TBP Balochi

سر بیتگیں ھالانی رد ءَ بلوچستان ءِ دمگ سوراب ءَ دگ ءِ وئیلے ءَ سَے زالبول بیران ءُ چار کس زدگ بیتگ اَنت-

وئیل سوراب ءَ مزن شھدگ ءِ سر ءَ لاگھوریان ءَ دیم ءَ اتکگ کہ اود ءَ گاڑی ڈرائیور ءِ دست ءَ لگوشتگ ءُ چَپ بیتگ چریشی ءَ سَے زالبول ھما جاہ ءَ بیران بیتگ اَنت –

گاڑی شال ءَ دیم پہ کراچی ءَ روگ ءَ بیتگ لاگھوریان ءَ گاڑی ءِ ٹائر ترک اِتگ ءُ چریشی ءَ یکیں کھول ءِ سَے زالبول بیران ءُ سَے چکاں ھوار چار مردم زدگ بیتگ اَنت –

زدگ ءُ بیران بیتگیں مردم ریسکیو ءَ سوراب ءِ نادراہ جاہ ءَ سر کرتگ اَنت ءُ اود ءَ بنداتی ٹپانی درمان ءَ پد شال ءَ برگ بیتگ اَنت –

بیران بیتگیں مردمانی جون لیویز ءَ کھول ءِ گور ءَ رسینتگ اَنت ءُ گیشیں پَٹ ءُ پول لیویز کنگ اِنت –

بلوچستان ءَ ھمک روچ بازیں ھسابے ءَ دگانی وئیلاں لس مھلوک مرگ ءِ دیمپان اَنت ءُ مھلوک ءِ گوشگ اِنت ڈرائیورانی بے دلگوشی ءَ گیشتریں وئیل دیم ءَ آیگ ءَ اَنت –

نبشتانک: راجدپتر ءُ سرمستانی ٹک

نبشتہ کار : ساچان آسکانی

دی بلوچستان پوسٹ

اگاں ما بلوچ راجدپتر ءَ ھُورت چاری بہ کنیں ءُ بہ چاریں آئی ءِ تہ ءَ بلوچ ٹَک ءُ بولکانی یک لَڑے مئے دیم ءَ کیت ھمے وڑ ءَ بلوچ راجدپتر کوھن انت ھمے پیم ٹک ءُ کبیلہ کوھن انت اچ ھمے کوھنیں ٹکاں یکے سرمستانی انت سرمستانی اشی ءِ مانا ءُ گْوستانک چی انت؟ لبز ء سرمستانی چہ سرمست ءَ درتکگیں لبزے ایشی ءِ مانا مھکم ءُ توانائیں سر ، زانتکار ، چیزانی کدر کنوک، چیزانی شوک داروک ، ءُ بھادر انت ۔

سرمست ءِ پدریچ ءَ سرمستانی گش انت سرمست ءِ پت مبارک ءِ پت صلاحی یک ھنر زانت ءُ تمردیں مردے بیتگ ۔سرمست مبارک وتی اِزم ءُ ھنر ءَ سک بلد ءُ بودناک بیتگ چی ءَ کہ سرمست مبارک ءَ اے ھنر چہ وتی پت مبارک ءُ پیرُک صلاحی ءَ چہ میراس ءَ رس اِتگ سرمست مبارک وتی کسب ءُ ھنر ءَ وتی بودشت ءُ زانشتانی جھلانکی ءَ ایشی ءِ تہ ءَ شرتری ءُ گھتری آران کنان کت انت ءُ پراہ ءُ شائگان کنان بوت ھمے بودشتانی سبب ءَ سرمست مبارک 1410ءَ امیر میرو ثانی ءِ دور ءَ مستریں سربراہ سلاہ جاہ جوڑ کنگ بوت اے زمہ داری 1410 ءَ بہ گر داں میر محراب خان ثانی ءِ دور ءَ 1817 بہ گر داں 1839 ءَ ھست ات اے زمانگ ءَ سرمست مبارک ءِ پدریچ ءَ چہ پد ءَ شاھی ءِ پت پولاد سگار اسلاہ جاہ ءِ سربراہ جوڑ بوت انت۔

پد ءَ امیر نصیر خان ثانی ءِ دور ءَ1841 تا 1857 ءَ راجکاری ءُ زرّی جاورانی سبب ءَ پوریات پوج دارگ بوت ءُ سلاہ جاہ فوجی سربراہ ءُ کماندار ءَ دیگ بوت انت ھژدھمی ایسوی سدی ءِ میان ءَ سرمستانی ٹک وتی دیمروی ءِ تہ ءَ زند ءَ گوازینگ ءَ بوتگ ۔اشی ءَ پد سرمستانی ٹک ءِ زوالی ، پدمنتگی ءُ در پہ دری ءِ دور تاں روچ ء مروچی گوزان انت بلے اے یک تھلیں راستی یے بلوچ ءِ چاگرد ءَ تاں روچ ء مروچی ھست انت اے گروہ بلوچ ءِ گوست ءُ انیگیں وھد ءَ یک بستارے ءِ واھند انت بلے بلوچ ءَ وتی درائیں دود ءُ روایات ولگوج ءُ پراموش کتگ انت ءُ پہ اے گروہ ءَ ناانساپی ءُ پدمنتگی ءِ یک درے بوتکگ کہ اے بلوچ چاگرد ءِ پدمنتگیاں مستریں پدمنتگی انت انگت برجاہ انت اگاں راجدپتر ءَ بوانیں ءُ بہ چاریں اے ٹک بلوچ ءِ ایندگہ ٹکانی وڑ ءَ بھادر ءُ وتی ھاک ءُ ھک ءَ یک مروکیں ٹکّے زانگ بیت ۔

وھدے انگریزاں کلات ءِ سر ءَ ارش کت 1839 ءَ امیر محراب خان ءِ ھمراھی ءَ یک سرمستانی یے اوں ھمے جنگ ءَ شھیدی ءِ جام ءَ نوش کنت بلے چہ وتی کولاں نہ بج اِیت ھمے جنگ ءَ میر محراب خان ءِ ھواری ءَ بازیں ٹکّانی مردم ھوار بنت ءُ شھید کنگ بنت ھمے شھید بیتگینانی سر ءَ پھر ءُ شان کن انت بلے سرمستانی ٹک ءَ ایر جن انت اگاں چہ اے جنگ ءِ تہ شر شریں سرداراں وتی پونز بُرتگ میر محراب خان اے جنگ ءَ درائیں سرداراں لوٹُک دنت پہ وتن ءِ رکینگ ءَ بلے پہ آیگ ءَ تیار نہ بنت ۔میاتکین انت انگت ھیر ات بلے انگریز ءِ مالی ءُ ورگی ءُ چرگی کمک ءَ اوں کہ کن انت راجدپتر گش اِیت میر محراب خان یک سردارے ءِ کر ءَ جنکیں چک ءَ روان دنت پہ کمک ءَ ھمے سردار ءَ جنکیں زھگ ءِ میار نہ گیپت ءُ کمک کنگ ءَ ساپ انکار کنت جنگ ءِ تہ ءَ شھید بیتگیں مردمانی نام چوناھا اے جنگ ءَ 400 بلوچ پہ وتن ءَ نمیران بنت بلے لھتیں زھم جن کماندار ءُ مزن نامیں ناماں نبشتہ کنگ لوٹاں ۔

میر محراب خان ، عبدالکریم رئیسانڈی ، سردار اسد خان رئیسانڈی ، سردار ولی محمد شاہی زئی مینگل ،میر تاج محمد شاہی زئی مینگل ، میر محمد علی شاہی زئی مینگل ، میر محمد فاضل لہڑی ، سردار محمد خان لہڑی، سردار زمان خان پندرانڈی، میر دادکریم چندوزئی شاہوانڈی،میر شہباز خان نیچاری ، خان محمد دیہوار ارباب شہرِ قلات، میر نبی بخش جتوئی علاقہِ نرمک قلات، میر قیصر خان بیزنجو،میر شاہ دوست بیزنجو،محمد رضا وزیر خیل ، نورمحمد شاہی ءِ پت پولات سرمستانی سلاہ جاہ ءِ سربراہ ،تاج محمد شاغاسی، بچامل ءِ دیوان مال ءِ وزیر ، کھیم چند ءِ دیوان ، آسرداس ءِ دیوان مکھی ہندو پنچائیت قلات۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کارے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

نبشتانک: تپنگی یا سرکار؟

نبشتہ کار: شاری بلوچ

دو سال پیسر آ وانگ ءَ اَت، سھب ءَ داں پیشیم اسکول ءَ ءُ بیگاھاں انگلش لینگویج سنٹر ءَ ونت ئِے، پیسر ءَ آئی ءِ ھمے مدیمی کار بوتگ بلے مروچاں وانگ ءَ نہ اِنت، نشتگ کار ءُ روزگار پہ وت ءَ پولگ ءَ اِنت۔ چو نہ اِنت کہ آئی ءَ وانگ یل داتگ، آ وَ انگت وانگ لوٹ اِیت بلے آئی ءَ را وانَگ ءِ جند یل داتگ اَت، آئی ءَ را وانَگ ءَ چونی ءَ یل داتگ بیا روئیں دو سال پُشت ءَ-

دو سال پیسر یک سھبے ءَ آ مدیمی ئیں رنگ ءَ آ گوں وتی کلاس پیلواں اسکول ءَ وتی کوٹی ءَ اَت، آ وھد ءَ انگلش ءِ پیرڈ اَت بلے اِے روچ ءَ انگلش سبجکٹ ءِ ماسٹر نہ یتکگ اَت (ماسٹرانی کار بوتگ یک روچے آتکگ ءُ دو روچ نہ یتکگ اَنت) آ وتی کوٹی ءَ گوں وتی سنگتاں دیوان ءَ ات کہ لھتے مردم اسکول ءَ ایشانی کلاس ءَ آتک انت، آھاناں گُشگ بوت کہ باندا شھدائے مُرگاپ ءِ ھاتر ءَ دیوانے بیت دراھیں اسکول ءِ بچک ءُ میتگ ءِ مردم بھر بہ زور اِت ءُ آھاں اے ھم گشگ بوت کہ چہ دری جاھاں ھم مردم پیداک اَنت پد ءَ پشیم بوت آ شُت وتی لوگ ءَ سنٹر اوں بند اَت-

شپ آتک، پد ءَ سھب بوت آ شت پہ اسکول ءَ، آئی ءَ دیست اسکول ءِ چپ ءُ راست ءَ، پُشت ءُ دیم ءَ، سربِر ءَ ءُ تہ ءَ سلاہ بندیں تپنگی ءُ دموکہ والا مردم ءَ چہ پُر اَت ءُ اسکول ءِ ھر نیمگ ءَ نوک رنگیں بیرک جنَگ بوتگ اَت، آئی ءَ جیڑ اِت زی آئی ءَ گُشگ بوتگ اَت کہ اسکول ءَ دیوانے بیت بلے مرچی اسکول یک کیمپے بوتگ اَت آ شُت اسکول ءِ تہ ءَ لھتے مردم نشتگ اَت آ ھمایانی کرّ ءَ نِشت، کم کم ءَ مردمانی آھگ اَت داں کہ پیشم ءَ اسکول چہ مردم ءَ پُر بوت آئی ءَ ھچ نہ زانت چے بوگ ءَ اَنت، نوکیں پلوے سمبھینگ بوت دیوان برجاہ بوت، لیڈرانی گُشتانک ءَ چے اسکول سر ءَ زُرتگ اَت، بلے آئی ءِ چم تھنا گوں کش ءُ کِرّ ءِ تپنگی مردماں سک ات اَنت آئی ءَ جیڑ اِت اے دیوان ءَ تپنگی چے ءَ آتکگ اَنت، دانکہ شپ بوت ءُ دیوان اوں ھلاس بوت ھرکس ودگ ودگ بوت آ اوں وتی لوگ ءَ شُت۔

شپ گْوست ءُ روچ بوت، بلے اِے روچ ءَ اسکول پچ نہ بوت۔ دومی روچ آتک ھم بلے اسکول پچ نہ بوت۔ سیمی ءُ چارمی روچ گوست داں ھپتگے بوتگ اَت اسکول بند اَت آ ھپتگے ءَ پد سرپد بوت ماسٹر چہ سرکار ءِ بیمّ ءَ اسکول ءَ نیاینت کہ آھانی اسکول ءَ پرچا چشیں دیوانے کنگ بوتگ ءُ دیر نہ گْوستگ اَت کہ اسکول ءَ پوج آتک ءُ نشت وتی دائمی بنجلے جوڑ کت ئِے کہ کس مئیت چشیں دیوان پد ءَ کنگ مہ بیت۔

انو اسکول ءَ دو سال گْوستگ کہ اسکول بند اِنت آ گوں وتی میتگ ءِ ھمسرواں بے زانتی زِند ءَ گْوازینان اِنت، برے برے آ کہ چہ اسکول ء کرّ ءَ گْوز اِیت گڑا آ جیڑ اِیت اسکول ءِ بند کنگ ءِ زمہ وار کَے اِنت، سرکار اِنت یا تپنگی؟۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کارے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

سر بیتگیں ھالانی رد ءَ روکپتی بلوچستان ءِ دمگ شتیاری ءَ بجلیانی گیشیں لوڈ شڈینگ ءِ ھمراھی ءُ مباھل ءِ دامگ ھم گار شھری جنجالانی دیمپان –

دشتیاری ءَ بندوکیں مردمانی گوشگ اِنت کہ بازیں وھد اَنت سرکار ءِ بجلیانی گر ءُ بند گیش بیتگ اَنت ءُ اشانی ھمراھی ءَ مباھل ءِ دامگ ھم رو اَنت ءُ چریشی ءَ دمگ ءَ ھواریں مردم بازیں جیڑھانی آماچ اَنت –

آیانی گوشگ اِنت کہ سرکار اے گرم ءُ لیوار ءَ وتی بجلیانی گر ءُ بنداں کم بہ کنت ءُ بجلیاں دلجمی ءَ بہ دنت –

روکپتی بلوچستان ءِ بجلی ءِ گر ءُ دار کنوکیں واکدارے ءَ گوشتگ روکپتی بلوچستان ءَ بجلی ءِ سر ءَ گران لوڈ کہ پانزدہ میگاواٹ ءَ گیش ھنچیں جاھاں کارمرد بیگ ءَ اِنت کہ چریشی ءَ بجلہ اے لوڑ ءَ سکگ ءَ نہ اِنت ءُ چریشی ءَ بازیں جاھاں بجلیانی سر بیگ ءَ جیڑھانی آماچی اِنت –

آئی ءَ گوشتگ کہ اے زوت سرجم بیت ءُ دمگانی تہ ءَ بجلی دلجمی ءَ سرجمی کنگ بنت –

آئی ءِ گوشگ اَت روکپتی بلوچستان ءَ بازیں جاھاں بجلی ءِ سر ءَ لوڈ لڈگ بیتگ ءُ چریشی ءَ چہ بجلی ءَ گیش تاوان رسگ اِنت –

آئی ءِ گوشگ اَت یکے ھورانی نہ گوارانی ءَ بجلی گھر ءَ ھم تاوان بیتگ ءُ بجلی ءِ پیداوار کمی ءِ درچ ءَ اتکگ ءُ سر بیتگ –

سربوتگیں ھالانی رد ءَ بلوچستان ءِ دمگ ھزدار، چاگی، مستونگ، پنجگور، شال ءَ جتا جتائیں وئیلاں ھپت مردم بیران اَنت ءُ شش ٹپی بوتگ اَنت ، وھدیکہ اوستہ محمد، قلعہ عبداللہ دو جون دست کپتگ ءُ گڈانی ءَ یک ورنایے زر ءَ بُڈ اتگ –

گیشیں ھالانی رِد ءَ ھزدار ءِ دمگ لالھوریان ءَ دگ ءِ وئیل ءَ سَے مردم بیران بوتگ اَنت ءُ چار مردم ٹپی بوتگ اَنت – وئیل تیز رؤگ ءُ گاڑی ءِ ٹیر ترکگ ءِ سبب ءَ دیم ءَ اتکگ، چریشی ءَ سواریں ھپت مردم بیران ءُ ٹپی بوتگ انت – ٹپی بوتگیں مردم ٹیچنگ نادراہ جاہ ءَ سر کنگ بوتگ انت –

ھمے وڑ بلوچستان ءِ دمگ چاگی ءَ گاڑیاں آس لگگ ءِ سبب ءَ دو مردم سُتکگ ءُ بیران بوتگ اَنت ءُ دو ٹپی بوتگ اَنت-

ھالانی رِد ءَ چاگی ءِ دمگ یک مچ ءِ نزیک ءَ آر سی ڈی شاھدگ ءِ سر ءَ دو ایرانی پیک اپ گاڑیاں ڈیک وارتگ ڈیک ورگ ءِ سبب ءَ گاڑیاں آس لگ اتگ –
آس لگگ ءِ سبب ءَ گاڑیاں سواریں دو مردم بیران ءُ دو ٹپی بوتگ اَنت، ھمے گوشگ بوگ ءَ انت ھردو گاڑیاں پٹرول لوڈ بوتگ ءُ آس لگگ ءَ ھردو گاڑی ستکگ ءُ پُر بوتگ انت، ٹپی ءُ بیران بوتگیں مردم نادراہ جاہ ءَ سرکنگ بوتگ انت –

دومی نیمگ ءَ مستونگ ءَ ناشناسیں مردمانی تیرگواری ءَ یک مردمے بیران بوتگ –

ریسکو بنشون ءِ رِد ءَ مستونگ دگ ءِ سر ءَ قادری پمپ ءِ نزیک ءَ ناشناسیں مردماں سی سالی ئیں گل احمد ء میر احمد ءِ سر ءَ تیرگواری کتگ ءُ کشتگ ءُ تتکگ انت –

بیران بوتگیں مردم ءِ جون سول ھسپتال ءَ سرکنگ بوتگ اود ءَ اژدری چار ءُ ٹپاس ءَ پد کھول ءِ ھوالہ کنگ بوتگ –

ھمے وڑ پنجگور ءَ ناشناسیں مردمانی تیرگواری ءَ چُکے ءَ ھوار دو مردم ٹپی بوتگ اَنت –

پولیس ءِ رِد ءَ وئیل جامع مسیت ءِ نزیک ءَ دیم ءَ اتکگ کہ ناشناسیں مردماں تیرگواری کُتگ کہ چریشی ءِ آسر ءَ بالاچ ء نبی بکش، سپر خان ء سمیع اللہ جھمنند تسپ ٹپی بوتگ انت –

پولیس ءَ ٹپی بوتگیں مردم نادراہ جاہ ءَ سر کتگ انت –

دگہ وئیلے شال لکپاس ءَ دیم ءَ اتکگ کہ ایف سی ءِ کارمندانی تیرگواری ءَ الحکمت کوچ ءِ ڈرائیور بیران بوتگ –

ڈرائیور ءِ سر ءَ تیرگواری ءُ آئی ءِ کوش ءِ پشدر ءَ کراچی ٹرانسپوٹراں زھرشانی کتگ ءُ شھدگ بند کرتگ –

اوستہ محمد ءَ یک مردمے ءِ جون ءِ دست کپتگ –

سربوتگیں ھالانی رِد ءَ اوستہ محمد ءَ سٹی تانہ ءِ نزیک ءَ بیست ءُ ھشت سالی ئیں ورنایے دست بستگیں ءُ تیر سپتگیں جون ءِ دست کپتگ –

ورنا ءِ پجار بدرالدین کوسہ ءِ نام ءَ چہ بوتگ – ھمے گوشگ بوگ ءَ انت کہ مرد پون کنگ ءُ لوٹارینگ بوتگ، کہ گاڑی ءَ بہ زوریت بئیت کراچی ءَ رؤگی انت – وئیل درگت ءَ دنیگت ءَ گیشیں سرپدی سر نہ بوتگ اَنت کہ پیشی زاتی جیڑہ بوتگ یا ڈنگی ، گیشیں پٹ ءُ پول ءَ دمگی پولیس کنگ انت اژدری چار ءُ ٹپاس ءَ پد ورنا ءِ جون کھول ءِ ھوالہ کنگ بوتگ –

دگہ جون ءِ قلعہ عبداللہ ءَ دست کپتگ – ھالانی رِد ءَ قلعہ عبداللہ جنگل پیری علیزئی ءَ ناشناسیں مردمے ءِ جون دست کپتگ، لیویز ءَ مردے جون سول ھسپتال ءَ سرکتگ دنیگت ءَ آئی ءِ پجار نہ بوتگ –

دگہ وئیلے بلوچستان ءِ دمگ ھب ءَ دیم ءَ اتکگ کہ ورنایے زر ءَ بُڈ اتگ، ورنایے شوھاز برجاہ انت –

ایدھی بنشون ءِ رِد ءَ گڈانی زر ءَ سیل ءُ سواد ءَ اتکگیں ھژدہ سالی ئیں ورنا حسن کوہ ءِ سر ءَ چہ زِر ءِ تہ ءَ کپتگ ءُ بڈ اتگ – ورناہ کراچی ءِ جھمنند انت –

بلوچستان ءَ بیست ءُ چار ادارانی تہ ءَ سَے کس کرونا نادراھی ءَ بیران بیتگ اَنت ءُھشتاد ءُ دو نوکیں نادراہ پدر بیتگ اَنت –

بلوچستان ءِ جانسلامتی ءِ نیمگ ءَ شنگ کرتگیں رپورٹ ءِ رد ءَ شمبے ءَ بلوچستان ءَ یک ھزار ءُ چار سد ءُ بیست مردمانی ٹیسٹ کنگ بیتگ اَنت ءُ اے ٹیسٹانی تہ ءَ پنجاہ ءُ شش نادراہ شال ءَ پدر بیتگ اَنت –

رپورٹ ءِ رد ءَ اُستان ءَ کرونا نادراھی ءَ گپتگیں مردمانی کَچ نوکیں نادراھانی ھواری ءَ بیست ءُ پنچ ھزار ءُ ھشتاد ءُ سَے ءَ سر بیتگ اَنت ءُ تھتیگیں نادراہ یک ھزار ءُ دو سد ءُ دوازدہ اَنت –

رپورٹ ءِ رد ءَ بیست ءُ چار ادارانی تہ ءَ نادراھی ءَ سِی کس دراہ بیتگ اَنت ءُ چریشی ءَ پد سرجمیں وش بیتگینانی کَچ بیست ءُ سَے ھزار ءُ پنچ سد ءُ نود ءُ پنچ ءَ سر بیتگ اَنت –

رپورٹ ءِ رد ءَ سِی ءُ یک کس ھائی فلو آکسیجن ءِ نادراہ جاھاں تھتیگ اَنت ءُ کرونا ءِ نادراھی ءَ سَے کس بیران بیتگ اَنت -ی

رپورٹ ءِ رد ءَ اے سئیں کسانی ھواری ءَ بلوچستان ءَ بیران بیتگیں مردمانی کَچ دو سد ءُ ھپتاد ءُ شش ءَ سر بیتگ اَنت –

رپورٹ ءِ رد ءَ گوستگیں بیست ءُ چار ادارانی تہ ءَ بلوچستان ءِ سیزدہ شھراں کرونا ءِ ٹیسٹ بیتگ اَنت آ دگہ بیست جاھاں ٹیست ھچ کنگ نہ بیتگ ءُ دو جاھاں یک یکے ٹیسٹ کنگ بیتگ اَبت –

نبشتانک: کتاب ءِ وانگ

نبشتہ کار: فضل بلوچ

دی بلوچستان پوسٹ

کتاب ءِ وانگ انچُش اِنت انچو کہ وتی تہ ءَ یک مردمے ءِ شوھاز کنگ اِنت کتاب یک انچیں شے ءِ ترا کدی تھنا یل نہ کنت ءُ کتاب ءِ وانگ ءَ چے تو یک زندگیں انسانے زانگ بہ ئے مئے نیکراھی کواس گْوش اَنت کہ یک مسلمانے زکر بہ کنت آئی ءِ دل زندگ بیت ءُ من گْوش آں اگاں یک مردمے کتاب بہ وان اِیت آئی ءِ دل ءُ دماگ زندگ بنت کتاب وانوکیں مردم ءَ را زانت اِلم ءُ زانت بیت اگاں آئی ءَ را چْونیں ھم جُست کنگ بیت آ آئی ءِ پسو ءَ دات کنت پرچے کہ آ کتاب وان اِیت ءُ آئی ءِ کِرّ ءَ اِلم ءُ زانت ھَست۔ کتاب ءِ وانگ ءَ چہ تئی تہ ءَ زانت پیداک بیت کتاب ءِ وانگ ءَ چہ تئی کِرّ ءَ جُستانی پسو بیت ءُ ترا کس رد دات نہ کنت
“سنگت زاہد بلوچ گُشی اگاں یک نودربرے کتاب بوان اِیت گُڑا آئی ءَ را کس رد دات نہ کنت ءُ آ کدی بھا بوت نہ کنت ءُ آ کدی رد نہ کپ اِیت” کتاب وانگ ءَ چہ وتی تھا گِھتری آرگ بیت کتاب ترا جیڑگ پرماہ اِیت۔

کتاب ءِ وانگ ءَ چہ پد وتی مھلوک ءَ را سرپدی دیگ ءُ وتی مھلوک ءَ را سر ءُ سوج دیگ ءُ وتی اگبالانی بابت ءَ سرپدی دیگ یک بلاھیں ارزشتے دار اِیت۔ پرچے کہ تو کتاب وان ئے گُڑا تو وت سرپد بہ ئے ءُ وتی مھلوکءَ را ھم سرپد کن ئے کتاب ترا وتی اگبالانی پچ گِرگ ءِ واست ءَ راہ پْیش دار اِیت اگاں تو کتاب وان ئے تو نا انساپی ءِ بگیری ءَ توار چِست کُرت کن ئے تئی کِرّ ءَ اِلم ءُ زانت بیت تو مھلوک ءِ دیم ءَ گوں منانک ءَ گپ ءَ دیم ءَ ایر کن ئے کتاب بہ وان، وتی مھلوک ءُ راج ءِ نودربراناں کتاب وانگ ءِ سکین ءَ بہ دے پرچہ کہ کتاب مردم ءِ رھشونی ءَ کنت ءُ ترا راہ پیش دار اِیت وھدے کہ تئی راج ءِ مھلوک ءَ کتاب وانگ بندات کرت گُڑا آیاناں کس گلام کُرت نہ کنت اگاں کسّے کہ کتاب نہ وان اِیت گُڑا آ یک مردگیں کُنٹے ءِ دروشم ءَ اِنت پرچے کہ آ ھچ چیز ءِ بابت ءَ سرپد نہ اِنت۔

وت کتاب بہ وان ءُ دومی ءَ را کتاب وانگ ءِ بہ گْوش کتاب ءُ کتاب ءِ وانگ من ءَ سک دوست بیت پرچے کہ کتاب ءِ وانگ منی مھرُل ءَ دوست بیت کتاب ءُ کتاب ءِ وانوکیں سنگت زندگ بات اَنت۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کارے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

نبشتانک: پُر مِھریں بِچکند ءُ بے سماھیں چاگرد

نبشتہ کار: لطیف سخی

دی بلوچستان پوسٹ

دلمانگی مردم ءَ سک بے چاڑ کنت، ودار ءِ آس ءَ گْوازینتگیں وھد ءُ پاس باریں چُنت بر ءَ مردم ءَ ترانگانی سانکلاں گْوں بندوکیں گمانی دیمپان کن اَنت۔ دلمانگی یک انچیں ودارے ءِ دور سریں کِشکے کہ آئی ءِ سر ءَ رھادگی ءَ مردم بازیں وھد ءُ پاس زوال کنت برے مردم ءِ وازمندگیں واھشت پیلو بنت ءُ برے برے مردم گْوں ھورکیں امیتاں بے سوبمندی ءَ واتر کنت۔ بلے چےکن ئے کہ گْیشیں درد ءُ دلمانگی مردم ءَ بے سماہ کنت مردم ءِ اِے بابت ءَ ھچ نہ جْیڑ اِیت کہ من دراجکشیں ودارانی آسر ءَ بلاھیں وھد ءُ پاسے گْوازینتگ ءُ منی دیستگین وابانی کسّہ مانا نہ بوتگ اَنت من ھْورکیں واھشتاں گْوں واتر بوتگ اوں۔

ودارانی ساھگ ءَ گْوازینتگیں ساھتاں دلمانگی ھما دردانی مارِشت اِنت کہ مردم ءِ جبین ءِ تہ ءَ آس ءِ پیم ءَ روک اَنت وھدے کہ ودارانی ساھتاں چہ پد مردم ءِ دیستگیں وابانی کسّہ سرجم نہ بنت گُڑا مردم گم جتیں ھیالاں گْوں سانکلاں بند اِیت ءُ موجیں دل ءَ تسلہ دنت۔ بلے آئیبءِ ترانگ ءُ گُپتار مدام مردم ءِ مگزانی تہ ءَ زنزران بیت۔ وداریگیں نوبتاں گْوات ءِ شیکگ ءَ گْوں اگاں پِیش ءِ تاکے شِپرّگ ءِ توار گوشاں کپ اِیت، مردم ءِ گُمان ءَ ھمے کیت کہ بہ گندے آئی ءِ پاد برمش اَنت برے برے آئی ءِ ترانگ چہ دل ءِ کاسگ ءَ سر کیل بنت گُڑا جبین ءِ پاھاراں چہ چیھال در کیت، اے چیھال ایوک ءَ یک توارے نہ اِنت کہ در کیت بلکیں آئی ءِ سچکانیں ھیالانی لھڑ گپتگیں پاھار اَنت کہ جبین ءَ در کاینت ھمے ساھتاں زرد پریات کنت ءُ گْوش اِیت کہ بیا منی زند ھمسپر کہ من ترا دست گِرگ لوٹ آں ءُ وتی ناسرجمیں وابانی کسّھاں یک مانا یے دیگ لوٹ آں۔

بازیں ودار زندمان ءِ تہ ءَ چہ گرانتریں باراں یک بارے۔ بلوچی ءَ یک بتلے “ودار مردم ءَ نہ کُش ایت بلے کجّین اِیت” ودار یک بلاھیں بارے بلے آئی ءِ ھوَاری ءَ مردم ءِ وازمندگی ھم بنی آدم ءَ سک نِزور کنت وازمندگی ءُ ودار بنی آدم ءَ جْیڑگ پرماہ اَنت بس مردم ھمے جْیڑ اِیت کہ کدیں اِے ودارانی انگریں ساھت آسر بنت مردم گْوں ھمے ترانگاں ھمگرنچ بیت ءُ وتی ٹپّیگیں ارواہ ءِ دردانی کم کنگ ءِ ھاتر ءَ لبزانی دروشم ءَ لھتیں دانک نبشتہ کنت ءُ دل ءِ گرانیں بار ءَ سُبک کنت بلے اِے انچیں درد اَنت کہ ایشاں ھرچی بہ سمار ئے ءُ دلاسہ بہ دے ئے بلے ایشی انگریں آس روچ پہ روچ زرد ءِ دیار ژمبُول بیت پرچے کہ چاگرد ءِ شگان اِے ٹپّاں گْیش کُدین اَنت۔

من ھم اِے دردیگیں ساھتاں بازیں شگان ءُ تژن اوپار کتگ چُشکہ یک نوک باھندیں بنی آدمے ءِ نزوریں کوپگاں گْوں اِے دردانی بار سگگ نہ بنت بلے آئی ءِ درد ھم پہ من چہ یک مھروانے ءِ مِھراں کم نہ اَنت من اِے دردانی سپر ءِ تہ ءَ بازیں چکّاسانی دیپمان بوتگ آں بلے انگت زِرد پہ آئی ءِ بچکندگاں امیت وار بوتگ ءُ جْیڑ اِتگ ئِے کہ اِے مِھر ءِ دراجکشّیں کِشک بہ گند ئے ماھگل ءِ ھوَاری ءَ آسر بہ بیت، بلے اِے تیوگ ءَ بس وابانی تہ ءِ کسّہ بوت اَنت ءُ ناسرجم بوت اَنت۔

مِھر زندمان ءِ زگریں مانا اِیت، کہ بے مھر ءَ زندمان بے مانا بیت۔ وھدے کہ یک مردمےءَ را گْوں دومی ءَ مھر بیت گُڑا بے مارشتیں چاگرد اِے مِھرانی کدر ءَ نہ زانت ءُ ایشاں شاھیم ءَ کیل نہ کنت ءُ نہ چار اِیت بس ھر یکے وتی تب ءِ ھساب ءَ یک گپّے جْوڑین اِیت ءُ بھتام جنت ءُ بازینے سیاہ کاری ءِ نام دنت پرچے کہ اِے چاگرد مِھر ءِ ارزِشت ءَ نہ زانت۔ اِے ھما چاگرد اِنت کہ اِد ءَ مِھر ءِ نیاد بندگ بیت ءُ دلانی بیپار بیت ءُ یکے دومی مِھرانی سیادی ءِ سِندگ ءِ ھاتر ءَ بھتام ءُ تژن جنگ بیت ءُ سِند ءُ سیل کنگ بنت۔

مئے مِھر ھم چاگرد ءِ وتگڑیں بھتامانی زِر ءِ چولانی ارجان بوت۔ ءُ من چہ وتی مِھر ءِ ھیالاں گوں بندوکیں واباں چہ دستکش بوت اَنت منی مِھر باز دل پَھکیں بنی آدمے اَت کہ آئی ءِ مِھر ھم چہ منی مِھراں ھچ کم نہ اِت اَنت ءُ آئی ءِ پاکیں مِھرانی تہءَ وشیں بانداتے ءِ کسّھے نویستگ اِت مئے پرکیلیں مِھراںھمے داب ءَ چو کِشار ءَ ردوم زُرت، من ھمے جیڑ ات کہ آ منی کش ءَ بہ بیت ءُ یکے دومی ءَ گوں مِھرانی کِسّہ درشان کنگ بہ بنت بہ گند ئے زرد ءِ انگرتگیں ترانگ انسر اَنت ءُ دردانی لڑ کمتر بہ بیت آ ھم ھمے داب ءَ جْیڑگ ءَ اَت بلے چے کن ئے کہ بے سماھیں چاگرد ءِ تُرس ءَ منی ءُ آئی ءِ اِے دیستگیں واب پیلو نہ بوت اَنت۔ پرچے کہ اِد ءَ مِھر ءِ کدر کس زانت نہ کنت کس نہ زانت کہ مِھر زندمانی ءِ زگریں دروشم اِنت۔ پرچے کہ پُرشتگ ءُ دردیگیں دل ءِ ٹپّانی درمان یک بچکندگے ءِ باتن ءَ کل اِنت۔ کہ بے اوستیں دل ءَ دلبڈی دنت ءُ زندمان ءَ یک مانایے بکش اِیت اِے آئیءِ مِھرانی بروَرد اَت کہ من چہ رُنگراھیں کشکاں رکّ اِت اَنت ءُ آئی ءِ مِھرانی امیت ءِ کشک ءَ رھادگ بوت اوں –

آئی ءِ مِھر چو سوگاتے ءَ مدام من ءَ رست اَنت۔ آئی ءِ شکّلیں بچکند چہ زندمانءِ دوستریں سوگاتاں چہ کم نہ اِت اَنت من پہ اِے سوگاتانی ھاتر ءَ برے ماں چار راھاں پِنڈوکےءِ دروشم ءَ اوشتات آں ءُ برے ماں زگرانہ ءَ چْو ملنگیں پکیرے ءَ نشت اِت آں برے ماں آئی ءِ میتگ ءِ دکانے ءِ پیشگاہ ءَ چو ھوشامیں درچکے ءِ دروشم ءَ مِک اِت آں کہ کدیں آئی ءِ پر مِھریں بچکندگانی سوگات منی اھدیگیں ھوشامی ءِ تُنّ ءَ کم بہ کنت۔ من ھمے پیم آئی ءِ مِھرانی زِر ءَ ایر کپت اوں کہ منی سرجیں زند آئی ءَ گْوں بندوک بوت، آئی ءِ رکّانی شکّلیں تام، آئی ءِ نرمیں بچکندانی توار انگت منی گْوشانی ابیتکیں درمکاں کپ اِیت گُڑا اِے درمک بازار بنت لُنج ءُ تاموریں شپانی نیاداں من ءَ مدام یک امیتے شکسات بلے ارمان اِنت کہ من ءُ آ یک بے سماھیں چاگردے ءِ بھر اِت اَنت کہ آ چاگرد مِھر ءِ کدر ءَ نہ زانت کہ مھر چے یے؟ دومی نیمگ ءَ آ وتی پارسائیں لوگ ءِ لاڈکیں جنکو اَت، اِے آسراتی ءَ مِھر ءِ نیام ءَ یک دیوالے مِک کرت، بلے اچگْیشیں مِھر وھدے کہ جبین ءِ تاس ءَ چہ سر ریچ بوت اَنت گُڑا ٹپّیگیں زِرد وتی دردانی درمان کنگ ءِ ھاتر ءَ پہ آئی ءِ بِچکندگانی ودار ءَ اَت۔ آئی ءِ بے سماھیں چاگرد ءِ جاورانی نیام ءَ آئی ءَ وتی مُورک مُجینت اَنت، بلے اے مُورکانی مُجینگ ھم بچکند اِت اَنت پہ من سوگات ئِے کرت اَنت۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کارے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

روکپتی بلوچستان ءِ دمگ چھبار ءَ گاڑی ءُ پرپٹے ءِ میان ءَ ٹکر وری ءَ سَے کس بیران بیتگ اَنت –

وئیل نوبندیان ءُ چھبار ءِ میان ءَ بیتگ کہ اود ءَ کسانیں بسے ءَ پرپٹے ءَ را ٹکر جتگ ءُ چریشی ءَ چہ پرپٹ ءَ سواریں سَے کس بیران بیتگ اَنت –

بیران بیتگیں مردمانی تہ ءَ یکے ءِ پجار کسان سالیں مھرزاد کلمتی ء فضل ءِ نام ءَ زانگ بیتگ ءُ ھر سئیں پرپٹ سوار ھما جاہ ءَ بیران بیتگ اَنت –

دمگی مردمانی گوشگ اِنت وین ءَ پرپٹ ءَ را پُشت ءَ ٹکر جتگ ءُ چریشی ءَ پرپٹ کپتگ ءُ ھما جاہ ءَ سئیں کس بیران بیتگ اَنت –

وئیل ءَ پد بیران بیتگیں مردمانی جون چِست کنگ ءُ نادراہ جاہ ءَ برگ بیتگ اَنت اود ءَ چار ءُ ٹپاس ءَ پد کھولانی ھوالگ ءَ کنگ بیتگ اَنت –

بلوچستان ءَ بندوکیں مردمانی گوشگ اِنت ھمک سال سدانی کَچ ءَ مھلوک ءِ دگ ءِ وئیلاں بیران ءُ زدگ بیگ ءَ اَنت –

پروش وارتگیں دشمنیں پوج ءَ دو دست ءُ گوشیں پُسگ بے دردی ءَ شھید کرتگ اَنت – بیبگر بلوچ

بلوچ ریپبلکن آرمی ءِ جارکش بیبگر بلوچ ءَ شنگ کرتگجں درشانی ءَ گوشتگ کہ زورگریں پوج ءَ بیست ءُ ھپت مئی ءَ پنجگور ءِ دمگ کیلکور ءَ جکی کور ءِ ھند ءَ گل ءِ یک چیریں اوتاکے ءِ سر ءَ پند ءَ بیڑ برتگ ءُ اشی ءِ ھواری بزی بالیگ ھم گون بیتگ اَنت ءُ آیاں اُرش کرتگ ءُ دشمنیں پوج ءِ اُرش جوانیِ رپکاں گوں بے سوب کرتگ ءُ پوج ءِ بازیں کارمندے کُشتگ ءُ زدگ کرتگ اَنت، اُرش ءَ پد دشمنیں پوج انگیر کرتگیں جاہ ءَ پشت کنز اِتگ –

جارکش ءَ گوشت: پروش وارتگیں پوج ءَ سرمچارانی دست ءَ لَٹ ورگ ءَ پد مادگ کور کیل ءَ وتی زوراکی برجاہ کرتگ اَنت ءُ سول آبادی ءَ ھستیں یک لوگے ءِ سر ءَ بیڑ برتگ ءُ جنگی بالیگاں تیرگواری کرتگ ءُ دو نیزگاریں شوانگ بولا ء مولا بکش ءُ عصاء مارو شھید کرتگ اَنت ءُ اود ءَ پندی پوج ءَ انگیر کرتگیں بازار ءِ سر ءَ وتی رستری برجاہ کرتگ اَنت ءُ زالبول ءُ چکانی سر ءَ بے کساس ءَ لَٹ ءُ کُٹ، ءُ چریشی ءَ پد بازیں زھگ ءُ زالبولے ٹپ ءُ ٹور بیتگ اَنت – جنگ آماچیں دمگ سی پیک ءَ ھواریں دمگ کہ اود ءَ ریاستی پوج بلوچ کُش منسوبھانی سوبمند کنگ ءِ واستا راجدپتر ءِ گرانتریں نسل کُشی ء دزبند اِنت کہ اود ءَ لھتے پارلیمنٹ پرستیں پاٹیانی مردم ھم اے زُلم ءَ ھوار اَنت کہ اشانی ھلاپ ءَ گل ترندتریں گامگیج ءِ زورگ ءَ ھچ رنگ ءَ چَک ءُ پد نہ بیت اِنت –

مئے اے وڑیں اُرش آجوئیں ڈیھ ءِ گڈی منزل ءَ برجاہ مان اَنت –