TBP Balochi

ساؤتھ کوریا ءُ جاپان ورلڈ کپ ءَ ڈن، برازیل چار ءُ کروشیا ءَ پیلانٹی ءَ گوازی کٹ اِتگ ءُ وت کوارٹر فائنل سرکتگ-

دوشی شپ دوحہ گتر ءِ الجنوب فٹبال پٹ ءَ جاپان ءُ کروشیا ءِ میان ءَ گوازی کنگ بوتگ کہ ھر دو ٹیم یک یک گولے ءَ دیمیگ بوتگ انت ءُ کروشیا پیلانٹی شوٹ ءَ سَے پہ یک گولے ءَ گوازی کٹ اِتگ ءُ وت ءَ کوارٹر فائینل ءَ سرکتگ –

راس ابو عبود فٹبال پٹ ءَ دوشی شپ بوتگیں دومی گوازی برازیل ءُ ساؤتھ کوریا ءِ میان ءَ بوتگ کہ برازیل ءَ چار پہ یک گولے ءَ گوازی کٹ اِتگ ءُ وت ءَ کوارٹر فائینل ءَ سر کتگ –

ساؤتھ کوریا ءُ برازیل میان بوتگیں گوازی ءَ اولی ھاپ ءَ برازیل ءَ جوانیں گوازی پیش داشتگ ءُ چار گول داتگ انت وھدیکہ ساؤتھ کوریا ءِ نیمگ ءَ ھچ گول دیگ نہ بوتگ ءُ دومی ھاپ ءِ ھپتاد ءُ ششمی ملٹ ءَ ساؤتھ کوریا ءِ نیمگ ءَ گول دئیگ بوتگ – برازیل ءِ نیمگ ءَ اولی وینی جوئیر ءَ داتگ ءُ دومی گول سینزدھمی ملٹ ءَ پیلانٹی شوٹ نیمار ءَ داتگ – گوازی ءِ بیست ءُ نھمی ملٹ لیبی ریچرلیسن سیمی گول داتگ ءُ چارمی گول لوکس ءَ سِی ءُ ششمی ملٹ ءَ داتگ – ساؤتھ کوریا ءِ نیمگ ءَ گول فیک سیئونگ ءَ داتگ –

برازیل ءُ کروشیا ءِ کوارٹر فائینل ءَ دیم پہ دیم بنت ءُ آھانی گوازی نُھ دسمبر ءَ ایجوکیشن سٹی فٹبال پٹ ءَ کنگ بیت اِنت –

بلوچستان ءِ تیاب دپی شھر گوادر ءَ امن ءُ ایمنی نگیگیں جاورانی بگیری ءَ انجمن تاجراں شھر ءَ سرجمی ءَ تھتگ بندیں ھڑتال کتگ-

دُزی ءِ گیش بؤکیں وئیلاں ءُ پوج نیمگ ءَ چہ کُمک نہ کنگ ءِ بگیری ءَ شھریاں وتی دکان بند کتگ ءُ زھرشانی بنداتگ-

انجمن تاجراں گوادر ءِ صدر غلام حسین دشتی ءَ گْوشتگ کہ پولیس دُزی ءُ ڈُنگی ءِ وئیلاں ءَ ھمگرنچیں کُتکارانی دزگیری ءَ بے سوب بیتگ، بے ایمنی ءِ بگیری ءَ سرجمیں مارکیٹ ، مالی ادارہ سرجمی ءَ بند کتگ ءُ زھرشانی کنگ ءَ اَنت-

آیانی گْوشگ اِنت کہ پولیس سرجمی ءَ بے سوب بیتگ، گوادر ءِ شھری دُزانی رھم ءُ کرم ءَ یل داتگ اَنت- گوادر سیف سٹی ءِ گپ دروگ اَنت تاجر ھمگرنچیں مردماں ھوار راج مُھر نہ اَنت ءُ انتزامیہ راج ءُ پھازگ دیگ ءَ بے سوب بیت گُڑا ھڑتال بے مدت ءَ برجاہ بیت-

روس ءِ وزارت قدرتی ءُ زری ءُ دنز ءُ مجانی ٹپاسکار ءَ گوشتگ کہ ڈیھ ءِ زرباری زر ءَ دو ھزار ءُ پنچ سد مرتگیں سیلز گندگ بیتگ اَنت-

روتاک دی گارڈیئن ءَ دمگی مردمانی درور دیان ءَ گوشتگ کہ شمبے ءِ روچ ءَ مرتگیں سیلزانی کچ ھپت سد گوشگ بیتگ اَنت-

چریشی ءَ پد وزارت دفاع ءَ اے کچ گیشتر گشتگ روس ءِ اُستان داگستان ءِ واکداراں گوشتگ کہ اے راستی نہ بیتگ کہ اے کچ ءَ اشانی مرگ ءِ سبب چی اِنت یا وتی مرگ ءَ مرتگ اَنت-

کیسپین ءِ زر آئی ءِ سیمسر آذربائیجان، ایران، قزاقستان، روس ءُ ترکمانستان ءَ ھوار بیت اِنت اشانی توک ءَ سیلز ءِ کچانی توک ءَ جتا جتائیں دگری ھست اِنت-

ماھی پروتی ایجنسی ءِ گوشگ اِنت کہ کیسپیئن سیلز ءِ انوگیں کساس دو لک ءُ ھپتاد ھزار ءَ چہ سَے لک ءِ میان ءَ اَنت بکء کیسپئج انوائرمینٹل پروٹیکشن سینٹر ءَ اے کچ ھپتاد ھزار گشتگ-

انٹر نیشنل یونین فاف کنزرویشن آف نیچر ءَ کیپسین سیلز ءِ شکار کنگ زری ھیاتانی ریڈ لیسٹ ءَ ھوار کتگ-

انوائرمینٹل پروٹیکشن سینٹر ءِ سروک زاور گوپیزوف ءَ گوشتگ کہ گمان ھمے بیت اِنت سیلز دو ھپتگانی توک ءَ مرگ ءِ آماچ بیتگ اَنت-

آئی ءَ گوشتگ تنی وھدی اے وڑیں ھچ چم دیستگیں مردم گندگ نہ بیتگ اَنت اے کشگ بیتگ اَنت یا ماھیگانی دام ءَ گپتگ ءُ مرتگ اَنت-

وفاقی فشریز ایجنسی ءِ زانتکار ءَ زرباری دمگاں پٹ ءُ پول ھم کتگ اود ءَ دیستگیں چیزانی سبب ءَ آپ ءِ لوڑدی ءَ ابید دگہ ھچ دز نہ کپتگ اَنت-

بلے تچکین سرپدیانی واستا نمونہ گپتگ ءُ لیبارٹری ٹیسٹ ءَ راہ داتگ اَنت ءُ ائی ءِ ودار ءَ کنگ ءَ ایں-

زانگ بہ بیت اشی ءَ پیش ھم کیسپیئن سیلزانی بازیں کچے ءَ مرگ ءِ ھال ھم اتکگ اَنت ءُ آ گیشتر وتی مرگی ءَ گوں ھوار گیجگ بیتگ اَنت-

قزاقستان کیسپیئن زر ءِ دراج ترین زر اِنت اود ءَ ھمے سال ءَ چوشیں سَے وئیل پیش اتکگ اَنت-

کُلّیں شھید نمیران اَنت

نبشتہ کار : جلال اھمد

دی بلوچستان پوسٹ

انگریز ءِ جنگ ءَ بِگر داں مروچی بیا ءُ بِہچار بلوچستان ءِ سرزمین ءِ سر ءَ بس بلوچ ءِ ھُون رِیچگ بُوتگ اَنت ءُ اے ھُون ریچی ءِ کسّہ ءِ تَہ ءَ مئے جِند ءِ دست مان بُوتگ ءُ انگت مان اِنت بلے دومی نیمگ ءَ بِہ چارے گُڑا پہ آجوئی ءِ ھاترا ھم مردم درکپتگ اَنت ءُ کُربانی اِش داتگ ءُ دیگ ءَ اَنت-

انگریز ءِ وھدے زُوراکی ءِ دیم ءَ بابو نُوروز ھان ءَ کہ وتی سِینگ مِک کت ءُ جنگ داتگ داں انگریز انچوش بے وس کُرت کہ گُڈّی ءَ انگریز پہ تچگ ءَ مجبور بُوت۔

بلے انگریز ءِ جنگ ءَ چہ رند پد ءَ کہ بلوچ ءِ سرڈگار ءِ سر ءَ اُرش کنگ بُوت ءُ بلوچ ءِ پدریچ ءِ سر ءَ زُوراکی ءُ لشکرکشی بُوت گُڑا بلوچ ڈگار ءِ ھکّی ئیں وارساناں اے اِیردستی ءُ گُلامی وش نہ یتک پہ اِیردستی ءِ ھلاس کنگ ءَ ءُ وتی وتواجھی ءِ دزگِرگ ءِ ھاترا تور چِست کُرت اِش ءُ جنگ دات اِش، داں شھیدی ءِ مزنیں نام اِش وتی نام ءَ کُرت ات۔

اے جنگ ءِ نیام ءَ ھما پُسّگ ھوار بُوتگ اَنت کہ آ اے زمین ءِ رُودینگیں پرزِند اَنت کہ آیان ءَ گوں وتی ماتیں گلزمین ءِ مھر ءُ وپا بُوتگ ءُ آیاں رستر ءُ جُونوارانی بَدیں کِرداں چہ بَد اَتکگ ءُ آیاں وتی لچ ءُ ننگ ءِ پھازگ ءِ درگت ءَ وتی تاسپُیں جانان ءَ ندر کُرتگ ءُ اَبدمان بُوتگ اَنت۔

ھمے وڑ ءَ بلوچ سرڈگار ءِ آجوئی ءِ ھاتر ءَ (شھید بانک کریمہ بلوچ) ءَ ھم جْوانیں کِردے پیلو کُرتگ ءُ پہ اِیردستیں راج ءِ آجوئی ءِ ھاتر ءَ لُمّہ جان ءَ ھم وتی توار داں گُڈّی ساہ ءَ چِست کُرتگ ات، مروچی بلوچ راج وتی ھما کُلّیں شھیداں یات کنت ءُ آیانی رند پداں گِیپت کہ آیاں بلوچ ءِ گُلامی کبول نہ کُرتگ ءُ پہ آجوئی ءِ راہ ءَ وتی ساہ ءُ سر اِش بکّشاتگ اَنت ءُ پہ دائمی نمیران بُوتگ اَنت۔

کُلّیں شھیدانی سر ءَ ما پھربنداں ءُ جزم اے گپ ءَ گْوشاں کہ الّم شُمئے داتگیں دیمونی رنگ کار اَنت۔

کُلّیں شھیداں سُھریں دْرؤت۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

روکپتی بلوچستان ءِ تیابدپی شھر چھبار ءَ سلاہ بندیں مردمانی تیرگواری ءَ ایرانی لشکر سرباز ءِ دس کارندہ زدگ بیتگ اَنت-

تیرگواری ءِ وئیل گوستگیں شپ ءَ پیش اتکگ کہ اود ءَ سلاہ بندیں مردماں تیرگواری کنان ءَ سرباز ءِ دس کارندہ زدگ کتگ اَنت-

زدگ بیتگیں سرباز ءِ کارندھانی پجار عارف ھوتی ء کریم بخش جھمنند زرآباد ءُ بنیامین فاضلب ءِ ناماں زانگ بیتگ اَنت-

ھردوکانی سر ءَ بلوار خمینی دفتر ءِ دیم ءَ اُرش کنگ بیتگ اَنت ھردوکانی کوپگاں تیر لگ اتگ اَنت-

ھالانی تہ ءَ گوشگ بیتگ کہ عارف ھوتی ءِ جاور ناگیگ بیتگ ءُ آ امام علی ھسپتال ءَ برگ بیتگ –

زانگ بہ بیت روکپتی بلوچستان ءَ سی ستمبر ءَ پد ایرانی کارندھانی سر ءَ اُرشانی تہ ءَ ترندی گندگ ءَ اتکگ کہ اود ءَ جتا جتائیں جاھاں ادارھانی سر ءَ اُرش بوگ ءَ اَنت بلے تنی وھدی اے اُرشانی زمہ واری یا اُرشکاریں گلانی نام دیم ءَ نیتکگ اَنت-

ھندوستان ءِ اپوزیشن پاٹی کانگریس ءِ کلانیں رھشون ھریش راوت ءَ گوشتگ کہ اے وھد چہ پاکستان ءَ کشمیر ءِ واتر پچگرگ ءِ وھد اِنت –

انڈین ٹی وی چینل این ڈی ٹی وی ءِ رد ءَ کانگریس ءِ کلانیں رھشون ھریش راوت ءَ پاکستان ءِ لشکر ءِ بنجاھی سروک جنرل عاصم منیر ءِ درشان ءِ پژدر گوشتگ ’ اے وھد ءَ پاکستان ناگیگیں جاورانی آماچ اِنت ءُ وھد ھمیش اِنت ما چہ پاکستان ءَ زیردستیں کشمیر ءَ واتر پچ بہ گریں-

کانگریس ءِ رھشون ھریش راوت ءَ گوشتگ کہ پاکستان ءِ گیر کانونی گپتگیں کشمیر ءِ آجو کنگ مئے زمہ واری اِنت ما کانگریس ءِ سرکار ءِ وھد ءَ پارلیمنٹ ءَ یک منگ نامھے پیش کتگ – نی مودی ءِ سرکار ءَ ھم اے وتی بنگپانی تہ ءَ ھوار کنگی اِنت وھد ھمیش اِنت چہ پاکستان ءَ کشمیر ءَ آجو بہ کن ایں-

پاکستان ءِ آرمی چیف جنرل عاصم منیر ءَ شمبے ءِ روچ ءَ وتی درشان ءَ گشتگ ات کہ من ءَ اے تچک کنگی اِنت پاکستان ءِ سلاہ بندیں لشکر وتی ڈیھ ءِ گام گام ءِ پھریزی ءَ کن اَنت اگاں جنگ سر ءَ پرینگ بیت گڑا آئی ءَ داں دشمن ءَ سر کنگ المی اِنت انڈیا ھچبر وتی ناشریں مول ءُ مراداں سرجم کت نہ کنت-

فوج ءِ جارکش ءِ رد ءَ شمبے ءِ روچ ءَ جنرل عاصم منیر ءَ پاکستان ءِ دستگیں کشمیر ءِ لائن آف کنٹرول ءِ تر ءُ تاب کتگ-

ایل او سی ءِ تر ءُ تاب ءِ وھد ءَ آئی ءَ گوشتگ ات کہ انڈیا ھچبر وتی ناشریں مول ءُ مراداں سرجم بیت نہ کنت- دنیا ءَ سدکی دیگی اِنت ءُ کشمیر ءِ مھلوک ءِ گون ءَ میان اسُتمان وتی زبان ءَ سرجم بہ کنت-

سیستان ءُ بلوچستان ءَ ھواریں دمگ زابل ءَ ناگتی آس کپگ ءَ کساس 20 ٹریکٹر ستکگ ءُ پُر بوتگ اَنت –

لس مھلوک ءِ گوشگ اِنت کہ اے ٹریکٹر ھما دھکانکارانی بیتگ اَنت کہ ایاں پہ دیم ءَ برگ ءِ ھاتر ءَ ایر کرتگ اَنت –

اے آس کپگ ءِ وئیل زابل ءِ دمگ ھیرمند ءَ پیش اتکگ کہ اود ءَ اوگانستان ءُ زابل ءِ سیمسراں یکجاہ کنت –

اے وئیل ءَ انتزامیہ ءِ نیمگ ءَ تنی وھدی دگہ چوشین گپ دیم ءَ نیتکگ اَنت کہ آس چون کپتگ ءُ چرے آس ءَ چنکس ٹریکٹر ستکگ اَنت بلے شنگ بیتگین تامر بنداں گندگ بیت اِنت اود ءَ برز ءَ چست اِنت ءُ ٹریکٹر سُچک ءُ آس کوشیں گاڑی آیانی آس ءِ توسگ ءَ دزبند اِنت-

امریکہ ءِ چیریں ادارھانی سروک ءَ گوشتگ کہ تاکریچیں مولم ءَ روس ءُ یوکرین ءِ میان ءَ برجاھیں میان ءَ جنگ ءِ زور کمتر بیت اِنت –

امریکہ ءِ نیوز ایجنسی ایسوی ایٹڈ پریس ءِ رد ءَ لھتے مردمانی نیمگ ءَ اے بھتام جنگ بیتگ کہ روسی سروک ولادیمیر پوتن ءِ مشیر ءَ آیانی جنگ ءِ بارو ءَ مزنیں گپ درشان دیگ نہ بیتگ اَنت ایرول ھینز ءَ بھتام ءِ بارو ءَ گپ جنان ءَ آ روسی فوج ءِ پیشگامی ءِ چیلنجز ءِ بارو ءَ گیشیں گپ نہ کتگ اَنت-

شمبے ءِ روچ ءَ کیلی فورنیا ءَ ریگن نیشنل ڈیفنس فورم ءَ تران کنان ءَ گوشتگ کہ امریکہ ءِ نیشنل انٹیلیجنس ءِ ڈائریکٹر ءِ گوشگ اَت ’ بلے راستی نیست اِنت (پوتن) ءَ سرپدی نیست اِنت روس ءَ کجام کچ ءَ چیلنجزانی دیمپانی اِنت ‘-

آئی ءَ گوشتگ کہ اگاں ایمانداری ءَ بہ گوش آں مارا جنگ ءِ نیزوری گندگ ءَ آیگ ءَ اِنت –

یکشمبے ءِ روچ ءَ برطانوی وزارت دفاع ءَ یک آزادیں روسی میڈیا ءِ ادارہ ’ میڈوزا ‘ ءِ درور دیان ءَ گوشتگ فوجی مھم ءِ درور ءَ چہ روس ءَ مھلوک ءِ پلامرزی کم گندگ ءَ آیگ ءَ اَنت-

میڈوزا ءِ سروے ءِ رد ءَ روس ءَ پنجاہ ءُ پنچ درسد ءِ کچ ءَ مردماں یوکرین ءِ پلامرزی ءِ گپ ءُ تران ءَ اِنت ءُ بیست ءُ پنچ درسد جنگ ءِ برجاہ کنگ اِنت-

گوستگیں لھتے ھپتگانی توک ءَ روسی لشکر یوکرین ءِ گچینی جاھاں نشانگ کنگ ءَ اِنت ءُ خیرسن ءَ تیرگواری کنگ ءَ اِنت ءُ یوکرینی لشکر ءَ ھشت ماہ ءَ پیسر آجو کتگ ات-

شمبے ءِ روچ ءَ یوکرین ءِ سروک ءَ روکپتی ڈیھانی سر ءَ ایراد گپتگ ءُ گوشتگ کہ روس ءِ تیل ءِ نھاد ءَ شست ڈالر فی بیرل کنگ الکاپ نہ اِنت-

آئی ءَ گوشتگ کہ اے الکاپیں پیسلھے نہ اِنت پرچاکہ ناشریں ریاست ءَ اشی ءَ چہ ھچ پرک نہ بیت اِنت-

زانگ بہ بیت شمبے ءِ روچ ءَ سروک ولادیمیر پوتن ءَ یوکرین ءِ سر ءَ میزائل اُرشانی برجاہ کنگ ءِ جار جنگ ءَ پد دنیا ءِ سیرترین ڈیھانی گل جی سیون ءُ یورپی یونین ءَ روس ءَ دراتکگیں تیل ءِ نھاد شست ڈالر فی بیرل ءَ داں کتگ ات-

فرانسیسی ھال سرکنوکیں ادارہ اے ایف پی ءِ رد ءَ جی سیون ءُ یورپی یونین ءِ نیمگ ءَ تیل ءِ نوکیں نھاد ءُ روسی ام تیل ءِ باپار ءِ سر ءَ دوشمبے ءَ باپندی ءِ چن ءُ لانچ بیتگ اَنت-

باپاری پھناتاں پابندی ءَ پد یورپی یونین ءِ آپی جھازانی سر ءَ بھر ءُ بانگ بیتگین روسی آم تیل ءِ دراتک نہ کنت چریشی ءَ چہ روس ءِ جنگی اوزاراں اربانی ڈالر ءِ کچ ءَ تاوان رس ایت اِنت-

روس ءَ شمبے ءِ روچ ءَ جی سیون ءِ پیسلہ ءَ پد وتی لیکھی درشان ءَ گشتگ کہ ھما ڈیھاں آئی ءِ پلامرزی کتگ آیانی تیل ءَ بند کن آں –

دوحہ گتر ءَ برجاھیں فیفا ورلڈ کپ ءِ دوشی شپ ءَ فرانس ءُ پولینڈ ءُ انگلینڈ ءُ سینگال ءِ میان ءَ گوازی کنگ بوتگ کہ سینگال ءُ پولینڈ ءَ وتی گوازی نہ کٹ اِتگ ءُ کوارٹر فائینل ءَ سربوگ ءَ بے سوب بوتگ انت –

دوشی شپ التمیمہ فٹبال پٹ ءَ بوتگیں اولی گوازی فرانس ءُ پولینڈ ءِ میان ءَ بوتگ کہ فرانس ءَ پولینڈ ءِ دیم ءَ سَے پہ یک گولے ءَ گوازی کٹ اِتگ ءُ وتی کوارٹر فائینل ءَ سر کُتگ –

فرانس ءُ پولینڈ ءِ میان ءَ بوتگیں گوازی ءَ اولی ھاپ ءَ فرانس ءِ نیمگ ءَ یک گولے دیگ بوتگ کہ لیبی اولوئیر داتگ وھدیکہ دومی ھاپ ءِ ھپتاد ءُ چارمی ملٹ ءَ لیبی کیلئین ءَ فرانس ءِ نیمگ ءَ دومی گول داتگ ءُ گوازی ءِ گیشیں ملٹانی تہ ءَ فرانس ءِ نیمگ ءَ سیمی گول ھم کیلئین داتگ ءُ گوازی وتی ٹیم ءِ نام ءَ کُتگ – پولینڈ ءِ نیمگ ءَ گول گوازی ءِ گیشیں ملٹانی لیونڈوسکی ءَ پیلانٹی شوٹ ءَ داتگ

البیت فٹبال پٹ ءَ دوشی شپ بوتگیں دومی گوازی انگلینڈ ءُ سینگال ءِ میان ءَ بوتگ کہ انگلینڈ ءَ سینگال ءِ دیم ءَ سَے گولاں گوازی کٹ اِتگ ءُ وت ءَ کوارٹر فائنل ءَ سر کُتگ –

انگلینڈ ءُ سینگال ءِ میان ءَ بوتگیں گوازی ءَ سینگال ءِ نیمگ ءَ ھچ گول دیگ نہ بوتگ وھدیکہ گوازی ءِ اولی ھاپ ءَ انگلینڈ ءِ نیمگ ءَ لیبی جورڈن ءَ سِی ءُ ھشتمی ملٹ اولی گول داتگ ءُ گوازی ءِ گیشی ملٹانی تہ ءَ لیبی ہیری ءَ دومی گول داتگ ءُ گوازی ءِ دومی ھاپ ءَ انگلینڈ ءِ لیبی بوکاؤ ساکا ءَ پنجاہ ءُ ھپتمی ملٹ سیمی گول داتگ ءُ گوازی وتی ٹیم ءِ نام ءَ کُتگ –

کوارٹر فائینل ءَ انگلینڈ ءُ فرانس البیت فٹبال پٹ دھ دسمبر ءَ دیم پہ دیم بنت ءُ سیمی فائنل ءِ ھاتر ءَ کوالفائی کن انت –