بلوچ لبریشن آرمی ءِ جارکش جیئند بلوچ ءَ شنگ کتگیں درشان ءِ تہ ءَ گْوشتگ کہ بی ایل اے ءِ سرمچاراں گوستگیں شپ مستونگ ءَ زورگریں پاکستانی پوج بمب اُرش ءَ نشانگ کتگ-
جارکش ءَ گوشتگ کہ مئے سرمچاراں مستونگ شھر ءَ زورگریں پاکستانی پوج ءِ کارمنداں ھما وھد ءَ دستی بمب اُرش نشانگ کتگ وھدے آ وتی بُنجاھی بُنجل نزیک ءَ راہ ءِ بستگ ءُ دلگوش بیتگ اَنت، تراک ءِ آسر ءَ یک کارمنداں جاہ پہ جاھی مرتگ اَنت دو کارمند ٹپی بیتگ اَنت-
جارکش ءَ گْوشتگ کہ بلوچ لبریشن آرمی اے اُرش زمہ واری ءَ منّ اِیت-
بلوچستان ءِ دمگ کیچ ءَ لشکر کشی برجاہ وھدے کہ لشکر کشی میان ءَ دو مردم آوار جنگ ءَ پد بیگواہ کتگ اَنت-
گیشیں ھالانی رِد ءَ کیچ ءِ دمگ زامران ءَ گیشتردان، نوانو. ،ھان کلگ ءَ ھوار ءَ کش گور ءِ دمگاں لشکر کشی برجاہ-
دمگی اِھوالکار رِد ءَ لشکر کشی ءِ میان ءَ پاکستانی پوج ءَ چہ گیشتردان ءَ دو مردم آوار جنگ ءَ پد بیگواہ کتگ اَنت-
بیگواہ کنگ بیتگیں مردمانی پجّار شعیب ء ملا سلام جھمنند گلی ءُ پزیر فتح محمد جھمنند نوانو ھوار اَنت-
اے مردم پاکستانی پوج ءَ ھما وھد ءَ آوار جتگ اَنت وھدے آ دوئین پسانی چارگ ءَ شتگ بیتگ اَنت –
اِھوالکار گوشگ اِنت کہ دمگ ءَ مزنیں کچے ءَ پوج کارمند ساڑی اَنت وھدے کہ پوجیانی روگ آیگ ھم برجاہ ءَ اِنت-
بلوچستان ءِ بنجاھی شھر شال ءَ سارت دابیں مولم ءَ بلوچ نودربرانی زھرشانی گوستگیں چہ پنچ روچاں برجاہ اِنت-
زھرشانی بولان میڈیکل کالج ءِ ھاسٹلانی بندش ءُ پولیس ءِ زورگری ءِ ھلاپ ءَ بوگ ءَ اِنت کہ اود ءَ بی ایم سی ءِ گیٹ ءِ دپ ءَ نودربر وتی لوٹانی سرجم کنگ ءَ نشتگ اَنت-
مروچی بی ایم سی ءِ کش ءُ گوراں یک روانکے ھم کشگ بیتگ کہ اود ءَ نودربراں زوراکیانی ھلاپ ءَ اوگام ءُ پوسٹر چِست کتگ بیتگ اَنت-
نودربراں گوشتگ مئے سَے لوٹ انت کہ آیانی توک ءَ بی ایم سی کالج ءُ ھاسٹل پچ کنگ بہ بنت، کالج انتزامیہ ءُ نودربرانی سر ءَ بوگیں لٹ ءُ کٹ ءُ دزگیریاں ھواریں مردمانی ھلاپ ءَ کاروائی کنگ بہ بیت، کالج ءَ پولیس ءِ نیمگ ءَ پرشت ءُ پروشاں کہ نودربرانی سامان پرشتگ یا گار کنگ بیتگ اَنت آ پُر کنگ بہ بنت اِنت-
نزوری
نبشتہ کار: قاسم علی شاہ
رجانکار: امجد رھیم
دی بلوچستان پوسٹ
یک مزنیں کوھ ءِ پُشت ءَ میتگ ءَ اُستادے ھست اَت کہ آ باز اِلم ءُ مزنیں تجربہ والائیں مردمے اَت، آ مرد ءِ کرّ ءَ سک باز مال ءُ مڈّی ھست اَت۔ دوریں جاگہ ءَ نودربر آ اُستاد ءِ کرّ ءَ وانگ اَت اَنت، آ پنچ سد نودربر اِت اَنت۔ وانگجاہ ءَ ورگ ءِ واست ءَ دار ءُ پِیشُک کارمرِز کُتگ اَت اِش، بہ زان اِے کار نودربراں گوں ذمہ واری ءَ کُتگ اَت ءُ ھمے کار بہ زان مُوکل ءِ روچ ءَ کنگ ءِ اِت اَنت اِیشاناں دار آرگی اَت۔ یکے وھد ءَ آ پہ جنگل ءَ دار ءُ پِیشُک ءَ شُت اَنت آ ھانی ءِ گوم ءَ یک نزوریں نودربرے ھست اَت آ ھم شُت پہ دار ءَ ۔ وھد ءِ دْراھیں نودربر چہ جنگل ءَ رست اَنت ، گُڑا نزوریں نودربر یک پھناد ءَ بوت ءُ پد ءَ بے تاکیں درچکے دیست اِش۔
آ نزوریں نودربر باز وش بوت ءُ جیڑگ ءَ لَگّ اِت کہ آ درچک ءِ شوھاز ءَ ءُ من ءَ درچک رُست ، من کَمو باز آرام کن کُت پد ءَ رند ءَ وتی درچک ءِ داراں پُروش آن ءُ آ درچک ءِ سَاھِگ ءَ چادرے تالاں کُت ءُ وپت۔ یک وھدے شُت گُڑا آئی ءِ سنگت وتی داراں گوں واتر اَتک اَنت، وھدے آیاں وتی سنگت وپسگ ءَ دیست گُڑا کندگے جِت اِش ، نزوریں نودربر پاد اَتک گُڑا وتی سنگتاں دیست ءِ وتی نیم وابیں چمّاں گوں درچک ءِ سر ءَ لگّ اِت۔ آ درچک ءِ ٹولانی پُورشگ ءَ لگّت آئی ءَ را ھبر بوت اے درچک جوان ھُشک نہ اِت اَنت، اِیشی چمّے ءَ را ٹولے ءَ لگّ اِت ءُ باز تکانسر بوت ئے۔
اِیشی یک دستے گوں چمّ ءَ اَت ءُ دومی گوں درچک ءِ ٹول ءَ اَت ءُ پُروشَگ ءِ جُھد کنگ ءَ اَت۔ ھمے وڑ ءَ اے وتی داراں یکجاہ کُت ئِے شُت دیم پہ وانگجاہ ءَ ، وتی داراں ءَ آوانی دارانی سر ءَ اِیر کُت ئِے۔
گُڈی روچ پد اِیشی ءَ دگہ میتگے ءَ روگی اَت، آیاں اِرادہ کُت روچے ٹک ءَ مھلہ رو ئے پرچا کہ وھدے سر ءَ سر بِہ بِہ ئے ۔ سُھب ءَ مھلہ پاد اَت کن ءُ باروچی ءَ را گُشت ءِ زُوت ورگ جُوڑ بہ کن مارا روگی اَت۔ باروچی ءَ اولی سر ءَ شُت ھما بُرز والا داراں زُرت ءِ آچ ءِ سر ءَ اِیر کُت ئِے، باروچی ءَ آچ ءِ لاگینگ ءِ جُھد کُت آئی ءِ چم چٹ ھراب بوت اَنت ءُ گلہ ھُشک بوت بلے آچ نہ لگّ اِت نودربر ءَ وس وس زیادہ بوت اَت۔ روچ شُت اُستاد ءَ پکر بوت نودربر پرچا انگت نہ شُتگ اَنت، اُستاد وتی اوتاک ءِ توک ءَ در اَتک دیم پہ نودربرانی نیمگ ءَ جُست ءُ پُرس ئِے کنگ ءَ ءُ نودربراں ھما کسّہ گُشت کہ نزوری ءِ سبب ءَ چُو بوتگ دار ھراب بوتگ انت۔ شپ ءِ تھاری ءِ سبب ءَ باروچی ءَ مالوم نہ بوتگ کہ دار آچ ءِ کنگ ءَ کابل نہ انت بلے آئی باز جُھد کُتگ اپسوز آچ نہ لگّت اَت نوں سک باز دیر اِنت مئے اُود ءَ روگ ناممکن اِنت۔ اُستاد ءَ گُشت کہ یک نزوری ءِ سبب ءَ پوریں نودربراں گَمیگ بیتگ ات اَنت، وھد ءِ سر ءَ کار ءَ مہ کن پد ءَ ترا آ کارے سر ءَ اپسوز ءُ ارماں بیت۔
مئے چاگرد انگت دیم ءَ روگ نہ انت چیاکہ آوانی مزنیں وجہ نزوری جاھِلی انت۔ مردمانی وجہ اِیش اِں وھدے سر ءَ کار ءَ مُکمل نہ کنت وھدے کار سر ءَ کیت گوں نزوری ءِ گوما کن اَت۔ بجلی، گیس، ٹیلی پون باز اے وڑیں بل یاکہ وتی زھگانی پیس ءُ چجاس ءِ تیاری ءُ دگہ بازیں کارے ھنچو دیرا کنت اَنت، ھمے کارانی کنگ ءَ باز تَچگ ءُ شُور ءُ شراب ءَ کن اَنت۔ نپسیات ءِ موتبِک ءَ نزوری یاں جاھلی رویہ لس اَت ھمے واست ءَ ارادہ ءُ نا سمجے وجہ بوت کُرت کنت۔ نزوری ءُ جاھلی مردمے (Couch potato) کارمرِز بیت انت۔ ھما مردم کہ گِس ءَ دیراں واتر بیت، مُدام وپس ءِ ءُ وتی کش ءَ ورگیں چیز اِیر کنت ٹی وی ءُ موبائل چاریت بہ مکسد ءَ وتی وھد ءَ زَوال کنت اِیش ءَ نزوری نام گُش اَنت۔
اولی سرا مارا (Couch potato) ءِ بارہ ءَ ھبر بِہ بیت اے چی ءُ اِیشی ءِ تریک ءَ چی اِت اَنت ؟
مئے وھد ڈیجیٹل ءِ ئیگ انت، ٹیکنالوجی ءَ چہ باز ترکی کُتگ ءُ (Digital entertainment) ءَ باز آسانی آرتگ پہ مردم ءَ ۔ مرچیں دور ءَ ٹی وی، ویڈیو، گیمز ، سوشل میڈیا مردمانی واست ھست بلے مردم وتی وھد ءَ ھمے چیزانی سرا لگّتگ اَنت۔ ھمے واست ءَ بازیں مردم زیادہ کارمرِز کنت آ بیمار بنت ءُ آ وتی کاراں وھدے سر ءَ نہ کنگ انت۔نزوری دومی وجہ ءَ مردم بے سمت اِت، بازیں مردمے بے مکسد انت آ وتی زندگی ءَ زندگ انت بلے بے ھبر اَں ۔ اگاں زندگی ءَ مکسد مہ بوتیں گُڑا مردم گوں زندگی ءَ ھور نہ بوت، ھمے وڑیں باز چیز ءَ مردماں ءَ نزور ءُ نا سمج جُوڑ کُتگ ءُ بہ پُزولیں جاگ ءَ ھنچو نشتگ آں۔
نزوری ءِ سیمی وجہ نپسیاتی بیماری بوت کُرت کنت، بازیں مردمے ڈپریشن، ذھنی زور ءُ جزباتی ءِ نا جُوڑ اَنت چیاکہ آ مردم وتی ھمّت ءُ ھوسلہ ءَ کمزور کن اَنت۔ ھمے وجہ ءَ چہ گِس باز وھد زوال کن انت ءُ نزور بنت۔
چارمی وجہ آدت اِنت دگہ آدتانی وڑا نزوری یک آدت ءِ اگاں ھما مردم ھر روچ یک کارے بہ کن گُڑا ھما کارے آدت بیت اِں ھما آدت مزبوت بیت اِنت گُڑا ھما آدت ءِ یل کنگ باز مشکل بیت اِنت۔ باز وھد ءَ لھتیں مردم جسمانی نادراھی ءَ یا ٹَپ ءِ وجہ ءَ بستر وپس ءِ ، ھمے مردم پدا نادراھی ءَ اگاں شر بِہ بیت آئی زندگی ھمے وڑ نزوری ءَ گوں گوازینیت پرچا کہ آ باز چہ آرام کنگ ءَ آدت بیت اِں پد ءَ آرا سکون ملّ اِیت۔ نزوری ءِ یک مزنیں وجہ اِیش اِنت کہ یک ماھول ءِ ءَ ترا ھما آدت ءِ سان بیت اِنت۔ ھما مردم تئی دوست ءُ سنگت اَں گُڑا ھما مردماں ءَ نزوری ءِ سان بوت کنت ئے۔
نزوری ءِ ششمی وجہ اے بوت کنت اِں مردم ھر چیز ءَ آسانی ءِ سر ءَ زُرت بہ کن، وت جھد کنت کہ جسمانی مھنت ءَ رکّینگ ءِ جُھد کنت ئِے اے بی نزور ءِ وجہ بوت کن۔نزوری ءِ ھپتمی وجہ اِیش اِنت وھدے کدر ءَ نہ کنت ، وتی کیمتیں وھد ءَ ھنچو بے ترتیب ءِ سر ءَ کارمرِز کن اَنت۔ ما وتی پائدگے سوج نہ جنت ما بہ پُزول ءَ نندگ ءَ کدر دے انت۔
ھُشک ءَ نندگ یا (couch potato) ءِ چئے نُکسان اَنت؟
دراھجان ءِ جیڑہ بیت ءُ جسم ورزش نہ کنگے وجہ چہ مردم زنڈ بیت ءُ نادُرا بیت ، شوگر ءِ ءُ دگہ بازیں بیماری ءِ آماچ بیت ۔ ھر وھد ءَ نندگ ءِ آدت مردمے دراھجان ءِ واست ءَ نکسان بیت اِنت۔ ھنچیں مردمے زندگی ءَ مکسد نہ بوت آ ھر چیز ءَ مھروم اِنت ھمے واست ءَ مردم ذھنی مریز بوت کُرت کنت ءُ زندگی ءَ نزور گوازین اِیت پد ءَ کم وتی سر ءَ یکیں کنت۔ زندگی ءَ نزوری بوت گُڑا ترا ترکی ءَ نہ لیت اِں، اے وڑیں نہ کامیاب بوھگ ترا نہ لیت اِنت بے پائدگ تئی وھد زوال بیت۔ ترا ھبر بہ بیت تو ھیراں بوھگ ءَ لگ ءِ سستی ءِ وجہ مردمے موت بیت، دنیایے چارومی مسئلہ ھمیش اِنت کہ مردم نزوری ءِ وجہ ءَ مریت اِں۔ پرچاکہ ھر وھدا ورگ ءَ اِنت ورزش نہ کنت ورگ ھزم نہ بنت ، اِیشاں مردمے معدہ، جگر، پھیپھڑے ءُ دل ءَ ھراب کنت اے مزنیں مسئلہ بن اَنت۔ ھما مردم مُول ءُ مراد بیت آ جُھد کنت ءُ ارادہ اِیر کنت ئے وتی زندگی ءَ زندگ بہ بنت۔ ( البرٹ آئن سٹائن گُشیت کہ زندگی سائیکل وڑا اِنت، اگاں تو متوازن بوھگ لوٹ ئے گُڑا تو مسلسل ھرکت بوھگ لوٹ اِیت اِنت) ھمے وڑا زندگی ءَ برے تو بُرت کن ئے۔ اگاں نزوری بوت تئی زندگی ءَ ءُ مسئلہ بوت تو باز کمزور بہ ئے۔
اگاں وت ءَ کیمتی بنائیں ءِ گُڑا مکسد زندگی ءَ جُوڑ بہ کن وتی مکسدے واست ھر چیز بہ کن۔ تئی مکسد کسانیں ءِ بوت یا مزانیں ءِ بوت ترا ھاسل کنگ ئے اِں، اگاں تو لوٹ ئے من مزنیں مردمے جُوڑ بہ بن ترا وتی مکسد ءِ پُشت ءَ روگ لوٹ اِیت اِں۔ مرچی تو ھمّکہ کار کُت کن ئے بہ کن کم وھد ءَ باز کار بہ کن چیاکہ تو وتی آدت جُوڑ کُت کن ئے۔
(اسٹو جابز گُش اِیت کہ سحت والا دماگ ءِ واست ءَ سحت والا جسم ءِ الّمی اِنت) ۔ نزوری مردمے جسمانی مشکلات توک ءَ کپیت۔ ھنچو وت ءَ کمو کمو دیم ءَ بہ بِر گُڑا نزوری ھتم بیت۔ وتی سنگت ءُ ھاندان ءِ گوما وھد بہ گوازیں، وت ءَ ھر ماھولے آدت جُوڑ بہ کن بلکیں ترا آرام بیت ءُ تئی دماگ سکون بیت اِنت۔ ھر وھد ءَ ٹی وی، موبائل، کمپوٹر ءَ دور بُو بُو اِیشانی جاگہ کتاب ءِ وانگ ءِ جُھد ءَ بہ دار یا کدرتی چسمانی گوں وتی وھد ءَ بہ گوازیں۔ وتی جندے سرا یکیں بہ کن نزوری ءَ یل بہ کن ءُ زندگی ءَ بدل بہ کن۔
وتی زندگی ءِ توک ءَ تْرس میار ءُ ھر کار ءَ آسان بہ سمج تو وتی زندگی ءَ بدل کُرت کنے بدل کنگ ئے وھد “مرچی” وتی سوچاں مزن بہ کن وت ءَ تاکت ور جُوڑ کن وتی جندا کیمت والا مردمے بہ کن۔
ترا زندگی ﷲ ءِ نیمگ ءَ ملّتگ وت ءَ سست مہ کن وت ءَ کمزور مہ سمج، ﷲ ءَ ترا ھر چیز داتگ اچاواں پائدہ ھاسل بہ کن ۔ دانش ور کول ءِ کہ وھد دو زھم اِنت، اِیش ءَ کاٹ بہ کن ءُ کار ءَ بیارئے، ورنہ ترا کاٹ کنت ھتم کنت۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسانی درشانی ءِ اِنت –
پسنی ءِ ھند ببر شور ءَ ناکو ءَ تیرگواری کتگ ءُ جنکیں برات زتک کشتگ-
گیشیں اھوالانی رد ءَ پسنی ءِ دمگ ببر شور ءَ صابر ء سلیمان نامیں مردمے ءَ وتی جنکیں برات زتک مسمات ( م) ء گَندو جھمنند ببر شور تیرگواری کتگ ءُ کشتگ-
دمگی مردمانی رد ءَ کشگ بیتگیں جنک ءِ کھول ءَ گوشتگ مسمات ( م) واب بیتگ کہ صابر سلیمان اتکگ 9 ایم ایم پسٹل ءَ گوں پنچ دانگ تیر جتگ ءُ چریشی ءَ چہ آ ھما جاہ ءَ بیران بیتگ-
پولیس ءَ اژدری چار ءُ ٹپاس ءَ پد لاش کھول ءِ ھوالگ ءَ داتگ، کوش ءِ سبب داں انگت ءَ زانگ نہ بیتگ ءُ پولیس پٹ ءُ پول کنگ ءَ اِنت-
روکپتی بلوچستان ءِ دمگ ھاش ءَ تیرگواری وئیلے ءَ سَے مردم بیران بیتگ اَنت ءُ دو زدگ بیتگ اَنت-
گیشیں اھوالانی رد ءَ ھاش ءَ بیران بیتگیں مردمانی پجار فرزاد پیروزئی ء مھمد رضا، فرھاد کمالخان زئی ءُ ملک شھسوازئی ء سید مھمد ءُ زدگ بیتگیانی توک ءَ یکے ءِ پجار یاسر ءِ نام ءَ زانگ بیتگ ءُ دومی ءِ پجار نہ بیتگ-
اھوالانی رد ءَ وئیل وت ما وتی جیڑہ ءِ سبب ءَ پیش اتکگ کہ اود ءَ تیرگواری ءَ سَے مردم بیران بیتگ اَنت-
روکپتی بلوچستان ءِ بنجاھی شھر زاھدان ءَ یک بندیگیں بلوچے ءَ پاھو ءِ ھکم دیگ بیتگ ءُ آ پاھو دیگ بیتگ-
اھوالانی رد ءَ ایرانی سال سیزدہ سد ءُ نود ءُ ھشت بزانکہ پنچ سال ءَ پیش کوش ءِ بھتام ءَ گرگ بیتگیں اھمد شاہ بخش ء عیسیٰ جھمنند زاھدان گوستگیں روچ ءَ پاھو دیگ بیتگ-
اھوالانی رد ءَ اھمد شاہ بخش سال سیزدہ سد ءُ نود ءُ ھشت ءَ یک کوشے ءِ بھتام ءَ گرگ بیتگ –
اھوالانی رد ءَ آئی ءِ کھول ءَ گُڈی گندُک آدینگ ءِ روچ ءَ ماں زاھدان ءِ مزنیں زندان ءَ کتگ بیتگ-
بیگواھیں کلیم اللہ رودینی ءِ کھول ءَ سوراب ھند سر ءَ شال، کراچی بُنجاھی شھدگ سر ءَ ھرچ وڑیں روگ آیگ ھاتر ءَ بند کتگ-
زھرشانی ءَ زالبولانی مزنیں کچے ءَ ساڑی اِنت، زانگ بہ بیت کہ مروچی سوراب گریڈ اسٹیشن ھند سر ءَ پجّار نہ بوتگیں سلاہ بندیں مردماں کلیم اللہ رودینی ء محمد گل رودینی نامیں مردمے آوار جتگ ءُ وتی ھمراھی ءَ برتگ- کھول ءَ آئی ءِ آوار جنی ءِ ھلاپ ءَ زھرشانی کنان ءَ بُنجاھی شھدگ بند کتگ – چریشی ءِ سبب ءَ چہ ھزارانی مال کش ءُ مساپر کشیں گاڑی گٹ اَنت ءُ دمگی انتزامیہ نیمگ انگت ھچ وڑیں گامگیج زیرگ نہ بیتگ-
بلوچستان ءِ تیابدپی شھر گوادر ءَ دو برات پاکستانی پوج ءَ آوار جنگ ءَ پد بیگواہ کتگ اَنت-
گیشیں اھوالانی رد ءَ چار روچ پیش چہ گوادر بلوچ واڑ ءَ پاکستانی پوج ءَ ابو ء ھاسل جھمنند بلنگور کلیرو آوار جتگ ءُ گون وت برتگ – چریشی ءَ پد گوستگیں شپ ءَ پوج ءَ پد ءَ گوادر ءَ ابو ءِ لوگ ءِ سر ءَ بیڑ برتگ ءُ اود ءَ آئی ءِ کستریں برات آسم ء ھاسل آوار جتگ ءُ برتگ-
کھول ءِ گوشگ اِنت کہ پوج ءَ آیانی لوگ ءِ سر ءَ بیڑ برتگ ءُ جنین ءُ چک لٹ ءُ کٹ کتگ انت ءُ موبائل گون وت برتگ اَنت-
کھول ءِ گوشگ اِنت ما ھمے زوتاں چہ دشت ءِ ناگیگیں جاورانی سبب ءَ لڈ اتگ ءُ گوادر ءَ شتگ انت اود ءَ ھم مارا پوج ءَ وتی ارجان کتگ-
کھول ءِ گوشگ اِنت مئے گس ءَ دویں کسان سالیں زھگاں ابید دگہ وسلیگ نیست اِنت کہ اچ ما چراھی ءَ آسراتی زرت کت بہ کن ایں-
کھول ءِ گوشگ اِنت ابو بیست روچ بیت کہ گوادر ءَ روزگار ءَ بیتگ کہ آ چہ روزگار جاہ ءَ آوار جنگ ءُ برگ بیتگ-
کھول ءَ چہ انسانی ھکانی گل، چاگردی گل ءُ سیاسی ءُ اھوالکاراں لوٹ کتگ کہ آ مئے زھگانی درگیجگ ءَ مئے توار جوڑ بہ بنت اِنت-
زورانسری بیگواہ دلجان بلوچ ءِ گھْار آواران ءِ ڈپٹی کمشنر ءِ کارگس ءِ دیم ءَ نہ کُٹوکیں شُدکشیں ھڑتال بندات کتگ، آیانی گوشگ اِنت بندیگیں دلجان ءِ یل کنگ ءِ لوٹ ءَ ابید دگہ ھچ گپ ءُ تران نہ بیت اِنت-
دلجان بلوچ دوازدہ جون دوھزار ءُ بیست ءُ چار ءَ پاکستانی پوج ءَ آ چہ لوگ ءَ آوار جتگ اَت کہ پد ءَ آئی ءِ ھچ وڑیں ھال نیست انت-
آئی ءِ یل کنائینگ ءِ ھاتر ءَ زھرشانی ھژدہ نومبر ءَ بندات بیتگ، موھدے کہ کھول ءِ مردم ءُ دمگی جھمننداں آواران ءِ بُنجاھی دگ زھرشانی کنان ءَ بند کتگ اَنت – بلے واکدارانی دلجمی دیگ ءَ پد دگ پچ کتگ اَنت اش، بلے ڈپٹی کمشنر ءِ کارگس ءِ دیم ءَ نندانک انگت ءَ برجاہ ءَ اِنت-
دلجان بلوچ ءِ گْھار ءَ زھرشانی بُنجل ءَ پریس کانفرنس ءِ میان ءَ شدکشیں ھڑتال ءِ جار جتگ ءُ دمگی رھشونانی سر ءَ کول ءِ پروشگ ءِ بھتام جتگ – آئی ءَ گوشتگ کہ ما سک ودار کتگ – اے شُدکُشیں ھڑتال گُڈی اُمیت اِنت-
زھرشانی کنوکاں دلجان بلوچ ءِ زوت یل کنائینگ ءُ زھرشانی ءِ میان ءَ زھرشانی کنوکانی ھلاپ ءَ نکش بیتگیں ایف آئی آرانی ھلاس کنگ ءِ لوٹ ءَ کنگ ءَ اَنت- کھول ءِ گوشگ اِنت کہ اگاں اے میان ءَ مارا تاوان دیگ بیتگ گُڑا اشی ءِ زمہ واری انتزامیہ ءِ سر ءَ بیت انت-
دومی نیمگ ءَ، ھکانی گل بلوچ وائس فار جسٹس ءَ دلجان بلوچ ءِ زورانسری آوار جنیانی ءُ آئی ءِ کھول گوں یکجاھی درشان ءِ ھاتر ءَ رسانکدر ءَ مھم ءِ برجم کنگ ءِ جار جتگ – اے مھم یکشمبے ءَ یک دستمبر ءِ شپ ءِ ھشت ءَ بگر داں دوازدہ ءَ تاں ایکس ءَ برجاہ بیت انت-
بی وی جے ءَ وتی درشان ءِ تہ ءَ گوشتگ کہ اے ایردستانی توار ءِ چست کنگ اِنت ءُ دلجان بلوچ آئی ءِ کھول ھاتر ءَ انساپ ءِ مھکم کنگ جُھد اِنت-
بی وی جے ءَ زھرشانی ءِ میان ءَ کھول ءِ تُرسینگ ءُ نشانگ کنگ ایر جتگ انت – آئی ءَ گْوشتگ کہ ” اے مھم زورانسری آوار جنی ءِ سابمندانی نگیگیں جاوراں چہ راجی زانت ءَ ترا دیم آرگ ءُ ایردستانی گوم ءَ یکجاھی اِنت-
