TBP Balochi

بلوچ لبریشن آرمی ءِ جارکش جیئند بلوچ ءَ رسانکدراں سرجمیں اھوالانی شنگ کنان ءَ گوشتگ گل ءِ فدائی ایلیٹ یونٹ مجید بریگیڈ ءَ گوستگیں روچ ءَ تربت ءِ شھر ءَ ھشت کلو میٹر دور بھمن ءِ ھند ءَ پاکستانی پوج ءِ یک کاروانے ءِ سر ءَ پنچ بج ءُ چِل ءُ پنچ ملیٹ ءَ اُرش کرتگ ءُ دشمن ءَ را بے کساس جانی تاوان داتگ – دشمن ءِ اے پوجی کاروان ءَ پنچ بس ءُ ھپت پوجی گاڑی ھوار بیتگ اَنت – چہ کراچی ءَ ایف سی ھیڈکوارٹرز تربت ءِ نیمگ ءَ روگ ءَ بیتگ – مجید بریگیڈ ءِ فدائی سنگت ءَ شورو ءَ پُریں گاڑی کاروان ءَ گوں ٹکرینتگ کہ چریشی ءِ سبب ءَ 47 پوجی مرتگ انت ءُ 30 ءَ گیش زدگ بیتگ انت ءُ اُرش ءَ یک بسے سرجم ءَ تباہ ءُ دومی کمے ناکارہ ءُ یک پوجی گاڑی یے ستکگ ءُ ھاک ءُ پر بیتگ-

جارکش ءَ گوشتگ 13 گاڑیانی ھواریں کاروان ءَ زورگریں پوج ءِ ایم آئی 309، ایف سی ایس آئی یو، ایف سی 117 ونگ، ایف سی 326 ونگ، ایف سی 18 ونگ ءِ کارندہ ھوار بیتگ انت ھمے وڑ کاروان ءَ موکلانی ھلاسی ءَ پد آیوکیں ایس ایس پی پولیس ریٹائرڈ پوجی کیپٹن زوھیب مھسن ءِ گاڑی ھم ھوار بیتگ-

درشان ءَ گوشگ بیتگ کہ اے کاروائی گل ءِ انٹیلیجنس ونگ “زراب” ءِ نیمگ ءَ سر کرتگیں اھوالانی درچ ءَ سرجم کتگ – زراب ءَ اے پکائیں ھال سرکرتگ کہ دشمن ءِ کاروان چہ کراچی ءَ دیم پہ تربت ءِ نیمگ ءَ روگ ءَ انت ءُ اے کاروان ءَ زورگریں پوج ءِ گچینی کارندہ ھوار اَنت- اے مشن ءِ سوبمندی ءَ مئے انٹیلیجنس ءِ پلگار کرتگیں کردار ءُ فدائی سنگت ءِ بے مٹیں دیمھونی ھوار انت- اے اُرش یک تچکیں کلوھے کہ زورگریں ریاست بلوچستان ءِ سرڈگار ءِ سر ءَ ھچ پیم ءَ رَک ات کت نہ کنت اِنت-

جارکش ءَ گوشتگ اے فدائی اُرش بلوچ لبریشن آرمی ءِ فدائی سنگت بھار علی پنام ءِ “ کاروان ” ءَ آسر کتگ – سنگت بھار علی ءِ سیادی تربت ءِ ھند دشت ھوچات ءَ کھدا مراد مھمد بازار ءَ بیتگ- آئی ءَ سال 2017 ءَ بلوچ راجی زرمبشت ءَ وت ءَ ھوار کتگ ءُ وتی ھدمتانی ڈول ءَ شھری ءُ کوھی میداناں دشمن ءِ ھلاپ ءَ سرجمی ءَ جد ءُ جھد کتگ سال 2022 ءَ آئی ءَ وتی وشی ءَ فدائی مشن ءِ واستا وت ءَ جاڑیگ کتگ ءُ مجید بریگیڈ ءِ بھر جوڑ بیتگ ءُ وتی گڈی دیمھونی پیش کتگ ءُ بلوچ راجی جد ءُ جھد ءِ راجدپتر ءَ وت ءَ نمیران کتگ

–

جارکش ءَ گوشتگ اے اُرش گل ءِ ھما گامگیجانی بھر اِنت کہ آئی ءِ مول ءُ مراد بلوچستان ءَ زورگریں ریاست ءَ را بے واب کنگ اِنت – انٹیلیجنس ونگ “زراب” ءِ گچینی اھوالانی تک ءَ چاران ءَ بلوچ لبریشن آرمی ءَ پیسلہ کتگ زورگریں پوج، ریاستی دلار ءُ زرکارانی واستا بلوچستان ءِ دگ مَرگ انت – اے پالیسی ءِ درچ ءَ جتا جتائیں وھداں ھترناکیں اُرشانی درچ بندات کتگ – بلوچ راج ءَ سرپدی دیگ لوٹ آں آ دشمن ءِ کارواناں گستا بہ بنت، ءُ ٹرانسپورٹانی واھنداں اے سرپدی ءَ دے آں کہ آ زورگریں پوج ءِ کجام ھم آسراتی دیگ ءَ پھریز بہ کن اَنت اگاں ناں وتی ساہ ءُ سرانی زمہ وار وت بہ اِت- بی ایل اے بلوچانی مڈیانی پُلپھانچ کنوکیں شریداریں مال برداریں گاڑیانی واھنداں بیھار دنت کہ آ بلوچانی مڈیانی پلپھانچی ءَ وتی شریداری ءَ دزکش بہ بنت اگاں ناں گڑا آیانی دراھیں گاڑی ماندارگ بنت اِنت-

جیئند بلوچ ءَ گوشتگ اے اُرش گل ءِ ھما کولانی رژن اِنت کہ دانکہ بلوچستان آجو نہ بیت اِنت زورگریں ریاست ءِ ھلاپ ءَ گھگیری برجاہ بیت اِنت- سنگت بھار علی ءِ کربانی ءَ پدر کرتگ کہ بلوچ راج آجوئی ءِ واستا ھچ کربانی ءَ پشت ءَ نہ کنز ایت – زورگریں ریاست ھمک وھدانی ڈول ءَ اُرشاں پد دست ءُ گوشین بلوچ مھلوک ءِ سر ءَ لٹ ءُ کٹ، تیرگواری ءُ بازیں مردم بیگواہ کتگ انت-

درشان ءِ گڈسر ءَ گوشگ بیتگ کہ بلوچ لبریشن آرمی اے اُرش ءِ درچ ءَ یک رندے پد ءَ تچک کنت انت کہ زورگریں ریاست ءِ زوراکیانی ھلاپ ءَ مئے جد ءُ جھد داں گڈسر اِنت – اے اُرش نا ایوک ءَ دشمن ءِ واستا یک کلوھے بلکیں اے سدکی دنت کہ آجوئی ءِ راہ ءَ داتگیں کربانی گار نہ بنت اِنت ءُ ما وتی جد ءُ جھد ءَ برجاہ داریں ءُ دشمن ءَ ھمک میدان ءَ پروشی ءِ آماش کن ایں – مئے سرڈگار زورگریں ریاست ءِ واستا ھروھد ءَ مَرگ جاھے جوڑ بیت اِنت ما آجوئی ءِ رھبنداں وتی جد ءُ جھد ءَ پشت ءَ نہ کنز ایں-

بلوچستان ءِ تیاب دپی شھر چہ گوادر ءَ زورانسری بیگواہ کنگ بیتگیں نعمان اسحاق ءِ یل نہ کنگ ءِ ھلاپ ءَ یک زھرشانی ئیں روانکے کشگ بیتگ-

زھرشانی روانک ءَ زالبول ءُ زھگاں ھوار مزنیں کچے ءَ مردماں بھر زرتگ ءُ زورانسری آوار جنی ءِ ھلاپ ءَ ناراہ جتگ-

زورانسری آوار جنگ بیتگیں نعمان اسحاق ءِ برات ءَ گْوشتگ کہ ھپت نومبر دوھزار بیست چار ءِ بیگاہ ءَ چہ ڈھوریہ گوادر ءَ منی کستریں برات نعمان اسحاق زورانسری بیگواہ کنگ بیتگ کہ انگت بیگواہ ءَ اِنت-

آئی ءَ گْوشتگ کہ ما ھرچ در ٹُکّ اِتگ ءُ ادارھاں چہ ھمے جست ءَ کنگ ءَ ایں کہ منی برات ءَ چی جرم کتگ – اگاں واکی آئی ءِ دست ءَ چُشیں جرمے بیتگ گُڑا تئی آمیدگس کہ شپ ءَ ھم پچ بیت کن اَنت – اے آمیدگساں منی برات پرچا پیش کنگ نہ بیت؟

آئی ءَ گْوشتگ کہ ما ریاست ءُ آئی ءِ چیریں ادارھاں دزبندی کن ایں کہ آیاں داں باندا وھد داتگ – اگاں اے تاریک ءَ تاں منی برات یل کنگ نہ بیت گُڑا ما دگانی سر ءَ کا ایں زھرشانی ءِ راہ ءَ گچین کن ایں گُڑا تئی واستا تُرند نا وشی اِنت-

نندانک ءِ میان ءَ کھول ءُ انتزامیہ میان ءَ گپ دیوان بے سوب بیتگ کہ اود ءَ کھول مروچی شپ ءَ جی ٹی گیٹ دیم ءَ نندانک دے اَنت باندا سی پیک دگ نیمگ ءَ مارچ کن اَنت-

دی بلوچستان نیوز ءِ پتر ءَ دزکپتگیں ھالانی رِد ءَ بلوچستان ءِ تیاب دپی شھر چہ گوادر ءَ دگہ دو نودربراں پاکستانی پوج ءِ دست ءَ زورانسری آوار جنی ءِ نشانگ بیتگ اَنت-

گیشیں ھالانی رِد ءَ بیست نُھ دسمبر دوھزار بیست چار ءَ پاکستانی پوج ءَ چہ گوادر ءِ تھسیل پسنی ءَ دو نودربراں ناصر محمد اسلم ءُ یونس ھما وھد ءَ آوار جتگ ءُ بیگواہ کتگ اَنت وھدے آ جیونی ءَ چہ پسنی نیمگ ءَ روگ بیتگ اَنت-

زانگ بہ بیت کہ گوستگیں سال ءِ دسمبر ءَ دہ ءَ چہ گیش بلوچ پُسگانی بیگواہ کنگ کیس دیم ءَ اَتکگ اَنت-

ھمے وڑ بلوچستان ءِ دمگ سوراب ءِ تھسیل گدر تنگ ھند ءَ بیگواہ کنگ بیتگیں شعیب ھارونی ء محمد کریم، عبدالخالق ء میر بھادین، عبدالصمد ء میر بھادین ءُ زبیر احمد ء عبدالصمد چہ شال ءَ آجو بیتگ اَنت-

دمگی انتزامیہ نیمگ ءَ چہ اسسٹنٹ کمشنر تربت محمد خان بلوچ ءِ سروکی ءَ شھید فدا چوک سر ءَ ھشت روچاں چہ برجاھیں نندانک ءَ نشتگیں زھرشانی کنوکانی گوم ءَ گپ دیوان سوبمند بیتگ چریشی ءَ پد ظریف عمر ءُ نوید حمید ءِ کھول ءَ نندانک ءِ ھلاس کنگ جار جتگ-

نندانکجاہ ءَ گپ دیوان واستا کیچ بار ایسوسی ایشن ءُ مکران بار ایسوسی ایشن ءَ کرد پیلو کتگ، سنیئریں وکیلاں چہ محراب خان گچکی ایڈووکیٹ، مجید شاہ ایڈووکیٹ ءُ جاڈین دشتی ایڈووکیٹ ءَ گپ دیوانی کمیٹی ءَ بھر زرتگ وھدے کہ اسسٹنٹ کمشنر تربت ءَ ڈپٹی کمشنر کیچ ءِ نیمگ ءَ چہ کھول ءِ باسکانی لوٹانی منگ ءُ اشانی سر ءَ زوت گامگیج زیرگ ءِ دلجمی داتگ-

گپ دیوان ءَ دمگی انتزامیہ ءَ ظریف عمر ءِ کھول ءِ تُرسینگ ھلاس، بیگواھیں مردمانی یک لیسٹے دیگ بیتگ کہ آیانی یل کنگ ءِ لوٹ کنگ بوتگ ءُ ظریف عمر ءُ نوید حمید کوش ءَ ھواریں مردمانی ھلاپ ءَ کاروائی ءِ واستا گوشگ بیتگ کہ آیاں دلجمی داتگ ءُ گْوشتگ کہ بیگواھیں مردمانی لیسٹ ءَ چہ لھتے مردم بیست چار کلاکانی تہ ءَ یل کنگ بنت وھدے کپ آ دگہ مردم ھم یل کنگ بنت-

اے میان ءَ ظریف عمر ءِ گھار ءُ وکیلاں یکجاھی پریس کانفرنس ءَ دمگی انتزامیہ ءَ ٹاھانی پاسداری دلجمی دیگ ءَ زور داتگ ءُ کڈن کتگ اگاں آیانی لوٹ سرجم کنگ نہ بیت اَنت گُڑ آ دوبر وتی نندانک ءَ ھمے چوک سر ءَ بندات کن ایں-

ھمے وڑ ڈپٹی کمشنر کیچ اسماعیل ابراھیم ءِ گوشگ پد ءَ اسسٹنٹ کمشنر تربت محمد جان بلوچ ءِ سروکی ءَ زمان جان ءُ ابوالحسن ءِ کھول ءَ دمگی انتزامیہ ءَ دلجمی دیگ ءَ پد سی پیک شھدگ ھوشاپ زیرو پوائنٹ سر ءَ نندانک ھلاس کنگ جار جتگ-

اسسٹنٹ کمشنر تربت محمد جان بلوچ ءَ زمان جان ءُ ابوالحسن کھول ءِ سرجمیں لوٹ منّ اِتگ اَنت وھدے کہ دزگیریں زمان جان ءُ ابوالحسن ءِ کھول ءَ چہ گپ دیوان ھم کنگ بیتگ کہ آئی ءِ کھول ءَ راست کتگ-

کھول ءَ لوٹاں یکشل ءَ ترسینگ ھلاس کنگ، زمان جان ءُ ابوالحسن ءِ زورانسری آوار جنی ءَ ھمگرنچیں مردمانی ھلاپ ءَ ایف آئی آر نکش کنگ ءَ ھوار دگہ لوٹ پیش کتگ اَنت-

تربت ءَ بیتگیں بمب تراک ءَ پاکستانی پورسز ءِ اسٹاف انچارج کمانڈوز زدگ ءُ اُرش ءَ پاکستابی انٹیلی جنس ءِ ڈاکٹر مرتگ-

یک چیریں ھال سرکنوکے ءَ ٹی بی پی ءَ گوں گشتگ گوستگیں روچ ءَ تربت ءَ پاکستانی پورسز ءِ کاروان ءِ سر ءَ بیتگیں تراک ءِ آسر ءَ اسٹاف انچارج کمانڈوز تربت ھیڈ کوارٹرز آصف سک ءَ زدگ بیتگ ءُ ھمے وڑ پاکستانی چیریں ادارھابی اسپیشل انویسٹی گیٹیو یونٹ ( ایس آئی یو) ءِ کارندہ ڈاکٹر الیاس مرتگ-

زانگ بہ بیت داں انگت ءَ دمگدار ءَ تراک ءِ آسر ءَ یازدہ مردمانی مَرگ ءِ ھال راست کتگ انت بلے گمان ءَ مرگانی ھالاں گیشتر گوشگ ءَ انت-

گوستگیں بیگاہ ءَ تربت بھمن ءَ پاکستانی پوج ءِ کارندھاں بسانی سر ءَ بروکیں کاروان ءِ سر ءَ تراکت بیتگ ات کہ تراک ءَ یک بسے سرجم ءَ تباہ بوتگ ات- ءُ پورسز ءِ گاڑی ھم تراک ءِ زد ءَ اتکگ انت-

اے اُرش ءِ زمہ واری بلوچ لبریشن آرمی ءَ من اتگ ات – جارکز جیئند بلوچ ءَ یک کسانوکیں درشانے ءَ گوشتگ ات کہ اے اُرش بی ایل اے ءِ مجید بریگیڈ ءَ کتگ-

کمبر منی رھشون

نبشتہ کار: یحییٰ بلوچ

دی بلوچستان پوسٹ

2000ءَ پد کہ بلوچ ءِ جنگ یکبرے پد ءَ گوں ترندی ءَ دیم ءَ اتکگ ات گڑا مئے ھندانی تہ ءَ ھم ایشی ءِ سان درا ات انت ءُ کسان ءُ مزنیں آشوبی ماھولے جوڑ ات بلکیں بلوچ راجی جنز ءِ تہ ءَ چوشیں مزنیں امل نہ بوتگ ات بلے پہ من اے ماھولے سکیں مزنین ارزشتے دار ایت پرچا کہ ھمے ماھول ات کہ من ءَ گوں کمبر ءَ آشا یے کتگ ات۔

اے زمانگ ءَ مئے ھلک ءِ سرجمیں بیٹگ گوں شھید یا بندیگیں سیاسی ورکرانی اکساں سمبھیتگ ات انت۔ من وتی زند ءِ بنداتی سر ءَ چہ ھمے بیٹکانی اکساں شھید دلجان، ڈاکٹر خالد، ماسٹر یحیٰ زانتگ ات انت۔

یکروچے میتگ ءَ ابیتکی یے کپتگ ات ھمے ھال شنگ ات کہ کمبر بیگواہ کنگ بوتگ ھر کس ءَ کہ ھمے گپ جت داں تکانسر ات ءُ من ھم ھمے میان ءَ تکانسر بوت آں بلے من انگت سرپد بوگ ءَ نہ اتاں کہ اے میتگ ءِ گوما کمبر ءِ چونیں سیادی یے یا منی گوں کمبر ءَ چونیں سیادی یے کہ من ءَ چو بے چین کنگ ءَ ات۔ ءُ نو بیٹکانی دیوالاں سبزیں ورنایے ءِ اکساں ھم لگوک ات کہ بچکندگ ءَ ات انچو بچکندگ ءَ ات کہ تو دروازگ ءَ پُترگ ءَ بوت این ئے تو گُشت ترا گندگ ءَ ایں پمیشکا بچکندگ ءَ انت۔

پسانی سر دیگ ات، لیب ءُ گوازی ات کودکی ات کہ پد ءَ ھالے شنگ بوت کہ کمبر چہ جیل ءَ یل کنگ بوتگ ءُ سیاسی تر ءُ تابے ءَ نزیکیں ھلک ءَ اتکگ ءُ بی ایس او آزاد ءِ مچی یے اڈ داتگ ئے ءُ باندا گرد ءُ تر ءُ اے کوہ ءُ کورانی دیدار ءَ مئے میتگ ءَ کیت۔ دل گل ءَ بال ات کہ ھما کمبر ءَ باندا من دیم پہ دیم گندگ ءَ اتاں کہ پیسر ءَ تھنا اکسانی تہ ءَ بچکندگ ءَ دیستگ ات۔

جی پہ کودکی کہ شپ ءِ وپسگ ءَ گوں ہرچی بے ھیال کتگ ات ءُ سھب ءَ بے سمائی ٹئیر ءُ چنگ زرتگ ات انت ءُ ٹئیر ءَ تاچان ءَ کور ءَ یلہ ات آں۔ دور چہ میتگ ءِ کنڈگ ءَ دو ورنا دیم پہ کور ءَ ایر کپاں ات انت ءُ گورم ءِ نیمگ ءَ پیداک ات انت کہ مئے میتگ ءَ سھبانی سر ءَ مردم جان ءِ شودگ ءَ ھمے کور ءِ گورمانی تہ ءَ کاینت۔ من چاران اتاں کہ نزیک ءَ آیان ات انت بلے من پجا آرگ اش نہ اتاں گڑا من وتی ھمراہ ءَ را گُشت کہ اے درامد انت بیا رویں چیر بیں بلے ما چو کت کہ رویں چیر بیں یکے ءَ گوں وتی دست ءَ مارا اشارہ کت کہ بہ اوشت ات۔ من کہ گوں ھورتی ءَ چار ات داں گُشے پورہ من دیستگ ءُ کمو کہ نزیکتر ءَ اتک داں اے ہما ورنا انت کہ بیٹک ءِ دیوال ءَ لگوکیں اکس ءِ تہ ءَ بچکندگ ءَ بوتگ بلے کمبر انگت ہما وڑ بچکندگ ءَ ات۔ ما تچان ءَ کِرے شُت ایں مارا امبازاں زُزت ئِے۔

لھتیں وھد ءَ پد من دگہ میتگے ءَ پہ وانگ ءَ شُت آں۔ مئے کرا ھال ءُ اھوالے آسراتی نیست ات کہ نہ زانت چی بوگ ءَ ایں چی نہ بوگ ءَ ایں۔ یکروچے چہ وانگ جاہ ءَ موکل کتگ ات ءُ راہ ءِ سر ءِ دکان ءَ پہ چیزے زورگ ءَ مانتر اتاں گڑا دکان ءَ گپ ات کہ کمبر ءُ الیاس نزر ءِ ژانگولیں جون مرگاپ ءَ کپتگ انت۔ برے برے وَسر ءَ پُریں آزمان کپ ایت۔ آزمان سر ءَ کپتگ ات ناکو ءِ لوگ ءِ تھنائیں کشک ات ءُ نئیکہ لوگ ءَ ہمسروکے ھست ات کہ وت ماں وت کسہ بیاریں ءُ وت ءَ را تسلہ بہ دے آں ۔ من بے چین اتاں تکانسر اتاں بلے انگت زانگ ءَ نہ اتاں کہ گوں کمبر ءَ چونیں سیادی یے۔ بلے زند ءِ تہ ءَ انچیں وھدے اتک من زانت کہ اے سیادی گلامی ءِ سیادی بوتگ میتگ ءُ ھلک پہ کمبر ءَ پمیشکا تکانسر بوتگ انت کہ کمبر پہ ھمیشاں سپر ءَ بوتگ، جھد ءَ بوتگ، آزار سگگ ءَ بوتگ داں شھید بوتگ۔ نو من زانت کہ راج کمبر ئیگ انت ءُ کمبر راج ئیگ انت۔

تربت ءَ بلوچ لبریشن آرمی ءِ مجید بریگیڈ ءِ اُرش ءِ نشانگ ءَ پاکستانی پوج ءِ مرتگین ءُ زدگ بیتگیں کارندہ ملٹری ھسپتال ءَ برگ بیتگ انت-

ڈسٹرکٹ ھیڈ کوارٹر ھسپتال تربت ءِ میڈیکل سپر انٹنڈنٹ ڈاکٹر اھمد بلوچ ءَ بی بی سی ءَ گوں گپ کنان ءَ گوشتگ ھسپتال ءَ بمب تراک ءَ مرتگین ھچ مردم آرگ نہ بیتگ انت – آئی ءِ گوشگ ات کہ ھسپتال ءَ بس یازدہ زدگ بیتگیں مردم آرگ بیتگ انت کہ درمانی بیتگ انت-

آئی ءَ گوشتگ زدگ بیتگیں مردمانی توک ءَ ایس ایس پی سیریس کرائمز انوسیٹیگیشن ونگ شال زوھیب مھسن ءُ آئی ءِ برات ءُ چار زھگ ءُ ڈرائیور ھوار انت-

دمگی مردمانی رد ءَ زدگ ءُ مرتگین درستیں کارندہ تربت ایف سی ھیڈکوارٹر ءَ برگ بیتگ انت-

چم دیستگیں مردمانی رد ءَ تراک ءَ پد پورسز ءَ دمگ انگیر کتگ ءُ ایمبولنسزاں ھوار گاڑیانی روگ ءُ آیگ بندات بیتگ-

زانگ بہ بیت گوستگیں بیگاہ ءَ تربت شھر ھشت کلو میٹر دو بھمن ءِ ھند ءَ پاکستانی پوج ءَ کاروانانی دروشم ءَ بروکیں بس فدائی اُرش ءِ نشانگ بیتگ ات- نشانگ بیتگیں بس سرجم ءَ تباہ بیتگ ءُ تراک پھازوکیں کارندھانی گاڑیاں ھم تاوان رس اتگ-

بلوچ لبریشن آرمی ءَ اُرش ءِ زمہ واری من اتگ –

بی ایل اے ءِ جارکش جیئند بلوچ ءَ رسانکدران دیم داتگیں درشان ءَ گوشتگ ات کہ گل ءِ فدائی یونٹ مجید بریگیڈ ءَ پاکستانی پوج ءِ سر ءَ وتکش اُرش کتگ چریشی ءِ آسر ءَ بازین کارندہ مرتگ ءُ زدگ بیتگ انت-

روکپتی بلوچستان ءَ سال دوھزار ءُ بیست ءُ چار ءَ تیل واپار ءَ بندوکیں مردمانی وئیلاں سال دوھزار ءُ بیست ءُ سَے ءَ چہ گیش اے نوکیں سال ءَ گندگ ءَ اتکگ کہ سال دوھزار ءُ بیست ءُ چار ءَ پنچ ءُ چار درسد گیشی اتکگ-

روکپتی بلوچستان ءَ سال دوھزار ءُ بیست چار ءَ پیش اتکگیں 228 وئیلانی توک ءَ 375 مردم بیران ءُ زدگ بیتگ انت-

سال دوھزار ءُ بیست ءُ چار ءَ روکپتی بلوچستان ءَ تیل کشانی سر ءَ تیرگواری ءُ آیانی تاچینگ ءَ گاڑیانی کپگ ءُ وئیلانی آماچ بوگ ءَ 50 مردم تیرانی زد ءَ اتکگ ءُ بیران بیتگ انت – ءُ 59 تیرگواری کنگ ءُ زدگ کنگ بیتگ اَنت-

سال دوھزار ءُ بیست ءُ چار ءَ ایرانی لشکر ءِ نیمگ ءَ گاڑیانی تاچینگ ءُ رند ءَ کپگ ءَ 190 مردم بیران ءُ 76 زدگ بیتگ اَنت-

سال دوھزار ءُ بیست ءُ چار ءَ یازدہ زھگ کشگ ءُ ھشت زدگ بیتگ انت، دو گیس ءِ آس ءَ گپتگ ءُ بیران بیتگ انت ءُ پنچ زدگ بیتگ انت ءُ ھشت تیل جاھاں آس کپتگ ءُ تاوان بیتگ اَنت-

بیست ءُ یک وئیل ٹولیانی تیرگواری ءَ وئیل پیش اتکگ انت ءُ یازدہ وئیلاں آیانی گاڑی دستیگ کنگ بیتگ انت ءُ ھشت تیل کش بندیگ کنگ بیتگ اَنت-

بیت کنت اے کچ ءُ کساسانی توک ءَ گیشتری اتکگ کن اَنت لس یکجاہ کتگیں اھوالانی اھوال انت-

کمبر پِگر ءُ سسّا ءِ ￵مانزمان اِنت 

نبشتہ کار: سنگین بلوچ

دی بلوچستان پوسٹ

ماہ ءُ سال گْوزان ءُ جنگ وتی سان ءَ پرّیچان اِنت، بلے کمبر تئی ھاریں پگر ءِ سان اَنگت ھست اِنت۔ انگت کیچ ءِ دگ ءُ دمکاں تئی آسریچ ءُ پنت چکاریں گْوشتانکانی توار جکسّگ ءَ اَنت۔ من ھر وھد ءَ ￴کہ کیچ  ءِ ￵مردُماں پہ گھگیری ءَ ￴گِنداں یا شھید پِدا چارراہ ءَ ￴لس مھلوکءِ ￵مُچّی ءَ ￴چم کپ اَنت، داں سما کناں تو ھمے مْیان ءَ ￴مردُمانی توک ءَ ساڑی ءُ ترا ￴پوسٹرے دست ءَ انت ￴جاک ءُ راجی آکبت سمبھینگ ءِ اُوگام ءَ جَنگ ءَ ￴ئِے۔ راج  ءَ ￴آگاہ کنگ ءَ ￴ئِے، ھلک ءُ ￶دیاراں جُمبینگ ءَ ￴ئِے دُرستیں راج تئی توار ءَ پاد اَتکگ وتی ھکّ ءُ ￶راہ ءِ ￵شوھاز ءَ ￴مُھکم بْوان اَنت تُرس مُرتگ، نوں کس ءَ ￴اے تُرس نہ اِنت کہ زوراک وتی پوست ءَ ￴لگوشیت یا ما کل آئی زَد ءَ ￴کا اِیں ھرکس تو گْوش ئے تُرس ءِ ￵نام ءَ ￴زانگ ءَ ￴نہ اِنت۔

پہ دُژمِن ءَ کست ءُ ￶کینگ ءِ ￵ھار ملّ اِتگ ءُ نوں بلوچ ءِ ￵دل ءُ ￶مجگاں تھنا جنگ ءِ آس جمبور ءُ ودّ اِتگ، کس ءَ ￴وتی مَرگ ءِ ￵تُرس لگور کنگ ءَ ￴نہ اِنت ھمے مْیان ءَ من مار اِت تئی پِگر، تئی سسّا جار جَنگ ءَ ￴اِنت ، بِلّے توری تو اِد ءَ ￴نہ ئِے بلے تئی ھما پُل کہ تو گوں وتی ھِنّی ئیں ھوناں کِشّ اِتگ اَت آئی ءَ نوں شاھڑ جتگ ءُ ￶رُستگ ءُ ￶تئی راج گوں وتی دستاں آئرا آپ دیگ ءَ ￴اِنت من ھمُک بلوچ ءِ ￵اندر ءَ ￴ترا سما کنگ ءَ ￴اِت آں۔ ھمُک چمّ سُھری ءُ ￶مورک ءِ ￵موجینگ مُلگِر ءِ ￵دیم ءَ ￴، دُژمن ءِ ￵نہ منّگ ءُ ￶آئی ءَ ￴اے باور دیگ کہ اے زمین تھنا بلوچانی ئیگ اِنت ءُ ￶اِد ءَ ￴پیسلہ ھم بلوچ کنت کہ کَے نِشت کنت ءُ ￶کَے درامدے اے کُلیں شے من ءَ گِندگ ءَ ￴پیداک اِت اَنت ءُ ￶باور کن من اے ھم سما کُت تو ھمے کُلانی نیام ءَ ￴بچکندگ ءَ ￴ئِے ءُ ￶سَک گَل ئِے کہ تئی جُھد بے مُز نہ بوتگ ۔

شال ءَ انگت تئی مُچّی ءُ روانکانی تاجگی ھست اَنت مَرگ شیدائی یے پہ زندمانی ءَ گْرانیں کِشکانی مساپراں پہ زندگی ءَ سپر ھِچّ مساپتاں پد کنز اِت نہ کنت تو ھما گْرانیں کشکانی مساپر اِت ئِے کہ پہ زمین ءُ ￶زمان ءِ ￵آجوئی ءَ، ￴پہ وتی راج ءِ ￵درد ءُ ￶رنجاں ￴مُدامی دارو ءِ پیم ءَ ￴درمان اِت ئِے جاھے مردُم چِست بوتگ ءَ ￴گڑا تئی توار بُرز اَت، جاھے وانگ ءِ ￵جیڑہ بوت تو ھمتوار اِت ئِے، گوں وتی مکتب ءِ ￵ھمراھاں ھر کُجا ھمُک دمک ءُ ￶آبشاراں تئی ساوڑیں پِگر رھشُونی کنگ ءَ ￴اَت بلوچستان شھدربرجاہ بِہ بیت یا گار ءُ ￶بیگواھانی بُنجل بِہ بیت ھر کُجا کہ بلوچے پہ وتی ھکّاں در اَتگ ھمود ءَ کہ ماتے وتی چُکّ ءِ ￵اکس ءَ ￴دِل ءَ ￴لتاران ءُ ￶گریوگ ءَ ￴اِنت، گْوانزگی تِپلے پِت ءِ ￵ودار ءَ ￴رھسراں سربتگ اِنت کاڑے کہ مُراداں پیسر جنوزام اِنت آجزیں مردے گوں اِسپیتیں ریشاں گیمُرتگ ءُ ￶نُکّ ءُ نادوک ءَ ￴ھُشک اِنت دِشتارے کہ اَچ دور ءَ ￴نودگ ءَ اِنت پہ وتی واھگاں کہ آسرے چے بیت اے زندمان ءِ ￵کِہ بُنگیج بوَگ ءَ ￴ساری ھاکاں ھوار بوت۔

جنینے ￵پہ جود ءِ ￵ودار ءَ ھمروچ زھگاں سھڑین اِیت ￴نوک سوریں کاڑے گیمرتگ ءُ ￶جیڑگ ءَ ￴اِنت پہ وشیں زندمان ءَ کہ وشّ بوَگ ءَ ￴ساری سُتک ءُ ￶پلار بوت اِے کُلیں نِدارگانی اندر ءَ ￴تئی ھما چِراگ ءِ ￵وٹ انگت نہ ھلّ اِتگ اَت، انگت سُچان ءُ ￶ھلک ءُ ￶میتگاں رُژنا کنان اَت ھمُک ماتے تئی نام ءَ ￴پہ پھرے زورگ ءَ ￴اَت ءُ ￶وتی زھگاں پہ شانے پنت دیگ ءَ ￴اِتاں کہ کمبر تھنا نامے نہ بوتگ، بلکیں سرجم ءُ ￶برجمیں کِردے بوتگ ءُ ￶شُمارا ھم ما تھنا پہ نام کمبر نہ کُتگ، شُمارا کمبریں بچّے بوَگی اِنت۔

تئی پگر چو گْواڑگ ءَ آتاران اِنت مرچی انگت ھما دور اِنت انگت مرچی بلوچ ورنا آوار جَنَگ بوَگ ءَ اَنت ، کُشگ ءُ گیاباناں دَور دیگ بوَگ ءَ اَنت کمبر زامران ءِ کوہ ءُ گَر بہ بنت یا شال ءُ کیچ ءِ دمک دْراہ تئی رنگ ءَ جن اَنت انگت تئی گْوشتانکانی توار بلوچستان ءِ کوچگ ءُ کوھاں اَنت اے تئی پگر ءِ ￵ساچانیں جمبر اِنت کہ مرچی مئے سر ءَ ساھیل اِنت۔ ھمُک ورنا پھر بند اِیت ءُ ھمُک مات کہ وتی زھگاں پہ تئی نام ءَ توار جنت کہ تو کمبر سلیمان ءِ اَھد ءُ دَور نوک کُتگ۔

کمبر چاکر ءِ سپر 10 جولائی 2008 ءَ بندات بوتگ اَت کہ آئی ءَ گوں ھمراھاں بلوچستان یونیورسٹی آف انفارمیشن ٹیکنالوجی اینڈ مینجمنٹ سائنسز ءَ ھرتال کُتگ ات۔ آھاں داکِلہ ءِ شوندات ءِ سرءَ زھرشانی کُتگ اَت کہ کوئٹہ ءِ نخبہ نودربراں وتی پلّامُرز کنت ءُ ھاشیہ (حاشیہ) ءِ دمگاں زیان ءِ آماچ کنت۔ اگاں یونیورسٹی ءَ میرٹ ءُ نِزام ءِ داوا کُتگ اَت، بلے بھار 2008 ءِ داکَلہ ءِ تہ ءَ ایوک ءَ نُھ درسد بلوچ نودربر بوتگ اَنت کہ اے گپّ ءَ چہ تالیمی نابرابری ءِ منّانک ءَ گیشتر مھکم بوتگ۔ روچ ءِ روچگ ءَ پد ھرتال ھما وھد ءَ آسر بوت کہ بلوچستان اسمبلی ءِ اسپیکر اسلم بھوتانی ءَ داکِلہ ءِ جیڑھانی گیش ءُ گیوار ءِ ھاتر ءَ کمیٹی جوڑ کنگ ءِ وادہ کُت، پد ءَ ھم شوندات ھما وڑ ءَ بوت۔ بلوچ اسٹوڈنٹس آرگنائزیشن آزاد ءِ باسک ءِ بستار ءَ کمبر ءَ آوار جَنگ ءُ ٹارچر دیستگ اَت ، آئی ءِ اولی آوار جَنگ 2009 ءَ بوتگ اَت۔ گمناکیں گپّ اِیش انت کہ آ جنوری 2011 ءَ اِھوالکار الیاس نِزر بلوچ ءِ ھمراھی ءَ شھید کنگ بوت۔

ھمے دیمونی ءِ پُژدر ءَ کمبرو تئی ءُ تئی ھمراھانی گچینیں کِشک مئے منزل ءُ راہ اِنت تئی جوزگ ھرچ ورنا ءِ دلان اِنت۔ تو بلوچستان ءِ کندیل ئِے، چہ تئی نام ءَ ورنا جاه آرگ بنت۔ کمبر تئی پگر ءُ سسّا ءَ مرچی بلوچستان ءِ ورناھاناں توانگر کُتگ۔ ھندوستان ءِ ھاک ءَ بگت سِنگے ودی کُتگ پہ وتی ورناھاں بلوچستان ءَ چو کمبر ءَ دگہ ھزاراں ورنا ودی کُتگ ءُ کنگ ءَ اِنت کہ ھمروچ پہ زمین ءِ ￵ھاک ءَ ￴کُربان بوَگ ءَ ￴اَنت۔ جاھے وتی ھون ءَ ￴زمین ءِ ￵کوہ ءُ ￶کوچگاں ريچ اَنت گوں مُلگِر  ءَ ￴دیم پہ دیم بنت ءُ ￶تیراں ماں سینگاں ایر دے اَنت، گوں تمردیں جوزگ ءَ پہ مردی وشبوئیں ھاک ءِ ￵ھکّ ءَ ￴اَدا کن اَنت ءُ ￶مُدامی نمیران بنت۔ ￶جاھے جونانی ٹُکّراں کس دیست نہ کنت  کہ چونی ءَ ￴زمین ءِ ￵گْوات ءِ ￵ھمراھی ءَ ￴ابدمان بنت ءُ ￶چو بالو  ءَ ￴مُدامی بال اَنت ءُ ￶آھانی وشبو ڈیھ ءِ توامیں کوچگ ءُ ￶وڈّاں آتار اِیت۔

جاھے جنین  ءِ ￵وتی چُکاں چے شموشکار بیت  ءُ ￶تھنا جیڑ اِیت پہ زمین  ءُ ￶برے دشتارے وتی دوستدار  ءِ  ھمراہ مُدامی بیت  ءُ ￶اَچ ماں گِستا بیت  ءُ ￶تھنا آئی کِرد مان اِیت کِہ چون مِھر انسان  ءَ ￴کِہ گوں کسے بِہ بیت آئی ھمُک پیسلہ منّگ بیت  ءُ ￶دوستدار ءَ ￴گوں کتگیں وادہ ءِ ￵سرجمی ءَ ￴داں سپر برجاہ بیت اشک زمین  ءِ ￵انسان انچُش کنت کِہ انسان نہ جیڑ اِیت پہ ھِچّ کمبر ترا چے پِد ھزار کمبر ماتاں ھمے زمین  ءِ ￵باندات ءِ دیمپان کُتگ  ءُ ￶دیمتر ءَ ￴ھم کن اَنت تو کِشک اِت ئِے ءُ ￶تئی رندگیر باز اَنت ءُ ￶ھمروچی ئیں ھساب  ءَ ￴گیش بْوان اَنت۔ اے کمبریں ھار ءِ دیم ءَ بدواہ کدی داشت نہ کنت۔

اِے کُلیں درور کِہ من دیگ ءَ ￴آں ءُ ￶زمین ءِ ￵مِھر ءِ ￵کسّھاں کنگ  ءَ ￴آں من پھر بنداں کِہ تو گوں کسانیں بالاد ءَ ￴وتی راج ءَ ￴را کِشک پیش داشت  ءُ ￶رپت ئے بِہ گِندئے ترا چے پَد شائستہ  ءَ ￴ کمبر نامیں بچے نہ بوت  ءُ ￶آ مُدامی تئی دوری ءَ ￴وتی دِل ءَ ￴لگاش اِیت بَلے من سدّکاں کِہ ھرکُجا تئی نام پہ پھرے گِرَگ بیت تَہ تئی مات ترا پہ ناز گیر کاریت ءُ ￶دل ءَ ￴جزم گُش اِیت کِہ منی بچ تھنا نامے نہ اَت آ پہ ھرکس  ءَ ￴درور  ءُ ￶مسالے پھریگ بیت کِہ کمبر کشکے اَت کِہ نوں آئی مساپر ایوک  ءَ ￴منی کمبر نہ اَت ۔