بلوچ لبریشن آرمی ءِ جارکش جیئند بلوچ ءَ شنگ کتگیں درشان ءَ گوشتگ مستونگ ءَ بلوچ لبریشن آرمی ءِ فدائی یونٹ مجید بریگیڈ ءِ اُرش ءَ زورگیریں پاکستانی لشکر ءِ بنجل سرجمی ءَ تباہ کتگ ءُ ھمے وھد ءَ 18 ءَ چہ گیش کارندہ مرتگ اَنت۔ اے فدائی اُرش بی ایل اے مجید بریگیڈ ءِ فدائی سنگت اسامہ شاہوانی پنام ءِ ودود ءَ کتگ ءُ چہ ایشی ءَ پد بی ایل اے ءِ ھاسیں لشکر فتح اسکواڈ ءَ دیم ءَ شتگ ءُ کیمپ ءَ دژمن ءِ پشکپتگیں کارندہ کشتگ اَنت۔
جارکش ءَ گشتگ بلوچ لبریشن آرمی ءِ فدائی اُرش کنوکیں یونٹ مجید بریگیڈ ءَ مستونگ ءِ کانک ءِ کنڈاب (کنڈاؤ) ءَ زورگیریں پاکستانی لشکر ءِ بنجاھی بنجل ءِ سر ءَ یک ھمگرنچ ءُ ترندیں فدائی اُرشے ءِ نشانگ جوڑ کتگ ءُ اود ءَ بارود ءَ پریں گاڑی ( وی بی آئی ای ڈی ) ءِ سر ءَ دشمن ءِ بنجل ءِ سر ءَ اُرش کتگ۔ اے تباہ کنوکیں تراک ءِ آسر ءَ دژمن ءِ لشکر ءِ بنجل ءُ آئی ءِ سیکورٹی پوسٹ سرجم ءَ تباہ بوتگ اَنت۔ چہ تراک ءَ پد بی ایل اے فتح اسکواڈ ءِ کمانڈر کیمپ ءِ تہ ءَ اتکگ انت ءُ دژمن ءِ پروش وارتگیں کارندہ نزیک نشانگ جوڑ کتگ انت۔ فتح اسکواڈ ءِ سرمچاراں تراک ءَ چہ پشکپتگیں کارندہ کشتگ اَنت ءُ نزیکیں سیکورٹی پوسٹ ءَ ھستیں زورگیریں لشکر ءِ کارندھانی سر ءَ ھم اُرش کتگ۔ اے سرجمیں آپریشن ءِ تہ ءَ 18 ءَ چہ گیش زورگیریں لشکر ءِ کارندہ بیران ءُ بازیں کارندہ سک ٹپیگ بوتگ اَنت۔ سرمچاراں کیمپ ءِ تہ ءَ کلیئرنس ءِ امل ءَ سرجم کنگ ءَ پد وتی مھکمیں اوتاکاں روگ ءَ سوبین بوتگ انت۔
جارکش ءَ گوشتگ اے فدائی اُرش بی ایل اے مجید بریگیڈ ءِ فدائی سنگت اسامہ شاہوانی پنام ءِ ودود ء حاجی محمد عالم شاھوانی ءَ کتگ۔ فدائی سنگت اسامہ پنام ءِ ودود ءِ سیادی گوں مستونگ ءِ دمگ کھڈکوچہ ءَ بوتگ۔ 2022 ءَ بلوچ لبریشن آرمی ءَ ھوار بوتگ ءُ یک سالے ءَ شھری گوریلا ءِ بستار ءَ دژمن ءِ ھلاپ ءَ راجی آجوئی ءِ ھاتر ءَ پرکار بیتگ ، ایشی ءَ پد آئی ءَ 2024 ءَ فدائی یونٹ مجید بریگیڈ ءَ پیش کتگ انت۔ تو کلات ، ناگاھو ءُ شور پارود ءِ میدان ءَ بیتگے، ھمے وڑ آپریشن ھیروپ دوم ءِ وھد ءَ نوشکی ءِ میدان ءَ دشمن ءِ ھلاپ ءَ فرنٹ لائن ءَ جاڑیگ بیتگ ءُ داں سے روچاں جنگ کتگ ۔ شھید فدائی اسامہ شاھوانی ءَ بلوچ ڈیھ ءِ واستا وتی گران بھائیں ساہ ندر کتگ یک بے دروریں گوستانکے نکش کتگ کہ ایشی ءِ سان داں آیوکیں پدریچ ءِ واستا رھشونی ءِ کرد ءَ پیلو کنت۔
جارکش ءَ گوشتگ بلوچ لبریشن آرمی زورگریں ریاست ءِ نیمگ ءَ بلوچستان ءِ مڈیانی لٹ ءُ پل کنوکیں وتگڑیں ”پاکستان زرکاری سرمایہ کاری فورم 2026“ (PMIF26) ءَ سرجم ءَ رد کنت کہ اود ءَ بلوچ ءِ سرڈگار ءِ سھر، تانبہ ءُ دگہ گرانھادیں مڈیاں میان اُستمانی نھادی ءَ پیش کنگ بوھگ ءَ انت۔ بلوچستان ءِ اے درستیں مڈی منسوبگ بلوچ راج ءِ ارادہ، اکتدار ءُ ملکیت ءِ ھکانی لگتمالی ءِ ھمے کمتری ءِ سلسلگ ءِ درچ انت کہ آہانی مول ءُ مراد دمگی آبادی ءِ لپاشگ ءُ درملکی تاکتانی زرکاری ءُ اسٹریٹجک مپاداں پیلو کنگ انت۔ میان کانود ءُ انسانی رھبندانی رد ءَ ھرچ زیردستیں دمگ ءِ نپ ءِ سر ءَ چہ دمگی مردمانی آزاتیں رزامندی ءَ ابید بوتگیں ھرچ سودا گیر کانونی اِنت۔ ما دراھیں میان اُستمانی کمپنی، مالیاتی ادارہ ءُ درملکی سرمایہ کاراں گوں ھاسیں گالاں ھال دئیں کہ بلوچستان یک زیردست ءُ جنگ ءِ آماچیں زمینے، اود ءَ بلوچ راج ءِ ارادہ ءُ نیت ءِ بدل ءَ فوجی تاکت ءُ نوآبادیاتی ھاکمیت ءِ غالب اِنت، پمیشکا دراھیں سرمایہ کار بلوچ ءِ اے جنجالی ءُ مھربانی ءِ ھچ وڑیں avland ءِ بھر مہ بنت۔ ھرچ ادارہ یا سرمایہ کارے کہ قبضہ گیریں ریاست ءِ ھمدست بہ بیت ءُ بلوچ مڈیانی لٹ ءُ کُٹ ءَ ھوار بہ بیت آئی ءَ را بلوچ رھشونانی نیمگ ءَ چہ دیم پہ دیمیں مزاحمت ءُ شدیدیں اُرشانی دیمپانی کنگی اِنت، جانی ءُ مال ءِ تاوان ءِ سرجمیں ذمہ واری ھمے کمپنیانی سر ءَ کپ اِیت۔
بلوچ لبریشن آرمی اے کُربانی اُرش ءِ زمہ واری ءَ منّ ایت ءُ اے گپ ءَ پدّر کنت کہ مئے راجی جنگ داں زوراکی ءِ سرجمیں زور ءُ ترندی ءَ برجاہ مان اِیت ءُ یک آزات ءُ وتواجھیں بلوچستانے ءِ برجم بہ بیت۔
دومی نیمگ ءَ گل ءِ شنگ بوتگیں ویڈیو ءَ گندگ بیت فدائی اُرشکار ایف سی ءِ بنجل ءَ گاڑی ءَ ٹکر جنگ ءَ پد تراک ءَ چہ تباہ بوھگ ءَ اِنت کہ ایشی ءَ پد کیمپ ءِ ماڑی تباہ بوھگ ءَ گندگ بیت۔
ویڈیو ءَ دگہ اُرش کنوک ھم گندگ بنت کہ آ اُرش ءِ وھد ءَ نزیکیں پاکستانی اُرد ءِ پوسٹانی کارندہاں نشانگ جوڑ کنگ ءَ اَنت۔