TBP Balochi

روکپتی بلوچستان ءِ بنجاھی شھر زاھدان “دزاپ ” دو ھپتگاں پیش دزگیر بیتگیں ورنا مروچی ما زاھدان ءَ زمانت ءِ سر ءَ یل کنگ بیتگ-

یل بیتگیں مردم ءِ پجار سِی ءُ چار سالی ئیں یوسف گورگیج ء امان اللہ جھمنند زاھدان ءِ نام ءَ زانگ بیتگ-

یوسف گوستگیں بیست ءُ ھشت جنوری ءَ ماں زاھدان ءَ آدینگ ءِ روچ ءَ نماز ءَ پد وتی برات ءِ ھمراھی ءَ آیگ ءَ بیتگ سپاہ ءَ پہ جست ءُ پرس ءِ ھاتر ءَ دزگیر کتگ ءُ پد دو ھپتگانی دارگ ءَ پد آ مروچی زمانت ءِ سر ءَ یل کنگ بیتگ-

ھالانی تہ ءَ گوشگ بیتگ کہ یوسف ءُ آئی ءِ برات ھردوک چیرین ادارھاں بے کساس لٹ ءُ کُٹ کنگ ءَ پد یوسف گپتگ ءُ برتگ-

یوسف زاھدان ءِ کوھنین گاراژ ءِ ھند ءَ نندوک اِنت ءُ آئی ءَ دل ءُ بلڈپیشر ءِ نادراھی ھم گون اِنت ءُ یوسف باپاری تکاں بندوکیں مردمانی تہ ءَ ھواریں مردمے –

بلوچستان ءِ دمگ چہ کیچ ءَ پاکستانی پوج ءِ دست ءَ ورنا ءِ آوار جنی ءِ ھلاپ ءَ کھول ءُ دمگی مردمانی نیمگ ءَ سی پیک دگ ءَ نندانکی زھرشانی ءِ سر ءَ گوستگیں شپ ءَ پولیس ءَ بیڑ برتگ-

دی بلوچستان پوسٹ ءَ سر بیتگیں تامربنداں گندگ بیت اِنت بیگواھیں زمان بلوچ ءِ یل کنگ ءِ واستا برجاھیں زھرشانی ءِ ھلاس کنگ ءَ گوشگ ءَ اَنت بلے کھول ورنا ءِ یل کنگ ءَ داں زھرشانی ءِ برجاہ دارگ ءِ لیکھ اش داشتگ-

ھمے میان ءَ نزیک ءَ ترندیں تیرگواری ءِ بندات بیت اِنت بلے ایشی ءَ ابید ھم زھرشانی کنوکاں وتی زھرشانی برجاہ داشتگ-

زانگ بہ بیت چہ گوستگیں روچ ءَ بیگواھیں زمان بلوچ ءِ نیمگ ءَ کیچ ھوشاپ ءِ ھند ءَ شھدگ بند کنگ بیتگ ءُ دگ ءِ سر ءَ روانی مھتل کتگ اَنت-

زمان بلوچ سَے روچ ءَ پیش چہ تربت ءَ پاکستانی پوج ءَ دزگیر کتگ ءُ گون وت اش برتگ چریشی ءَ پد آ دیم ءَ آرگ نہ بیتگ –

ورنا ءِ زورانسری آوارجنی ءِ درگت ءَ کھول ءَ پریس کانفرنس کنان ءَ گوشتگ کہ زمان ء سپاھان کیچ ءِ دمگ بالگتر ءِ جھمنند اِنت آ دہ فروری دوھزار ءُ بیست ءُ سَے ءَ آدینگ ءِ روچ ءَ تربت بازار ءَ آوار جنگ بیتگ پد ءَ آئی ءِ درگت ءَ ھچ ھال نیست اِنت-

کھول ءِ گوشگ ات کہ اے اولی رند نہ اِنت زمان زورانسری آوار جنی ءِ آماچ کنگ بیتگ بلکیں ایشی ءَ پیش آئی ءِ برات ماجد نُھ جون دوھزار ءُ بیست ءَ سیکورٹی ادارھاں آوار جتگ ءُ شش ماہ ءِ ترندیں لٹ ءُ کُٹ ءَ پد یل کتگ –

کھول ءِ گوشگ ات کہ سکیورٹی ادارہ یکشل ءَ مئے کھول ءَ نشانگ کنگ ءُ برگ ءَ اِنت –

کھول ءِ گوشگ ات کہ زمان ءِ زند ءِ سر ءَ مارا ترس اِنت-

اسرائیل ءَ ھزارانی کساس ءَ مھلوک ءَ سر وزیر نتین یاھو ءِ سرکار ءِ ھلاپ ءَ نزام ءِ دگری ءِ بگیری ءَ دگانی سر ءَ دراتکگ اَنت ءُ زھرشانی اش بندات کتگ-

ھال سرکنوکیں ادارہ ایسوسی ایٹڈ پریس ءِ رد ءَ زھرشانی ءَ ھواریں مردماں راجی بیرک چست کتگ ءُ آیاں “جمھوریت ءُ ںو ٹو ڈکٹیٹر شپ ” ءِ اوگام جتگ-

زانگ بہ بیت اسرائیل ءِ سرکار ءِ نیمگ ءَ آمیدگسی نزام ءِ بدلیانی شوربندیانی جار ءَ پد ڈیھ ءَ سیاسی بھر ءُ بانگی گندگ ءَ ایگ ءَ اِنت ءُ ھر نیمگ ءَ مزن مزنیں زھرشانی گندگ ءَ ایگ ءَ اَنت-

آمیدگسی نزام ءِ بدلی ءِ ھلاپ ءَ اسرائیل ءِ کاروباری مھلوک، گوستگیں پوجی کارمند ھم گپ کنگ ءَ اَنگ ایشانی ھواری ءَ امریکہ ءِ سروک جوبائیڈن ءَ ھم وتی گلگ کتگیں درشان درنگاز کتگ اَنت-

اسرائیل ءِ سروک ءَ ھم اے بدلیانی سر ءَ وتی لیکہ درشان کتگ اَنت بلے سَے شمبے بزانکہ مروچی ئیں روچ ءَ نیتن یاھو ءِ ھمسنتانی نیمگ ءَ یک اژدری کمیٹی ءِ نیاد ءِ پرمان کتگ ءُ ایشی ءِ توک ءَ بدلیانی یک سریزے ءِ منگ ءِ سر ءَ تپاک کتگ ءُ ایشی ءِ سر ءَ گوشگ بیتگ نی تچک ءَ کانونی رنگ ءَ اے جیڑہ پارلیمنٹ ءَ برگ بیت اِنت ءُ چریشی ءَ چہ ڈیھ ءَ یک دگہ سیاسی گر ءُ چِلے ءِ تہ ءَ کپگ ءِ گمان ھست اِنت-

دومی نیمگ ءَ پارلیمنٹ ءِ اپوزیشن لیڈر یائع لپیڈ ءَ پارلیمنٹ ءِ دیم ءَ بیوکیں زھرشانی ءَ تران کنان ءَ گوشتگ کہ آ مئے تواراں ایش کنگ ءَ اَنت، آ راستی ءَ مھکمی ءَ ایش کنگ ءَ اَنت، اے درستاں گوشدارگ ءُ ترسگ ءَ اَنت-

ھمے وڑ سروزیر نتین یاھو ءُ آئی ءِ لوٹوکانی اے چست ءُ ایری ءِ سر ءَ لیکہ اِنت آمیدگس ءِ گور ءَ گیشیں زور ھست اَنت ایشی ءِ کم کنگ ھماھی ءِ دست ءَ اِنت-

ھمے وڑ لس مردمانی گوشگ اِنت اے جوڈیشل ءُ ورھال ءِ سر ءَ سرکار ءِ شوربندی نزام ءِ سر ءَ زورگری ءُ اسرائیل ءِ جمھوریت ءِ پروشگ ءِ بروبری اِنت –

آیانی گوشگ اِنت سروزیر نتین یاھو وت بازین کرپشنانی دیمپان اِنت ھمے واستا آ وتی پھریزگ ءَ اے گامگیج ءَ زورگ ءَ اِنت-

نزام ءِ انساپ ءِ بدلی ءِ اے شوربندی ءِ ھلاپ ءَ سرجمیں ڈیھ ءَ مھلوک پارلیمنٹ ءِ دیم ءَ سر بیتگ اَنت تران کنوکانی گوشگ ات اے زھرشانی ءَ کساس یک لک مردماں بھر زرتگ-

دوشمبے روچ ءَ کش ءُ کراں سر بیوکیں لدھی پھندی ٹرینانی سر ءَ مھلوک یروشلم ءَ سر بیتگ اَنت ءُ شھر ءِ مستریں ریل اسٹیشن ءَ زھرشانی کنوکانی اوگاماں سر ءَ زرتگ-

ایشی ءَ ھوار ھوار سدانی کچ ءَ مھلوک ءَ یھودیانی نیمگ ءَ پاک سرپد بیوکیِ یروشلم ءِ شھر ءِ روکپتی دیوال ءِ گور ءَ دوا اش کتگ ءُ پد ءَ روانک ءَ ھوار بیتگ اَنت-

ھمے گوزوکیں ماہ ءِ ھشت فروری ءَ ایران ءِ لشکر ءِ دست ءَ دزگیر بیتگیں روکپتی بلوچستان ءِ دمگ کسر کند ءِ جھمنندیں جنک کبری ھوتی داں انگت ءَ یلو کنگ نہ بیتگ –

کبری ھوتی ھشت فروری ءَ روکپتی بلوچستان ءِ ھند ایرانشھر ءَ یک لوگے ءِ سر ءَ ایرانی لشکر ءُ چیریں ادارھانی کارندھاں آوار جتگ ءُ برتگ –

اھوالانی تہ ءَ گوشگ بیتگ کہ کنری ھوتی گوستگیں روچ ءَ روکپتی بلوچستان ءِ بنجاھی شھر زاھدان ءِ زاندان ءَ آئی ءِ کھول ءِ گون ءَ گندوک کنگ بیتگ-

زاندان واکداراں گوشتگ کہ اگاں شما وتی مردم ءَ داں آمیدگسی چار ءُ ٹپاس ءَ ڈن ءَ کنگ لوٹ ئے گڑا زمانت زیری ءَ شمارا باز چیزانی آرگ کپ ایت-

کبری ھوتی ءِ سر ءَ بھتام اِنت آئی ء چاگردی ترامجاھاں ڈیھ ءِ بگیری ءَ سیاسی چست ءُ ایراں دزمانجنی کتگ ءُ چریشی ءِ بھتام ءَ آ دزگیر کنگ بیتگ-

کبری ھوتی بیست ءُ دو سالی ئیں یک جنکے آ شھدربرجاہ ءِ نودربرے ءُ کسر کند ءِ نندوک اِنت-

سال دوھزار ءَ بیست ءُ دو ءَ روکپتی بلوچستان ءَ سیاسی ءُ چاگردی باسکاں ھوار ھوار کساس سَے سد ءُ پنچ کس دزگیر کنگ بیتگ اَنت کہ ایشانی توک ءَ گیشتری بھر چھبار ءَ پانزدہ سالی ئیں جنکو ماھو بلوچ ءِ گون ءَ پولیس آپیسر ءِ زوراکیاں پد بیوکیں زھرشانیانی وھداں دزگیر کنگ بیتگ اَنت-

بلوچی زبان ءِ مزن نامیں شائر لبزانکار ءُ لچہ کار اتا شاد ءِ سالروچ ءِ درگت ءَ ماں تُربت ءَ بلوچستان اکیڈمی ءِ نیمگ ءَ سَے روچی مراگاہ ءِ برجم دارگ بوتگ، مراگاہ ءِ مروچی اولی روچ بوتگ –

مروچیگیں مراگش ءِ اولی روچ سھب ادار دھ ءَ بندات کنگ بوتگ ءُ مراگاہ ءِ بندات لبزانک ءِ مزن نامیں نام کماش یوسف عزیز گچکی ءَ کتگ ءُ واجہ اتاء شاد ءِ بچ حمل شاد ءَ مراگش ءِ بنگیجی پیت بُراِتگ ءُ مراگش بندات کُتگ-

مروچیگیں مراگش ءَ مزن نامیں لبزانکار ءُ شائراں ھوار نودربر،سیاسی باسک ءُ ھرتک ءُ پھناتاں سیادی داروکیں مردماں بھر زرتگ ءُ چہ بازیں جاھاں شنگکار ءُ آرٹسٹ آں ھم بھر زرتگ ءُ وتی جوڈ کُتگیں اکس پیش داشتگ انت ءُ کتاب اسٹال جتگ – مراگش ءَ فضل بلوچ، وھاب شوھاز، قدیر لقمان کتابانی دیمدرائی ھم کنگ بوتگ –

مروچیگیں مراگش ءِ جارچین مقبول ناصر بوتگ ءُ بلوچستان اکیڈمی تربت ءِ سرکماش ڈاکٹر غفور شاد ءَ بنگیجی تران کُتگ -مراگش ءِ اولی بھر ءَ گنی پرواز ، عبداللہ بلوچ، مالک بلوچ ءَ دگہ مردماں گشتانک داتگ –
فضل بلوچ، وہاب بلوچ قدیر لقمان ءِ کتاب ءِ دیمدارئی ءَ پد اے آر داد ، شرپ شاد تران کتگ

اشی ءَ پد اتاء شاد ماں یاتانی بنگپ ءِ سر ءَ یوسف گچکی ، علی عیسی، ڈاکٹر فضل خالق ءُ بجار بلوچ ءَ گپ جتگ ءُ مھماندار ممتاز یوسف بوتگ – غنی پرواز ءِ کسھی ازم سرا پروفیسر ڈاکٹر عبدالصبور، اے آر داد، ڈاکٹر محسن بالاچ، شرپ شاد ءَ تران کتگ ءُ مھماندار قدیر لقمان بوتگ –

مروچیگیں مراگش ءِ گڈسر ءَ اھدی زیمری دیوان ءِ برجم دارگ بوتگ پھلوان شیر محمد ، عارف مزار سروزی ءُ پھلوان عظیم کلاھوئی ءَ شئر گوشتگ –

ھمے ماہ ءِ رمس سَے ءَ بلوچستان ءِ بنجاھی شھر شال ءَ پاکستانی پوج ءِ دست ءَ زورانسری آوار جنگ بوتگیں رشیدہ زھری ءُ آئی ءِ لوگواجہ رحیم زھری ءِ زورانسری آوار جنی ءِ بگیری ءَ سرجمیں بلوچستان ءَ زھرشانیانی درچ برجاہ انت – وھدیکہ دومی نیمگ ءَ بلوچستان ءِ وزیر داخلہ ءَ ٹاہ داتگ ءُ گوشتگ کہ رشیدہ ءُ رحیم زھری سرکاری ادارھانی گور ءَ نہ انت –

مروچی کیچ ءِ بنجاھی شھر تربت ءَ تربت یونیورسٹی ءِ نودربرانی نیمگ ءَ زھرشانی روانک ءِ کشگ بوتگ کہ.مزنیں کچے ءَ نودربراں بھر زرتگ –

درنگاز کنوکانی دست ءَ پلے کارڈ بوتگ انت ءُ آھاں رحیم زھری ءُ آئی ءِ لوگبانک ءِ یل کنگ ءِ لوٹ کتگ ءُ نارہ جتگ –

دومی نیمگ ءَ وائس فار بلوچ مسنگ پرسنز ءِ سرکماش نصراللہ بلوچ ءَ وتی شنگ کرتگیں درشان ءِ تہ ءَ گوشتگ کہ چاردہ فروری ءَ بلوچ زالبول رشیدہ زھری ءُ آئی لوگواجہ رحیم زھری ءِ زورانسری آوار جنی ءِ بگیری ءَ گل ءِ چیردستی ءَ شال ءِ پریس کلب ءِ دیم ءَ بیگاھے ادار سَے ءَ زھرشانی ءِ کنگ بیت –

آئی ءَ چہ شال ءِ درسیں مردماں لوٹ کتگ کہ آ بھر بہ زور انت ءُ بلوچ زالبول ءُ آئی ءِ لوگواجہ ءِ یل کنائینگ ءَ وتی کرد ءَ پیلو بہ کن انت –

وی بی ایم پی ءَ بلوچستان نشنل پاٹی، نشنل پاٹی، عوامی نشنل پاٹی، پشتونخواہ ملی عوامی پاٹی، نشنل ڈیموکرٹیک موومنٹ، بی ایس او پجار، بی ایس او، بلوچ یکجہتی کمیٹی، بلوچ وومن فورم، ہیومن رائٹس کمشن آف پاکستان، بلوچستان ہائی کورٹ بار، کوئٹہ بار، بلوچستان بار کونسل اور سپریم کورٹ بار کونسل ءِ رھشوناں گند ءُ نند کتگ ءُ آ زھرشانی ءَ بھر زورگ ءِ داوت داتگ انت، سیاسی پاٹی، نودربر گل ، وکیل ءُ دگہ رھشوناں باور کنائینتگ کہ آ زھرشانی ءَ بھر زور انت –

دومی نیمگ ءَ بلوچستان ءِ وزیر داخلہ ءَ ٹاہ داتگ کہ رشیدہ زھری ءُ رحیم زھری سرکاری ادارھانی گور ءَ نہ انت –

بلوچستان اسمبلی ءَ دیوان برجاہ انت، اسمبلی باسک جتا جتائیں جیڑوانی سر ءَ گپ جنگ انت –

وزیر داخلہ ءَ رحیم زھری ءِ بدل ءَ گوشتگ کہ حفیظ زھری ءُ آئی ءِ لوگبانک سرکاری ادارھانی گور ءَ نہ انت – رحیم ءُ آئی ءِ لوگبانک ءِ آوار جنی ءِ وئیل ءِ وھد ءَ.من ادا نہ بوتگاں –

آئی ءَ ٹاہ داتگ ءُ گوشتگ کہ حفیظ زھری ءُ آئی ءِ لوگبانک ءِ آوار جنی ءَ کہ ھما ادارھانی نام گرگ بوگ ءَ انت آھانی گوم ءَ ھال اھوال کتگ آھانی گور ءَ نہ انت –

لانگو ءَ گوشتگ کہ بیگواھیں مردمانی جیڑہ یک مزنیں جیڑھے سردار اختر مینگل ءِ سروکی ءَ یک کمیٹی جوڈ کنگ بوتگ ھرجاہ بیگواھیں مردمانء جیڑہ سر ءَ کوشش برجاہ انت –

بی این پی ءِ باسک ملک نصیر شاہوانی ءَ گوشتگ کہ اشی ءَ ھرکس زانت کہ رحیم ءُ آئی ءِ لوگبانک اوار جنگ بوتگ انت وزیر داخلہ ءُ چیریں ادارہ اگاں سرپد نہ انت گڈا اے کجا شت انت –

آئی ءَ گوشتگ کہ کمیٹی ءِ ما ھم بھریں بلے مردمانی اے وڈ آوار جنی ءَ جیڑہ گیشگوار نہ بنت کم چہ کم دو روچ ءَ پد رپورٹ بیت کہ رحیم زھری ءُ آئی ءِ لوگبانک کئیا چست کتگ انت من ھما اولی روچ ءَ رپورٹ لوٹ اِتگ –

زانگ بہ بیت رحیم زھری ءُ آئی ءِ لوگبانک دو زھگ ءُ مات ھمے سال ءِ سَے فروری ءَ چہ شال ءِ دمگ گیشکوری ٹاؤن ناشناس کالونی ءَ پاکستانی پوج ءَ آوار جتگ ءُ بیگواہ کتگ انت کہ پدا رند ءَ مات گوں نماسگاں یل دیگ بوتگ بلے رحیم ءُ آئی ءِ لوگبانک ھنگت بیگواہ انت آھانی درگت ءَ ھچ وڈیں ھال اھوال نیست –

وئیلے بگیری ءَ سرجمیں بلوچستان ءَ زھرشانیانی درچ ءِ بندات کنگ بوتگ وھدیکہ چاگردی ترامجاھاں زالبول ءُ آئی ءِ لوگ واجہ ءِ یل کنگے لوٹ کنگ بوگ ءَ انت –

بلوچستان ءِ دمگ کیچ ءَ پاکستانی پوج ءِ دست ءَ زورانسری آوار جنگ بوتگیں ورنا ءِ بگیری ءَ آئی ءِ کھول ءُ دمگی مردماں زھرشانی کنان ءَ بنجاھی شھدگ بند کتگ –

گیشیں ھالانی رِد ءَ گوستگیں روچاں چہ تربت ءَ پھازگی لشکر ءِ دست ءَ دوبر زورانسری آوار جنگ بوتگیں ورنا زمان بلوچ ءِ کھول ءَ کیچ ءِ دمگ ھوشاپ ءَ شال تاں تربت ءَ رؤکیں بنجاھی شھدگ ءِ سر ءَ زھرشانی کنان ءَ دگ بند کتگ –

شھدگ ءِ بند بوگ ءَ ھردو نیمگاں گاڑیانی لین لگ اِتگ ءُ بازیں مساپر ءِ پنس اِتگ –

زانگ بہ بیت زمان بلوچ دو روچ ساری چہ تربت ءَ پھازگی لشکر ءَ آوار جتگ ءُ گوں وت برتگ کہ پدا ھما انت کہ گار انت – ورنا ءِ زورانسری آوار جنی ءِ بگیری ءِ آئی ءِ کھول ءِ مردماں پریس کانفرنس کنان ءَ گوشتگ کہ زمان ء سپاھان کہ کیچ ءِ دمگ بالگتر ءِ جھمنند انت آ دھ فروری دوھزار بیست ءُ سَے ءَ آدینگ ءِ روچ ءَ چہ تربت ءِ بازار ءَ زورانسری آوار جنگ ءُ بیگواہ کنگ بوتگ دو روچ گوزگ ءَ پد ھم آئی ءِھچ وڈیں ھال اھوال نیست ـ ھمائیں کہ زمان بیگواہ انت آئی ءِ کھول ءِ زند ازاب ءِ تہ ءَ گوزگ ءَ انت ءُ آئی ءِ راہ ءَ چارگ انت –

آھانی گوشگ ات کہ اے اولی رند نہ انت کہ زمان زورانسری آوار جنگ ءُ بیگواہ کنگ بوتگ بلکنہ چدوپیش ھم زمان بلوچ ءُ آئی ءِ برات ماجد بلوچ سال دوھزار بیست ءَ نُھ جون ءَ پھازگی لشکر ءَ آوار جتگ ءُ بیگواہ کتگ انت کہ تاں شش ماہ ءَ لٹ شاپ کُتگ ءُ پدا یل داتگ انت – آھانی گوشگ ات کہ پھازگی لشکر مدامی مئے کھول ءِ سر ءَ زوراکی کنگ ءَ انت کھول ءِ مردماں نشانگ کنگ ءُ زورانسری آوار جنگ ءُ بیگواہ کنگ ءَ انت –

کھول ءِ گوشگ ات کہ زمان بلوچ ءِ زند ءِ درگت ءَ مارا تُرس انت ھمے ھاتر ءَ پھازگی ادارہ انسانی ھمدردی ءِ رِد ءَ زمان ءَ یل بہ کن انت – ما چہ برزی تبک ءُ پھازگی ادارھاں لوٹ کن ایں کہ مئے کھول ءِ سر ءَ وتی زوراکیاں بند بہ کن انت ءُ درسیں زلم زوراکیانی بگیری ءَ گامگیج زورگ بہ بیت اگاں ناں گڈا ما زھرشانی کنگ ءِ ھک ءَ داریں –