TBP Balochi

روکپتی بلوچستان ءِ دمگ بیرجند ءَ مروچی یک شمبے ءِ سھب ءَ بیرجند بندیگ جاہ ءَ ￴بندیگیں ￵بلوچے ￵کہ نشئہ باپاری ءِ بھتام ءَِدزگیر کنگ بیتگ ءُ پاھو دیگ بیتگ۔

پاھو دیگ بیتگیں مردم ءِ ￵پجار”اسماعیل ء عطامھمد کہ زاھدان جھمنند اِنت۔

اھولانی رد ءَ ￴آ سَے سال پیسر ءَ ￴بیرجند ءَ ￴شَست کِلو تریاک ءِ ￵بَرَگ ءِ بھتام ءَ ￴دزگیر کنگ بیتگ کہ ھمے شھر ءِ ￵ایرانی انکلابی آمیدگس ￵ءَ آئی ءِ ￵سَر ءَ پاھو ءِ ￵سزا داتگ اَت کہ مروچی آئی ءِ ￵ھُکم پیلو کنگ بیتگ۔

روکپتی بلوچستان ءَ مردمانی پاھو دیگانی درچ یکشل ءَ برجاہ اَنت کہ گوستگیں لھتے ماھانی توک ءَ پاھو دیگانی توک ءَ گیشی گندگ اتکگ-

ستمبر ءِ ماہ ءَ کساس دَہ گیش مردم پاھو دیگ بیتگ اَنت ءُ گوستگیں دو ماھانی توک ءَ کساس پانزدہ مردم پاھو دیگ بیتگ اَنت کہ آیانی سر ءَ جتا جتائیں بھتام بیتگ اَنت-

بلوچستان ءِ دو جتاجتائیں دمگ کیچ ءُ سبی ءَ سے مردم وھدے کہ کراچی ءَ یک مردمے پاکستانی پوج ءِ دست ءَ بیگواہ کنگ بیتگ اَنت-

گیشیں ھالانی رِد ءَ چہ بلوچستان ءِ دمگ کیچ ءَ دزکپتگیں ھالانی رِد ءَ زی سھب ءَ پاکستانی پوج ءَ چہ تربت کرکی ءَ بخشل نامیں ڈرائیورے دزگیر کتگ ناشناسیں جاھے ءَ برتگ-

وئیل ءِ ھلاپ ءَ زورانسری آوار جنی نشانگ کنگ بیتگیں مردم ءِ کھول ءَ کرکی ھند سر ءَ زھرشانی کنان ءَ سی پیک دگ بند کتگ زھرشانی ءِ سبب ءَ سی پیک شھدگ سر ءَ گاڑیانی دراجیں لین لگ اِتگ-

زھرشانی کنوکاں لوٹ کتگ کہ تربت انتزامیہ پاکستانی پوج ءِ دست ءَ بخشل زوت یل بہ کن اِت اگاں ناں ما وتی زھرشانی ئیں نندانک ءَ سی پیک دگ سر ءَ برجاہ دار ایں-

ھمے وڑ کیچ ءِ دمگ چہ کیکن ءَ ھال اِنت ھژدہ اکتوبر ءَ لوگ ءَ روگ وھد ءَ بیبگر ء عطاء محمد نامیں مردمے پاکستانی پوج ءَ آوار جتگ ءُ بیگواہ کتگ کہ چریشی ءَ پد آ بیگواہ اِنت-

ھمے وڑ چہ سبی ءَ پاکستانی پوج ءُ جاور ء دلاور آوار جتگ ءُ بیگواہ کتگ چریشی ءَ پد اشی ءِ درگت ءَ ھچ وڑیں ھال نیست-

دومی نیمگ ءَ چہ کراچی ءِ بلوچانی گیشتریں دمگ ءَ پاکستانی پوج ءَ گوستگیں شپ سے ءَ بیڑبرتگ یک مردمے آوار جتگ-

گیشیں ھالانی رِد ءَ کراچی ءِ دمگ چہ لیاری کلری سرگوات ھند سر ءَ گوستگیں شپ ءِ ساھت سے ءَ پاکستانی پوج ءَ بیڑبرتگ یک مردمے آوار جنگ ءَ پد بیگواہ کتگ-

بیگواہ کنگ بیتگیں مردم ءِ پجّار محبت ء اشرف نام ءَ چہ بیتگ-

زانگ بہ بیت اے مرد اشی ءَ ساری ھم ھژدہ فروری دوھزار بیست یک ءَ زورانسری آوار جنی ءِ نشانگ کنگ بیتگ اَت بازیں مدتے ءَ بیگواھی ءَ پد یل کنگ بیتگ ءُ یکرندے پد ءَ بیگواہ کنگ بیتگ-

نبشتانک: گنوک

نبشتہ کار: امجد رحیم

دی بلوچستان پوسٹ

پہ نبشتہ کنگ ءَ ￴چہ ابید دگہ ھچ پشت نہ کَپتگ ￴۔ من چے بگش آں ءُ ￶من چے نبشتہ بہ کن آں ￴منی کرّا گال نیست من درشان بہ کن آں۔ مھر گار نہ بیت بلے دوست مئے￷ مھراہ نہ بوت انت۔

مروچی من ءَ ￴کَنُوگ گُش آں پرچا کہ آ من ءَ ￴نہ پھم اَنت بلکیں یکے من ءَ ￴پھمِت کنت۔ دوست مہ بیت بلے دل ءَ ￴بہ بیت اے وڑ بوت کنت ھچبر بوت کُرت نہ کنت۔ سلامت بات ئے ھر کجائے ￷وش ءُ ￶آباد بات ئے ￵ارواہ تئی بچکندگ ￵پہ ھزاراں گُش ایت اِیں۔ترا گُش آں چیا کہ تئی دل گوں دگہ شوکیں بچکندگاں گوں ھَوار بوھگ ءَ ئیں اپسوس بس ھمیش اِنت تو ھال نہ کُت من ءَ ￴۔

مھر ءِ ￵گُڈّی گنوک آں پہ تو پمیشکا اے نبشتہ کُتگ منی ارواہ۔ مھروان تئی ھمراہ ھر کس اِنت گوں تو ھَوار اِنت بس زندگی ءَ ھما اِنت مرگ ھما اِنت گوں تو ھَوار اِنت۔ من زان اَں ترا پہ من جیڑگ ءُ ￶پکر نیست اِنت بلے من ءَ تو اِنچو مایوس کُتگ پہ تو بہ جیڑ اَں ارواہ! من زانت تئی بہ پرواھی ءَ ￴چیزیے بیت بلے منی ھال ھچ نہ اَت کہ تئی ھاموشی پہ من گران کپیت اِنت۔ھنچیں زندگی مئے￷ ھمے وڑا روان اِنت نہ زانت وشی ءُ ￶گم چی اَنت؟

وھد رو ءَ اِنت ھمے وڑا بس مارا تئی کمی بیت اِنت واھِشت باز ھست اَت ￵ پورا کنگ کسمت ءِ ￵کار اَت بلے آ اُمیت گار بوت اَنت بوت کنت تئی مجبوری بوتگ۔ ارواھیں دل ءِ ￵بند تئی مھر گوں من ءَ ￴ھست اَنت مُدام وشّ بات ئے ￵وتی زندگی ءَ ￴گوں۔

تئی بچکندگ چون ماہ ءِ ￵وڑا ڈوَلدار اَنت ترا من چے بگش اَں بلے تو واھَگ ءِ ￵ بوتگ ئے￷ پہ من ءَ ￴۔ ارواہ من پہ تو کُلاہ روان داتَگ بارین تی کرّا سر بوت اَنت نا ھنچو بزان کہ مئے گون ءَ ھمراہ داری نہ کُت۔ تئی وشّی لوٹ آں تو مُدام سلامت بوبو مارا ھچ گم نہ اِنت تئی ھستی باز اَنت۔

تئی شوکیں کندگ من ءَ گیر کاینت وھدئے تئی ترانگ ءَ ￴کپ اَں گُڑا من زیروک جن آں تئی مُدام نام ءَ ￴گراں بلے تئی مھر ءُ ￶ھاجت یل داتگ آں تئی وڑیں من یل داتگ اَں برو من نوں شرتو گلّہ ھچبر نہ کن آں تو برو گوں وتی شوکیں منزل ءَ ￴آسر بہ کن۔منی گنج ءِ ￵ھدا وند اِنت من پہ اپسوس ءَ ￴ھچ کُت نہ کن آں سلامت بات ئے ￵ھُش بات ئے اِمروز گَل ءُ ￶شاداب بات ئے￵چمروک۔

بلوچ اسٹوڈنٹس کونسل اسلام آباد ءِ چیردستی ءَ سیمی سال ءِ لبزانکی مراگش آسر بیتگ ءُ اود ءَ بازیں کچے ءَ نودربراں بھر زرتگ-

بی ایس سی ءِ نیمگ ءَ شنگ بیتگیں درشان ءَ گوشگ بیتگ کہ سیمی سال ءِ لبزانکی مراگش سوبمندی ءَ گوں برجم داشتگ ءُ اے مراگش ءَ بی ایس سی باسک ءُ بلوچستان ءَ اتکگیں مھماناں بھر زرتگ-

بی ایس سی ءَ گوشتگ بلوچ اسٹوڈنٹس کونسل ءِ مراگش ءِ گچینی مھمان بلوچ نودربر رھشون ڈاکٹر صبیحہ بلوچ ءُ بلوچ اھوالکار جاوید بلوچ بیتگ اَنت –

بی ایس سی ءِ نیمگ ءَ شنگ بیتگیں درشان ءَ گوشگ بیتگ کہ اَچ بلوچستان ءَ اتکگیں مھمان ءُ باسکاں بلوچستان ءِ سیاست ءِ ترندیں مَٹی ءُ ھمے جاورھالانی تہ ءَ ورنا ءُ گچینی ڈائسپورا بزاں اسلام آباد ءُ پنجاب ءِ نودربرانی کرد ءِ سر ءَ وتی وتی لیکہ درشان کتگ اَنت-

آئی ءَ گوشتگ ایشی ءَ ابید بلوچستان ءِ جیڑہ جتا جتائیں سگمنٹانی دروشم ءَ پیش کتگ اَنت ءُ ورناں چہ وانگ ءُ زانگ ءُ دود ءُ ربیدگ ءِ آشنا کنگ ءِ واستا کتاب میڑہ ءُ دود ءُ ربیدگی میڑہ برجم داشتگ اَنت-

اکس

زاھدان ءَ مرد ءَ وتی لوگبانک لٹ ءُ کٹ کتگ ءُ کُشتگ-

گیشیں اھوالانی رد ءَ روکپتی بلوچستان ءِ بنجاھی شھر زاھدان ءَ مرد ءَ وتی لوگبانک لٹ ءُ کٹ کتگ ءُ چریشی ءَ پد آ نادراہ جاہ ءَ برتگ ءُ اود ءَ آئی ءَ وتی ساہ داتگ اَنت-

بیران بیتگیں زالبول ءِ پجار آئشہ ء عبدالکریم ءِ نام ءَ زانگ بیتگ ءُ آ ھاش جھمنند گوشگ بیتگ-

اھوالانی رد ءَ وئیل لوگی جیڑہ ءِ سبب ءَ پیش اتکگ کہ وت ماں وت گپ ءُ ٹالانی سبب ءَ مرد ءَ وتی لوگبانک لٹ ءُ کٹ کتگ ءُ چریشی ءَ چہ آ بیران بیتگ-

ھمے ڈول ءَ ایرانشھر ءَ دگ ءِ وئیلے ءَ دو مردم زدگ بیتگ اَنت-

اھوالانی رد ءَ ایرانشھر ءُ ھاش ءِ شھدگ ءَ یک گاڑی یے چپ بیتگ ءُ چریشی ءَ چہ دو مردم ٹپی بیتگ اَنت-

ٹپی بیتگیں مردمانی پجار ھپیز اللہ ءُ مھمود شاہ بکش ءِ نام ءَ زانگ بیتگ اَنت ءُ ھردوک زاھدان ءِ جھمنند گوشگ بیتگ اَنت-

بی وائی سی ءِ نیمگ ءَ برجم دارگ بیتگیں بلوچ زورانسری آوار جنیانی ھلاپ ءَ شال ءَ روانک ءُ زھرشانی کنگ بیتگ-

بلوچ یکجھتی کمیٹی ءِ برجم دارگ بیتگیں زورانسری آوار جنیانی ھلاپ ءُ بیگواھیں مردمانی یل کنائینگ ھاتر ءَ ڈاکٹر ماہ رنگ بلوچ ءُ بیگواھیں مردمانی کھول ءِ سروکی ءَ سریاب دگ یونیورسٹی چوک ءَ چہ روانک کش اِتگ کہ جتاجتائیں دگاں چہ روان عبدالستار ایدھی چوک سر ءَ سر بیتگ زھرشانی ئیں دروشم ءَ اَتکگ-

روانک ءَ ھواریں مردماں بینرز، پلے کارڈ ءُ بیگواھیں مردمانی اکس چست کتگ بیتگ اَنت ، زھرشانی ءَ بلوچ بیگواھیں مردمانی مزنیں کچے ءَ ھوار بیتگ اَنت-

بلوچ یکجھتی کمیٹی ءِ مھم، بے تواری ءِ پروش : زورانسری آوار جنیانی ھلاپ ءَ اوشتاتگ ” ءِ سرھال ءَ چہ بلوچستان ءِ جتاجتائیں دمگاان زھرشانی درچ برجاہ ءَ اِنت اود ءَ اشی ءَ ساری کراچی، ھب چوکی، ھُزدار، تربت، پنجگور ءُ مروچی ھاران ءَ زھرشانی نکش کنائینتگ-

نندانک ءَ ھواریں مردماں چہ تران کنان ءَ ڈاکٹر ماہ رنگ بلوچ ، غلام نبی مری ءُ دگراں گوشتگ کہ مئے زھرشانی بیگواھیں مردمانی یل کنائینگ ءُ اشی ءَ ھمگرنچ مردماں چہ بلوچستان ءَ درکنگ ھاتر ءَ اِنت-

آئی ءَ گوشتگ کہ مئے پُرایمنیں زھرشانی ءُ بیگواھیں مردمانی کھول وتی دوستناکانی یل کنائینگ ھاتر ءَ ھمینچو گر ءُ دار کتگ ما ھمینچو مھکم ءُ مُھر جوڑ بیتگ چست بیتگیں مئے راجدپتر گواہ اِنت کہ وھدے ادارہ بلوچاں زورانسری دارگ جھد کتگ ما پد ءَ ھم تُرند، تاکت ءُ مھکمی گوم ءَ درتکگ ءُ چست بیتگیں، بلوچستان ءَ زورانسری آوار جنی ءِ ھلاپ ءُ بیگواھیں مردم پہ سلامتی یل کنائینگ ھاتر ءَ مروچی اے روانک ءُ نندانک توانمندانی واستا یک تچکیں کلوھے-

نندانک ءَ تران کنان ءَ گوشتگ کہ اے وڑ زھرشانی ءَ چہ ذاکر مجید درتکگ ءُ دگہ ھم درتکگ اَنت پرچاکہ اے مچی ءُ زھرشانی بامرد ودی کنت کہ آزارجاھاں ھم بلوچانی واستا ناراہ جنگ بیت ھما وتی زمیر ءَ بھا نہ کنت آ مئے واستا کابل شرپ اِنت-

تراکنکاراں گوشتگ کہ مروچی اے پُرایمن زھرشانی ءَ دراجکشیں لوٹ اِنت کہ مئے سرڈگار سر ءَ زورانسری آوار جنی ءَ ھمگرنچ مردماں اد ءَ چہ درکنگ اِنت ءُ مئے زھرشانی زورانسری آوار جنگ بیتگینانی کھول دلجمی لوٹ دے ایں کہ آ وتی کاگداں بلوچ یکجھتی کمیٹی گور ءَ بہ کن اَنت دانکہ بیگواھیں مردماں یل کنائینگ ممکن جوڑ بہ کنگ بہ بیت-

دیمتر ءَ زھرشانی کنوکاں بیگواھیں مردمانی یل کنائینگ ءُ وتی لوٹانی ھک ءَ ناراہ جتگ ءُ پرایمن گوم ءَ شنگ شانگ بیتگ اَنت-

بلوچ لبریشن آرمی ءِ جارکش جیئند بلوچ ءَ رسانکدراں شنگ کتگیں درشان ءَ گوشتگ بی ایل اے ءِ سرمچاراں مروچی دکی ءَ زورگرین پاکستانی پوج یک اُرشے ءِ نشانگ کتگ-

آئی ءَ گوشتگ دکی ءَ مندے ٹک ءِ ھند ءَ بی ایل اے ءِ سرمچاراں زورگریں پاکستانی پوج ءِ گاڑی ریموٹ کنٹرولڈ آئی ای ڈی ءِ نشانگ کتگ ءُ چریشی ءَ جاہ پہ جاہ ءَ دشمن ءِ دو کارندہ مرتگ اَنت ءُ چار زدگ بیتگ اَنت کہ آیانی توک ءَ نائب سوبیدار اکتر، لانس نائک مھمد اسگر، سپاھی ساکب ءُ سپاجی تھزیب ھوار اَنت-

آئی ءَ گوشتگ بلوچ لبریشن آرمی اے اُرش ءِ زمہ واری ءَ من ایت ءُ زورگریں پاکستانی پوج چہ بلوچستان ءَ درکپگ ءَ اُرش برجاہ بنت اِنت-

روکپتی بلوچستان ءِ دمگ ھاش ءَ ایرانی لشکر ءِ سر ءَ یک اُرشے ءَ کساس دَہ کارمند کشگ بیتگ اَنت-

اھوالانی رد ءَ ھاش ءِ ھند گوھرکوہ ءَ ایرانی لشکر ءِ سر ءَ ناشناسیں مردماں اُرش کتگ ءُ چریشی ءِ آسر ءَ دَہ کارمندانی مرگ ءِ ھال اتکگ اَنت-

بیران بیتگیں کارمندانی پجار نعمت اللہ نوری، مھدی پریشانی، صالح نور بخش، پویا صالحی، ایمان درویشی، علیرضا آقاجانی، مھمد خموشی، علی رضا، باغبیدی ءُ رھمت طلب ءِ ناماں زانگ بیتگ اَنت-

دومی نیمگ ءَ روکپتی بلوچستان ءَ ایرانی لشکر ءِ سر ءَ اُرش کنوکیں جیش العدل ءَ اے اُرش ءِ زمہ واری من اتگ-

بلوچستان ءِ دمگ دکی ءَ پاکستانی پوج ءِ گاڑی بمب اُرش ءِ نشانگ کنگ بیتگ-

پوج ءِ گاڑی دمی مندے ٹک ھند سر ءَ نشانگ کنگ بیتگ-

اُرش ءِ راست پولیس ءَ کتگ گوشتگ کہ کیو آر ایف ءِ گاڑی نشانگ کنگ بیتگ-

پولیس ءَ اُرش ءَ سے کارمندانی ٹپی بیگ ءِ گپ راست کتگ-

زانگ بہ بیت کہ اے دمگ ءَ بلوچ آجوئی لوٹوکیں سلاہ بندیں گل جاڑیگ اَنت بلے اے اُرش زمہ واری انگت ھچ گل ءَ نہ زرتگ-

ٹی بی پی نیوز پتر ءَ دزکپتگیں ھالانی رِد ءَ نصیر آباد ءِ دمگ چہ نوتال ءَ دو مردم زورانسری آوار جنگ بیتگ اَنت کہ آیانی پجّار اوشاک ء مکسی ڈومکی ءُ اختیار ء حمزہ ڈومکی ناماں چہ بیتگ اَنت-

دمگی وسیلگ گوشگ اِنت کہ وئیل گوستگیں روچ ءَ بیگاہ ءِ پنچ نزیک ءَ بیتگ کہ اود ءَ پاکستانی چیریں ادارھانی کارمنداں اے دوئیں ورنا زورانسری آوار جنی ءِ نشانگ کنگ بیتگ اَنت-

زانگ بہ بیت سرجمیں بلوچستان ءَ زورانسری آوار جنینانی وئیل تہ ءَ گیشی گندگ اَتکگ وھدے کہ اشانی تہ ءَ ورنا ایں نودربرانی کچ گیش اَنت-

اے وئیلانی ھلاپ ءَ بلوچ یکجھتی کمیٹی سرجمیں بلوچستان ءَ زھرشانی ءِ جار جتگ ءُ اے درگت ءَ جتاجتائیں شھراں زھرشانی کنگ بیتگ-

واکدار نیمگ ءَ چہ زورانسری آوار جنی ءِ وئیلانی سر ءَ ھچ وڑیں درشان شنگ نی کتگ بلے بلوچ یکجھتی کمیٹی ءِ زھرشانی کراچی، ھب ءُ پنجگور ءَ دارگ جُھد کنگ بیتگ وھدے کہ اے میان ءَ جتاجتائیں شھریاں موباھل دامگ بند کتگ اَنت-