بلوچ نودربر زورانسری بیگواہ کنگ بیتگ اَنت- بلوچ نودبر زورانسری بیگواہ کتگ اَنت – بلوچ نودربرانی زورانسری ترسناکی ءَ بے گر ءُ دار ءَ برجاہ ءَ اِنت، تھنا گوستگیں ماہ ءَ درزنانی اے زوراکی ءِ آماچ بیتگ اَنت-

آئی ءَ گْوشتگ کہ یکیں روچ ءَ دو ھترناکیں وئیلاں بلوچ چاگرد ءِ برجاھیں رنج ، مسیبت ءُ دلسیاھی تچکی ءَ پدر بیت – بلوچ چکچینی ءِ جوڑ کتگیں پالیسی ءَ اود ءِ نندوکیں مردم یک نگیگیں جاور ءِ تہ ءَ دور داتگ اَنت-

دیمتر ءَ گوشتگ کہ اے دوئیں وئیل انسانی ھکانی یک بلاھیں ھلاپ ورزی یے ءُ برجاہ بلوچ چُکچینی ءَ گیشی ءَ پدر کنت، اے تُرندیں زلم ءُ زوراکی پیشدار اِیت چریشی ءِ رِد ءَ بلوچ راج زندمان گوازینگ ءَ لاچار اِنت-

نودربرانی نیمگ ءَ چہ سنگتیں نودربرانی یل نہ کنگ ءِ ھلاپ ءَ روانک ءُ زھرشانی نکش کنائینتگ-

سے سال ءَ ساری چہ بلوچستان شھدربرجاہ ءَ زورانسری آوار جنی ءِ نشانگ کنگ بیتگیں نوشکی ءِ جھمنند سھیل بلوچ ءُ فصیح بلوچ ءِ دراجکشیں بیگواھی ءُ یل نہ کنگ ءِ ھلاپ ءَ بلوچ اسٹوڈنٹس ایکشن نیمگ ءَ چہ شال ءَ روانک ءُ زھرشانی کنگ بیتگ-

نودربر بلوچستان شھدربرجاہ ءَ چہ شال پریس کلب ءَ تاں روانک ءُ پریس کلب دیم ءَ نندانک داتگ-

شال پریس کلب ءِ دیم ءَ نندانک ءَ چہ تران کنان ءَ ترانکاراں گوشتگ کہ بلوچستان بیگواھستان جوڑ بیتگ کہ اود ءَ تنی وھدے ھزرانی مردم درکانودی آوار جنگ ءُ بیگواہ کنگ بیتگ اَنت ءُ سالانی سال بے جرم ءَ بلوچ ورنا آزارجاھاں آزار اوپار کنگ ءَ اَنت-

ترانکاراں گوشتگ کہ بلوچستان ءَ زورانسری آوار جنی ءِ نشانگ کنگ بیتگیں نودربراں بگر دھکنکار، استاداں ھوار ھرچ پڑ ءِ سیادی داروکیں مردم ھوار اَنت ءُ مردم آیانی زانشتی ادارھاں چہ ھم بیگواہ کنگ بیگ ءَ اَنت-

زورانسری آوار جنی ءِ نشانگ کنگ بیتگیں سھیل ءُ فصیح بلوچ ءِ زورانسری آوار جنی ءِ درگت ءَ چہ زھرشانی کنوکانی گوشگ اِنت کہ سے سال ءَ ساری دوئیں نودربر آیانی ھاسٹل ءَ چہ بلوچستان شھردربرجاہ ءِ تہ ءَ پاکستانی پوج ءَ زورانسری آوار جتگ اَنت کہ سے سال گوزگ ءَ پد ھم دیم ءَ آرگ نہ بیتگ اَنت-

شال زھرشانی کنوکاں نودربر ءُ شھریانی ھمراھی ءَ دگہ زورانسری آوار جنی ءِ نشانگ کنگ بیتگیں مردم کھول ھم ھوار اَنت ءُ وتی بیگواھیں دوستناکانی یل کنگ لوٹ کتگ-

ترانکاراں دیمتر ءَ گوشتگ کہ یکرندے پد ءَ بلوچستان ءَ زورانسری آوار جنی تہ ءَ تُرندی آرگ بیتگ کہ اود ءَ بلوچستان ءُ دگہ دمگاں بلوچ نودربر زورانسری آوار جنی ءِ نشانگ کنگ بیگ ءَ اَنت، تھنا اکتوبر ماہ ءَ ھپتاد ءَ گیش مردم زورانسری آوار جنی ءِ نشانگ کنگ بیتگ اَنت آیانی تہ ءَ گیشتر نودربر اَنت ءُ آ چہ ھاسٹل ءُ لوگاں بیگواہ کتگ اَنت-

نودربراں لوٹ کتگ کہ میان اُستمانی انسانی ھکانی ادارہ ءُ پاکستان ءِ نودربریں گل اے زورانسری آوار جنی ءِ ھلاپ ءَ بہ اوشت اَنت ریاست ءَ چہ جُست بگر اَنت ءُ بلوچ نودربرانی یل کنائینگ ءَ وتی کرد ءَ پیلو بہ کن اَنت-

تھامسن فاؤنڈیشن کہ میان اُستمانی تک ءَ اھوالکاراں ھیلکاری ءُ آجوئی ءِ لیکہ ءِ درشان ءَ نامینگ ءَ وتی ینگ جرنلسٹ ایوارڈ 2024 ءِ فائنلسٹ ءِ جار پرینتگ-

اے ایوارڈ ھرسال ءَ ورنایانی اھوالکارانی آیاناں پٹ ءُ پول ءُ زمہ واریں اھوالکارانی منگ نامہ ءَ دنتے-

اے سال ءَ فائنلسٹ ءَ بلوچستان ءَ سیادی داروکیں زالبولیں اھوالکار سمعیہ حفیظ ھوارینگ بیتگ- کہ بلوچ زالبولانی جیڑہ ءُ مشکلاں دیم ءَ آرگ ءِ جھد ءَ اِنت – دگہ فائنلسٹ ءَ پاکستان ءِ عائشہ فاروق ءُ دی اوگانستان ٹائمز ءِ یک زالبولیں اھوالکارے ھوار اِنت- آئی ءَ وتی پجار چیر داتگ-

ایوارڈ ءِ جار بیست ءُ پنچ نومبر ءَ لندن فارن پریس ایسوسی ایشن ءِ ایوارڈز کنگ بیتگ اَنت-

سمعیہ حفیظ ءَ وتی نامزدگی ءِ سر ءَ وشی ءِ درشان ءَ کنان ءَ ‘ تھامسن فاؤنڈیشن ءِ ینگ جرنلسٹ ایوارڈ ءِ فائنلسٹ ءِ ھوار بوگ ءَ منی واستا شرپداری یے – اے ایوارڈ بلوچ زالبول ءِ واستا انت من اے کسھانی گوشدارینگ ءُ اھوالکاری ءِ بوگ ءِ گچین دابی بلوچ زالبولانی بھادری ءَ ابید ناممکن انت-