TBP Balochi

بلوچ ریپبلکن گارڈز ءِ جارکش دوستین بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ بی آر جی ءِ سرمچاراں ڈیرہ اللہ یار ءَ زورگریں پاکستانی پوج یک بمب اُرشے ءَ نشانگ کتگ-

جارکش ءَ گْوشتگ کہ ڈیرہ اللہ یار ماھیگ مارکیٹ نزیک ءَ گوستگیں شپ ءَ مئے سرمچاراں پاکستانی پوج ءِ کارمند یک ریموٹ کنٹرول آئی ای ڈی اُرشے ءَ ھما وھد ءَ نشانگ کتگ وھدے آ گشت کنگ ءَ بیتگ اَنت- تراک آسر ءَ دو کارمند بیران بیتگ اَنت-

تیاب دپی شھر چہ گوادر ءَ پاکستانی پوج ءَ دو مردم آوار جتگ ءُ بیگواہ کتگ اَنت-

بیگواہ کنگ بیتگیں مردمانی پجار فضل بشیر جھمنند کیچ ھیر آباد ءُ کمال ء دین مھمد جھمنند ناصر آباد ءِ ناماں زانگ بیتگ انت-

اھوالانی رد ءَ ھردوک پاکستانی پوج ءَ بیست ءُ سَے دسمبر ءَ فقیر کالونی ءَ آوار جنگ ءُ بیگواہ کنگ بیتگ اَنت-

اِھوالکار رِد ءَ کمال ایشی ءَ ساری ھم پوج ءَ آوار جتگ کہ چیزے وھد ءَ پد یل داتگ یکرندے پد ءَ آوار جتگ ءُ بیگواہ کتگ-

ھردوکیں ورناہ آوار جنگ ءَ پد بیگواہ اَنت ءُ آیانی بارو ءَ دگہ اھوال دیم ءَ نیتکگ اَنت-

بلوچستان ءِ دمگ چہ پنجگور ءَ پاکستانی پوج ءَ بیڑبرتگ سیزدہ سالی ئیں ورنا آوار جتگ ءُ بیگواہ کتگ-

بیگواہ کنگ بیتگیں ورنا ءِ پجّار بالاچ ء صبراللہ ءِ نام ءَ چہ بیتگ کہ چہ دہ روچ ءَ ساری جند ءِ لوگ زورانسری بیگواہ کتگ-

دمگی اِھوالکار ءِ رِد ءَ دزگیری وھد ءَ پاکستانی پوج ءَ آئی سر ءَ لَٹ کُٹ ھم کتگ ءُ ٹپی ئیں جاوراں گوں وتی ھمراھی ءَ برتگ-

گوشگ بیگ ءَ اِنت کہ ایشی ءَ ساری ھم پوج ءَ آئی ءِ لوگ ءِ سر ءَ بیڑبرتگ لوگ ءَ پروشت ءُ پروش ھم کتگ، گوستگیں ماہ ءَ اشی ءِ لوگ دیم ءَ دو دستی بمب ھم چگل دیگ بیتگ بلے ھچ وڑیں تاوان نہ بیتگ-

اِھوالکار ءِ گوشگ اِنت کہ پاکستانی پوج یکشل ءَ اشی ءِ لوگ سر ءَ بیڑبارت ءُ کھول تُرسینتگ-

زورانسری بیگواھیں راشد حسین بلوچ ءِ گْھار فریدہ بلوچ ءَ وتی برات ءِ زورانسری آوار جنی ءِ شش سال سرجم بیگ ءَ وتی ھیال لیکہ درشان کنان ءَ گوشتگ کہ منی برات راشد حسین دوھزار ھژدہ ءَ چہ متھدہ ارب امارات ءَ آوار جتگ بید کانودی کاروائی ءَ پاکستان ءَ برتگ – شش سال ءَ گوستگ، بلے مارا تنی وھدے ھچ وڑیں ھال دز نہ کپتگ- اے سالاں مئے کھول سک درد ءُ گم ءُ دلسیاھی دیمپان اِنت، بلے ما پُشت نہ کنز ایں ءُ وتی جُھد برجاہ بنت-

فریدہ بلوچ ءَ گْوشتگ کہ آیاں وتی برات ءِ یل کنائینگ ھاتر ءَ میان استمانی ھساب ءَ توار چست بہ کن اِت- ما اکوام متھدہ ءِ زورانسری آوار جنی ٹولی. ایمنسٹی انٹرنیشنل ءُ دگہ انسانی ھکانی ادارھاں چہ اِھوال کتگ، ءُ اے جیڑہ میان استمانی فورمز سر ءَ چست بہ کن اِت- جتاجتائیں سیاسی راھشون ءُ کارکناں مئے پلامرزی کتگ، بلے پاکستان ءِ واکدار ءَ مارا تاں انگت ھچ وڑیں پسّہ نداتگ-

آیاں دیمتر ءَ گْوشتگ کہ اے تھنا منی برات جیڑہ نہ اِنت- بلوچستان ءَ ھزرانی اے وڑیں ءُ گماں گوزگ ءَ اِنت، اود ءَ آیانی دوستناک بیگواہ اَنت ءُ آیانی کیساں ڈالچاری کنگ ءَ اَنت- مارا انساپ نہ رسگ ءَ اِنت ءُ اشی ءِ سر ءَ بے تواری کنگ گیش زُلم اِنت-

پاکستان ءِ آمیدگس ءُ کانودی نزام سر ءَ ایرجنی کنان ءَ فریدہ بلوچ ءَ گْوشتگ کہ ما سندھ ھائی کورٹ، بلوچستان ھائی کورٹ، ءُ اسلام آباد ہائی کورٹ ءَ ارزبندی داتگ، بلے اے ادارھاں مارا دلپروش کتگ- پاکستان نزام تھنا توانمنداں واستا جوڑ کتگ اَنت، ءُ مارا وتی ھک لوٹگ ءِ سزا دیگ بیگ ءَ اِنت-

آیانی گوشگ اِنت کہ اے جُھد تھنا وتی برات واستا اناں، بلکیں بلوچستان ءِ سرجمیں بیگواھیں مردمانی واستا اِنت، مئے توار تھنا یک گھارے ءِ نہ اِنت، بلکیں سرجمیں ھما کھولانی توار اِنت کہ وتی دوستناکانی واستا انساپ شوھاز ءَ اِنت- ما اے وھد ءَ تاں آرامی ءَ نہ نند ایں دانکہ انساپ نہ رس اِیت-

بلوچستان ءِ دمگ کیچ ءَ سلاہ بندیں مردمانی تیرگواری ءَ چہ یک مردمے بیران بیتگ-

گیشیں ھالانی رِد ءَ گوستگیں بیگاہ ءَ مند کھنک ءَ مسلم ء نزیر احمد نامیں مردمے ناشناسیں پرپٹ سواریں سلاہ بندیں مردماں تیرگواری کتگ ءُ کُشتگ-

اِھوالکار گوشگ اِنت کہ اے مرد سیادی اشی ءَ ساری سلاہ بندیں گلے ءَ گوں بندوک بیتگ چیزے وھد ءَ ساری آ پاکستانی پوج ءِ دیم ءَ سرنڈر کتگ اَت-

وئیل سوب انگت زانگ نہ بیتگ-

روکپتی بلوچستان ءِ بنجاھی شھر زاھدان ءَ ناشناساں تیرگواری کرتگ ءُ دو ورنا بیران ءُ زدگ کتگ انت-

گیشیں اھوالانی رد ءَ زھدان ءِ ھند آزادگان ءَ ناشناسیں مردمانی تیرگواری ءَ یک مردمے بیران ءُ یکے زدگ بیتگ-

بیران بیتگیں مردم ءِ پجار یوسف براھوئی ء مھمد گل ءُ زدگ بیتگین ءِ پجار سعید براھوئی ء امیرھمزہ ءِ نام ءَ زانگ بیتگ-

ھردوک کریمپور ءِ جھمنند اَنت ءُ ھردوکانی اُمر ھبدہ ءُ شانزدہ سال ءِ میان ءَ اِنت-

اھوالانی رد ءَ تیرگواری ءَ پد ھردوک ھسپتال ءَ برگ بیتگ انت کہ اود ءَ یوسف ءَ وتی ساہ داتگ انت ءُ سعید سک ءَ ناگیگیں جاورانی دیمپان انت-

وئیل ءِ سبب زانگ نہ بیتگ نانکہ کشوک زانگ بیتگ انت- روکپتی بلوچستان ءَ ھمک روچ تیرگواریانی وئیل رپورٹ بوگ ءَ انت کہ آیانی سبب زاتی جیڑھاں ھوار جتا جتائیں پھناتاں گوشگ بوگ ءَ اَنت-

کیچ ءِ دمگ مند ءَ پاکستانی پوج ءَ یک مردمے آوار جنگ ءَ پد بیگواہ کرتگ-

اھوالانی رد ءَ مند ءَ ردیگ ءِ سیمسر ءَ پاکستانی پوج ءَ یک ورنایے آوار جنگ ءَ پد بیگواہ کرتگ-

آوار جنگ بیتگیں ورنا ءِ پجار عادل ء غلام جھمنند مند بلوچ آباد ءِ نام ءَ زانگ بیتگ-

آئی ءِ نزیکیں کھول ءِ مردمانی گوشگ اِنت عادل گوستگیں روچ ءَ سیمسر ءَ روگ ءَ بیتگ کہ آ پاکستانی پوج ءَ آوار جنگ ءَ پد بیگواہ کرتگ-

بلوچ لبریشن آرمی ءِ جارکش جیئند بلوچ ءَ شنگ کتگیں درشان ءَ گوشتگ بی ایل اے ءِ سرمچاراں دشت، زامران، شال، مشکے، پنجگور، کلات ءُ تمپ ءَ نُھ جتا جتائیں اُرشاں زورگریں پوج، گیس پائپ لائن، ریل ءِ ٹریک، چاریگ ءُ مڈی بروکیں گاڑی نشانگ کتگ اَنت ءُ دشمن ءَ را تاوانانی دیمپان کتگ-

جیئند بلوچ ءَ گوشتگ بلوچ لبریشن آرمی ءِ سرمچاراِ مروچی کیچ ءِ دمگ دشت زریں بگ ءَ زورگریں پاکستانی پوج ءِ کاروان ءَ ھواریں یک گاڑی یے ریموٹ کنٹرولڈ آئی ای ڈی ءِ نشانگ کتگ، چریشی ءِ آسر ءَ دشمنیں پوج ءِ سَے کارندہ مرتگ انت ءُ چار زدگ بیتگ اَنت ءُ یک گاڑی یے سرجم ءَ تباہ بیتگ- اے پوجی کاروان درملکی سیل ءُ سوادکاراں پھزداری کنگ ءَ بیتگ کہ آ بلوچستان ءَ جنگی ساھدارانی شکار ءِ واستا آیگ ءَ اَنت – بلوچ لبریشن آرمی درملکی سوادکاراں بیھار دنت کہ بلوچ جنگی جاوران اِنت ءُ ھما دمگاں پاکستانی پوج زر ءُ مالانی سبب ءَ شکار ءِ واستا کار ایت اود ءَ شکار ءِ واستا بندش جنگ بیتگ – آئی ءِ لگتمالی کنوک ھرکس بوت بلوچ سرمچار تاکت ءِ زور ءَ گیر کانونی شکار ءِ دار ایت ءُ آیاں جنگی دمگاں کش ایں – اے کاروان ءَ درملکی سوادکارانی گاڑیانی نشانگ کنگ ءَ ابید دشمنیں پوج ءِ گاڑی نشانگ کنگ اے سوادکارانی واستا یک بیھارے بیتگ – اگاں دوبر درملکی آیوکاں بندشی ءِ لگتمالی کت گڑا تچک ءَ دومی نشانگ ھما بنت اِنت-

آئی ءَ گوشتگ اے اُرش ءَ دشمنیں پوج ءِ مرتگیں کارندگاں نائیک زمان ءُ لانس نائیک عمر زھور ءُ زدگ بیتگیناں نائیک نعیم، سپاھی جاوید، سپاھی امین ءُ سپاھی وھید ھوار اَنت-

جارکش ءَ گوشتگ گوستگیں روچ ءَ بی ایل اے ءِ سرمچاراں زامران ءِ ھند پگنزان ءَ زورگریں پاکستانی پوج ءِ پندی کارندہ ریموٹ کنرولڈ آئی ای ڈی اُرش ءِ نشانگ کتگ اَنت، تراک ءَ دشمنیں پوج ءِ دو کارندہ جاہ پہ جاہ ءَ مرتگ انت ءُ یکے زدگ بیتگ-

آئی ءَ گوشتگ یک دگہ اُرشے گوستگیں روچ ءَ شال ءَ کمبرانی دگ ءَ پولیس ءِ گاڑی بمب ءِ نشانگ کتگ – تراک ءِ زد ءَ اتکگیں پولیس ءِ کارندھاں جانی ءُ مالی تاوانانی دیمپانی کنگ کپتگ-

آئی ءَ گوشتگ شال ءَ گوستگیں شپ ءَ سریاب دگ ءَ ریل ءِ ٹریک تراکناکیں شورواں گوں تباہ کتگ ءُ مروچی بیگاہ ءِ وھد ءَ یک دگہ کاروائی ءِ سرمچاراں روکپتی شھدگ ءَ گیس پائپ لائن تراکناکیں شورواں تباہ کتگ-

جارکش ءَ گوشتگ بلوچ لبریشن آرمی ءِ سرمچاراں دو شمبے ءِ روچ ءَ مشکے کپور ءُ لاکھی ءِ ھند ءَ یک بند ءُ ساچی شرکتے ءِ گاڑی آئی ای ڈی ءِ نشانگ کےگ چریشی ءِ آسر ءَ گاڑی ءَ تاوان رس اتگ-

ھمے وڑ بی ایل اے ءِ سرمچاراں دوشمبے ءِ روچ ءَ پنجگور ءَ کلم چوک ءِ نزیک ءَ زورگریں پاکستانی پوج ءِ پرکاریں چاریگ شمن علی ءِ سر ءَ اُرش کتگ ءُ کشتگ – اے مرد ءَ وتی دروشم مٹ کتگ ءُ پنجگور ءِ شھر ءَ دشمن ءِ واستا چاریگری ءِ کار ءَ بیتگ-

جارکش ءَ گوشتگ یک دگہ کاروائی ءِ دوشمبے ءِ شپ ءَ بلوچ لبریشن آرمی ءِ سرمچاراں کلات ءِ شھر ءَ پاگل ءِ دروشم ءَ دشمن ءِ واستا چاریگری ءِ واستا یک چاریگے کشتگ- اے مرد زورگریں پوج ءِ ملٹری انٹیلی جنس ءَ ھوار بیتگ ءُ پوج ءِ ھمراھی ءَ سُر ءُ پراں گندگ بیتگ-

آئی ءَ گوشتگ یک دگہ کاروائی ءِ دوشمبے ءِ روچ ءَ بی ایل اے ءِ سرمچاراں کیچ ءِ ھند تمپ سرینکن تگران آباد ءَ مڈی بروکیں سَے گاڑی اُرش ءِ نشانگ کتگ انت – سرمچاراں سرپدی ءِ ھاتر ءَ گاڑیانی ڈرائیور یل داتگ انت-

جیئند بلوچ ءَ بلوچ لبریشن آرمی اے درستیں اُرشانی زمہ واریاں من ایت-

بی ایل اے ءِ جارکش جیئند بلوچ ءَ گوشتگ مروچی بلوچ لبریشن آرمی، وتی کلانیں ءُ گچینیں رھشون جنرل استاد اسلم بلوچ ءِ ششمی سالروچ ءِ درگت ءَ آئی ءَ را داد پیش کنت اِنت – ھماھی ءِ ساھگ ءَ پرکاری ءُ بے مٹیں سروکی مئے گل ءِ واستا برزیں چراگ اِنت- جنرل اسلم بلوچ ءِ دھشت بازیں رھانی رھگیر اِنت- آئی ءِ لشکر بندی تک ءَ جھلانکداریں دروشم ءُ بے تُرسی ءِ پدراھی بیتگ، آئی ءَ نا ایوک ءَ وتی لشکری سنچداریاں جنگ ءِ میدان ءَ سوبمندی گپتگ بلکیں بلوچ لبریشن آرمی ءَ وتی کشتگیں شاہ ءُ رھشونی ءِ سنچداری یک بے مٹ ءُ نہ کٹوکیں تاکتے ءِ جوڑ کنگ ءَ سوبمند بیتگ-

آئی ءَ گوشتگ یک رھشونے ءِ بستار ءَ جنرل اسلم ءِ بودیشت بے مٹ بیتگ- آ نا ایوک ءَ وتی لبزانی توک ءَ بلکیں وتی امل ءَ راج ءِ یکجاہ کنگ، سکین دیگ ءُ ھمک نیزوزیانی کوپگ جوڑ بیتگ- جنرل اسلم ءِ بستار ازم، دیمونی ءُ برزشانی سرجمی ءَ شوبینگ بیتگ کہ مروچی مئے زانشت ءُ جد ءُ جھد ءِ بھر اِنت-

آئی ءَ گوشتگ جنرل سلم بلوچ نا ایوک ءَ جری سپاھی، جوانتریں سپہ سالار ءُ رھشونے بیتگ بلکیں یک بانداتے واب بیتگ- یک مشنے بیتگ، مروچی مئے راھاں رژنا کنان اِنت- شھید جنرل اسلم ءِ روگ ءِ درد بیت اِنت بلے آئی ءِ میراس ھروھد ءَ بلوچ لبریشن آرمی ءِ رھشونی ءَ کن اَنت- آئی ءِ شھیدی ءِ روچ بلوچ لبریشن آرمی ءِ واستا ھما اھد ءِ روچ انت کہ جنرل اسلم بلوچ ءَ ھوار دراھیں بلوچ شھیدانی ھون مٹ آیانی آجو، وتواجھی ءُ وشھالیں بلوچستان ءِ وابانی باندات اِنت-

کیچ ءِ دمگ دشت ءَ پاکستانی پوج لشکر کشی ءَ دلگوش اِنت، مروچی اے دمگ ءَ پاکستانی پوج بلوچ لبریشن آرمی ءَ یک بمب اُرشے ءَ نشانگ کتگ اَت-

ھالانی رِد ءَ چہ سیاھیجی ءَ ھمگرنچیں دمگ دشت شولیگ ءُ کش ءُ گوراں پاکستانی پوج ءِ لشکر کشی کنگ ءَ اِنت- ھمے میان ءَ پوج ءَ دمگ سرجمی ءَ انگیر ءَ کتگ-

واکدار ءَ اے درگت ءَ ھچ وڑیں درشان شنگ نہ کتگ وھدے کہ ھچ وڑیں دزگیری ھال دز نہ کپتگ-

زانگ بہ بیت مروچی دشت زربں بُگ ءَ پاکستانی پوج ءِ گاڑی آئی ای ڈی اُرش ءَ نشانگ کنگ بیتگ چریشی ءَ پوج ءِ دو کارمند بیران ءُ چار ٹپی بیتگ اَت-

رپورٹانی رِد ءَ بمب نشانگ ءَ آیگ ءَ بیران بیتگیں پیراملٹری ءِ کارمند قطر ءِ شاھی کھول ءِ پھازوک بیتگ اَنت، کہ اے وھد ءَ پاکستان ءَ چررز ءِ شکار ءِ ھاتر ءَ ساڑی اَنت-

اُرش زمہ واری بلوچ لبریشن آرمی ءَ منّ اِتگ- جارکش جیئند بلوچ ءَ درشان ءِ تہ ءَ گْوشتگ کہ اے پوجی کاروان درانڈیھی سواد کنوکانی پھازوکی دیگ ءَ بیتگ اَنت، کہ بلوچستان ءَ جنگی ساھدارانی شکار ءِ ھاتر ءَ اتکگ اَنت-

جیئند بلوچ ءَ گْوشتگ کہ بلوچ لبریشن آرمی درانڈیھی سوادکنوکاں بیھار دنت کہ بلوچستان ءِ جنگی جاورانی تہ ءَ اِنت ھما دمگاں پاکستانی پوج ءَ زر ءِ واستا سواد کنوکاں شکار ھاتر ءَ کار اَنت اود ءَ جنگی ساھدارانی پھاز ھاتر ءَ شکار سر ءَ پابندی جنگ بیتگ ، آئی ءِ ھلاپ ورزی کنوک کجام بہ بیت، بلوچ سرمچار توانمندی ءَ اے دمگاں درکانودی شکار ءَ چہ دار اِیت ءُ اے جنگی دمگاں درکنت ءُ ڈن ءَ کنت-

درشان ءَ بی ایل اے ءِ جارکش ءَ تچک کتگ کہ کاروان درانڈیھی سواد کنوکانی گاڑیانی نشانگ کنگ جاہ ءَ دُژمنیں پوج ءِ گاڑی نشاگ کتگ، اے سواد کنوکانی واستا یک بیھارے بیتگ، اگاں درانڈیھی سواد کنوک دوبر اے پابندی ءِ ھلاپ ورزی کتگ گُڑا تچکی ءَ آ مئے ءَ نشانگ ءَ بنت-