بلوچستان ءَ گیس ءِ ڈکال – ٹی بی پی شونگال

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

بلوچستان ءَ گیس ءِ ڈکّال

ٹی بی پی شونگال

بلوچستان ءَ جتا جتائیں مولمانی سوب ءَ اد ءَ سرجمیں سال ءَ ناوشیں مولمانی دیمپانی کنگ کپ ایت – ٹنٹیں سارتیانی مولمانی وھداں گیشتر بلوچستان ءِ کوھی دمگاں گرمی ءِ زور یکدم جھل کپ ایت، برے برے گرمی یکدم جھل کپ ایت ءُ منفی 15 سینٹی گریڈ ءَ رس ایت ءُ گرماگی مولماں اد ءَ مولم سک گرم بیت اِنت ۔

ھمک سال ٹنٹیں سارتیانی مولماں برفباری ءُ ھوراں روکپتی سارتیں گواتاں ھوار بیت ءُ دمگی مردمانی واستا ٹنٹے کار ایت ءُ مردمانی زندمان گوں درھینگاں مٹ بیت – اود ءَ بلوچستان ءِ جھمنندیں مردم زند ءِ دومی آسراتیاں زبھر اَنت، ھمے رنگ ءَ اود ءِ مردم ترندیں سارتیانی دیم ءِ دارگ ءِ آسراتیاں ھم زبھر اَنت –

بلوچستان ناگمانی مڈیاں سرگنج اِنت ءُ سرجمیں پاکستان ءَ ناگمانی گیس ءِ سرجم کنگ ءِ درستاں مستریں سوب اِنت – سوئی گیس فیلڈ، کہ بلوچستان ءِ دمگ ڈیرہ بگٹی ءَ اِنت، ناگمانی گیس ءَ پُری ءَ زانگ بیت اِنت ءُ سال 1950 ءَ داں پاکستان ءِ نیم ءَ گیش گیس پُجارینگ ءَ اِنت – گیس پائپ لائنانی یک نوکیں رنگے سوئی گیس فیلڈ ءِ 87 چاتاں ھمک روچ 800 ایم اہم ایس سی ایف گیس ھزاراں میل دور پنجاب ءَ پُجارین اِت -بلے چہ گیس فیلڈ چندے کلومیٹر دور ڈیرہ بگٹی ءِ شھر ناگمانی گیس ءِ پُری ءَ مُزاں زبھر اِنت ءُ دمگی مردماں تنی وھدی گیس ءِ بنکی آسراتی نہ رس اِتگ اَنت – کش ءُ گوری مردم تنی وھدی تاپگ ءِ واستا دارانی سر ءَ زند گوازینگ ءَ اَنت –

اے زبھری ایوک ءَ ڈیرہ بگٹی ءَ داں نہ اوشتاتگ، بلوچستان ءِ بازیں دمگاں پوناتگ ئِے ءُ بس چار ھنداں گیس ءِ آسراتی ھست اِنت، کہ چریشانی تہ ءَ شال، زیارت، مستونگ ءُ کلات ھوار اَنت – اے ھنداں سارتیانی وھداں ھم گیس ءِ پریشر کم ءُ لوڈ شیڈنگانی دیمپانی کنگ کپ ایت – ھمک سال ءِ سارتی بلوچستان ءِ مردمانی گور ءَ بنکی آسراتیانی نہ بیگ ءِ سوب ءَ بے کساسیں کھر کار ایت –

ھمک سال بلوچستان ءِ مھلوک گیس ءِ نہ بیگ ءِ سوب ءَ دگانی سر ءَ زھرشانی ءَ گندگ بنت، ءُ سرکار ءِ ایراد گروک راجمان پتر ءَ زھرشانی کن اَنت، بلے ھمک گوزوکیں سال ءَ پد جاورانی گھتری ءَ ابید گنتر بیان اَنت – گوستگیں سال ءَ بلوچستان ءِ دمگ کلات شیخڑی ءِ ھند ءَ گیس ءِ یک جھلیں چاتے ءِ شُبین بیت اِنت -بلے چریشی ءَ ابید ھم بلوچستان ءِ جاورانی تہ ءَ گھتری نیاتک، چریشی ءَ چہ درستاں مستریں سوب بلوچستان ءَ درایوکیں گیس پنجاب ءُ سندھ ءِ آسراتیانی واستا پائپ لائن جوڑ کنگ ءُ سرکنگ بیت اِنت –

گوشتگیں جیڑہ ءُ بلوچستان ءَ ھمے رنگیں دومی جیڑہ بلوچ راجدوستانی ھمے درشان ءَ زورمند کنت کہ ریاست ء پاکستان بلوچانی مڈیانی پُلپھانچی ءَ کنگ ءَ اِنت ءُ بلوچستان ءِ مھلوک پُرگنجیں مڈیانی واھند بیگ ءَ ابید ھم بنکی آسراتیاں زبھر اَنت –

بلوچستان ءِ مھلوک ءَ داں ھما وھد ءَ وتی مڈیانی سرجمیں واک نہ بیت، تنا وھد ءَ داں بلوچستان ءِ سرڈگار ءِ سر ءَ بلوچانی منّگ ءِ بگیری ءَ بیوکیں سی پیک ءِ وڑیں بنگیج، بلوچانی گم ءُ زھرگ ءُ بلوچستان ءَ ھستیں بے وسی ءَ گیش بیان بنت –

نوکتریں

شال: بیگواھیں مردمانی کھولاں شدکشیں ھرتالی بنجل ءَ پریس کانفرنس

پاکستانی پوج ءِ دست ءَ زورانسری آوار جنگ بیگواہ بوتگیں ودود ساتکزئی، آصف بلوچ ءِ گھار ءُ رشید بلوچ ءِ وارس...

کیچ سلاہ بندیں مردمانی تیرگواری ءَ یک مردم ءِ بیران

سربوتگیں ھالانی رِد ءَ بلوچستان ءِ دمگ کیچ بلیدہ ءَ سلاہ بندیں مردماں ورناھے تیرباران کُتگ ءُ کُشتگ - گیشیں ھالانی رِد ءَ کیچ ءِ دمگ بلیدہ ءَ ناشناسیں سلاہ بندیں مردمانی تیر گواری ءَ سھیل ء لطیف نامی ورناھے بیران بوتگ - سھیل پیسر ءَ پروم ءِنندوک بوتگ ھستیں وھد ءَ آ بلیدہ ءَ جاھمنند بوتگ، کہ مروچی بیگاھے ادار سَے ءِ نزیک ءَ وتی دکان ءَ نندوک بوتگ - دمگی مردمانی رِد ءَ سھیل گریب ءُ بزگریں ورناھے بوتگ کہ سلو ءَ وتی گریس ءِ دکان ءَ نندوک بوتگ کہ سلاہ بندیں مردماں سر بازار اتکگ ءُتیرباران کتگ ءُ کُشتگ - زانگ بہ بیت چدوپیسر پاکستانی پوج ءَ اے ورناہ دہ جون سال دوھزار ءُ شانزدہ ءَ زورانسری آوار جتگ ءُ بیگواہ کتگ ءُ پدا شانزدہ جنوریدوھزار بیست ءَ چار سالاں بیگواھی ءَ پد یل کنگ بوتگ -  بلے مروچی بوتگیں آئی کوش ءِ درگت ءَ ھچ وڑیں سرجمیں ھال دیم ءَ نہ اتکگ - دمگی مردمانی رِد ءَ ھمے گمان بیت گوست ءِ وڑءَ اے ورناہ ھمدمگی کُشندہ ٹولیانی کارمنداں جتگ -

وام دار -سربیا |خالد بند اسلام |مھروان کمبر

نبشتانک: وام دار نبشتکار: سوتیوزاز کورووچ (سربیا) اردو رجانک: خالد بن اسلام

لاگریں کپودر ءُ مئے چاگرد- گلستان بلوچ

نبشتانک: لاگریں کپودر ءُ مئے چاگرد نبشتہ کار: گلستان بلوچ دی بلوچستان...