TBP Balochi

بلوچستان لبریشن فرنٹ ءِ سرمچاراں گْوستگیں بیگاہ ءَ کراچی شال شھدگ ءَ ھب شھر ءِ نزیک ءَ گجر کور ءِ پُھل ءَ گْوزگ ءَ بیتگیں چینی انجنیئرانی کاروان گوں چیرکُرتگیں شورھاں نشانگ کُرتگ کہ کاروان ءِ ھمراھی ءَ پاکستانی پوج ءِ بازیں کچے ءَ پہ پھازداری ءَ ھمراہ بیتگ۔ کاروان ءَ ھواریں ھما گاڑی نشانگ کنگ بیتگ کہ آئی ءَ چینی انجنئیر سوار بیتگ اَنت۔

دری باپاریانی ماں بلوچستان ءَ بلوچ راج ءِ نہ وشی ءُ راجی سیتانی بگیری ءَ ھر وڑیں باپار میان استمان ءُ مردمگری ءِ کانودانی بگیری اِنت۔ بلوچستان ءَ پاکستان ءِ نوآبادیاتی زورگری،لُٹ ءُ پُل ءِ برجاہ دارگ ءَ در کانودی باپاری بلوچ راج ءِ تیاب ءُ مڈیانی لُٹ ءُ پُل کنگ ءَ پاکستان ءِ گون ءَ شریدار ءُ ملٹی نیشنل شرکتانی بگیری ءَ بلوچ سرمچار داں وتی ھونانی گُڈّی تْرمپ ءَ گھگیری ءَ برجاہ دار اَنت۔

چین تچکے ءَ بلوچ راجی مڈیانی لُٹ ءُ پُل کنگ ءَ گوں پاکستان ءَ میارباری ءَ شریدار اِنت۔باپار یک وت ماں وتی کارے کہ میان استمانی کانود ءُ تچکے ترتیبے ھستے۔ بلوچ راج میان استمانی باپار ءِ بستار ءَ پجاروک اِنت۔ ما دری ڈیھاں ھوار میان استمان ءِ باپاریاں تچکے ءَ گْوش ایں کہ بلوچستان ءَ باپاری ایوک ءَ وت ماں وتی دْروشُم ءَ بیت کہ دیم ءِ مردم ءَ نہ ایوک ءَ بلوچستان ءِ آجوئیں بستار منّگ لوٹ ایت بلکیں برابری ءُ پُر اَرزیشتیں بنیادے ءَ بلوچ راجی واھگ ءُ میان استمانی کانود ءِ رِد ءَ گوں مسام بندی ءَ باپار کنگ بہ بیت گڑا پھریز۔

بلوچ لبریشن آرمی ءِ سروک بشیر زیب بلوچ ءَ وتی نوکتریں تامری درشانے ءَ میان اَستمانی تاکت ءُ ھاسکر چین ءِ دلگوش گور کنائینتگ ءُ گوشتگ چین ءُ پاکستان پنجاپیانی یک گوستانکی راج ءُ راجدپترے ءِ واھندیں بلوچ راج ءِ مال ءُ مڈیانی لٹ ءُ پُل ءَ یل بہ کن انت –

بلوچ لبریشن آرمی ءِ آفیشل چینل ھکل ءَ شنگ بوتگیں اے ھشت ملٹی تامر بندی ءِ تہ ءَ بی ایل اے ءِ سروک بشیر زیب چین، ھلیجی ڈیھ ایندگہ میان اُستمانی تاکتاں ھوار ھوار بلوچ راج ءَ دلگوش گور کنائینت ءُ تران کنگ ءَ گندگ بیت اِنت – تامر ءِ تہ ءَ گندگ بیت کہ بی ایل اے ءِ سروک پوجی پوشاک ءِ تہ ءَ انت وھدیکہ آئی ءِ ھمراھی ءَ بی ایل اے ءِ جتا جتائیں ٹولیانی باسک نوکیں سلاھاں گوں سلاہ بند انت ءُ آئی ءِ گور ءَ اشتاتگ انت ـ اے مردمانی پوشاک ءُ بیج آں چہ ھمے زانگ بیت کہ ایشانی تہ ءَ بی ایل اے مجید برگیڈ ءِ پدائیاں ھوار اسٹو اس ءُ بی ایل اے فتح اسکواڈ ءِ باسک ھوار انت –

بی ایل اے ءِ سروک بشیر زیب بلوچ وتی تامری کلوہ ءِ تہ ءَ گوش ایت کہ سیندک بہ بیت یا گوادر یا بلوچ ءِ ایندگہ مڈی آیاں پاکستان چین ءُ دگہ ڈیھانی گور ءَ لیلام کنگ ءَ انت ـ چین ءِ راج کہ وت ءَ جمھوریت لوٹوک ءُ دودمان ءُ آشوبی یے گوش ایت ءُ وتی رکینگ ءَ آئی ءَ مزنیں جنگ ھم کتگ آئی ءِ پرز انت کہ آ مکاریں پنجاپیانی ھمراھی ءَ بلوچ راج ءِ مال ءُ مڈیانی لٹ ءُ پُل ءَ بند بہ کنت، آ ھما وھد ءَ گوں بلوچ ءَ نزیکی بہ کنت وھدیکہ پنجاپی مئے زمین ءَ یل کن انت ءُ رؤ انت –

آئی ءَ گوشتگ کہ بلوچ ءِ مڈیانی واھند آ بلوچ نہ انت کہ پنجاپی ءَ وتی ایجنٹ جوڑ کتگ انت ءُ آ وزیر ءُ نمائندگ ءِ نام داتگ انت ـ اے دراہ پوج ءِ ایجنٹ انت بلوچ ءِ نمائندگ ھما انت کہ راجی آجوئی ءِ جنگ ءَ دیم ءَ برگ ءَ انت ءُ پہ بلوچ سرڈگار ءِ رکینگ ءَ مزاھمت کنگ ءَ انت –

آئی ءَ گوشتگ کہ چین ءَ ھوار ھلیج، یورپ، کنیڈا ءُ مئے ھمساھگیں ڈیھ سرپد بہ بنت کہ بلوچ وتی مال ءُ مڈیانی لٹ ءُ پُل ءَ ھچبر اوپار کرت نہ کنت ـ مئے گوں دومی راجاں ھچ وڑیں دژمنی ءِ نیست اگاں کسے ءَ بلوچ ءِ مال ءُ مڈیانی لٹ ءُ پُل کت، بلوچ ءِ چکچینی ءَ پنجاپی ءُ پاکستان ءِ ھمراھداری کت گڈا بلوچ اے نہ چاریت کہ آ چینچو مزنیں تاکتے ـ اے تاکتاں گوریلہ جنگ ءُ راجی جزبگ ءِ درگت ءَ شری ءَ سرپدی دار انت ـ بلوچ ءِ مزاھمت ءَ جزبہ سک باز بیمناک بیت ھر کسے ادا باپاری کنت آئی ءِ دراہ زوال ءَ رؤ انت –

آئی ءَ گوشتگ بلوچ یک گوستانکی راجے ءُ دومی راجاں پہ لاچاری ءَ گامگیج زور ایت –

بشیر زیب ءَ وتی تامری کلوہ ءِ تہ ءَ بلوچ راج دلگوش گور کتگ ءُ گوشتگ کہ رکینگی جنگ ءَ بلوچ ءِ مڈی ءُ پجار ءِ رؤگ ءَ انت بلوچ مرگ ءَ انت در پہ در انت، ھمک روچ درپہ دری، مرگ ءُ دلسیاھی ءَ گھتر انت آ بیا انت اے راجی جنگ ءِ بھر بہ بنت ءُ ایشی ءَ دیم ءَ بہ بر انت –

بی ایل اے ءِ سروک ءَ گوشتگ کہ بلوچ ھزارانی کچ ءَ پہ مزاھمت ءَ دیم ءَ بیا انت گوادر، ریکوڈک، سیندک دراہ رک انت، پاکستان چنکس جنت؟ مرگ ءَ ھرکس ءَ مرگی انت بلے آؤکیں پدریچ اے نہ گوش ایت کہ اے بس چارگ ءَ بوتگ انت مئے مڈی پُلگ بوتگ انت پجار گار کنگ بوتگ –

آئی ءَ گوشتگ کہ مارا وتی زمیر جست کنگی انت مروچی بلوچ ورنا پہ چیگی وتی جاناں دیگ ءَ انت آیانی ھم زند ءِ ھست، گس ءُ چک مات ھست انت پرچا درساں کربان کنگ ءَ انت اے پرچا پاکستان ءُ چین ءَ گوں جنگ کنگ ءَ انت –

آئی ءَ گوشتگ کہ پہ پرس دارگ ءُ گریوگ ءِ بدل ءَ اے جنگ ءَ ھوار بہ بہ ئے جھان ءُ چین ءِ دیم ءَ پدر بہ کن ات کہ بلوچ وتی رکینگ ءَ زانت مرگ ءُ کشگ ھم زانت –

آئی ءَ گوشتگ کہ ھنچوش دگہ جھان ءِ دگہ راجاں وتی رکینگ ءَ پدر کتگ مار ءَ ھم اے جنگ ءِ بھر بوگی انت راج دیمروئی کنگی انت –

بی ایل اے ءِ سروک ءَ گوشتگ کہ ما کوھانی تہ ءَ نشتگ ءُ وتی زند ءَ دیگ ءَ انت اے دراہ پہ راج ءِ ھاتر ءَ کنگ بوگ ءَ انت مئے وتی ھچ مول ءُ مپاد نیست انت – مارا گلامی ءِ تہ ءَ دراہ رس ات کنت بلے ازت ءُ آبرو ناں کہ ایشی ءَ مئے زمیر ءُ پگر نہ من ایت ھمے ھاتر ءَ ما جنگ ءِ راہ گچین کتگ ـ ما سرپدیں اے راہ بیمناکیں، گران ایں بلے ھوسلہ برز انت ءُ مارا باور انت کہ اے جنگ ءَ ما کٹ ایں –

بلوچستان لبریشن فرنٹ ءِ جارکش میجر گھرام ءَ وتی آفیشل ٹیلیگرام چینل ءَ شنگ کُتگیں درشانے تہءَ مشکے ءَ پاکستانی لشکریانی بیتگیں اُرش ءِ ذمہ واری زیران ءَ گُشتگ کہ مئے سرمچاراں شمبے ءِ شپ ءِ نوہ ءَ پاکستانی لشکر ءِ بُنجل ءِ سر ءَ چہ دو نیمگاں گوں راکٹ ءُ اے ون گولا آں اُرش کُرتگ۔

جارکش ءَ گُشتگ کہ بلوچستان لبریشن فرنٹ ءِ سرمچاراں شمبے دو ستمبر ءِ شپ ءِ نوہ ءَ مشکے نلی ءَ پاکستانی لشکر ءِ بُنجل ءِ دَروازگ ءِ نزیک ءَ شُتگ ءُ گوں راکٹاں اُرش کُرتگ، چہ ایشی ءَ لشکر ءِ دو کارمند جاھی مُرتگ۔ کارشونی ءِ رد ءَ سرمچارانی یک ٹولی یے ءَ چہ دومی نیمگ ءَ بنجل ءِ سر ءَ چار راکٹ ءُ اے ون ءِ گولا آس داتگ کہ بنجل ءِ تہ ءَ کپتگ اَنت، چہ ایشی ءَ زورگریں لشکر ءَ باز جانی ءُ مالی تاوان بیتگ۔

میجر گھرامءَ گُڈ سرءَ گُشتگ کہ بی ایل ایف اے اُرش ءِ زمہ واری ءَ منّ ایت ءُ مئے اُرش داں بلوچستان ءِ آجوئی ءَ برجاہ بنت۔

اگست ءِ ماہ ءَ پاکستان ءَ سلاہ بندیں اُرشانی تہ ءَ گیشی آیگ گندگ ءَ بیتگ- سرجمیں پاکستان ءَ نود ءُ نُھ وئیل رپورٹ بیتگ اَنت کہ نومبر دوھزار ءُ چاردہ ءَ پد درستیں ماھاں چہ گیش اَنت-

اے اُرشاں یک سد ءُ دوازدہ مردم کشگ ءُ ھشتاد ءُ ھپت مردم زدگ بیتگ اَنت کہ ایشانی توک ءَ درستان گیش پاکستانی پوج ءِ کارمند ھوار اَنت- جولائی ءِ ماہ ءِ دیمپانی ءِ اُرشاں ھشتاد ءُ سَے درسد گیش بیتگ اَنت، جولائی ءِ ماہ ءَ پنجاہ ءُ چار اُرش رپورٹ بیتگ اَنت-

پاکستان انسٹء ٹیوٹ فار کانفلکٹ اینڈ سیکورٹی اسٹڈیز ( پی آئی سی ایس ایس) ءِ کچ ءُ کساسانی رد ءَ اگست ءِ ماہ ءَ چار وتکش اُرش بیتگ اَنت چریشانی توک ءَ سَے ھیبر پکتونھواہ ( کے پی کے) ءِ ٹکی دمگ ءُ یک مین لینڈ کے پی ءَ بیتگ اَنت ءُ جولائی ءِ پنچ وتکش اُرش بیتگ اَنت سال ءِ تہ ءَ درستاں گیشتر بیتگ اَنت-

سرجمی ءَ پاکستان ءَ سال دوھزار ءُ بیست ءُ سَے ءَ بنداتی ھشت ماھانی تہ ءَ بیست ءُ دو وتکش اُرش بیتگ اَنت چریشانی سبب ءَ دو سد ءُ بیست ءُ ھپت مردم مرتگ انت ءُ چار سد ءُ نود ءُ ھپت مردم زدگ بیتگ اَنت-

کچ ءُ کساسانی ردانی تہ ءَ گندگ بیت اِنت کہ بلوچستان ءُ گوستگیں فاٹا اگست ءِ ماہ ءَ ناشریانی تہ ءَ درستاں گیشتر سانمند تر گندگ ءَ اتکگ اَنت-

استان ھیبر پکتونھواہ ءَ ٹکی ھندان یل کن ھم ناشری اُرش سربرزی ءَ گندگ ءَ اتکگ اَنت- کہ جولائی ءَ پانزدہ ءَ چہ اگست ءَ بیست ءُ نُھ ءَ سر بیتگ اَنت کہ ایشی ءَ ھشتاد ءُ سَے درسد گیشی بیتگ اَنت- بیرانی ءُ زدگ بوگ ءِ کساسی رد یک سد ءُ ھشتاد ءُ ھشف درسد ءُ ھپتاد ءُ سَے دراد گیشی بیتگ اَنت-

اُستان ٹی ٹی پی ءُ آئی ءَ چہ جتائیں ٹولیاں نشانگ کتگ کہ آیاں بازیں اُرشانی زمہ واری من اتگ اَنت-

اُستان سندھ ءَ ناشری اُرشاں کمے کساس گیشی گندگ ءَ اتکگ اَنت کہ جولائی ءَ سَے ءَ گیش بوتگ ءُ اگست ءَ پنچ ءَ سر بیتگ اَنت ءُ بیرانی یکے ءَ گیش بوتگ ءُ چار بیتگ اَنت-

اُستان پنجاب پرامن بیتگ ءُ اگست ءِ ماہ ءَ ھچ ناشری گندگ ءُ نیتگ اَنت- جولائی ءُ بیوکیں یکیں اُرش لاھور ءَ پوکیس اسٹیشن ءِ نزیک ءَ ترندیں تراکے بیتگ ات کہ یک مردمے زدگ بیتگ ات- کچ ءُ کسانی رنگ ءَ سرپدی بیتگ سکیورٹی پورس ناشری ءِ بنکی نشانگ ءَ بیتگ ات کہ سرجمیں بیرانیانی تہ ءَ پنجاہ درسد ءُ سرجمی ءَ زدگ بوتگینانی کساسی شست ءُ سَے درسد گیش جولائی ءِ ماہ ءَ سال دوھزار ءُ بیست ءُ سَے ءِ دیمپانی ءَ اگست ءَ داں سیکورٹی پورس ءِ بیرانیانی تہ ءَ پنجاہ درسد گیش بیتگ-

بلوچستان ءِ جاورھال:

اگست ءِ ماہ ءَ بلوچ سلاہ بندیں گلانی نیمگ ءَ ھشتاد ءُ پنچ اُرش بیتگ اَنت کہ ایشانی توک ءَ ترندتریں اُرش سیزدہ اگست ءَ گوادر ءِ گچینی جاہ ءَ چینی شھری بی ایل اے ءِ مجید بریگیڈ ءَ نشانگ کرتگ ات اَنت-

ھمے ماہ ءَ بالگتر ءَ یک آئی ای ڈی اُرشے ءُ سرکاری پلامرزی ءِ مردمانی گاڑی نشانگ کنگ بیتگ ات کہ چریشی ءَ ھپت مردم بیران بیتگ ات اَنت-

بلوچ آجوئی دوستءں گلاں بنجاھی شھر شال ءَ ھوار جتا جتائیں شھراں جتا جتائیں رنگاں تراک ءُ سلاہ بندیں اُرشاں پوج نشانگ کتگ بیتگ-

زمبابو کرکٹ ٹیم ءِ گوستگیں کپتان ءُ فاسٹ بولر ھیتھ سٹریک بازیں وھداں نادراھی ءَ پد بیران بیتگ-یکشمبے ءِ سھب ءَ آئی ءِ لوگی نادین سٹریک یک پیس بک پوسٹے ءَ وتی لوگ واجہ ءِ بیرانی ءِ ھالے راست کتگ-

زمبابو ءِ گوستگیں کپتان ءِ نادراھی ءِ ھال ھمے سال ءِ مارچ ءِ دیم ءَ اتکگ کہ آئی ءَ را جگر ءِ کینسر بوگ ءِ الاج ءَ بوگ ءَ بیتگ-

گوستگیں ماہ ءِ اگست ءِ بیست ءُ سَے رمس ءَ ھیتھ سٹریک ءِ بیرانی ءِ ھال دیم ءَ اتکگ ات چریشی ءَ پد آئی ءِ کھول ءَ اے ھال رد کتگ ات ءُ وسریں ٹاھے بیتگ-

ھیتھ سٹریک ءِ اُمر چِل ءُ نُھ بیتگ آ شانزدہ مارچ نوزدہ ءُ ھپتاد ءُ چار ءَ بولاوائیو پیداک بیتگ-

آئی ءَ دسمبر نوزدہ نود ءُ سَے ءَ پاکستان ءِ ھلاپ ءَ کراچی ءَ وتی ٹیسٹ کیریئر ڈیبیو کتگ – ھیتھ سٹریک ءَ وتی گڈی ٹیسٹ ءَ میچ سال دوھزار ءُ پنچ ءَ انڈیا ءِ ھلاپ ھرارے گوازی کتگ-

آئی ءَ شست ءُ پنچ ٹیسٹ میچز کتگ ءُ یک سد ءُ ھپت اننگز ءَ بیست ءِ اوست ءَ یک ھزار ءُ نُھ سد ءُ نود رنز اسکور کتگ چریشی ءَ یک سینچری ءُ یازدہ نسپ سینچری کتگ انت –

آئی ءَ دو سد ءُ شانزدہ کھلاڑی یے آوٹ کتگ – ھیتھ سٹریک یک روچے ءِ کرکٹ کیریئر ءِ کتگ بیتگ سال نوزدہ سد ءُ نود ءُ سَے ءَ زرباری افریقہ ءِ ھلاپ ءَ میچ کتگ ون ڈے ھیتھ سٹریک ءَ بستار بولر یک سد ءُ میچز ءَ یک سد ھشتاد اننگز ءَ دو سد ءَ سِی ءُ نُھ وتی نام ءَ کتگ – آئی ءَ ون ڈے بیست ءُ ھشت ءِ اوست ءَ دوھزار ءُ نُھ چل ءُ سَے رنز اسکور کتگ –

ٹی بی پی شونگال

زورانسری بیگواھیانی سامندیں مردمانی جھانی روچ گُوستگ بلے بلوچستان ءَ ھمے روچ ءَ ھم زورانسری بیگواھیانی برجاھیں درچ نہ اُوشتاتگ۔ بیست ءُ ھشت اگست ءَ بلوچستان ءِ بنجاھی شھر چہ شال ءَ سبی ءِ جھمنند نور خاتون ءُ آئی ءِ زھگ چہ یونائیٹڈ ھوٹل ءَ زورانسری بیگواہ کنگ بیتگ اَنت ءُ سِی اگست ءَ یک سالے پیسر چہ مستونگ ءَ بیگواھیں غلام فاروق زھری ءِ جون چہ شال ءَ دزکپتگ۔

بلوچستان ءَ زورانسری بیگواھیانی میان اُستمانی روچ زھرشانیانی تہ ءَ گوست۔ سائرہ پنچ سالاں چہ زورانسری بیگواھی ءِ آماچیں براتانی ھاتر ءَ آیانی زھگانی پجیگ ءَ واکداری ءِ بنجاہ اسلام آباد ءَ زھرشانی کنگ ءَ اِنت دانکہ بنجاہ ءِ واکانی تہ ءَ آیانی گوشاں ایشانی توار ءَ گوش داشت بہ کن اَنت۔

سمی دین، حمیدہ، فوزیہ ءُ سیما بلوچ ایندگہ بازیں زورانسری بیگواھیں مردمانی کھول ءَ گوں کراچی ءَ وتی دوستیگیں مردمانی ھاتر ءَ دزبندی کنان اَنت بلے ڈیھی ادارگ آیانی دزبندیانی گُوشدارگ ءَ ابید آیانی توار ءَ گوں تاکت ءِ زوراں ھلاس کنگ ءِ کوشست ءَ کنگ ءَ اَنت۔

شال ءَ راشد بلوچ ءِ مات ءَ انساپ ءِ درستیں دروازگ ٹُک اتگ اَنت بلے انساپ ءِ بیرکدار ھاموش اَنت۔ سعیدہ بلوچ ءِ براتانی یل کنگ ءَ ابید آیاں بیھار دئیگ بئیگ ءَ اِنت ءُ ماما کدیر زورانسری بیگواھیانی ھلاسی ءِ اوست ءَ پنچ ھزار روچاں چہ وتی زھرشانی برجاہ داشتگ ۔

جنگ زدگیں بلوچستان ءَ زورانسری بیگواھیانی ھاتر ءَ زھرشانی برجاہ اَنت بلے نی زورانسری بیگواھیں مردمانی کوش ءَ پد آیانی لاشانی دزگرگ ءِ ھاتر ءَ ھم زھرشانی ءِ کمک زیرگ کپ ایت۔ جھانی مردمی اگبالانی ادارگانی ھاموشی ءُ چہ پاکستان ءِ نیمگ ءَ بلوچستان ءِ تہ ءَ برجاھیں زورانسری بیگواھیانی سر ءَ جُست گِری نہ کنگ ءَ بلوچستان ءِ تہ ءَ ھزارانی کچ ءَ زورانسری بیگواھیانی سوب ءَ مردمی لاچاری ودی بیتگ انت۔

بلوچستان لبریشن فرنٹ ءِ جارکش میجر گوھرام بلوچ ءَ وتی شنگ کرتگیں درشان ءِ تہ ءَ گوشتگ سرمچاراں آدینگ ءِ روچ ءَ کیچ ءِ ھند مند، سورو ءَ دُژمنیں لشکر ءِ کرنل ءِ گس ءِ سر ءَ اُرش کُرتگ۔

جارکش ءَ گوشتگ یک ستمبر ءَ آدینگ ءِ شپ ءِ نوہ ءِ نزیک ءَ مند ءِ سورو ءَ برجاھیں پاکستانی لشکر ءِ کرنل ءِ گِس ءِ سر ءَ دو راکٹ ءِ گولا آس داتگ کہ گِس ءِ تہ ءَ کپتگ اَنت، چہ ایشی ءَ پَد سرمچاراں گوں نوک ءُ ٹوھیں سلاھاں لشکر ءِ بُنجل ھم نشانگ کُرتگ۔ اے اُرش ءَ پاکستانی لشکر ءَ جانی ءُ مالی تاوان بیتگ۔

آئی ءَ گوشتگ سرمچاراں نزیک ءَ شُتگ ءُ اُرش کُرتگ کہ ھندی آبادی چہ تاوان ءَ رکینگ بہ بیت،بلے سرمچارانی اُرش ءَ پد پروش وارتگیں دُژمن ءَ پہ دیم تیرگْواری کُرتگ ءُ آبادی ءِ سر ءَ ماٹر آس داتگ کہ پاکستانی لشکر ءِ آس داتگیں ماٹر ءِ یک گولایے ھندی آبادی ءَ یک گسے ءِ سر ءَ کپتگ کہ دو جنیناں ھوار سَے مردم ٹپی بیتگ۔

میجر گوھرام بلوچ ءَ گوشتگ پاکستانی لشکر ءَ بلوچ سرمچارانی اُرشانی دارگ ءِ زِکت ھست نہ کہ دیم پہ دیم بیگ ءِ توانے ھست۔ برابر ءِ توان ءِ دیم ءَ پروش ورگ ءِ سْوب ءَ دُژمن دست ءُ گوشیں مردماں اُرش ءِ نشانگ کنت ءُ مُچی سزا ءِ شوندات ءِ رد ءَ مردماں تُرسین ایت داں کہ پہ زور مردماں چہ آجوئی زْرمبشت ءِ پلہ مرزی کنگ ءَ دزکش بہ کنت۔

آئی ءَ گوشتگ بلوچ راج ءِ بےتاھیر کنوک شات مہ بنت کہ آ زورگیپتیں بلوچستان ءَ پہ ایمنی وپس اَنت۔

میجر گوھرام بلوچ ءَ گوشتگ بلوچستان لبریشن فرنٹ اے اُرش ءِ زمہ واری ءَ منّ ایت ءُ داں بلوچستان ءِ آجوئی ءَ زورگریں پاکستانی لشکر ءُ ریاست ءِ دُرسیں سیتانی سر ءَ مئے اُرش برجاہ بنت۔

ارجنٹائن ءِ نامی ئیں ازمکار ءُ ماڈل سلوینا لونا پلاسٹک سرجری کنگ ءَ پد گردگانی نادراھی ءِ آماچ بیتگ ءُ آ بازیں سالاں داں ایشی ءِ آماچ بوتگ-

بیونس آئرز ٹائمز ءِ رد ءَ آئی ءِ عُمر چِل ءُ سَے سال بیتگ ءُ آ سال دوھزار ءُ یازدہ ءَ اے نادراھی ءِ آماچ بیتگ-

سلوینا لونا ءِ وکیل فرنینڈو برلانڈو ءَ آئی ءِ مرگ ءِ راست کنن ءَ گوشتگ آ لائف سپورٹ زندگ بیتگ آئی ءِ کھول ءَ آئی ءِ سرکنگ ءِ پیسلہ کتگ –

آئی ءِ دزگوھاریں ازمکار گوستاو کونٹی ءَ انسٹاگرام ءَ نبشتگ کتگ ما ھروھد ءَ ترا گوں مھر کتگ م‍ا ھردوک یکیں راہ ءَ روان بیتگ ایں ءُ منی دل ءَ ما ھروھد ءَ یکجاھیں-

سلوینا لونا گردگاں ابید ھپت نادراھیانی آماچ بیتگ کہ چوشکہ کاسمیٹک سرجری ءِ سبب ءَ ودی بیتگ اَنت – اے سرجری بازیں سالاں پیش اینیبال لوٹوکی نامیں ڈاکٹرے ءَ کتگ بیتگ کہ اے وھد ءَ نا دلگوشتی ءِ ارزی ءِ دیمپانی کنگ اِنت-

سلوین لونا ءَ کڈنی ٹرانسپلائٹ ءِ زلوری بیتگ ءُ ھمک ھپتگ ءَ آئی ءِ سَے ڈائلسز بیتگ –

پلاسٹک سرجری ءَ پد آ ھما نادراھیانی آماچ بیتگ آ باز کم مردماں بیتگ بلے اے دابیں رانگ ءُ ڈولیں نادراھیاں گپتگیں مردم باز مرتگ اَنت غ

ھمے سال ءِ اپریل ءِ ماہ ءَ سِی ءُ چار سالی ئین ماڈل کرسٹینا ایشتن ےَ پلاسٹک سرجری ءَ پد دلترک بوگ ےَ بیران بیتگ ءُ ھمے رنگ ءَ مئی ءِ ماہ ءَ انڈین ٹی وی ءِ ایکٹریس چیتھانا راج ھم پلاسٹک سرجری ءَ پد ھارٹ اٹیک ءَ گپتگ اَت-

کیچ ءِ بنجاھی شھر تربت ءَ پولیس ءَ یک مردمے ءِ گِس ءَ بیڑ برتگ کہ اود ءَ تیرگواری ءِ آسر ءَ یک زالبولے تیرانی نشانگ بیتگ ءُ بیران بیتگ-

پولیس ءِ درشن ءِ رد ءَ پولیس ءَ تربت ءَ سلالہ بازار ءَ عبید نامیں جرمکارے ءِ دزگیر کنگ ءَ بیڑ برتگ کہ اود ءَ جرمکار ءَ پولیس ءِ سر ءَ تیرگواری بندات کتگ –

پولیس ءِ رد ءَ جرمکار ءَ تیرگواری ءَ پیسر آئی ءِ لوگ بانک ءَ مکن کتگ کہ تیرگواری مہ کن ھمے وھد ءَ آئی ءِ جند ءِ تیرے تپنگ ءَ چُٹ اتگ ءُ آئی ءِ لوگی بیران بیتگ-

دمگی ھوالانی رد ءَ پولیس ءُ لوگ ءِ واھند ءِ میان ءَ تیرگواری بیتگ کہ چریشی ءَ ھردوکیں نیمگاں تیرگواری ءِ سبب ءَ زالبول ءَ تیر لگ اتگ بیتگ-

بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ مئے سرمچاراں گوستگیں شپ ءَ شال ، ھزار گنجی ءَ زورگریں پاکستان ءِ ھمگرنچیں فورس پولیس ءِ یک گاڑی یے ھما وھد ءَ دستی بمب اُرش ءَ نشانگ کتگ وھدے آ گشت کنگ ءَ بیتگ-

جارکش ءَ گْوشتگ کہ دستی بمب تراک ءَ گاڑی ءَ سوار کارندہ ٹپی بیتگ اَنت ءُ اشانی تہ ءَ دو سک ٹپی ئیں ھوار اِنت-

جیئند بلوچ ءَ گْوشتگ کہ بلوچ لبریشن آرمی اے اُرش زمہ واری ءَ منّ اِیت- زورگریں پاکستانی پوج ءُ آئی ءِ ھمکارانی سر ءَ مئے اُرش وتی مول مراد ءَ برجاہ بنت-