TBP Balochi

آئی ءِ کِرد بیگواہ اِنت

نبشتہ کار : شے مزار

دی بلوچستان پوسٹ

شھید ساچان یک اَنچیں بھادُریں سنگتے بوتگ کہ آئی ءِ بھادُری ءَ ھمُک مردم زانت ءُ سرپد اِنت من ساچان دیستگ ساچان چوناھا چو گنوک تبیں مردمے بوتگ آئی ءِ تہ ءَ کُجام کِساسے گنوکی بوتگ اَنت چو من وت نہ زاناں بَلے ھمے ساچو گنوک بوتگ بَلے پہ وتی راج ءِ رکینگ ءِ ھاتر ءَ روچ ءُ شپ ھمے جُھد ءَ گوں بندوک بوتگ ،اگاں ساچان شَریں جاگہ بندوک بہ بوتیں آئی ءِ کُرتگیں کِرد اَنچو اِزھار کنگ بوتگ اِت اَنت بَلے مرچی اپسوز ءِ گپ اِنت شھید ساچان ءِ وڑیں سنگتے ءِ کُرتگیں کِرد بیگواہ اَنت چیا ؟ چُشیں سنگتانی کِرد باید بیگواہ کنگ مہ بنت ساچان ءَ جنگ ءِ پِڑ ءَ جنگ، سیاست ءِ پِڑ ءَ سیاست ئِے کُتگ، کُجا وڑ بہ بیت ساچان وتی راجی جُنز ءَ وت ءَ بے بھر نہ کُتگ ئِے اپسوز ءِ گپ ایش انت آئی ءِ کِرد بیگواہ کنگ بوتگ۔ گچینکاری ( الیکشن ) ءِ وھد بوتگ اَنت یا 14 اگست بوتگ گُڑا تُربت ءَ ریاستی مردم واب نہ کپتگ اَنت ھمے ساچان بوتگ گچینکاریانی ( الیکشنانی) وھداں تُربت ءَ آسے روک کُتگ 14 اگست ءِ روچاں تُربت ءَ ریاستی مردماں 14 اگست جوڑ نہ کُرتگ-

آئی ءِ دژمن ھچ مان ئِے نیاؤرتگ اِیشاں تُربت ءِ تہ ءَ اَنچیں کار کُرتگ آ تنیگاں مردمانی دیم ءَ زاھر اَنت ساچان “Fwo 25” مردم جنت آیانی ساز ءُ ساماناں مان دار اِیت آسانی ءَ در کیت ھمے وڑ ءَ در کیت نہ گش ئے گوں دژمناں جنگ ءَ بوتگ پورو یکے ءِ کِر ءَ شُتگ پَد ءَ واتر بیتگ اَنچو وتی تَب ءَ در اَتکگ ساچو ءَ گوں جنگ ءَ اَنچو مُھبت بوتگ ساچان ءَ دژمن ھکل کُتگ جتگ “سنگتے گُش اِیت من گُشتگ ساچو تو چی ءَ چُش کن ئے ؟گُڑا گُڈسر ءَ ھمے گُشتگ ئِے “ماراں پاکسان ءِ ریاست جت نہ کنت “سنگتے گُش اِیت من گُشتگ ساچو تو چی ءَ اے وڑ کن ئے ؟ گنوکی مہ کن جنگ ءُ گنوکی نہ بیت تو اِنچو نزیک ءَ روئے اِنچوکیں ریسک زورئے شر نہ اِنت گُڑا بچکند اِتگ ئِے ءُ گُشتگ ئِے ” اے دژمناں برو نزیک ءَ ھکل کن اِیشی ءِ اِیمان وَت کپ اِیت ترا وت دست ءِ توپنگ ءَ دنت سری راہ ءَ اوشت ءِ تیر جنے پائد ءَ نیست ساچو سکیں دلیریں سنگتے بوتگ”-

دوھزار دہ ءَ (2010) ءَ ساچان ءِ یک تامُر (ویڈیو) بہ گِند ئے شُمئے دیم ءَ گوستگ ساچان “پِدا چَوک ءِ ” سر ءَ گپ ءُ تران کنگ اِنت من ھمے گُشاں ھمے سرپد بنت ساچان اگاں دگہ جاگہ ءَ بندوک بہ بوتیں آ چُشیں کِرد بہ کُرتیں گُڑا دُنیا ءِ دیم ءَ آئی ءِ کُرتگیں کِرد جنگانی کِسّہ نِبشتہ کنگ بوتگ اِت اَنت کِتابے ءِ دْروشم ءَ بَلے اپسوز اِش کہ ساچان ءِ وڑیں سنگتے کِرد بیگواہ کنگ بوتگ ساچان اَنچیں جَنگولیں سنگتے بوتگ کہ آئی ءِ من ھمِچو ستا بہ کناں کہ کم اَنت! ساچان ءَ اَنچیں کار کُرتگ مرچی ھما وھدے کہ دیم ءَ کاینت ھما کارانی وھد ءُ پاس کہ کاینت گُڑا ساچان الّم ءَ دیم ءَ زاھر بیت ھما جاگہ ساچان بندوک بوتگ من ھمے سرپد باں انگت آ جاہ ھلیگ اِنت پَد ءَ چُشیں دلیریں سنگت چُشیں جنگولیں سنگت کم دپ ءَ کپ اِیت ھر سنگت وتی جاگہ برابر اِنت ھرکس وتی کِرد ءَ بندوکیں بَلے من تنیگاں ساچان ءِ وڑیں سنگت نہ دیستگ برے برے من ھمے جیڑہ ءَ کہ چُشیں سنگتاں پَد ءَ گَل ( پاٹی ) چی ءَ جَنت ؟ آئی ءِ گوں بندوک اِنت ھر کُجا جاگہ ھمراہ جنگ ءِ پِڑ ءَ آئی ءِ ھم کوپگ پَد ءَ اَنچیں اَنچیں کار ئِے کُتگ کہ آ منی جِندے دیم ءَ زاھر اَنت آیانی اِزھار ءَ ھم کُت نہ کناں، بَلے منی گور ءَ گپے پَش نہ کپتگ اپسوز ھمیش کہ مروچی آئی ءِ کِرد بیگواہ کنگ بوتگ کہ شھید ساچان ءِ شھیدی ھال من اِش کُت کہ گَل ( پاٹی ) ءَ جَتگ من وت ھیران بوت آں کہ گَل (پاٹی) ءَ چون جتگ! بَلے کوم انگت ھمے گِلگ ءَ کنت کہ ساچان باریں گَل (پاٹی) ءَ چون جتگ چی واستا ؟-

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

نبشتانک: سرگوست: پد ءَ واتر وتی ھلک ءَ

نبشتہ کار: ایس ایچ بلوچ

سیمی بھر

دی بلوچستان پوسٹ

ما سیکلاں سوار بیت اِنت در کپت اِنت ساھت یک بوت ما کمو داشت آپ وارت ءُ پد ءَ رھادگ بوت اِنت ما عصر ءَ سر بوت اِنت اُستاد زئی ءِ کِرا ما ءُ اُستاد زئی سلام ءُ دُروت بوت اِنت اُستاد ءَ مارا جُست کُت چون بوتگ شمئے سپر باریں آ سنگت چون اِت اَنت سنگت وش ءُ جوڑ اَنت سلام اش کُرتگ شمارا سنگتاں گُشتگ ھواریں انشاءاللہ زندگی بیت کائِے شمئے نیمگ ءَ اللہ اش بْیار ایت ما وداریگ اِنت مئے منزل یک اِنت لازُم دو چار کپ ایں- چون اَنت گُڑا تئی سنگت ھاھا ھا ھا اُستاد منی سنگت ماشاءاللہ دُرست جْوانے سنگت اَنت تارِیپ ءِمھتاج نہ اَنت شما ھال کن اِت چے ھال اِنت ھال ھیر اِنت اللہ ھیر کنات ما شُمئے ودار کُتگ شُما اتکگے سلامتی انشاءاللہ یک ءُ دو روچ ءَ پَد در کائین ءُ مِشن ءَ تو گون سنگت ءَ تیارے؟-

اُستاد تئی کُجام گپ ما نہ کُتگ تو بہ لوٹ انو در کائین ئے کُربان جگر من ءَ چہ شُما ھمے جَزبگ درکار اِنت بلے وھد ھست ھرچ کار پہ سبر ءُ اوپار شَر اِنت شُما ھم انسان اِت دیر انت ماں سپر ءَ بوتگ اِنت سلامتی اے کار ھست اَنت ھر وھد ءَ بَنت شُما دم ئِے کنت وت ءَ تَر ءُ تازه ءَ کنت گُڑا درکائین ئِے شر اُستاد ھرچی تو گُش ئے – اُستاد مارا کمو اجازت بدے ما چمے بند کن ایں سک ژند اِنت اڑے سنگت تو وت ءَ تکلیپ مہ کُت اِنت چاہ میا ھورت اِنت ما انی وپس ایں کمو-

کامریڈ! اُستاد من نو اے نَکس ءِ ھمراھی ءَ سپر ءَ نہ رواں گوں ھاھاھاھاھا چی ءَ باریں جُست ئِے کن جندے ھاھاھا اُستاد من ھچ نہ کُت ءَ بس من دوار ءِ سر ءَ مزاک ءِ سر ءَ گُشت مارا دُژمن آں آنگیر کُتگ کامریڈ ! نہ اُستاد اے گپ نہ اِنت من شر پہ چیز ءِ سیکل ءَ سوار بیتگاں گوں بری یک کُنتی کنت برے گوش ایت پِریکے ءِ آواز اِنت برے گُش ایت آ سینگے آ داز ءِ پوشت ءَ مردمی ھست گندگ بیگ اِنت من ءَ سجئیں راہ ءَ سک زلیلے کُتگ زلیل ءَ-

کمینہ سرجمیں سپر ءَ سینکل من ءَ گون بیتگ ترا یک جاھے نہ داتگ انگت گُش ئے من ءَ زلیلے کُتگ شاباش اِنت ترا گُڑ تو من ءَ کجا آرام ءِ دل پُشت ءَ نندگ کِشتگ کدی گْوَشتگ ھیلی یے توار اِنت کدی گْوَشتگ آ کوہ سر ءَ پوجی اَنت بازجوان اَنت شمئے مھر پہ یک ئِے دومیگ ءَ اللہ شمارا ھست کنات گوں کُلیں سنگتاں ھاھاھاھاھا دگہ باریں کسے ءَ گپے یے ھست اگاں نہ من وتئی چماں نز کنگاں اُستاد! شما وتی ژندی ءَ کَش ات یکوئی سپر ءَ بیتگ اِت بے واب بیتگ ئِے زِمِستانی شپ مزن اَنت پہ دیوان ءَجام! ھا ھاھاھاھاھاھا اُستاد اے ھچ بے واب نہ اِنت ما ھرچ جاہ داشتگ ایشی ءَ وتی چم بند کُتگ اَنت میرو! ژندی دگہ چیزے ئیگ اِنت ھاھاھاھاھا اُستاد! او من سرپد اَنت آ چیز ءَ شر نو وپس اِت شمارا کلاہو ءِ کَلیر بجاں دگہ ھال گون نیست زاناں اُستاد ایشی ءَ یل کن ما آ سنگتانی ھلک ءَ یک روچی الکاپ ءَ چم بند نہ کُتگ اَنت اے نُھیں روچاں انگت میرو ءُ بلوچ ھان ءَ سے شپ ءَ ٹینٹ واب جَتگ او اُستاد شرنگ راست گُشی منتوار پلوک بلے نو وتی منجاھی آں بند کنت بہ وپس اِت جھندم بئے اُستاد! ھو نو وپس اِت شپ ءِ ساھت دو ءَ شمارا پاد کن ایں دیوان کنین ایں شما سپر ءَ بوتگ ئِے سنگت سک بے تاھیر بوتگ اَنت پہ شما نو شما اتکگے پہ سلامتی شر اُستاد ما نو چماں بند کنیں اوکے –

رَوان اِنت —

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

بلوچستان لبریشن فرنٹ ءَ خضدار ءِ ھند چمروک ءَ فرنٹیئر کور (ایف سی) ءِ بُنجل ءِ تھی دروازگ ءَ پھازداریں کارمندانانی سر ءَ دستی بمب اُرشءِ زِمہ واری منّ اِتگ۔

بلوچستان لبریشن فرنٹ ءِ جارکشّ میجر گْوھرام بلوچ ءَ وتی شِنگ کُرتگیں درشان ءَ گْوشتگ کہ رمس بیست ءُ ھشت (28 اگست) ءِ روچ یکشمبے،مگرب ءِ ادار ھشت ءُ بیست مِلٹ ءَ مئے سرمچاراں خضدار ءِ ھند چمروک، خلک جھلاوان ھوٹل ءِ نزّیک ءَ برجاھیں فرنٹیئر کور(ایف سی) بُنجل ءِتھی دروازگ ءَ پھازداریں ایف سی ءِ کارمندانی سر ءَ گوں دستی بمب ءَ اُرش کُرتگ، اُرش ءِ آسر ءَ ایف سی ءِ بازیں کارمندے ٹپّی بوتگ۔

جارکشّ میجر گْوھرام بلوچ ءَ دیمتِر ءَ گْوشتگ کہ دُژمِنیں پاکستانی لشکر ءَ شھری آبادیانی مْیان ءَ لشکری بُنجل ( فوجی کیمپ ) ءُ پانگِس جوڑکُرتگ کہ وت ءَ پھریزگ ءِ ناکامیں کُوشستے کنگ ءَ اِنت۔

بلوچستان لبریشن فرنٹ ءِ جارکشّ میجر گْوھرام بلوچ ءَ وتی درشان ءِ گُڈّسر ءَ گْوشتگ کہ مئے اے وڑیں اُرش زُورگِریں لشکر ءِ سر ءَ دانکہزیردستیں بلوچستان ءِ آجوئی ءَ گوں تْرندی ءَ برجاہ بَہ اَنت۔

شال ءِ اھوالی رھوتءِ نظام داں انگت سرجم ءَ بچ نہ بیتگ اَنت۔

کارمرز کنوکانی ردءَ پی ٹی سی ایل ءُ پی ٹی اے ءِ ٹاھاں ابید شال ءِ رھوتی نظام سرجم ءَ شر کنگ نہ بیتگ اَنت۔

کارمرز کنوکانی گُشگ اِنت کہ ٹیلی فون ءُ انٹرنیٹ آسراتی انگت ھم جنجالانی آماچ اَنت۔

گھبودی گلانی ردءَ ٹیلی کمیونیکیشن اوشانی سوب ءَ کمک کار ھم جنجالانی دیمپان اَنت ءُ اوشت آماچ اَنت۔

اے درگت ءَ ھار آماچیں مردمانی کمک ءَ دزگھٹیں جلیلہ حیدر ایڈوکیٹ ءَ یک موبائل نِیٹورک کمپنی ءِ دلگوش گور کنان ءَ نبشتگ کہ بلوچستان ءِ تہءَ نِیٹورک پچ کنگ بہ بنت، مئے ٹینٹ ءُ درمان سرکنوکیں مردمءَ گوں رھوت پُرشتگ۔