TBP Balochi

گوریچانی وزیرستان ءِ دمگ سپن وام ءَ پاکستانی پوج سر ءَ یک تُرندیں اُرشے ءَ لیفٹننٹ کرنل ءُ پنچ سپاھی کشگ بیتگ اَنت وھدے کہ یک افیسرے ءَ ھوار بیست یک نزیک ءَ کارمند ٹپی بیتگ اَنت-

پاکستان پوج ءِ ھمگرنچیں ادارہ ( آئی ایس پی آر ) رِد ءَ چار ءُ پنچ اکتوبر ءِ میانی شپ ءَ کاروائی کنگ بیتگ، تُرندیں تیرگواری ءِ میان ءَ لیفٹینٹ کرنل محمد علی شوکت ءَ ھوار شش کارمند کُشگ بیتگ اَنت-

آئی ایس پی آر ءَ گوشتگ کہ بیران بیتگیں پنچ سپاھیانی تہ ءَ لانس نائیک محمد اللہ، لانس نائیک اختر زمان، لانس نائیک شاھد اللہ، لانس نائیک یوسف علی ءُ سپاھی جمیل احمد ھوار اَنت-

آئی ءِ گْوشگ اِنت کہ لیفٹیننٹ کرنل محمد علی شوکت آپریشن ءِ سروکی ءَ کنگ ءَ بیتگ-

کشگ بیتگینانی تہ ءَ چل سے سالی ئیں لیفٹیننٹ کرنل محمد علی شوکت ءِ چہ سیادی فیصل آباد ءَ اِنت- سی سالی ئیں لانس نائیک محمد اللہ ءِ سیادی چہ خیبر ءَ اِنت- سی سالی ئیں لانس نائیک اختر زمان ءِ سیادی چہ لکی مروت ءَ اِنت – بیست نُھ سالی ئیں شاھد اللہ ءِ سیادی چہ ٹانک ءَ اِنت- سی یک سالی ئیں لانس نائیک یوسف علی ءِ سیادی چہ لوئر ءُ کزئی ءَ اِنت- سپائی جمیل احمد ءِ سیادی چہ سوات ءَ اِنت-

کتاب ءِ نام:الکیمسٹ

نبشتہ کار: پاؤلو کوئیلھو

چمشانک: فائزه بلوچ

دی بلوچستان پوسٹ

الکیمسٹ 1988 ءَ شنگ بوتگیں ناول اِنت ءُ برازیل ءِ نبشتہ کار پاؤلو کوئیلھو ءَ نبشتہ کتگ۔ اے ناول اسل ءَ پرتگالی زبان ءَ چاپ بوتگ بلے رند ءَ دگہ زبانانی تہ ءَ رجانک کنگ بوتگ کہ آئی ءَ دنیا ءِ تہ ءَ نامداری زرتگ۔

ستیاگو ءِ یک ھسپانوی ءِ بچک انت کہ آئی ءِ نام سینٹیاگو انت کہ آ اینڈالوسیا ءَ وتی لوگ ءَ چہ مصر ءِ تہ ءَ سپر کنت ءُ آئی ءِ واب ءُ آئی ءِ وتی ذاتی لیجنڈ ءِ شوھاز ءِ شوھاز ءَ کنت۔ صحارا ڈسٹرٹ ءِ سرجمیں سپر ءِ تہ ءَ سانتیاگو بازیں کرداراں گوں گند ءُ نند کنت کہ آ آئی ءِ رھشونی ءَ کمک کن انت ءُ آئی ءَ را شور ءُ سلاہ دے اَنت۔ سانتیاگو ءَ گُڈسر ءَ سرپد بیت کہ آ ھما گنج ءِ شوھاز ءَ کنت کہ آ مصری پیرورامز ءَ نہ اِنت بلکیں اسپین ءِ وتی وتی ھند ءَ کنڈ نہ اِنت کہ آ پد ءَ واتر کنت ءُ چیر گنج ءَ گند اِیت۔

پشتون تھپز مومنٹ ءِ نیمگ ءَ ھیبر ءَ برجم بوھوکیں پشتون جرگہ ءِ پلامرزی ءَ دو نودربر شرینگل یونیورسٹی ءَ پولیس ءَ دزگیر کتگ انت-

پشتون تھپز مومنٹ ءِ سروک منزور پشتین ءَ چاگردی ترامجاہ ایکس ءَ نبشتگ کنان ءَ گوشتگ گوستگیں شپ ءِ نیم ءَ پولیس ءَ پشتون ھنداں بیڑ برتگ ءُ اود ءَ دو نودربر چہ شرینگل یونیورسٹی ءَ دزگیر کتگ ءُ برتگ اَنت-

ھردوکیں نودربرانی پجار مصطفیٰ خان ءُ امین یوسفزئی ءِ ناماں زانگ بیتگ اَنت-

آئی ءَ گوشتگ ایشانی توک ءَ مصطفیٰ خان شرینگل یونیورسٹی ءَ ءُ امین یوسفزئی چہ لوگ ءَ پولیس ءَ دزگیر کتگ ءُ برتگ –

ایشی ءَ پیش پشتون جرگہ ءِ پلامرزی ءَ شانزدہ نودربر ھم آوار جنگ بیتگ اَنت کہ آیانی تہ ءَ لھتے ءِ پجار ‏ایمل خان، عباس، شادمان، زاهد، واحد ودود، فیضان، اسدالله قاسمي، خیبر یوسفزئی، طارق شا، اسد خان، اصیل خان، حیدرخان، ازل خان، اتل خان، عبدالرزاق، احسان اللہ ءُ دگہ ھوار اَنت-

زانگ بہ بیت گوستگیں چیزے روچانی توک ءَ پشتون جرگہ ءِ ھلاپ ءَ پولیس ءِ کریک ڈاؤن برجاہ اَنت ءُ آیانی آنسوگیس ءُ دگہ دگہ ڈولاں شینگ ءُ شانگ کنگ ءَ تاکت کارمرد بوگ ءَ اَنت-

یازدہ اکتوبر ءَ ھیبرپکتوانوا ءِ ھند ھیبر ءَ پشتون ءِ یکجاھی ءَ پشتون جرگہ ءِ نام ءَ یک مُچی یے برجم بوگ ءَ انت کہ اود ءَ مزنیں کساسے ءَ پشتون راج یکجاہ بوگ ءُ وتی ھکانی ھاتر ءَ گھگیری کنگ ءَ اَنت-

روکپتی بلوچستان ءِ بنجاھی شھر زاھدان ءَ ناشناسیں مردماں تیرگواری کرتگ ءُ یک ورنایے کُشتگ-

کُشگ بیتگیں مردم ءِ پجار عبداللہ ناروئی ء ھمید جھمنند ھسارویے زاھدان ءِ نام ءَ زانگ بیتگ-

اھوالانی رد ءَ وئیل گوستگیں روچ ءَ پیش اتکگ کہ اود ءَ عبداللہ ءِ جیڑہ گوں یک ٹولے ءَ بیتگ کہ اود ءَ دومی ٹولی ءَ تیرگواری کتگ ءُ بیست سالیگین عبداللہ کشتگ-

زانگ بہ بیت گوستگیں سال ءَ کساس جَم کرتگیں اھوالانی رد ءَ یک سد ءُ نود ءُ دو مردم سلاہ بندیں مردمانی تیرانی آماچ کنگ بیتگ اَنت-

بلوچ اسٹوڈنٹس آرگنائزیشن ءِ راھشون شبیر بلوچ ءِ زورانسری آوار جنی ءَ ھشت سال سرجم، کمپئین برجم، یل کنگ ءِ لوٹ-

بلوچ یکجھتی کمیٹی ءِ سروک ڈاکٹر ماہ رنگ بلوچ ءَ شبیر بلوچ ءِ زورانسری آوار جنی ءِ ھشت سال سرجم بیگ ءِ سر ءَ گوشتگ کہ زورانسری آوار جنی بلوچستان سر ءَ لانت اِنت- اے تھنا اسرکپتگین نہ اَنت بلکیں ھزارانی کھول اَنت آیانی زندمان تباہ بیتگ اَنت-

آئی ءَ گْوشتگ کہ شبیر بلوچ، یک نودربرے، ھشت سال ءَ ساری زورانسری بیگواہ کنگ بیتگ ءُ آئی جاگہ دنیگتا زانگ نہ بیتگ- آئی ءِ گھار سیما آئی ءِ یل کنائینگ ھاتر ءَ بے کساس جُھد کنگ ءَ اِنت، وتی دو چک، میراس ءُ شاری ءَ دگانی سر ءَ رودینگ ءَ اِنت-

آئی ءَ گْوشتگ کہ شبیر ءِ لوگ بانُک زرینہ دلجمی ءِ درداں گوں زندگ اِنت، ناں جنوزام ناں لوگ بانُک، اشی ءَ چہ گیش دردناکیں گپ اش اِنت کہ اشی ءَ آئی ءِ آوار جنی ءِ گواھی کتگ ءُ اشی ءِ سسّا سک اسرمند اِنت- یکرندے، اشی ءَ من آں گوشتگ ” من مدام اے روچ ءَ لانت دیاں وھدے آیاں شبیر منی دیم ءَ چہ برتگ- بژن اِنت کہ آیاں من آں ھم بہ برت ایں گوں گُڑا من اے وڑیں ودار ءِ دیمپانی نہ بیتگ اَنت – اے جاور ھزرارانی بلوچ کھولانی بے تواری دردناک اِنت-

وائس فار بلوچ مسنگ پرسنز ءِ جنرل سیکرٹری سمی دین بلوچ ءَ گْوشتگ کہ شبیر بلوچ ءِ زورانسری آوار جنی ءَ ھشت سال گوستگ ھشت سالاں شبیر بلوچ ءِ گھار سیما لوگ بانُک زرینہ ءُ مات اسلام آباد کراچی شال ءَ بیتگیں زھرشانی ءَ شبیر بلوچ ءِ یل کنائینگ لوٹ کتگ بلے آیانی درد ءُ گماں ھلاس کنگ جاگہ پرایمنیں زھرشانی کنوکانی سر ءَ بے کساس لَٹ کُٹ ءُ دزگیر کتگ اَنت-

آئی ءَ گوشتگ کہ ھشت سالانی درد رنج شبیر بلوچ ءِ کھول ءِ چھرگ ایرمتگی ءَ گندگ کاینت اے گم رنج رمیز جوڑ بنت تہ ءَ زورانسری آوار جنی ءِ نشانگ بیتگیں مردمانی کھول ءَ ھمکروچ ورگ ءَ اَنت بلے پد ءَ ھم آ وتی دوستناکانی یل کنائینگ ھاتر ءَ آ پرایمنیں راہ درچتگ اے ریاست ءَ چہ آیانی ھرچ مٹ بیتگیں ھکمراناں چہ وتی دوستناکانی یل کنگ ءِ لوٹ ءَ کنگ ءُ آیگ اَنت-

شبیر بلوچ گھار سیما بلوچ ءَ گْوشتگ کہ برات شبیر چار اکتوبر دوہزار شانزدہ ءَ منی نشار زرینہ ءِ دیم ءَ آوار جنی ءِ نشانگ کتگ- مروچی ھشت سالاں پد ھم مئے تہ ءَ ھچ کس بے تواری ءَ نہ نند اِیت – من جنگ کن آں دانکہ وتی گُڈی ساہ ءَ جنگ کن آں، شبیر ءِ واتری ءَ تاں جنگ کن آں-

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں تربت ءَ برجاھیں پاکستانی پوج ءِ بنجل ءِ سر ءَ چہ دو نیمگ ءَ اُرش کُرتگ، یک نیمگے راکٹ لانچر (آر پی جی) ءُ دومی نیمگ ءَ گرینیڈ لانچر جتگ۔راکٹ گولا بنجل ءِ تہ ءَ کپتگ اَنت کہ چہ ایشی ءَ دژمن ءَ بازیں کچے ءَ جانی ءُ مالی تاوان بیتگ۔

جارکش ءَ گْوشتگ اے کارروائی بی ایل ایپ ءِ سرمچاراں 4 اکتوبر ءَ آدینگ ءِ روچ ءِ دو ءُ پانزہ ءَ کُرتگ۔

آئی ءَ گوشتگ کہ گل ءِ چیرجنگی رِپکاں ھر پِڑ ءَ دژمن تاوان داتگ،پمشکا دژمن سَسّائی تُرس ءِ آماچ اِنت۔ ھمے تُرس ءِ چیرپوجی کارمند چہ سرمچارانی اُرشاں پد مردمانی سر ءَ تیرگْواری کن اَنت۔

جارکش ءَ گْوشتگ مرچیگیں اے اُرش ءَ پد ھم دژمن ءَ باز تیرگْواری کُرتگ بلے سرمچار پہ دْراھی وتی مھکمیں ڈواراں سر بیتگ اَنت۔

جارکش میجر گْوھرام ءَ گْوشتگ بلوچستان لبریشن فرنٹ اے اُرش ءِ زمہ واری ءَ منّ ایت ءُ اے کاروائیاں داں ھما وھد ءَ برجاہ دارگ ءِ کول ءَ کن ایں داں پوج سرجم ءَ چہ بلوچ سرڈگار ءَ در نہ ایت۔

ھُزدار ءِ تھسیل چہ زھری ءَ یک ماھے ءَ ساری زورانسری بیگواھیں مردمے آجو بیتگ وتی لوگ ءَ سر بیتگ-

گیشیں ھالانی رِد ءَ سی یک اگست دوھزار بیست چار ءَ چہ زھری بلبل لیویز چوکی ءَ لیویز کارمند غلام یاسین ء ماسٹر عبدالغنی ٹک موسیانی جھمنند بلبل زھری بیگواہ کنگ بیتگ اَت ءُ مروچی چہ ھُزدار ءَ آجو بیتگ ءُ وتی لوگ ءَ سر بیتگ-

کھول گوشگ رِد ءَ بیگواھیں لیویز کارمند غلام یاسین موسیانی یل بیگ گپ راست کتگ-

ھمے وڑ چہ پنجگور ءَ ھال اِنت دمگی انتزامیہ ءُ زورانسری بیگواھیں صابر نور کھول میان ءَ گپ دیوان گوستگیں شپ ءَ کمشنر مکران آ دلجمی داتگ کہ صابر نور ءُ عابد نور بیست چار کلاکانی میان ءَ یل کنگ بیتگ-

انتزامیہ دلجمی دیگ سر ءَ زھرشانی مھتل کتگ گاڑیانی روگ آیگ واستا پچ کتگ- بلے انگت ھچ وڑیں گامگیج زیرگ نہ بیتگ-

زھرشانی کنوکاں کمشنر مکران ءِ کارگس ءِ دیم ءَ زھرشانی نندانک داتگ ءُ وتی دوستیں مردمانی جان سلامتی ءِ لوٹ کرتگ ۔

دلجان بلوچ ءِ یل کنگ ءَ چہ آواران ءَ پہ زور بیگواہ کنگ بیتگ، مرچی آواران ءِ شھر ءَ چہ آئی ءِ کھول ءِ مردمانی نیمگ ءَ زھرشانی ءِ مچی یے برجم دارگ بیتگ۔

مچی ءِ تہ ءَ مزنیں کساسے ءَ مردین، زالبول ءُ زھگاں بھر زرتگ۔

زھرشانی کنوکاں ڈپٹی کمشنر ءِ کارگس ءِ دیم ءَ زھرشانی نندانک داتگ ءُ دلجان بلوچ ء اللہ بکش ءِ سلامتی ءِ لوٹ کتگ کہ اے سال ءَ 12 جون ءَ پاکستانی لشکر ءَ چہ آواران تیرتیج ءَ دزگیر کتگ۔

اے تک ءِ سر ءَ دمگ ءِ نندوکیں مردمانی ھمراھی ءَ زھرشانی نندانک ءَ دگہ بیگواھیں مردمانی کھول ءَ ھم بھر زرتگ ءُ آواران ھوار چہ بلوچستان ءَ پہ زور بیگواھیں مردمانی یل کنگ ءِ لوٹ کتگ-

اے تک ءِ سر ءَ بیگواھیں دلجان بلوچ ءِ کھول ءِ مردماں گْوشتگ کہ بلوچستان ءِ دمگ آواران بربریت ءِ درور اِنت، اِد ءَ پہ زور بیگواھیں روچ پہ روچ گیش بوگ ءَ اِنت۔ ھمے رنگ ءَ 12 جون 2024 ءَ پاکستانی لشکر ءِ ھپت گاڑیانی سر ءَ ھواریں لشکر ءَ تیرتیج ءَ مئے لوگ ءِ سر ءَ اُرش کُتگ ءُ مئے مھروانیں دلجان مئے چمّانی دیم ءَ برتگ ءُ آئی ءِ بارو ءَ ھچ سرپدی نیست کہ آ کجام جاور ءَ اِنت۔

آئی ءَ گوشتگ کہ ما چہ دمگدار ءُ مزنیں اگدہ داراں گوں دزبندی کن ایں کہ دلجان ءِ وش ءُ سلامتی ءِ واستا وتی انسانی کرد ءَ پیلو بہ کن انت، اگاں دلجان سلامتی ءَ یل نہ بوت گڑا ما وتی زھرشانی ءَ را گیش کن ایں-

ماہ رنگ بلوچ ءَ لوٹ کتگ کہ ریاستی ادارہ پشتونانی ھلاپ ءَ تاکت ءِ زور ءَ بند بہ کنت اِنت-

بلوچ باسک ءُ بلوچ یکجھتی کمیٹی ءِ آرگنائزر ماہ رنگ بلوچ ءَ چاگردی ترامجاہ ایکس ءَ وتی درشانے ءَ گوشتگ من پشتون راجی جرگہ ءِ دارگ ءِ جھد ءُ پشتون تھپز مومنٹ ءِ ھلاپ ءَ لشکر ءِ نیمگ ءَ تاکت ءُ لٹ ءُ کُٹ ءِ کارمرد کنگ ءَ ترندی ءَ ایر جن ایں-

آئی ءَ گوشتگ سیاسی باسکانی سر ءَ لٹ ءُ کٹ ءُ منزور پشتین ءِ سر ءَ اُرش پشتون مھلوک ءِ توار بے توار کنگ ءِ جھد اِنت، پشتون سیاسی باسکانی ھلاپ ءَ تاکت ءِ زور بند کنگ بہ بنت اِنت-

ماہ رنگ بلوچ ءَ انسانی ھکانی گلاں گوں دزبندی کتگ کہ سیاسی باسکانی ھلاپ ءَ ریاستی لٹ شاپی ءِ تاکت ءِ کامرد ءَ گامگیج ءَ بہ زیر ایت-