TBP Balochi

بلوچستان ءِ جتا جتائیں جاھاں انتزامیہ ءَ نُھ لاشانی دزکپگ ءِ ھال انت ءُ آیانی پجار بوگ ءِ پٹ ءُ پول بوگ ءَ انت-

گیشیں اھوالانی رد ءَ بلوچستان ءِ دمگ ھزدار ءِ جتا جتائیں ھنداں پنچ کسانی لاش دزکپتگ انت ءُ آ چِست کنگ ءُ ھزدار سول ھسپتال ءَ برگ بیتگ اَنت-

چہ ھزدار ءَ سر بیتگیں ھالانی رد ءَ لاشانی پجار فیاض جتک، سعید غلامانی،سعید میراجی ءُ نثار اھمد ءِ ناماں زانگ بیتگ انت کہ گوستگیں ماہ ءَ جتا جتائیں وھداں پاکستانی پوج ءُ سی ٹی ڈی ءِ دست ءَ دزگیری ءَ پد بیگواہ کنگ بیتگ اَنت-

دومی نیمگ ءَ بلوچستان ءِ واپاری شھر ھب چوکی ءَ پیرکس سالہ شیخ گوٹھ ءَ انتزامیہ ءَ چار کسانی لاشانی دزکپگ ءِ ھال انت کہ ھمے زوتاں کل ءُ کسارات کنگ بیتگ اَنت-

ڈی ایس پی پولیس ھب امام بخش بلوچ ءِ رد ءَ لاشانی کشگ برجاہ انت ءُ پد ءَ ھسپتال ءَ آرگ ءُ پجار کنگ بنت اِنت-

بلوچستان لبریشن فرنٹ ءِ جارکش میجر گوھرام بلوچ ءَ اُرش ءِ زمہ واری منان ءَ گوشتگ دوشی شپ ءِ ￵سے ءُ ￶نیم ءَ ￴سرمچاراں گْوادر ءِ ￵ھند پسنی وارڈ نمبر یک ءَ ￴بچکانی وانگجاہ ءِ نزیک ءَ ￴برجاھیں یوپون موبائل ٹاور مانداشتگ۔

جارکش ءَ گوشتگ سرمچاراں موبائل ٹاور ءِ ￵درسیں مشین ءُ ￶سامان مانداشتگ اَنت، چہ ایشی ھند ءَ ￴موبائل ￵سنگل بند بوتگ۔

بی ایل ایف ءِ جارکش گوھرام بلوچ ءَ گوشتگ بلوچستان لبریشن فرنٹ اے اُرش ءِ ￵زمہ واری ءَ ￴منّ ایت۔ ریاست ءِ ￵لٹ ءُ ￶پلی شوربندیانی ھواری ءَ ￴ھرھما رھوتی نزام کہ آئی زورگریں ریاست پہ بلوچ آجوئی زرمبشت ءِ ￵بگیری ءَ ￴چاریگی ءَ ￴کارمرز کنت ما نشانگ اِش کن ایں۔

آپریشن ھیروپ ءِ پدائیانی نام ءَ

تاھا تگرانی

دی بلوچستان پوسٹ

ھیروپ پتاھیت سیاھی ءَ ￴رُژنے سباھی کنت ودی
شھمیت بلوچ ءِ سرڈگار رستر نیاھنت اِیں پدی

سَنجیت بھاریں نوبتے
بام ءُ ￶ ￵سھاریں نوبتے
بیلہ مڑاھے پھر کنت
نُکّ ءَ ￴بدانی زھر کنت

لوٹیت مزاری زھرگے کاراں چوشیں بے باک کنت
پہ مھلبیں ھاک ءَ وتی ماھل پدائی تراک کنت

گوادِر مئی ایں گوہ مہ ور
اے زِر مئی ایں گوہ مہ ور
اے ھاک مارا یات کنت
زوراک مارا یات کنت

ھوناں گوں ھَنجیت گلزمین گلباگ دابیں دروشمے
جند ندری یاں رژنا کتگ جنگ ءِ ￵گباریں موسمے

میشدار ءِ ￵پُسگ سنگری
ھوری ءَ جنزاں اے بَری
ھالد تئی دِرّیت دل ءَ
تالب تلاماں کنت ترا

ورنا سگارانی زھاں گوں باورے اوشتاتگاں
شورہ سکالکیں گودیاں لشکر تئی پروش داتگاں

باھندیت کامی دِرک کنت
شاویز تیراں ٹِکّ کنت
پیچاں ودار ءِ ￵مولماں
کار اَنت کرار ءِ ￵موسماں

تاھا گوں ھوناں رتکگ اَنت سوبانی ھنی بام مئے
رزوان ءُ میرک کنگریں اھدانی نوکیں نام مئے

رکشانیں داباں گوں دیار
آسپ کلات ءِ ھان کَھار
نوشکی کہ سیری سمبھنت
طیب گوں بچکنداں بلیت

مئے میتگ ءِ وانگ ءُ زانگ

نبشتہ کار : امجد رھیم

دی بلوچستان پوسٹ

مئے میتَگ ءِ وانگ سک باز پشت ءَ اِنت بلے انگت کسے جُھد نہ کنت وانگ ءِ سر ءَ من لوٹاں مئے میتگ ءَ وانگ بہ بیت ءُ زانتکاریں مردم بہ بیت بلے اِیوَک ءَ من نا بلکیں دراھیں مردم لوٹ اَنت وانگ بہ بیت بلے آ جُھد نہ کن اَنت وانگ ءِ سر ءَ اول ءِ چیز وانگ اِنت چیا کہ وانگ مردم ءَ سمائی دنت ءُ بازیں چیزے دنت۔ وانگ مئے کرّ ءَ سک باز کم اِنت ما لوٹیں وانگ بہ بیت مئے میتَگ ءِ توک ءَ مارا وانگ ءِ سک باز کمی اِنت ۔

وھدے کہ من وتی میتگ ءِ چکاں گنداں دور وانگ ءَ روگ انت من سک باز ھراب سما کُت ءَ چیا کہ آ دگہ دوریں میتگے ءَ وانگ شتگ اَنت پہ پیدل ءَ اسکول ءَ شتگ اَنت۔ مئے میتَگ پتنکنری ءَ ھاس کر اسکول ءِ کمی ھست اِنت، کمیں وانوکیں زھگ دگہ شھراں اَنت پہ وانگ ءِ واست ءَ شتگ ءَ بازیں ءِ مئے میتَگ ءِ توکءَ بہ تعلیم اِنت چیا کہ شرّیں اسکول نیست اِنت۔

مئے کرّ ءَ نہ سنٹرے ھست ءُ نیکہ شرّیں اسکولے ھست پہ وانگ ءِ واست ءَ یک شھرے ءَ نام داریں چیزے ماں سمائی کنت آ زانگ اِنت بلے ما ھمائی ءِ واست ءَ جُھد کنگائیں بلے آ پہ بے مھنت ءَ نہ رس اِیت بلے آ اَلم مارا دربرگ لوٹ ایت۔ ھرچ کار ءَ مھنت اَلمی اِنت مھنت ءَ پہ ھر دل ءِ واھشت پورا بیت چیا کہ ترا وتی جندءِ سرا ءَ یقین بیت من چنچو مھنت کُتگ، کدی بی کسمت ءِ سر ءَ یکین مہ کن مھنت ءِ سر ءَ یکیں بہ کن پرچا کہ مھنت اَلم شُمارا یک منزلے سر کنت۔

منی گشگءِ مُول ءُ مراد اِیشنت کہ شُما وتی میتَگ ءِ سراءَ جُھد بہ کنت شُما وتی منزلءَ سر اَلم بِت۔ ھمے وڑاءَ مارا وانگءِ سرا ءَ باز جُھد کنگ لوٹیت وتی میتگ ءِ چکّان شرّی ءِ سرا بہ وانینے ءُ دیم ءَ بہ بریں، من لوٹیں مئے سنگت ءُ برات مئے کمک ءَ بہ کنت پہ وانگ ءِ واست ءَ بلکیں مئےمیتَگ نا گریشگءِ ھر چونے میتَگ ءَ وانگ بہ بیت جُھد بہ کانیت، شُما روچ ءِ نہ روچ ءِ وتی منزل ءَ دربارت-

بے تواری ءَ سر چِست بنت

نبشتہ کار: ایم آر بلوچ

دی بلوچستان پوسٹ

آ مُدام بے توار اَت آ مُدام پِکر ءُ ھیالانی تہ ءَ ملور اَت ءُ آ یک شْوانگے اَت مدام سُھب ءَ لَٹّے زُرت ءُ دیم پہ کوہ ءَ بُزانی چارینگ ءَ شت. اے شونگ ءَ گوں بے تواری ءَ سکین ھاموشی ءَ یک کوھے ءِ کِر ءَ ءُ درچکے ءِ بُن ءَ وپت۔ گڑا آئی ءَ دل ءِ تہ ءَ یک بلاھیں پِکرے ھست اَت آئی ءَ کس ءَ گوں ھچ نہ گْوشت آئی ءَ بے تواری ءَ دراھیں میتگ ءِ مَردم ھبّکہ اَت اَنت ھر کس ءَ ھمے ھبر جیڑ اِت ءُ گْوشت کہ اے گنوک اِنت ءُ سارین مَردم چون گُپ ءُ تران نہ کنت ؟

آئی ءَ گپ ھچبر نہ جت وھدے آئی ءَ گپ کُت آئی ءِ گپانی سر ءَ مُردمان بیم اتک آئی ءِ گپ ءُ ھبر چہ زانتکارانی ھبران شوکتر اِت اَنت-

آئی بے تواری ءَ ءِ تھا یک ترسے است اَت آ چہ زانت ءِ دنیا ءَ چہ دْراھیں مردمان کمتر اَت ءُ اے ھم یک جوانین گپے اَت کہ ایشی ءَ گوں تھنائی ءَ بے کساس مھر اَت ءُ آ مُدام ایوک اَت ءُ گوں وتی جیڑگان گار اَت گڑا یک روچے من چہ آئی ءَ جُست کُت تو چیا ملور ملور ئے ؟ تو چیا زند ءِ گمانی تہ ءَ گار ئے؟ تو چیا بے توار ئے ؟ من آئی ءَ گوں اولی رند ءَ گپ ءَ اِت آں. آئی ءَ درائینت کہ من یک انسانے نہ آں ءُ آ گوں اے گپ ءِ ھواری ءَ پاد اتک وتی لوگ ءِ نیمگ ءَ رھادگ بوت آ شپ ءَ گور ءُ گاراں دُرائیں میتگ سرا زُرتگ اَت.من چہ لوگ ءَ دراتک آں ءُ چار اِت لیٹ بزّگیں شوْانگ ءِ گِس ءِ دیم ءَ اِنت ۔ من لپرزگ ءَ لگّ اِت آں ءُ جیڑ اِت اِے چونیں لیٹ اَنت؟ ۔ من چَہ تُرس ءَ لوگ ءَ شُت آں ءُ تُرس ءَ منی واب پچ گپتگ اَت۔

ھردے روچ بوت ءُ من چَہ گِس ءَ دراتک آں ءُ دیت داں شوانگ ءِ پس ءِ چمّ ھرس اِت اَنت۔ من چَہ شوانگ ءِ پت ءَ جُست گپت ناکو! دوشیگیں لیٹ چونیں بوتگ اَنت ؟ آئی ءَ گوں ھرسیگیں چمّاں پسو دات کِہ ھُدا بزانت دوشی لھتیں گاڑی والا اَتکگ ءُ منی چُک ئِے بُرتگ۔ من پَہ ھیرانی ءَ گْوشت ناکو تئی چُک وَ ھاموشیں چُکے بوتگ ۔آئی ءَ پَہ گریوگ گْوشت بے تواری ءَ سر چست بنت-

ندر پہ آپریشن ھیروپ ءِ جندندر ماھل بلوچ ءِ نام ءَ

عمران حکیم بلوچ

دی بلوچستان پوسٹ

نیلبومیں زر ءِ ماھلیں لاڈوک ءِ
سوت ءُ نازینک جنت
ٹھک ءُ بچکند جنت
دستاں ھِنی رجیت
پاداں پازینب بندیت
چاپ ءُ سُرناہ کنت
اے بگندے منی گُڈّی دیدار بیت
من روان باں چِدا
ءُ چِداں سر گِراں
دراجیں پَندے جناں
مِسکیں ھاکاں زمین ءِ
چکاں بوسہ دیاں
زند ءِ بانوری دُرسیں وتی وشیاں
پہ ترا ءُ تئی پُشتپَداں
زوراں قُربان کناں
جند ءَ ندریگ کناں
دیگریں رولہ ءَ
سرمگیں بیلہ ءَ
گواڈگیں ماھلو
بمب ءُ گوں شورھاں
جند ءَ ندیگ کنت
ایدگی بیگاہ ءَ
نیلبومیں زر ءَ
جَنّت ایں گوادر ءَ
وشی یے در کپیت
میتگ ءِ لاڑ ءُ کاڈیں جنک
سمبہینت وتا
در کپ اَنت چہ گِساں
چاپ ءُ لائیکو جناں
شاتکامی کناں
لاڈیں تئی دزگہار
گواڈگ ایں پُل بھار
پہر بنداں ءُ سُہریں دروت ندر کناں
بانوری پرداچ زوراں گوار ءَ دیاں ترا
دُرس بوسہ دیاں
گُڈّی دیدار ءَ تئی
اتر ءُ وشبوہ جناں
مِسک ءُ امبر مُشاں
میتگ ءَ یل دیاں
دُرست پَد ءُ دُمب باں
سوت ءُ نازینک جناں
دیم پہ کبراں رواں
چنکے ھاکاں تئی مانش ءَ پِر دیاں
گواڈگ ءُ پُل رِچاں
دُرست واتّر باں
دُرست واتّر باں

بلوچستان ءِ تیابدپی شھر گوادر ءِ ھند جیونی ءُ بولان ءَ بلوچ لبریشن آرمی ءَ گوستگین آپریشن ھیروپ ءِ دو تامر بند آفیشل چینل ھکل ءَ شنگ کتگ اَنت-

تامر بند ءَ گندگ بیت اِنت گاڑیاں سواریں نوکین سلاھاں گوں کتار بندیں بی ایل اے ءِ جنگول یک آبادی ءَ کوسٹل ھائی وے ءِ نیمگ ءَ روگ ءَ انت ءُ اود ءَ دمگی مردم وشی ءَ گوں آیانی نیمگ ءَ دست سرینگ ءَ گندگ بنت اِنت-

تامر بند ءَ گندگ بیت اِنت جنگول کوسٹل ھائی وے ءَ ناکہ بندی کنان اَنت ءُ چریشی ءَ مکران کوسٹل ھائی وے ءِ ھردوکیں نیمگ بند بنت اِنت چریشی ءَ گاڑیانی کتار لگ اَنت ءُ جنگول گوں مھلوک ءَ اوپار ءِ گون ءَ گپ کنگ ءَ اَنت-

تامر بند ءَ گیش گندگ بیت اِنت بی ایل اے ءِ سرمچار پولیس ءِ یک اسٹیشنے ءِ سر ءَ اُرش کن اَنت ءُ پولیس ءِ کارمردیں گاڑیاں ماندار اَنت-

ھمے وڑ بلوچ لبریشن آرمی ءِ جنگول گوادر ءُ جیونی ءِ کوسٹل ھائی وے ءَ ناکہ بندی ءِ وھد ءَ کارندھاں دزگیر کن اَنت ءُ آیانی دراھیں سلاہ ءُ ساماناں دستیگ کن اَنت ءُ گیش جنگول مڈی بروکیں دو گاڑی ءُ پولیس ءِ چار گاڑی ءُ تھانہ ءَ ماندار اَنت-

ھمے وھد ءَ آجو بلوچستان ءِ بیرک ءَ چِست کن اَنت ءُ مھلوک ءَ گون گپ کنان ءَ گوشگ ءَ اَنت اے جنگ شُمئے پجار ءُ راجی مڈیانی لٹ ءُ بر کنوکانی ھلاپ ءَ اِنت-

کاروائی ءَ پد جنگول راہ ءَ پچ کن اَنت ءُ مھلوک ءَ روگ ءِ اجازت ءَ دے اَنت-

ھمے ڈول ءَ بولان ءَ آپریشن ھیروپ ءِ تامر ھکل چینل ءَ شنگ بیتگ کہ اود ءَ گندگ بیت اِنت بی ایل اے ءِ سرمچار ترمل لائٹ اٹیک ءِ ھواری ءَ شپ ءَ پوجی کارندھاں نشانگ کنگ ءَ اَنت-

اود ءَ گندگ بیت اِنت پاکستانی پوج ءِ کارمند بی ایل اے ءِ جنگولانی نشانگ بیتگ ءُ جھلاد اَنت-

اود ءَ بی ایل اے ءِ جنگول پاکستانی آرمی ءِ کشگ بیتگ کارمندانی سلاھاں دستیگ کنگ ءَ گندگ بنت اِنت-

زانگ بہ بیت بولان ءَ یک کیپٹنے ءَ ھوار پاکستانی پوج ءِ بازیں کچے ءَ کارمند آپریشن ھیروپ ءِ وھد ءَ کُشگ بیتگ اَنت-

زانگ بہ بیت بیست ءُ پنچ ءُ بیست ءُ شش اگست ءِ شپ ءَ بلوچ لبریشن آرمی ءَ آپریشن ھیروپ ءِ بنداتی کتگ – ھمے آپریشن ءِ وھد ءَ بلوچستان ءِ دَہ دمگاں گیش بلوچ لبریشن آرمی ءِ سرمچاراں بنجاھی شھدگاں ھوار لیویز ءُ پولیس تھانہ دستیگی کتگ اَنت ءُ پاکستانی پوج ءِ کارمند نشانگ کتگ اَنت-

آپریشن ھیروپ ءِ درستاں مستریں کاروائی بیلہ ءَ بی ایل اے ءِ مجید بریگیڈ ءَ سرجم کتگ کہ اود ءَ مجید بریگیڈ ءِ ھپت فدائیاں پاکستانی پوج ءِ ھیڈکوارٹر اُرش ءِ نشانگ کتگ ءُ جنگولاں بیست اداراں داں ھیڈکوارٹر دستیگی ءَ کتگ-

بیلہ اُرش ءَ مجید بریگیڈ ءِ زالبولیں فدائیان ماھل بلوچ پنام ءِ زلان کرد ءَ شورواں پریں گاڑی ٹکرینتگ ءُ اُرش ءِ بندات کتگ – ماھل بلوچ سیمی بلوچ زالبول فدائین انت کہ اے اُرش ءَ گیش دیم ءَ جنزینگ اِنت-

بلوچستان ءِ جتاجتائیں دمگاں بارکھان ، ھاران ءُ کیچ ءَ پاکستانی پوج ءَ اِھوالکارے ءَ ھوار شش مردم زورانسری آوار جنگ ءَ پد بیگواہ کتگ اَنت-

گیشیں ھالانی رِد ءَ بلوچستان ءِ دمگ بارکھان ءَ گوستگیں روچ بیست ھپت اگست ءَ روچ دوازدہ ءَ بارکھان ورنا اتھاد ءِ سینئریں باسک آصف جان بلوچ کوھلو کمانڈنٹ ءَ لوٹائینتگ ءُ پد ءَ بیگواہ کتگ-

ھمے وڑ چہ بارکھان ءَ مروچی نامی ئیں اِھوالکار ھیات کھیتران پاکستانی پوج ءَ بُنجل ءَ لوٹائینتگ ءُ پد ءَ بیگواہ کتگ-

انچش کیچ ءِ دمگ چہ ناصر آباد ءَ پوج ءَ دو روچ ءَ ساری ندیم بیوس آوار جنگ ءَ پد بیگواہ کتگ-

ھمے وڑ گوستگیں روچ ءَ سھب ءَ کیچ ءِ بُنجاھی شھر تربت ءِ ھند سیٹلائیٹ پاکستانی پوج ءَ گوگدان ءِ جھمنند جاوید بلوچ ء عبدالواحد زورانسری بیگواہ کتگ-

دومی نیمگ ءَ ھاران ءَ مروچی مگرب ءِ نماز ءَ چہ کمو ساری پاکستانی پوج ءَ چہ چیف چوک ءَ دوئیں ورنا بختیار ء محمد غوث یلانزئی ءُ کامران ء محمد غوث یلانزئی ءِ زورانسری بیگواہ کتگ اَنت-

اِھوالکارانی رِد ءَ اے دوئیں برات اَنت کہ اشانی کھول ریڈزون ھاران کہ اود ءَ چیریں ادارھانی کارگس ھست اَنت کہ زھرشانی ئیں داتگ ءُ آیانی لوٹ اَنت اے دوئیں ورنایاں یل بہ کن اِت-

رودراتکی بلوچستان ءِ جھمنندین مردم روکپتی بلوچستان ءَ ناشناسانی تیرگواری ءَ بیران بیتگ-

تیرگواری ءِ وئیل نوبندیان ءِ ھند پلان دراھی ءَ پیش اتکگ کہ اود ءَ ناشناسیں پرپٹ سواریں مردماں تیرگواری کتگ ءُ کیچ ءَ سیادی داروکیں یک مردمے کُشتگ-

تیرگواری وئیل ءَ بیران بیتگیں مردم ءِ پجار اختر ء مھمد جھمنند گومازی ءِ نام ءَ زانگ بیتگ-

تیرگواری ءِ درگت ءَ دگہ گیشیں سبب زانگ نہ بیتگ اَنت-

بلے گوست ءَ چہ رودراتکی بلوچستان ءَ پاکستانی پوج ءِ زوراکیاں لڈ ءُ بار کرتگیں مردم یکشل ءَ نشانگ کنگ بیتگ اَنت ءُ ھمے زوتاں سراوان ءَ یک لوگے ءِ سر ءَ پاکستانی پوج ءِ نیمگ ءَ میزائل اُرش ءَ لوگ ءِ سرجمیں مردم بیران بیتگ ات اَنت کہ آیانی سیادی چہ پنجگور ءَ ات-

بلوچ سیاسی پھناتانی گوشگ انت چہ رودراتکی بلوچستان ءَ دیم پہ روکپتی بلوچستان ءَ شتگیں مردماں پاکستانی پوج ءِ داشتگیں نام گپتی ڈیتھ اسکواڈ نشانگ کنگ اِنت-

بلوچستان ءِ سرکار ءَ شال پریس کلب ءَ نوٹیفیکشن شنگ کنان ءَ گوشتگ سرکار ءِ پیشی ءَ اجازت ءَ ابید کجام ھم سیاسی پاٹی، گل شال پریس کلب ءَ سیمینار، کانفرنس یا زھرشانی کت نہ کن اَنت-

اے درگت ءَ سیاسی ءُ چاگردی گلاں اے سیاسی ءُ پر ایمنیں زھرشانی ءُ آجوئی لیکھی درشان ءِ سر ءَ بندش ءِ برابری گوشتگ –

بلوچستان یونین آف جرنلسٹس ءَ این او سی لازمی کنگ ءِ پیسلہ رد کتگ ءُ گوشتگ انتزامیہ ءِ نیمگ ءَ پریس کلب ءَ اڑانک ودی کنگ ءَ ایر جنی اِنت-