بلوچستان ءِ ھند تمپ ءُ کش گور ءِ دمگی کوھاں مروچگیں سُھب ءَ چہ پاکستانی فوج ءِ نیمگ ءَ مزنیں کچے ءَ لشکرکشی برجاہ اِنت۔
ھالانی ءِ رد ءَ پاکستانی لشکر ءَ گوں ٹینک ،بکتربند ءُ درزنانی کچے ءَ دگہ لشکری گاڑیانی ھواری ءَ جتاھیں کوھی دمگاں دیم کنزی بندات کتگ۔
دمگی اھوالدار ءِ رد ءَ لشکریانی مزنیں سُر پُر گومازی،ملانٹ، بومین،سید کلگ، پلے زئی ءُ تلندار ءِ کوھی دمگاں گندگ بیتگ انت کہ اُود ءَ فوج ءِ لشکرکشی برجاہ انت۔
مروچی سھب ءَ چہ بندات بیتگیں اے لشکرکشی ءَ ٹینک، بکتربند، دگہ لشکری گاڑی مزنیں کچے ءَ بھر زیرگ ءَ انت۔
جتاھیں ھنداں لشکری کارمند روگ ءُ آیگ ءَ انت، بلے انگت ءَ لشکرکشی ءِ میان ءَ بیتگیں تاوانانی بابت ءَ سرجمیں ھال دیم ءَ نہ یتکگ انت۔