TBP Balochi

اُمرہ ءَ شُتگیں پیر مردیں بلوچے ءِ تامُر شنگ بوتگ، سئودی رسانکدراں گوستگیں لھتے روچ بیت کہ اسپت پوشاکیں پیر مردے ءِ تامر سک باز شنگ کنگ بوگ ءَ انت کہ آئی ءِ تہ ءَ گندگ بیت پیر مرد مسجد نبویﷺ ءَ ترگ ءُ زیارت ءَ دلگوش انت –

تامُر ءِ شنگ بوگ ءَ پد بازیں ارب ءِ اشی ءَ تالان کنگ انت ءُ گوشگ انت کہ آئی ریش، پاگ، لٹ ءُ چادر ءِ بڈا کنگے وڈو ڈول ھنچو سادگ انت سما کپیت کہ اے کماش چہ صحابہ آنی دور ءِ مردمے ءُ واتر اتکگ “

ارب رسانکدراں شنگ بوتگیں پیر مرد ءِ سیادی چہ بلوچستان ءَ انت ءُ آئی ءِ نام عبدالقادر مری انت ءُ آ بلوچستان ءِ باپاری شھر ھب ءِ نندوک انت –

نبشتانک :شَوربَندی

نبشتہ کار: شاھد اھمد

دی بلوچستان پوسٹ

بلوچ ءِ تہ ءَ شَوربَندی نیست آ تَننگا اِے سرپد نہ اَنت کہ شَوربندی چے یے۔اگاں ما بلوچ اے چیز ءَ سرپد بہ بَہ ایں گڑا ما سرپد بَہ اِیں کہ ما گْوست ءَ چنکیاس زند پہ بے پائدگ ءَ گْوازینتگ۔ اے گپ ءَ کس رَد کُت نہ کنت کہ ھر یک راجے بیدے شَوربندی ءَ ھچ دیمروی کُت نہ کنت۔ شَوربندی زند ءِ ھر پڑے ءَ کارمرز بیت ءُ ایشی ءِ جتا دربرجاہ بنت بلے ما بلوچ وت سر ءَ وت وتی تاکت ءَ رَد کارمرز کنگ ءَ اِیں۔

اگاں ما بچار اِیں دری راج شَوربندی ءَ پہ وتی نوکیں آوکیں پدریچ ءِ زند ءِ واست ءَ چے چے شَوربندی کنگ ءَ اَنت؟ آ چہ مارا پیشْرَپت اَنت ءُ پہ وتی زند ءِ ڑولداری ءَ براھدار کن آن ءُ رو آن اَنت آ چہ مارا انسانیت دوستی، ھک ءُ انساپ ءُ کانود ءِ بارو ءَ گیشتر سرپد اَنت پرچاکہ تیکنولوجی ءَ دیم ءَ اَنت، اِلم ءُ زانت ءَ چہ ما شرتر اَنت شَوربندی من ونتگ ءُ شمارا ھمے نبشتانک ءِ تہ ءَ کمو سرپدی ھم دیاں کہ اے زند ءِ راست کنگ ءَ چنکیاس کارمرز بیت ءُ پد ءَ شمارا شریں پائدگے ھم رست کنت۔ ” ھما بنگیجی راہ کہ ترا بارت ءُ مزن راہ ءَ سر کنت ءُ پہ منزلے ءَ رسین ایت” ما ایشی ءَ را شَوربندی ھم گْوش ایں بلے دگہ ایشی ءِ بازیں مانا ءُ بزانت ھست اَنت ئِے۔

چوناھا ما شَوربندی ءَ پہ زند ءِ یک مولے ءَ کارمرز کن اِیں ءُ اے مول ءِ آسر کنگ ءَ مارا کُمک ھم کنت تئی زند ءِ کجام مول بہ بیت بلے شَوربندی تئی مول ءِ کمک ءَ گون اِنت انچوشکہ: بلوچستان بلوچانی دیار اِنت ءُ بلوچ نوں سرپد بوتگ اَنت بلوچستان ایردست اِنت۔ ءُ اے بلوچانی زند ءِ مستریں مراد اِنت بزاں مول ءُ اد ءَ شَوربندی کارمرز بیت بلے بیدے اگل ءَ راستی سرپد نہ بیت شما سرپد اِت کہ ھر یک مردمے ءِ تہ ءَ مرادے بیت بلے آ بیدے اِلم ءَ شَوربندی ءَ کارمرز کُت نہ کنت چی ءَ کہ انوگیں وھد ءَ شَوربندی سائنسی یے جوڑ بوتگ۔

باید وَ ھمیش بہ بیت کہ بلوچ انوگیں وھد ءَ زندگ اَنت ءُ آ انوگیں سائنسی تیکنیک ءَ کارمرز بہ کن ءُ پیشْرَپت بوگ ءِ واست ءَ بلوچ ءَ وتی چمشانک ءَ ودان بہ کن چوں مہ بیت کہ ھر روچ یک رسترے مہ اِت رھشونی مہ کنت۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

دمگی اھوالکار ءَ ٹی بی پی پتر ءَ ھال سر کتگ ءُ گوشتگ کہ پاکستانی پوج ءَ مچ نادراھجاہ ءَ دو مردمانی جون آؤرتگ انت کہ آھانی جان ءَ تیرانی ٹپ پِر انت بلے تنی وھدی ھردو مردمانی پجار کنگ نہ بوتگ انت –

دمگی اھوالکار ءِ رِد ءَ ھردو مردم گوستگیں روچاں بوتگیں مچ ءُ بولان ءِ ھند ءُ دمگاں لشکر کشی ءِ میان ءَ جنگ بوتگ انت بلے تنی وھدی اے زانگ نہ بیت کہ اے مردم چونین انت –

زانگ بہ بیت دو روچ ساری پاکستانی پوج ءَ شال ءِ نادراھجاہ ءَ ھم سَے مردمی جون سرکتگ انت کہ آھانی پجار زورانسری آوار جنگ بوتگیں مردمانی نام ءَ بوتگ انت –

بلے مچ نادراھجاہ ءَ آرگ بوتگیں اے جونانی پجار ھنگت تاں نہ بوتگ –

بلوچستان ءِ تیابدپی شھر گوادر ءُ ھزدار ءَ سلاہ بندیں مردمانی تیرگواری ءَ پنجاپ ءِ جھمنندیں مردمے ءَ ھوار دو بیران –

گیشیں ھالانی رد ءَ تیباپدپی شھد گوادر ءِ ھند جیونی کوسر بازار ءَ سَھور ءِ وھد ءَ ناشناسیں پرپٹ سواریں مردماں تیرگواری کنان ءَ پنجاپ سیالکوٹ ءِ جھمنند اکبر چوھدری نامیں مردمے بیران بیتگ-

دمگی مردمانی رد ءَ اے مرد ھما وھد ءَ تیرگواری کنگ ءُ کُشگ بیتگ آ فٹبال گراؤنڈ ءَ دیم پہ وتی گِس ءَ روگ ءَ بیتگ-

دومی نیمگ ءَ ھزدار ءَ سر بیتگیں اھولانی رد ءَ زھری ءَ ناشناسیں مردماں تیرگواری کنان ءَ لیویز کارندہ نثار زرکزئی نامیں مردمے بیران بیتگ-

ھردوکیں وئیلانی بارو ءَ دگہ سرپدی نہ بیتگ اَنت-

بلوچستان ءِ بنجاھی شھر شال ءَ پاکستانی پوج ءِ آؤرتگیں ھر سَئیں جونانی پجار کنگ بوتگ اَنت کہ ھر سَئیں مردم بلوچستان ءِ جتا جتائیں ھند ءُ دمگاں پاکستانی پوج ءِ دست ءَ زورانسری آوار جنی ءَ پد بیگواہ کنگ بوتگ انت –

پاکستانی پوج ءِ دست ءَ زورانسری آوار جنی ءَ پد بیگواہ ءُ پد ءَ زندانانی تہ ءَ نمیران کنگ بوتگیں مردمانی تہ ءَ یکے ءِ پجار گلام فرید شاھوانی جھمنند مستونگ سور کاریز نام ءَ بوتگ کہ آ سال دوھزار یُ بیست ءُ دو ءِ اگست ءِ ماہ ءَ پاکستانی پوج ءَ زورانسری آوار جتگ ءُ بیگواہ کتگ – دومی ءِ پجار عظیم خان ء یار خان مری جھمنند ھرنائی نشپا کہ آ مالدارے بوتگ ءُ ھمے سال ءَ دوھزار ءُ بیست ءُ سَے ءِ بیست ءُ یک مارچ ءَ پاکستانی پوج ءَ ھما وھد ءَ زورانسری آوار جتگ ءُ بیگواہ وھدیکہ آ شال تاں ھرنائی ءَ رؤگ ءَ بوتگ –

شال ءِ نادراھجاہ ءَ سر کنگ بوتگیں سیمی جون ءِ پجار حضرت سمالانی ء محمد خان جھمنند سنجل گربوک ءِ نام ءَ بوتگ کہ آ پاکستانی پوج ءَ ھمے سال ءِ بیست ءُ سَے مارچ ءَ چہ ھرنائی ءَ زورانسری آوار جتگ ءُ بیگواہ کتگ –

پاکستانی پوج ءَ ھر سَئیں مردمانی جون دو روچ ساری بزاں چارشمبے ءِ روچ ءَ آؤرتگ ءُ نادراھجاہ ءَ سرکتگ انت – اھوالکارانی رِد ءَ ھرسَئیں مردمانی جان ءَ تیرانی ٹپ پر انت –

زانگ بہ بیت بلوچستان ءَ اے داب ءَ مردمانی جنگ ءُ دور ءُ پد ءَ آیانی سر ءَ دروگیں جنگ ءِ نام دیگ پیش ءَ ھم بیتگ اَنت ءُ پد ءَ آ مردم بندیگیں مردمانی ناماں پجار بیتگ اَنت-

دومی نیمگ ءَ بیگواھیں مردمانی کھولاں باندا عید ءِ روچ ءَ تیوگیں بلوچستان ءَ زھرشانی روانک کشگ ءِ جار پرینتگ اَنت ءُ اے درگت ءَ شال، ھزدار، تربت ءُ گوادر ءُ دگہ دگہ جاھاں روانک کشگ ءِ جار جنگ بیرگ اَنت-

سوڈان ءِ جنگ بندی ءِ دزبندی ءَ ابید ھن بنجاھی شھر خرطوم ءَ جنگ برجاہ، ءُ آدینگ ءِ روچ ءَ بازیں جاھاں بمب تراک ءُ تیرگواریانی اھوال ھم اتکگ بیتگ اَنت-

ھال سر کنوکیں ادارہ اے ایف پی ءِ رد ءَ میان اُستمان ءِ جنرل انتونیو گوتریس ءُ امریکہ ءِ سیکریٹری ھارجہ انٹونی بلنکن ءَ کسانیں عید ءِ وھد ءَ سَے روچاں جنگ بندی ءِ دزبندی کتگ،بلے اے دزبندی ءِ ڈالچار کنان ءَ متحارف ٹولیانی جنگ ءُ چوپ برجاہ-

سوڈان ءِ ڈاکٹرانی بنجاھی کمیٹی ءِ نیمگ ءَ شنگ بیتگیں درشان ءَ گوشگ بیتگ کہ ماہ رمضان ءِ گڈی شپ ءَ خرطوم ءِ بازیں جاھاں تراک بیتگ اَنت ءُ پوج ءُ پیراملٹری ایپڈ اسپورٹ فورسز (آر ایس ایف) ءِ میان ءَ جنگ برجاہ اِنت-

درشان ءَ گوشگ بیتگ شھری وتی جان ءُ ساہ ءِ پھریزگ ءَ لوگاں چہ ڈن در مہ کہ کپ اَنت لوگانی توک ءَ بہ نند اَنت ءُ بے گناھیں مردمانی رکینگ ءَ ھردوکین نیمگاں جنگ بندی ءِ دزبندی کنگ بیتگ اَنت-

امریکہ ءِ سیکریٹری ھارجہ انٹونی بلنکن ءَ آدینگ ءِ روچ ءَ ھردوکیں جنرلزاں جتا جتا رھوت کتگ ءُ گپ تران ءُ جنگ ایر جتگ ءُ عید ءِ روچ ءَ داں بیست ءُ سَے اپریل ءَ جنگ بندی ءِ دزبندی کنگ بیتگ-

سوڈان ءِ لشکر ءِ سروک عبدال فتح الرھان ءُ پیراملٹری ریپڈ اسپورٹ ءِ سروک مھمد ھمدان دقلو ءِ میان ءَ لھتے ھپتگانی برجاھیں واک ءِ جد ءُ جھد ءُ پد بنجاھی شھر خرطوم ءَ ھردوکیں لشکرانی میان ءَ جنگ مَچ اتگ-

آدینگ ءِ روچ ءَ عید ءِ وھد ءَ سوڈانی لشکر ءِ سروک عبدل فتح البرھان ءَ ٹیلی وژن ءَ تران کنان ءَ اے جیڑہ ءِ گیش ءُ گیواری ءِ بارو ءَ ھچ وڑیں گپ نہ جتگ-

آئی ءَ گوشتگ اے سال ءَ عید ءَ مئے ڈیھ ءَ ھونریچی بوگ ءَ اِنت،تباھی اِنت، ویرانی اِنت ءُ تیرانی توراں ملک دوملک کتگ ءُ وش ءُ وشدلیانی وھد برتگ اَنت ما امیت کن ایں اے چکاس ءَ گیش ما یکجاہ بیگ ءُ یک پوج ءُ یک مھلوکے جوڑ بوگ ءُ دیم ءَ جنزان کن ایں-

میان اُستمانی ادارہ جانسلامتی ءَ آدینگ ءِ روچ ءَ داں اے جنگ ءَ انگت ءَ چار سد ےُ سیزدہ مردم مرتگ اَنت ءُ سَے ھزار ءُ پنچ سد ءُ پنجاہ ءُ یک مردم زدگ بیتگ اَنت-

میان اُستمان ءِ ورگ ءُ دیوکیں ادارہ ءَ جنگ ءِ وھد ءَ وتی سَے ھمراھانی بیرانی ءَ پد دمگ ءَ در شتگ-

بلوچ راج ءِ تہ ءَ زُبان دوست؟

نبشتہ کار: ھانی بلوچ

دی بلوچستان پوسٹ

گْوش اَنت کہ زُبان ھر راج ءِ بُندری پجار اِنت، زُبان بھر ءُ بانگیں راجاں یکجاہ ءُ یکمُشت کنت پمیشکا بلوچ راج ءِ زُبانزانت واجہ ناگُمان بلوچ گْوش ایت ’داں کہ کَسے زُبان دوست مہ بیت آ راجدوست بیت نہ کنت‘-

بزانکہ ھمے زُبان اِنت کہ راج ءِ لس مھلوک ءَ نزیک کار ایت ءُ راج ءِ تہ ءَ تباکی ءُ ھمدستی یے ودی کنت۔ بے زُبان دوستی ءَ تو راجدوستے بیت نہ کن ئے ءُ بے زُبان ءَ ترا کَس پجّانیار ایت کہ تو کَے ئے؟ پمیشکا گْوش اَنت کہ زُبان زِندگیں راجانی پجّار اِنت ءُ زُبان ءِ گاری سرجمیں راج ءِ گار ءُ بیگواھی اِنت۔ بلے ما گِندگ ءَ ایں کہ بلوچ راج ءِ تہ ءَ زُبان دوستی نیست، مرچاں ماں شوشل میڈیا ءَ ھر بلوچ وانِندھے راجی زُبان براھوئی ءُ بلوچی ءَ ڈالچار کنان ءَ وتی پوسٹ ءُ نبشتانکاں ماں اردو ءُ پارسی ءَ نبیسّ ایت۔ زاناں شُما سرپد اِت پرچا؟ ما پرچا ھمے زورگریں دُژمن ءِ زُباناں ءَ وان ایں ءُ نبیسّ ایں کہ ھمے زُباناں مئے جِند ءِ راجی زُباناں تاوان داتگ داں روچ مرچیگ ءَ یکشل ءَ مئے زُبانان تاوان دیگ ءَ اَنت؟ پرچا اردو مئے سر ءَ ازاب بوتگ اَنت؟-

پرچا کہ مارا چہ در کَسانی ءَ ماں وانگجاھاں بلوچی وانینگ نہ بوگ ءَ اِنت چمیشکا راج ءِ تہ ءَ راجدوستی ءُ زُبان دوستی ودی نہ بوتگ۔ مارا ماں وانگجاھاں دُژمن ءِ وزبت، ستاشانی ءُ آئی ءِ دْروگیں کِسھاں وانینگ بوگ ءَ اَنت گُڑا ما چون زُبان دوست ءُ راجدوست بَہ ایں؟ ما چون وتی گُلامی ءُ ایردستی ءَ مار ایں؟-

گِند ئے ما وَ مجگی گُلام جوڑ بوتگ ایں۔ انی ما بچار ایں کہ بلوچ راج یک گلامیں راجے پمیشکا بلوچی ماں وانگجاھاں وانینگ نہ بیت۔ البت ما دلپروش مہ بَہ ایں، اشتاپ مہ کن ایں پرچاکہ ما دْراہ جْوان سرپد ایں کہ مرچیگیں زمانگ انٹرنٹ ءِ زمانگ اِنت۔ گُڑا باید اِنت ما مرچیگیں انٹرنٹ ءِ پیسبوکْ ءُ وٹس ایپی وانگجاھاں ھوار بَہ این ءُ وتی دزھُورکی ءَ وتی راجی زُبان ءِ وانگ ءُ راست نبیسّگ ءَ ھیل بکن ایں۔ ما اول بلوچی دَرونت ءُ زُبان دوستی نبشتانکاں وان ایں، بلوچی زُبان، گالوار، بُنرھبند(گرائمر) ءُ نبشتہ رھبند ءَ سرپد بوگ ءِ جُھد بہ کن ایں۔

چوناھا شُما وت بلوچ اِت پمیشکا اگاں شما ماں وانگجاھاں پارسی ءُ ھِندی گوں اربی سْیاھگ ءَ ونتگ گُڑا شُما بلوچی ونت کن اِت۔ گِند ئے بلوچی وانگ ءُ سرپد بوگ اِے ھم پہ ما گنج اِنت۔ گُڑا بلوچی دَرونتاں وانان ءَ مئے یک ھپتگے ءِ تہ ءَ وتی راجی زُبان ءِ راست نبیسّگ ءَ ھیل کُت کن ایں۔ گُڑا گوں شما دزبندی اِنت کہ مُدام وتی شوشل میڈیائی گپ ءُ رپی کلوہ، پوسٹ ءُ نبشتانکاں ماں بلوچی ءَ نبیسّ اِت بِل اِت رَد بہ بنت، چہ دَرونتانی وانگ ءَ ما کم کم ءَ دربر ایں ءُ مئے رَدی گار ءُ ھلاس بنت۔ گِند ئے انی مارا مُدام وتی جِند ءِ زُباناں راجدوستی، آشوبی ءُ گُلامی ءِ ھلاپ ءَ نبشتانک ءُ شائِری نبیسّگی اِنت کہ راج ءِ تہ ءَ دُژمن ءِ سر ءَ زھر ءُ نپرت بہ بیت۔ پرچا کہ جِند ءِ زُبان ءَ وانگ ءُ نبیسّگ راجانی تہ ءَ زُبان دوستی ءُ راجدوستی ودی کنت۔

سلامت بات اِت، بلوچی وت بوان اِت ءُ وٹس ایپی وانگجاھاں اڈ کنان ءَ راج ءَ ھم بلوچی بوانین اِت۔ شالا شما ھر کس راجی زُبان ءِ بلاھیں جُھدکار، نبشتہ کار ءُ شائِر جوڑ بہ بات اِت۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

سر بیتگیں اھوالانی رد ءَ روکپتی بلوچستان ءِ جتا جتائیں جاھاں مروچی عید ءِ نماز وانگ بیتگ ءُ مھلوک ءَ عید کتگ-

گیشیں ھالانی رد ءَ روکپتی بلوچستان ءِ بنجاھی شھر زاھدان، ھاش، دگہ دگہ جاھاں مھلوک ءَ نیکراھی روچ بزانکہ عید ءِ نماز ونتگ –

روکپتی بلوچستان ءَ عید ءِ نماز ءِ وھد ءَ سنی علما ءِ سروک مولانا عبدالحمید اسماعیل زئی ءَ نماز وانینتگ بیتگ ءُ نماز ءِ وھد ءَ آئی ءِ حطبعہ ءَ چہ پیش “جمعہ خونین ” ءِ درگت ءَ ھم وتی لیکہ درشان کتگ اَنت-

آئی ءَ گوشتگ کہ ’انسان ھمک رنگیں بندشان چہ آجو اِنت باید ھمک انسان ءَ آئی ءِ ھک ءُ دیان دیگ بہ بنت آ بندش ءِ ساھگ ءَ ساہ مہ کش ایت بلکین آرام ءُ پُرسکینیں رنگے ءَ ساہ بہ کش ایت‘-

ھمے رنگ ءَ روکپتی بلوچستان ءِ تیابدپی شھر چھبار ءَ عید ءِ جار ءَ پد ملا نماز ءَ نیتکگ ءُ اود ءَ مھلوک ءَ وتی دلرنجش ءُ لیکہ درشان کنان ءَ گوشتگ کہ تیوگیں بلوچستان ءَ عید اِنت بلے اد ءَ داں انگت ءَ ملا ءَ وتی کینگ داشتگ –

زانگ بہ بیت عید ءِ جار گوستگیں بامسار ءَ وھد ءَ سنی علما زاھدان ءِ نیمگ ءَ جنگ بیتگ کہ آئی ءَ مروچی عید کنگ ءِ جار جتگ بیتگ-

ایشی ءَ ھوار ھوار بندیگیں مردمانی کھولاں وتی کھولانی بارو ءَ نماز ءِ وھد ءَ ھم اکسی دروشم ءَ زھرشانی یاداشت کتگ-

زاھدان ءَ عیدگاہ ءَ نبشتگ کنگ بیتگیں بینراں گندگ بیت اِنت اود ءَ مردماں وتی مردمانی نام نبشتگ ءُ آیانی یل کنگ ءِ لوٹ ءَ کنگ ءَ اَنت-

پد ءَ ائید اَتکگ

نبشتہ کار : شازیہ بلوچ

دی بلوچستان پوسٹ

باندا اَئید اِنت، گْوش اَنت کہ اَئید یک وشیں روچے ءُ اِے روچ ءَ مردم شاتکامی کن اَنت، گَل بنت ءُ وت ءَ سمبھین اَنت۔ مرد ءُ جنین آدم نوکیں پُچ ءُ چمپل گور ءَ کن اَنت، گوں وتی سْیاد ءُ وارساں ھَک ءُ پِھلی کن اَنت۔ تر ءُ گرد کن اَنت، سھیل ءُ سواد کن اَنت۔

ھو واکی اِے روچ وَ اَنچیں رُوچے بلے اِے ائید پہ بلوچ راج ءِ واست ءَ نہ اِنت! اِے روچ پہ بلوچ ءَ یک دردناکیں روچے، ابیتکیں روچے ءُ اَرس گْوارینگ ءِ رُوچے، چیاکہ اِے روچ ءَ ھَما راج ءُ مھلوک وش ءُ وشھالی ءَ گْوازین اِیت کہ آ آزات اِنت ءُ ڈیھ ءِ وتواجہ اِنت۔

آئی ءَ رَا ھچ گَم نیست، راج ءِ گوں وتی کول ءُ مردماں گل اِنت ءُ راج ءِ ھر ٹَک ءُ تبک ءِ یکجاہ اِنت۔ بلے بلوچ راج اِے روچ ءَ ھم پہ وتی بیگوائیں برات ءُ گْوھارانی واست ءَ دگ ءُ راھانی سر ءَ کپتگ ءُ آہ ءُ زاری کنگ ءَ اَنت، پریات کنگ ءَ اَنت۔ بہ چار اگاں یک گِسے ءِ یک براتے گار بہ بیت یک گوھارے زندان ءَ کید ءُ بندیگ بہ بیت یا یک لاشے دیگ بہ بیت گڑا آ گِس ءِ مردم چوں اَئید کُت کنت؟ آ چُوں اِے روچ ءَ پہ وشی گْوزینت کنت؟-

بلے بژن اِنت کہ مئے بلوچ راج اِے وشیں روچ ءَ پہ گریوگ گْوازین اِیت، دگ ءُ راھانی سر ءَ گوں ارسیگیں چماں زھرشانی ءَ گْوازین اِیت۔ اَئید روچ ءَ ھم مئے راج زھرشانی ئیں روانک کَش اِیت، کوکار کنت ءُ ابیتک بیت۔

اَئید! پہ مارا مئیا ءُ مارا مہ گریوین ، مارا ابیتک مہ کن ءُ مئے ٹپّاں تاجگ مہ کن، چیاکہ وھدے تو اِے روچ ءَ کا ئے ترا سکیں ملوریں گْواتے گون اِنت پد ءَ ھرگور ءَ یک ابیتکی یے شِنگ ءُ تالان کنت۔

اَئید! تو زان ئے وھدے کہ تو کا ئے گُڑا مارا وتی بیگوائیں بْرات یات کا اَنت ، مارا شھید بوتگیں بْرات یات کا اَنت ءُ پد ءَ ھمے گْوھار ءُ بْرات گِندئے زِندان ءَ بندیگ اَنت ۔ اِیشانی واست ءَ من سک ابیتگ باں چی ءَ کہ باریں چُنت سال بیت اِے ھمے یکیں تھاریں کوٹی ءَ پہ گُژن بندیگ اَنت ءُ مُدام بدوائیں دُژمن ایشاں کٹ ءُ شاپ کنگ ءَ اِنت۔ ءُ پد ءَ اِے ائید ءِ روچ ءَ من نندان ءُ وت ءَ گوں وت گریو آں پِٹ ءُ لانت بات چوشیں گُلامیں زِند ءَ، گُلامی ءَ لانت بات۔

اَئید تو پہ بلوچ ءَ مَئیا!

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

بلوچ لبریشن آرمی ءِ جارکش جیئند بلوچ ءَ رسانکدراں شنگ کرتگیں درشان ءَ گوشتگ کہ مئے سرمچاراں پنجگور ءِ شھر ءَ گاڑی ءَ سواریں پاکستانی پوج ءِ کارندھانی سر ءَ دزبمبے چگل داتگ – چریشی ءَ دشمن ءِ یک کارندھے مُرتگ ءُ دو زدگ بیتگ اَنت ءُ چریشانی توک ءَ یکے سک زدگ بیتگ-

جیئند بلوچ ءَ گوشتگ بلوچ لبریشن آرمی اے اُرش ءِ زمہ واری ءَ من ایت ءُ زوگریں پوج ءِ درایگ ءَ سرجم ءَ وتی اُرشاں برجاہ کنت-