TBP Balochi

سُھرچکیں دْورت بانکیں شاری ءَ

نِبشتہ کار : شئے مزار

دی بلوچستان پوسٹ

‏‎شاری یک اَنچیں بھادُریں زالبول ءِ بوتگ آئی ءِ بھادری توسیپ ھم نہ بیت گوں من سرپد باں شاری ءِ دِل ءِ واھِشت ھمے بوتگ کہ من گوں وتی براتاں ھم کوپگ بہ بِاں پہ وتی باندات ءَ اَنچیں کارے بہ کناں کہ اے دُراھیں کوم ھمے سرپد بہ بنت بلوچ راج ءِ سرڈِگار بے واھُند نہ اِنت اے ناپاکیں ریاست ءِ گُلامی ءَ بلوچ ھِچّ وڑ ءَ نہ منّ ات کُجا ھم دْورشمئے ءَ وت ءَ اے چہ گُلامی سانکلاں آجوئی ءِ کنگ لوٹ اِیت-

‏‎مرچی مئے دیم ءَ اِنت شاری بلوچ کہ پِدائی کُتگ شاری ھمے واست ءَ اے پِدائی ءَ کنت کہ ناپاکیں ریاست ءَ مئے سر ءَ زیادھیں زُلم،جابر، کُتگ ھم کنت ‏‎یک چَینی یے آرؤتگ ئِے سر ءَ پِٹ کُرتگ ئِے بلوچ نسل کُشی ءَ بہ کنت بلوچ راج ءَ گار ءُ بیگواہ بہ کنت بلوچ ءَ وتی سرزمین ءِ سر ءَ نندگ ءَ ھِچ وڑیں ھک نیست بلوچ ءَ چِست کنگ ءُ کُشگ ءُ دور دیگ بیت جُست ءُ پُرس ھم کنوک نیست بلے بلوچ ایشانی یک یک ءَ ھِساب ءَ لوٹ اِیت من ءَ یکین اِنت بلوچ سرڈگار ءَ بانک شاری ءِ وڑیں بھادریں زالبوال انگت در کیت پہ وتی زمین ءِ رکینگ ءِ ھاتر ءَ-

‏‎1948 بلوچ کہ زور ءُ زبردستی کبز ءَ کنگ بیت گُڑا بلوچ ھما وھد ءَ تپنگ ءَ بَڈ ءَ کنت بابا نورز ھان ءَ بہ گر داں روچ ءِ مروچی ءَ بلوچ آئی ءِ ھِلاپ ءَ جَنگ کنت بلوچ ءِ چُک چُک آئی ءِ سر ءَ نپرت کنت آئی ءِ گُلامی ءِ منگ ءَ تیار نہ بیت کُجام ھم وڑے ءَ آئی ءِ سر ءَ یک نپرتے داشتگ ئِے، مرچی کہ پِدائی شاری ءَ کُرتگ شاری باریں چُنت وھداں اِیشی ءِ ھِلاپ ءَ “پروٹیسٹ” کُتگ گپ جَتگ آئی ءِ زُلم ءِ ھِلاپ ءَ بوتگ مرچی اتکگ پِدائی ئِے کُرتگیں آئی ءِ چار اِتگ پہ گپ ءُ رپ ءَ اے ناپاکیں ریاست سرپد نہ بیت مرچی 75 ءُ 76 سال اِنت بلوچ یک پیم ءَ اِیشی ءِ زُلم ھِلاپ ءَ جَنگ کنگ ءَ دَگانی سر ءِ نندگ دگہ واہ ءُ پِریاتاں کنگ ھِچ گوش نہ دار اِیت ھمے شاری بوتگ کہ کُجا ھم وڑیاں وتی جُھد کُتگیں “روڑانی” سر ءِ کپگ واہ ءُ پِریات کنگ اے ریاست ھِچّ گوش نہ دار اِیت بس بلوچ ءِ بیگواہ کنگ ءُ آئی ءِ لاش ءَ جَنگلاں دور دیگ، گُڑا پہ بلوچ ءَ دگہ راھے ھم نہ بچ اِتگ، بانک شاری ءَ یک تچکیں راھے پیش داشتگ کہ اِیشی ءِ سرپد کنگ ءِ زُبان ھمیش اِنت، شاری ءَ زانتگ اِیشی ءِ ھِلاپ ءَ گپ کنگ نہ لوٹ اِیت اے گڈّی راہ ھمے پِدائی کنگ اِنت دگہ ھِچ پَش نہ کپتگ شاری ءَ یک تچکیں راھے در چتگ، اِے وڑیں بھاردیں گھارانی سر ءَ پَکر اِنت –

‏‎پہ وتی باندات ءِ پِسلہ زورگ لازُم اِنت اے ھر یک بلوچے ءِ سر ءَ پرز اِنت چُشیں گامگیج پہ وتی باندات ءَ چِست بہ کنت، پہ وتی زمین ءِ رکینگ ءِ ھاتِر ءَ شاری ءَ چہ رَند بلوچ زالبول وت ءَ جنگ ءِ پِڑ ءَ ساڑی کن اَنت کُجام ھم دْورشمے ءَ وت ءَ بے بھر نہ کن اَنت بلوچ زالبول چہ کرناں گون اِنت گوں ( سیاست ءِ دْورشم بیت کُجام ھم وڑے ءَ گون بوتگ بَلے وت ءَ زاھر نہ کُتگ ئِے ) چے ءَ آکر آ دگہ کومانی زالبول پہ وتی راج ءِ ھاتِر ءَ جَنگ کُت کن اَنت گُڑا بلوچ پرچا مہ کنت بلوچ ءِ ھم ھَکّ اِنت کہ وتی راج ءِ رکینگ ءِ ھاتر ءَ جنگ ءِ پِڑ ءَ وت ءَ بے بھر مہ کنت پِدائی بیت اِت یا توپنگ ءِ بَڈّ ءَ کنگ بہ لوٹ اِیت کُجام ھم وڑے ءَ, ‏‎بَلے مرچی شاری ءَ تچک کُتگ بلوچ زالبول ھم پہ وتی باندات ءِ واست ءَ جَنگ ءِ پِڑ ءَ ساڑی بیت کنت مرچی شاری ءَ اے راھے درچتگ ھمے راہ ءِ گامگیج ءَ چِست بہ کن اَنت شاری ءَ پہ وتی باندات ءُ وتی آؤکیں پدریچ ءِ ھاتِر ءَ وت ءَ کُربان ئِے کتگ ، ھر بلوچ ءِ پرز اِنت اے جَنگ ءِ بھر بہ بیت-

‏‎بلوچ راج پھر بند اِیت کُنڈ کُنڈ ءِ نِشتگیں بلوچ ھمے گوش ایت بلوچ ءِ ھُون بیگواہ نہ بنت یا مرچیگ اِنت یا سد سالاں رَند بَلے منی اِیمان بلوچ وتی آزادی ءَ گِیپت وت وتی سرزمین ءِ واجہ بیت ھر بلوچ پُسّگ کُجام بیت جاگہ ءِ نِبشتگ آ پہ تو پھر بند اِیت کہ شاری وڑیں بھادریں گْوھارے کُربان بیت پہ راج ءِ آجوئی ھاتر ءَ مئے ھم ھک اِنت چُشیں گامگیج بہ زیر ایں بانکیں شاری پہ تو منی وڑیں نابِزانتیں نِشتگ چار لبز کمایگ ءَ اِنت تئی توسیپ ءَ کنگ ءَ آں، پھل کن تو منی توسیپانی مُھتاج نہ ئے-

‏‎بانکیں شاری گُڈسر ءَ تئی ھمے گُشتن تو گُشتگ انت، من ھمے سرپد باں اے تئی دِل ءِ وتی واھِشت بوتگ چے ءَ کہ پہ زمین ءِ ھاتر ءَ کُربان بیگ مئے ھکّ اِنت پرچا ما کُربانی مہ دے اِیں ما پرچا گوں براتاں ھم کوپگ نہ بہ ایں “شارل ءِ گُشتن اِیش اِنت”-

‏‎ “دگرانی اُمیتاں کن ایں دگہ مردم مئے واستا بہ کن انت چُش نہ اِنت مارا پہ زمین ءِ ھاتر ءَ کُربانی دیگی اِنت” اے ھر بلوچ ءِ ھکّ اِنت کہ وت ءَ راجی جَنگ ءَ بے بھر مہ کنت-

‏‎سُھرچھکیں دْورت ترا بانکیں شارُل

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

آزمانک: ھانُل بے وپا بوت نہ کنت

نبشتہ کار : گل ھسن بلوچ

دی بلوچستان پوسٹ

ھانُل وتی میتگ ءِ کاڑانی تہ ءَ بے درور ءُ مھروانیں کاڑے اَت، مُدام بے توار ءُ ھاموشیں کاڑے اَت، آ چہ میتگ ءَ ڈّن تر ءُ تاب ءَ باز در نہ کپتگ اَت، اگاں وش ءُ شادھانی روچاں در کپتگ اَت ھاں بلے مُدام بے توار ءُ تُک نُک اَت وتی گِس ءَ چہ در نہ کپتگ اَت، یک روچے آ گوِں وتی دزگوھاراں چہ میتگ ءَ ڈّن سیل ءُ سواد ءَ در کپتگ اَت اناگت ءَ آئی ءِ دیم ءَ وتی میتگ ءِ بچکے کپ اِیت،پورا ھانُل ءَ را وتی اندر ءَ چِک اِیت ءُ بارت، چَہ ھما روچ ءَ پد یکے ءَ را گوں دومی ءَ مھر بیت، بلے ھانُل اے نہ زانت کہ آئی ءَ را گوں من ءَ مھر بوتگ یا نا، بلے آئی ءِ اشک ءَ ھانُل پُروش داتگ اَت، پورھیں شپ ءَ بے واب کُتگ اَت گُڑا سُھب مھلہ ھانُل چہ واب ءَ پاد کیت ءُگوں وتی گِس ءِ کاراں گلائیش بیت، گوں بے وابیں چماں دیم پہ وتی ھما دزگوھار ءِ گِس ءَ راھادگ بیت کہ آئی ءَ زیک ھما بچک وتی ھما دزگوھار ءِ گِس ءَ دیستگ ات ،آئی پورھیں شپ ءَ جیڑ اتگ اَت کہ بلکیں بہ گند ئے منی دزگوھار ءِ کر ءَ منی بابت ءَ گپے بہ کنت۔ باریں آئی ءَ را گوں من ءَ مھر اِنت یا نا؟ گوں بے اوپاریں دلے ءَ دزگوھار ءِ گِس ءَ سر بیت ءُ جست کنت اڑے تو ھالاں بہ دِے ھما زیکیں بچک تو چَہ من ءَ پد دیستگ یا ناں ؟ دزگوھار بچکندگے جنت ءُ درّائین ایت ترا پہ آئی ءَ چونیں کارے کپتگ کہ سھب ءَ مھلہ آھتگ ءُ جست ءَ ئے؟” آئی ءِ چمانی تہ ءَ ارس گُل گُل بنت ءُ گوں لرز اتگیں لنٹاں گْوش ایت ” من ءَ گوں آئی ءَ مھر اِنت-

دزگوھار جنت کندگے ءُ گْوش اِیت” ھاں بدے ھالاں تو چوشیں زھگے نہ بوتگ ئے کدی ءَ پہ ترا اِے اشک ءَ گورجتگ؟” گوں تُنّیگیں لنٹاں درائین اِیت” بس ھما اِنت من دیستگ منی چمانی واب شُتگ، دل گُش اِیت مدام منی چمانی دیم ءَ بہ بیت من بہ چار آن ئِے ، بلے چاگرد ءِ لھتیں انچیں دود ءُ ربیدگ اَنت مردم ءَ را وتی سانکلاں گوں بستگ اِش ھمد ءَ آئی ءِ چمانی ارس یک شَل ءَ یل بنت، وتی گُشان ءِ لمب ءَ ارسانی پھک کنگ ءَ لگ اِیت دزگوھار گلاسے مشکی آپ ءُ شیر چاھی کوپے چاہ دنت ءُ گْوش اِیت” اوپار کن ھیر بیت” گوں ھمے گپاں ھانُل ءِ چمانی تہ ءَ اُمیتے تالاں بیت، بچکندگے جنت ءُ گوش اِیت” نا اڑے منی دل چو مزن اِنت دزگوھار ئِے درائین ایت “نوں تو زان ئے اشک چی یے ءُ مردم ءَرا ھر وڑیں کدم ءِ چست کنگ ءَ لاچار کنت،زیک وھدے ما گوں ھمے اشک ءَ امباز ات ایں تو مئے سر ءَ چِرک ءُ چھواہ کُت، مرچی تو سرپد ئے اشک چونیں چیزے؟ وھدے مردم ءَ را اشک گور جنت انچوش لاچار بیت کہ چاگرد ءِ دودانی بیگیری ءِ روگ ءَ ھم چک ءُ پد نہ بیت آ ھرچ وڑیں کربانی دیگ ءَ تیار بیت تاں وتی منزل ءَ سر مہ بیت۔”ھانُل بے تواری ءَ گپاں گوشدار اِیت ءُ درائین ایت: اڑے راستے من وتی ھما جُست شَموشتگ اَنت، تو ھال کن باریں آئی ءَ را گوں من انچوش اشک اِنت یا بس من وت ءَ را پہ آئی ءَ بے تاھیر کُتگ ؟ “-

دزگوھار ئِے درائین ایت” اڑے آئی ءَ را وَ سک دیر اِنت تئی سر ءَ شیدا اِنت زیکیں گِندگ ءَ رند آئی ءَ را گیشتر اشک بوتگ من زان آں دوشی آئی ءَ را ھم چو تئی وڑ ءَ واب نہ بوتگ ، بلے گپے زان ئے بچک پہ وتی راستیں مھر ءِ واستا ھروڑیں کربانی دیگ ءَ چک ءُ پد نہ بیت اگاں جنک آئی ءِ ھمراھداری ءَ بہ کنت”۔

ھانُل درائین ایت” من یک ھدے ءَ کربانی دیگ ءَ چک ءُ پد نہ باں، بلے شمے وڑ ءَ من دات نہ کن آں کہ منی گِس ءِ مردم چو سک دگہ وڑین اَنت، آ اشک ءَ ایبے سرپد بنت بِلّے کہ وت ءَرا وانندہ ءُ زانت کار گوش انت، من لاچار آں اگاں من بہ زانتیں منی گوشگ ءَ منی دل ئیگاں کن اَنت من پہ گوشگ ءَ ھچ چَک ءُ پد نہ بوتگ اِت آں بلے من زان آں منی مردم ھچ سرپد نہ بنت، اگاں کسے دپ ءُ زبان مہ کنت آئی نندگ ءُ پادایگاں مردم سرپد بیت بلے منی مردم انکس ھم نہ زان اَنت “۔

آ دوئیں وشگپی ءَ اِت اَنت کہ مھمانے ءَ سلام دات گپ چمداں آسر بوت ءُ ھانُل گوں بے اوپاریں دلے ءَ پد ءَ وتی گس ءَ واتر بوت ۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

دستونک

هسابجار

دی بلوچستان پوسٹ

گُلیں سریگ ءِ وام من ءَ ، ترا پِراں بہ جل
بچار پہ وتن مروک چتور ءُ چوں مِراں بہ جل

اے شاریانی دزگهار اے لُمھانی رازدار
هما سر اَنت کہ لائک ءِ پہ سر دَر اں؟ بہ جل

کجا روئے اے شپ تچگ کے ءَ پہ روچ کرتگ انت
دمانے مان بہ کپ بُرو ماں گٹ ءُ اے گراں بہ جل

اے گْواتیں پُگّهاں مچار ءُ کْواپگیں کهیرکْوکاں
اے کْوھنگ اَنت سیاست ءِ ، بچار کہ دِراں بہ جل

من مُرتگاں هسا منی تو جون ءَ زیت کل بکن
مہ وارت رسترے بچار ، کهیر ڈنگراں بہ جل

سربوتگیں ھالانی رِد ءَ پنجگور ءِ دمگ گرمکان ءَ مچکدگ ءَ یک دْرچکے ءَ چہ درتکگیں لاشے دستکپتگ کہ آئی ءِ پجّار عابد ء محمد انور نام ءَ چہ بوتگ-

دمگی انتزامیہ ءَ لاش سول ھستپال ءَ برتگ- وئیل سوب وتکشی اِنت ءُ اے درگت ءَ پولیس ءِ گیشیں پٹ ءُ پول برجاہ ءَ اِنت-

زانگ بہ بیت بلوچستان ءَ وتکشی ءِ وئیل سک باز رپورٹ دیم ءَ کاینت کہ اود ءَ وتکشی کنوک گیشتر ورناھانی بیت-

دی بلوچستان پوسٹ مانیٹرنگ ڈیسک رِد ءَ ھمے سال ءَ بلوچستان ءِ جتائیں دمگاں ھپت ءَ گیش وتکشی ءِ وئیل رپورٹ بوتگ ءُ دُرستاں چہ گیش اے سال ءِ مارچ ءُ اپریل ماہ ءَ ھپت وتکشی ءِ ھال رسانکدر ءَ رستگ اَنت-

مارچ ءُ اپریل ءَ رپورٹ بوتگیں وئیل ءَ پسنی جیونی ءَ یک ورنایے رزاق ء عبدالخالق ءِ لاش ڈگارے ءَ دْرچکے ءَ درتکگّ وھدے کہ قلات ءَ پانزدہ سالی ئیں ورنایے ءَ کارچ سر ءَ وتی گُٹ بُر اِتگ ءُ وتکشی ءِ جُھد کتگ ئِے-

اپریل ماہ ءَ بارکھان ءَ بیروزگاری ءَ چہ تنگ اَتکگ ءُ فرید احمد ء سعید احمد ءَ وتی گُٹ ساد مان کتگ وتکشی کتگ دگہ یک وئیلے ضلع گوادر ءَ نیا آباد ءَ شمبے اسماعیل وارڈ ءَ بوتگ ءُ زالبول زانگ نہ بوتگیں جیڑھانی سوب ءَ وت ءَ تیر جتگ ءُ وتکشی کتگ اپریل ماہ ءَ ھُزدار ءَ چُک ءِ وتکشی ءِ سبب ءَ پت ءَ دل اوپار نہ کتگ وتکشی کتگ-

یک کچے ءِ رِد ءَ بلوچستان ءَ وتکشی وئیل سک باز دیم ءَ کاینت ءُ باز رسانکدر ءَ تہ ءَ کاینت – آیانی تہ ءَ گیشتر مردم بے روزگاری ءَ چہ تنگ کاینت ءُ وتکشی کن اَنت وھدے کہ یکجاھی ھساب ءَ اے وتکُشیانی کچ زانگ نہ بوتگ اَنت-

ھیومین رائٹس کمیشن آف پاکستان ءِ 2020 ءِ رپورٹ رِد ءَ آ سال ءَ 1،735 مردم اشانی تہ ءَ 1،086 مردین ءُ 649 زالبول ھوار اَنت کہ آیاں وتکشی کتگ- وھدے کہ کمیشن ءَ زالبولانی وتکشی ءِ سبب چہ کھول نیمگ ءَ بوتگ اَنت-

مکران ءَ سیادی داروکیں بلوچ ملایانی آجوئی ءُ پاکستان ایردست بوھگے سر ءَ باوست کنگ بوتگ، گیشتریں ملایاں راجی آجوئی ءِ پلّہ مرزی ءُ ایردستی ءِ بگیری ءَ سلاہ بندیں جھد اسلام ءِ نیمگ ءَ ھک ءِ جنگ لیک اِتگ ءُ چہ کران ءُ ھدیساں درور پیش داشتگ۔ وھدیکہ ملا شاہ میر عزیز ءُ غلام اللہ رستم ءَ پاکستان ءِ چیردست بوھگ اسلامی یے گوشتگ-
مکران ءَ سیادی داروکیں ملایاں چاگردی رسانکدر ءِ یک وٹسپی دیوانے ءَ راجی ایردستی ءُ بلوچستان ءِ آجوئی ءِ باروا گپ کرتگ ءُ کران ءُ سُنت ءِ سر ءَ چمشانک داتگ ءُ درور پیش کرتگ- گیشتریں ملایاں راجی ایردستی یک پِٹ ءُ اسلامی لوٹانی رد ءَ جنگ کنگ ءُ جھد ءِ بنیاد ءَ ایردستی ءِ ھلاس کنگ ءِ سر ءَ گوشتگ کہ اسلام ءَ دری زوراک ءُ زورگر ءِ بگیری ءَ جنگ ءِ تیوگیں بھرگ تچک کرتگ اَنت ءُ ھُدا ءِ گُڈی پیگمبر ءَ مردمان ءَ آجوئی ءِ درونت داتگ ءُ ڈنی زوراکانی ایردستی ءِ بگیری ءَ کینگ ءُ پہ آجوئی ءَ جنگ کنگ ءِ سکین داتگ-

بلوچ ملایاں پیگمبر ءِ گوں وتی سرڈگار ءَ مھر ءِ درور داتگ ءُ گوشتگ کہ وھدے پیگمبر چہ کاپرانی زوراکیاں تنگ بیتگ ءُ مدینہ ءَ روگ ءَ بیتگ آئی گوں ارسگیں چماں مکہ ءِ نیمگ ءَ چارتگ ءُ گوشتگ اے مکہ گواہ بو من پد الّم پرتو کایاں ءُ ھمد ءَ جھمنند باں-

آھاں گوشتگ کہ چہ ایشی ءَ گیش گوں وتی سرڈگار ءَ مھر کنگ ءِ درور چے بہ بیت-

آھاں گیشتریں درور داتگ کہ شریت ءَ سرڈگار ءِ پھازداری پرز اِنت، ھدیساں ھست انت کہ کجام چم پہ وتی سرڈگار ءِ پھازداری ءَ بے واب بہ بیت پہ آئی ءَ جھنم ھرام اِنت ءُ بھشت پہ آئی ءَ روا اِنت- چہ ایشی ءَ گیش اسلامی درونتانی تہ ءَ آجوئی ءِ بستار دگہ چے بہ بیت-

ملاھاں گوشتگ کہ پہ وتن ءِ آجوئی ءَ وھدے کشمیر، پلستین، چیچنیا ءُ اوگانستان ءَ جنگ پرز اِنت گڑا پہ بلوچستان ءِ آجوئی ءَ پرچہ نہ اِنت- ھمے گپانی سر ءَ ھیال گور کنگ ءُ بلوچ ملایاں آجوئی ءِ جنگ ءِ پلّہ مرزی کنگ لوٹ ایت-

آھاں گوشتگ ھما سرمچار کہ کوھاں در کپتگ اَنت ءُ وتی ساہ ءُ سرانی دیمونی ءَ دیگ ءُ پہ آجوئی ءَ جنگ کنگ ءَ اَنت اے ھک ءِ جنگ ءِ یک بھرے ءُ اگاں ھمے راہ ءَ کسے شھید بیتگ آئی ءَ جنت ءَ جوانیں جاھے رس ایت-
آئی ءَ پدائی شاری ءِ گرانبھائیں دیمونی ءِ گپ کرتگ ءُ گیشتریں ملایاں ھمے گوشتگ کہ ڈنی زورگر ءِ بگیری ءَ ایردستیں راج ءِ گُڈی سلاہ جنگ اِنت ءُ جنگ ءَ کجام وڑ ءَ مڑگ ھک اِنت- شاری ءَ پدائی اُرش کرتگ ءُ دری دُژمن گیش ءَ چہ گیش تاوان داتگ-

اے باوست ءَ بھر زورکیں ملا شاہ میر عزیز ءُ غلام اللہ رستم بلوچ ءِ آجوئی ءِ جنگ ایر جتگ ءُ گوشتگ کہ پاکستان زورگر نہ اِنت مئے ڈیھ اِنت ایشی ءِ بگیری ءَ تُپنگ چست کنگ ءُ سیاسی گھگیری کنگ اسلام ءِ درونتانی رد ءَ ٹوھیں گناھے ءُ آیانی بگیری ءَ ریاست ءِ کاروائی کنگ ھژدری اِنت- پاکستان اسلامی ریاستے ءُ کسے ءَ اسلامی ریاست ءِ بگیری ءَ جنگ کنگ ءِ ھک نیست-
آئی ریاست ءِ زوراکیں شوربندیانی پلّہ مرزی کرتگ ءُ گوشتگ کہ سرکشی کنگ ءِ بگیری ءَ کاروائی کنگ ءِ پرمان ءَ اسلام ءَ داتگ-

آئی گْوشتگ کہ شاری ءِ پدائی اُرش ناھک ءُ اسلام ءِ تہ ءَ وتکشی ھرام اِنت۔ شاری ءَ وتکشی کرتگ اسلام وتکشی ءِ موکل ءَ نہ دنت-

بلوچ آجوئی لوٹوکیں سلاہ بندیں گل بلوچ نیشنلسٹ آرمی ءُ بلوچستان لبریشن فرنٹ ءَ بلوچستان ءِ دمگ ھزدار ءُ شاپک ءَ پاکستانی پوج ءِ سر ءَ بوتگیں اُرشانی زمّہ واری منّ اِتگ انت –

بلوچستان لبریشن پرنٹ ءِ جارکش میجر گوھرام بلوچ ءَ رسانکدراں وتی شنگ کرتگیں درشان ءِ تہ ءَ گوشتگ مئے سرمچاراں کیچ ءِ شاپُک ءَ گْوستگیں شپ ءِ ادار ھشت ءُ بیست ءَ شاپُک ڈیم ءِ سر ءَ برجاھیں پاکستانی پوج ءِ پانگس ءِ سر ءَ گوں راکٹ ءُ وتکاریں سلاھاں اُرش کُرتگ-
اُرش داں نیم اداراں برجاہ بیتگ،اُرش ءَ پاکستانی لشکر ءِ دو کارمند مُرتگ ءُ دو زدگ بوتگ انت –

جارکش ءَ گْوشتگ کہ زورگریں پاکستانی پوج ءِ سر ءَ مئے اُرش داں بلوچستان ءِ آجوئی ءَ برجاہ بنت۔

ھمے وڈ بلوچ نیشنلسٹ ارمی ءِ جارکش مرید بلوچ ءَ ھزدار ءَ پوج ءِ سر ءَ بوتگیں دزبمب اُرش ءِ زمّہ واری منّ اِتگ گوشتگ کہ مئے سرمچاراں گوستگیں شپ ءِ ادار یازدہ ءَ ھزدار ءِ چمروک ھوٹل ءِ نزیک ءَ زورگریں پوج ءِ گاڑی ءِ سر ءَ دز بمب اُرشے کرتگ- اے اُرش ءَ پوج ءِ یک کارمندے مرتگ ءُ یکے زدگ بوتگ ءُ مئے سرمچار پہ سلامتی در آھگ ءَ سوبین بوتگ انت –

مرید بلوچ ءَ دیمتر ءَ گوشتگ کہ ما گوں بلوچ راج ءَ یکبرے پد ءَ لوٹ کن ایں کہ آ چہ زورگر ءِ شوربندی ءُ پوجی کارمنداں دور بہ بنت، پرچا کہ ما کجام وھد ءَ آیاں نشانگ کن ایں-

جارکش ءَ وتی درشان ءِ گُڈسر ءَ گوشتگ کہ مئے سلاہ بندیں اُرش داں بلوچستان ءِ آجوئی ءَ برجاہ بنت-