نمدی یے پہ نوکیں نودربراں اِنت
نبشتہ کار: مھُسن دیدگ
دی بلوچستان پوسٹ
واجھیں وزیر ھست ءُ نیست۔
من پاکستان ءِ یک مزنیں جیڑھے ءِ بابت ءَ گپ کنگ ءِ واست ءَ نبشتہ کنگ ءَ آں ۔ مئے ملک ءَ بازیں مردم ھست ناں وانگ ءُ نبشتہ کنگ ءَ زان اَنت ۔ ایشی ءِ سَبب چے بُوت کنت پرچا وانگ ءُ نبشتہ کنگ ءَ نہ زان اَنت ایشی ءِ مزنیں جیڑہ چے اِنت؟ چوش پرچا بوگ ءَ اِنت؟ بازیں مئے آیوکیں نَودربر چہ وانگ ءُ زانگ ءَ چہ باز دُور اَنت۔ لھتیں مردم سک گریب انت ءُ وانگجاہ ءِ روگ ءِ وس اِش ھم نیست آ وتی وانگجاھ ءِ زرّاں دات نہ کن انت۔
لھتیں مات ءُ پت وانگجاہ ءَ نہ شتگ اَنت پمیشکا آ نہ زان اَنت کہ وانگ ءُ زانگ چنچو المی اِنت پہ مئے آیوکیں پدریچ ءَ وانگ ءُ نبشتہ کنگ ءِ پائدگ چے اَنت ۔ لھتیں دمگاں جنکاں وانگجاہ ءَ روگ ءِ موکل نیست باید ھمیش اِنت جنکاں وانگ ءِ ھک بہ رس اِیت آ وتی ھک ءَ لُوٹ اِت بکن اَنت ۔ ما چے کُت کنیں کہ اے جیڑہ ءِ گیش ءُ گیوار بہ بیت؟ ما وتی واننگ ءُ آیانی مردمانی گُوم ءَ گیش ءَ چہ گیش کمک بہ کن اِیں ۔
سرکار گیشتر وانگجاہ جوڑ بہ کنت ءُ مپت ءَ وانگ ءُ زانگ ءِ آسراتی بہ دنت کہ آ دو وھد ءِ نان ءَ وارت نہ کناں آ کجا ونت کُت کناں تیوگیں گَلاں تاواں کنگی اِنت گَریبیں مردمانی گُوم ءَ۔
۲۔ما مردماں بگوشیں کہ وانگ ءُ زانگ پہ آھانی آیوکیں باندات ءَ چنچو المی اِنت وتی کسانیں گُونڈلاں پہ وانگ ءَ ھم مُوکل بدیں کہ وتی باندات ھم بزان اَنت ۔ ما گُوں گریبیں ھانداناں کمک بہ کنیں دانکہ آ وتی چُکاں وانگجاہ ءَ روان دات بکن اَنت کہ چنچُو ازاب اَنت ۔
اے جیڑہ ءِ گیش ءُ گیوار ءَ مارا درستاں یکجاھ بُوھگ ءُ پد ءَ کار کنگ لوٹ اِیت۔ ءُ استاد نودربرانی مات ءُ پت ءِ ھساب ءَ اَنت ھمے جُھد ھر وھد بکن اَنت پہ نوردبرانی ھاتر ءَ یکے دومی ءِ کُمک ءَ پہ چَک ءُ پد مہ بنت ۔ مدام مئے درد ءِ آماچ اِنت باید ھمیش اِنت کہ ما وتی راج ءِ سَکی ءُ سُوری ءَ ھُور ءُ یکجاھ بہ اِیں اَلم ما یک شریں راج ءِ پیم ءَ وتی گُلزمین ءِ سر ءَ وت واجھی کُت کناں اگاں ما اے وھد ءَ وت ءَ گُلام بہ پھم اِیں گُڑا داں زندگاں اے گلامی ءَ چہ رَک اِت کُت نہ کناں منی گُلیں راج شُمارا زانگ لُوٹ اِیت وانگ لُوٹ اِیت شُما گُوں کتاباں ھما وڑ ءَ مھر بکن اِت کہ شُما ھما پیم ءَ وتی مھکین مات ءُ دیدگیں گُلزمین ءَ مھر کن اِت من ءَ ھمے اُمیت اِنت کہ ما یک مھکمیں راج ءِ بستار ءَ زانگ بَہ اِیں دیم ءَ جنزاں کنیں مدام سلامت بات اِت بلوچ راج مدام بلوچ ءُ بلوچستان ءِ نام ءَ توار بہ بات اِت۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسانی درشانی اِنت-
