مند ءَ پاکستانی پوج ءِ سرا بمب تراک، زمّہ واری بی ایل ٹی ءَ منّ اِتگ

باگزو ءَ پاکستانی پوج ءِ ھاتر ءَ راشن بروکیں گاڑی بمب تراکے نشانگ کتگ – میران بلوچ

دی بلوچستان پوسٹ

سربوتگیں ھالانی رِد ءَ مروچی مند باگزو ءَ ناشُناسیں مردماں زورگیریں پاکستانی پوج ءِ راہ ءِ سرا تراک ناکیں شورو کل کُتگ ءُ پوجی پانگس ءَ راشن بروکیں پوج ءِ گاڑی ءِ تراک ناکیں شوروانی نشانگ کتگ –

اُرش ءَ پاکستانی پوج ءِ جانی ءُ مالی تاوان ءِ ھال انت –

دومی نیمگ ءَ بلوچ آجوئی لوٹوکیں سلاہ بندیں گل بلوچ لبریشن ٹائیگرز ءِ جارکش میران بلوچ ءَ رسانکدراں وتی شنگ کرتگیں درشان ءِ تھا اے اُرش ءِ زمّہ واری منّ اِتگ گوشتگ کہ مئے سرمچاراں کیچ ءِ دمگ مند باگزو ءَ پاکستانی پوج ءِ پانگس ءَ چہ بیست گامے دوری ءَ راشن سرکنوکیں گاڑی تراک ناکیں شوروانی نشانگ جوڈ کُتگ –

جارکش ءَ گوشتگ کہ اے اُرش ءَ پاکستانی پوج ءِ بازیں کارمندے مرتگ ءُ ٹپی بوتگ –

گڈسر ءَ بی ایل ٹی ءِ جارکش ءَ گوشتگ کہ گل ءِ اُرش داں بلوچستان ءِ آجوئی ءَ برجاہ مان انت –