TBP Balochi

بلوچستان ءَ ھورانی سبب ءَ دگہ بازیں مردمے بیران بوتگ ءُ درزنے مردم کور آپ ءَ چہ پستگ اَنت-

بلوچستان ءَ ھور ءُ ھاراں چہ بیرانی ءِ کچ 200 ءَ سر بوتگ اَنت – پی ڈی ایم ءَ ھوراں چہ بوتگیں انّوگیں تاوانانی رپورٹ شنگ کتگ اَنت- ھُزدار ءُ ژوب ءَ لوگے ءِ چت کپگ ءَ مروچی دہ مردم بیران بوتگ-

پی ڈی ایم اے شنگ کتگیں رپورٹ رِد ءَ گوستگیں بیست ءُ چار کلاکانی تہ ءَ بلوچستان ءَ ھور ءُ ھاراں چہ دگہ دہ مردم بیران بوتگ اَنت چریشی ءَ پد یکجاھی ءَ بیرانیانی کچ 208 ءَ سر بوتگ اَنت-

انتزامیہ رِد ءَ بیران بوتگینانی تہ ءَ 99 مردین ، 48 زالبول ءُ 61 زھگ ھوار اَنت وھدے کہ بیران بوتگیانی تہ ءَ زالبول ءُ چکانی مزنیں کچے ھوار اَنت، بیرانی بولان، شال، ژوب، دکی، ھُزدار ، کوھلو، کیچ، مستونگ ، ھرنائی ، قلعہ سیف اللہ ءُ سبی ءَ بوتگ اَنت-

پی ڈی ایم اے گْوشگ اِنت کہ ھورانی میان ءِ وئیلانی آماچ بوتگ ءُ 81 مردم ٹپی بوتگ اَنت وھدے کہ ٹپیانی تہ ءَ 49 مردین ، 12 زالبول ءُ 20 زھگ ھوار اَنت-

پی ڈی ایم اے ءَ گْوشتگ کہ ھوراں 670 کلو میٹر ءَ ھوار جتائیں شش شھدگ سک تاوان بار بوتگ اَنت- پی ڈی ایم اے ءَ دیمتر ءَ گْوشتگ کہ یکجاھی ھساب ءَ یک لکّ 98 ھزار 461 ایکڑ زمین ءَ ھستیں کشار، سولر پلیٹس، ٹیوب ویلز ءُ بورنگ تاوان رس اِتگ-

بلوچستان ءَ تُرندیں ھورانی دْرچ مرچی ھم برجاہ ءَ اِنت کہ ضلع موسی خیل ءِ دمگ اندرپڑ جھنڈی ءِ ھند ءَ لوگ چت کپگ ءَ چہ یکیں کھول ءِ نُھ مردم بیران بوتگ اَنت، ھُزدار تھسیل سیلوڈن ھند ءَ پورالی کور ءَ مزنیں آپ آرگ ءَ زالبول ءُ زھگاں ھوار نُھ مردم پس اِتگ اَنت کہ آ انگت نہ رکینتگ اَنت-

ھمے وڑ ھُزدار ساسول ءِ دمگ ءَ لوگ چت کپگ ءَ چہ یک مردمے بیران وھدے کہ ونگو ءَ ھوٹل چت کپگ ءَ یک مردمے ٹپی بوتگ-

پی ڈی ایم اے رِد ءَ بلوچستان ءَ یکجاھی ھساب ءَ 22 ھزار 692 لوگاں تاوان رس اِتگ، 690 کلو میٹر ءَ ھوار جتائیں شش شھدگاں تاوان رس اِتگ- ھور ءُ ھاراں چہ 18 ھمگرنچیں پُھل پروشتگ اَنت – یک لکّ 7 ھزار 377 مال ءُ دلوت ھم مرتگ اَنت-

بلے دگہ رسانکدرانی نیمگ ءَ چہ بیرانیانی ءُ مالی تاوانانی کچ گیشتر اَنت-

امارات اسلامی اوگانستان ءِ سروک شیخ ھیبت اللہ اخندزادہ ءِ سروکی ءَ اوگانستان ءِ زرباری پرگینگ قندھار ءَ برجاھیں یک مزنیں دیوان ءِھاسیں شوربندیاں پد ھلاس بوتگ-

دیوان ءَ کابل ءَ بوتگیں ڈرون اُرش ایر جنگ ءَ اَبید پاکستان نام گرگ ءَ بید گْوشگ بوتگ کہ اے جرم ءَ ھماسگیں ڈیھ گوں تچکی ءَ ھوار اِنت-

زانگ بہ بیت گوستگیں ماہ ءَ امریکی واکدار ءَ ٹاہ داتگ اَت کہ اوگانستان ءِ شھر ءَ یک ڈرون اُرشے ءَ القاعدہ ءِ سروک ایمن الظواھری نشانگکتگ چریشی ءَ آ مرتگ بلے اوگانستان سرکار ءَ اے رد کتگ-

ٹاہ جنگ بوگ ءَ اِنت کہ القائدہ سروک ءِ نشانگ کنوکیں ڈرون ءَ پاکستان ءِ ھاک کارمرز کتگ وھدے کہ پاکستانی رسانکدراں ٹاہ جتگ کہ امریکیرسانکدر ءَ پدر کتگ کہ ڈرون پاکستان ناں بلکیں کرغزستان ءِ ھاک کارمرز ئِے کتگ وھدے کہ اشی ءَ پد پٹ ءُ پول کنگ بوتگ ءُ ھچ وڑیں امریکیرسانکدر ءَ چُشیں گپ شنگ نہ بوتگ-

زانتکارانی گْوشگ اِنت کہ واشنگٹن پاکستان ءَ اُرش ءِ موکل داتگ وھدے کہ پاکستان ءَ ایمن الظواھری اوتاک پدر کتگ ءُ آ نشانگ کنگ بوتگ-

قندھار ءَ بوتگیں دیوان ءَ امارات اسلامی شیخ ھیبت اللہ اخندازدہ ءَ تران ءِ وھد ءَ مردماں چہ اسلامی ءُ نیکراھی کانود ءِ برجم دارگ ءِ ھاتر ءَ زورداتگ ءُ گْوشتگ کہ اوگانستان ءَ ایمن، اسلامی کانود ءُ آجوئی بازیں دیمونیاں پد اَتکگ، ھمے ھاتر ءَ اشانی پھازگ سرجمیں اوگانیانی پرز اِنت-

آئی ءَ سیاستدان ءُ دگہ مردم ھم گْوشتگ اَنت کہ آ امارات ءِ بگیری ءَ وتگڑیں پروپیگنڈہ مہ کن اَنت،  آئی ءَ باپاری مردماں چہ ھم لوٹ کتگ کہ آدری ڈیھ بنت یا ڈیھ ءَ باپاری بہ کن اَنت مردماں کار بدے اَنت-

ایرانی آمیدگس ءَ چار بندیگیں بلوچ کوش ءُ نشہ ءِ پاباری ءِ بھتام ءَ پاھو داتگ اَنت-

گیشیں ھالانی رد ءَ یزد ءِ زندان ءَ بندیگیں چار بلوچ ایرانی آمیدگس ءَ پاھو داتگ اَنت کہ آیانی سر ءَ نشہ ءُ کوش ءِ بھتام بیتگ اَنت-

پاھو دیگ بیتگیں مردمانی ھکم نامہ گوستگیں روچ بزاں پشمبے ءَ کنگ بیتگ ءُ چریشی ءِ سر ءَ ایرانی آمیدگس ءِ پرمان ءَ ھرچاریں بندیگ پاھو داتگ اَنت-

پاھو دیگ بیتگیں مردمانی پجار امیر شھیکی ء ابراھیم اُمر بیست ءُ سَے سال جھمنند چاہ ملک ریگان، حمید نارویی ء نیاز اُمر چِل ءُ پنچ سال کہ وتی زھگانی ھمراھی ءَ زاھدان ھَ نندوک بیتگ، خدارھم نارویی ء بلوچ اُمر چل ءُ سَے سال جھمنند زاھدان، سعید کشانی (کاشانی) اُمر چل ءُ شش سال جھنند زاھدان ءِ ناماں زانگ بیتگ اَنت-

ھالانی تہ ءَ گوشگ بیتگ کہ حمید نارویی ءُ خدارھم نارویہ ءُ سعید کاشانی یکیں وھد ءَ ایرانی سال نود ءُ سَے ءَ نشہ ءِ باپاری ءِ بھتام ءَ دزگیر کنگ بیتگ اَنت ءُ چریشی ءَ پد آیانی سر ءَ پاھو ءِ ھُکم اتکگ –

ھمے وڑ امیر شھیکی کوشے ءِ بھتام ءَ گرگ بیتگ ءُ چریشی ءَ پد آئی ءِ سر ءَ آمیدگسی پرمان ءَ پاھو اتکگ –

اے زندانی یزد ءِ زندان ءَ سَے شَمبے ءِ روچ ءَ پاھو ءِ ھکم ءِ پرمان ءَ برگ بیتگ اَنت-

نبشتانک: ریاست ءِ داشتگیں چریک

نبشتہ کار: ناکو رگام بلوچ

دی بلوچستان پوسٹ

بلوچ ءُ بلوچستان ءِ راجدپتر ءَ چار ئے گڑا ھر دور ءَ ریاست ءِ داشتگیں چریک کہ بلوچ ءِ دروشم ءَ مدام بلوچ ءِ جنز ءَ را بلوچ ءِ جھد ءَ را تاوان دیگ ءَ چہ ریاست ءَ چہ دیمتر بوتگ انت انچوش کہ 1948 ءَ مکران ءِ گچکی ھاکم نواب بائیان خان کلات ءَ را انچوش دھوکہ داتگ ءُ پاکستانی پارلیمانی سروک محمد علی جناح ءِ ھواری ءَ بلوچستان ءَ را جبری قبضہ کرتگ ءُ بلوچانی گار ءُ بیگواھی ءِ سامان یکجاہ کرتگ انت ۔

اے ھما داشتگیں چریک بیثگ انت کہ وتی مپاد ءُ وتی مراھتانی پشت ءَ بلوچ ءَ را آئی ءِ زمین آئی مال ءُ مڈی ءُ میراث شہ دژمن ءَ بندیگ کرتگ اَنت مرشی ھم ما بچار ایں ھمے وڑیں نواب بائیان ءِ وڑیں سردار ءُ جاگیر دار ھم انچوش ریاستی چانوگر اَنت انچوش کہ بابو شھید نوروز ءِ شھید کنگ ءَ دودا زھری ءِ کرد انچوش کہ گوستگیں سال 17اگست ءَ بابو نوروز ءِ تنگوھیں بچ شھید امان اللہ زرکزئی ءِ شھید کنگ ءَ ریاستی ایجنٹ ثنا اللہ ءِ دست یاد کنگ بہ بیت کہ دُودک ءِ بچ انت اے ثنااللہ ھمے وڑا وتی براس ءُ جھدکارانی تاوان دیگ ءَ ءُ شھید کنگ گیش ءَ گیش ریاستی چریکانی دست بلوچ ءُ بلوچستان ءِ ھر ھند ءُ دمگ ءَ یک نہ یک بلوچے ءِ شھید کنگ ءُ گار ءُ بیگواہ کنگ ءَ ریاستی چریکانی دست الم ھوار انت بلوچ ءِ جنز ءَ را انچوک ریاستی چریکاں تاوان داتگ انچوک ریاست ءَ نہ داتگ ۔

پرچا کہ آستین مار باز ھترناک انت ھمے وڑا مرشی یو بی اے کماندار شھید معراج عرف ھاکم ھمے ریاستی چریکانی نشانگ بیثگ ءُ شھید کنگ بیثگ بلوچ ءِ راجدپتر ءِ ھر تاکدیم ءَ ریاستی چریکانی نام ھر لَڑ ءَ ھوار انت بلوچ جھدکار باید اول ھمے ریاستی چریکاں سزا بہ دنت کہ مکران ءُ سراوان ءُ جھالاوان ءُ بولان ءُ کوہ سلیمان ءِ ھما ڈیتھ اسکوارڈ کہ آئی ءِ پشت پناھی ءَ ریاست کنگ انت باید آئی ءِ داوا مرگ بہ بیث اگاں اے دارگ مہ بنت گڑا بلوچ ءِ آؤکیں پدریچ ءِ مزنیں بھرے گار ءُ بیگواہ ءُ شھید کنگ بیث یاکہ گمراہ کنگ بیث پہ چندے مپاد ءُ مراھت ءِ واستا ایشی ءِ دارگ ءُ مکن کنگ ءِ امل یکیں مرگ انت تاکہ آؤکیں پدریچ ءُ چاگرد ءِ لس مھلوک بزانت کہ بلوچ ءِ مال ءُ مڈی ءُ زر ءِ رکینگ ءَ بلوچ ھر جھد ءَ ساجو انت آ چریک توری جند ءِ براس ءِ یا پث ءِ دروشمءَ بیث شر یا لس بلوچ ءِ دروشم ءَ بیث شر کسے کہ بلوچ ءِ ھون ءِ بلوچ ءِ گلزمین ءِ سوداگر انت باید آ مردم بلوچ ءِ آمید گس ءَ مرگ ءِ سزا دیگ بہ بیت ۔

راجی جھدکاراں گوں دزبندی اِنت کہ اے تک ءَ وتی گاماں گشاد بہ کن اَنت ءُ بلوچ ءِ لس مھلوک ءُ بلوچ ءِ پُسگاں کہ شھید ءُ گار ءُ بیگواھی ءِ پشت ءَ ھمے چریکانی دست مان انت ایشاں انجام ءَ سر بہ کن اَنت-

زبان ءُ زمین زندگ بات
آجو بات-

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

بلوچستان ءِ بنجاھی شھر شال ءَ کاریز ءَ کپتگیں زھگے ءِ کشگ ءِ جھد ءَ دگہ یک مردمے بیران بیتگ۔

اھوالانی ردءَ گوستگیں روش ءَ شال ءِ ھند سریاب ءَ کچرا چِست کنوکیں یک زھگے چاتے ءَ کپتگ اَت کہ آئی ءَ رکینگ ءِ جھد ءَ ساد ءِ سدگ ءِ سوب ءَ دگہ یک مردمے ھم بیران بیتگ۔

ھندی اھوالانی ردءَ بلوچستان ءِ دمگ خاران ءِ جھمنند بالاچ نوشیروانی نامیئں ورناھے ءَ چات ءَ کپتگیں گونڈوءَ رکینگ ءِ ھاترءَ کاریز ءَ ایر کپگ ءِ جھد کنگ ءَ بیتگ کہ ھمے نیام ءَ ساد ءِ سدگ ءِ سوب ءَ بالاچ کاریز ءَ کپتگ چریشی ءَ بالاچ ءَ ھم ساہ داتگ۔

وھدیکہ ھندی مردم پی ڈی ایم اَے ءِ سرءَ ایراد کنگ ءَ کہ ادارگ ءِ کارمند بازیں ساھت گوزگ ءَ پد اتکگ اَنت ءُ پدءَ وھد ءِ کمک کار ھم بندات نہ کُتگ اَنت۔

ھندی مردمانی گُشگ اِنت کہ جلیل ءُ امیر حمزہ دو ورناہ کہ چہ مستونگ ءَ اتکگ اَنت آیاں ابید کجام ھم پھازگی آسراتی کاریز ءَ ایر کپتگ اَنت ءُ جون کشتگ اَنت۔

ھندی مردمانی ردءَ سرکاری کارمند 12 ساھت ءَ داں تجربگ کنگ ءَ بیتگ، بھانگ کنگ ءَ بیتگ وھدیکہ دو لس مردماں بھادری ءُ بے ترسی ءَ گوں لاش کشتگ اَنت۔